Ағылшын тілін оқытудың маңызы

Жұмыс түрі: Реферат
Тегін: Антиплагиат
Көлемі: 6 бет
Таңдаулыға:

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

М. ӘУЕЗОВ АТЫНДАҒЫ ОҢТҮСТІК ҚАЗАҚСТАН УНИВЕРСИТЕТІ

Секция: «Тіл - ел тірегі»

«Мектептегі ағылшын тілін оқытудағы негізгі мәселелер»

Жұмысты орындаған: Жұмабай Ж.

Факультет: Филология факультеті

Кафедра: Ағылшын тілі білімі

Тобы: ФИ-20-3к1

Жетекшісі: Хусаинова Г.

Шымкент, 2020 жыл.

МАЗМҰНЫ

КІРІСПЕ

1. 1 Зерттеудің көкейтестілігі

1. 2 Болжам

1. 3 Зерттеу мақсаты

1. 4 Зерттеу міндеттері

НЕГІЗГІ БӨЛІМ:

2. 1 Ағылшын тілін оқытудың тарихы және ықпалы

2. 2 Ағылшын тілін оқытудың маңызы

2. 3 Ағылшын тілін үйретудегі негізгі әдістемелік бағыттар

ҚОРЫТЫНДЫ

Пайдаланылған әдебиеттер тізімі

КІРІСПЕ

Тақырыптың көкейтестілігі.

Әлемдегі көптілділіктің негізі - ағылшын тілі. Ағылшын тілі ғылым мен әдебиетте басым.

Нобель сыйлығы иегерлерінің 74%-ы ағылшын тілді елдерден шыққан.
Әлемде жыл сайын анағұрлым көп - 550 мың кітап немесе кітаптардың жалпы санының 28%-ы ағылшын тілінде басылып шығады.
114 млн. ғылыми материал ағылшын тілінде басылып шығады, соның 24%-ы ашық қолданыста.
Әлемдік ғаламтор мазмұнының 56%-ы ағылшын тілінде.
Қазақстан ағылшын тілін меңгеру деңгейінің индексі бойынша 54-орында тұр (EPI)

Қазақстан Республикасы заңнамасына сәйкес елдегі беделді тілдің үшінші түрі - халықаралық қатынастағы ағылшын тілі болып саналады. Қазақстан Республикасының Президенті Н. Ә. Назарбаев өзінің 2008 жылғы 29 мамырда бір топ бұқаралық ақпарат құралдары басшыларымен кездесуінде «Тілдердің үш тұғырлығы» мәселесіне байланысты ағылшын тіліне деген өзінің ой-пікірін дәлелдеп берді.

XXI ғасыр мектебі түбірлі өзгерістерді талап етеді. Оқушы әлемдегі болып жатқан өзгерістерге тез бейімделіп, өзін терең білімді, жан-жақты дамыған, шығармашылықпен, өз бетінше оқи алатын тұлға ретінде көрсете алуы тиіс. Осыған орай қазіргі заман талабына сай оқушы тек бір тілді ғана емес, бірнеше тілді де меңгеруі тиіс. Сол себепті бүгінгі таңда ағылшын тілі пәні оқушылар үшін өте қажетті пән ретінде саналып отырғаны бәрімізге белгілі. Сондықтан өзекті мәселелердің бірі болып шетел тілдерін, соның ішінде ағылшын тілін ерте жастан оқыту болып табылады, себебі Қазақстан Республикасының шет елдермен саяси, экономикалық, әлеуметтік және мәдени қарым-қатынастары күннен күнге даму үстінде.

1. 2 Болжам. Балаларды ерте жастан оқытқан кезде олардың бойларынан:

- Ақпаратты тез қабылдауын;

- Ойлау, ауызша сойлеу іскерліктерінің дамуын;

- Есте сақтау қабілетінің жоғарылауын;

- Ойлау жүйріктігі дамуын;

- Жаңа ақпаратты ойын іс-әрекеті түрінде тез қабылдауын;

- Қиялының дамуын байқауға болады.

1. 3 Зерттеу мақсаты. Оқушылардың бойында қарым-қатынас біліктілігін қалыптастыру және қарым-қатынасты дамыту

1. 4. Зерттеу міндеттері.

