Мемлекеттік басқару қызметінің сыбайлас жемқорлыққа қарсы шараларын нығайту

Жұмыс түрі: Дипломдық жұмыс
Тегін: Антиплагиат
Көлемі: 52 бет
Таңдаулыға:

Қазақстан Республикасының Білім және ғылым министрлігі

«Қазақ технология және бизнес университеті» АҚ

«Экономикалық» факультеті

«Экономика, есеп және аудит» кафедрасы

«Қорғауға жіберілді »

Кафедра меңгерушісі,

э. ғ. к., каум. профессор

Р. Е. Жаппасова

ДИПЛОМ ЖҰМЫСЫ

Тақырыбы: «Қазақстандағы мемлекеттік қызметші: тарихи даму тәжірибесі және қазіргі заманғы жағдайы»

6В04107 - «Мемлекетті және жергілікті басқару» білім беру бағдарлама бойынша

Орындаған студент Көмек Ұ. Д

Ғылыми жетекші

э. ғ. д., профессор Садыков Т. У

Нұр-Султан қ., 2020ж

ЖОСПАР

КІРІСПЕ . . . 4

1 МЕМЛЕКЕТТІК ҚЫЗМЕТТІҢ ТЕОРИЯСЫ, ЖӘНЕ ОНЫҢ ПРИНЦИПТЕРІ. 6

1. 1 Қазақстан Республикасындағы мемлекеттік қызметтің қалыптасуы және қазіргі ахуалын зерттеу. . ………. . 6

1. 2 Мемлекеттік қызметтің жаңа моделінің мақсаты мен міндеттері зерттеу. . 14

2 ЖЕРГІЛІКТІ БАСҚАРУ ОРГАНДАРЫНДАҒЫ КАДРЛЫҚ ҚЫЗМЕТІН ТАЛДАУ . . . 20

2. 1 Мемлекеттік қызметтегі кадрлық саясат, кадрлық саясаттың механизмін құру. . 20

2. 2 Нұр-Султан қаласының мемлекеттік қызмет саласын талдау. 26

3 ҚАЗАҚСТАН РЕСПУБЛИКАСЫ МЕМЛЕКЕТТІК ҚЫЗМЕТТІҢ ДАМУ ТЕНДЕНЦИЯСЫ34

3. 1 Қазақстан Республикасындағы мемлекеттік қызметтің жағымды имиджін қалыптастыру және нығайту. . 34

3. 2 Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы . . . 42

ҚОРЫТЫНДЫ . . . 50

ПАЙДАЛАНҒАН ӘДЕБИЕТТЕР. . 52

КІРІСПЕ

Әкімшілік құқық субъектілері арасында мемлекеттік қызметшілер демократия мен құқық негізінде экономиканы, әлеуметтік-мәдени және әкімшілік-саяси салаларды басқару сияқты Қазақстан мен қоғамның мемлекеттілігін нығайтуда маңызды рөл атқарады.

Қазіргі ғаламдану жағдайында мемлекеттік мекеме қызметкерлерінен қызметке деген талабын жаңаша қарастырады, және келесідей талаптарды міндеттейді. Біріншіден қоғамдағы кенес заманынан қалған әкімшілік - командалық басқару стилінен арылу, екіншіден қоғам мүшелерінің қоғам мен мемлекет алдындағы жауапкершілікті арттыру, ушіншіден қоғамдағы тұрақтылық пен болашаққа деген сенімділікті нығайту.

Тақырыптың өзектілігі: мемлекеттік басқаруды модернизациялау, мемлекеттік қызметті жақсарту жөніндегі бастамаларды қолға алу. Мемлекеттік қызметшілердің әлеуметтік және адамгершілік - этикалык жағдайымен байланысты мәселелер тобын шешу. Мемлекеттік қымет саласындағы саясат және қажетті жаңа саяси толтыруларға талдау жасау. Мемлекеттік қызметшілердің қоғамдағы мәтебесін, әлеуметтік қорғалуы сияқты мәселелер, сонымен қатар мемлекеттік қызмет және мемлекеттік басқару мүдделерінің сыбайлас жемқорлыққа қарсы шараларын ұйымастыру. Қазақстанның мемлекеттік қызметтің қазіргі кездегі жағдайына, мемлекеттік қызмет жүйесін қалыптастыру бойынша инновациялық шараларды әзірлеудің қажеттілігі осы тақырыпты талдауға әсер етті.

