Медициналық әртүрлі құралдар

ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІ

ШЖҚ КМК " ЖОҒАРЫ МЕДИЦИНАЛЫҚ КОЛЛЕДЖІ"

Алматы қаласы Денсаулық сақтау басқармасы

«Бекітемін»

Директордың оқу жөніндегі орынбасары

Алибекова Л. Д.

«» 2020 ж

ОҚЫТУШЫНЫҢ ЖЕТЕКШІЛІГІМЕН БІЛІМ АЛУШЫНЫҢ ӨЗІНДІК ЖҰМЫСЫНА АРНАЛҒАН ӘДІСТЕМЕЛІК НҰСҚАУЛАР

Модуль: «Денсаулықты нығайту мен халықтың қауіпсіздігі»

Пән : « Мейіргер ісіндегі қауіпсіздік және сапа »

Мамандығы: 0302000 «Мейіргер ісі»

Біліктілігі: 0302033 «Жалпы тәжірибелік мейіргер »

4 көктем 2020-21 оқу жылы

2 курс 19-03, ½ топ

Барлық сағаттардың/кредиттердің жалпы еңбек сыйымдылығы- 180/6

Оның ішінде:

СОӨЖ - 10

Алматы, 2020

Пәннің оқу әдістемелік кешенін құрастырған:

А. И. Естемесова.

0302000 «Мейіргер ісі» мамандығының оқу жұмыс жоспары бойынша .

№5 ЦӘК отырысында қаралды және бекітуге ұсынылды

2020 жылғы "28" 08, № _1 хаттама__

ЦӘК төрағасы Қ. Е Еркінов .

(қолы) ( А. Ж. Т. )

ҒӘБ басшысы қарады Г. А Амрина.

Әдістемелік кеңес отырысында мақұлданды

№ _ _ _ хаттама"" 20___ж

ӘК төрайымы Л. Д. Алибекова

№ 2 дәріс кешені келесі бөлімдерді қамтиды:

6. 1. № 2 сабақ тақырыбы: «Денсаулық саласымен байланысты жұқпалар. Аурухана ішілік жұқпаның алдын алу. МҰ санитарлық эпидемияға қарсы шаралар. Зарарсыздандыру. Үй-жайларды күтіп ұстауға қойылатын санитарлық-эпидемиологиялық шаралар. Залалсыздандыру»

6. 2. Мақсаты: Сабақтың басты мақсаты - мейіргерлік стандартты тереңірек зерттеу және мейіргерлік іс-шараларды жетілдіру.

6. 3. Оқыту міндеттері:

Білімділік: Теорияда алған білімдерін және дағдыларын қалыптастыру. Мейіргерлік қызметкер ретінде жұмыс орнына бейімделу саласындағы білімдерін жетілдіру.

Тәрбиелік: Өзіндік жұмыс жасауды, өзінің болашақ мамандығына жауапкершілік пен мейірімділікке тәрбиелеу. Науқастармен жұмыс жасау барысында медициналық этика және деонтология ережелерін сақтауға үйрету.

Дамытушылық : Есте сақтау қабілетін дамыту, логикалық ойлауды, іс- әрекетін дамыту, мәселені талдай білуге, себебін табу, салыстыру, ұсыныстар енгізу, бақылауды ұйымдастыру қабілеттерін дамыту, үйрету.

6. 4. Өткізу түрі - күндізгі бөлім

6. 5. Тақырып бойынша тапсырмалар:

1. «Мейіргердің жұмыс орнына бейімделуі» тақырыбына іздену.

2. Осы тақырып бойынша презентация дайындау.

САБАҚ ЖОСПАРЫ

6. 6. Таратылатын материал:

6. 7. Дәріс тезистері:

№ 357 бұйрық 31 мамыр 2017 жыл «Денсаулық сақтау объектілеріне қойылатын санитариялық-эпидемиологиялық талаптар»

Денсаулық сақтау о бъектілерінде медициналық мақсаттағы бұйымдарды зарарсыздандыру мен залалсыздандыруды жүргізу жағдайларына қойылатын санитариялық-эпидемиологиялық талаптар

1. Бір рет қолданылатын медициналық құрал-сайман алдын ала дезинфекциялаусыз жоюға жатады.

