Нұрлы жер бағдарламасы

Жұмыс түрі: Реферат
Тегін: Антиплагиат
Көлемі: 13 бет
Таңдаулыға:

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

Медицина және денсаулық сақтау факультеті

Жалпы медицина кафедрасы

СӨЖ

Тақырыбы: «Қазақстан Республикасының әлеуметтік бағдарламаларды іске асыруы. Нұрлы жер бағдарламасы»

Оқытушы: Дауытбекова Маржан Канатбековна

Студент: Калдурдыева Гүлсімай Мухтарқызы

Мамандығы: Жалпы медицина 1 курс, 02-группа

Алматы қаласы

2020 жыл

Мазмұны:

І Кіріспе.

Қазақстанда қабылданған бағдарламалар3-4

ІІ Негізгі бөлім.

2. 1. «Нұрлы жер» бағдарламасының қабылдануы5-6

2. 2. Оңтүстіктегі бағдарламаның орындалуы7

2. 3. Батыстағы бағдарламаның орындалуы8-9

2. 4. Солтүстіктегі бағдарламаның орындалуы

2. 5. Шығыстағы бағдарламаның орындалуы

ІІІ Қорытынды

Бағдарламаның нәтижесі және түйін14

Кіріспе бөлім

Қазақстанда қабылданған бағдарламалар

Жалпы алғанда Қазақстан КСРО құлағаннан кейін ауыр жағдайға ұшырады десекте болады. Алға қойған нақты қадамы немесе бір жоспарын көз алдына елестету өте қиын болды. Қазақстан КСРО елдерінің қатарындағы тәуелсіздік алған соңғы елдердің бірі болды. 1991 жылы 16 желтоқсанда алғашқы қадам тәуелсіздігімізді бүкіл әлемге жариялаудан басталды. Бұл біздің тарихымыз- дағы ең үлкен шешімдердің бірі болды. Бұдан бөлек ТМД-ның құрамына кіру, егемендігіміз жарияланбай тұрып ядролық қаруға қарсылығын алғаш болып білдірді, Қазақстан халқы Ассамблеясын құрды, екі модернизацияны сәтті аяқтады. Біріншісі, нарықтық экономикаға көшу, екіншісі 1997 жылы 1 қазанда «Қазақстан - 2030» стратегия- сын нақты қадам түрінде қабылдады. 2030 жылға дейінгі әлемнің дамыған 50 елінің қатарына енуі туралы алдына мақсат қойды. Бірақ, бұл жоспарды мерзімінен бұрын 2012 жылы айқын түрде бітірдік. Одан кейін «Қазақстан - 2050» стратегиясында дамыған 30 елдің қатарына ену туралы тағы бір мақсат қойды. Айта кететін жайт біз 30 елдің қатарына кіреміз деп жүргенімізде 11 сатыға төмен түсіп, 42-ші орыннан 53-ші орынға түстік. Бұл 2016 жылғы статистика бойынша алынған мәлімет. [1]

Қазақстанның болашағы Қазақстан жастарының даму деңгейі- мен, олардың қоғамға ықпалдасуымен байланысты. Жастар саясаты -ның басымдықтары Қазақстан Республикасының Президенті - елбасы Н. Ә. Назарбаев бастама жасаған «Қазақстан - 2050» стратегиясының түйінді мақсаттарының бірі болып табылады. Тәуелсіздіктің алғашқы жылдарынан бастап жас ұрпақтың ойдағыдай әлеуметтенуі мемлекет назарында болды және солай болып қала береді. Жалпы алғанда, қазіргі уақытта әлеуметтік-экономикалық жағдайларды жақсартуға, болашақ ұрпақтың қалыптасуы мен жан-жақты дамуына тек арнайы жастар бағдарламалары ғана емес, бүгінде елімізде іске асырылып жатқан білім берудің, денсаулық сақтаудың, тілдерді дамытудың, үдемелі индустриялық - инновациялық дамудың ауқымды мемлекеттік бағдарламалары: «100 мектеп, 100 аурухана», «Балапан», «Жұмыспен қамту - 2020», «Бизнестің жол картасы - 2020», «Қолжетімді тұрғын үй - 2020» бағдарламалары бағытталған. Қазіргі таңды, Елбасының тапсырмасына сәйкес ауыл жастарын қолдауға бағытталған «Ауыл жастары» бағдарламасы негізінде «Дипломмен - ауылға» жобасы жүзеге асырылып келеді. Бүгінде жастар аудан экономикасының қай саласында да нәтижелі еңбек етіп жүр. [2]

