Жоба тапсырмасы

Жұмыс түрі: Материал
Тегін: Антиплагиат
Көлемі: 13 бет
Таңдаулыға:

АҚТӨБЕ ГУМАНИТАРЛЫҚ КОЛЛЕДЖІ МКҚК

Бекітемін
Директордың оқу ісі жөніндегі орынбасары
____________________ Б.И.Екибасова
"____" ______________ 20 _____ жыл

ГЕОГРАФИЯ ПӘНІ БОЙЫНША СТУДЕНТТЕРДІҢ
ЖОБАЛАУ ІС-ӘРЕКЕТІН ҰЙЫМДАСТЫРУ
факультатив сабақ бағдарламасы
(техникалық және кәсіптік білім беру ұйымдарының 1 курс студенттеріне арналған)

Бағдарламаны жүзеге асыру мерзімі: 2021-2022 оқу жылы

Ниетбаева Кабира Туремуратовна
География пәні оқытушысы, педагогика ғылымдарының магистрі
Ақтөбе қаласы

Факультатив сабақ бағдарламасы 2021 жылы әзірленді.

ТҮСІНДІРМЕ ЖАЗБА

Қазақстан Республикасында білім беруді және ғылымды дамытудың 2020-2025 жылдарға арналған Мемлекеттік бағдарламасының басты мақсаты қазақстандық білім мен ғылымның жаһандық бәсекеге қабілеттілігін арттыру және жалпыадамзаттық құндылықтар негізінде тұлғаны тәрбиелеу және оқыту болып отыр. Қазақстан Республикасының тұңғыш президенті - Елбасы Н.Ә.Назарбаевың Қазақстан халқына Жолдауында айтылған Мәңгілік Ел - қазақ елінің ұлттық идеясында: ...білім беру - жастардың рухани-адамгершілік қасиеттерін және патриоттық сезімдерін, азаматтық жауапкершіліктерін қалыптастыруға, ұлттық өзіндік сана мен төзімділікті дамытуға, зайырлы құндылықтарды нығайтуға бағытталады, - деп айтылған. Техникалық және кәсіптік білім берудің мемлекеттік жалпыға міндетті стандартында да техникалық және кәсіптік білім берудің басты мақсаттары ретінде кәсіби қызметтегі шығармашылықты, басқарудағы бастамашылыққа қабілеттілікті, кәсіптік білімді дамытуға және кәсіптік қызмет нәтижелері үшін жауапкершілікті, кәсіптік ұтқырлықты, бәсекеге қабілеттілікті және білім берудің құндылықтарын атап көрсетеді. Сондықтан білім алушылардың шығармашылық қызығушылықтарын олардың жеке тұлғалық дамуына, рухани жетілуіне, мотивациялық және білімділік бағдар құндылығына бағыттаудың маңызы зор.
Қазіргі білім берудің жаңа парадигмасы жағдайында білім алушылардың креативті құзыреттіліктерін қалыптастыру - олардың оқу-танымдық іс-әрекеттегі шығармашылық қызығушылығына тікелей байланысты. Шығармашылық қызығушылық - тұлғаның ізденімпаздық қабілет сапасын дамытудың негізгі өзегі болып табылады. Себебі өмірдегі құндылықтардың барлығы да жаңашылдық бағыттар арқылы ғана іс-әрекетке тұрақты креативті қызығушылық нәтижесінде танылып, болашақта өміршең дамуына мүмкіндік береді. Бұл - қоғамның рухани-адамгершілік, интеллектуалдық, экономикалық және мәдени мүмкіндігі білім берудің жағдайына және оның прогрессивті дамуына байланысты екенін көрсетеді. Ал білім беру дегеніміз - тиісті оқу орны арқылы ғылыми мағлұмат беріп, адамның танымын, білімін, дағдысын, дүниеге көзқарасын жетілдіру процесі болып табылады.
Білім беру жүйесінде білім алушылардың шығармашылық әлеуетін дамытуға қатысты іргелі және қолданбалы зерттеулердің болғандығына және бұл мәселенің маңыздылығына қарамастан, білім алушылардың шығармашылық қызығушылығын қалыптастыруды нәтижелі етуде әлі де шешілмеген мәселелер бар екендігі анық. Олар: білімді меңгеруде білім алушылардың шығармашылық қызығушылығын қалыптастыруға бағытталған арнайы дайындықтың жеткіліксіздігі; бұл бағыттағы оқу-тәрбие процесінің мүмкіндіктерінің толық пайдаланылмауы; тұлғаға бағытталған білім берудегі арнайы әдістемелердің тапшылығы және т.б.
