Қазақстан Республикасында білім беруді дамытудың мемлекеттік бағдарламасы

Жұмыс түрі: Реферат
Тегін: Антиплагиат
Көлемі: 11 бет
Таңдаулыға:

Қазақстан Республикасы Білім және Ғылым министрлігі

РЕФЕРАТ
Тақырыбы: "Мемлекеттік бағдарламалар - Қазақстанның болашақ дамуының кепілі "

Орындаған:Қапал Аяжан
Қабылдаған: Альдибаева А

Мемлекетгік бағдарлама -- бүл əлеуметтíк-экономикалык даму саласындағы мемлекетгік саясаттьщ басымдықтары мен мíндеттерíне колжеткíзудí қамтамасыз ететíн шаралар мен ережелердщ жүйесг Ол кіші бағдарламалар мен мақсатты бағдарламалардан түрады, олар, өз кезегінде, ведомстволык максатты бағдарламалар мен негізгі кызмет түрлеріне бөлінеді жəне мемлекеттік (муниципалдык) міндеттер шеңберінде жүзеге асырылатын накты іс-шаралар түрінде іске асырылады. Бағдарламаның кіші бағдарламаларға бөлінуі мемлекеттік бағдарлама аясында аткарылатын міндеттердің масштабы мен күрделілігіне негізделеді.
Бюджет жүйесі дамыған елдердің тәжірибесі көрсеткендей, бюджеттік жоспарлаудың бағдарламалық-мақсатты əдíсíн кеңінен қолдану бюджеттік ресурстарды басқарудағы икемділікті арттырады, шығындарды азайтады, мемлекеттік қызметтердщ тиімділігін арттырады, жеке аумақтардың экономикалық дамуын теңестіру қүралы болып табылады, сондай-ақ бюджеттің ашықтығын қамтамасыз етеді.
Президенттің бастамасымен жүзеге асырылған мемлекеттік бағдарламалардың бірі - 1997 жылдың 10 қазанында жарияланған Қазақстан-2030 Стратегиясы. Алғашында оны жүзеге асырудың түрлі қағидаларына назар аударылып, еліміздің жүріп өткен жолдарына терең талдаулар жасалып, болашаққа қарай маңызды стратегиялық міндеттер қойылды. Жалпы, мемлекеттік бағдарламалар не берді, ел үкіметі не тындырды. Соның бір-нешеуіне нақты тоқталып, нақты деректермен мысалдар келтіруді жөн санадық.
Елбасының бастамасымен жаряиланған мемлекеттік бағдарламалар 2009-2010 жылдардан нақты іске асырыла бастады. Үдемелі индустриялық саланы жаңғырту, шағын және орта бизнесті дамыту, ауыл шаруашылын көтеру, білім мен мәдениетті көтеру және ауыл жастарына қолдау көрсету секілді ісшаралардың барлығы осы бағдарламалардың аясында жүзеге асқаны баршамызға мәлім. Енді осы бағдарламаларға жеке-жеке тоқталып, Павлодар облысында және республикада қандай нақты істер атқарылғанын сөз етейік. Мәселен, Жұмыспен қамтудың жол картасы 2020 бағдарламасының бірінші кезеңі 2013-2015 жылдарға жоспарланды. Мақсаты: Ел тұрғындарын әсіресе, ауылдағы ағайындарды жұмыспен тұрақты және нәтижелi қамту , жұмыссыздық деңгейінің өсуін төмендету және халықтың әл-ауқатын арттыруға жәрдемдесу. Осы бағдарлама арқылы ауыл ағайындарына айтарлықтай мол жағдай жасалды. Еңбек етуге ынталы жастар өз армандарына қол жетізді. Атап айтар болсақ, осы жылдың тамыз айындағы мәлімет бойынша Павлодар облысыда бағдарламаның бірінші бағыты бойынша инфрақұрылымды және тұрғын үй-коммуналдық шаруашылықты дамытуға республикалық бюджеттен 789,1 млн. теңге (соның ішінде 2014 жылғы 4 дәрігерлік амбулаторияның құрылысына - 146,9 млн. теңге) бөлінді. 594 жұмыс орнын ашуына байланысты 39 жоба бекітілді, соның ішінде 298 ЖҚ 2020 ЖК қатысушыларына берілді. Жөндеу жұмыстары 33 жоба бойынша жүргізілуде, 14 жоба аяқталды. Қаржыландыру жоспарына сәйкес 332,4 млн. теңге бөлініп игерілді. Сондай-ақ, 514 адам жұмысқа орналастырылды.
