Қанипа Бітібаева - жаңашыл ұстаз

Жұмыс түрі: Реферат
Тегін: Антиплагиат
Көлемі: 9 бет
Таңдаулыға:

Есік гуманитарлық - экономикалық колледжі

Реферат

Тақырыбы: Қанипа Бітібаева - жаңашыл ұстаз

Орындаған: Нурболат Ақбота

Тексерген: Рашева Жанар

2019 - 2020 оқу жылы

Мазмұны:

Кіріспе . . .

Негізгі бөлім

Қанипа Бітібаеваның педагогикалық еңбек өтілі . . .

Хан апаның өмірі мен жетістіктері . . .

Ұстаздардың ұстазы болған Қанипа . . .

Қорытынды бөлім . . .

Кіріспе

Ұрпақтардың сапалы білім, саналы тәрбие алуына қазақ сөз өнерін оқытатын ұстаздардың қызметі айрықша бағалылығымен ерекшеленеді. Тәуелсіз Қазақстандағы ұлттық сөз өнерін оқыту мен жас ұрпақты тәрбиелеу жұмыстарын тұтастыра жүргізудің үздігі атанған Қанипа Омарғалиқызы Бітібаеваның ұлағаты қазіргі республика ұстаздарына өнеге-үлгі мектебі болып отыр. Қанипа - өткір ойы, батыл пікірі, оқу тәрбие процесін жетілдіруде тың серпіні бар, шығармашылық зертханасы қалыптасқан өте іскер жаңашыл мұғалім.
Қанипа Бітібаева - оқыту процесінде баланың рухани жан-дүниесін, ой еңбегінің күрделі процесінің заңдылықтарын, жеке адамның қалыптасу ерекшеліктерін зерттеуші ұстаз. Жаңашыл ұстаз, есімі аңызға айналған Қ. Бітібаеваның пайымдауынша : «Технология бір диагностиканы басшылыққа алған, жеке тұлғаға қарай бағытталған мақсатты, сапалы оқу әрекетін ұйымдастыру.

Қанипа Бітібаева - Қазақстанның еңбек сіңірген мұғалімі, КСРО Мемлекеттік сыйлығының лауреаты, қазақ мектептерінде әдебиетті оқытудың жаңа жүйесін қалыптастырған ұстаздардың бірі. 1991 жылы 19 мамырда Қанипа Бітібаеваның ғылыми әдістемелік атаулы мектебі ашылып, оның жетекшілігімен ұстаздар "Әдебиетті тереңдетіп оқыту әдістемесін" жетілдіруге ат салысуда. Қ. Омарғалиқызы 70-тен аса мақала мен 23 кітаптың және оқулықтардың авторы. Оның "Қазақ әдебиетін оқыту әдістемесі мен технологиясы" атты оқулығында лириканы, эпикалық шығармаларды, драмалық шығармаларды жаңа технологиялармен оқыту жолдары баяндалған. Абай, Мұқағали лирикаларын меңгерудің жолдары тақырыпқа қатысты сабақ еткізудің технологиялық картасы, поэтикалық талдаулардың үлгілері, шығармашылық жұмыстар берілген. Мысалы, жыраулар поэзиясына 40 түрлі тапсырма түрінің берілуі оқушылардың шығармашылық қабілетін дамытады. Эпикалық жанрды меңгертуге қатысты әңгіме, хикаят, роман, жанрларын оқытудың ғылыми-теориялық негізі және сабақ үлгілері бірге ұсынылған. Сонымен қатар, "Абай жолы" эпопеясын оқыту технологиясы мен әдістемесі де жан-жақты сөз болады. Батырлар жырын публицистикалық шығармаларды, эпистолярлық жанрды оқыту әдістері берілген. Әсіресе, дамыта оқыту технологиясына сүйене отырып, оқушыларды ғылыми еңбекке баулу мәселелері, дарынды балалардың қабілетін жетілдіру, әдіс-тәсілдері де осы оқулықта көп жазылған. Ұстаздың Абай туындыларын оқытуға негізделген екі кітабы, Мұхтар Әуезов шығармаларын оқытуға бағытталған үш кітабы іргелі еңбектер қатарын молайтты.

