АТФ банкінің несиелеу жүйесі

Пән: Банк ісі
Жұмыс түрі: Дипломдық жұмыс
Тегін: Антиплагиат
Көлемі: 63 бет
Таңдаулыға:

МАЗМҰНЫ

Кіріспе . . . 3

I - тарау Ипотекалық несиелеуді ұйымдастырудың механизмі . . . 7

1. 1. Ипотекалық несие түсінігі және мағынасы . . . 7

1. 2. ҚР -дағы «ҚИК» ЖАҚ -ң қызметі . . . 14

1. 3. Шетелдік ипотекалық несие үлгілері . . . 19

II - тарау «АТФ банк» АҚ-ң ипотекалық несиелеу жүйесіне талдау . . . 22

2. 1. «АТФ Банк» АҚ-ң қаржы-шаруашылық қызметін талдау . . . 22

2. 2. «АТФ Банк» АҚ-ң 2003-2005 жж ипотекалық несиесін талдау . . . 30

2. 3. ҚР-ң қазіргі кезеңде тұрғын үйге несие беруді дамыту . . . 41

III - тарау ҚР-дағы ипотекалық несиелеудің мәселелері және жетілдіру жолдары . . . 52

Қорытынды . . . 58

Пайдаланған әдебиеттер тізімі . . . 62

Кіріспе

Қазақстандағы тұрғын үй нарығы қажетті қаржы-несиелік механизмдермен қамтамасыз етілмеген болып шықты, халықтың төлемқабілетті сұранысын және тұрғын үйді сатып алуды жалпы халықтық етуге мүмкіндік берер еді. Егер бұрын өзінің баспанасын жақсартудың жалғыз көзі мемлекеттік үй алу болса, ал қазір, бұл мәселе халықтың өз қаражаттары есебінен үй салу жолымен шешіліп жатыр. Бюджет ресурстарының шектеулілігі халықтың белгілі бір жақтарындағы тұрғын үй мәселелерін шешуге негізделді. Халықтың көбісі өздерінің жинақтары және оларды жинақтау мүмкіндігі болмағандықтан өздерінің тұрғын үй мәселелерін шеше алмады. Халықты ұзақ мерзімді несиелендіру жүйесінің құрылуы, ол халықтың төлемқабілетті сұранысын жақсарту және халықтың негізгі бөлігі үшін тұрғын үйді сатып алуға қабілетті ету. Ол халықтар, банктер мен қаржы-құрылыс компаниялары мен және құрылыс индустрия кәсіпорындарының ақша қаражаттарын экономиканың белгілі секторына аудара отырып, ақша ресурстарының қарым-қатынасын қамтамасыз етеді.

Дипломдық жұмыстың актуалдылығы әр жанұя үшін тұрғын үйді сатып алу ең басты қажеттілік: бұл қажеттіліктерді қанағаттандырмайынша, ешқандай қоғамның әлеуметтік басымдылықтарын айтуға болмайды.

Бұл мәселені шешудің жолдарын таңдауда адамдардың хал-ахуалын, олардың моральдық және физикалық хал-жағдайы, саяси бағасы тұрғын үй құрылысының өсу темпі және ортақ масштабына тәуелді. Қазіргі таңда тұрғын үй мәселесі ипотекалық несиелендіру жүйесі арқылы шешілуде. Жеке меншік тұрғын үй сатып алу - әр жанұя үшін бірінші қажеттілік. Қазақстандағы тұрғын үй құрылысын қаржыландырудың дәстүрлі жүйесі, бұрынғы Совет Одағының тұрғын үйді қаржыландыру жүйесінің бөлігі ретінде, өз тұрғын үй жағдайларын жақсарту үшін кезекте тұрған адамдар арасында бөлу және мемлекеттік тұрғын үй құрылысы үшін бюджет ресурстарын орталықтандырылған түрде бөлу деп елестетті. Бұл жүйе Қазақстанның тәуелсіздік алып және нарықтық экономикаға өту кезеңінде өзінің мүмкіндігі жоқтығын көрсетті. Құрылыстың бюджет тарапынан қаржылануы жағдайының қысқаруы және халықты тұрғын үймен қамтамасыз ету, тұрғын үй сатып алу үшін халықтың өз қаражаттары және де экономикалық дамыған елдердегідей банктердің несиесі қажет болады. Бұл жағдайларда минималды инфляцияға ұшырауымен және максималды өз уақытында қайтарумен қамтамасыз етілген халықтың ұзақ мерзімді несиеге сұранысы күшейеді.