2. Көп рет қолданылатын медициналық мақсаттағы бұйымдар (бұдан әрі - КМБ) пайдаланылғаннан кейін дезинфекцияланады, стерилдеу алдында тазаланады, кептіріледі, қапталады және стерилденеді.

3. Құрал-сайманды дезинфекциялау оны пайдаланған жерде әртүрлі тәсілдермен (қайнату, бумен, ауамен, химиялық) жүргізіледі.

4. КМБ-ны дезинфекциялау үшін екі сыйымдылық пайдаланылады. Бірінші сыйымдылықта құрал-сайман қанның, сілемейдің, дәрілік препараттардың қалдықтарынан жуылады, сосын экспозиция үшін екінші сыйымдылыққа батырылады. Алмалы-салмалы бұйымдар бөлшектелген күйінде өңделеді.

Биологиялық сұйықтықтарға қатысты бекітуші әсері бар дезинфекциялық құралдарды пайдаланған кезде құрал-сайман суды кейіннен зарарсыздандыру арқылы алдын ала жеке сыйымдылықта жуылады.

5. Дезинфекциялық ерітінділер Қазақстан Республикасында қолдануға рұқсат етілген дезинфекциялық құралды пайдалану жөніндегі нұсқауда (әдістемелік нұсқаулықта) көрсетілген мерзімдерге сәйкес пайдаланылады.

Асептика дегеніміз - ағзаға, жараға қоздырғыштардың түсуінің алдын алу үшін жүргізілетін іс-шаралар.

Антисептика - бұл ағзаға түскен қоздырғыштарды емдеу бағытында жүргізілетін іс-шаралар. Антисептиканың механикалық (жұқтырған тіндерді, бөгде денелерді алу, жарақатты алғашқы хирургиялық өңдеу, т. б. ), физикалық (гигроскопиялық таңғыштар, ерітінділер жоғары қысыммен әрекет, құрғақ жылу, ультрадыбыс және т. б. ) ; химиялық (әр түрлі бактерицидті және бактериостатикалық заттарды пайдалану) ; биологиялық (антибиотиктер, антитоксиндер, бактериофагтар, ферменттер және т. б. ) әдістері бар.

ДЕНСАУЛЫҚ САҚТАУ САЛАСЫМЕН БАЙЛАНЫСТЫ ЖҰҚПА.

Денсаулық сақтау саласымен байланысты жұқпалардың ену себебі және эпидемиологиясы.

ДЖДС¥ (ВОЗ) анықтамасы бойынша аурухана ішілік инфекцияға (АІИ) - пациенттің ауруханаға жаткан кезінен көмекке жүгінгенде (аурухана кызметкерлерінің осы мекемеде істеу барысында) немесе ауру себептері пациенттердің ауру белгілері ауруханада болған немесе одан шықкан кезеңдеріне болған жэне аныкталынған клиникалык ауру түрлері жаткызылады.

Аурухана ішілік жұқпа бұл - кез келген клиникалық жағдайда анықталатын ауру. Ауруханаға түскен кезінде немесе медициналық көмек көрсету кезінде болсын науқасқа жұғуы мүмкін, (ондай жағдай осы мекемеде жұмыс істеп жүрген жұмысшылардың жұмыс істеу барысындағы салақтықтың салдарынан болады) . Аурудың бұл белгілері науқастың ауруханаға түскен кезінде болуы немесе емделіп шығып кеткеннен кейін де болуы мүмкін.

АІЖА госпиталды және нозокоминальды деп те атайды. Аурулардың ішіндегі АІЖА-ға қатысы бар аурулар көбіне медициналық араласуға байланысты. Мысалы, АІЖА-дың 85% іріңдеу-септикалық инфекциясын, 6 - 7 % В. С. Д. сары ауруын (вирусты гепатит), 7 - 8 % ішек инфекциясын құрайды.

Аурухана ішіндегі жұқпалы ауруды (АІЖА) қоздырғыштары.