Қазіргі географиялық білім - заманауи адамзаттың жалпы мәдениетінің негізгі элементтерін, өркениет құндылықтарының негізін құрайтын дүниетанымды және география ғылымы мен білімі арқылы берілетін географиялық мәдениетті қалыптастыруға бағытталған. Географиялық мәдениет әлемнің географиялық көрінісі, географиялық ойлау, географиялық әдістер және географиялық тілден тұрады. География пәнін құндылықтар негізінде оқыту жеке тұлғаның өзін-өзі таныту тетіктерін, ғылыми ойлау әдістерін, зерттеу мәдениетінің негіздерін игеруді, кәсіби мақсаттарын қалыптастыруды қамтамасыз етеді. Оқытудың сапасын жақсарту оқыту әдістемесін ғылыми зерттеу нысанына ала отырып, педагогикалық ізденістер жасау, оны іс-тәжірибе арқылы дәлелдеуге қол жеткізу, оқытудың инновациялық педагогикалық технологияларын, ұйымдастыру әдістерін қолдану арқылы жүзеге асырылады.
Қазіргі кезде оқытудың инновациялық әдіс-тәсілдері кеңінен қолданылады. Соның бірі - жобалау іс-әрекеті. Жобалау іс-әрекеті дегеніміз - білім алушының жеке немесе топта өз ойын білдіруге, білімін қолдануға, қол жеткізген нәтижесін көпшілік алдында көрсетуге, өздері таңдаған мәселені шешуге бағытталған шығармашылық, зерттеушілік іс-әрекеті. Жобалау іс-әрекеті - жалпы мақсаты бар, әрекеттің әдіс-тәсілдері айқындалған білім алушылардың оқу-танымдық, шығармашылық немесе ойын әрекеттерінің жиынтығы болып табылады. Оқу жобасы әрекеті нәтижесінде білім алушылар жаңа білімді қолданады, зерттеушілік танымы мен дағдысы дамиды, өзіндік ұстанымы белсендіріледі. Жоба әрекетінде түпкі өнім, оны жасау әрекеті, жобалау кезеңдері, жоба мақсаты мен міндеттері, әрекеттің оңтайлы ресурстары мен жоспарының алдын-ала болжамы болуы шарт. Жобалау іс-әрекетін қолданудың негізгі мақсаты - білім алушылардың шығармашылық ойлауы мен әлеуетін арттыру болып табылады. Жобалау әрекетінде жобалық тапсырмалар топтық сипатқа ие және оны орындау білім алушылардың жобалау әрекетінің негізі болып табылады және олардың ынтымақтастықты меңгеруіне мүмкіндік береді.
Сондықтан студенттердің шығармашыл болуға деген қызығушылығын дамытуды жүйелі ұйымдастыру, оқу мазмұнын меңгертудің технологияларын жетілдіру және зерттеушілік, ізденушілікке қажетті білік пен дағдыны дамыту мақсатында География пәні бойынша студенттердің жобалау іс-әрекетін ұйымдастыру атты факультатив сабақ бағдарламасы ұсынылып отыр. Бағдарламада студенттердің басым әрекеті бойынша ақпараттық және шығармашылық жоба, ұзақтығы бойынша орта мерзімді жоба, жоба мазмұны бойынша пәнаралық жоба, қатысушылар саны бойынша жеке, топтық жоба, аумақтық белгісі бойынша ішкі жоба түрлері қолданылады. Студенттердің жобалау іс-әрекеті қарапайым жобалық тапсырмалардан басталып күрделене түседі және жоба бойынша жұмыс кезеңдері, оларға қойылатын талаптары басшылыққа алынады. Жобалау іс-әрекетінде студент жаңа білім мен жаңа ақпаратты және жинақтаған тәжірибесін де қолданады. Жоба тақырыптарын таңдауда жалпы білім беретін мектептің 10-сыныбына арналған география пәнінің оқу бағдарламасы негізге алынды және Қазақстан географиясымен байланыстырылды.
Бағдарлама студенттер үшін оқу еңбегіне тәрбиелеу, олимпиада мен жобалар байқауларына даярлауға арналған жүйенің құрамдас бөліктерінің бірі болып табылады. Бағдарлама мазмұны алға қойған мақсаттарды (болжамдарды, проблемаларды) орындау, тұжырымдау және негіздеу, іс-әрекетті жоспарлау, ақпаратты жинау және талдау, жоба өнімін шығару бойынша технологиялық прцестерді орындау, нәтижелерді ұсыну арқылы шығармашылық іс-әрекеттің тәжірибесін қалыптастыруға бағытталған.
Бағдарлама техникалық және кәсіптік білім беру ұйымдарының 1 курс студенттерінің ғылыми-теориялық білімдері мен практикалық дағдыларын кеңейтуге, танымдық және шығармашылық іс-әрекеті мен кәсіптік бағдарлануын дамытуға бағытталған. Студенттер алған білімдерін басқа пәндерде және сыныптан тыс жұмыстарда (олимпиада, ғылыми жобалар сайыстарында және т.б.) қолдана алады. Бағдарламаны 2021-2022 оқу жылында жүзеге асыру көзделіп отыр. Ұсынылып отырған факультатив сабақ бағдарламасын жалпы орта білім беретін мектептің 10 сынып оқушыларымен де жүргізуге болады. Оқу ұзақтығы - 36 сағат.

