Бастауыш сынып оқушыларына робототехника курсын оқыту әдістері


Жұмыс түрі:  Диссертация
Тегін:  Антиплагиат
Көлемі: 65 бет
Таңдаулыға:   

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

ОҢТҮСТІК ҚАЗАҚСТАН МЕМЛЕКЕТТІК ПЕДАГОГИКАЛЫҚ

УНИВЕРСИТЕТІ

«Қорғауға жіберілді»:

кафедра меңгерушісі

Информатика кафедрасы

(кафедраның атауы)

(қолы) (ғылыми дәрежесі, атағы және аты-жӛні)

«___» 20___ж.

Жоғары оқу орнынан кейінгі білім

бӛлімінің басшысы

(қолы) (ғылыми дәрежесі, атағы және аты-жӛні)

«___» 20___ж.

Магистрлік диссертация (жоба)

"РОБОТ ТЕХНИКА" КУРСЫ БОЙЫНША БАСТАУЫШ МЕКТЕПТЕ АҚПАРАТТЫҚ БІЛІМ ОРТАСЫН ҚҰРУДЫҢ ӘДІСТЕМЕЛІК НЕГІЗДЕРІ

Білім беру бағдарламасы: 7М01503 - Информатика педагогін даярлау

Магистрант

(Қолы) (Аты-жөні)

Ғылыми жетекшісі

(Қолы) (Ғылыми дәрежесі, атағы, аты-жөні)

ШЫМКЕНТ, 2021

МАЗМҰНЫ

КІРІСПЕ . . .
3
КІРІСПЕ. . .: 1.
3: БАСТАУЫШ МЕКТЕПТЕ «РОБОТ ТЕХНИКА» КУРСЫ БОЙЫНША АҚПАРАТТЫҚ БІЛІМ ОРТАСЫН ҚҰРУДЫҢ ТЕОРИЯЛЫҚ НЕГІЗДЕРІ . . .
5
КІРІСПЕ. . .:
3: 1. 1
Бастауыш сыныпта «АКТ» пәнін оқыту тарихына шолу . . .
5
КІРІСПЕ. . .:
3: 1. 2
Жаңартылған білім бағдарламасы бойынша бастауыш мектепте «Робот техника» курсын оқытудың мақсаттары және міндеттері
14
КІРІСПЕ. . .:
3: 1. 3
Бастауыш мектепте «Робот техника» курсы бойынша ақпараттық білім ортасын құрудың теориялық негіздері . . .
27
КІРІСПЕ. . .: 2.
3: " РОБОТ ТЕХНИКА" КУРСЫ БОЙЫНША БАСТАУЫШ МЕКТЕПТЕ АҚПАРАТТЫҚ БІЛІМ ОРТАСЫН ҚҰРУДЫҢ ӘДІСТЕМЕЛІК НЕГІЗДЕРІ . . .
35
КІРІСПЕ. . .:
3: 2. 1.
Бастауыш сынып оқушыларына "робототехника" курсын оқыту әдістері . . .
35
КІРІСПЕ. . .:
3: 2. 2
"Робот техника " курсы бойынша ақпараттық білім ортасын құру әдістемесі . . .
40
КІРІСПЕ. . .:
3: 2. 3
Бастауыш мектеп оқушылары үшін “Construct 2” бағдарламасымен мобилдық қосымшасын құру алгоритм . . .
55
КІРІСПЕ. . .: ҚОРЫТЫНДЫ . . .
3: 58
КІРІСПЕ. . .: ПАЙДАЛАНЫЛҒАН ӘДЕБИЕТТЕР . . .
3: 59
КІРІСПЕ. . .: ҚОСЫМША . . .
3: 60

КІРІСПЕ

Елбасы өзінің қазақстандықтарға арнаған Жолдауында оқу-тәрбие үрдісін ақпаратттық технологиялармен барынша қамтамасыз ету міндетін білім беру жүйесінің басты мақсатының бірі және оның болашағы үшін маңызды фактор екенін атап көрсеткен болатын [1] .