Негізгі микроорганиздердің түрлері, АІЖА-ды тудыратын: патогенді

микроорганизмдер, балалардың қызылша, скарлатин, іш өту және балалардың басқа да аурулары жатады. Сонымен қатар В мен С сары ауруы.

Патогенді микрофлораға жататындар - стафилококк, жылтырақ алтын түстес стафилококк, стрептококктар, көкілдир таяқшалар, грамоотрицательдік бактерия және осылардың токсиндері.

Ауру қоздырушы, яғни патоген микробтар бір адамнан екінші адамға тікелей жұғуы мүмкін. Мәселен, оба және іш-сүзегімен ауырған адамдардың төсек орны және баска да заттары арқылы сау адамдарға жүғады. Көптеген зиянды микробтар науқас адамдар тыныс алғанда ауаға тарайды. Осы ауамен дем алған сау адамның науқастануы да ықтимал.
Әрбір патогендік микробтар тек бір ауруды ғана қоздыруы мүмкін, яғни олардың атқаратын қызметі жекеленген болады.

Шартты патогенді микрофлора.
ШПМ - бұл үлкен және әртүрлі микробтар тобының жүйелік қарым-қатынасы, яғни адамда арнайы жағдайда ауру шақырады. Олардың өкілі бактерияларда, саңырауқұлақтарда, қарапайымдыларда кездеседі. Көптеген белгілері бойынша ШПМ - ға вирустың бірнеше түрлері жақын (а-герпес вирустары 1 және 2, β-герпесвирустар, паповирустар, кейбір аденовирустар, Коксаки және ЕСНО вирустары) .

ШПМ-ар кейбір жағдайда адам ағзасымен симбиоздық /комменсализм, нейтрализм/ кейбірлері конкуренттік қатынасқа түсіп, ауруға алып келеді. Сондықтан олар «шартты-патогенді» микробтар, яғни адамдар үшін төменгі патогенділікке ие болғанымен, ағзаның иммунды статусы төмендеген кезде ауру тудырады. ШПМ-ар әдебиеттерде жиі «микробтар оппортунисттер» (ағылшын тілінен «to take opportunity»), олар шақырған аурулар «оппортунистік инфекциялар» деп аталады. ШПМ-дер экологиялық тұрғыдан біркелкі емес, олардың арасында еркін өмір сүруші топтар түрлері болып, негізгі мекен етуші ортасы әр түрлі биорганикалық субстраттардан (тағам өнімдері, су, дәрілік препараттардың аэрозольдары ) . тұрады. Көбінесе осы түрлердің көбі адам ағзасында мекендейді және қалыпты жағдайда ауру шақыруы мүмкін (сапроноздар), олардың түрінің сақталуы және көбеюіне тірі ортаның болуы маңызды емес, ауруханалық стационарларда осы түрлерден клебсиеллалар, протейлер, серрацилер, псевдомонадалар, ацинетобактериялар мекен етеді. Адам ағзасындағы (биотоптарда) көптеген мүшелерде мекен ететін ШПМ-дар тұрақты «қалыпты» болып, симбиотикалық қатынаста болады. Белгілі жағдайда олар қожайынымен қарсыластық қатынасқа түсіп, әр түрлі аурулар тудыруы мумкін, бірақ бұл құбылыс оларға биологиялық үстемдік бермейді, кейбір жағдайда қожайынын жоғалтуға әкеліп соқтырады.

АІИ тудыратын негізгі қоздырғыштар:

Аурухана ішіндегі инфекцияның таралуының басты көздері:

• Қызметкерлердің қолы;
• Ішек және несеп жолдары, мұрын қуысы, тері, шаш, ауыз қуысы;
• Қоршаған орта: қызметкерлер, шаң, су, азық-түлік;
• Медициналық әртүрлі құралдар;
• Аппараттар;
• Дәрі-дәрмектер және т. б.

АІЖА-дың негізгі қонақтайтын жерлері.

Медициналық мекемелерде - резеңкеден жасалған бұйымдар (катетерлер, дренажды түтіктер), су және антисептика құйылған приборлар (дистилляторлар, ингаляторлар, ионизаторлар және т. б. ), қолдан дем алдыратын аппараттар, құралдар.