Тауарлы - материалды құндылықтармен қамтамасыз етілген ипотекалық несие осы қажеттіліктерге жауап береді. Көптеген шетелдердің тәжірибелеріне сүйенсек, ипотека, дұрыс ұйымдастырылған және біркелкі мемлекеттік саясат жүргізілсе, тұрғын үй нарығын қамтамасыз ететін өзін-өзі қаржыландыратын жүйеге айналады.

Халықтың төлемқабілеттілігі күшейіп, тұрғын үйге сұраныстың артуы, жаңа құрылыстардың басталуына, құрылыс материалдарының мамандандырылған техника шығарылып көбейюіне, жаңа жақсартылған архитектуралық жобалардың пайда болуына әкелді.

Дипломдық жұмыстың мақсаты - Қазақстан Республикасындағы ипотекалық несиелеудің қазіргі жағдайына баға беру.

Бұл мақсаттарға жету үшін келесі міндеттерді шешу қажет:

Ипотекалық тұрғын несиелеуінің жүйесін өткізу үшін оның негізгі алғышарттарын ашу;
Жылжымайтын мүліктің әр түрлі ерекшеліктерін қарастыру;
«АТФ Банк» АҚ-ң ипотекалық несиелеу жүйесін талдау;
Ипотекалық несиелеудің негізгі мәселелерін бекіту және де оларды шешу мен оны жетілдіру жолдары.

Ипотекалық несие жылжымайтын мүлік саласындағы, жылжымайтын мүлік құны және жылжымайтын мүлікті сатып алушылардың ағымдық табысының деңгейінің арасындағы қарсыластықтарды шешу механизмі болып табылады.

Тұрғын үй құрылысын қаржыландыру механизмін құру үшін Қазақстан Республикасының 2000 ж. 21- тамызында № 1290 жарлығымен құрылысты және ипотекалық несиелеу жүйесін дамыту және халықтың көп бөлігінің тұрғын үй мәселесін шешу және тұрғын үй бағасын төмендету қабылданған болатын.

Ұзақ мерзімді ипотекалық несиелеудің мақсаты болып, халықтың тұрақты табысы бойынша ұзық мерзімді несиелер және өзінің қаражаттары арқылы тұрғын үй нарығында үйді сатып алуға негізделген несиелеуді қамтамасыз ететін жүйені қалыптастыру.

Несие бойынша кепіл, несие сомасына сатып алатын тұрғын үй болып табылады.

Қойылған мақсаттарға жету үшін Қазақстан Республикасының Ұлттық Банкімен «Қазқстан Ипотекалық Коипания» ЖАҚ-ы құрылысын құру шешімі қабылданды. «АТФ Банктің» негізгі қызметі ресурстарды оптималды басқару, әр түрлі банктік қызметтерді ұйымдастыру болып табылады. Бұл буын банктік табыс табады, бұнымен несиелеу бөлімі, есеп-ссудалық операциялар секторы, бағалы қағаздар бөлімі, халықаралық есеп айырысу бөлімі айналысады. Банктің негізгі құрылымы болып, инкассация және кассалық операциялар бөлімі табылады. «АТФ Банк» АҚ-ы ипоткалық несие бойынша активтік операциялар жүргізеді.

Дипломдық жұмыста нормативті актілер, ҚР Ұлттық банкінің нұсқаулық және әдістемелік материалдары, сонымен қатар «АТФ Банк» АҚ-ң есептік мәліметтері, әдістемелік және нұсқаулық ережелері кең пайдаланылған.