ГЛОССАРИЙ

Ақпараттық
жоба
қандай да бір нысан туралы ақпарат жинауға, оның мақсаты мен талдауының пайда болуына, қорытуға және үлкен аудиторияда ұсынуға бағытталған жоба.
Білім беру
тиісті оқу орны арқылы ғылыми мағлұмат беріп, адамның танымын, білімін, дағдысын, дүниеге көзқарасын жетілдіру процесі;
жүйеге келтірілген білім, білік және дағдыларды игеру барысы және нәтижесі, оқушыны өмірге және еңбекке дайындаудың қажетті шарты, білім берудің негізгі жолы.
География
грек тілінде гео - жер, графо - жазу. География сөзі жерді сипаттап жазу дегенді білдіретін ең ежелгі ғылымдардың бірі.
Географиялық мәдениет
жалпы адамзат мәдениетінің бір бөлігі ретінде географиялық мәдениет география ғылымы және білімі арқылы беріледі. Ол әлемнің географиялық картинасы, географиялық ойлау, географиялық әдістер, географиялық тілден тұрады.
Географиялық білім
шындықты терең түсінудің нәтижесінде пайда болған географиялық білім мәні бойынша уақыт пен кеңістікке бағдарлауға бағытталған. Табиғаттың қызметі мен қоғамның өмір сүру жағдайын түсіндіреді.
Географиялық әдістері
дәстүрлі әдістер (суреттеу, картографиялық әдістер) және заманауи (ғарыштық, математикалық, модельдеу, геоақпараттық және т.б) әдістер қолданылады.
Географиялық ойлау
оқығанын, түйгенін түсіне отырып, аумаққа негізделген ойлау. (Н.Н.Баранский).
Жалпыадамзаттық құндылықтар
бұл барлық мәдениет пен барлық замандағы адамдар үшін абсолютті стандарт болып саналатын іргелі, жалпыадамзаттық бағдарлар мен нормалар, моральдық құндылықтар.
Жоба
латын тілінен аударғанда projectus - алға қарай тасталған, ағылшын тілінен аударғанда cooperative learning - бірге үйрену деген мағынаны білдіреді.
Жоба әдісі
қандай да бір түрде безендірілген, нақты, айтарлықтай тәжірибелік нәтижемен аяқталуы тиіс мәселені толық өңдеу арқылы дидактикалық мақсаттарға жетудің тәсілі.
Жобалау іс-әрекеті
білім алушылардың жалпы мақсатқа, үйлестірілген әдістерге, іс-әрекеттің жалпы нәтижесіне жетуге бағытталған іс-әрекет тәсілдері бар бірлескен оқу, танымдық, шығармашылық немесе ойын әрекеті.
Жоспарлау әрекеті
өз әрекетінің жоспарын құру. Жоспарлау- ол бүкіл қызмет сапасын жоғарылатуға бағытталған шаралары мен қызметтердің негізгі түрлері.
Жобалық менеджмент
қазіргі заманғы әдістердің (техника, басқару технологиясы) жиынтығын пайдалану арқылы жобалық мақсаттарға тиімді қол жеткізуге бағытталған ұйымдастыру, жоспарлау және үйлестіру әдіснамасы
Жоба
мазмұны
бірпәндік жоба - нақты бір пән материалы бойынша орындалады;
пәнаралық жобаға - бірнеше пәндер бойынша тақырыптар кіріктіріледі.
Жобаның оқу жоспарына қосылуы
ағымдық жоба - оқыту мазмұнының бөлігін қоса отырып, өзбетінше орындау;