Адам ағзасындағы негізгі қонақтайтын орындар : тері және жұмсақ ұлпалар, несеп жүретін жолдар, ауыз қуысы, мұрын қуысы, қынап, ішек.

Қызметкерлердің қолымен: алтын түстес жылтырақ стафилоккок, эпидермиальды стафилакокк, А стерептококкі, энтерококк, эшерихт, клебсиела, энтеробактерия, протей, сальмонел, көкіріңді таяқша, полиомиелит, «А» сары ауруы.

АІЖА-дың берілу механизмі:

• Аэрозольды (ауадағы тамшы) .
• Тұрмыстық қарым-қатынаста.
• Қолдан жасалған (артифициальный) .

Аурухана ішілік жұқпанын таралу жолдары:

- экзогенді (ағзаға жүқпаның коршаған сыртқы ортадан түсуі) .

- эндогенді (жүқпаның ағза ішінде таралуы) .

Жұқпаның экзогенді таралу түріне жататындар:

• ауалы-тамшылы (жұқпаның ағзаға закымдалған ауа арқылы енуі)

• қарым-катынасты (залалсыздырылмаған медициналык кұрал-жабдыктармен емдік-шара орындау кезінде)

• имплантациялық (залалсыздырылмаған протездерді)

• трансмиссивті (жәндіктердің тістеуі аркылы)

• алиментарлы (сапасыз тағамды колданған кезде)

Жүқпаның эндогенді таралу түріне жататындар:

гематогенді - бұл кан ағысы аркылы

лимфогенді - лимфа ағысы арқылы таралады.

Алдын алу нәтижелі жүргізу үшін аурухана ішілік жұқпаның көзі мен тарату жолдарын білу керек, сонда ғана емдеу сауыктыру мекемелеріңде жұқпаның таралуын болдырмауға болады.

Аурухана ішіндегі инфекциялар арасында ең көп кездесетіндері:

1) зәр бөлу жүйесінің инфекциялары;

2) іріңді-септикалык инфекциялары;

3) тыныс жолдарындағы инфекциялары;

4) бактериялар;

5) тері инфекциялары.

Эпидемиялогиялық үрдіс - бұл ұжымда қоздырғыш айналымынан туындаған симптомсыз тасымалдаушылық пен манифестік ауруға дейінгі спецификалық инфекциялық жағдайлардың тұрғындар арасында пайда болу және таралу үрдісі.

Эпидемиялогиялық үрдістің қалыптасу жағдайлары мен механизмін, оны зерттеу әдістерін, және де жұқпалы ауруларды азайту және оның алдын-алуға бағытталған эпидемияға қарсы шаралар жиынтығын зерделейтін арнайы ғылым саласы бар - ол эпидемиология деп аталады.

Эпидемиялогиялық үрдістің үшінші элементіне ұжымдық қабылдаушылық жатады . Егер популяцияның иммунды қоғамдық тобы 95% және одан жоғары болса, сол ұжымда эпидемиялық аман-саулық жағдай орнығатыны байқалған және қоздырғыш айналымы тоқтайды. Сондықтан, эпидемияның алдын алу міндеті қоздырғыштарға қарсы егу жүргізу арқылы осы ұжымдарда иммунды топ қалыптастыру болып табылады.

Осыған сәйкес ұжымдарда атқарылатын эпидемияға қарсы шаралар эпидемиялық процестің әртүрлі звеноларына бағытталуы мүмкін. Шаралардың 1-тобы инфекция көзіне, 2-тобы - берілу механизмі мен жұғу жолдарына, ал 3-тобы-қабылдаушы ұжымға бағытталған.

Шаралардың 1-тобына инфекция көзіне бағытталған кешенді әрекеттер жатады: науқа старды анықтау, оқшаулау және емдеу; тасымалдаушыларды-анықтау, есепке алу және сауықтыру қажет; ауру малдарды - әдетте жояды.