Дипломдық жұмыстың мақсаты мен міндеттері - мемлекеттік басқару органдарындағы мемлекеттік қызметтің құрылуын талдау.

Аталған мақсатқа сай мынадай міндеттер қарастырылды:

- мемлекеттік қызметтің теориясы, және оның принциптерін анықтау;

- Қазақстан Республикасындағы мемлекеттік қызметтің қалыптасуы және қазіргі ахуалын зерттеу;

- мемлекеттік қызметтегі кадрлық саясат, кадрлық резервтің қалыптасу механизмі;

- Нұр-Султан қаласындағы мемлекеттік қызметтің дамуын талдау;

- мемлекеттік басқару органдарындағы мемлекеттік қызметті жетілдіруді нақты ұсыныстар жасау.

Зерттеу обьектісі - Қазақстан Республикасындағы мемлекеттік қызметтің және қызметкерлердің жалпы жүйесі.

Теориялық және әдістемелік негіздері: отандық ғылымның теориялық және қолданбалы әлеуетін дамытуына үлес қосуына, мемлекеттік басқару жүйесін реформалауға, мемлекеттік қызметкерлердің біліктілігін арттыру мәселесі бойынша ұлттық және мемлекеттік бағдарламаларды даярлау кезінде қызығушылық тудыруы мүмкін.

Зерттеудің ғылыми жаңалығы:

Мемлекеттік қызметшілердің әлеуметтік құқықтық кепілдіктерін арттыру;
Мемлекеттік қызмет кадрларын даярлау мен біліктілігін арттыру жүйесін жақсарту;
Мемлекеттік басқару қызметінің сыбайлас жемқорлыққа қарсы шараларын нығайту;
Мемлекеттік қызмет мәселелері бойынша ұлттық және мемлекеттік бағдарламаларды даярлау бойынша шешімдер қабылдау.

Дипломдық жұмыстың құрылымы: Бұл жұмыс кіріспеден, үш тараудан, қорытындыдан, қолданылған әдебиеттерден тұрады. Кіріспеде зерттеу жұмысының өзектілігі негізделеді, тақырыптың зерттеуіне жалпы баға береді, мақсаттар мен міндеттер қойылып, зерттеу жұмысының теориялық және әдістемелік негіздері және жұмыстың ғылыми жаңалығы көрсетіледі. Бірінші бөлімде Қазақстан Республикасындағы мемлекеттік қызметтің қалыптасуының теориялық негіздері, мемлекеттік қызметтің жаңа моделінің мақсаты мен міндеттері зерттеледі. Екінші бөлімде мемлекеттік қызметтегі кадрлық саясат, кадрлық саясаттың механизмін құру. Нұр-Султан қаласының мемлекеттік қызмет саласына талдау жасалынады. Үшінші бөлімде мемлекеттік қызметтің, кадрлық саясаттың дамуы жөніндегі үсыныстар және жүзеге асыру механизмдері баяндалады. Зерттеу нәтижесі қорытындыда терең қарастырылған.

1 МЕМЛЕКЕТТІК ҚЫЗМЕТТІҢ ТЕОРИЯСЫ, ЖӘНЕ ОНЫҢ ПРИНЦИПТЕРІ

1. 1 Қазақстан Республикасындағы мемлекеттік қызметтің қалыптасуы және қазіргі ахуалын зерттеу

Қазақстанда, кез келген өзге мемлекеттегі сияқты, əлемдік тəжірибеге негізделсе де, айрықша белгілері мен құрылымы бар мемлекеттік қызметтің өзіндік моделі əрекет етуде. Бұл бірінші кезекте еліміздің тарихи тəжірибесімен, ұлттық дəстүрлерімен, мемлекетімізде əрекет етуші құқықтық жүйемен жəне т. б. байланысты. Осыған орай мемлекеттік қызметтің ғылыми- теоретикалық түсінігі, сонымен қатар республикамызда бүгінгі таңда қалыптасқан ғылыми жəне құқықтық жүйеге сəйкес осы түсініктің мазмұны үлкен қызығушылық тудырады. Бірақ мемлекеттік қызмет түсінігін тек Қазақстандағы бар арнайы нормативтік құқықтық базаның негізінде ғана зерттеу, менің ойымша, дұрыс емес. Мəселені толығымен ұғыну үшін оның қалыптасуы мен дамуының тарихын, мемлекеттік қызметтің бар болмысын көрсету маңызды болып табылады[1, 3 б. ] .