Ағылшын тілінің мектепте оқыту барысындағы кемшіліктерді анықтау және олардың алдын алу жолдарын көрсету.
Ағылшын тілін оқытудың ерекшеліктерін және олардың қоғамға ықпалын анықтау.
Ағылшын тілін үйретудегі негізгі әдістемелік бағыттар туралы зерттеу жүргізу

НЕГІЗГІ БӨЛІМ

2. 1 Ағылшын тілін оқытудың тарихы және ықпалы

Ағылшын тілін оқытудың тарихы жүз жылдап есептелінеді. Орта мектепте ағылшын тілін оқытудың тарихы 1947 жылдан басталады. Содан бері қарай көптеген өзгерістер енгізілді. Жаңаша көзқарастардың дамуы шетел тілін оқыту, дамытуға ықпалын тигізуде. Білім алушылардың жан-жақты дамуына, сапалы білім алуына, өмірде жақсы көрсеткіштерге қол жеткізуінде ағылшын тілін жақсы менгеруінің маңызы үлкен. Осыған орай қазіргі заманға сай ағылшын тілін тиімді үйретуге мүмкіндік беретін көптеген әдістер пайда болды. Сондықтан, әр мұғалім өзінің шығармашылығын дамыта отырып озық іс-тәжірибелерді пайдалана білуі тиіс. Сонымен, еліміздің мектептерінің оқу үрдісі түбегейлі өзгеріп, оқытудың жаңа түрлері, әдістері, жаңа бағыттағы инновациялық педагогикалық технологиялар пайда болып, олар білім мазмұнының толығымен жаңаруына себепші болуда.

2. 2 Ағылшын тілін оқытудың маңызы

Бүгінгідей жаһандану заманында көп тіл білетін адамның қоғамдағы алар орны да ерекше. Өзге тілді үйрену, оны жетік меңгеру - бұл ең алдымен халықаралық қатынастар кезінде айрықша рөл атқаратыны баршамызға аян. Тіл - халықпен бірге өмір сүріп дамиды.

«Біз үштілділікті дамыту қарқынын үдетіп отырмыз» . Бұл ойдан шығарған дүние емес, қажеттілік. Қазірдің өзінде қазақстандықтардың 20 пайызы ағылшын тілін меңгерді. Яғни, үш тілді меңгеру, білу - бұл жаһандық әлемге жолдама деген сөз. Бұл адамның өмірдегі табыстылық, жетістік принципі. Сондықтан да олар әлемнің кез келген өңірінде жұмыс істеп, күнін көре алатын болады.

Осыған байланысты, жақсы білім беруді мақсат тұтқан әрбір оқытушы жолдауды қолдай отырып оқушының ағылшын пәніне қызығушылығын тудырып, дамытып отыру керек. Оқушылардың ағылшын тілін біліп ғана қоймай, оның тарихын, ұлттық мәдениетін білуге көп көңіл бөлінуі қажет. Ағылшын тілін оқытудағы білімділік мақсаты - шетел тілінде сөйлеуді үйрету, байланыста бола алу мен ортақ тіл табысып, қарым-қатынасты нығайтуға ұмтылу болса, тәрбиелік мақсаты - өзге адамдарды тыңдау мәдениетін қалыптастыру негізінде өз пікірін айта алу және қорғауғай алуды қалыптастыру.

2. 3 Ағылшын тілін үйретудегі негізгі әдістемелік бағыттар

Оқушыны тілді оқып-үйрету мақсатына жеткізу үшін, оқытушы жөн сілтеп тіл үйренудегі қиындықты жеңе білуге талпындыру қажет.

Ол мынандай 3 түрлі этаппен жүзеге асырылады:

Сөйлеу дағдысын қалыптасу
Сөйлеу дағдысын іске асыру
Жеке шеберлікті іске асыру

Бірінші этапта, егер оқушылар қандай текст оқитынын немесе тыңдайтынын білмесе, және оқытушы ол текстен жаңа сөздерді іріктеп алады. Егер сабақтың соңында оқушы оқытушының айтқанын түсініп және оны жазып алып, қолданып отырса онда бірінші этап іске асты деген сөз.

Оқушылардың сөйлеу тілін дамытуда диалогтың да берері мол. Диалог- сөйлесудің ең негізгі түрі болып саналады. Адамдар арасындағы қарым-қатынас амандасудан басталады. Оқытушы сабаққа кіргеннен оқушылармен диалогта болады. Оқушыларға белгілі бір тақырыпта тапсырмалар беру арқылы сұхбаттар құрылады.

