Қабат жағдайындағы мұнайдың тығыздығын есептеу


Жұмыс түрі:  Дипломдық жұмыс
Тегін:  Антиплагиат
Көлемі: 50 бет
Таңдаулыға:   
Бұл жұмыстың бағасы: 1900 теңге
Кепілдік барма?

бот арқылы тегін алу, ауыстыру

Қандай қате таптыңыз?

Рақмет!






Мазмұны
КІРІСПЕ
1.ГЕОЛОГИЯЛЫҚ БӨЛІМ
1.1 Кен орын туралы мәлімет
1.2 Кен орынның геологиялық құрылымы
1.3 Мұнай, газ және су қорлары
1.4 Кенорынның мұнай, газ және су қорлары

2.ТЕХНИКАЛЫҚ-ТЕХНОЛОГИЯЛЫҚ БӨЛІМ
2.1 Кенорынды игреудің ағымдағы жағдайын талдау
2.2 Мұнай өндіріп тұрған скважинаның дебитін есептеу
2.3 Өнім беріп тұрған скважинаның қабат қысымын есептеу
2.4 Қабат қысымын түсірмеу үшін қабатқа айдалатын судың
көлемін есептеу
2.5 Қабат жағдайындағы мұнайдың тығыздығын есептеу
2.6 Скважина өнімдерін жинау, дайындау жүйелерін автоматтандыру

3.ҚАУІПСІЗДІК ТЕХНИКАСЫ, ЕҢБЕКТІ ЖӘНЕ ҚОРШАҒАН ОРТАНЫ ҚОРҒАУ БӨЛІМІ
3.1 Кен орынның пайдалану кезіндегі қауіпсіздік техникасы
3.2 Қоршаған ортаны қорғау

ҚОРЫТЫНДЫ
ҚОЛДАНЫЛҒАН ӘДЕБИЕТТЕР
ГРАФИКАЛЫҚ БӨЛІМ
1 Кен орынның структуралық картасы
2 Кен орынның геологиялық қимасы
3 Арнайы тақырып бойынша сызба

КІРІСПЕ

Қазіргі заманғы дүниежүзілік экономикада мұнай мен газдың алатын орны ерекше. Сазанқұрақ кер орнының мұнай мен газды өндірумен және тасмалдаумен айналысуда жоғарғы орында тұр.
Мемлекетіміздің ұзақ мерзімдік Қазақстан-2030 даму стратегиясында энергетикалық ресурстарға үлкен көңіл бөлінуде. Оның ішінде энергетикалық ресурстарды халықаралық рынокқа экспорттау мақсатындағы мұнай өндіру, тасымалдау және өңдеу жүйесін дамыту болып табылады.
Әлемнің ірі кен орындарында бүгінгі таңда мың және бес мың метр тереңдікке дейін мыңдаған, он мыңдаған мұнайдың скважиналары бұрғыланған. Миллиондаған бұрғылаушы және компрессорлық станциялар жер қыртысындағы мұнай мен газды жер астынан тартып, сорып, мұнай өнімдерінің құбырлары мен газ құбырлары дамыған елдер территориясына еніп тірі организмдегі қан тамырлары сияқты әр түрлі мемлекеттер мен континенттерді біріктіре байланыстыруда.
ТМД елдерінің ішінде Қазақстан мұнай өндіру бойынша Ресейден кейін екінші орында тұрғаны көбімізге мәлім. Дүниежүзілік қауымдастықтағы 90 елдің алғашқы отыздығына Қазақстанда кіреді. Қазақстан территориясында 202 мұнай және газ кен орындары бар. Қазір мұнай 55 кен орындарында өндіріліп отыр. Ірі кен орындар қатарына Сазанқұрақ - та кіреді.
Сазанқұрақ кенорнының пайдаланып отырған жер көлемі 450 га. асады, онда ұңғымалар, мұнай дайындау қондырғысы, газ электр стансасы, жер астына су айдау сорап стансасы, мұнай-су сақтайтың резервуарлар, вагондарға мұнай тиейтін темір жол терминалы және топтық өлшеу қондырғылары орналасқан.
Мұнай және газ өндіру процестерін өнеркәсіптерде автоматтандыру деп мұнай мен газды промыслдан тұтынушыға адамның тікелей қатысуынсыз іске асыратын аспаптар, қондырғылар және машиналарды пайдаланып жеткізу. Өнеркәсіп процестерін автоматтандыру мұнай мен газды өндіру техникаларының өте жоғары деңгейде дамуы алдыңғы қатарлы технологияларды, жоғарыөнімді және сенімді жабдықтар қолданылуын талап етеді.

