Критериалды бағалау қағидаттары

Жұмыс түрі: Материал
Тегін: Антиплагиат
Көлемі: 6 бет
Таңдаулыға:

4-КҮН
КРИТЕРИАЛДЫ БАҒАЛАУ ЖҮЙЕСІ

4.1-дәріс
Критериалды бағалаудың теориялық негіздері
Критериалды бағалау қағидаттары
Критериалды бағалау жүйесінің мазмұны

Слайд
Мәтін
1
Дәріс тақырыбы - Критериалды бағалаудың теориялық негіздері Критериалды бағалау қағидаттары. Критериалды бағалау жүйесінің мазмұны.
2
Білім алушылардың оқу жетістіктерін бағалаудың шынайы және сенімді жүйесі білім беру мазмұнының ажырамас бөлігі болып табылады.
Бағалау - оқытудың ағымдағы және қорытынды кезеңдеріндегі оқушылардың үлгерімі туралы ақпаратты жинау мен талдауды білдіретін білім беру процесінің маңызды құрамдас бөлігі.
Оқушылардың жетістіктерін критериалды бағалау тәсілі көптеген шет елдерде кең таралған, өйткені бұл технология барынша шынайы, нақты және валидті болып табылады. Мұндай тәсіл, ең алдымен, процестің барлық қатысушыларына оқу материалын игеру деңгейін түсінуге мүмкіндік беретін кері байланысты жүзеге асыруға көмектеседі.
Тәжірибе критералды бағалаудың практикалық маңызы мен артықшылықтарын көрсетеді, өйткені мұнда:
- оқушының жеке тұлғасы емес, оның орындаған жұмысы бағаланады;
- оқушының жұмысы оларға алдын ала белгілі бағалау критерийлері бойынша бағаланады;
- оқушылардың нені оқығанына бағаланады, себебі бағалау критерийлері нақты оқу мақсаттарын сипаттайды;
- оқушылардың оқуға және өзін-өзі бағалауға және деген ынтасы артады.
3
Критерийлер арқылы бағалау оқушыларды оқу тапсырмаларын барынша сапалы орындауға ынталандырады, олардың білімін тереңдетіп, түсінігін кеңейтеді, оқушылардың ойлау қабілетінің деңгейін көтеріп, эмоциялық зиятын дамытады.
Оқушылардың оқу жетістіктерін критериалды бағалау жүйесі оқу, оқыту және бағалаудың өзара тығыз байланысына негізделген. Ол оқу процесін ұйымдастыруға біртұтас көзқарасты қамтамасыз етеді.
Бұл теориялық негіздеуді және бағалаудың барлық элементтерінің - оқу мақсаттары, бағалау түрлері, құралдары және бағалау нәтижелері арасында өзара байланыс болуын қажет етеді
4
Критериалды бағалаудың мақсаты бағалау критерийлері негізінде білім алушылардың оқу нәтижелері туралы объективті ақпарат алу және оны оқу процесін одан әрі жетілдіру үшін барлық мүдделі қатысушыларға ұсыну болып табылады.
Критериалды бағалау білім алушыларда өз қызметін бақылау және бағалау қабілетін қалыптастыруға, оқыту процесінде туындайтын қиындықтардың себептерін анықтауға және жоюға мүмкіндік береді. Бұл білім беру стандарттарында белгіленген кең ауқымды дағдылар мен функционалдық сауаттылықты қалыптастыруға ықпал етеді.
5
Білім алушылардың оқу жетістігін критериалды бағалау жүйесі оқыту мен бағалаудың тұтастығына негізделе отырып:
білім алушылардың үлгерімін, ілгерілеуін қамтамасыз етудің бірыңғай тәсілін қалыптастыруға бағытталады;
оқу бағдарламасына сәйкес дағдыларды дамытуды, білім алу дәлелдерін жинақтауды, оқу мақсаттарын жүзеге асыруды қамтамасыз етеді;
пәннің оқу бағдарламасының мазмұнына сәйкес әр сынып бойынша бағалаудың түрлі формалары мен тәсілдерін қамтиды.
6
Критериалды бағалау - белгіленген критерийлер негізінде білім алушылардың нақты қол жеткізген нәтижелерін оқытудың күтілетін нәтижелерімен сәйкестендіру процесі.
Біздің елімізде орта білім беру мазмұнын жаңарту аясында енгізілген, үздік қазақстандық және халықаралық тәжірибені кіріктіре отырып анықталған критериалды бағалау жүйесі бірқатар міндеттерді жүзеге асыруға мүмкіндік береді, атап айтқанда
* білім беру қызметінің сапасын арттыруға жағдай жасайтын объективті және нақты бағалау жүйесін іске асыру;
* халықаралық тәсілдер мен стандарттарға сәйкес сапалы және бірыңғай бағалау механизмін қалыптастыру;
* мұғалімдердің бағалау саласындағы құзыреттілігін арттыру;
* оқушылардың өз бетінше білім алу дағдыларын дамытуға жағдай жасау және олардың өз оқуына деген жауапкершілігін арттыру;
* сонымен қатар
білім алушыларға олардың оқуының сапасы туралы;
мұғалімдерге білім алушылардың ілгерілеуі туралы;
ата-аналарға балаларының оқу нәтижелерінің жетістік деңгейі туралы;
басқару органдарына білім беру қызметінің сапасы туралы объективті, үздіксіз және нақты ақпарат беру.
7
Келесі кезекте, критериалды бағалау жүйесінде қолданылатын теориялық негіздерге қысқаша тоқталайық.
8
Құзыреттілікке негізделген тәсілдеме
Құзыреттілікке негізделген тәсілдемеде оқу нәтижелерін бағалау білім алудың белгілі бір кезеңін аяқтағанда оқушылардың қол жеткізген білім деңгейлерін талдауға негізделеді.
Күтілетін нәтижелер мемлекеттік жалпыға міндетті білім беру стандарттары мен оқу бағдарламасын толық меңгерудің қорытындысы бойынша туындайтын білім алушылардың тәжірибесі мен қабілетінен, дағдысынан, білімі мен білігінен көрініс табады.
9
Кері дизайн
Кері дизайн - бұл білім беру процесіндегі арнайы педагогикалық жобалау технологиясы, мұнда оқу бағдарламасын әзірлеу оқу нәтижелерін жоспарлаудан басталады. Тәжірибе мұғалімдердің алдымен оқу мақсатын, күтілетін нәтижелерді анықтап, бағалау процесін қарастыруы, содан соң оқу мазмұнын жоспарлау арқылы оқушыларға сабақ өткізу әрекеті әлдеқайда тиімдірек екенін көрсетеді.
Кері дизайн аясында білім беру процесін жоспарлауда үш кезеңді жүзеге асыру қарастырылады:
1-кезең - Мақсаттар мен қалаулы нәтижелерді анықтау, яғни Білім алушылар нені білуі, түсінуі және істеуі тиіс? деген сұраққа жауап;
2-кезең - Қолайлы дәлелдерді анықтау, яғни Білім алушылардың қалаулы нәтижелерге жетуі мен олардың стандарттарға сай болуына не дәлел болады? деген сұраққа жауап;
3-кезең - Оқуды және білім алушылардың күтілетін нәтижеге жету процесін жоспарлау.
10
Әлеуметтік-конструктивистік оқу теориясы
Әлеуметтік-конструктивистік оқу теориясы білім беруде ұжымдық, топтық, жеке-тұлғалық оқыту процесінде әлеуметтік конструкцияға ерекше көңіл бөледі.
Бағалау әлеуметтік-конструктивистік оқу теориясының идеяларына негізделген, ол түрлі елдерде кеңінен қолданылып жүрген қалыптастырушы бағалауды тәжірибеде жандандыруға мүмкіндік береді.
11
Жақын арадағы даму аймағы
Жақын арадағы даму аймағы түсінігі Л.С.Выготскийдің енгізуімен белгілі. Бұл жақын арадағы даму аймағы, баланың даму деңгейі, яғни қандай тапсырманы ол өз бетінше орындай алатынын және үлкендермен, өз құрдастарымен жұмыс жасай отырып жете алатын әлеуетті даму деңгейі арасындағы айырмашылығын білетінін анықтайды дегенді білдіреді.
Осылайша, қалыптастырушы бағалау процесінде мұғалім немесе қабілетті құрдастарының бірі білім алушыға қолдау көрсетсе, оның дамуы жақын арадағы даму аймағында өтеді
12
Скаффолдинг теориясы
Скаффолдингтің заманауи теориясы - бұл білім беру процесіне қатысушылар арасындағы өзара сенімге негізделген серіктестік. Оқу процесі барысында қойылған мақсаттарға жету үшін қажетті көмек көрсету мақсатымен білім алушыларды қолдау қалыптастырушы бағалау тәжірибесінде мұғалім орындайтын маңызды функциялардың бірі болып табылады.
Критериалды бағалау жүйесінде қолданылатын теориялық негіздердің толық сипаттамасымен Жүйелі-әдістемелік комплекс білім беру порталындағы Өңірлік және мектеп үйлестірушілеріне арналған критериалды бағалау бойынша нұсқаулық оқу- әдістемелік құралынан таныса аласыздар. (О. И. Можаева, А. С. Шилибекова, Д. Б. Зиеденованың редакциясымен)
13
Критериалды бағалау төмендегідей принциптерге негізделеді:
Оқыту мен бағалаудың өзара байланысы. Бағалау оқу бағдарламасындағы мақсаттармен, күтілетін нәтижелермен тікелей байланысты және оқытудың ажырамас бір бөлігі болып табылады. Демек, нені және қалай оқыту керек, білім алушының қажеттілігі қандай және оқу нәтижелеріне жетуге қалай көмектесуге болады деген сұрақтарға жауапты бағалау тәжірибесінен іздеу қажет.
Шынайылық, анықтық және валидтілік. Бағалау дәл және сенімді ақпаратты ұсынады. Қолданылатын критерийлердің, құралдардың оқу мақсаттарына жетуге, күтілетін нәтижелерді бағалайтынына сенімділік бар. Шынайылық, анықтық, валидтілік жиынтығы бағалаудың сапасын анықтайды. Барынша ... жалғасы

Сіз бұл жұмысты біздің қосымшамыз арқылы толығымен тегін көре аласыз.