Білім беру мазмұнының негізгі мақсаты - оның жан-жақты әрі тұтас тұлғаны тәрбиелеудің кұралы ретінде оқушылардың шығармашылықпен ойлау қабілетін дамыту, сөйтіп, өмірдің қай саласында болмасын, еркін және дәлме-дәл, жауаптылықпен ойлау қабілетін сіңіру, әр түрлі жағдайларда жинақы болуға баулу.

Мектепте білім берудің мазмұндық және процессуалдық жақтарын жаңартудың аса маңызды бағыттары мыналар: мектепте білім берудің мазмұнын қазіргі қоғам қызметінің серпінді құрылымымен сәйкестендіру; оқушыларды өз бетінше білім алуға және оны практикада қолдануға, оқытудың әр түрлі саласында өз мүмкіндіктерін тануға және жақсы қасиеттерін ашуға тәрбиелеу; әрбір жас кезеңінде негізгі психикалық жаңа құрылымдарды қалыптастыру төңірегінде оқу процесін жолға қою; оқушыларды танымның ғылыми тәсілдеріне мақсатты және жүйелі түрде тарту, негізгі мотивациялық үрдістерді айқындайтын оқу ахуалдарын кеңінен қолдану.

Білім берудің жаңа мазмұнын біртіндеп қалыптастыру оқу процесіне ақпараттық технологияны енгізу арқылы жүзеге асырылады. Орта білімді ақпараттандыру процесі және сонымен байланысты оқытудын жаңа ақпаратгық технологиясы білім берудің мазмұнына едәуір әсерін тигізеді.

Орта білім беруді акпараттандырудың негізгі бағыттары мыналар болып табылады: орта білім беруді басқару тетіктерін жетілдіру; білім берудің бірыңғай телекоммуникациялық желісін кұру; қашықтан оқытуды ұйымдастыру.

Жалпы орта білім беру жүйесін дамытудың әлемдік тәжірибесін зерделеу, білім берудің жаңа сапасына қол жеткізу тек 12 жылдық жалпы білім беретін мектептің жағдайында ғана мүмкін болатынын көрсетеді.

ҚР мемлекеттік жалпыға міндетті білім стандарты 12 жылдық оқыту мерзіміндегі жалпы орта білім берудің мақсаттары мен міндеттерін анықтайды, оқу жүктемесінің көлемі мен оқу жетістіктерінің деңгейлерін белгілейді, жалпы алғанда еліміздің білім беру жүйесінің, мұғалімнің, оқушының дамуын және өзіндік дамуын, білім беру үрдісінің ұйымдастырылуын, білім беру мазмұнының нормаларын реттейді.

Робот дегеніміз - жалпы, адамның қызметін атқаратын, компьютер арқылы басқарылатын техника. Біле білсеңіз, біз қазір робот атаулыны жан-жақты қолданып та жүрміз. Мысалы, банкоматқа барсаңыз, ол ақшаны сізге санап береді. Паркте бір аппараттың ішіне отырсаң, ұшақпен кетіп жатқандай көрінуі мүмкін. Осы секілді басқарылатын техника бізде жеткілікті. Тіпті үй тірлігін жеңілдететін кіржуғыш мәшине, шаңсорғыш секілді құралдарыңыз да осын­дай техникаға жатады. Жалпы, робо­тотех­ни­ка саласы ең дамыған елдер - Жапония мен АҚШ. Тіпті Америкада келешекте қарулы күштерді толығымен роботқа көшіруді көздейтін бағдарламалар бар. Әсіресе гуманоид роботтар (адамға ұқсас) Жапонияда көп. Күншығыс елінде ақшасын төлесе, гуманоидты техниканың неше түрлісін жасап береді. Ол тойда асаба да бола алады. Жиынды да жүргізеді. Әйтеуір, сұраныс бар. Бізде оған сұраныс жоқ. Біз робот­ты басқарылатын техниканың мысалы ретінде қарастырамыз. Басқарылатын тех­ника кең қолданыста. Қазір кейбір элемент­тері, мәселен, техниканың көру жүйесі - МАИ қолданатын бейнекамералар секілді автоматика түрлері біртіндеп енгізілуде. Медицина саласында да қаншама қызмет автоматты жолмен атқарылады [2] .