1 ГЕОЛОГИЯЛЫҚ БӨЛІМ
1.1. Кен орын туралы жалпы мәлімет

Сазанқұрақ ЖШС- і 1997 жылы Қазақстан Республикасына тіркелген.Оның кеңсесі Атырау қаласы Құлманов 111 көшесінде орналасқан. Қоғам әріптестері мен ұйымдастырушылары Пекиндегі бас кеңсе Синопек компаниясы болып табылады.
Сазанқұрақ кен орны Атырау облысы Исатай ауданында орналасқан. Сазанқұрақ мұнай кенішіндегі көмірсутек шикізатын өндіру және барлау үшін өзінің қызметін Қазақстан Республикасының Үкіметімен берілген Лицензияға сәйкес жүргізуде.
Сазанқұрақ ЖШС-і лицензиялар және шарт талаптарына сай Сазақұрақ мұнай кенішінде көмірсутек шикізатын барлау, мұнай өндіру,дайындау, сақтау істерін жүзеге асырады, тасымалдау, маркетинг және өндірілген мұнайды сатуды қамтиды.
Сазанқұрақ мұнай кеніші Атырау қаласының облыс орталығынан батысқа қарай 150 км де және Ресей Федерациясының Астрахань қаласынан солтүстік шығысына қарай 180 км де орналасқан.
Сазанқұрақ ЖШС-і мұнай кенішін игеруді елсіз далада, қажетті инфрақұрылымдары болмаған, мұнай қоры толықтай зерттелмеген алаңда жаңадан жұмысын бастаған алғашқы бірлескен мекеменің бірі.
Сазанқұрақ мұнай кеніші 1992 жылы ашылған. Оның геологиялық қоры есептеліп, ҚР пайдалы қазбалар қоры жөніндегі мемлекеттік комиссиясымен 1996 жылы бекітіліп бітті.
Сазанқұрақ мұнай кенішін игеруге ФИОК компаниясымен жіберілген үлкен көлемді инвестиция қысқа мерзімде кәсіпорынды тұрғызуға және өнеркәсіптік мұнай өндіруді бастады.
Сазанқұрақ мұнай кенішін игеру технологиялық сызбанұсқасы бойынша 2003 жылы кәсіпорын жобалық өнім деңгейіне шығуы қажет болды.
Тұтынушыларға мұнайды тиеу және жіберу теміржол цистерналарымен мұнай кенішдегі терминалдан өз теміржол тармақтарымен жүзеге асырылады.
Мекемені басқару орталықтандырылған басқару жүйесі арқылы тікелей Алматы қаласының ФИОК бөлімшелерімен байланысты жүргізеді.
Мекеменің жалпы басшылық қызметін бас директор және директордың өндіріс жөніндегі орынбасары басқарады. Геологиялық, бұрғылау, есеп және жабдықтау жұмыстары бойынша Алматы қаласындағы ФИОК кеңсесімен Атырау қаласындағы бөлімдері тығыз байланыста. Өндіру процестерін басқару орталықтандырылған жүйе бойынша барлық кәсіпорындарды,техника қауіпсіздігі және өрт қауіпсіздігін өндіріс менеджері басқарады.
Сазанқұрақ кен орнында қызметкерлердің денсаулықтарына кері әсер ететін қауіпті өндірістік факторлар болдырмау шаралары Қазақстан Республикасының Еңбек туралы заңы нормативтік актілеріне сай орындалады.
Сазанқұрақ ЖШС-і Атырау облысының инфрақұрылымдары мен әлеуметтік саласының дамуына аса көңіл аударып келеді. Мекеме Исатай ауданының мектептеріне,мешіт салуға, Жас ұрпақ қайырымдылық қорына, соғыс ардагерлеріне және тағы басқаларға демеушілік көмек көрсетеді.
Сазанқұрақ мұнайы өндіруге қиын және қою,тұтқырлығы жоғары осыған байланысты,өндіру және өңдеу кезінде мұнай кенішінде жаңа технология және шетелдік озық технологиялық жабдықтар қолданылады, соның ішінде:
- барлық ұңғыларда өнімділіктері әртүрлі өнім қабаттары қойнауына бірқалыпты қысыммен гидравликалық соққысыз әсер етуге мүмкіншіліктер туғызатын Канадалық Мойна, Протекс фирмаларының бұрандалы сораптары орнатылған;
- мұнайды жылыту мен дайындау кезінде қатпарлы жылу алмастыру Aльфа-Лаваль мен ИГАЗС фирмаларының бу генераторын қолданумен жүргізіледі;
- мұнай құятын эстакада голландиялық фирма WLT экологиялық таза мұнай құю жөндерімен жабдықталған.
Американдық `First International Oil Corporation''LTD (Ферст Интернейшл Ойл Корпорейшн ФИОК) компаниясы 1997 жылдың ел үкіметімен жасалған келісім - шарт, негізінде жалпы көлемі 4262 шаршы шақырым жерде геологиялық іздестіру жұмыстарын жүргізуге мемлекеттен рұқсат қағазын алады.
Бүгінгі таңда бұл жерде Прикаспиан Петролеум Компани Жауапкершілігі Шектеулі Серіктестігі басшылық етуімен мұнай көздерін өндіру жұмыстары жүріп жатыр.
1998-2000ж.ж. - Прикаспиан Петролеум Компани ЖШС-нің негізгі міндеті - кенорнындағы мұнайды барлау мен өндіру. Конкурста лицензияланған аймақ шеңберінде мұнайды барлау мен өндіруге алғашқы лицензия алынды. Кәсіпорын толық құқықты жер асты кенін пайдаланушы болып табылады. Мыңтеке Оңтүстік кенорнын игеру құқығына ие болды. Әкімшілік тұрғыдан, Мыңтеке Оңтүстік кенорнының жалпы көлемі 314,0 га аумағы бар мұнай нысандары Қазақстан Республикасы Атырау облысы Исатай ауданында орналасқан. Аудан орталығы Аққыстау селосы 70 км қашықтықта, онымен қатынас атырау қ. (ҚР) - Астрахань қ. (РФ) асфальтті тас жолы мен темір жол арқылы жүзеге асырылады.
2001-2002 ж.ж. - Компания №1, Соңғы екі жылда барлау мерзімін ұзарту шартына қосымша алды.
2003 жылы - Құзырлы органдардан №2 Барлау мерзімін 2006 жылдың 12 маусымына дейін ұзарту туралы қосымша келісім алынды.
2003 жылдың майында Мыңтеке Оңтүстік құрылымы бойынша, 2 D сейсмикалық - барлау жұмыстары негізінде, 1998, 2000, 2003 ж.ж., төменгі бор, юра, триас шөгінділерінен мұнай мен газ кенін табу мақсатында барлау бұрғылау жұмыстары басталды.