қорытынды жоба - оқушылардың нақты оқу материалын игеруі жобаны орындау нәтижесі бойынша бағаланады.
Жобаны орындау ұзақтығы
қысқа мерзімді - бірнеше сабақта жасалатын жоба;
орта мерзімді - бір аптадан бір айға дейін созылатын жоба;
ұзақ мерзімді - бір айдан бірнеше айға немесе бір жылға дейін болатын жоба.
Жобаға қатысушылардың саны
мен - жоба - үлкен жобаның ішіндегі жеке жұмыс немесе оқушының жеке жобасы; топ - жоба - жұмысқа қалыптасқан топты қабылдау немесе үлкен жобаның ішіндегі топтық жұмыстар; сынып - жоба - қатысуға бүкіл оқушы қатысады.
Жобаның территориялық белгісі
ішкі жоба - бір мектептің ішінде, мектептер (сыныптар) арасында өтетін жобалар; аймақтық жоба - бір елдегі аймақтар ішінде (телекоммуникация, Интернет-желі арқылы) өтетін жобалар;
халықаралық жоба - әртүрлі ел өкілдерінің қатысуымен өтетін жобалар.
Жоба портфолиосы
ұсынылған жобаны қорғаудағы бірден-бір міндетті жоба түрі, жоба құжаттары, ақпараттар, есептер жинақталады.
Жоба презентациясы

студенттер жасалған жұмыстарын баяндайтын, яғни жобаны орындауды аяқтайтын кезең. Жоба презентациясын көрме, таныстырылым, конференция, семинар, дөңгелек үстел және т.б. түрде өткізіледі.
Коммуникативті әрекет
тапсырманы орындау тәсілін іздеу кезінде бастамашыл болу, сөйлеу, өз ұстанымын дәлелдеу, басқаларға пікір айту.
Құндылық
адамның ішкі құқығы, ізгілігі, адамдармен қарым-қатынасы, іс-әрекет кезіндегі көрсетілетін тұрақтылығы, қайырымдылығы, мейірімділік тәрбиесі.
Қабілеттер
қызметтің белгілі бір түрлерін сәтті орындаумен шартталған тұлғаның жеке психологиялық ерекшеліктері.
Қабілеттілік
белгілі бір қызмет түрін табысты жүзеге асырудың субъективті шарты болып табылатын тұлғаның даралық ерекшелігі
Мақсатты ұсыну әрекеті
мақсат қою және оған жетудегі табандылық.
Модельдеу әрекеті
схема, кесте, диаграмма, жоспар т.б. түрінде әрекет тәсілін ұсыну.
Оқыту процесі
тәлім - тәрбиелік қарым - қатынастарды ұйымдастырудың тәсілі. Оқыту процесін ұйымдастыратын педагог. Оқыту процесі - бірнеше элементтен құрылатын жүйе.
Патриотизм
патриотизм тұлғаның кіріктірілген қасиеті ретінде ішкі бостандықтан, Отанына, отандастарына сүйіспеншіліктен, бейбітшілікке ұмтылудан, мемлекеттік билікті сыйлаудан, Отанына қызмет етуге даярлықтан, өз қадір-қасиетін сезіну мен тәртіптіліктен, патриоттық сезімдер мен ұлтаралық қатынас мәдениетінің үйлесімді көрінуінен тұрады.
Педагогикалық технология
білім мақсаттарын жүзеге асыруға мүмкіндік беретін теориялық тұрғыда негізделген оқу, тәрбие процестерін қайта жаңғырту әдістері мен тәсілдерінің бірлігі. (В.П. Беспалько)
Рухани -адамгершілік құндылық
белгілі бір бағытты, мақсатты, жүйелі ұлттық көзқарасты, мінез-құлықтағы адамдық тәртіп пен рухани дағдыны қалыптастыратын жүйе.