1920-жылдардың орта шенінде Кеңестер Одағында социализм орнату доктринасын жүзеге асыру науқаны басталды. Оның басты буындары ретінде мына үш шараны жүзеге асыру көзделді: индустрияландыру - елді аграрлы елден өнеркәсібі дамыған, индустриялы елге айналдыру, ауыл шаруашылығын ұжымдастыру - жеке, ұсақ шаруа шаруашылықтарын біріктіру негізінде социалистік ұжымдық шаруашылықтар құру, мәдени революция - сауатсыздықпен күрес, білім беру, ғылым және мәдениет жүйесін құру. 1925 жылдың 18-31 желтоқсаны аралығында өткен БК(б) П XIV съезі елде индустрияландыру жоспарын жүзеге асыру міндетін жүктеді. КСРО-ның экономикалық тәуелсіздігі мен қорғаныс қабілетін қамтамасыз ету үшін алдыңғы қатарлы дамыған капиталистік елдерді барынша «қысқа мерзім ішінде қуып жету», елді индустриалды державаға айналдыру міндеті қойылды.

Қазақстанда индустрияландыру саясатын жүзеге асыру барысы елдің орталық аудандарымен салыстырғанда өте күрделі жағдайда жүргізілді. Оның өзіндік себептері бар еді. Ең алдымен, Қазақстанның отар ел болуы себепті әлеуметтік-экономикалық жағынан артта қалушылығы (құрал-жабдық, техниканың ескі болуы, ақшалай қаржы тапшылығы, білікті мамандардың жетіспеушілігі, құрылысшылар үшін тиісті әлеуметтік жағдайлардың ескерілмеуі, т. б. ), екіншіден, республика аумағының геологиялық тұрғыдан аз зерттелуі. Қазан төңкерісіне дейін-ақ өлкенің бай қоры бар кен көздері туралы мәліметтердің жеткілікті болуына қарамастан, кеңес өкіметіне дейін жер аумағының 94%-ы мүлде зерттелмеген еді. Қазақстандағы социалистік индустрияландыру саясатының бағыттары мен механизмдері төңірегінде пікір айтушылар қатары бірнеше топқа бөлінді. Орталықтың саясатын бұлжытпай орындап отырған Ф. И. Голощекин (1925-1933 жж. ) Қазақстанда ұсақ және орта өнеркәсіпті, негізінен ауыл шаруашылығы өнімдерін өңдейтін кәсіпорындарды дамытуды, республика өнеркәсібінің шикізаттық бағытын қалыптастырудың қажеттілігі мен дұрыстығын насихаттап, оны жүзеге асыруға белсене кірісті.
Сталин кадрларының билікте қалуының салдары 1954 жылы орталыққа Н. С. Хрущев билікке келген тұста, Қазақстанда тың және тыңайған жерлерді игеру кезінде байқалды. Осы науқанды игеру барысында Қазақстанның билік басындағы кадрлары өрескел түрде алмастырылды: он жыл ішінде Қазақстан Компартиясының Орталық Комитетінің бірінші хатшысы алты рет өзгертілді. Бірінші хатшы Ж. Шаяхметовтің орнына КСРО мәдениет министрі П. Пономаренко тағайындалды. 1955-1957 жж. Л. И. Брежнев П. Пономаренконың орнына көтерілді. Кейінгі басшылар: Н. И. Беляев (1957-1960 жж. ), Д. А. Қонаев (1960-1962 жж. ), И. Юсупов (1962-1964 жж. ) болды.