Дипломдық жұмыс кіріспеден, 3 тараудан, қорытындыдан, пайдаланған әдебиеттер тізімінен тұрады. Сонымен бірге, кестелері мен диаграммаларыда бар.

Зерттеу объектісі - «АТФ Банк» АҚ-ы.

I - тарау Ипотекалық несиелеуді ұйымдастырудың механизмі

Ипотекалық несие түсінігі және мағынасы

Ипотека құқықтық институт ретінде б. э. д. І-ІІ ғасырларда Рим территориясында танымал болды. Одан бұрын ол Египетте пайда болды. Ипотеканың қазіргі жағдайдағы түрі АҚШ, Канада, Англия, Франция, Щвецияда дамыды. Мысалы АҚШ-та ипотекалық айналым мыңдаған млрд. доллар есебінде. Барлық дамыған елдер ипотеканың мүмкіндіктерін қолдап, одан бас тартқысы келмейді .

1993 жылы Мемлекет басшысы Нұрсұлтан Әбішұлы Назарбаев еліміздегі жаңа тұрғын үй саясаты жөніндегі Жарлыққа қол қойып, оны жүзеге асыруды құрған болатын. Осы құнды құжат бізді бұдан бұрын еш жерде естіп - білмеген «ипотека» сөзімен құлақтандырды. (Ипотека - дегеніміз қарапайым тілмен айтқанда қарыз ақшаға үй сатып алу екенін енді ғана түсіне бастадық қой. ) Аталмыш Жарлықта еліміздегі тұрғын үй саласы бойынша қалыптасқан проблемаларды ретімен шешудің жолдары жан-жақты қарастырылғанымен тоқсан үштегі экономикалық тоқырау ипотекалық жүйені жүзеге асыруға еш мүмкіндік бермеді. Мамандар ипотеканың бірінші кезеңінің нәтижесіз аяқталуын тұрғын үй құрылысына қажетті айналым қаржысының қандай жолмен өндірілетіндігі дәл айқындалмағанынан дейді. Мемлекет, банктер және коммерциялық құрылыс компаниялары арасындағы ипотеканың құлағын қайсысы ұстайды деген мәселенің туындауы тәжірибенің белсенділігін төмендетті. Әуел баста басымдық құрылыс компанияларына берілгенімен, несиелік қорды қолына ұстап отырған банктер клиенттерді өзіне қарай көп тартуға талпынды.

Қазақстанда ипотека жақында пайда болды. Ипотекалық несиелеу жүйесін ендіру, халықтың тұрғын үй мәселесін шешу үшін, пәтер бағасын төмендету мен тұрғын үйлер салуды ынталандыру үшін керек болды.

Тұрғын үй құрылысын қаржыландыру механизмін құрудағы мақсаты 2000 жылдың 21- тамызда Қазақстан Республикасының Үкіметі бекіткен № 1290 жарлығында Қазақстан Республикасындағы ипотекалық несиелеу жүйесін дамыту және ұзақ мерзімді тұрғын үй құрылысын қаржыландыру Концепциясы мақұлданды .

Қазақстан Республикасындағы Ұлттық Банктің Концепциясына сәйкес, халыққа ұзақ мерзімді несие беретін, қарыз алушыларды қайта қаржыландыратын ипотекалық несиелердің екінші ретті нарық операторын құру шешімі қабылданды.

Қазіргі таңда Қазақстанда ипотекалық тұрғын үймен несиелеудің жүйесі өткізіліп жатыр.

Ең бастысы ипотекалық несиелеу нарығының жағдайы: тұрғын үй нарығы, құқықтық қамтамасыз ету және тұрғын үйді саты алу үшін несиелік ресурстар нарығы осы элементтерге тәуелді болды.