Негізгі бөлім

2. 1. «Нұрлы жер» бағдарламасының қабылдануы және мақсаты

Алғашында «Нұрлы жер» бағдарламасы 2018 жылғы 22 маусымда қабылданды. Бірақта, бұл қаулы 2019 жылғы 31 желтоқсанда күшін жойды. Ресми түрде айтып өтсек, Қазақстан Республикасы Үкіметінің 2018 жылғы 22 маусымдағы №372 қаулысы бойынша қабылданып, 2019 жылғы 31 желтоқсандағы №1054 қаулысы бойынша күшін жойды. «Нұрлы жер» бағдарламасының негізгі идеясы баспанасыз халықты тұрғын үймен толық қамтамасыз ету. Ресми түрде «Нұрлы жол» нақтырақ бағдарлама емес қаулы түрінде қабылданды. Оның құжаты мынандай болатын:

Қазақстан Республикасының Үкіметі ҚАУЛЫ ЕТЕДІ:

Қоса беріліп отырған "Нұрлы жер" мемлекеттік тұрғын үй құрылысы бағдарламасы (бұдан әрі - Бағдарлама) бекітілсін.
Орталық және жергілікті атқарушы органдар, ұйымдар Бағдарламаны іске асыру бойынша шаралар қабылдасын.
Жауапты орталық және жергілікті атқарушы органдар, ұйымдар (келісім бойынша) "Қазақстан Республикасындағы мемлекеттік жоспарлау жүйесін бекіту туралы" Қазақстан Республикасы Үкіметінің 2017 жылғы 29 қарашадағы № 790 қаулысына сәйкес Бағдарламаны іске асыру жөніндегі іс-шаралар жоспарына сәйкес ақпарат берсін.
Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
Осы қаулының орындалуын бақылау Қазақстан Республикасының Индустрия және инфрақұрылымдық даму министрлігіне жүктелсін. (Ескерту. 5-тармақ жаңа редакцияда - ҚР Үкіметінің 29. 04. 2019 № 231 қаулысымен. )
Осы қаулы қол қойылған күнінен бастап қолданысқа енгізіледі.

Қазақстан Республикасының Премьер-Министрі Б. Сағынтаев

Қазақстан Республикасы

Үкіметінің

2018 жылғы 22 маусымдағы

№ 372 қаулысы

бекітілген

Жалпы алғанда әрбір бағдарламаларды қабылдау барысында күтілетін нәтижемен қоса қаржы жағы және мақсаты қойылады. Негізгі мақсаты: ол халықты баспанамен қамту. Тиімді ипотека яғни, несиеге жылжымайтын мүлікті қолжетімді бағада сатып алу. Шынында, қарапайым адамға кем дегенде 15-20 миллионды бір ме- зетте қолымен апарып, үйлі болу өте қиын. Сол үшін төмен пайызды несиемен үй алу тиімді болды. Осы себепті бұл бағдарлама қолға алынды. Ал енді бұл жобаға бөлінген қаржыны айта кетейік.