Рефлексивті әрекет
проблеманы көру, жасалғанды талдау, қиындық пен қателерді көру, себептерін анықтау, шешу жолдарын көру.
Шығармашылық (креативті) ойлау
өнімді ойлау, тиімді шешім қабылдау, жағдайды алдын ала болжау, уақыттың өзі талап еткен жаңа идеялар, әріптестік байланысты арттыру, жаңалық ашу, басқарудың жаңа тәсілдері мен стандартты ойлау жүйесінен тыс идея ойлап табу және тағы да басқалар.
Шығармашылық әлеуеті
өз қызметі мен мінез-құлқын сәтті инновациялық тұрғыда жүзеге асырудың субъективті шарттары болып табылатын мүмкіндіктер мен қабілеттер.
Шығармашылық жоба
нәтижені көрсетуде көлемді еркіндікке, дәстүрлі емес әдістерге жол беріледі. Ол альманах, театрланған көрініс, спорттық ойын, бейнелеу өнері немесе декоративті қолданбалы өнер туындысы, видеофильм және т.б. болуы мүмкін.

БАҒДАРЛАМАНЫҢ МАҚСАТЫ, МІНДЕТТЕРІ ЖӘНЕ КҮТІЛЕТІН НӘТИЖЕЛЕРІ

Мақсаты: Студенттердің география пәніне деген қызығушылығын арттыру, пәннің мазмұнын тереңдету, танымдық әрекеттерін белсендіру, өзбетінше білім алуға дайындау және рухани-адамгершілік пен жалпыадамзаттық құндылықтарға тәрбиелеу болып табылады.
Міндеттері:
оқу процесінің білім беру мүмкіндіктерін кеңейту;
студенттердің шығармашылық әлеуетін жан-жақты дамытудағы қажеттіліктерін қанағаттандыру;
жеке және кәсіби сапаларын дамытудың басты шарты ретінде студенттерді шығармашылық процеске тарту;
студенттердің қабілеттері мен қызығушылықтарын зерттеу;
бастамашылдығы мен еркіндігін дамыту;
география пәнінің мазмұнын тереңдету;
студенттер мен оқытушы арасындағы ынтымақтастықты кеңейту;
студенттердің ғылыми-зерттеу қызметтеріне жағдай жасау;
аймақтық базалық білім берумен байланыстыру арқылы студенттерді патриотизмге тәрбиелеу;
құндылықтар арқылы білім беруді қалыптастыру, аймақтық мәліметтерді пайдаланудың рөлін арттыру.

Күтілетін нәтиже:

Техникалық және кәсіптік білім беру ұйымдарының 1 курс студенттері География пәні бойынша студенттердің оқу жобалары атты факультатив сабақ соңында студенттер:
біледі:
... жалғасы

Сіз бұл жұмысты біздің қосымшамыз арқылы толығымен тегін көре аласыз.