Бұл басшылардың көбі қазақ тарихы мен оның ұлттық табиғи ерекшеліктерін білмейтін. Сондықтан науқан нәтижесі экологиялық, демографиялық, рухани зардаптарға алып келді. 1956 жылы 14 ақпанда Москвада КОКП-ның XX съезі өтіп, онда Сталиннің жеке басына табыну айыпталды. Съезд өткен соң, жарты жылдан кейін, 30 маусымында «Жеке басқа табынушылықтың зардаптарын жою» жөнінде қаулы қабылданып, елде бірқатар демократиялық өзгерістер басталды: кеңес және қоғамдық ұйымдардың рөлі біршама өсті; қоғамдық өмірді демократияландыруға бағытталған бұл шаралар адамдардың ой еркіндігін туғызды. Нәтижесінде мыңдаған кінәсіз сотталған адамдар лагерьлерден босатылып, партияның кейбір көрнекті қайраткерлері ақталды. Н. С. Хрущев республиканың бүкіл қоғамдық саяси өміріне тікелей араласты: Қазақстанның оңтүстік аудандары Өзбекстанға берілді.

Тың өлкесінде 6 облыстың өлкелік партия комитеті біріктіріліп, тікелей Мәскеуге бағындырылды. Ақмола - Целиноградқа, Батыс Қазақстан - Орал облысына айналды. Теміртаудағы саяси толқу ұлт саясатына байланысты емес, тәртіпсіздіктің салдары ретінде бағаланды. 37 1956 жылдың ақпан айында өткен КОКП-ның XX съезінің ұйғарымымен Қазақ КСР-нің алдына жаңа міндет - астық өндіруді 5 есеге арттыру міндетін қойды. Осыған орай, 60-шы жылдардың ортасына қарай Қазақстанда жыртылған тың және тыңайған жер көлемі 25 млн. гектарға жетті. Ақыры, 1964 жылдың қазан айында өз билігін жүргізуде басшылықтың ұжымдық нормаларын бұзып, оны волюнтаризм мен субъктивизмге қарай бұрған Н. С. Хрущев биліктен кетті. КСРО-ның 1-хатшылығына Л. И. Брежнев, Министрлер Кеңесінің төрағалығына А. Н. Косыгин тағайындалды. Қазақстан 38 КП ОК 1- хатшылық қызметіне аса көрнекті қоғам қайраткері Д. А. Қонаев келді. Сонымен, ХХ-шы ғасырдың 50-60 жылдары республикада интернаңионализм түсінігі шектен тыс үстем идеологияға айналды.

Бірақ, ұлттық мәселелердің барлығы тек интернационалдық жолмен шешіледі дегенмен, ол түсініктің негізінде шын мәнінде ұлы державалық шовинизм жатты. Бұның бәрі, негізінен «жылымық» жылдарында жүргізілген Н. С. Хрущев реформаларының жарты кештік сипатына байланысты еді. 1990 жылғы наурызда Қазақ КСР Жоғарғы Кеңесіне сайлау ұйымшылдықпен етті. Онда Қазақстан Компартиясы Орталық Комитетінің 1- ші хатшысы Н. Ә. Назарбаев Қазақ КСР Жоғарғы Кеңесінің төрағасы болып сайланды. Осыдан көп кешікпей-ақ орталықтағы сияқты біздің республикамызда да президенттік қызмет енгізілді. Сөйтіп, 1990 жылғы 24 сәуірде Қазақ КСР Жоғарғы Кеңесі Н. Ә. Назарбаевты республикаиың тұңғыш Президенті етіп сайлады. Н. Ә. Назарбаевтың Президент болып сайлануы республикада саяси-экономикалық мәселелерді шешуде жаңа идеялардың өрістеуіне ықпалып тигізді. Оның бастамасымен Қазақстанда елді басқару ісіне көптеген жаңалықтар, халық шаруашылығын басқарудың барлық сатыларында сапалы жаңа өзгерістер енгізілді. [27] .

Елімізде саяси партиялар мен партиялық жүйені құруға, күшті заңнамалық биліктің, тәуелсіз баспасөздің және дербес жергілікті өзін-өзі басқарудың дамуына көп көңіл бөлінді. Еліміздің тәуелсіздігі, қуаты, байлығы, бірлігі мен мақсаттарын бейнелейтін қасиетті рәміздерді құрметтеу, қастерлеу және мадақтау әр қазақстандықтың ең басты парызы.

Қазақстанда болып жатқан демократиялық өзгерістер 1995 жылғы Конституцияда көрсетілген. Тәуелсіздік алғаннан бері екі конституция қабылданды. Олардың алғашқысы 1993 ж. қаңтарда дүниеге келген. Бірақ оның елеулі кемшіліктері болды. Алғашқы Конституцияның жобасын жасауға асықты. Атап айтсақ, осы уақытқа дейін елде болып жатқан саяси, экономикалық және әлеуметтік процестер туралы бірден ойлануға, мемлекетіміздің мүмкіндіктерін ғылыми тұрғыдан анықтауға мүмкіндік болмады. Осы себептерге байланысты жаңа Конституция қабылдау қажет болды. 1995 жылы 30 тамызда референдум арқылы жаңа конституция қабылданды. Біздің жаңа Конституциямыз, еліміздің рәміздері - біздің халқымыздың ғасырлар бойы аңсаған нағыз егемендікке қол жеткізгендігінің жарқын көрінісі. Сондықтан республиканың әрбір азаматы Конституцияның мазмұнын түсінуге, оның талаптары мен қағидаларын қатаң сақтауға, мемлекеттік рәміздерді құрметтеуге міндетті. Парламент қабылдаған өзгерістер мен толықтырулардың сипаты Конституцияның жаңа мазмұнға ие екендігін көрсетеді. Бұл конституциялық реформа қазіргі заманғы талаптар мен тарихи қажеттіліктерден туған еліміздің алға жылжуының маңызды шарты болып табылады. Біздің еліміз саяси жаңару мен демократиялық дамудың жаңа кезеңіне аяқ басты. [16] .

Еліміз тәуелсіздік алуына байланысты ұзақ жылдар бойы бұғаудан басағаннан кейін дербес мемлекет ретінде өзінің ішкі және сыртқы саясатын қалыптастыра бастады. Отандық басқару қызметінің дәстүрлі тамыры ғасырлар тереңінен нәр алғаны мәлім. Ол Ұлы даланың тарихымен, ұлан-ғайыр кеңістігіндегі біздің мемлекеттгіміз бен тікелей байланысты. Сондықтан қазақ дәуірі кезіндегі ірі тарихи тұлғалар сияқты көрнекті ұлттық көшбасшылардың еңбегі көшпелі руларды біртұтас мемлекетке біріктіріп, оның тәуелсіздігін нығайтудан ғана көрінбейді, сонымен бірге осы ерекше маңызды мақсатқа қол жеткізу үшін қолайлы сыртқы жағдайларды ұйымдастырудан да байқалады. Өкінішке орай, қазіргі қоғамдағы көптеген мемлекеттік мәселелердің шешімін таппай жатуы мамандардың біліктілік пен іскерлік қабілетінің төмендігіне байланыты.

Егер бұрынғы Кеңес Одағы кезіндегі мемлекеттік қызмет жүйесін қазіргі заманмен салыстыратын болсақ, бұл елдер тиімді мемлекеттік қызметті құру үшін мемлекеттік қызметті жетілдірудің жолдарын іздейді. Оның өзіндік тарихи себептері бар. Кенестік жүйедегі кадрлар дайындау мәселесі көбіне сан жағымен шектеліп сапа жағына көңіл бөлінбеді. Қазіргі ғаламдану жағдайында мемлекеттік мекеме қызметкерлерінен қызметке деген талабын жаңаша қарастырады және төмендегідей талаптарды міндеттейді. Біріншіден қоғамдағы кенес заманынан мұра болып қалған әкімшілік - командалық басқару стилінен арылу, екіншіден қоғамдағы саяси мәдениетті көтеру, үшіншіден қоғам мүшелерінің қоғам мен мемлекет алдындағы жауапкершілігін арттыру. Міне осы мәселелер толық шешімін тапқанда ғана қоғамды тұрақтылық, үйлесімдік және болашаққа деген сенім арта түседі.