Шаралардың 2-тобы берілу жолдары мен механизмін үзуге бағытталған. Оған мыналар жатады: тұрғындық жерлерді сауықтандыру шаралары (мысалы, орталықтандырылған канализациямен және құбыр суымен жабдықтау), ұйымдасқан ұжымдарды ірілендіру, карантиндік шаралар, тағамдық өндірістерді, қоғамдық тамақтандыру орындарын қадағалау, емдеу профилактикалық мекемелерде асептикалық, антисептикалық, дезинфекциялық және стерилдеу ережелерін қатал сақтау т. б.

Қабылдаушы ұжымға бағытталған 3-топ шараларына егер мүмкіндік болса, жүре пайда болатын жасанды белсенді (егу арқылы) немесе енжар( сарысулар мен иммуноглобулиндердің көмегімен ) иммунитет жасау кіреді. Дәрігердің қолында спецификалық иммуноглобулиндік профилактикалық препараттар болмаса, 3-топ шаралары тұрғындар арасында санитарлық-ағарту жұмыстарын жүргізумен шектеледі. Егер эпидемиялық процестің бір немесе бірнеше звеноларына тиімді әсер ете алатын шаралар болса (мысалы вакцинациялау ) оны басқарылатын , ал ондай шаралар жоқ болса, басқарылмайтын инфекциялар деп ажыратуға болады. Сондықтан басқарылатын инфекциялармен күресуде эпидемиологияның түбегейлі мақсаты оларды глобалды масштабта, бүкіл дүниежүзінде жою болып табылады.

ЗАРАРСЫЗДАНДЫРУ.

Зарарсыздандыру- патогенді және шартты патогенді микроорганизмдерді жою үшін жүргізіледі. Жара беттеріне жанаспаған, терінің және шырышты қабықтың бетін бұзбаған, қан құюға қолданбаған және инъекциялық дәрілерді пайдалану процесінде адам организмінің қуыстарына енгізілмеген медицинада тағайындалған бұйымдар тек қана зарарсыздандырылады. Кейіннен олар ағынды құбыр суында жуылады және таза зарарсыздандырылған жабылатын ыдыстарда белгіге сәйкес сақталады.

Жара беттеріне жанасқан, медициналық манипуляция процесінде терінің және шырышты қабық бетін бұзған, қан құюда қолданылатын және инъекциялық препараттарды пайдалану процесінде адам организмінің қуыстарына енгізілген медицинада тағайындалған бұйымдар басында зарарсыздандырылады, сосын ағынды құбыр суы астында жуылады, содан кейін залалсызсыздандыру алдындағы тазартудан, залалсыздандырудан өткізіледі.

МЕДИЦИНАДА ТАҒАЙЫНДАЛҒАН БҰЙЫМДАРДЫ ЗАРАРСЫЗДАНДЫРУ

Мақсаты: жұқпалық қауіпсіздікті қамтамасыз ету.

Дайындаңыз : зарарсыздандыру ерітіндісін: 2-ыдысты (1-2 л көлеміндегі эмальді кастрюльді) қақпағымен, белгісіне және зарарсыздандыру ерітіндісіне сәйкес; №1-ыдыс зарарсыздандыру ертіндісімен құралдарды қаннан және басқа да биологиялық сұйықтықтардан жууға тагайындалған; №2-ыдыс зарарсыздандыру ерітіндісімен медицинада заттарды зарарсыздандыруға тағайындалған; бирканы (таңбаны) ; арнайы

киімді (халат, маска, қолғап) ; пайдаланған медицинада тағайындалған заттар; лотоктар.

Іс-әрекет алгоритмі:

- арнайы киімді киіңіз: халат, маска, қолғап;

- 2 ыдысқа зарарсыздандыру ерітіндісін даярлаңыз;

- ыдыстар мен қақпақ белгіленеді: заттын аты, оның қоюлығы, күні, даярлау сағаты, Медбикенің қолы;

1-ші ыдыста

- пайдаланғаннан кейін медиңинада тағайындалған құралдардын ішкі каналын зарарсыздандыру ерітіндісімен толтырыңыз;

- медиңинада тағайындалған қүралдардың каналынан 3 рет насос әдісімен зарарсыздандыру ерітіндісін өткізіңіз;