Денсаулық саласы бойынша жүргізілген Саламатты Қазақстан бағдарламасы да өз тиімділігін берді. 2011-2015 жылдарға арналған мемлекеттік бағдарламаның аяқталуына аз уақыт қалды. Халықтың денсаулығын жақсартуға сондай-ақ, халықтың әлеуметтік-демографиялық дамуын қамтамасыз етуге бағытталған бұл реформа бойынша бес жылда көп іс тындырылды. Дүниежүзілік денсаулық сақтау ұйымының бағалау индикаторы бойынша соңғы бірнеше жылда отандық медицинаның қарқынды дамып келе жатқаны байқалады. Бұл - Саламатты Қазақстан бағдарламасының жемісі, дейді сала мамандары. Елбасы бастамасымен жүзеге асырылған бірегей халықтық жобаның нәтижесінде елімізде жаңа туылған нәрестелердің шетінеуі 40%-ға, ана өлімі 2 есеге азайды. Туберкулезден қайтыс болғандар саны да 2,5 есе кеміді. Сондай-ақ, жүрек-қан тамырлары аурулары және өзге де қауіпті сырқат түрлері бойынша өлім-жітім көрсеткіші айтарлықтай төмендеді. Павлодар қаласындағы облыстық кардиологиялық орталықта бір жылдың ішінде 3 мыңға жуық науқастың жүрегіне ота жасалуда. Облыстық денсаулық сақтау басқарма-сының басшысы Нұрлан Қасымовтың айтуынша, былтыр 400 миллионнан астам теңгеге 231 құрал-жабдық бірлігі сатып алынған. Мұның бәрі халық денсаулығы үшін жасалған Елбасы Нұрсұлтан Назарбаевтың көрегендігі және оның тапсырмаларын жүйел түрде жүзеге асыруға бағытталған ҚР Денсаулық сақтау және әлеуметтік даму министрлігі тарапынан атқарылған зор жауапкершілікті істің жемісі. Қазақта: Денсаулық - зор байлық деген қанатты сөз бар. Көреген де кемеңгер басшымыз осы халық нақылының қандай өзекті екенін іс жүзінде көрсетіп берді. Осының барлығы ұлттың амандығы, елдің салауатты өмір салты үшін жасалған батыл да байыпты қадамдар. Әрине, қз жемісін берді, бағдарламаның игілігін ел көрді.