Зерттеу жұмысының тақырыбы: "робот техника" курсы бойынша бастауыш мектепте ақпараттық білім ортасын құрудың әдістемелік негіздері.

Зерттеу жұмысының мақсаты: мектеп оқушыларына элективті пән ретінде өтуге робототехника курсын оқытудың әдістемесін дайындау.

Зерттеу жұмысының міндеттері:

  • Робот түсінігі, робототехника пәнінің маңыздылығын зерттеу;
  • Оқыту робототехникасы LEGO MINDSTORMS EV3 технологиясын зерттеу;
  • Оқыту робототехникасы Arduino ортасындағы мүмкіндіктерді зерттеу;
  • Робототехника курсы бойынша бастауыш мектепте ақпараттық білім ортасын құрудың әдістемелік құру.

Зерттеу пәні: Бастауыш сынып оқушыларына робот техникасы пәнін оқытудың әдістемесін оқыту процесі.

Зерттеу көздері: Қазақстан Республикасының мемлекеттік жалпыға міндетті білім беру стандарты; Білім беру жүйесін ақпараттандыру тұжырымдамасы; ақпараттандыруға байланысты нормативтік құжаттар; озат педагогикалық тәжірибелер; таным, қызығу және танымдық қызығушылық, ақпараттық-коммуникациялық технология туралы философиялық, психологиялық, педагогикалық, әдістемелік еңбектер.

Зерттеу әдістері: философиялық, әлеуметтік, психологиялық, педагогикалық және әдістемелік әдебиеттерді зерттеу мәселесі тұрғысынан талдау, жинақтау, қорыту, бастауыш сынып пәндері бойынша оқу бағдарламаларын, оқу-әдістемелік кешендерді талдау және оны жүйелеу; білім беруді ақпараттандыруға байланысты нормативтік-құқықтық құжаттардың мазмұнымен танысу, алдыңғы қатарлы тәжірибелерді зерделеу; зерттеу бойынша бастауыш мектептегі оқу-тәрбие үдерісін бақылау, сауалнама, әңгіме жүргізу, әдістеменің тиімділігін тәжірибелік-эксперимент арқылы тексеру.

1. БАСТАУЫШ МЕКТЕПТЕ «РОБОТ ТЕХНИКА» КУРСЫ БОЙЫНША АҚПАРАТТЫҚ БІЛІМ ОРТАСЫН ҚҰРУДЫҢ ТЕОРИЯЛЫҚ НЕГІЗДЕРІ

1. 1 Бастауыш сыныпта «АКТ» пәнін оқыту тарихына шолу

Біздің елімізде жалпы білім беретін орта мектепте компьютерлер 70-жылдардың аяғы мен 80-жылдардың басында пайда болды. Компьютерлер біздің елімізде ғана емес шетелдерде білім беру жүйелерінде кеңінен таралып, тек жоғарғы және ортаңғы сыныптарда ғана емес, бастауыш мектептерде, мектепке дейінгі мекемелерде кеңінен тарала бастады.

Мектептегі информатика курсының дамуы төмендегідей кезеңдерге бөлуге болады:

  • 60- жылдардың басынан бастап, 1985 жылға дейін;
  • 1985 жылдан, 1990 жылдардың басына дейін;
  • 90-жылдардан бастап қазіргі уақытқа дейін

Осы кезеңдерге сипаттама бере келіп, информатиканы төменгі сыныптарда оқыту тенденцияларының дамуына тоқталайық.