2017 жыл

2018 жыл

2019 жыл

2020 жыл

2021 жыл

Бар-

лығы

: Республикалық бюджет

2017 жыл: 127, 6

2018 жыл: 148, 6

2019 жыл: 304, 2

2020 жыл: 294, 2

2021 жыл: 297, 1

Бар-лығы: 1171, 7

: Бюджеттен тыс

2017 жыл: 43, 1

2018 жыл: 120, 9

2019 жыл: 129, 4

2020 жыл: 101, 2

2021 жыл: 109, 6

Бар-лығы: 504, 2

: барлығы

2017 жыл: 170, 7

2018 жыл: 269, 5

2019 жыл: 433, 6

2020 жыл: 395, 4

2021 жыл: 406, 7

Бар-лығы: 1675, 9

Қазақстан Республикасының заңнамасына сәйкес тиісті қаржы жылдарына арналған республикалық бюджетті бекіткен кезде нақтыланады, осы қаражат тұрғын үйдің сатылуынан түскен қара- жаттың түсуіне қарай бағытталатын болады. [3]

2. 2. Оңтүстіктегі бағдарламаның орындалуы

Бағдарлама 2017 жылы қолданысқа түскеннен бастап, әр аумаққа қаржы бөлініп, қаржылар игеріліп, тұрғын үйлер салына бастады. Оңтүстік Қазақстан облысында нақтырақ айтқанда, Түлкібас ауданында көпқабатты 7 тұрғын үйдің құрылысы жүргізілді. Қазынадан жалпы құны 2 млрд. 600 миллион теңге қаржы бөлінді. Түлкібас ауданының Т. Рысқұлов және Састөбе ауылдарында құрылыс жүргізілді. Нақтырақ айтқанда, Т. Рысқұлов ауылында 5 тұрғын үй, Састөбе ауылында 32 пәтерлік 2 тұрғын үй салынды. Бұл елді мекенде барлығы 32 мыңға жуық халық тұрады. 2018 жылдың соңы мен 2019 жылдың басында барлық құрылыс жұмыстары аяқталып, 320 отбасы баспаналы болды. Қазіргі кезде ауданда тұрғын үй кезегінде 1507 азаматтар мен азаматшалар үй кезегінде тұр. [4] «Нұрлы жер» бағдарламасы аясында Оңтүстік Қазақстан облысы Сарыағаш ауданында көпқабатты 13 тұрғын үй пайдалануға беріледі. Нәтижесінде 585 отбасы баспаналы болды. Тұрғын үйлер құрылысына 5 млрд. 278 млн теңге қаржы бөлінді. Көпқабатты тұрғын үйлердің құрылысымен «Ынтымақ Бес-арыс», «Олжа» ЖШС, «Арука групп» ЖШС, «Дәулет» ЖШС, ТСК-Рабат ЖШС, Балта-сапар ЖШС айналысады. [5] Қазақстанда тұрғын үйге деген сұраныс жылдан-жылға өсуде. Бұған себеп халықтың демократиясының көтерілуі мен халық санының өсуй. Оңтүстік Қазақстандағы тек қана Шымкенттегі тұрғын үй кезегінің өзіне 20 мыңнан астам өтініш тіркелген, ал жер телімін алуға 90 мынан асады. 2017-2031 жылдар аралығында 15 жылда 1, 5 миллион қазақстандық отбасы баспаналы болуы керек деген жоспар бар. [6]