Еліміз нарықтық қатынастарға көшкен сәттен бастап мықтап көңіл бөлінген мәселенің бірі банк жүйесінің жұмысы болады. Алғашқы кезеңде банктер негізінен кәсіпорындар мен ұйымдарға қызмет көрсетіп, соларға қысқа мерзімді несиелер беріп келді. Содан кейін банктерде жеке тұлғаларғалардың салымдары көбейе түсті. Ұлттық банк тарапынан екінші деңгейдегі банктерге талаптың күшейтілуі нәтижесінде банктердің саны азайғанымен, олардың таза активтері жылдам қарқынмен өсуде. Сөйтіп жеке тұлғаларға дәстүрлі банк қызметтерінің бөлекше несие беруге кеңінен жол ашылды. Бұл жерде айтатыным - ипотекалық несие негізінде болып отыр.

Ипотека дамыған нарықты экономика елдерінде, ең алдымен АҚШ пен Еуропада кеңінен тараған. Бұл ипотекалық несиенің басқа несие түрлерімен салыстырғанда елеулі артықшылығы бар екендігімен байланысты. Атап айтқанда, ипотекалық несие екі жақтың да тәуекел деңгейін азайтады. Клиент несиені едәуір ұзақ мерзімге ала отырып, кепілге қойылған жылжымайтын мүлікті, яғни тұрғын үйді өзінің иелігінде сақтап қалады. Ал несие беруші болса, берілген несиенің орнын толтырудың қай жағынан да ұтылыссыз нұсқасына ие болады .

Ипотекалық несиелеудің басты мақсаты - халықтың өзінің және несие қаржысы есебінен еркін нарықта дайын тұрғын үй сатып алуына жәрдемдесу болып табылады. Тұрғын үй ипотекалық несиесі - бұл банктің клиентке тұрғын үй сатып алуға арнап беретін ақшалай қаражаты. Клиент өз кезегінде мұндай несиені пайдаланғаны үшін банкке сыйақы төлеуі, сондай-ақ ай сайын белгіленген көлемде қарыз қаржысын қайтарып отыруы тиіс. Несие есебінен сатып алынған тұрғын үй қарыз алушының атына хатталады және клиент ипотекалық несиені толық өтегенге дейін банке кепілдікке қойылады.

Ипотекалық несиенің басты артықшылығы - сіз өзіңіздің меншікті тұрғын үйіңізге бүгіннің өзінде-ақ ие боласыз да, ал ақшасын бірнеше жылға созып, бірте-бірте төлеп құтыласыз. Ипотекалық несие алу үшін сатып алынатын тұрғын үйден басқа қандай да бір қосымша кепілзат талап етілмейтіні де маңызды.

Біраз жұрт ипотекалық несие бойынша сатып алынған пәтер оған белгіленген бағадан едәуір қымбатқа түседі деп санайды.

Ипотекалық несие бойынша тұрғын үй сатып алу ұзақ жылдар бойы қыруар ақша шығарып, пәтер жалдап тұрғаннан, және де сондайшама қаржыны шығарғаннан кейін де үй-жайсыз қалабергеннен әлдеқайда пайдалы екендігі белгілі. Ипотека -несиеге үй сатып алу деген сөз. Бұл арада да ақшаның тауар екендігін, оның да өзінің құны болатындығын ескеру керек.

Ипотекалық несие - бұл қозғалмайтын мүліктерді (тұрғын үйді, өндіріс ғимаратын, жерді және т. с. с. ) кепілге алып, ұзақ мерзімге берілетін несие.

Соңы жылдары республикада өнеркәсіп миграциясының өзгеруі мен халықтың еңбекке жарамды топтарының көшіп-қонуы тұрғын үйге несие алу қажеттілігін тудыруда.

Нарықтық экономикаға көшкеннен кейін Қазақстанда ипотеканың негіздері қаланып, біздің елімізге қолайлы деген малайзиялық модель қалыптаса бастады.

Қазақстанда ипотеканың дамуы республика Президентінің 1995 жылғы 23 желтоқсандағы «Жылжымайтын мүлік ипотекасы туралы» заң күші бар Жарлығынан бастау алды. Үкіметтің осы бағыттағы жұмысының бірінші кезеңі 2000 жылғы 21 тамыздағы қаулысымен Қазақстан Республикасында тұрғын үй құрылысын ұзақ мерзімді қаржыландыру және ипотекалық несиелеу жүйесін дамыту тұжырымдамасын бекіту болды. Ұсынылған тұжырымдаманың негізі жаңадан салынған тұрғын үйді қоса алғанда еркін нарықта дайын тұрғын үй сатып алу үшін азаматтарға ұзақ мерзімді ипотекалық несие берудің нарықтық жүйесін құруға келіп соғады .