Бірінші кезеңде мектептегі өндірістік оқыту мен факультативтік курстардың шеңберінде орта мектепте кибернетика мен информатиканы оқытудың екі бағыты пайда болды:

1. Жалпы білімдік - ол ақпараттық процесстерді, түрлі табиғаттағы өзіндік басқарылатын жүйелердің құрылу принципі мен басқарылуын, ақпараттың автоматты өңделуін зерттеумен байланысты. Бұл мәселе жөнінде зерттеуші ғалым В. С. Ледневтің жүргізген теориялық талдаулары жалпы білім берудің негізгі компоненті ретінде орта мектептің оқу жоспарына кибернетика негіздерін енгізу қажеттілігін көрсетті. Ал оның практикада жүзеге асырылуы алғашында факультативтік сабақ ретінде ССРО ағарту министрлігі 1975 жылы ұсынған «Информатика негіздері» курсы болды (А. А. Кузнецов, В. С. Леднев) ;

2. Қолданбалы - ол мектептің жоғарғы сыныптарында өндірістік оқыту арқылы саралап оқыту шеңберінде жүргізілді және ол программалау мен ЭЕМ құрылымын оқытуға негізделді. Бұл бағыт С. Е. Шварцбурд, И. Н. Антипов, В. Н. Монаховтар жасаған әртүрлі курстарды қамтыды. Жалпы білім беретін курстың идеясы сол кездегі жетекші мамандар тарапынан қолдау тауып, танылды (академиктер А. И. Берг, В. М. Глушков және т. б) . Сонымен бірге біздің еліміздегі тәжірибелер (Кеңестер Одағындағы) бірқатар елдердің, мысалы АҚШ, Болгария және т. б мектептерінде осыған ұқсас курстардың пайда болуына бастама болды.

Екінші кезеңде 1985 жылы міндетті жалпы білім беретін курс «Информатика және есептеуіш техника негіздері» курсы енгізілді. Оның авторларының бірі академик А. П. Ершов болды. Автор курстың мақсатын оқушылардың компьютерлік сауаттылығын қалыптастыруда деп есептеді. Информатика курсының мазмұнындағы жетекші орын программалауға бөлінді.

Бұл кезеңде 1988 жылдан 1993 жылlар аралығында информатика курсының мазмұны туралы болжам қалыптасты. Үш тұжырымдама ұсынылды, олардың әрқайсысының идеясы информатика оқулықтарына негізделіп жүзеге асырылды (олар В. А. Каймин, А. Г. Гейн, А. Г. Кушниренконың оқулықтары) .

Дәл осы кезеңде (1987-1990 жж. ) информатиканы төменгі сыныптарда оқытуға арналған алғашқы эксперименттік программалар пайда болды (С. А. Бешенков., А. А. Дуванов, . Я. Н. Зайдельман, Ю. А. Первин) . Оның негізгі идеясы балаларды компьютерлік техникамен, программалаудың принциптері, құралдары мен әдістерінің, «алгоритм», «атқарушы», «мәліметтер типі» және т. б ұғымдарымен таныстыру.

Бұл кезеңде төменгі сыныптағы балаларға «компьютерлік орталар» - ЛОГО, Роботландия, Микромир жүйелері ұсынылады. Біздің пікірімізше, олар көптеген педагогикалық программалық құралдардан тұжырымдық ұстанылымы мен ғылыми негізділігімен ерекшеленді.

Әлемнің көптеген елдерінде ЛОГО жүйесі кеңінен таралды. Бұл ортаны үгіттейтін көптеген мамандар оны төмендегідей сипаттайды: « . . . алгоритмдік ойлауды қалыптастыру мақсатында баланың психологиясын ескеретін оқыту ортасы». Сондай-ақ, мектепте ЛОГО тілін пайдаланудың негізгі бағыттарын атап көрсетеді: бастауыш мектеп жасында компьютерлік сауатттылықты меңгеру мен ақпараттық мәдениетке тәрбиелеу, шығармашылық ойлауды қалыптастыру үшін жағдайлар жасау және информатиканың басқа пәндермен пәнаралық байланысын қалыптастыру, құрылымдық программалаудың негіздерін үйрету».

