ҚӘҚ пәнінің бөлімдері мен мақсаттарына сәйкестігі

Жұмыс түрі: Материал
Тегін: Антиплагиат
Көлемі: 12 бет
Таңдаулыға:

Петропавл қаласы

химия-биология бағытындағы

Назарбаев зияткерлік мектебі

Қазақстан тарихы

(Қазіргі әлемдегі Қазақстан)

Курстық жұмыс

Оқу бағдарламаға сәйкес тақырыптың бағыты: « Қазақстан Республикасының қоғамы»,

Тақырып: Қазақстандағы әлеуметтік бастамалар қоғам үшін қаншалықты маңызды?

( . . . сөз)

Орындаған: Қалаутденова Қарлығаш

Жетекші: Тілеген Нұрсұлтан

Ішкі модератор:

Петропавл қаласы, 2020 жыл

Мазмұны

1. Кіріспе. 3

2. Негізгі бөлім. 4

2. 1 . . . 4

2. 2. . 4

2. 3. . 5

2. 4. Зерттеу әдістері. 6

2. 5. Зерттеу нәтижелері. 7

2. 5. 1. Сауалнама. 7

2. 5. 2. Сұхбат. 9

2. 6. Бағалау. 10

2. 6. 1. SWOT - талдау. 10

2. 6. 2. SWOT - шешім. 10

3. Қорытынды. 11

4. Рефлексия. 11

5. Пайдаланылған әдебиеттер12

Кіріспе

Зерттеу жобасының өзектілігі: Әлеуметтік сала Қазақстандағы өзекті әрі үлкен назарды қажет ететін, маңызды бағыттардың бірі болып табылады. Әлеуметтік жағдай елдің даму деңгейінің бірден бір көрсеткіші екені анық. Сондықтан, Қазақстандағы әлеуметтік бастамалардың қоғам үшін маңыздылығын зерттеу өзекті болып табылады, себебі қазіргі күні Қазақстан халқы үшін әлеуметтік жағдайдың жасалуы үлкен рөл атқарады.

Сонымен қатар, 2012 жылы шыққан «Қазақстан-2050» стратегиясы бойынша Қазақстан дамыған 30 елдің қатарына кіруді жүзеге асыру үшін және ел ішінде тұрмыс сапасын арттыру үшін бірінші ретте елдегі әлеуметтік жағдайға көп көңіл аудару керек. Сол себептен, 2018 жылдың 5 наурызында Қазақстан Рспубликасының тұңғыш президенті Нұрсұлтан Назарбаевтың «Президенттің бес әлеуметтік бастамасы» атты халыққа үндеуі шықты. Үндеуде баспана алу, жұмысшылардың салық жүктемесі, жоғары білім алу, несие және елді газбен қамтасыздандыру деген 5 әлеуметтік мәселе туралы сөз қозғалды. [1] . Сандық ақпаратқа сүйінсек, 11 ай ішінде жалақасы төмен жұмысшылардың салық жүктемесі 10 есе төмендетілді және 2 миллионға жуық жұмысшы жылына 15 мың теңгеге дейін қосымша кіріс алады. [2] . Ал 2018 жылдың наурызында бірнеше әлеуметтік бастама аясында «7-20-25» бағдарламасы 8 банк арқылы іске қосылып, 4350 отбасының өтінімдері мақұлданып, соның 3497-сі жалпы сомасы 42 миллиард теңгенің жеңілдікті несиесін алды. [3] .

Осы және басқа да жүргізілген іс-шаралар елдегі әлеуметтік жағдайға оң әсер етіп, халықтың тұрмыс жағдайын жақсартты. Алайда, «Қазақстан-2050» стратегиясының мақсатына жетіп, қарапайым халықтың күнделікті өмірін жақсарту үшін, жас студенттердің шетелге миграциясы мәселесін, көпбалалы отбасылар мәселесін, төмен жалақы мен несие мәселесін және тағы да басқа елеулі әлеуметтік мәселелерді шешу үшін мемлекет әлі де көп өзгертулер мен іс-шараларды қажет етеді. Жоғарыда келтірілген деректердің барлығы Қазақстандағы әлеуметтік бастамалардың қоғам мен мемлекет үшін аса маңызды екенін дәлелдейді, яғни бұл зерттеу сұрақтың өзектілігін айқын көрсетеді.

(Өзектілікке тағыда бір азат жол қоссаңыз, тақырыпта байланысты ақпараттармен)

Жобаның басты мақсаты: әлеуметтік зерттеудің түрлі әдістерін қолдана отырып, Қазақстанда жүргізілген әлеуметтік бастамалардың қоғам үшін қаншалықты маңызды екенін анықтау және алынған нәтижелер көмегімен қорытынды жасау.

Зерттеу жұмысының гипотезасы: Қазақстандағы әлеуметтік бастамалар қоғам үшін аса маңызды, себебі бұл әлеуметтік бастамалар халықтың көптеген әлеуметтік мәселелерін шеше отырып, елдегі өмір сүру деңгейін және сапасын арттырып, Қазақстанның дамыған 30 елдің қатарына қосылуына үлкен септегін тигізеді.