2-ші ыдыста

- медининада тағайындалған құралдардың ішкі каналын зарарсыздандыру ерітіндісімен толтырыңыз;

- оларды бөлшектеген түрінде толығымен зарарсыздандыру ерітіндісіне 60 минутқа салыңыз;

- ыдысты қакпақпен жабыңыз;

- зарарсыздандыру уақыты туралы биркіге (таңбаға) белгі жасаңыз;

- зарарсыздандыру уақыты өткен соң зарарсыздандыру ерітіндісінен медиңинада тағайындалған құралдарды шығарыңыз;

- № 2-ыдыстағы медиңинада тағайындалған қүралдарды зарарсыздандыру ерітіндісінде 0, 5 минут бойы жуыңыз;

- медиңинада тағайындалған қүралдарды лотокқа (ыдысқа) салыңыз;

- медиңинада тағайындалған қүралдарды жылы ағынды су астында 0, 5 минүт бойы жуыңыз;

- қолғапты шешіңіз, оны қауіпсіз жоюға арналғаң контейнерге салыңыз. Қолыңызды жуып, кептіріңіз;

- медиңинада тағайындалған қүралдарды әрі қарай өңдеу үшін орталық залалсыздандыру бөліміне жіберіңіз.

ЗАРАРСЫЗДАНДЫРУДЫҢ ТҮРЛЕРІ

Зарарсыздандыру түрлері

Алдын-ала сақтандыру және ошақты зарарсыздандыру болып бөлінеді:

1. Алдын-ала сақтандырып зарарсыздандыру мақсаты аурухана ішілік жұқпалы аурудың болмауын алдын-алу.
2. Ошақты (очаговая) зарарсыздандыру ошақты және күнделікті зарарсыздандыру болып бөлінеді:

Зарарсыздандыру түрлері

Алдын-ала

зарарсыздандыру

Ошақты (очаговая)

күнделікті (текущая) зарарсыздандыру

қортынды (заключительная) зарарсыздандыру

а) қортынды (заключительная) зарарсыздандыру - жұқпалы аурудың шыққан жерінде, науқасты оңашаланғаннан кейін, жұқпалы аурухана бөлімшесіне түскеннен кейін, науқас ауруханандан жазылып шыққаннан кейін немесе қайтыс болғаннан кейін жүргізіледі. Мақсаты ошақтағы жұқпалық ауру қоздырғыштарынан толығымен босату.

б) күнделікті (текущая) зарарсыздандыру - күніне бірнеше рет жұқпалы аурумен ауырған науқастың төсек орнында жатқан жерінде жүргізіледі.

Медицина мекемелерінде зарарсыздандыру шаралары, көбінесе орта медицина қызметкерлеріне жүктеледі. Сондай-ақ, емдеу алдын-алу ұйымдарында зарарсыздан-дыру, әдістемелік (инструкциялық) құжаттармен басқарылып жүргізіледі.

Терапия бағыттағы бөлімшелерде айына бір рет, ал хирургиялық бағыттағы бөлімдерде және таңу бөлмесінде, босану залдарында, жаңа туылған балалар, шала туылған балалар, операция бөлімшесінде аптасына бір рет /тұтас/ жалпы жинастыру жүргізіледі.

Медбике арнайы халат кию керек. Бөлмеде барлық заттарды ортаға жинап, есік, терезелерді, қабырғаларды 2% сабын ұнтағы, содалы ерітіндімен жуу қажет. Ол үшін 200гр сабын, 200гр кальциленген сода, 9 л 600мл су. Таза сумен шаямыз зарарасыздандыру ерітіндісіне шүберекті малып алып, әрбір затты сүртеміз, заттарды орнына қоямыз. Ультракүлгін сәулесін 2 сағатқа қоямыз, 2 сағаттан соң сөндіріп 30 минуттан соң жұмысқа кірісеміз.

ЗАРАРСЫЗДАНДЫРУ ӘДІСІ

Зарарсыздандыру әдісі - механикалық, физикалық, химиялық және аралас (комбини-рованные) болып бөлінеді.