Қазіргі уақытта бірқатар қазақстандық банктер жеке тұлғаларға тұрғын үй сатып алу үшін ипотекалық несие беруде. Бірақ солардың қызметінде жұртты ойландыратын бір нәрсе - несие мерзімінің ұзақ болмауы мен жоғары пайыздық ставкаға байланысты болып отыр. Мұның себебі түсінікті де: халық әзірге ақшасын қысқа мерзімді депозитке салады, соған сәйкес банктер де, несиені ұзақ мерзімге бере алмайды. Қаржыгерлер тілімен айтқанда, елімізде «ұзын ақша» жетіспейді.

Сонда не істеу керек?

Мұндай қиындықтан шығудың бір амалы жоғарыда аталған Үкімет тұжырымдамасында қарастырылған болатын. Онда халыққа ұзақ мерзімді ипотекалық несие беретін кредиторларды қайта қаржыландыруды жүзеге асыратын ипотекалық несиелердің қайталама нарығының операторы пайда болуы көзделген еді.

Осындай алға қойылған міндетті іске асыру үшін Ұлттық банктің шешімімен 2000 жылғы 20 желтоқсанда «Қазақстан ипотекалық компаниясы» жабық акционерлік қоғамы құрылды. Бүгінгі таңда оның бірден-бір акционері Ұлттық банктің өзі болып қалуда.

Ипотекалық несиелеудің негізгі қатысушылары:

Қарыз алушы- бұл ипотекалық несиені алушы және оны қайтаруға міндетті сенімді және төлем қабілеті бар заңды және жеке тұлға.
Қарыз беруші- қарызды беретін несиелік қатынастың бір жағы. Қарыз беруші - бұл уақытша пайдалануға қарыз беруші субъектілер болып табылады. Қарыз берушілерге: банктер, банктік емес мекемелер, мемлекет, шаруашылық субъектілері және халық жатады.
Пәтер сатушылар- бұл заңды және жеке тұлғалар, өздерінің немесе басқа да заңды және жеке тұлғалардың талабы бойынша пәтерін сатушылар.
Риэлторлық ұйымдар- меншікті пәтер қорынан, басқа нарық қатысушыларының тапсырысы бойынша пәтер сатумен айналысатын лицензияланған сатушылар.
Сақтандыру компаниялары- кепілдікке салған үйді, өмірді және қарыз алушының еңбек қабілетін және ипотекалық нарыққа қатысушылардың азаматтық-құқықтық жауапкершілігін сақтандырумен айналысатын, лицензияланған сақтандыру компаниялары.
Бағалау агенттіктері- ипотекада кепіл заты болатын тұрғын үй кешендеріне тәуелсіз маманданған баға беретін, лицензияланған сақтандыру компаниясы.
Екінші ретті ипотекалық нарықтың операторлары- бірінші ретті қарыз берушілерден ипотекалық несиені қайта сатып алумен айналысатын және бағалы қағаз негізінде шығаратын заңды тұлғалар.
Инвесторлар- екінші ретті ипотекалық нарық операторларынан бағалы қағаз алатын заңды және жеке тұлғалар.
Үкімет- инвесторларға бағалы қағаз бойынша кепілдік береді, екінші ретті нарық операторларын басқаруға қатысатын бірінші және екінші ретті нарықты реттейді.

Жалпы, несиені өтеудің төлем мөлшері айлық таза табыс мөлшерінің 35%-нан аспауы керек. Бұл қарыз алушының қалыпты тұрмыс деңгейін сақтау үшін қажет. Сонымен бірге бұл коэффицент қарыз алушының табысына қарай қайта қаралуы мүмкін.