Енді шағын және орта бизнесті, соның ішінде қазақтың ата кәсібі болған мал шаруашылығы саласын дамытуға арнаған жобаларға тоқталайық. 2011 жылы бастау алған Сыбаға бағдарламасы ел көлемінде өте сәтті жүргізіліп, қазақ төрт түлігінің сапасын арттырып, санын өсіру бағытында жұмыс атқарылды. ҚР Ауыл шаруашылығы министрлігінің жоспарына сәйкес, 2014 жылы 50 мың бас ІҚМ сатып алу жоспарланғанымен, ауыл шаруашылғы тауар өндірушілері өткен жылы Корпорация қаржысына 53 мың 800 бастан аса ІҚМ сатып алды. Яғни, артығымен орындалан. Бүгінгі таңда аталған бағдарлама Алматы, Қарағанды, Оңтүстік Қазақстан, Шығыс Қазақстан, Батыс Қазақстан және Павлодар, Қостанай облыстарында жүйелі жүргізілуде. 2012 жылдан бастап, Сыбаға бағдарламасы бойынша қаржыландыру несие серіктестіктері жүйесі арқылы да жүзеге аса бастады. Өткен жылы несие серіктестіктерінің қатысушыларына 2 млрд. теңгеден аса қаржы бөлініп, оған 10 мыңнан аса ІҚМ сатып алынды. Корпорация Сыбаға бағдарламасы басталғалы бері 27,8 млрд. теңгеге 1972 жобаны қаржыландырылып, оған 147 мыңнан аса ірі қара мал сатып алынды. Бұл бағдарламаны Павлодар облысының шаруалары да өте сәтті пайдаланды. Биылғы жыл соңына дейін 4 мың бас ірі қара мал сатып алу жүктелді. Мамандардың сөзінше, Ертістің Павлодар өңірі діттеген межені еш қиындықсыз бағындырған. Бұл Н.Назарбаевтың бастамасымен жүргізілген әлеуметтік саясаттың, мемлекеттік жобалардың бір парасы ғана. Жалпы, Елбасы осы жобаларды қолға алып, халыққа жариялған кезде оған қарсы келіп, барлығының сәтті іске асырылуына күмән келтірушілер де көп болды. Бірақ, Елбасымыз өзінің бастамасының барлығының соңы зор жетістікпен аяқталарын, сәтті жүзеге асыра алатынын еліміздің алдында, және әлем елдерінің алдында айқын дәлелдеп берді. Егер, мемлекет басшысының әр ісіне сеніммен қарап, баршамыз бір кісідей жұмыла қолдау көрсететін болсақ, бұдан да зор істерді атқара алады екенбіз. Осылайша, әлемді сескендірген қаржылық дағдарыстардан қиындықсыз өтетінімізге сенуіміз керек.
50 жылдан астам тарихы бар шетелдік тәжірибеде мемлекеттік бағдарламаларды бағалаудағы маңызды мəселелер мыналар:
бағдарламаларды іске асыратын лауазымды түлғалардың жауапкершілік деңгейі мен беделін арттыру;
ресурстарды пайдаланудың есептілігі мен тиімділігін арттыру;
əрбíр іске асырылған бағдарламаны бағалауға мүмкіндік беретін бюджетте нақты көрсеткіштердің болуы;
мемлекеттік бағдарламалардың тиімділігін бағалау үшін индикаторлар жүйесін күру үдерісі үш позиция бойынша жүзеге асырылады: азамат, түтынушы, салык төлеуші;
мемлекеттік бағдарламаларды бағалауға сырткы сарапшыларды тарту.
Қазақстан Республикасының 2025 жылға дейінгі Стратегиялық даму жоспары
Қазақстан Республикасының 2025 жылға дейінгі стратегиялық даму жоспары Қазақстан Республикасы Президентінің 2018 жылғы 15 ақпандағы № 636 Жарлығымен бекітілген.
Қазақстан Республикасының 2025 жылға дейінгі стратегиялық даму жоспары орта мерзімді кезеңге арналған мемлекеттік жоспарлау жүйесінің құжаты болып табылады және ол Қазақстанның 2050 жылға дейінгі ұзақ мерзімді даму стратегиясын іске асыру үшін әзірленді.
2025 жылға дейінгі Стратегиялық жоспар Мемлекет басшысы 2017 жылдың басында жариялаған елдің Үшінші жаңғыру процестерін іске қосады және жеделдетілген сапалы экономикалық өсу мен елдегі өмір сүру деңгейін арттыру жөніндегі міндеттерді қойып отыр.
2025 жылға дейінгі Стратегиялық жоспар Қазақстан Республикасының 2020 жылға дейінгі Стратегиялық даму жоспарын алмастырады, ол жаһандық қаржы дағдарысының салдарын бәсеңдетті және экономиканың әртараптандырылған тұрақты өсуіне көшуді жеделдетті. 2020 жылға дейінгі Стратегиялық жоспардың негізгі міндеттері мен нысаналы индикаторлары орындалды, қалғандары мемлекеттік бағдарламалар мен жоспарлар арқылы іске асырылуда.