Төменгі сынып оқушыларына арналған «Роботландия» информатика курсының мақсаты: «оқушылардың санасына әлемнің ақпараттық бейнесін қалыптастыру, іс-әрекет үшін компьютерді құрал ретінде пайдалануды шектеу, операциялық ойлау стилін қалыптастыру, қазіргі технологияларды пайдалана отырып, белсенді шығармашылықпен конструкторлық және зерттеу дағдыларын қалыптастыру.

1988-89 жылдары білім беруді компьютерлендірудің Бүкілодақтық орталығының жұмысы шеңберінде мектепте компьютерді пайдаланудың үш сатылы моделі ерекшеленді. Бұл моделге сәйкес, «төменгі сыныпта оқушылардың компьютерлік сауаттылығын дамытуға көңіл аударылу керек делінген. Бұл мектептегі үздіксіз оқытылатын информатика курсының алғашқы моделі болды.

Отандық мектептегі информатика курсын дамытудың үшінші кезеңі 60-жылдары тұжырымдалған жалпы білімдік принципті сипаттайтын тенденцияға оралуды көздейтін жинақталған тәжірибені интенсивті игерумен сипатталады.

Бұл кезеңде төменгі сыныптарда информатиканы ерте жастан оқыту тенденциясының жалғасы мен дамуы Самара облысы білім басқару саласындағы ғалымдар мен мамандар ұжымының инициативасы бойынша профессор Ю. А. Первиннің жетекшілігімен жасалған «Ақпараттық мәдениет» атты интеграцияланған жобасы болды. «Ақпараттық мәдениет» курсы - бұл Ресей Федерациясы білім министрлігініің базистік оқу жоспарына сәйкес жалпы білім беретін орта мектептің 1-11-сыныптарына арналған оқу пәні. Бұл курс оқушылардың қазіргі дүниеге ғылыми көзқарасын дамытуға, продуктивті ойлау стилін қалыптастыруға арналған. Бастауыш білім берудің кезеңдері компьютермен ұтымды қарым-қатынас жасай білу негіздерін қалыптастырып, олардың танымдық іс-әрекетке қызығушылығын оятады. Курс авторлары информатика негіздері курсына тереңдемей-ақ, оқушылар компьютердің қолданылуымен тереңірек танысатындығын атап көрсетеді: математика, орыс тілі, табиғаттану сабақтарында. Бастауыш мектепке арналған курстың модулінде «Әліппе еліне саяхат» және «Роботландия» кешендері пайдаланылған.

Ресей Федерациясы білім министрлігінің коллегиясында жалпы білім беретін орта мектепте информатиканы оқытуды ұйымдастыруды жетілдіру туралы мәселе қаралды. Коллегия мектептегі оқыту процесінде информатика негіздерін меңгеру мен ақпараттық мәдениетті қалыптастыруды бірнеше кезеңге бөлу қажеттілігін тағайындады:

  • бірінші кезең (1-6 сыныптар) - пропедевтикалық;
  • екінші кезең (7-9-сыныптар) -базалық курс;
  • үшінші кезең (10-11 сыныптар) - профильдік курстар.

Бұл жағдай пропедевтикалық информатика курсының бірнеше авторлық бағдарламаларымен сипатталатын төменгі сыныптарда оқытылатын информатика курсының келесі кезеңінің бастамасы болды. Бұл кезеңде информатика элементтерін ертеден оқытуды ұйымдастыруға деген әртүрлі тәсілдерді дүниеге әкелді. Курстың бір топ авторлары бастауыш сыныптарда информатиканы жеке пән ретінде ерекшелеуді қолдамады, олар мектептегі басқа пәндерде компьютерді дамыту құралы ретінде пайдалану жеткілікті деп есептеді. Авторлардың келесі бір тобы - баланың ақпараттық мәдениетінің элементтерін қалыптастыруды көздейтін жалпы білім беретін интеграцияланған курстың қажеттілігін дәлелдеп көрсетеді. Бұл курстардың қайсысы болмасын практикалық тәжірибелердің қалыптасуына ықпалын тигізді. Бұл жұмыстарды жеке қарастыруға болады.

