Суспензиялардың жіктелуі

Жұмыс түрі: Реферат
Тегін: Антиплагиат
Көлемі: 8 бет
Таңдаулыға:

РЕФЕРАТ

Тақырыбы: Суспензиялық дәрілік нысандар. Суспензиялар дайындаудың дисперсиялық әдісі.

Жоспары:
I. Кіріспе
Суспензиялар
Артықшылықтары мен кемшіліктері
II. Негізгі бөлім
Суспензияның түзілу жағдайлары
Суспензияға қойылатын талаптар
Суспензиялар дайындаудың дисперсиялық әдісі
Суспензиялардың жіктелуі
III. Қорытынды
IV. Пайдаланылған әдебиеттер

Суспензия - сұйық дисперстік ортада ерімейтін қатты дисперстік фазадан тұратын ішуге, сыртқа, шаншуға қолданылатын микрогеторегенді сұйық дәрілік түр.
Артықшылықтары: суспензия түрінде еріткіштерде ерімейтін дәрілік заттарды босатуға болады, әсер ету эффективтілігі бойынша суспензиялар ерітінділер мен майда ұнтақтар арасынан орын алады. Ұнтақтармен салыстырғанда суспензиялардағы бөлшектердің жоғары дисперстілігінен дәрілік заттар тез терапевтік әсер көрсетеді. Суда ерітілген дәрілік заттардың сулы ерітінділері ағзадан тез шығарылады, ал суспензиялар ұзақ әсер етеді.
Кемшіліктері: Технологиясы қиын, тұрақсыз, сақтау мерзімі қысқа дәл дозаланбайды.
Сондықтан суспензия түрінде улы және күшті әсер ететін дәрілік заттарды босату мүмкіндігі жоқ.
Суспензияның түзілу жағдайлары:
-дәрілік түр құрамына дисперстік ортада ерімейтін заттар енгенде (күкірт, камфора, ментол, мырыш тотығы және т.б. - суспензия физикалық әдіспен дайындалады);
- егер дәрілік заттың мөлшері ерігіштік шекарасынан асып кетсе, мысалы, бор қышқылының мөлшері 5%-дан, натрий гидрокарбонатының мөлшері 8%-дан артық концентрацияда жазылса (суспензиялар физика-химиялық әдіспен дайындалады);
- еріткішті алмастырғанда суспензияның түзілуі. Мысалы, егер сулы ерітіндіге спиртті ерітінді (галенді және жаңа галенді препараттар) қосылса, дәрілік заттың ерігіштік қабілеті төмендеп, ол тұнбаға түседі (физика-химиялық әдіс). Сондықтан микстураларды суспензиялардың жеке бір тобы деп санауға болады;
- жеке еритін дәрілік заттарды бір дисперстік ортада еріткен кезде, олар әрекеттесіп ерімейтін қоспа түзіледі (химиялық әдіс).
Суспензияларға қойылатын талаптар: бөлшектердің өлшемдері 50-100 мкм болуы, суспензиялар термодинамикалық тұрақты болуы керек, ол дәрілік заттың жеткілікті дәл дозалауын қамтамасыз етеді.
Ресуспендирлену қасиетін - суспензияны қатты шайқау жолымен анықтайды. 24 сағат сақталған суспензияны 15-20 секунд шайқағаннан соң, ал 3 тәулік сақталған суспензияны 40-60 секунд шайқағаннан соң бөлшектері дисперстік ортада біртекті таралуын ресуспендирлену деп атайды.
ҚР ДСМ 19.11.2009ж. №747 "Дәрілік препараттарды және медициналық мақсатта қолданылатын құралдарды дайындау ережелері туралы" бұйрығына сәйкес суспензиялар дисперстік фазаның концентрациясы 3% төмен және дисперстік ортаның табиғатына (сулы, спиртті-сулы) байланыссыз салмақ-көлемдік әдіспен дайындалады. Дисперстік фазаның концентрациясы 3% және одан жоғары болса, суспензиялар салмақтық әдіспен дайындалады.
