Жасанды қиыршық тас

Жұмыс түрі: Дипломдық жұмыс
Тегін: Антиплагиат
Көлемі: 75 бет
Таңдаулыға:

Кіріспе

Дипломдық жобаның өзектілігі. Ұсынылып отырған технология қиыршық тас өндіру үшін қажетті тау жыныстарының кен орындары жоқ аймақтарда қажетті сападағы жасанды қиыршық таспен қамтамасыз етуге жарқын келешек ашады және оны дефицитті және қымбат материалдар қатарынан жеңіл алынатын және салыстырмалы түрде арзан материалдар қатарына қосуға мүмкіндік береді. Себебі, қиыршық тасты өндіру үшін арнайы тау жыныстарының болуы қажет.

Жеңіл бетоннан жасалған құрылымдар басқа құрылыс материалдарынан бірқатар артықшылықтары бар:

жоғары сапасы мен ұзақ мерзімділігі;
эксплуатация кезінде арнайы күтімді қажет етпейді;
оларды қолдану
қыс мезгілінде өндірісті жеңілдетеді.

Кеуекті толтырғыштар негізінде жасалған жеңіл бетондарды қолдану конструкция салмағын біршама төмендетуге, соның арқасында, құрылыс бағасын, тасымалдау жұмыстарын және еңбек шығынын азайтуға әкеледі. Құрылыстың барлық салаларында және соның ішінде, тұрғын үйлер құрылысында әр түрлі жеңіл бетондарды қолданады. Бұл бетондарды сейсмикалық аудандарда қолданған аса тиімді. Жеңіл бетонның маңызды қасиеті болып оның жылу өткізгіштігі табылады.

Жеңіл бетон өз саласында жаңарып тұрады, жаңа түрлер, формалар, құрамдар пайда болады.

Құрылыс блоктарын рифленген немесе тегіс фактуралы беткі қабатпен дайындайды; сыртқы қабаты түсі бойынша боялмаған немесе бетон араласпасы пигменттермен қоспасы арқылы немесе түсті цементтерді қолдану арқылы боялған болуы мүмкін. Түрлі - түсті блоктар дайындау үшін органикалық және бейорганикалық пигменттер қолданылады.

Блоктар құрылымы бойынша толық денелі және қуыс денелі болып келеді. Қуыс денелі блоктар - салмағын және жылу өткізгіштігін азайту (жылу техникалық параметрлерін жоғарылату) мақсатымен дайындайды.

Дипломдық жобаның мақсаты. Жасанды қиыршық тас негізінде жасалған жеңіл бетон өндіру, экономикалық сипаттамаларын, ауыр және жеңіл бетон негізінде құрылыс материалдарының көп номенклатуралы қасиеттерін жақсарту. Жасанды қиыршық тас негізінде жасалынған бетондардың қасиеттерінің артықшылықтарын зерттеу және талдау.

Дипломдық жоба тақырыбының жаңашылдығы және практикалық маңыздылығы. Бетон бұйымдары құрамына жеңіл толтырғыш ретінде жасанды қиыршық тасты қосу. Жасанды қиыршық тас негізінде жасалған бетон, жасанды қиыршық тастың кәдімгі қиыршық таспен салыстырғанда, орташа тығыздығы 2, 5 есе жеңілірек және жылу физикалық қасиеттері 35-40%-ға жоғары болғандықтан, жеңіл болып келеді. Жаңа жасанды қиыршық тас салыстырмалы түрде арзан және қол жетімді.

Жасанды қиыршық тас алу үшін шикізатты өңдеудің ұсынылып отырған технологиясының ерекшелігі мен жаңашылдығы болып, оның Қазақстанның барлық аймақтарында қажетті мөлшерде кездесетін саз және кремнисті жыныстарды пайдалану мүмкіншілігі.

Жасанды қиыршық тастың ерекшелігі, берілген қиыршық тас арқасында тек ауыр бетондар емес, жеңіл бетондар негізінде құрылыс материалдарының түгел номенклатурасын ашуға мүмкіндік береді, осыған орай, материал көп функционалды болып табылады.

Мемлекеттің экономикалық және әлеуметтік жағынан дамуы әрқашанда күрделі құрылыстың тиімді және жедел жүргізілуімен тікелей байланысты болатыны ежелден белгілі. Қоғамдық өндірістің дамуына және әлеуметтік міндеттердің шешілуіне арналған халық шаруашылық қорларын тұрғызу және оны тездете жаңарту, сонымен қатар, құрылыс өндірісі тиімділігін пәрменді жоғарылату - күрделі құрылыстың басты мақсаты болып табылады.

Бетон құрылымдары өнеркәсіптерінің дамуы өнеркәсіп жағынан өркендеген басқа елдердегі даму тәжірибесі мен өрлеу дәрежесіне сәйкес келеді және бірқатар көрсеткіштері бойынша дүниежүзілік жетістіктер деңгейіне жоғарыланған.

Бетон құралымдары мен бұйымдары - үйлердің, ғимараттардың және құрылыстардың бетоннан жасалған арматурасыз не жеңіл арматураланған құралымдық элементтері. Бетонның созылу беріктігі аз болғандықтан, бетон құрылымдары мен бұйымдары, көбінесе, сығушы күштер түсетін жерлерде қолданылады. Бетон құрылымдары мен бұйымдарының кең тараған түрлеріне: іргетастар, тастар мен қабырғалық блоктар, гидротехникалық құрылыстар, бағандар, күмбездер, көпірлік тіректер, жол және тротуар төсеніштері, т. б. жатады. Ал құралымға созу күші түсетін жағдайда бетон құрылымдары мен бұйымдарға болат арматура қосылады. Бетон мен арматура қосылып жасалған құралымды темірбетон құралымдар дейді. Зауыттарда дайындалатын бірдей стандарт элементтерден (іргетастық және қабырғалық блоктар мен тастар, т. б. ) құралған құрама бетон құралымдарды құрылыстарда пайдалану өте тиімді болып есептеледі. Ірі құрылыстар мен ғимараттардың (мысалы, бөгеттің, ірі іргетастың, сүйеме қабырғаның) құралымы әдетте тұтас бетоннан жасалады. Бетон құрылымдары мен бұйымдарының көпшілігі жоғары механикаландырылған және автоматтандырылған кәсіпорындарда дайындалады. Дайындау орындарынан құрылыс алаңына арнайы автокөлік түрлерімен жеткізіледі.

Жеңіл бетондар аз массасымен және ауыр бетондарға қарағанда, арзан бағасына байланысты конструкционды және жылу изоляциялық материалдар ретінде қолданылады.

Қазіргі кезде, құрылысқа қиыршық тастың қажеттілігі Қазақстан Республикасының табиғи тау жыныстарының негізінде қиыршық тас өндіретін зауыттарының негізінде қамтамасыз етіледі, олар қиыршық тас өндіруге қажетті табиғи жыныстардың орналасуына байланысты, көбіне еліміздің шығысында орналасқан.

Сәулеттік - құрылымдық бөлімКәсіпорынның бас жоспарының сипаттамасы

Кәсіпорынның бас жоспары ғимараттардың, құрылымдардың, көліктік және инженерлі - техникалық коммуникациялардың орналасу жағдайларын, және сонымен қатар, аумақты абаттандыру және көгалдандыру мәселелерін комплексті және рационалды түрде шешу сұрақтарын қамтиды.

Кәсіпорынның бас жоспарының шешімдері, яғни, ғимараттардың, құрылымдардың, көлік жолдарының орналасуы, минималды аумақта прогрессивті көлік түрлерін қолдану және максималды түрде ғимаратты бұғаттау арқылы оның экономиялығын қамтамасыз ету үшін, технологиялық үрдістермен анықталады. Өндірістік және әкімшілік - тұрмыстық ғимараттарды газдардан және шаңнан алдын - ала сақтау, сонымен қатар, аэрация мен кәдімгі жарықпен максималды түрде қолдануды қамтамасыз ету үшін аумақты аудандастыру қарастырылады. Кәсіпорынның алаңы, ереже бойынша, келесі аймақтарға бөлінеді: зауыт алдыңғы, өндірістік, қосалқы, қойма.

Бас жоспарды жобалау кезінде келесі қағидалар ұстанылған:

Ғимараттар мен құрылыстар өндірістік белгілері бойынша аумақтың белгілі аймақтары шектеулерінде топтастырылған. Ғиматтар мен құрылыстарды бұғаттау қарастырылған.
Жартылай фабрикаттар мен бұйымдар агрегаттар мен цехтар арасында қарсы немесе қайту қозғалыстарынсыз, көліктің түрлері мен санын минималды қысқа жол бойынша біртіндеп бағытталады.
Қосалқы өндірістің ғимараттары негізгі өндірістің цехтарының аймағының қасындағы аймақта орналасқан.
Шаң, газ және түтін (байланыстырғыш заттар қоймасы, котельная және т. б. ) шығаратын қосалқы өндірістік цехтар кәсіпорынның негізгі кіреберісінен алыс жерде орналасқан. Қосалқы өндірістік цехтар басқа ғимараттарға (өндірістік, әкімшілік - тұрмыстық, тұрғын) «жел раушанына» және санитарлы талаптарға байланысты орналастырылған.
Қоймалар және құрылыстар кәсіпорын аумағында жүктеу және шығару үрдістеріне кететін уақытты азайту үшін зауыт ішіндегі бетон жолдарын ұтымды қолдану мақсатында орналастырылған.
Теміржол көлігімен қызмет көрсетілетін ең үлкен цехтар мен қоймалар, теміржолға жақын орналасқан, ал автомобильді көлікпен қызмет көрсетілетін цехтар мен қоймалар зауыт аумағына автокөлік кіретін жерлерге жақын орналасқан. Бұл жағдайда, жүк көліктерінің, теміржол және автомобильді көліктердің қозғалыстары бөлінеді, көліктердің барлық түрлерінің соқтығысу мүмкіндіктері жоғалады, көлік жолдарының ұзындығы қысқартылады.
Жолдар мен кірме жолдардың түзу сызықтығын және параллель болуын қадағалау қажет.

Инженерлі коммуникацияларды (сумен қамтамасыз ету жүйелері, канализация, және т. б. ) негізгі жолдар бойымен және құрылыс жолдарына параллель жатады, ғимараттар арасындағы аралықтар 21-25м кем емес.

Көмір мен басқа жанатын материалдар сақталатын жабық қоймалар мен қосалқы ғимараттар мен құрылыстар арасындағы санитарлы аралықтар 15м кем емес, ал қоймалар мен әкімшілік ғимараттар арасында 35м кем емес.

Кәсіпорын аумағында ғимараттар мен ең аз өндірістік зияны бар аймақтар арасында жұмысшылардың демалуы үшін абаттандырылған, көгалдандырылған алаңдар бар.

Мүмкін болатын қираулар мен зақымданулардың өлшемдерін шектеуге бағытталған, сонымен қатар, адамдарды қорғау мақсатында арнайы шаралар қарастырылған. Белгілі бір шараларды таңдау бекітілген нұсқауларға негізделген.

Табиғи - климаттық жағдайлардың қысқаша сипаттамасы

ҚР ҚНмЕ 2. 04-01-2001 «Құрылыстық климатология» сәйкес Орал қаласы IIIА климаттық ауданда орналасқан, оған құрғақ ыссы жаз және жиі қатты желі бар салқын қыс және жыл бойына жел режимінің жоғары белсенділігі тән.

Климат шұғыл континенталды. Температуралық режим ауа температурасының үлкен тәуліктік және маусым аралық ауытқуларымен сипатталады.

Орташа жылдық температура +6, 2ºС
Орташа жылдық желдің жылдамдығы 2, 9 м/с
Орташа жылдық ауаның ылғалдығы 70%. Орал қаласының климаты 1. 1 кестеде келтірілген.

Кесте 1. 1

Орал қаласының климаты

Орал қ. климаты

Орал қ. климаты:

Көрсеткіш

Ақп

Қаң

Наур

Сәу

Мам

Мау

Шіл

Там

Қыр

Қаз

Қар

Жел

Жыл

Орал қ. климаты:

Абсолютті максимум, °C

6, 6

5, 6

21, 6

31, 1

35, 4

40, 6

41, 6

40, 7

38, 8

28, 0

18, 0

8, 7

41, 6

Орал қ. климаты:

Орташа максимум, °C

−6, 5

−6, 2

0, 4

14, 1

22, 7

28, 1

29, 9

28, 2

21, 6

12, 0

1, 5

−4, 7

11, 8

Орал қ. климаты:

Орташа температура, °C

−10, 4

−10, 6

−4, 1

7, 9

15, 7

21, 0

22, 9

20, 9

14, 4

6, 3

−2

−8, 2

6, 2

Орал қ. климаты:

Орташа минимум, °C

−14, 2

−14, 8

−8, 2

2, 4

8, 8

14, 0

16, 0

14, 1

8, 2

1, 9

−5, 1

−11, 7

1, 0

Орал қ. климаты:

Абсолютті минимум, °C

−43, 1

−40, 5

−35, 2

−24, 3

−6, 8

−1, 1

4, 3

0, 4

−7, 6

−19, 2

−32, 6

−39, 2

−43, 1

Орал қ. климаты:

Жауын-шашын мөлшері, мм

28

20

21

29

32

43

26

28

40

29

348

Қар жабыны. Тұрақты қар жабынының пайда болуы орташа айтқанда, қараша айының соңы мен - желтоқсан айының басында ауа температурасының 00-ден тұрақты ауысқанда, шамамен бір айдан соң байқалады. Тұрақты қар жабыны бар кезеңнің ұзақтығы 120 - 130 күн арасында.

Қар жыбыны ең жоғары биіктігіне әдетте, қаңтарда жетеді және оның биіктігі 25-30 см болады. Берілген аумақта қар жабынының бұзылуы наурыздың екінші жартысында басталады және 14-15 күн ішінде аяқталады.

Жел режимі. Жылдың салқын кезеңінде жел режимі көбінесе сібір антициклонының батыс саласының әсерінен қалыптасады. Осыған байланысты, аздап жоғарылаған қайталанумен оңтүстік және оңтүстік - шығыс желдері болып тұрады.

Жазда қатты желдер шаң дауылдарына әкеліп соғады. Шаң дауылдары бар күндер 35 күнге дейін жетеді. Көбінесе шаң дауылдары жылдамдығы

10-15 м/сек болатын оңтүстік - батыс және солтүстік - шығыс желдері кезінде байқалады. Желдердің пайда болу мінезі қарастырылып отырған аумақтың орографиясының ерекшеліктерімен анықталады және жыл бойына оңтүстік - батыс, оңтүстік, оңтүстік - шығыс және шығыс желдерінің анық көптігімен сипатталады.

Қыс мезгілінде оңтүстік және оңтүстік - шығыс желдері жиірек соғады, ал жазда солтүстік - батыс және солтүстік желдері соғуының қайталануы өседі. Жел раушаны 1. 1 суретте келтірілген.

Грунттың мезгілдік қату тереңдігі ҚР ҚНмЕ 5. 01-01-2002 және ҚР ҚНмЕ 2. 04-11-2001 сәйкес - 160 см.

Қарастырылып отырған аумақта жобалау үшін есептік сипаттамалар ҚНмЕ РК 2. 04-01-2001 «Құрылыстық климатология» келесідей:

Ең салқын бес күндіктің темпратурасы -30ºС Қысқы ауаны айдау -19ºС

Жылыту кезеңінің орташа температурасы -5, 9ºС Жылыту кезеңінің ұзақтығы 198 күн Қатудың байқалған максималды тереңдігі 214 см

Январь

С

Июль

С

З В З В

24Ю Ю

Год

С

З В

Ю

Сурет 1. 1 Жел раушаны

Инженерлі - геологиялық ережелер

Инженерлі - геологиялық аймақтандыруға сәйкес қарастырылып отырған Орал қаласы, Зашаған кенті бірінші жоғары жайылмалы террасада орналасқан. Бірінші жоғары жайылмалы терраса (жоғарыдан төмен қарай) : қуаты 2, 2-4, 2 м ақшыл - сұр түсті суглинок; жүзгіштік қасиеттері бар уақ құмнан тұратын жоғары ширектік шөгінділермен айқастырылған. Бірінші террасаның шөгінділер ортақ қуаты 3, 6-8, 5 см.

3, 6-8, 5 м тереңдігінде орташа ширектік жастағы құмдар жатыр; 8, 1-14, 6м тереңдікте гравийлі грунтпен және ауыр неогенді суглинокпен жабылған.

Жобаланып отырған аймақта қазіргі заманғы физико - геологиялық үрдістерден тегіс шайылу, көктемдік қар еру мезгілінде сарқынсыз сайлардың су басуы және нөсер жаңбырлар, грунттың ісінуі байқалып тұрады.

Құрылыс шарттары бойынша қарастырылып отырған аймақ шекті-қолайлы болып саналады.

Жағымсыз және қауіпті физико - геологиялық үрдістер мен құбылыстарды жою мақсатында келесі шараларды өткізу қажет: тік жоспарлау; ағынды қадағалау және беткі суларды қайтару; эррозияға қарсы шаралар; ісінген грунттарда салынатын құрылыс ережелерін сақтау; іргетастарды коррозиядан қорғау.

Технологиялық шешімдер

Жасанды қиыршық тас негізіндегі жеңіл бетон блоктарын шығаратын зауыт. Зауыттың өнімділігі 150 мың м ³ .

Дипломдық жобаның негізгі шешімі - бетон бұйымдары құрамына жеңіл толтырғыш ретінде жасанды қиыршық тасты қосу. Жасанды қиыршық тас негізінде жасалған бетон, жасанды қиыршық тастың кәдімгі қиыршық таспен салыстырғанда, орташа тығыздығы 2, 5 есе жеңілірек және жылу физикалық қасиеттері 35-40%-ға жоғары болғандықтан, жеңіл болып келеді. Жаңа жасанды қиыршық тас салыстырмалы түрде арзан және қол жетімді.

Жасанды қиыршық тас алу үшін шикізатты өңдеудің ұсынылып отырған технологиясының ерекшелігі мен жаңашылдығы болып, оның Қазақстанның кейбір аймақтарында қажетті мөлшерде кездесетін кремнисті жыныс - опоканы пайдалану мүмкіншілігі. Батыс Қазақстан облысының Тасқала ауданында бұл кремнисті жыныс - опока көп кездеседі.

Дипломдық жобаның тапсырмасы: жасанды қиыршық тас негізінде жасалынған бетондардың қасиеттерінің артықшылықтарын зерттеу және талдау.

Берілген дипломдық жұмыста бетон блоктарын дайындау үшін жеңіл толтырғыш ретінде жасанды қиыршық тас салынды. Жасанды қиыршық тас негізінде жасалған бетон, жасанды қиыршық тастың кәдімгі қиыршық таспен салыстырғанда, орташа тығыздығы 2, 5 есе жеңілірек және жылу - физикалық қасиеттері 35-40%-ға жоғары болғандықтан, жеңіл болып келеді. Жаңа жасанды қиыршық тас салыстырмалы түрде арзан және қол жетімді.

Зауыт аумағында ғимараттар мен құрылыстардың орналасуы

Бетон бұйымдарын шығаратын кәсіпорын аумағында келесі ғимараттар мен құрылыстар орналастырылған: негізгі өндірістік цехтар - қалыптау, бетон арластыру; қосалқы өндірістік цехатр - жөндеу-механикалық, бу күштік (соның ішінде, қазандық бөлмесі), энергетикалық (соның ішінде, компрессорлы және сорғыш), жинактау цехы, аккумулятор зарядтау және жөндеуі бар көлік цехы; толтырғыштар, цемент, дайын өнім, жанғыш-жағу заттар қоймасы; шаруашылық және қызметтік ғиматтар - зертханалар, өрттен қорғау күзетші бөлмесі; әкімшілік - тұрмыстық ғимараттар - зауытты басқару, жұмысшыларға арналған тұрмыстық бөлмелер, асхана.

Ғимараттар мен құрылыстардың көлемдік-жоспарлы және құрылымдық шешімдері

Бетон бұйымдарын шығаратын зауыттың бас ғимараты жоспарда тік бұрышты түрдегі бір қабатты өнеркәсіптік ғимарат болып келеді. Ол жоспарда өлшемдері 12×84 м болатын бірыңғай типтік пролеттерден (УТП-1) жинақталады. Ғимараттың подстропильді құрылымына дейінгі биіктігі 8, 4 м. Бағаналардың адымы 6 м.

Бір қабатты өнеркәсіптік ғимараттарда көтергіш құрылымдар ретінде жинақты темірбетон (бетон маркасы М500) және монолитті негіз қолданылады. Ғимараттың қабырғалары маркасы ПСЯ 16 (МЕСТ 8-73

«Ғимараттардың сыртқы қабырғаларға арналған, автоклавты ұялы бетоннан жасалған панельдер. Техникалық талаптар») панельдерден салынады. Қабырғалардың ішкі жақтары боялған. Өнеркәсіптік ғимараттардың әрлеу түстері «Өндірістік кәсіпорындардың өнеркәсіптік ғимараттарының интерьері әрлеу түстерін жобалау бойынша нұсқауларға» сәйкес келуі керек.

Тік бұрышты маркасы К96-1 (МЕСТ25628-90 «Кәсіпорындардың бір қабатты ғимараттары үшін арналған темірбетонды бағаналар») бағаналар бір- бірінен 6м аралықта орналастырылады. Бағаналарға маркалары 2БДР12-2 (МЕСТ 20372-90 «Темірбетонды итарқа және итарқа асты арқалықтар. Техникалық талаптар») арқалықтар қойылады. Содан соң, ФБ18II-4 фермалар орнатылады, олардың үстіне - МЕСТ 9561-91 «Ғимараттар мен құрылымдарға арналған темірбетонды көп қуысты аражабын плиталары. Техникалық талаптар» орнатылады.

Болат бағаналардың құрылымы 1. 2 суретте келтірілген. Бағана бөлімдері 300×500 мм.

Ғимараттардың едендері өндіріс барысында болуы мүмкін механикалық және жылулық әсер етулерге тұрақты болуы қажет. Сондықтан, ең арзан және қол жетімді тәсіл болғандықтан, көп шығындар мен берілген өнеркәсіптік ғимараттардың талаптарына жауап беретіндіктен, ғимараттар едендері бетоннан жасалынады.

Жабын плиталарына бу оқшаулағыштан, жылытқыштан, тегістеу қабатынан, су оқшаулау кілемінен және атмосфералы әсер етулерден сақтайтын мастикетегі құмтас қабатынан тұратын шатырды жабады.

Ағаш бұйымдар (есіктер, терезелер) МЕСТ 6629-88 және МЕСТ 14624-84 бойынша қарастырылады.

Ғимаратта ортақ ауыстырылатын келу - сору желдеткіш жүйесі орналастырылған.

Сумен қамтамасыз ету және кәріз жолдары ҚР ҚНмЕ 2. 04. 01-85 «Ішкі сумен қамтамасыз ету және ғимараттардың кәріз жолдары» талаптарына сәйкес орындалады.

Жобада жұмыс, төтенше (қауіпсіз және эвакуациялық), жөндеу жарықтандырулары орындалған. Төтенше және эвакуациялық жарықтандыруды қамтамасыз ету әр түрлі енгізуден қамтамасыз етіген.

+8, 400

500

0, 000

-0, 300

Сурет 1. 2 Болат бағаналардыңқұрылымы

Сурет 1. 3 Подстропильді құрылым

Сурет 1. 4 Аражабын плиталары

Негізгі өндірістік цехтар

Керек болған жағдайда, 18, 24 және 30м пролеттар қолданылады. Негізгі корпустың ғимаратында қалыптау және қосалқы цехтар орналасуы мүмкін.

Бетон араластыру цехы, ережеге сәйкес, негізгі корпустың қалыптау пролеттары жағынан бойлық қабырғасы жанында орналасады.

Қосалқы өндірістік цехтар

Жөндеу - механикалық, бу күштік және энергетикалық цехтар бөлек ғимаратта және кәсіпорынның негізгі ғимаратына жақын жерде орналасады.

Трансформаторлы подстанциялар және таратубөлімдері 6-10кВ, желдеткіш қондырғылар, жанбайтын сұйықтықтар мен газдарды сорғыштар, ережеге сәйкес, негізгі ғимаратқа кіріктірілген болады.

Компрессорлау бөлмесі қысылған ауаны қолданатын негізгі тұтынушылар, яғни, цемент қоймасы жанында орналасады.

Қазандық бөлмесі газ құбырларының ұзындығы ең аз болатындай және газ негізінде жобаланып орналастырылады.

Қоймалар

Қоймалары бар ғимараттар мен алаңдар тиеп-жүктеу жұмыстарын алу немесе қысқарту үшін және ішкі жүкті тасу жолдарын азайту үшін көлік жолдарының қасында орналасады.

Толтырғыштар қоймасы кәсіпорынның негізгі өндірістік корпусына және бетон араластыру цехына жақын жерде орналастырылады. Кәдімгі толтырғыштар қоймасы мен бетон араластыру цехының (20-28м) орналасуы көлік галереясының толтырғыштар қоймасының астындағы тереңдікке байланысты болады.

Толтырғыштарды қоймаға автокөліктермен (самосвалдармен) жеткізу кезінде машинадан тез түсіру үшін қабылдау бункері алдында пандус қойылады.

Сыйымдылықтары 150т 3 силостары бар цемент қоймасы бар. Олар бетон араластыру цехының жанында орналастырылады. Цементті жеткізу теміржол бойынша қабылдау бункеріне жүктелетін, пневмо жүктеуі бар вагон-цемент тасығыштарда, кәдімгі жабық вагондарда және арнайы бункер типті вагондарда жүргізіледі.

Дайын өнім қоймасы жеңіл бетон бұйымдарына ашық болып жобаланған. Ережеге сәйкес, олар қалыптау цехының соңында және оған перпендикуляр түрде орналасады.

Жанғыш және жағатын материалдар қоймалары зауыт аумағының шеткі алаңдарында орналасқан. Мұнда өрт қауіпсіздігі нормаларына сәйкес, қоймалар мен өндірістік цехтар арасында үлкен аралық бар.

Цемент қоймасының есебі

Цемент қоймасының қорын қоймаға жеткізу жолының алыстығы мен жағдайларына байланысты анықталатын зауыттың қуаттылығы және есептік қор негізінде қабылдайды.

Цемент қоймасының қоры келесі формула бойынша анықталады:

V _ц = (Q _тәул. × Т _сақ. ) / 0, 9 (1. 1)

Мұндағы, Q _тәул. - цементтің тәуліктік шығыны, бетонды дайындау және тасымалдау кезінде бетонның шығынын есептеу арқылы анықталады

V _сақ. - цементтің нормативті қоры, V _сақ. = 7 - 10 тәул. ; 0, 9 - толтырғыштар сыйымдылық коэффициенті.

Vц = (111, 89 ×10) / 0, 9 = 1243, 22 т .

Зауыт құрамында сыйымдылықтары 1500 т болатын 6 силос қабылдаймыз.

Цементті сақтау сыйымдылықтарының саны 4-тен кем емес болып қабылданды.

Цемент қоймаларын жобалау кезінде оны түрлері мен маркаларына байланысты бөлек сақтауды қарастыру қажет. Қазіргі уақытта силосты қоймалардың 400, 600, 1000, 1500, 2000, 3000, 6000 және 12000т жобалары бар.

Құм қоймасының есебі

Құм қоймасының сыйымдылығы келесі формула бойынша анықталады: V _құм = Q _тәул. × Т _сақ. × 1, 2 × 1, 02, м ³ (1. 2)

Мұндағы, Q _тәул. - материалдардың тәуліктік шығыны, м ³ ; Т _сақ -материалдарды сақтау нормативті қоры, тәул; 1, 2 - қопсыту коэффициенті;

1, 02 - тасымалдау кезіндегі шығындарды есептейтін

коэффициент.

Толтырғыштар қоймасының нормативті қоры автотранспортпен жеткізілген кезде 5-7, теміржол транспортымен 7-10 тәулік. Толтырғыштар қоймалары ашық және жабық типті болуы мүмкін. Қазіргі уақытта толтырғыштар қоймасының ашық типті - сыйымдылықтары 5500, 8000, 1

м ³ және жабық типті қоймаларының - сыйымдылықтары 650, 1100, 4500, 7500 және 1 м ³ жобалары дайындалған. Шығын бункерлерінің материалдар қоры толтырғыштар үшін 1-2 сағ және цемент үшін 2-3 сағ деп есептейді.