M-1A ұңғысынан алғашқы мұнай 624,6-631,7 м интервалды (валанжин горизонты) сынау кезінде, мұнайдың 6,5 мм штуцерде 12,2 м³ күніне фонтанды құйылуы арқылы алынды.
01.09.2005ж. хал - ахуалына сай, Мыңтеке Оңтүстік құрылымындағы 650-1175 м тереңдігі бар бұрғыланған, барланған ұңғылар қоры 12 дананы құрайды.
2005 жылы Каспиймұнайгаз АҚ-ы алғаш Мыңтеке Оңтүстік кенорнының мұнай және газ қорын Оперативті санағын орындады. Қорды Қазақстан Республикасының МҚК қабылдады (№429-05-П Хаттама, 08 шілде 2005ж.) келесі данада: геологиялық 2237 мың т, шығарылатын - 826 мың тонна С1 және С2 категориясы бойынша, 01.05.2005ж. зерттелгендік жағдайы бойынша.
2005ж. Каспиан Энерджи Ресерч ЖШС Мыңтеке Оңтүстік кенорнын байқау эксплуатациясы жобасын жасады, ол ҚР Орталық Зерттеу Комитетінде бекітілді.
(№36 Хаттама, 9.12.2005 жылдан). Сазанқұрақ кенорнында мұнай дайындау қамтамасыз етілді, кейіннен мұнай тасымалдау КазТрансОйл Атырау мұнай тасымалдау басқармасында жүзеге асырылды.
2006 жылы Мыңтеке Оңтүстік кенорнында мұнайды жинау, тасымалдау және дайындау бірқұбырлы герметизацияланған мұнай және газ жинау және тасымалдау жүйесінде орындалады. Сондай-ақ, әрдайым кенорнында өндірілген ілеспе газды өлшеу, айыру және газ дебитін өлшеу Мұнай дайындау учаскесінде (МДУ) жүзеге асады.
2006 жылы Мыңтеке Оңтүстік кенорнынан алынған мұнай ілеспе газын пайдаған асыру бағдарламасы жасалып, ҚР Энергетика және Минералды Ресурстар Министрлігінде №36 25.05.2006 жылғы Хаттамада келісілді.
2007 жылы қысқа уақыттың ішінде 42 адамға лайықталған Вахта қалашығы салынып, пайдалануға берілді, оның құрамына: 42 адамға лайықталған асхана, жатақхана, көлемі 50м³ 3-2 дана өртке қарсы су жинау қоймасы, өртке қарсы сорап сарайы, су тазарту блогы, тексеріп өткізу пункті, қазан сарайы, дизельді электрстанция, кешенді трансформатор қосалқы станциясы, құбырлар қоймасы, жанар май құю станциясы, спорт алаңы, жабық шағын спорт зал, қызмет көлігіне арналған ашық тұрақ кіреді.
Мұнайды алдын - ала дайындау қондырғысы, топталған өлшеу қондырғысы нысаны, диаметрі 658 мм, ұзындығы 2200 м шыны талшық құбырынан жасалған, ТӨҚ - МДУ - мұнайын айдайтын мұнай коллекторы нысаны, Мыңтеке Оңтүстік - Сазанқұрақ кенорны мұнайын айдайтын диаметрі 42 мм, ұзындығы 17200 м шыны талшық мұнай құбыры нысаны салынып, пайдалануға берілді.
2007 жылдың 27 қыркүйегі вахта қалашығын сумен жабдықтау және кенорны нысандарын ұзындығы 500 м, диаметрі 89 мм Астрахань - Маңғышлақ су құбырына қосу мақсатында тахникалық су құбыры енгізілді, іске қосылды. 10 кВ, ұзындығы 9503 км және 0,4 кВ, ұзындығы 6446 км электр қуатын беру желілері іске қосылды.
2007 жылы алынған жаңа мәліметтер негізінде байқау эксплуатациясы мерзімі ішінде, 01.05.2007 жылы хал - ахуалы бойынша Мыңтеке Оңтүстік кенорнының мұнай, газ және басқа да ілеспелі қазба байлықтары қоры санағын жасады. Қор ҚР МҚК (№678-8-У Хаттама 21.03.2008 жылдан) бекітілді.
Мұнай:
* С1 категориясы: геологиялық - 2163,0 мың т; шығарылатын - 719,5 мың т;
* С2 категориясы: геологиялық - 148, 0 мың т; шығарылатын - 24,3 мың т;
Еріген газ:
* С1 категориясы: геологиялық - 75,23 млн. м³; шығарылатын - 25,83 млн. м³;
* С2 категориясы: геологиялық - 4,62 млн.м³; шығарылатын - 1,07 млн.м³;
Бос газ:
* С1 категориясы: геологиялық - 34,8 млн. м³; шығарылатын - 31,3 млн. м³;
* С2 категориясы: геологиялық - 12,1млн.м³; шығарылатын - 10,9 млн.м³;
2007 жылы Каспиан Энерджи Ресерч ЖШС Мыңтеке Оңтүстік кенорнын байқау эксплуатациясы жобасын жүзеге асыруды авторлық қадағалауды жасады.
27.08.2008 жылы Мыңтеке Оңтүстік кенорнының ілеспе газын пайдаға жарату бағдарламасын орындау үлгілерін өндіріске енгізді. Аталған бағдарламаға сай кенорнында газ жүргізу желісі салынды, газды өртеуге қазан сарайы орнатылды, кенорны мен кенішінде электр қуатын өндіріп шығару үшін салынған газ - поршень генератор қондырғылар құрылысы аяқталды, 2008 жылдың маусым айында пайдалануға берілді. Газ - поршень генераторларын пайдалана бастағаннан бастап барлық өндірілген ілеспелі газ кенорнының өз технологиялық мұқтаждығына электр қуатын өндіруге, жылыту пештеріне ғимараттарды жылытуға және т.б. пайдаланылады.
2009-2010 ж.ж. - Компанияның инфрақұрылы алға дамыды.
2009 жылдың екінші тоқсанында Прикаспиан Петролеум Компани ЖШС кенорнының оң жақ қанатында қабаттық қысымды сақтау мақсатында су айдау жүйесі нысанының құрылысын бастады және 2010 жылдың бірінші тоқсанында қолданысқа берілді.
2010 жылдан бастап сату жағдайына дейінгі барлық өндірілген мұнай Мыңтеке Оңтүстік кенорнында дайындалды. 31.12.2010 жылғы хал - ахуалға қарасақ - пайдалануға берілгеннен бастап кенорнында 238 964 тонна мұнай өндірілген.
Ұңғы қоры: 31.12.2010 жылғы хал - ахуалға сүйенсек, жалпы бұрғыланған ұңғылар қоры 43 ұңғыны құрайды, қазіргі таңда пайдалану ұңғылар саны 72.