Суспензияларды түссіз құтыда босатады. Ескерту: Қолданар алдында шайқа этикеткасымен безендіріледі.
Суспензиялар 2 әдіспен дайындалады: дисперсиялық, конденсациялық.
Дисперсиялық тәсілдің мәні механикалық диспергирлеу, ерімейтін ірі заттарды сұйық ортада майдалау процессі.
Технологиясы келесі сатылардан тұрады: дисперстік фазаны майдалау (дәрілік зат), дисперстік ортаға енгізу (еріткішпен араластыру), тығындау және безендіру.Сүзу немесе фильтрлеу сатысы жүргізілмейді.
I-ші сатысы. Майдалау.
Дисперсиялық тәсілде пульпа алу қажет. Ол үшін дәрілік затты судың аз мөлшерімен ысқылайды. Ысқылау кезінде дәрілік заттың бетінде микрожарықтар түзіледі, микрожарықтарға су кіреді де ажыратқыш әсер көрсетеді, бөлшектер майдаланады. Академик Б.В.Дерягин, сұйық ортада 1 г қатты затқа 0,4-0,6 мл су қосқанда, диспергирлеу эффектісі байқалатындығын дәлелдеді. Осы қатынас Дерягин ережесі деп аталады.
Қосымша сұйықтықты енгізу Ребиндер эффектісіне негізделген.Зат бөлшектерінің жарықтары бар, оларға сұйықтық енеді. Бұл жағдайда бөлшекке айыру және жиыстыру (Лаплас бойынша) қысымдар әсер етеді. Айыру қысымы жиыстыру қысымынан жоғары болғанда, майдалау процессі жүреді.
Есептелген ерімейтін зат мөлшерін келіге салып, заттың жартысындай мөлшерде су қосып, келіде майдалайды. Майдалау жеке бөлшектер қарусыз көзге көрінбегенге дейін жүргізіледі.
II-ші сатысы. Араластыру.
Дисперстік ортамен араластыру үшін, лайлау тәсілін қолданады. Майдаланған жұқа пульпаға 5-10 есе мөлшерде су қосады, мұқият араластырады. Қоспаны 1-2 минутқа тұндырады, жүйе екі қабатқа бөлінеді: ірі дисперсті және майда дисперсті. Ірі, жеткіліксіз диспергирленген бөлшектер тез тұнады, ал майда бөлшектер қалқыған күйінде қалады.
Суспензияның майда дисперсті қабатын босататын құтыға құяды, қалған тұнбаны қайтадан осындай көлемдегі сұйықтықпен ысқылайды. Тұндырады. Тағы да беткі қабатын құтыға бөліп алады. Осындай операция тұнба түгелімен лайлы күйге өткенше жүргізіледі.
III-ші сатысы. Орамдау және безендіру.
Суспензияларды орамдау және безендіру ингредиенттердің физика-химиялық қасиеттеріне байланысты жүргізіледі. Суспензиялар сыйымдылығы сұйықтықтың көлеміне сай келетін түссіз құтыда босатылады. Құтыны полиэтилен тығынымен және бұралып жабылатын қақпақпен жабдықтайды. Құты Ішке немесе Сырт тәнге негізгі және ескерту Қолданар алдында шайқа, Салқын жерде сақта деген этикеткаларымен безендіріледі (ҚР ДСМ 26.08.93 № 90-П бұйрығына сәйкес).
Дерягин ережесін және лайлау тәсілін осы дәрілік түрдің технологиясында қолдану, жұқа дисперсті суспензия алуға мүмкіндік береді. Сонда: суспензияның тұрақтылығы артады, дәл дозалануықамтамасыз етіледі, дәрілердің ағзаға сіңірілуі және терапевтік әсері артады.
Суспензиялардың жіктелуі:
Құрамына және дайындау тәсіліне байланысты суспензиялар: Ірі суспензиялар ... жалғасы

Сіз бұл жұмысты біздің қосымшамыз арқылы толығымен тегін көре аласыз.