ҚӘҚ пәнінің бөлімдері мен мақсаттарына сәйкестігі: Таңдалған зерттеу тақырыбы « Қазақстан Республикасының қоғамы» бөлімінің «Қоғамды зерделеу» атты бөлімшенің «12. 3. 1. 6 Қазақстанда адамдық капиталды дамыту жөнінде идеяларын ұсыну» және «11. 3. 1. 7 қоғамға қызмет ету қағидаттарына негізделіп ұжымдық әлеуметтік жобаларды өткізу» деген мақсаттарына сәйкес келеді, себебі адамдық капиталдың дамуы мен әртүрлі әлеуметтік жобалар бірінші ретте әлеуметтің бастамалар аясында жүзеге асырылады. Сонымен қатар, бұл оқу мақсаттар Қазақстандағы әлеуметтік жағдайды жақсартуға бағытталған жобалар мен идеялар туралы ақпаратты қамтиды. Демек, зерттеу сұрағына толығымен сәйкес келеді.

Зерттеу жұмысын жүргізу міндеттері:

Зерттеу сұрағы бойынша ақпарат жинау
Алынған ақпарат пен деректерді өңдеу
Сауалнама, сұхбат сияқты социологиялық зерттеу әдістерін пайдалана отырып, әлеуметтік бастамалардың қоғамдағы маңыздылыған анықтау
Жұмыс нәтижелерін қорытындылау және зерттеу сұрақтарына жауаптар беру.

Зерттеу сұрақтары:

1) Қоғамда орта тапты қалыптастыру мемлекет үшін қаншалықты маңызды?

2) «Президенттің бес әлеуметтік бастамасы» елдің өмір сүру сапасын өзгерте алды ма?

3) Мемлекетіміздің жүргізіліп отырған ішкі-сыртқы саясаттың нәтижелері халық мүддесінің әл-ауқатын қаншалықты көтеруде?

Негізгі бөлім

2. 1 Қоғамда орта тапты қалыптастыру мемлекет үшін қаншалықты маңызды?

Орта тап - әлеуметтік стратификация жүйесінің ең маңызды және негізгі таптарының бірі. Қазіргі әлемде, экономикасы дамыған елдердің сипаттамасында бірінші ретте осы еледердің орта тап коэфиценттік мөлшерінің үлкен екенін атайды. Қазақстан сияқты салыстырмалы түрде жас ел үшін орта тапты қалыптастыру маңызды және басым мақсат болып табылады.

2012 жылдың 14 желтоқсанында жарық көрген «Қазақстан-2050» стратегиясы бойынша Қазақстан дамыған 30 елдің қатарына кіру мақсатында орта таптың рөлі зор. Себебі, орта тап елдің демократия мен экономикасының дамуына, елдің тұрақтылығына және құқықтық мемлекеттің қалыптасуына үлкен үлес қосады. Біріншіден, орта тап тұрақты жұмыс жасауға қабілетті адамдар тобын құрайтындықтан, яғни әр мемлекеттің негізгі жұмыс күші болу себебінен, елдегі мамандар санымен тығыз байланысты екенін атап айтуға болмайды. Орта таптың коэфицентінің аздығынан көптеген елдер мамандар жетіспеушілігі мәселесіне тап болады. Себебі, орта тап елдегі барлық салаларында еңбек етеді, соның ішінде өнеркәсіп, педагогика, бизнес, құрылыс, ғылым, медицина және т. б. Екіншіден, орта тап елдегі кірістің негізгі көзі болып қана қоймай, сонымен бірге, инвесторлар, ірі тұтынушылар және салық төлеушілер болып табылады, яғни мемлекеттік экономикалық жүйеге пайда әкеледі. [4] Үшіншіден, орта тап төменгі және жоғарғы тапты байланыстырушы тап болғандықтан, мемлекетте байлар мен кедей арасындағы алшақтық төмен деңгейде қалады. Сонымен бірге, жоғарыда атап өткенімдей, орта таптың әлеуметтік тұрақтандырушы функциясы бар. Орта тапқа мемлекеттің экономикалық, әлеуметтік жағдайын сақтау және дамыту тиімді, себебі мемлекет орта тапты жоғары біліммен, тұрақты табыс және жұмыспен, тұрғылықты баспанамен қамтығу көмектеседі. [4] Осыған қоса, орта тап елдегі халықтың көп бөлігін құрап, мемлекеттің әлеуметтік мүдделері мен мақсаттарын төменгі тапқа тарату арқылы оларға қоғамдағы мәртебесін көтеруге талпыныс пен үміт береді. [5] Нәтижесінде, орта тап мемлекеттің ішінде болуы мүмкін жанжалдарды алдын алып, елдегі тұрақтылықты сақтауға көмектеседі.