Мұғалімдер көп болғанымен, нағыз ұстаз деген атауға ие боларлық адамдар санаулы ғана. Ал, нағыз ұстаз есіміне лайық жандардың бірі - Шығыс Қазақстан облысының орталығында орналасқан Жамбыл атындағы мектеп-гимназияның қазақ тілі мен әдебиеті пәнінің оқытушысы Қанипа Бітібаева.

«Алты алаштың басы қосылса, төрдегі орын мұғалімдердікі» деген сөзді Мағжан Жұмабаев тегін айтпаған. Өз ісіне жан-тәнімен берілген, бүкіл ғұмырын қасиетті қазақ тілін дамытуға арнаған, әдебиеттің арын қорғап, намысын жыртуға жұмсаған қайталанбас тұлға «Қазақтың Хан-апасы» атанған ардақты да аяулы ұстаз, жаңашыл тәлімгер, қайтпас, қайсар, қажырлы қайратты Қанипа Бітібаеваға арналады.

Негізгі бөлім

Хан апаның өмірі мен жетістіктері

Қазақстан Республикасының еңбек сіңірген ұстазы, «Құрмет» орденінің кавалері - Битибаева Канипа 1945 жылдың 1 мамырында Шығыс Қазақстан облысының Тарбағатай ауданында дүниеге келген.

Қазақстан жеріндегі көптеген ғылым ошақтарының құрметті профессоры атанған. Қазақстан Республикасы Педагогикалық ғылымдар академиясының құрметті академигі болған.
Білім және ғылым саласындағы еңбек жетістіктері үшін «Қазақстан Республикасының білім беру ісінің құрметті қызметкері», «Қазақстан Республикасының еңбек сіңірген мұғалімі», «Ы. Алтынсарин» төсбелгілерімен марапатталған. Шығыс Қазақстан облысы, Тарбағатай ауданының Құрметті азаматы атанған.
Қанипа Омарғалиқызы ғылыми өмірі барысында 150-ден астам ғылыми-әдістемелік мамақаларды, 41 кітапты, 10 естелікті жарыққа шығарып үлгерген. 2013 жыл - Шығыс Қазақстан облысындағы Битибаева Канипа жылы болып аталып өткізілген.
Қазақ педагогикасының аңызына айналған тұлға - Канипа Омарғалиқызы 2014 жылы дүние салған. Болашақ ұрпақты даярлау мақсатында сапалы білім беру ісіне бүкіл өмірін арнаған Қазақстанның еңбегі сіңген ұстаз қыздарының бірі.

Мемлекеттік марапаттары

Қазақ КСР Жоғарғы Кеңесінің құрмет грамотасы
Қазақ КСР халық ағарту ісінің үздігі
КСРО халық ағарту ісінің үздігі
Бүкілодақтық Крупская медалі
Қазақстан Білім Беру ісінің Құрметті қызыметкері (құрметті атағы) ;
ҚР Білім беру ісінің үздігі
1990 жылы Мәскеуде КСРО Мемлекеттік сыйлығын алды.
1993 жылы Қазақстан Республикасының Еңбек сіңірген мұғалімі (құрметті атағы) .
2004 жылы Елбасының жарлығымен жоғарғы мемлекеттік марапат Құрмет орденімен марапатталды.
2011 жылы «Қазақстан Республикасының тәуелсіздігіне 20 жыл» мерекелік медалінің иегері.
2013 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталды.
АҚШ-тағы Аризона штаты, Тусон қаласының Құрметті азаматы.
Шығыс Қазақстан облысының құрметті азаматы.
Тарбағатай ауданының құрметті азаматы.
Маңғол Халықтық Республикасының "Даңқты ұстаз" алтын Орденінің иегері.
Ыбырай Алтынсарин медалінің иегері.
«Еңбек ардагері» медалінің иегері.
«Бейбітшілік әлемі» Халықаралық Қазақ Творчестволық Бірлестігінің «Лидер образования» медалінің иегері.