2025 жылға дейінгі негізгі мақсат - адамдардың әл-ауқатын Экономикалық ынтымақтастық және даму ұйымы елдерінің деңгейіне көтеруге алып келетін экономиканың сапалы әрі тұрақты дамуына қол жеткізу.
Экономиканың сапалы өсуі бизнес пен адами капиталдың бәсекеге қабілеттілігін арттыруға, технологиялық жаңғыртуға, институционалдық ортаны жетілдіруге, сондай-ақ адамның табиғатқа теріс ықпалын барынша азайтуға негізделуге тиіс. Бұл ретте БҰҰ-ның тұрақты даму мақсаттары маңызды бағдар болады.
2025 жылға дейінгі Стратегиялық жоспар жеті маңызды жүйелі реформаның және жеті басым саясаттың төңірегінде құрылған, олар 2025 жылға дейінгі кезеңде елдің экономикасы мен әлеуметтік өмірінде жүзеге асырылатын болады. Елдің әлемдегі озық дамыған 30 елдің қатарына кіру жолындағы прогресін өлшеу үшін негізгі ұлттық индикаторлар мен халықаралық индекстер айқындалды.
Қазақстан - 2050 Стратегиясы
2012 жылы желтоқсанда Мемлекет басшысының ел халқына Жолдауында Қазақстан Республикасының 2050 жылға дейінгі даму стратегиясы таныстырылды. Оның басты мақсаты - мықты мемлекеттің, дамыған экономиканың және жалпыға ортақ еңбектің негізінде берекелі қоғам құру, Қазақстанның әлемнің ең дамыған 30 елінің қатарында болуы.
Бұл мақсаттарға қол жеткізу үшін Қазақстан - 2050 Стратегиясы жеті ұзақмерзімді басымдықтарды іске асыруды қарастырады:
1. Жаңа бағыттың экономикалық саясаты - пайда алу, инвестициялар мен бәсекеге қабілеттіліктен қайтарым алу принципіне негізделген түгел қамтитын экономикалық прагматизм
2. Кәсіпкерлікті - ұлттық экономиканың жетекші күшін жан-жақты қолдау
3. Әлеуметтік саясаттың жаңа принциптері - әлеуметтік кепілдіктер және жеке жауапкершілік
4. Білім және кәсіби машық - заманауи білім беру жүйесінің, кадр даярлау мен қайта даярлаудың негізгі бағдары
5. Мемлекеттілікті одан әрі нығайту және қазақстандық демократияны дамыту
6. Дәйекті және болжамды сыртқы саясат - ұлттық мүдделерді ілгерілету мен аймақтық және жаһандық қауіпсіздікті нығайту
7. Жаңа қазақстандық патриотизм - біздің көпұлтты және көпконфессиялы қоғамымыз табысының негізі.
Білім беру "Қазақстан - 2050"ұзақ мерзімді стратегиясының маңызды басымдықтарының бірі болып танылды. Қазақстандағы білім беру реформаларының жалпы мақсаты білім беру жүйесін жаңа әлеуметтік-экономикалық ортаға бейімдеу болып табылады. Қазақстан Президенті сондай-ақ республиканың әлемнің бәсекеге барынша қабілетті 30 елінің қатарына кіруі туралы міндет қойды. Білім беру жүйесін жетілдіру осы мақсатқа қол жеткізуде маңызды рөл атқарады.
Қазақстан Республикасының Білім беру саласындағы мемлекеттік саясатын іске асырудың ұйымдастырушылық негізі қазақстандық білім берудің мемлекеттік саясатын және жаңғыртуын қамтамасыз ететін Қазақстан Республикасында білім беруді дамытудың мемлекеттік бағдарламасы болып табылады.
Бағдарлама білім беру ... жалғасы

Сіз бұл жұмысты біздің қосымшамыз арқылы толығымен тегін көре аласыз.