Сол себептен, Қазақстан орта тапты қалыптастырса, еліміздің экономикасы мен әлеуметтік жағдайы жақсарып, әлемнің экономикалық дамыған елдердің қатарына кіруге, өмір сапасын жақсартуға мүмкіндік аламыз. Дегенмен, орта тапты қалыптастыру үшін, елімізде әлеуметтік бастамалар аясында халыққа көмек беру, халыққа мүмкіндіктер ашу мақсатында көптеген іс-шаралар мен жобалар жасалуы қажет.

Осылайша, жоғарыда көрсетілген ақпарат бойынша, қоғам ішінде орта тапты қалыптастыру мемлекет үшін маңызды деген қорытынды жасауға болады.

«Президенттің бес әлеуметтік бастамасы» елдің өмір сүру сапасын өзгерте алды ма?

«Президенттің бес әлеуметтік бастамасы» атты үндеу Қазақстан Рспубликасының тұңғыш президенті Нұрсұлтан Назарбаевтың жарлығымен 2018 жылдың 5 наурызында жарық көрген. Үндеудің бес бастамасы: баспана алу, жұмысшылардың салық жүктемесі, жоғары білім алу, несие және елді газбен қамтасыздандыру деген әлеуметтік мәселелерді шешу мақсатында шыққан. 2 жыл ішінде бұл үндеудің аясында 5 бағыт бойынша үлкен жұмыс атқарылып, жобалар жүзеге асты.

Бірінші бастама бойынша Нұрсұлтан Назарбаев “Бірінші бастама баспанасы жоқ адамдарға жаңа мүмкіндіктер беріп, тұрғын үй ипотекасының қолжетімді болу мәселесін шешеді. » - деп айтқан болатын. [6]

Бұл мақсатқа қол жеткізу үшін «7-20-25» бағдарламасы енгізілген болатын. «7-20-25» - бұл Қазақстан Республикасының азаматтарына арналған әлеуметтік бағдарлама, ол әрбір қазақстандық үшін қолжетімді несие беру шарттарымен тұрғын үй жағдайларын жақсарту үшін жаңа мүмкіндіктер береді. [7] Осылайша, 2018 жылдың аяғына қарай бұл бағдарлама нәтижесінде құны 70 млрд теңгеден асатын 6 мыңнан астам өтініш ішінде 45 млрд теңгеге жететін 3700 ипотекалық несие қабылданды. [8]

Ал екінші әлеуметтік бастама бойынша 2019 жылдың 1 қаңтарынан бастап жалақасы аз жұмысшылардың салық жүктемесі 10 есе азайған болатын. Осылайша, 2 миллионға жуық жұмыскердің жылына 15 мың теңгеге дейін қосымша кіріс алуға мүмкіндігі пайда болды. [9]

Үшінші әлеуметтік бастамаға келетін болсақ, ҚР Білім және ғылым министрі 2019 жылдан бастап ҰБТ-ны жылына 4 рет өткізетін болады. [2] Осыған қоса, магистратураға білім гранттарын алу процессі бакалавриатпен ұқсас болады. Үшінші әлеуметтік бастаманы жүзеге асыру жұмысы басталғаннан кейін, ҚР Білім және ғылым министрі жыл бойы бөлінетін гранттар санын 69 мыңға дейін арттырды. [2]

Төртінші, яғни шағын несие беруді көбейту туралы бастама бойынша микрокредит беру бағдараламасына жұмсалатын қаражат 20 миллиард теңгеге артты. [2] Нәтижесінде 2018 жылы жалпы микрокредит беру бойынша 59. 5 миллиард теңге игерілген болатын, басқа сөзбен жылдын жоспары 96%-ға орындалды. [2]

Соңғы бастама шеңберінде де көптеген жұмыс жасалды. Соның бірі 2018 жылы 19 қарашада «АстанаГаз ҚМГ» АҚ мен «ҚазҚұрылысСервис МГҚК» АҚ арасында «Сарыарқа» магистральдық газ құбырын салу туралы шартқа қол қойылды. [2] 2019 жылдың қазан айында құбырдың желілік бөлігін салу жұмыстары аяқталды, дегенмен қазіргі күні құбырды салу жұмыстары жалғасуда. [10] Болжам бойынша құбыр 2 млн 700 мың қазақстандықты көгілдір отынмен қамтамасыз ететін болады [11] және ел бойынша таскөмір тұтыну көлемі жылына 650 мың тоннаға төмендейді.

Жоғарыда келтірелген мәліметке сүйінсек, 2018 жылдан бастап елдің өмір сапасын жақсарту мақсатында, 5 әлеуметтік бастама шеңберінде көптеген шаралар жүзеге асты. Жасалған жұмыстың халықтың тұрмыс - тіршілігін өзгертуде үлкен рөл ойнайтынын атап өтуге болмайды.

Мемлекетіміздің жүргізіліп отырған ішкі-сыртқы саясаттың нәтижелері халық мүддесінің әл-ауқатын қаншалықты көтеруде?

Қазіргі күні Қазақстанда ішкі мен сыртқы саясатты дамыту басым мақсаттардың бірі болып табылады. Бұл мақсатқа жету жолында халықтың өмірінде көптеген өзгерістер орын алады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.