Бірінші көзқарасты қолдаушылар оқу-тәрбие процесін ұйымдастыруға бағытталған барлық қазіргі тәсілдердің негізіне баланы дамыту, психикалық процестер мен жеке тұлғаның қасиеттерін жетілдіру, оның белсенді іс-әрекетінің нәтижесінде жүзеге асырылуы алынады. Мұғалімнің міндеті - оқу іс-әрекеті мен оны белсенді басқаруды ұйымдастыруға жағдай жасау болып табылады. Оқытудың бастамасы жетекші іс-әрекет түрінің - ойын әрекетінің - біртіндеп оқу іс-әрекетіне көшетіндігін көрсетеді. Оқытудың бастапқы кезеңінде оқу процесін ұйымдастырудың тиімді тәсілі дидактикалық ойындарды пайдалану, сондықтан компьютердің мектепке енгізілуі бұл тұрғыдан алғанда жаңа мүмкіндіктер ашады.

Бұл бағытта ғалымдар мен жетекші мамандар үлкен жұмыстар атқаруда, «компьютер және балалық шақ» Ассоциациясының мамандары мектепке дейінгі балалар мен төменгі сынып оқушыларына арналған «КИД/Малыш» деп аталатын программалық әдістемелік жүйе жасады. «КИД/Малыш» программалық әдістемелік жүйесі программистер, психологтар, педагогтар, эргономистер, дизаинерлер тобымен жасалды. Жүйе 70-ке жуық программадан тұрады, олардың бәрі шартты түрде дидактикалық мақсаты жағынан бірдей болып келген 12 серияға бөлінген. «КИД/Малыш» программалық әдістемелік жүйесі төмендегідей серияларды қамтиды: «Тірі математика», «Құрастыру», «Комбинаторика», «Режиссерлік ойындар», «Кеңістікте бағдарлау», «Табиғат әлемі», «Бейнелердегі орыс тілі», «Дамудың заңдылығы». Олар дидактикалық, сюжетті-дидактикалық, сюжетті-режиссерлік, театрландырылған ойын, эксперименттік ойындар және т. б қамтиды.

Аталған жүйені дамыту мақсатында мектепке дейінгі және төменгі сыныптардағы оқушылар үшін ұсынылған эксперименттік программаны педагогтар мен әдіскерлер өз нұсқаларын жасады. Оған мысал ретінде «Информатиканың әліппесі» деп аталатын программаны атауға болады.

Программа оқу ойын іс-әрекетінің принципі негізінде құрылды. Оқу мотивациясы мен танымдық қызығушылықты арттыру үшін рөлдік ойындар мотивациясы пайдаланылды. Оқу бағдарламасының мазмұнына сәйкес бала танымдық проблемалық жағдайды табысты шешуге қажетті білім мен іскерлікті меңгерген құрылысшы немесе архитектор, саяхатшы немесе теңізші немесе ертегілер кейіпкерлерінің рөлін ойнай алады.

«Информатика әліппесі» атты эксперименттік программа әртүрлі білім салаларын және математика, тіл ұстарту, жазуға үйрету, дүниетану, дизаин технологиясы, көркемөнер іс-әрекеті тәрізді пәндерді қамтиды.

Екінші көзқарасты қолдаушылар төменгі сынып оқушыларына арналған информатика пәні бойынша білім беру бағдарламасын құруда тек оқушылардың дербес психологиялық ерекшеліктерін ескеріп қана қоймай, ақпараттық мәдениет элементтерін қалыптастырудың мазмұндық аспектілерін де қарастырады. Қазіргі уақытта бастауыш мектептерде нақты мектептің ерекшелігіне, ондағы оқушылардың құрамына, дәлірек айтқанда жеке тұлғаға және мұғалімнің кәсіптік құзырлығына сүйенетін эксперименттік бағдарламалар енгізілуде.