1.2.Кен орынның геологиялық құрылымы

Сазанқұрақ структурасының бұрғыланған геологиялық қималарында төменгі перьмдік шөгінділерден бастап төрттік шөгінділерге дейін кездеседі. Олардың жіктелуі литологиялық, микрофауналық полинологиялық зерттеулер нәтижесінде анықталды. Бұрғыланған ұңғылардың каратаждық диаграммаларын өзара салыстыру нәтижесінде стратигарафиялық қабаттардың корреляциясы орындалады.
Кен орынының микрофауналық және полинологиялық қималарын анықтау, шламнан алынған үлгілер негізінде жасалады Ғ - 10; Ғ - 20 ұңғыларынан неогендік кезеңнен апшерондық остракодалар жиынтығы, Ғ - 2; Ғ - 3; Ғ - 4; Ғ - 5; Ғ - 10; Ғ - 11; Ғ - 20; Ғ - 24; SKE - 4 ұңғыларынан триас кезеңіне жататын альптық, валанжиндік фораминферлер жиынтығы зерттеледі, полинологиялық зерттеулер юралық шөгінділер бойынша жүргізіледі. Мезазой микрофаунасы бойынша кезеңдерді анықтау АОМЭ КазНИГРИ - де, полинологиялық зерттеулер АО АктюбНИГРИ - де, ОАО Казахстанкаспийшельфте жүргізіледі.
Пермь жүйесі - Р
Сазанқұрақ структурасындағы ең көне шөгінділерден кунгур ярусының жыныстары қазылды. Литологиялық жағынан кунгур ярусы екі қабатшадан тұрады: галогенді және жоғарғы сульфатты ( кепрок ).
Галогендік қабатша негізінен мөлдір ақ, бозғылт-ақ, кристалдығы орташа, берік ас тұзынан тұрады. Тұзда аз мөлшерде терригендік қабыршақтар және ангидрит қабаттары кездеседі.
Жоғарғы жиынтық - кепрок - литологиялық жағынан саз қабыршақтары бар ангидриттан тұрады, қалыңдығы 5 метрден 15 метрге дейін болып келеді.
Ең көп бұрғыланған қабаттың қалыңдығы 111 м ( Ғ - 11 ұңғысы ).
Триас жүйесі - Т
Триас шөгінділері кунгур ярусындағы жыныстарда біркелкі жатпағандықтан және триас қимасы жеткілікті зерттелмегендіктен жіктелген жоқ деп саналады.
Триас шөгінделер қалыңдығы төменгі пермнің шайынды беті шөгу тереңдігіне байланысты және үлкен шекте-330 метрден 460 метрге дейін өзгереді. Триас кешені байос және мүшеленбеген пилловей - бат ярустарының жыныстарынан тұратын орташа юра шөгінделерімен келіспей жабылады.
Триас шөгінділерінде екі жиынтықты бөліп алуға болады, жоғарғысы құмды - сазды және төменгі әкті - сазды.
Триас жоғарғы жиынтықты саздар, құмдар, аргиллиттар және алевролиттер кездеседі. Төменгі бөлігі негізінен мергель, саз, құмтастар қабыршықтар бар әктастардан тұрады. Жыныстардың түстері боз, қара боз, қоңырқай, жасыл - қоңырқай, жасыл болып келеді.
Әктастар қатты, кристалды, жарықшақты.
Құмтастар орташа және ұсақ түйіршікті, кварцты, далалық шпатты, берік цементтелген (саздық цементтер, әктік цементтер).
Саздар өте тығыз, аргилит тәріздес, кейде аздап әгі бар кристалды пирит қоспалы, өсімдік қалдықтары кездеседі.
G - 6 ұңғысында 739 - 746 м аралықтарында триас кезеңіндегі споралы - тозаңды комплекстер анықталған. Анықталған триас шөгінділері қалыңдықтары 24 метрден ( SK - 3 ұңғысы ) 364 метрге ( G - 2 ұңғысы ) дейін болып келеді.
Юра жүйесі - J
Юра шөгінділері триас шөгінділерінің үстінде жатыр және екі бөлімнен тұрады: төменгі және ортаңғы.
Төменгі бөлім - J1
Төменгі юралық шөгінділерде әлсіз цементтелген құмтастардан, құмдардан, қатты құмтастардан алевролиттерден құралған жұқа қабаттары бар саздардан тұрады, өсімдік қалдықтары бар қабыршақтар кездеседі. Құмды жыныстардың құрамы әр түрлі мөлшердегі түйіршіктерден тұрады, олардың түстері боз және ақшыл боз, алевролиттен және сазды материалдарда бар, өсімдік қалдықтары кездеседі.
Оның қалыңдықтары 11 метрден 150 метрге дейін болып келеді.
Орта юра - J2
Орта юраның шөгінділері үзілістермен төменгі юра және триас шөгінділерінде кездеседі және құмды - сазды жыныстардан тұрады. Оның құрамында өзара ажыратылмайтын байостық және баттық ярустардың шөгінділері кездеседі. Литологиялық жағынан алғанда ол кезектесіп келетін құмды және сазды қабаттардан тұрады, олар қимада бірқалыпты тараған жыныстардың бояуында онша ерекшелік жоқ. Көбінесе әр түрлі реңдегі боз, қара боз және қара түстер кездеседі. Сонымен қатар қоңырқай, қоңыр боз саз қабатшалары және жасылдау - боздан құмтастар, құмдар бар.
Орта юра қимасында көмірге айналған өсімдік қалдықтары бар және жалпақ емес қабатшаларда не алевролитті құм қалдықтары не өсімдіктік детриттің қабыршақтары және көмір қабатшалары кездеседі.
Полинологтар G - 6 және G - 8 ұңғысынан споралы - тозаңды комплексті анықтады, бұл орта юраға тән, бұнда споралардың (70%) тозаңдарға (30%) үлесі көп.
Қалыңдығы 6 метрден ( SК - 7 ұңғысы ) 322,0 метрге ( G - 6 ұңғысы ) дейін болып келеді.
Бор жүйесі - К
Бор жүйесінің шөгінділері біршама кең тараған және әр түрлі үзілістермен орта юраның бетінде орналасқан.
Литологиялық ерекшеліктеріне қарай олар екі комплекске бөлінеді: төменгі бөлімді құрайтын терригендік жиынтық және жоғарғы бөлімді құрайтын карбонатты жиынтық.
Төменгі бөлім - К1
Төменгі бөлімдік шөгінділер бұрғыланған ұңғылардың барлығында дерлік кездеседі. Қима валанжиндік, готеривтік, аптылық, альбтық ярустармен бейнеленеді. Алаңда баррелдік шөгінділер кездеседі.