Қазіргі заманның басты талабы бірден, мемлекеттік қызметтегі, корпорациядағы және топтық ұжымдағы білімсіздікті жоюмен қатар, білімді, біліқтілік пен шеберлікті талап етеді. Мұндағы басты рөлді басқарушылық мәдениет атқарады. Қазіргі заманның талабы, жоғары білікті, кәсіби шеберлігі мықты, жаңа технологиялар мен үрдістерді меңгере білетін, өз ісінің майталманы болатын мемлекеттік қызметкерлерді талап етеді. Бізде әлі де болса, ескі қағидалармен, бағыт-бағдармен мықтап ұстаған, бір деңгейден аса қоймайтын қызметкерлерде көптеп кездеседі. Кенес өкіметі ыдырағаннан кейін аз уақыт ішіндегі экономиканы реформалау мен шаруашылық жүргізудің нарықтық моделіне өту жөніндегі кең көлемді шараларды жүзеге асыру тәжірибесі - мемлекеттің әлеуметтік - экономикалық процесстерге араласу обьективті қажеттілік екендігін түпкілікті түсінуге мәжбүр етті. Оның обьективтілігі ұлттық санақ жүргізудің жаңа жүйесіне өту керектігімен, экономикалық дамудың тепе-теңдігін сақтау мүдделері мемлекеттік реттеудің обьектісі болып табылатындығымен және микроэкономикалық үрдістердің сандық-сапалық көрсеткіштері өзгерісін тұрақты түрде зерттеп отырудың қажет ететіндігімен де түсіндіріледі.

Сонымен қатар мемлекеттік қызмет ролінің күшеюі мемлекетаралық экономикалық интеграциялық обьективтілігі және эколномиканың кең ауқымды мәселелерін әлемдік деңгейде қажеттілігімен байланысты екендігін де атап өту керек. Мұның бәрі де жас экономиканың жан-жақты зерделеу қажеттілігі туралы мәселені күн тәртібінде қойып отыр. Қазіргі кезде экономиканы мемлекеттік қызметтің ғылыми-әдістемелік негіздерімен қатар тәжірибесін де танып білу маңызды рөл атқарады. Жаңа саяси инновациялармен технологияларға қатынасы және қоғамды дамытумен ондағы басымдылық прогресіне оның мәдениеті, ұлттық дәстүрі және әлеуметтік-саяси жағдайына тікелей байланысты. Егемендік алудан басталған Қазақстандағы мемлекеттік қызметтің құқықтық негізін қалыптастырудың жаңа кезеңі. Яғни, 1996 жылдың 1 қаңтарында Қазақстан Республикасы Президентінің «Мемлекеттік қызмет туралы» Жарлығы күшіне енді. Бұл мемлекеттік қызметті ұйымдастырудың негізін анықтаған және мемлекеттік қызметшілердің құқықтық мәртебесін бекіткен Қазақстан Республикасындағы алғашқы нормативтік құқықтық акт.

Президенттің жарлығы заң күші бар мемлекеттік қызмет саласындағы қатынастарды құқықтық реттеуде маңызды рөл атқарды. Қазақстан Республикасының заңнамалық тәжірибесінде алғаш рет азаматтардың құқықтары, бостандықтары мен заңды мүдделерінің мемлекет мүдделерінен басымдылығы қағидасын қоса алғанда, мемлекеттік қызмет қағидаттары айқындалды. Жарлыққа сәйкес, мемлекеттік қызмет дегеніміз - азаматтардың мемлекеттік органдардағы және олардың мекемелеріндегі мемлекеттік және мемлекеттік басқарудың міндеттері мен функцияларын жүзеге асыруға бағытталған кәсіби қызметі. Бұл ереже мемлекеттік қызметшілердің негізгі құқықтары мен міндеттерінен басқа, мемлекеттік қызметке қатысты бірқатар шектеулер бар мемлекеттік қызметшілердің құқықтық мәртебесіне назар аударады. Яғни, заңға сәйкес, мемлекеттік қызметші депутат бола алады, кәсіпкерлік қызметпен айналысады, мемлекеттік мүлік пен қызметтік ақпаратты жеке мақсатта қолдана алады, мемлекеттік органдардың қалыпты жұмысына және қызметтік міндеттерін орындауға кедергі келтіретін әрекеттерге қатыса алады, соның ішінде ереуілдер, өзін-өзі жұмыспен қамтығандар немесе тікелей. үшінші тұлғаларға қатысты. өзінің қарамағындағы бағынысты немесе мемлекеттік органда өкілі болуға; қызметтік міндеттерін орындауға байланысты азаматтар мен заңды тұлғалар ұсынатын қызметтерді жеке мақсаттар үшін пайдалануға құқылы емес.