2. 3. Батыстағы бағдарламаның орындалуы

Тұрғын үй құрылыс жинақ банкі облыс бойынша 68, 6 мың адамға қызмет көрсетеді. Салымшылардың депозиттеріне жиналған қаражаттың жалпы сомасы 34, 6 млрд теңгені құрайды. 2018 жылдың қорытындысы бойынша Батыс Қазақстан облысында 432, 2 мың шаршы метр баспана салынған. Айта кетейік, биыл «Нұрлы жер» мемлекеттік бағдарламасы аясында 9 үйдің құрылысы жоспарланып отыр. Олардың ішінде 1 100 пәтері Тұрғын үй құрылыс жинақ банкі салымшыларына берілетін болады. [7] Батыс Қазақстан облысы нақтырақ айтқанда Орал қаласында көп- қабатты 6 тұрғын үй құрылысы жүзеге асыру жоспарланды. Бұл соңғы осы 2020 жылы 21 қазанда берген «Қазақстанның тұрғын үй құрылыс жинақ банкі» АҚ БҚО филиалының директоры Аида Ипатованың сұхбатынан алынды. Нәтижесінде тұрғын үй құрылысы аяқталғаннан кейін 887 пәтер қолданысқа беріліп, 887 отбасы баспаналы болады. Батыс Қазақстан облысында пәтерге салым са- лушылардың жалпы саны 84 мыңнан асады. Ең төменгі мөлшерде ақша салушылар жылына ең төменгі мөлшерлемеде 2-ден 5 пайызға дейінгі жылдық үстемақымен пәтер алады. Қазіргі таңда жалпы қаржы көлемі 33 миллион теңгеден асады. Жалпы «Нұрлы жер» бағдарламасы бойынша берілетін 6 тұрғын үйдің 3-уі Зачаган кентінде, ал 2-уі Батыс Қазақстанның солтүстік-шығыс бөлігінде, 1-уі Ақсай қаласында салынады. [8] Маңғыстау облысында құны 1 млрд. Теңгені құрайтын 32 «Б» шағын ауданыдағы тұрғын үй 2016 жылы қолданысқа берілді. Одан бөлек 2, 5 млрд. Теңгеге тағыда құрылыс нысандарын салу жоспарланды. 2016 жылдын аяғынан бастап, құрылыс іске көшеді. Аумағы 28 гектар жерді қамтитын тұрғын үй алғашында 120 отбасын қуантып, баспана береді. Тұрғын үй құрылыс жинақ банкі арқылы «Нұрлы жер» бағдарламасы аясында берілетін пәтер бағасы еліміздің барлық аймағында бірдей емес. Мәселен, Астана, Алматы, Атырау және Ақтау қалаларында пәтердің 1 шаршы метрінің құны 180 000 теңгеге дейін жетсе, өзге аймақтарда бұл баға 140 000 теңгеге дейін барады. [9]

2. 4. Солтүстіктегі бағдарламаның орындалуы

2017 жылы республика бойынша «Бәйтерек девелопмент»АҚ 350 мың ш. м. баспананы немесе 5928 пәтерді пайдалануға беруді қамтамасыз етті. Ең көлемі құрылыс Оңтүстік-Қазақстан, Атырау, Қостанай және Батыс Қазақ- стан облыстарында тіркелді. 2018 жылға дейін «Нұрлы жер» тұрғын үй құ- рылыс бағдарламасын жүзеге асыруға акционерлік қоғам 95, 6 млрд. теңге бөлді, 588, 7 мың ш. м. тұрғын үй, олардың ішінде 128, 8 мың ш. м. былтыр берілді. Павлодар облысы 1928 жылы қаңтарда құрылған. Облыс орталығы Қазақстанның ең ірі өзені - Ертістің жағалауында орналасқан Павлодар қаласы. Облыс республиканың солтүстік-шығысында орналасқан, солтүсті- гінде Омбымен, солтүстік-шығысында Новосибирскімен, шығысын- да Ресей Федерациясының Алтай өлкесімен, оңтүстігінде Шығыс Қазақстан және Қарағанды облыстарымен, батысында Ақмола және Солтүстік Қазақстан облыстарымен шектеседі. Өңір аумағының ауданы 124, 8 мың км2 құрайды, халық саны - 754 мың адам (2018 жылғы 1 қаңтардағы жағдай бойынша) . Облыста 10 аудан, 3 қала және 358 ауылдық елді мекен бар. Павлодар облысының тиімді географиялық орналасуы транзиттік әлеуетті кеңейтіп, инвестициялар тартуға қосымша мүмкіндіктер беруге жол ашады. «Нұрлы жер» тұрғын үй құрылыс бағдарламасының шарты бойынша баспанаға әлеуметтік аз қамтылған тұрғындар: көп балалы және толық емес отбасы- лар, отбасында мүгедек балалары бар отбасылар, бюджеттік ұйымдарда жұ- мыс істейтін қызметкерлер және мемлекеттік қызметкерлер, әскери қызмет- керлер үміткер бола алады. [10]

«Бәйтерек девелопмент» АҚ Талдау және жобалау жұмысы дирекциясының басшысы Данияр Кусаинов хабарлағандай, биыл Павлодар облысы тұрғын үй құрылысы көлемін былтырғымен салыстырғанда айтарлықтай ұлғайтты. Облыста «Бәйтерек девелопмент» АҚ желісімен 684 пәтерлік, төрт тұрғын үй пайдалануға берілді. Олардың ішінде бір тоғыз қабатты үй -Екібастұзда. «Тұрғын үй құрылысы нысандарын салуда отандық өнімді пайдалану басымырақ. Бағдарламаның әлеуметтік маңызын ескерек отырып, біз сапа- лы баспанамен қамтамасыз етуге тырысамыз. Барлық пәтерлер таза әрлеуден өткен, қосымша әрлеуге шығынды қажет етпейді», - деп атап өтті компания өкілі. [11]

2. 5. Шығыстағы бағдарламаның орындалуы

2018 жылы Өскемен қаласында «Нұрлы жер» бағдарламасының аясында Тұрғын үй құрылыс жинақ банкі («Бәйтерек» холдингінің еншілес ұйымы) желісі арқылы 628 пәтерден тұратын 8 үй салынып жатыр. Бір шаршы метрдің бағасы 100 000 теңгеден басталады. Бағдарламаға қатысу үшін ҚТҚЖБ салымшыларына шотқа үй құнының 20%-на тең соманы жинау жеткілікті. Алдын-ала займдар бойынша жылдық мөлшерлеме сақталып қалады, яғни 5%-ды құрайтын болады. Несие 25 жылға дейінгі мерзімге ресімделеді. «Біз бастапқы жарнаны төмендетуге қатысты өзгерістер «Нұрлы жер» бағдарламасына бір айдың ішінде енгізіліп, күшіне енеді деп күтіп отырмыз. Мұның нәтижесінде әлеуметтік тұрғын үйден үміткер жандардың қатары артатын болады. Бір бөлмелі пәтердің бағасы біздің аймақта орта есеппен 5, 4 млн теңге деп алғанда, 4 000-дай салымшымыз20% көлеміндегі бастапқы жарнаға ие екенін көруге болады. «Нұрлы жер» бағдарламасының аясында банк салымшылары тек көпқабатты үйлердегі пәтерді ғана емес, жеке коттедждер де сатып ала алады. Шығыс Қазақстан облысында осы жылы мемлекеттік бағдарламаның «Жеке тұрғын үй құрылысын дамыту» атты пилоттық бағыты іске қосылып жатыр. Өскеменнің 28-ықшам ауда- нында 89 жеке үй тұрғызылатын болады. Бағдарлама талаптарына сәйкес, бір шаршы метрдің бағасы 120 000 теңгені құрайды. Тұрғын үй құрылыс жинақ банкінің аймақтағы тағы 344 салымшысы банктің «Өз үйім» атты жеке бағдарламасына қатысу арқылы баспана иесі атана алады. Олар үшін Өскемен қаласында Ертіс өзенінің сол жағалауындағы Қ. Сәтпаев атындағы даңғылдың бойында бес тұрғын үй салынып жатыр. Бір шаршы метр бағасы 165 000 теңгеден басталады. [12]

«Нұрлы жер» мемлекеттік бағдарламасы бойынша биыл Өскеменде жалпы ауданы 400 мың шаршы метр болатын 48 тұрғын үй салу жоспарда деп 2020 жылы хабарлады. [13]

Қорытынды

Бағдарламаның нәтижесі және түйін

«Нұрлы жер» бағдарламасының нәтижесі бойынша әр жылда мыңдаған адам баспанамен қамтамасыз етілді. Әрбір отбасы бақытқа кенелді. Себебі жылына 2-мен 5 пайыз арасындағы үстемақымен несиеге пәтер алу ол халық-қа өте үлкен пайда деуге болады. Жалпы алғанда ең тиімді ипотека шарттары олар үшін сыйлық деуге болады. Енді бұл пәтерлер бізге қандай пайда әкел- ді? Ең бірінші пайдасы ол біздегі халық саны өскен болатын, осының әсерінен елде тұрғылықты үй жетіспеушілігі туындады. Статистикаға нақты көз жүгіртіп өтсек.