Төменгі пермь шөгінділері үш ярусқа бөлінеді: ассель, сакмар, және артин ярустары, олар толқын және Сазтөбе кеніштеріндеөнеркәсіптік көмірсутек жиыны ашылуына байланысты ерекше қызығушылық туғызады. Ассель ярусы терриген - карбонат кремний жыныстар қабатынан тұрады. Әк қыртыстары қара түсті зерлін, өте сазды, доломитті, фузулинді, губкалар спикуласы, сирек радиолярний реликті кальцитпен жалғасқан.
Әк түйірлерінен тұратын және фораминифер қалтыршағымен қапталған және тас көмір жасындағы балдырмен оралған гравелит қыртыстары байқалады.
Валанжиндік ярус - К1
Валанжиндік ярус бұрғыланған барлық ұңғыларда бар және өнімі бар қабатқа жатады.
Литологиялық жағынан онда құмдар және алевролитті сазды қабатшалары бар құмтастар кездеседі.
Құмдар қоңыр - сары, кейде жасыл реңді, мұнай сіңгендіктен қоңыр түсті, ұсақ түйіршікті борпылдақтау болып келеді.
Құмтастар боз өте ұсақ түйіршікті, сазды - әкті цементтелген дала шпатты тығыз және мұнай сіңген болады.
Саздар боз, қара боз, тығыз, құмды - алевролитті, әкті болады, қабыршақтардың сынықтары мен пириттік ойықшылар кездеседі.
438 - 443 метрлік, 458 - 463 метрлік интервалдан G - 5 ұңғысынан валанжиндік кезеңдегі фораминиферлер комплексті табылды.
Олардың қалыңдығы 26 метрден ( Ғ - 24 ұңғысы ) 79 метр ( G - 7 ұңғысы ) дейін өзгеріп отырады.
Готеривтік ярус - К1Һ
Готеривтік ярустың шөгінділері сазды және құмды қабаттардан тұрады. Қиманың төменгі жағын сазды қабат құрайды, онда сазбен қатар құмтасты қабатшаларда кездеседі. Құмды - сазды қабат қиманың жоғарғы жағында жатыр, онда құмтасты шөгінділер және сазды шөгінділер араласып келеді.
Бірқатар зерттеушілер пікірінше бұл ұңғыларда төменгі карбондың визей ярусының терриген қабатының шөгінділері ашылды, ол жұқа корбонат - терриген шөгінділері көбінесе сазды жыныстармен туар және туффит алеврит, біркелкі бірғақты түрде қабаттары аралас кездесіп қоңыр битуминозды мергиль мен кремний сазды жыныстардың жұқа қабаттарымен араласқан.
Саздар боз және қара боз, кей жерлерінде жасыл реңді, тығыз әкті қауашақтардың сирек кездесетін сынықтары бар құмды.
Әктастар қара боз, жұқа және ұсақ түйіршікті, қатты, әкті цементті, жарықшақты, жарықшақтар бойында аз мөлшерде кальцит кездеседі.
Мергельдер жасыл, боз алевриттік құм кей жерлерінде тығыз байқалады.
Қабаттың төменгі жағында түгелдей құмдар шоғырланған.
G - 6 ( 701 - 709 интервалы ) ұңғысында готеривтік жастағы фораминиферлер жиынтығы анықталған.
Аптық ярус - К1а
Аптық шөгінділер готерив жыныстарында біркелкі орналасқан және барлық ұңғыларда дерлік кездеседі. Аптық шөгінділер негізінен теңіздік саздық құралымдардан тұрады. Апт табанында базальтты горизонт жатыр, онда құмтастар мен құмдар бар.
Литологиялық жағынан апт шөгінділері сирек кездесетін құмтастары мен мергельдері бар саздармен бейнеленеді. Жыныстардың түсі қара боздан қараға дейін.
Саздар тығыз, әк кездеспейді, аздап құм араласқан, слюдалы. Саздарда аз мөлшерде пирит кездеседі, қауақшақтардың сынықтары бар.
Полинологтар S - 58 ұңғысында (552 - 560), G - 5 ұңғысында (549 - 554) аптық жастағы фораминферлер жиынтығы анықталды. Қалыңдығы 26 метрден ( SК - 7 ) 85 метрге ( Ғ - 2 ) дейін өзгеріп отырады.
Альбілік ярус - К1аl
Альбілік шөгінділер аптық ярусының жыныстарында ретсіз жатыр, литологиялық жағынан құмды - сазды құмдардан тұрады. Құмның қалыңдықтарының ең көп мөлшері альб қабатының орталық бөлігіне келеді.
Альб ярусы - қыртыстың төменгі жағында глаукоипт - кварц құм қабаты аралас жұқа қыртысы саз қабатынан тұрады және осы құрамдағы жер қыртысы табанында да кездеседі.
Саздар қара боз, тығыз, құмаралас, слюдалы, әксіз. Саздарда пириттің кристалдары, сиректеу қауақшақтардың сынықтары және көмірленіп кеткен өсімдік қалдықтары кездеседі.
Құмтастар боз, ұсақ түйіршікті, дала шпаты кездеседі, берік слюдалы. Кей жерінде құмтастар жарықшақты, жарықшақшаларда кальциттер кездеседі.
Құмдар боз және қара боз ұсақ түйіршікті, тығыздығы нашарлау, слюдалы.
Альб шөгінділерінде осы уақытқа тән форминиферлер жиынтығы анықталған.
G - 14 ұңғысынан алынған үлгілерде споралы - тозаңды жиынтық байқалады.
Бұрғыланып шыққан ең үлкен қалыңдығы 173 метр ( G - 6 ұңғысы ).
Жоғарғы бор ( мел ) - К2
Жоғарғы борлы шөгінділер жұмыстар өткізілген алаңның шектелуі таралған, яғни өте шашыраңқы. Литологиялық жағынан әктастармен, мергельдермен бейнеленген, сиректеу газдар мен құмтастар кездеседі.
Жоғарғы бор түзілімдері барлық бөлімдерінен төменгі бор қабаттарына сәйкессіз орналасқан. Сономан ярусы сазды корбонатты цементпен құмтас қабаттары араласқан кей жағдайда фосфолиттік гольки қосылған алевролиттік саздардан тұрады.
Жоғарғы барлық шөгінділердің қалыңдығы 8 метрден 81 метрге дейін ауытқиды.
Неоген жүйесі - N
Неоген шөгінділері барлық жерлерге тараған. Ол өте қалың болып әр түрлі жастағы барлық құрылымдарды басып жатыр.
Литологиялық жағынан сирек қабатшалы, мергельдері бар саздармен бейнеленген. Саздар жасыл боз, тығыз, кейде орташа тығыздықты, сиректеу құмы бар, слюдалы, қауақшақтардың сынықтары кездесетін карбонатты сиректеу құмы бар және құмтас қабатшалары бар. Мергельдер жасыл боз, тығыз, қауақшақтардың сынықтары бар.
Қалыңдығы 244 - 324 метр аралығында өзгереді.
Төрттік ( четвертик ) шөгінділері - Q
Төрттік шөгінділер жан - жаққа кең тараған.
Литологиялық жағынан алғанда, саздар бар, олардың түстері қара - қоңыр, қара боз, жасыл боз, жасыл, құм аралас, құмы сирек әкті, оның құрамында сынық не тұтас қауашақтар кездеседі, микрофауна қалыңдықтары жақсы байқалады.
Қалыңдығы 10 - 12 метр болады.
Аймақтық тектоникалық тұрғыдан алғанда Сазанқұрақ структурасы өзімен аттас тұзды күмбезбен байланыстырылған; ол солтүстік Каспий көтеріңкілігінің аймақтық жүйесіне кіреді.
Сазанқұрақ күмбезі Манаш күмбезімен бірге ендік бойымен созылып жатқан, батыс және шығыс екі төбесі бар тұздан құралған дене. Әрбір төбесінен 200 метрлік изогипса көтереді, яғни геологиялық жағынан кунгур тұзының неоген қабаттарына дейін көтерілуі болып табылады.
Төменгі бор мен ортаңғы юраның түйісуінде орналасқан мұнайы бар горизонттарға жататын мезазой шөгінділері төменге қарай әр түрлі тереңдіктерде жұқалана түседі, ол күмбездер арасындағы аймақтарға қарай моноклинальды түрде құлайды, олар былайша айтқанда күмбез төбесінен етегіне қарай сырғанай түседі, сондықтан осындай етектердің бойына әр түрлі типтегі мұнай ұстап қала алатындай структуралық құрылымдар пайда болған.
Тұздың беті солтүстік және оңтүстік бағытында күмбездерді шектеп тұрған күмбез аралық аймақтарға қарай күрт тереңдей түседі. Тұздық бет солтүстікте1800 метр, оңтүстікте 1000 метр тереңдікте байқалады. Осы тұздың бойымен шығыс және батыс жартылай бөліктерінің өзара айырмашылығы өте жақсы байқалады.
Шығысында күмбез көптеген өзара байланысып отыратын тұзды қабаттарарқылы Манаш, Жаңаталап күмбездерімен жалғасады. Оңтүстік батысында қысқа, бірақ жалпақ тұз қабаты арқылы Аманкелді тұз күмбезімен жалғасады.
Батысында тұз күмбезі күмбез аралық аймақпен шектелген, ол оны Қарамола күмбезінен ажыратып тұр. Күмбездің етегінде мезазой қабаттарының құрлымы және қалай өзгеретіндігі оның айналасындағы күмбез аралық аймақтың құрылымы мен олардың өзара орналасуына байланысты болады.
Мұнай барлығы жағынан Сазанқұрақ күмбезінің оңтүстік бөлігі назар аударуға тұрарлық сейсмикалық зерттеудің нәтижесінде анықталған структуралық тұрғызулар көрсетіліп отырған юралық - барлық шөгінділер өте төмен 1500 метр деңгейден 1000 метрге дейін көтерілетін моноклиналь екендігі анықталды.
1998 жылы жұмыстар алаңындағы қосымша 2Д сейсмикалық барлау жүргізіледі. Сейсмикалық материалды талдау негізінде Сазанқұрақ структурасының геологиялық моделі тағы да нақтылана түсті.
Бұл тұрғызуларға сәйкес төменгі бөлікті жағалай жоғары итеріп шығарулар байқалады.
Моноклинальдық жоғарғы көтерілудің бойында субпараллелді амплитудасы 50 метрлей f2 қабаттың бұзылуы байқалады. Бұл f2 қабат бұзылуы оңтүстікке бағыттала құлайды.
Суб - ендікті қабат бұзылуы f1 Ғ - 30 ұңғысының солтүстік жағында және 90 метрдей қашықтықта, ол оңтүстікке бағыттала құлайды, амплитудасы 50 - 100 метрдей.
Сонымен, бұл моноклиналь бұзылулар жүйесі нәтижесінде екі блокқа бөлініп кетеді, бұларда мұнай менгаздың ұсталып қалуына структуралық жағдайлар бар екендігі анықталды.
Бұл аймақ М1 горизонтының табанында 540 метрлік изогипсамен көмкерілген.
Солтүстік блок өте күрделі орналасқан элемент болып табылады, ол батыстан шығысқа қарай тарыла түседі және 380 метрден - 340 метрге дейін көтеріледі (валанжин табаны бойынша).
Тұздың ең биік бөлігі әр түрлі бұзылулар жүйесімен күрделенеді.
Тұз үсті комплекстің жиілігінде екі сейсмикалық шоғылдырушы горизонт V-III триастық көмескіленген қабат және сәйкес төменгі бордың белгілері байқалады.
Жүргізілген сейсмикалық жұмыстардың нәтижесінде готеривтік, валанжиннің, ортаңғы юраның жаппалары бойынша структуралық карталар тұрғызылады.Ортаңғы юраның жаппасының картасында ортаңғы юра шөгінділерінің валанжиндік қабаттың астына көтеріліп ену аймағы байқалады. Бұл аймақта жататын ұңғылар Ғ - 10, Ғ - 20, Ғ - 21, Ғ - 24, Ғ - 25, Ғ - 29, Ғ - 30, S - 57, S - 59, SР - 2, SР - 3, SК - 5, SК - 10, SК - 15, SК - 22;
Валанжин жаппасының структуралық негізі кейбір өзгерістерге ұшырады; әр түрлі қабат бұзылуының орналасулары бұрынғы сейсмикалық жұмыстар нәтижесінде табылған материалдарға қарағанда басқаша орналастырылды.
Қазіргі кезде сейсмикалық және бұрғылау жұмыстарының нәтижесін қайта қарау негізінде Сазанқұрақ структурасының геологиялық моделін жасап мүмкіндік пайда болды - жұмыстар жүргізіліп жатқан барлық аймақтың қималарында валанжиндік қабатты нақты кездестіреді. Валанжин табанының астында орналасуы тиіс шөгінділердің көтеріліп енуі байқалады.
Қиманың жоғарғы жағында неоген - төрттік қабаттардың астына әр түрлі геологиялық жастағы шөгінділер көтеріліп енеді.
Аталған модель Сазанқұрақ мұнай кен орынынын игеруге негіз ретінде алды.

1.3. Мұнай, газ және қабат суының физикалық қасиеттері

Барлау кезеңінде және игеру кезеңінде алынған қабат жағдайындағы және жер бетіндегі жағдайлардағы үлгілер бойынша зерттеледі.
Мелдік өнімі бар жиынтықтар батыс орталық блоктан 12 ұңғыдан алынған 20 үлгі бойынша шығыс блоктан 3 - ұңғыдан, алынған 4 үлгі бойынша, солтүстік блоктан алынған 1 үлгі, оңтүстік блокта 3 үлгі бойынша зерттелді.
Батыс блоктың өнімді қабаттары ең жоғарғы деңгейде ( 320 - 329,5 метр ) жатыр. F - 30 ұңғысынан алынған 2 үлгені зерттегенде мұнайдың орташа тығыздығы ( 0,877 гсм3 ) 200С - де тұтқырлығы 40,7 мм2с болатыны анықталды. Тұтану температурасы - 40С, қатаю - 150С.
Батыс алаңының орталық блогындағы мұнай біршама ауыр тығыздығы 0,9145 гсм2 мұнайы күкіртті, күкірттің мөлшері 0,49 % - 1,2 % - ға дейін ауытқиды. Құрамында парафинді (0,12 % - 5,08 % ) мөлшерінде, яғни бұл мұнай парафинді мұнайға жатады.
Мұнай шайырлы, мұнайдағы шайырдың мөлшері 7,05 % - 41,02 % - ға дейін ауытқиды. Орташа 25,77 % шамасында. Оның ішінде асфальтенді шамасы 1,73 % болады. Кенематикалық тұтқырлығы қалыпты жағдайларда 139,9 мм2сек - 839,44 мм2сек дейін өзгереді, 2000С дейін буға айналатын көмірсутектік фракциялары бойынша, осы қабаттағы мұнайлар метанды - нафтенді түрлеріне жатады, мысалы 2000С - дейін булана алатын бензиндегі фракциялардың шамасы 0,5 % - 8,0 % дейін болады.
Мұнай кейбір органикалық - бензин, хлорофарм, эфир сияқты ерітінділерде тез ериді. Сонымен бірге ол иод, күкірт, каучук, шайыр өсімдік майлары ерітетін еріткіш ретінде пайдаланылады. Бұл қасиет жер қойнауынан қосымша мұнай өндіру жұмыстарында, қабатқа су айдау процестерінде мол қолданылып, оның мұнай бергіштік коэффициентін өсіруде пайдасы мол.
Юралық өнімді горизонтардың мұнайының қасиеттері мен құрамы 4 - ұңғыдан алынған 5 - үлгі бойынша зерттеледі. Юра горизонтының мұнайлары ауыр орташа тығыздығы 0,9264 гсм3 шайырлы, асфальтты, шайырлы заттардың мөлшері 19,1 % - шамасында парафин 0,84 % дейін болады. Мұнайда 2000С - ге дейін буланатын фракциялардың үлесі көп емес не бәрі 3,5 % жалпы көмірсутектік қоспаның құрамында метанды - нафтенді көмірсутектердің үлесі 67,75 %, ал ароматты көмірсутектердің үлесі шамамен 28,02 % болады. SK - 12, F - 27 ұңғыларынан алынған мель және юра горизонтының мұнайының физикалық - химиялық құрамын зерттеді, бұндағы мұнайлар өте ауыр шамамен 0,9521 гсм3 шамасында, күкірт 0,9 % -ға дейін, 2000С дейін булана алатын бензиндік фракциялардың шамасы 9,0 % дейін.
Шығыс алаңының орталық қасиеттеріне жақын мысалы: мұнайының тығыздығы орташа алғанда 0,9311 гсм3 болады.
Оңтүстік блоктың өнімі бар қабаттары біршама төмен орналасқан: 521 - 573 метрден ( № І - 1 ) ұңғысы 601 - 642 метрге ( № G - 3 дейін ), және оның мұнайы орталық блокпен салыстырғанда біршама тығыз және тұтқыр болады.
3 үлгі бойынша зерттеулер мұнайдың тығыздығы орташа - 09184 гсм2 кенематикалық тұтқырлығы - 713,7 - 1802 мм2с6 шайырлығы 22,74 % болатындығы анықталды. Парафин мөлшері - 1,04 %, күкірт - 0,84 %. Бұл қабаттың мұнайының 2000С дейін булана алатын бензиндік фракцияның үлесі біршама аз: 7 - 8,2 %. Мұнай және газ конденсат қорлары. Жүргізілген комплексті геологиялық - геофизикалық жұмыстардың, керндерді және қабаттардың фиюндтерін лабараториялық зерттеудің нәтижесн қорытындылау негізінде көмірсутегілер қорына өнеркәсіптік бағалау жасалды.
Мұнайдың негізгі қасиеттерінің бірі - тұтқырлық. Мұнай тұтқырлығының өндіріс саласындағы маңызы өте зор. Ол арқылы мұнай өндіру үрдісімен, оны құбыр арқылы айдағанда жұмыс қарқыны көптеген әсер келтіретіні белгілі. Тұтқырлығы төмен, жеңіл. Сұйық мұнайлар құбыр арқылы тез өтеді, ал тұтқырлығы басым, қою мұнайды өндіру, жинақтау, құбыр арқылы жүргізу жұмыстары көптеген қосымша еңбекті керек етеді.
Сазанқұрақ кенорының қорын алғаш рет бағалау - 01.09.95 жылы орындалды және Қазақстан Республикалық Мемлекеттік қорлар комитетінде бекітілді (1996 жылы 16 желтоқсанда №84 қауым).
Балансқа С1 категориясындағы 9598,45 мың.т өнддірілетін мұнай қоры енгізілді, ал С2 категориясына сәйкесті 3319 мың. т және 977,2 мың. т енгізілді.
Оның ішінде бор гаризонтындағы мұнайдың қоры С1 категориясы бойынша 5586,2 мың.т 1843,5 мың.т болып, ал, С2 категориясы бойынша 4012,2 мың.т 1324,3 мың.т болып бекітілді.
Юра гаризонтының өнімді қабатының қоры С1 категориясы бойынша 4012,2 мың.т 164,7 мың.т болып бекітілді.
2001 - 2002 жылдары жинақталған қосымша деректер бойынша және кен орынының блогының батыс алаңының С1 категориялы мұнайы аумағының өзгеруіне байланысты қосымша жеделдетілген қорлардың мөлшерін анықтау нәтижесінде мемлекеттік пайдалы қазбалар байланысына мұнай қоры төмендегідей көрсеткіштерімен бекітілді ( баланстық өндірілетін, мың.тонны мұнай ).
* С1 категориясы бойынша баланстық 9848,0 мың.т өндірілетін 3250 мың.т
* С2 категориясы бойынша баланстық 2639,9 мың.т, өндірілетіні 752,4 мың.т
* С1+С2 баланстық 12488,9 мың.т өндірілетіні 4002,5 мың.т
Сазанқұрақ кен орыны Жайық - Еділ қос өзенінің аралығындағы триас, юра, мель шөгінділеріндегі мұнайлы газды аймақта орналасқан. Бұл кен орыны Забурын, Жаңаталап, Гран, Октябрьское кен орындарына жақын жатыр.
Жүргізілген геологиялық барлау жұмыстарының нәтижесінде Сазанқұрақ кен орнында төменгі бор және орта юра шөгінділерінің қималарында мұнай кеніштері бар екендігі анықталды.
Кен орнында ең алғаш мұнай төменгі мель шөгінделеріндегі F - 3 іздеу ұңғысынан алынды.
Өнімі бар юра - мель шөгінділері құмды - алевритті сазды жыныстардың кезектесіп келуімен бейнеленген.
Төменгі мель және орта юра горизонттары 428 метрден 604 метрге дейінгі тереңдіктерді жатқан құмды - алевритті жыныстардан құралған, бұндай жыныстардың кездесуі қабаттың фильтрациялық - сыйдырғыштық қасиеттерінің жоғары деңгейде екендігі көрсетіледі. Кеуектіліктің шамасы кеніштердің бір мезгілде пайда болғандығынан шығады, сонымен қатар қабаттың шеткері суларының тұздық құрамы да бірдей.
Жаңа ұңғының бастапқы дебиті жұмыс жасап тұған ұңғылардың ағымдағы дебиті маңыздылығына сүйене отырып 4 - 10 - ға дейін мөлшерінде нұсқа көрсеткіштерінде кіші мәселелер сипатталады. Мұнайды өндірудің жобасы деңгейі 323 мың тн. Бастапқы алынған қорлардың таңдау температурасы 2 % жеткен ұңғылар нұсқалар қаралуы бойынша дайындалудың 30 жыл ішінде 0,483. Сұйықтың жоба деңгейі - 17 - 89 мың тн.
IV блокта өнімі бар болып F - 3 және С - 58 ұңғылары болып табылады. F - 3 ұғымасын сынау кезінде орта динамикалық 505 метр дейін, 0,45 м3с дебитімен мұнай ағыны келе бастады.
С - 58 ұңғысы кәсіпшілікте геофизикалық берілгендері арқылы өнімі бар деп саналды.
Су мен мұнайдың өзара жанасатын беті 651,9 метр абсолюттік деңгейден алынды, бұл G - 58 ұңғысында жүргізілген геофизикалық зерттеудің нәтежесінде анықталған мұнай сіңірген қабаттың табаны бойынша есептелген.
Айдамалау ұңғы қоры 10 бірлік соның ішінде 2 ұңғы қозғалыссыз әрекет ететін айдамалы қоры 8 бірлік. Айдамалы қорда 9 ұңғы жұмыс істейді. 01. 01. 2003 жылы барынша 76,9 млн м3 газ өндірді. Жылдық есеп бойынша 78,4 мың тн мұнай, 455,2 мың тн мұнай, 327,9 мың тн сұйықтық, 0,7 млн м3 газ өндірілді.
І блоктағы горизонт С 57 және СП - 3 структуралық іздестіру ұңғыларынан алынған каратаждық материалдар бойынша жіктеліп шығарылады. Мұнай сіңірген қабаттың қалыңдығы 9 метр және 7 метр. І блоктағы мұнай қорын есептеу жинақталған геологиялық - неофизикалық материалдардың - әлі де жеткіліксіздігінен жүргізілген жоқ. Су мен мұнайдың өзара жаңа сатын бетінің деңгейін ескере отырып, ІІ және ІV блоктағы кеніштердің қалыңдығы 146 метр және 30 метр деп есептелінді.
ІІ блоктың аумағында М горизонтында су - мұнай ортақ беті - 511,2 метр абсолюттік белгімен алынады, бұл юра горизонтындағы 5 - ші және 7 - ші ұңғылардан мұнай мен судың өзара жіктелетін деңгейіне сәйкес келеді және кеніштердің әр түрлі жастағы жыныстардан құаралатындығы қарамастан, бұл кеніштерде анықталған жылулық және қысымдық щарттардың бірдей болып шығуы олардың ортақ гидродинамикалық режимдегі біртұтас резервуар деп қарауға негіз бар. Өндіру ұңғысының жобалық мөлшері 44 бірлік, айдамалау 10 бірлестік. Жұмыс істеу қоры 53 ұңғы, соның ішінде бір ұңғы № 94 қозғалыссыз.Мұнайлы аймақтың ІІ блогының мұнайы бар ( 2 ұңғыға ) дейін болатын мұнай ағындары шыға бастады. Юралық өнімді горизонттардан, мелдік өнімді қабаттардың мұнайы бар өзара байланыспайтын қабаттарында әр түрлі тереңдіктен өлшенген қабат қысымдарынң қысым градиенттерінде айырмашылық деңгейлерде қысым көрсеткіштері бірдей булар 7 - ші метр интервалдары. Сонымен қатар кеніштердің мұнайларының физикалық - химиялық қасиеттері негізінен бірдей деуге болады, бұл осы нәтежесінде алынған мұнай кенішін осы горизонтқа жатқызады. Горизонттың ІІІ блогында тек су.
Литологиялық жағынан горизонт әлсіз цементтеліп, қалған алевриттерден, сиректеу құмдардан, ұсақ түйіршікті құмтастардан құралған.
Горизонттың жалпы қалыңдығы 16,0 метрден 33,0 метрге дейін өзгереді. Тиімді қалыңдық 4,0 метрден 31,0 метрге дейін, ал тиімді мұнай сіңірген қабат 4,0 - ден 24,0 - ге дейін ауытқиды. Горизонт өзара саздармен жіктелген 1 - ден 5 - ке дейінгі коллекторлы қабаттардан тұрады.
Соның өзінде коллекторлы қабатар өзара байланысып, бір тұтас гидродинамикалық резервуар құрайды.
Ұңғылар бойынша құмдану коэффициенті 0,25 - тен 1,0 - ге дейін өзгереді және горизонт бойынша орташа мәні 0,71 - ге тең.
Бөліктену коэффициенті 1,0 - ден 5,0 - ге дейінгі аралықта өзгереді.
ІІ блокта мұнай бар екендігі 4 ұңғыны ( 2, 5, 7, 10 ) тексеру арқылы дәлелденді.
Барлық сыналып тексерілген ұңғылардан дебиттері 7 мм штуйерде 2,0 м3с - тан ( 5 - ұңғы ) 46,0 м3с 37 % - ға жетеді, өткізгіштік 4207 м Д және онанда жоғары, саздылық 2 - ден 25 % * ға дейін карбонаттылық 0,17 % - дан 29,0 % - ға дейін ауытқиды.
Кәсіпшіліктік геофизикадан алынған материалдарды жан - жақты талдау жасаулардың және сынақтардан алынған көрсеткіштерді ескерулердің нәтежесінде, қабат құрылысына жаңадан түзетулер енгізгеннен кейін кен орыны қималарынан 2 өнімі бар горизонт жіктеліп алынды. М горизонты стратиграфикалық жағынан төменгі мельдің валанжин ярусына жатқызылады, Ю - К горизонты орта юраның байос ярусына жатады.
Валанжиндік өнімі бар М горизонты орта юра шөгінділерінде жатыр және готерив ярусының құрылымының теригендік шөгінділерімен жабылып жатыр. Кеніш 331,7 метр мен 651,9 метр тереңдіктер аралығында жатыр. Бұл горизонт барлық структуралық - іздеу және тереңдете бұрғыланған барлау ұңғыларымен ашылды, қабаттар кен орынының барлық аймағы бойынша жеңіл сәйкестендіріледі. Сынақтардың нәтежесінде ІІ және ІV блоктардың аумағында І блокта ұңғыларды геофизиалық зерттеулер бөлігінің ауданы С1 және С2 категориялары бойынша 1425 мың м2 және 970 мың м2, сулы мұнайлы бөлігінің ауданы 310 мың м2 және 430 мың м2. Резервуарының типіне қарай кенішті қабаттық, қырқалық, тектоникалық кеніштерге жатқызады.
Ю - юралық өнімі бар горизонт орта юранның байос шөгінділерінде жатыр және үстінде жатқан валанжин горизонтына 2 метрден 5 метрге дейінгі қалыңдықта сазды қабатпен ажыратылады. Бұл горизонт іздеу барлау және структуралық - іздеу С - 55, С - 57, С - 58, С ... жалғасы
Ұқсас жұмыстар
Мұнай мен газдың физика - химиялық қасиеттері
Батыс қанатының оңтүстік өрісі
Қабат пен ұңғыны зерттеу
Қызылқия кен орнында ұңғымаларды механикалық пайдалану әдісімен игеру
Арысқұм кен орнының м-іі кешенін механикалық әдіспен игеру және жабдықтарды таңдау
Жаңажол мұнай газ кешенінің 1300-сексиясындағы мұнайды тұрақтандыру процесінің автоматтандырылуын жобалау
Мұнай, газды жинақтау, дайындау, тасымалдау және игеру технологиялары мен принциптері
Деформацияланған жарықшақты қабатта қысымның таралуы
Мұнайдың тығыздығы
Арысқұм кен орнының мұнай өндіру ұңғымаларының түп аумағына әсер ету әдістерін талдау
Пәндер