Келесі этап - лексикалық дағдының жетілдіру. Ауызша жатталған сөздер енді көру арқылы есте сақтау қабілетінің дамуы. Ол сөзді контекстан табу, жаңа сөз құрамдарыны жасау болып табылады. Сөз құрамдары көп болса лексикалық дағды нақты қалыптасады. Соңында сөзді жеке сөйлем құрастыру, әр түрлі жағдайларда қолдана білу, өз ойын асыра білу дағдысы қалыптасады.

Коммуникативтік сөйлеу әрекетінің қай түрі болса да лексикалық-грамматикалық дайындық деңгейіне сүйенеді. Белсенді сөйлеу әрекетін ұйымдастыруда ауызекі жауаптасу мен мәтін бойынша жұмыс негізгі құрал болып табылады. Сонымен қатар, ақпараттық оқу құралдары (компьютер, аудио-визуалды құралдар) бойынша да оқушылар белсенді коммуникацияға түсе алады. Ағылшын тілін оқытуда ең алдымен тәжірибелік мақсат қойылады, оған оқушылардың сөздік қорларын байыту, сауатты жазуға үйрету, сөйлесуге, көргендерін, естігендерін әңгімелеп беруге үйрету қажет.

Ағылшын тілінде сөйлеуге, қарым-қатынас тіліне үйретуде оқушыларды өз бетімен жұмыс істеуге, өзі ізденіп білім алуға дағдыландыруы керек. Бұл қазіргі уақыт талабы. Сабақ бір сарында өтпеу үшін оқушылардың қызығушылығын арттыратын сабақ арасындағы топқа бөлініп белгілі бір мәселені талқылау, өз ойларын айту, сол мәселе бойынша диалог құрастыру жұмыс түрлері үлкен рөл атқарады. Топтық жұмыстар сабақтың тиімділігін, сапасын арттырумен бірге оқушылардың оқу белсенділігін, шығармашылық ойлау қабілетін дамытады.

Сонымен бірге ағылшын тілі сабақтарында электрондық оқулықты пайдаланудың маңызы зор. Оқу процесінде оқытудың ақпараттық - коммуникациялық технологияларын тиімді пайдалану және қолдану айтарлықтай оң тәжірибе беріп отыр. Атап айтсақ, оқушылардың өз бетімен ізденісі, пәнге деген қызығушылығын арттырып, шығармашылығын дамытуға, оқу қызметінің мәдениеті қалыптастыруға, дербес - жұмыстарын ұйымдастыруға өте маңызды.

ҚОРЫТЫНДЫ

Ағылшын тілі қай жерде жүрсекте ауадай қажет болатын тіл. Халықаралық тіл болғандықтан әлемді танытатын да, әлемге танытатын да, екі елді жақындастырып қарым-қатынас орнататын да осы - ағылшын тілі. Қазақстан әлемге енді танылып келе жатқан дамушы ел болғандықтан, дамыған шет елдермен қарым-қатынаста болу қай жағынан алып қарасақта өте тиімді. Әлемдік ақпараттық кеңістікте бәсекеге қабілетті болу үшін ағылшын тілін қолданысқа енгізу қажет екендігі ешқандай дау тудырмайды. Осы арқылы біз ғылымнын жаңа жаңалықтарымен танысып, жаңа технологияларды игереміз, экспорт және импортты дамытып, әлем нарқына шығамыз, еліміздің туризм саласын дамытып, елге көптеген пайда әкелеміз. Экономикалық жағынан да, шаруашылық тұрғысынан да басқа елдерге қарағанда ілгері дамытып, дамыған 20 елдің қатарына ене аламыз. Ағылшын тілін меңгеру - әлемдік қажеттілік. Бұл тек қана Қазақстан еліне емес бүкіл әлемге қойылып отырған басты талап, бәсекелестік болып табылады. Басқа елдермен қарым-қатынас жасауда басты қару екендігі сөзсіз. Себебі әлемдік қарым-қатынас тілін меңгермеген ел кемде-кем. Сондықтан, біз, кейінгі ұрпақ қазақ елінің терезесі тең дәрежеде болуы үшін терең білім алып, әлемдік тілдерді танып, қазақ тілін әлемге танытуымыз - басты мақсат.

... жалғасы

Сіз бұл жұмысты біздің қосымшамыз арқылы толығымен тегін көре аласыз.