Механикалық зарарсыздандыру әдісі.

• Бөлімшелерді ылғалдап жуу;
• Киімдерді, төсек жабдықтарын, төсек орындарды қағып-сілку;
• Шаңсорғыштың көмегімен бөлімшені шаңнан босату, ақтау және бөлімшені бояу;
• Қолды жуу.

Физикалық (термикалық) зарарсыздандыру әдісі

Физикалық зарарсыздандыру әдісіне жататындар:

• Күннің көзін қолдану (кептіру) ;
• Ауаны зарарсыздандыру үшін ультра күлгін сәулесімен күйдіру;
• Күйдіру, қыздыру, ыстық үтікпен үтіктеу;
• Құны жоқ құралдарды және қоқымдарды жағу;
• Пастеризация жасау;
• Тиндализация (бөліп пастеризация жасау 6-7 күн ішінде 600С-та уақыты (экспо-зициясы) - 1 сағат.
• Толығымен салып, дистилденген суда қайнату - 30 минут, толығымен салып, сода ерітіндісінде қайнату - 15 минут. Қайнату алдында, басқа ыдыста ластанғанын тазалау, эпидемияға қарсы қорғану шараларын жасай отырып, ағынды суды шайқап, канализацияға төгу. Қайнату уақыты қайнаған кезден есептеледі.
• Ыстық ауамен зарарсыздандыру әдісі (ыстық ауа шкафында t - 1200C-та, уақыты (экспозициясы) - 45 минут, температура деңгейіне жеткен уақыттан бастап есептеледі.
• Бу қысымымен зарарсыздандыру. Зарарсыздандыру агенті: су буы қысымы 0, 5 атм. Зарарсыздандыру тәртібі: температурасы - 1100С, уақыты (экспозициясы) 20 минут, зарарсыздандыру қорабында /бикста/ және дезкамерада /автоклавта/ жүр-гізіледі.

Химиялық әдіс

Медициналық мекемелерінде химиялық әдісте зарарсыздандыру толығымен салып қою кеңінен қолданылады.

Зарарсыздандыру кезінде сүртуге пайдаланбайтындар: сайдекс, формалин, глута-рал, бианол, дезоксон-1. Бұлар адамның ағзасына токсикалық кері әсерін беретін болғандықтан қолданылмайды. .

Химиялық зарарсыздандыру әдісіне жататындар:

• Шашырату, шашып себу (орошение), шаңдату (распыление) ;
• Сүрту (протирание) ;
• Салып қою (полное погружение) .

Аралас (комбинированный) зарарсыздандыру әдісі

Аралас зарарсыздандыру әдісі арнайы зарарсыздандыру камерасында (дезинфекция) жүргізіледі.

Ауаны булау (паровоздушный) - ауаны ылғалдап зарарсыздандыру температурасы t - 110 ⁰ С қысымы 0, 5 атм., уақыты (экспозициясы) 20 минут.

Формалинмен булау (пароформалиновый) : 0, 5 атм. тәртібінде, t-90 ⁰ С, уақыты (экспо-зициясы) 30 минут.

Зарарсыздандыру камерасының атқаратын қызметі ауаны ыстық бумен белгілі бір температураға дейін жеткізіп және қысымы мен бу әсерін күшейту қажет болғанда - формальдегидті (формалинді) қосымша камераға енгізу арқылы жүргізіледі.

АНТИСЕПТИКАЛЫҚ ЖӘНЕ ДЕЗИНФЕКЦИЯЛЫҚ ЗАТТАР

... жалғасы

Алғашқы медициналық көмек көрсету туралы ұғым

Қан тоқтату тәртібі

Пациенттерді оңалту жүйелері

Фармацевтік кәсіпорындар

Оқиға болған жерді қараудың сатылары

Медициналық техниканы жіктеу

Медициналық құралдар мен материалдарды стерилизациялау түрлері мен тәсілдері

Ауруханаішілік инфекциялардың эпидемиологиясы

Ақпараттық жүйелердің қауіпсіздігі. Ақпаратты қорғау негіздері

Дәріхана деректер базасын жобалау

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс