Құбырлардың тоттану түрлері және одан қорғау

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Қазақстан Республикасының Білім және ғылым министрлігі

Қ. Жұбанов атындағы Ақтөбе өңірлік университеті

Техникалық факультет

« Металлургия, тау-кен және мұнай-газ ісі » кафедрасы

«Ұңғы өнімдерін жинау, дайындау және тасымалдау» пәнінен

№ 10 Дәріс

Тақырыбы: _Кәсіпшілік құбырлар

Мамандығы: 5В070800___

Орындаған: Нұрғали С. ___

Тобы: МГІқ-402

Тексерген: Мерекеқызы А.

Ақтөбе 2020

3. 11. 2020

№10 Дәріс. Кәсіпшілік құбырлар

Бекіту сұрақтары:

1. Құбырларды төсеу кезінде жұмыс тәртібі қандай?

2. Құбырларды бүлкілдеуді болдырмау әдістері.

3. Құбырлардың тоттану түрлері және одан қорғау.

1. Кен орнының ауданы бойынша төселетін құбырлар желісін салу кезінде келесідей тәртіпті ұстанады: құбырлар желісі отетін жер жерпайдаланушымен келісіп, уақытша қарауға алынады. Содан соң жерді тоң қабатынан төмен тереңдікке дейін қазып және құбырларды траншеяға жақындатады, одан кейін құбырларды құбыртөсегіштермен ұстап тұрып, құбырлардың жалғасқан жерлерін қолмен (диаметрі 800мм-ге дейінгі құбырларды) немесе автоматты түрде (диаметрі 800мм-ден жоғары құбырларды) пісіріп-дәнекерлеп жалғайды. Құбырлардың сыртқы бетін балшық пен қақтан тазартып, битумды жабынмен қаптайды, одан кейін құбырды электрокоррозиядан сақтайтын гидроизоляциялық лентамен орайды.

Осы жұмыстарды жүргізіп болған соң пісірілген және оқшауланған (яғни, сыртқы беті қапталған) құбырларды құбыртөсегішпен траншея түбіне түсіреді де, осы траншеяны қазу барысында алынған топырақпен кері көмеді. Көміп болған соң жер бетін грейдермен тегістеп, рекультивация жүргізеді, яғни топырақтың құнарлығын қалпына келтіру жұмыстары атқарылады. Егер жер ауылшаруашылық дақылдарын өсіруге жарамаса, рекультивация жүргізілмейді.

Құбырларды су астымен төсеу барысында оларға келесі талаптар қойылады:

• құбырлар желісі кем дегенде екі қатарлы (тізбекті) болу керек;

• құбырларды кемелердің якорінен сақтайтын қорғаныс болу керек;

• құбырлар желісінің және пісірілген жерлердің беріктік шарттары сақталуы керек.

2. Құбыр арқылы сұйықпен газды бірге тасымалдағанда қысымның әсерінен құбырлардың бүлкілдеуі (пульсациясы) міндетті түрде болып отырады. Бүлкілдеу құбыр бойында газ тығындарының пайда болуына байланысты.

Қауіпті бүлкілдеудің негізгі алдын алу тәсілдері болып табылатындар:

• ағынның тығынды - диспергирленген құрылымының пайда болуын болдырмайтын, газ-сұйық ағынының қозғалыс режимін ұстап тұру, бұл құбырларда жоғары деңгейде қысымды реттеуде мүмкін болады;

• құбырларды парафин шөгінділерінен, тұздардан және механикалық қоспалардан мезгіл-мезгіл тазартып тұрумен, олардың жоғарғы өткізгіштік мүмкіндігін ұстап тұру;

• айырғыш қондырғы алдында үлкен диаметрлі құбырдан "тыныштандырғыш" бөлімшелерді пайдалану.

• ағынның айырғыш қондырғыға түскенге дейін газ-сұйық қоспасының қабаттасқан ағысын және құбырдан таңдау мүмкіндігін қамтамасыз ететін депулсаторларды және фазаны соңғы бөлгіштер қолданылады.

3. Коррозия - кәсіпшілік құбырлардың жұмысының сенімділігі және қызмет ету мерзімі - көбінесе олардың сыртқы және ішкі ортамен әсерлесуінің нәтижесінде бірте-бірте өздігінен бұзылуынан қорғау дәрежесімен анықталады.

Кен орындарда құбырлар үш түрлі коррозияға ұшырайды: атмосфералық, топырақтық және ішкі.

Атмосфералық коррозия - бұл жердің жоғарғы бетінде төселген құбырлардың кәдімгі тоттануы және оны құбырдың бетіне лактар немесе майлы бояулар жағып жоюға болады.

Топырақтық коррозия - ең қауіптісі және күрес әдісі анағұрлым күрделі және қымбат.

Ішкі коррозия - құбырлар қабырғаларының сілтілі немесе қышқыл сұйықтармен шектесуінен пайда болады.

Металл құбырдың ортамен әрекеттесу сипаты бойынша коррозия екі түрге бөлінеді: химиялық және электрохимиялық.

Химиялық коррозия деп - химиялық агрессивті агенттермен шектесу барысында металл бетінің толық бұзылу үрдісін айтады, бұл үрдісте металда электр тогыныныпайда болуы және өтуі болмайды.

Химиялық коррозияға мысал ретінде, металмен әсерлескенде оның бұзылуына әкелетін күкірті мұнайды тасымалдау немесе сақтау кезіндегі құбырдың немесе резервуардың ішкі бетінің бұзылуын жатқызуға болады.

Электрохимиялық коррозия - бұл электр тогының пайда болуымен және өтуімен бірге жүретін металдың бұзылу үрдісі. Химиялық коррозиядан ерекшелігі электрохимиялық көррозияда метал бетінде тұтас емес, кейде үлкен тереңдікті қуыс және малюска қабыршағы немесе дақ тәрізді жергілікті зақымданулар пайда болады.

Құбырлар мен резервуарларды коррозиядан қорғау активті және пассивті болып болінеді.

Пассивті қорғау - құбыр бетін оқшаулайтын (изоляциялайтын) жабдықтармен оқшаулау, оқшаулау жабдықтары ретінде битумды жабындар және полиэтиленнен жасалған жабындар немесе поливинилхлоридті таспалар (ленталар) қолданылады. Битумды жабындар, металы жарқылдағанша тазартылған құрғақ құбыр бетіне қабат-қабатымен жағады, кейін құбырды гидрооқшаулағышпен жабады. Уақыт өтуімен битумды жабындар өзінің қорғаныс қасиетін жоғалтады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.