ҚР -дағы «Қазақстан ипотекалық компания» ЖАҚ-ң қыметі

«Қазақстан ипотекалық компания» ЖАҚ-ы 2002 жылғы 18 қарашада ТМД аумағында алғашқы болып ипотекалық облигациялар шығарып, орналастырды. Эмиссияның жалпы соммасы - 105 млрд. теңге, айналыс мерзімі - 3 жыл. Облигациялардың бірінші траншы 300 млн. теңгеге жеткізілді. Бұған қоса компания 2003 жылы тағы да 1, 5млрд. теңгеге облигациялардың жаңа эмиссиясын орналастырды.

2002 жылғы 10 желтоқсаннан бастап компания ипотекалық несие бойынша келісімді ставка мөлшерін 14, 6%-дан 13, 5%-ға түсірді. Бұл қарыз алушылар үшін ипотекалық несие құнының арзандағанын білдіреді.

Қазіргі жағдайда елімізде ипотекалық несие алуға көпшіліктің қол жеткізуі мемлекеттің қолдауынсыз қиын. Бұл алдымен азаматтардың орташа табысының жоғарғы еместігіне байланысты. Мемлекеттің қолдауы әртүрлі ыңғайда болуы мүмкін.

Болашақта «Бағалы қағаздар нарығы» туралы заңға түзету енгізіліп, соған сәйкес «агенттік бағалы қағаздар» ұғымы белгіленсе, «Қазақстан ипотекалық компания» ЖАҚ-ң облигацияларына агенттік бағалы қағаз статусы берілуі мүмкін. Ондай жағдайда компанияның облигациялары бойынша инвесторларға сыйақы мөлшерін кемітеді. Сөйтіп, арзанырақ қаржы ресурстарына қол жеткізеді. Бұл ипотекалық несиелерге пайыздық ставканы төмендетуге алып келеді . Ипотекалық несие алушыларға керегі де осы .

Қолданудың тағы да бір көрінісі ретінде мемлекет ипотекалық несиелерді сақтандыратын сақтандыру компаниясын құруына болар еді. Мұндай жағдайда кредиторлар үшін несие тәуекелі азаяды. Оларда ипотека есебінен өз несие портфелін ұлғайтуға ынтасын туғызады . Осы арқылы жалпы тұрғын үй нарығына, соның ішінде құрылыс саласына қосымша инвестиция тарту мүмкін болады. Ал құрылыстың кең қанат жаюы бүкіл экономикаға оңды ықпал етеді .

Бүгінде «Қазақстан ипотекалық компания» ЖАҚ-ы ипотекалық несиеге халықтың әртүрлі тобының қолы жететіндей болуы үшін жұмыс жасауда. Компания 2004 жылы 1, 8 млрд. теңгеден астам ипотекалық несиелер беруді жоспарлаған болатын. Бұл тағы да бірнеше жүздеген отбасының өз пәтерлеріне ие болуы мүмкіндігі деген сөз . Қазақстан ипотекалық компания» ЖАҚ-ң негізгі мақсаты ұзақ мерзімді тұрғын үй ипотекалық несиелерін халыққа көптеп ұсыну, сонымен қатар, қаржы айналымын жеделдетуді де мақсат етеді.

Компания қызметінің ұйымдастырылуы туралы айта кететін болсам: Біріншіден «Қазақстан ипотекалық компаниясы»ЖАҚ-мен шартқа отырған әріптес банктер ипотекалық несие береді, содан кейін қарыз алушыға талап қою құқығын алады. Бұл құқық сатып алынған үйдің кепілге қойылуымен қамтамасыз етіледі. Бұдан әрі компания ипотекалық қайталама нарықтың операторы ретінде банктерден ақылы негізде ипотекалық несиелер бойынша талап ету құқығын сатып алады және «сатып алынған»талап ету құқығымен қамтамасыз етілген бағалы қағаздар шығарады. Оларды институционалдық инвесторлар (зейнетақы қорлары, сақтандыру компаниялары, банктер және т. б. ) сатып алады. Осылайша ипотекалық нарықта қайта қаржыландыру жүзеге асырылып тұрғын үйді несиелеу үшін ақша қаражаттарының толасыз ағымы қамтамасыз етілетін болады. Мұның өзі әсіресе жинақтаушы зейнетақы қорларының (ЖЗҚ) милиардтаған теңге көлеміндегі активтерін компанияның құнды қағаздарына салу арқылы жинақтаушы зейнетақы қорының активтерін түрлендіру мүмкіндігін береді. «Қазақстандық ипотекалық компания» ЖАҚ-ы 2003 жылдың аяғында 300 млн. тг. көлемінде өзінің облигацияларының бірінші траншын жүзеге асыралды. Келесі транштарды ай сайын жүзеге асыру болжанып отыр және компания үш жыл айналыс мерзімімен 1, 5 млрд. тг. көлемінде өзінің облигацияларының бірінші эмиссиясын жарты жыл ішінде толығымен орындауға ниеттеніп отыр.

Қазіргі уақытта Қазақстандық ипотекалық компания облигацияларының бірінші эмиссиясын Ұлттық банк тіркеді, олар лайықты тендерден жеңіп алған «KIB Asset Management» брокер - дилерлік компания мен «ЦентрКредит» банкіне кіретін концорциуммен сатып алынған және Қазақстан Қор биржасынның «А» категориясы бойынша ресми тізімге қосылған. Осыдан кейін Қазақстандық Ипотекалық компаниямен сатып алынған ипотекалық несиелермен қамтамасыз етілген облигацияларды ұстаушылар оларды екінші қайтара нарыққа сатуы мүмкін. Қазақстан қор биржасының биржалық ережелер заңында негізгі инвесторларға жергілікті қор нарығында - осы құралдарды сатып алуға мүмкіндігі бар зейнетақы қорларына өзгерістер енгізіліп қойылды.

Қазақстандық ипотекалық компанияның бағыты бойынша берілетін ипотекалық несиелер ставкасы келесі компаненттерден тұрады:

Жылдық ҚИК Коммерциялықкөріністегі + маржасы + банк-әріптесінің =инфляция маржасыБаға белгілейтін ставка:

Жылдық ҚИК Коммерциялық

көріністегі + маржасы + банк-әріптесінің =

инфляция маржасы

Баға белгілейтін ставка

2003 жылдың 1 желтоқсанынан бастап баға белгілейтін ставка 10, 3% жылдық деңгейде белгіленеді (инфляция - 7, 3% және ҚИК маржасы - 3, 0%), сонымен қатар әріптес- банктің маржасы ҚИК баға белгілеген ставкасынан 4 пайыздан аспауы керек. Сонымен, ҚИК бағыты бойынша берілетін несиелер бойынша ставкалар жылына 14, 3% -дан аспайды. Несиелендіру мерзімі - 15 жылға дейін.

«Қазақстан ипотекалық компания» ЖАҚ-мы өзі құрылғаннан бергі кезеңде компанияның алдына қойылған міндеттерді уақытылы шешуде. Ол алғашында ипотекалық несиелеу жүйесі механизмін енгізуді Алматы және Астана қалаларында байқап көрді. Кейін компания қызметі республиканың барлық аймағын, атап айтқанда Астана, Ақтау, Ақтөбе, Атырау, Жезқазған, Қарағанды, Көкшетау, Павладар, Орал, Өскемен, Шымкент, Қызылорда, Тараз және Талдықорған қалаларымен Алматы облысын қамтыды.

Компания жүзеге асырып отырған несиелеу бағдарламасының отандық нарық үшін бірегей екенін айтуымыз керек. Өйткені олардың мынадай артықшылықтары бар: сыйақы ставкасы біршама төмен; несие валюталық баламасы белгіленбей теңгемен беріледі ; несиенің ұзақ мерзімділігі (20 жылға дейін) несие ай сайын бірдей сомада өтеледі .

... жалғасы

Сіз бұл жұмысты біздің қосымшамыз арқылы толығымен тегін көре аласыз.