Егер біз мемлекеттік қызмет туралы қолданыстағы заңға салыстырмалы талдау жүргізетін болсақ, онда Жарлықтың 13-бабының ережелерімен салыстырғанда, осы ереженің кейбір ережелері жаңа заңда айқын көрініс тапқанын атап өткен жөн. Мәселен, қолданыстағы заңнаманың ережелеріне сәйкес, іс-әрекетке қабілетсіз немесе әрекет қабілеті шектеулі деп танылған адамдар, мемлекеттік қызметке кіргенге дейін үш жыл ішінде сыбайлас жемқорлық қылмыстары үшін және мемлекеттік қызметке келгенге дейін бір жыл ішінде қасақана жасалған қылмыстар үшін жазаланған адамдар. Сот әкімшілік жаза қолданған адамдар қабылданбайды. Заң мемлекеттік қызметті қабылдаудан бас тартудың басқа негіздерін қарастырады.

Алғашқы нормативтік актіге қайта оралсақ, Мемлекеттік қызмет туралы Жарлықта премьер-министрден бастап ауылдық және ауылдық атқарушы органдардың мамандарына дейін, органның ұйымдық-құқықтық деңгейіне, белгілі бір лауазымның аясы мен өкілеттіктеріне қарай сегіз санаты айқындалғанын атап өткен жөн. Мемлекеттік орган құрылымындағы нақты лауазымның мақсаты мен орнын анықтау үшін мемлекеттік қызметшілер лауазымдарының тиісті жіктелуі жасалды.

Жоғары тиімді мемлекеттік қызметті құру елдің әлеуметтік- экономикалық дамуының қажетті шарты және оның өркендеуінің кепілі болып табылады.
Осы саланы жаңғырту «Қазақстан - 2050» Стратегиясының маңызды басымдықтарының бірі болды, оның іске асырылуының басты мақсаты
21 ғасырдың ортасында әлемнің ең 30 бәсекеге қабілетті елдерінің қатарына кіру.

Осы жылдар ішінде мемлекеттік қызмет жүйесінде үш реформа жүргізілді.
Олардың барлығы мемлекеттің өзгеруі мен мемлекеттік басқару жүйесінің қалыптасу процестеріне тікелей байланысты. Қарастырылып жатқан бағытты институционалдаудың бастауы заңдық күші бар Президенттің «Мемлекеттік қызмет туралы» Жарлығына қол қоюы болды. Аталған құжат қабылданған соң, мемлекеттік қызметтің қағидаттары, лауазымдар иерархиясы, қызметшілердің әлеуметтік кепілдіктері белгіленді, құқықтық мәртебесі анықталып, және сыбайлас жемқорлыққа қарсы шектеулер енгізілді.

Дамудың келесі кезеңі «Қазақстан - 2030» Стратегиясын бекіту болды, оның барысында кәсіби үкіметті қалыптастыру ұзақ мерзімді басымдылық болып анықталды. Бұл міндет «Мемлекеттік қызмет туралы» Заңды қабылдаумен іске асырылды. Бүгінгі таңда жүйелі реформалардың нәтижесінде меритократия, тиімділік пен қоғамға есеп берушілік қағидаттарына негізделген, бірегей модель құрылды.

«100 нақты қадам» Ұлт жоспарының бірінші бағытын іске асыру шеңберінде кадрларды жалдау, даярлау және ілгерілету жүйесі жетілдірілді. Персоналды басқарудың қазіргі заманғы құралдары енгізілді, мемлекеттік қызметшілердің сапалы құрамы арттырылды. Халықаралық сарапшылар мемлекеттік қызметті жаңғыртудағы жетістіктің басты шарты Елбасының мемлекеттілікті дамыту мен күшейту бойынша саяси ерік-жігері деп біледі.

Жекелеген аспектілер бойынша дамыған мемлекеттерден озу байқалады.
Көп жағдайда кәсіби мемлекеттік аппараттың болуы «Қазақстан - 2030» Стратегиясының міндеттерін мезгілінен бұрын орындауға және дамыған елдердің қатарына қосылуға мүмкіндік берді[2] .

... жалғасы

Сіз бұл жұмысты біздің қосымшамыз арқылы толығымен тегін көре аласыз.