Біз пропедевтикалық білім беретін информатика курсы компьютермен жұмыс істеудің қарапайым іскерліктерін, объектілерді құрастыру дағдыларын қалыптастыруды, балаларға арналған дамыту орталарын құруды қарастырады деп есептейміз. Бұл кезеңде ақпараттық мәдениеттің алғашқы элементтері қалыптасады. Бұл бағытта жинақталған айтарлықтай тәжірибелер бар. Қазіргі уақытта кеңінен танымал болған информатиканы оқыту бағдарламаларына тоқталайық.

А. В. Горячевтің жетекшілігімен авторлар тобының құрған, «Ойындағы және есептердегі информатика» деп аталатын компьютерсіз оқытылатын информатика курсының мақсаты мен міндеттері: ойлауды дамыту, жаңа ақпараттық технологияларды қабылдауға дайындау, балалардың ақпараттық технологияларға тән есеп шығару дағдылары мен тәсілдерін меңгеруі, стандартты емес есептерді шығаруға үйрету, шығармашылық елестетуін дамыту, балаларды компьютерлік техниканы қуатты құрал ретінде жұмыс істей білуге баулу. Компьютерді құрал ретінде қолданумен практикалық түрде танысады. Курс логикадан, информатикадан, математиканың қосымша бөлімдерімен, білім мен іскерліктер кешенін қалыптастырады, алгоритмдік, логикалық, жүйелік ойлауын қамтамасыз етеді. Курста әрбір жылға оқушыларға арналған 4 жұмыс дәптері және мұғалімдерге арналған сабақ жоспарлары қамтылған. Авторлар бұл курстың төмендегідей жетістіктерін атап көрсетеді: мазмұны, сабақ жоспарлары нақты анықталған, материалдың баяндалуы қарапайым, тапсырмалар типі мен сабақты өткізу формасы алмасып отырады. «Ойындағы және есептердегі информатика» курсы дәстүрлі информатика курсын алмастырмайды, қайта оны толықтырып отырады.

Г. Ф. Коробейниковтың ұсынған «Бэббидж мектебі» деп аталатын курсы - бұл интеграцияланған көпжанрлы ойын сабағы болып табылады. Мұнда ертегілер, күлкілі, тәрбиелік мәні бар тарихи оқиғалар ұсынылады. Курстың міндеті - оқушылардың танымдылығын дамыту, олардың өздерін таным процестеріне тарту, шығармашылық дамуын қамтамасыз ету, қиял-ғажайып ойлауын, елестетуін ояту. Бұл курстың ерекшелігі - информатиканың математика мен ағылшын және орыс тілдері мен интеграциялануы. Курс төрт бағытты қамтиды: ақпараттық, компьютерлік, алгоритмдік және шығармашылық. Оқыту Ч. Бэббидж мектебінің: «Мен естідім және ұмыттым. Мен көрдім және еске сақтадым. Мен жасадым, түсіндім» ұранымен өтеді. Курстың сипаттамасы: мектепте орнатылған есептеуіш техниканың және педагогикалық программалық құралдардың типінен тәуелсіздік, оқыту мазмұны мен әдістемесіндегі оқытудың барлық бағыттарының үйлесім табуы, оқушыларда басқару іскерлігі мен жалпы білімнің қалыптасуы, сабақта оқушылардың шаршағанын басатын міндетті жаттығулардың қамтылуы, сабақта «бояу дәптері» бойынша оқушылардың психофизиологиялық денсаулығын бағалау. Әрбір сабақтың материалдары бірнеше логикалық аяқталған оқу ақпараттарына бөлінеді:

1) тірілту - алдыңғы сабақтардағы оқушылардың шаршағанын басатын жаттығулар кешені;

2) мектепке кіріспе - оқушының дүниетанымын кеңейтетін сұрақтар;

3) компьютерге кіріспе - компьютердің құрылымы;

4) цифристика - санау мен есептеуіш техниканың даму тарихы:

5) әріптану - ақпаратты кодтау, компьютер бөліктерінің дұрыс жазылуы,

6) (бояу) раскрашка - графикалық редактормен жұмыс немесе дәптерде бояу;

7) алгоритмдік этюдтер.

Әдістемелік тұрғыдан сүйемелдеу: бастауыш мектептің информатика курсының бағдарламасы; оқушыларға арналған құрал (бояу дәптері, оқулық анықтамалық), мұғалімдерге арналған әдістемелік құрал (сабақ жоспарлары, оқушылардың білімін бағалайтын тест тапсырмалары) .

Бастауыш мектепке арналған гуманитарлық бағыттағы информатика курсын С. А. Бешенков, А. Л. Давыдов, Н. В. Матвеева ұсынған. Ол өзіндік басқарылатын жүйелердің құрылуы мен басқарылуының жалпы заңдылықтарын тануға мүмкіндік береді (биологиялық, әлеуметтік, автоматтандырылған, техникалық және т. б) . Компьютер сыртқы әлемнің заңдылықтарын тану құралы ретінде қарастырылады. Курста информатика сабағында адамгершілікке тәрбиелеуді, курстың мазмұнын меңгеру, сондай-ақ әрбір оқушының өзін бүтіндей жүйенің элементі, әлемнің ажырамайтын бөлігі ретінде түсінуін қалыптастыру.

В. В. Дубинаның жетекшілігімен бірқатар мамандар ұсынған «Дамыту сабағы» курсы интерактивті пәннің нұсқасын ұсынады. Классикалық ғылыми пәндер - психология, педагогика, эргономика, логика, физиология, басқару теориясы, информатика ғылымдарының фрагментін «Ақпаратты алу, сақтау, өңдеу, тарату тәсілдері туралы» ғылым ретінде қарастырады. Курс рефлексивті ретінде ойластырып, құрастырылған, яғни мұндағы келтірілген білім, ақпарат, процедуралар тікелей танылатын субъектіге бағытталып, өзі және өзінің дербес психологиялық ерекшеліктері, қабілеттері, ойлау сапасы, ғылыми принциптерге негізделген іс-әрекетінің дербес стилін қалыптастыру туралы болжамды объективтендіруге мүмкіндік береді. Аталған курс мұғалімге (немесе ата-анаға) компьютермен салыстырғанда қызықтыратын әңгімелесуші бола алады, компьютер доменстрациялаушы рөл атқарғанмен, мұғалімді алмастыра алмайды. «Дамыту сабағы» ойлаудан алатын жағымды әсерді алуға үйрететін мазмұнды қамтиды. Курстың компьютерлік сүйемелдеушісі (5-10 минут) мұғалімнің қалауымен бұрын құрылған қабықшаның негізінде құрылып немесе төменгі сынып оқушыларына арналып құрылғандардың ішінен таңдалып, пайдаланылуы.

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Бастауыш сынып оқушыларына робот техникасы пәнін оқытудың әдістемесін оқыту процесі
Бастауыш сынып оқушыларының цифрлық сауаттылығын қалыптастырудың маңызы
Мектепте робототехниканы оқыту технологиялары
Интерактивті элементтері бар слайдқа негізделген электрондық оқыту курстарын құрудың қуатты құралы
Зерттеу нысаны - бастауыш мектеп оқушылары
Модель және модельдеу ұғымдары
STEM технологиясының негізгі ұғымдары
Бастауыш сыныптар бойынша оқушылардың жобаға қатысу үлесі
Бастауыш сыныптарда цифрлық білім беру ресурстарды қолданудың маңыздылығы
Шаңырақ оқушылар қауымдастығы жұмысының жылдық есебі
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz