БОЛАТ ГОРИЗОНТАЛДЫ РЕЗЕРВУАРЛАРЫН ЗЕРТТЕУ

Жұмыс түрі: Дипломдық жұмыс
Тегін: Антиплагиат
Көлемі: 47 бет
Таңдаулыға:

Жәңгір хан атындағы Батыс Қазақстан аграрлық-техникалық

университеті

Жоғары мектеп «»

Қорғауға жіберілді

Жоғары мектеп жетекшісі

қолы тегі, аты-жөні

«» 20 ж.

ДИПЛОМДЫҚ ЖҰМЫС / ДИПЛОМДЫҚ ЖОБА

жұмыс (жоба) түрі

Тақырыбы: «»

білім беру бағдарламасы бойынша: -

шифры атауы

Білім алушы

қолы тегі, аты-жөні

Жетекші

қолы тегі, аты-жөні

Орал, 20

Мазмұны

КІРІСПЕ

КІРІСПЕ: 1 МҰНАЙДЫ САҚТАУҒА АРНАЛҒАН РЕЗЕРВУАРЛАР

3: 5

КІРІСПЕ: 1. 1 Резервуардың жалпы сипаттамасы

3: 5

КІРІСПЕ: 1. 2 Көлденең цилиндр тәріздес резервуарлар

3: 6

КІРІСПЕ: 1. 3 Қазіргі таңда бар технологияның талдау

3: 8

КІРІСПЕ: 2. БОЛАТ ГОРИЗОНТАЛДЫ РЕЗЕРВУАРЛАРЫН ЗЕРТТЕУ

3: 12

КІРІСПЕ: 2. 1 Болат горизонталды резервуарларына әдебиетке шолу жасау

3: 12

КІРІСПЕ: 2. 2 Мекемелердегі горизонталды болат резервуарларды тексеру әдістемесі

3: 13

КІРІСПЕ: 2. 3 Горизонталды цилиндрлік болат резервуарларының кернеулі-деформациялар

3: 14

КІРІСПЕ: 2. 4 Горизонталды резервуарларды модернизациялау

3: 14

КІРІСПЕ: 2. 5 Горизонталды резервуалардың дөңгелек тегіс астынғылардың кернеулі жағдайы

3: 17

КІРІСПЕ: 2. 6 Горизонталды резервуарлардың қабырғаның коррозиялық бұзылуы

3: 22

КІРІСПЕ: 2. 7 Горизонталды болат резервуардың техникалық жағдайының мониторингі

3: 25

КІРІСПЕ: 2. 8 Горизонталды резервуарларды жасау және есептеу

3: 27

КІРІСПЕ: 2. 9 Горизонталды цилиндрлік резервуарларын толтыру кезіндегі отының азайтуын үнемдеу

3: 32

КІРІСПЕ: 2. 10 Горизонталды резервуарлардың флегмация процесін зерттеу

3: 36

КІРІСПЕ: ҚОРЫТЫНДЫ

3: 43

КІРІСПЕ: ӘДЕБИЕТТЕР ТІЗІМІ

3: 44

КІРІСПЕ

Өзектілігі. Қазақстан Республикасыныі ел басы өзі тікелей ендіріп отырған индустриалды-инновациялық саясаттың басты мақсаты шикізаттық бағыттан бас тартуға ықпал ететін экономика, машина жасау салаларын инновациялық технологияларды ендіру жолымен мемлекеттің тұрақты дамуына қол жеткізу екені мәлім. Елбасымыз «Қазақстан жолы - 2050: Бір мақсат, бір мүдде, бір болашақ» атты жолдауында еліміз мүмкіндігінше тез осы жүйеге көшу керектігін атап өтеді. Сонымен қатар, «Қазақстан - 2050: Қалыптасқан мемлекеттің жаңа саяси бағыты» атты стратегиясында сервистік-технологиялық экономикаға өту үшін жағдай жасау керектігін де айтқан болатын. Мұнай және газ секторын дамытудың кешенді жоспарына сәйкес, мұнай-газ өнеркәсібіне қажет ұңғымаларды жөндеу, мұнай өндіру, жинақтау және өңдеу саласына қажетті ең күрделі қондырғыларды шығарумен айналысатын кәсіпорындардын санын арттыру қажет.

Мұнай резервуарлары қауіпті өндірістік құрылыстарға жатады. Оларды сенімді жұмысқа қабілетті күйде ұстау үшін қолданыстағы техникалық пайдалану қағидаларында бірқатар іс-шаралар көзделеді, оған: мерзімді тексерулер, ағымдағы жөндеулер, қызмет көрсету, аспаптар мен жүйелер, байлау құбырлары бойынша регламенттік жұмыстар кіреді. Резервуарлардың сенімділігі мен беріктігін қамтамасыз ету үшін өте маңызды және жауапты іс-шара оларды нормативтік құжаттарда белгіленген кезеңділікпен техникалық диагностикалау болып табылады.

Горизонталды сақтау резервуарлары мұнай-химия өнеркәсібінде маңызды сақтау жабдықтары болып табылады және жанғыш және жарылғыш химиялық өнімдерді сақтау үшін пайдалынады. Горизонталды сақтағыш жер сілкінісіне тап болып, зақымданғаннан кейін, ол өрт пен жарылыс сияқты екінші дәрежелі апаттарды тудыруы мүмкін. Мысалы, 1964 жылы Жапонияда (Ниигата қ. ) қуаты 7, 4 баллдық жер сілкінісі болды, нәтижесінде жергілікті мұнай өңдеу зауытындағы қоймалар бұзылып, өрт шыққан. Мұнай сақтайтын сыйымдылықтарда өрт тез арада мұнай ыдысының бүкіл аумағына және оған жақын орналасқан зауыттарға тарады. Зауытта жаңа өрттер мен жарылыстар орын алып, өрттің екінші ошағына айналды, ал бұл өз кезегінде өрттің өршуіне себеп болды. Ниигата МӨЗ-нің бүкіл алаңы қираған, 80-ден астам цистерналар қоқысқа тасталынды, 500-ден астам адам қаза тапты, газ құбырлары мен 11 қосалқы станцияның 75% жойылды. Сондықтан горизонтальды резервуарлардың жердегі қозғалыстағы динамикалық реакциясын және сейсмикалық жобалау әдісін зерттеу өте маңызды. Көлденең сақтау цистерналарының динамикалық реакциясы негізінен сұйық цистерналардың өзара әрекеттесуімен және цистерналар мен іргетастардың өзара әрекеттесуімен көрінеді.

Жұмыстың мақсаты: сұйық мұнай өнімдерін сақтауға арналған болат горизонталды резервуарды зерттеу болып табылады.

Зерттеу міндеттері:

1. сұйық мұнай өнімдерін сақтауға арналған болат горизонталды резервуарларына әдебиетке шолу жасау;

2. резервуарлардың түрлерін, орнату технологиясын зерттеу;

3. резервуарлардың есебін жасау.

1 МҰНАЙДЫ САҚТАУҒА АРНАЛҒАН РЕЗЕРВУАРЛАР

1. 1 Резервуардың жалпы сипаттамасы

Мұнай резевуары - мұнай мен одан өндірілген өнімдерді сақтауға арналған ыдыс.

Мұнай резервуарлары келесідегідей бөлінеді:

‒ Орналасуы бойынша жер беті, жер асты (соның ішінде тереңдетілген резервуарлар) және суасты;

‒ Дайындалатын материал бойынша - метал (болат, түсті метал және олардың қоспалары), темір-бетон, тас, жер (қойма), ағаш, шыны-пластик, пластмасса, резеңке;

‒ Артық қысым көлемі бойынша - төмен (0, 002 МПа), жоғары (0, 067 МПа) қысымды резервуарлар;

‒ Қаптама формасы бойынша - тік және көлденең цилиндр резервуарлар, тамшы тәріздес резервуарлар, шар тәріздес резервуарлар, тік бұрышты резервуарлар;

‒ Сақталынатын өнім жағдайы бойынша - әлсіз тұтқыр мұнай мен мұнай өнімдеріне арналған (сондай-ақ бір резервуарда бірнеше мұнай өнімін сақтауға арналған иілгіш ажырату қабаттары - мембраналары бар резервуарлар да қолданылады), тұтқырлығы жоғары және қатып қалатын мұнай мен мұнай өнімдері, жылытуды талап ететін өнімдер, сұйытылған газдарға арналған;

‒ Орнату тәсілі бойынша - тұрақты және қозғалмалы.

Жер бетінде орналасқан мұнай резервуарлары негізінен болат пен темір бетоннан жасалынады.

Соңғылары қаңқаның орамалық дайындамалар мен резервуар түбінен жасалынады, олар арнайыландырылған зауыттарда дәнекерленіп, құрастыру орнына оралған түрінде әкелінеді, немесе дайын құраушы бөліктерден (құрама резервуарлар, сондай-ақ үлкен көлемді мұнай резервуарлары) жеке беттерден беттік тәсіл бойынша құрастыру алаңында дәнекерленіп жасалынады.

Жер асты мұнай резервуарлары келесідегідей бөлінеді:

‒ Шахталық, арнайы құрылатын тау өндірістерінде немесе шахталар мен кен ошақтарының пайдаланылған өндірістерінде құрастырылады;

‒ Шахтасыз, тас тұзының қабаттарында сілтілендіру арқылы, сонымен қатар кен орындарын жарылыспен тығыздау арқылы жасалынады;

‒ Орлық (траншеялық), ашық таулық тәсілмен жасалған, жартылай құздық, ірі сынықты, құмды және балшықты-топырақты орлық мұнай резервуарлары қорғаныс төбесімен металлдан жасалынады.

Жер асты (соның ішінде тереңдетілген) мұнай резервуарларының кемшіліктері: жылыстауларды анықтау, жөндеу жұмыстары мен пайдаланудағы қиындықтар, ал шахталық резервуарларда, сондай-ақ, сорғы станциясын тереңдету қажеттілігі және т. б.

Мұнай мен мұнай өнімдерін су астында сақтау кезінде (қозғалмалы мұнай резервуарлары) икемді ыдысты немесе метал қаптаманы қосымша ілінетін жүк зәкірлері көмегімен су түбіне орналастырады.

Оның үстіне, мұнай резервуарларын теңіз бұрғылау платформаларының бетон іргетастарына орналастырады. Резервуар құрылымы сақталынып отырған өнімге қатысты химиялық және коррозиялық тұрақтылығын, саңылаусыздығын, ұзақ уақыт жұмыс істеуін, қолдану қауіпсіздігін және т. б. қамтамасыз етеді.

Мұнай резервуарларының құрылымы техникалық-экономикалық талдау негізінде, сақталынып отырған өнімдер шығынын қысқарту қажеттілігін, олардың физикалық-химиялық қасиеттері мен сақтау технологиясының талап ететін талаптарын ескере отырып таңдалынады.

Мұнай резервуары немесе мұнай резервуарларының тобы әдетте мұнай қоймасының құрамына енеді.

Көптеген мұнай мен мұнай өнімдерін сақтау үшін (37, 8 В°C температура кезінде қаныққан бу қысымы 2, 67 В·х 104 Пa жететін) тұрақты төбесі бар резервуарлар пайдалынады, олар қаңқаға немесе орталық тірекке тіреледі.

Сыйымдылығы 100-ден 5000 м ³ дейінгі резервуарлар конус тәріздес төбемен әзірленеді, ал 1-нан 3 м ³ дейінгілері - радиалды қақпақтан жасалған сфералық төбемен жасалынады.

Мазут пен қара мұнай өнімдерін сақтау үшін сондай-ақ метал шығынын аз талап ететін «ұзақ уақыттық» төбесі бар, сыйымдылығы 5000 м ³ дейін резервуарлар қолданылады.

Қаныққан бу қысымы 0, 067 МПа дейінгі жанармай мен мұнайды булану шығынын азайту мақсатында тұрақты қақпағы бар, сыйымдылығы 2 м ³ дейін понтондармен жабдықталған тік цилиндр тәріздес резервуарларда немесе қақпағы малтып жүретін, сыйымдылығы 1 м ³ дейін резервуарларда сақтайды.

Мұнай өнімдерін резервуардың «Үлкен тынысы» мен «Кіші тынысынан» шығындалуын азайту үшін торосфералық және сфера-цилиндрлік қақпағы бар, қақпағы «тыныстайтын» (құрылымы мен жұмыс істеу реті айнымалы көлем газгольдерге балама) тік цилиндр тәріздес болат резервуарлар, сондай-ақ сұйытылған газдар мен олардың қоспаларын (бутан, пропан, бутилен және т. б. ) сақтауға арналған тамшы тәріздес және шар тәріздес резервуарлар қолданылады.

1. 2 Көлденең цилиндр тәріздес резервуарлар

Мұнай өнімдерін сақтау үшін сыйымдылығы 1000 м ³ дейін көлденең болат резервуарлар қолданылады. Болат резервуарлардан басқа бірқатар жағдайларда сондай-ақ темір бетон резервуарлар да қолданылады.

Көлденең болат КБР резервуар қаңқа (қабырғалар), екі түбі, тіректік диафрагма, қаталдық беретін аралық сақиналар мен тіректерден тұрады. Көлденең болат резервуар (1-суретте) көрсетілген.

1-сурет − Көлденең болат резервуардың сұлбасы

1 ‒ қабырға; 2 ‒ түп; 3 ‒ тіреуіш диафрагмалар; ‒ аралық қаттылық сақиналары; 5 ‒ тіреуіш; 6 ‒ люк; 7 ‒ жерлендіргіш.

Көлденең резервуар (1-сурет) КБР қабырғасы бірнеше беттік ернеуіштен жасалынады. Әрбір ернеуіш беттер немесе орама болаттан жасалынады. Беттің ені 1500-2000 мм. Беттер мен ернеуіштер өзара дәнекерлегіш түйістіргіш тігіспен біріктіріледі.

Көлденең резервуар КБР қабырғаларының қаттылығын арттыру үшін оны тіректік және аралық қаталдырғыш сақиналармен бекітеді.

Тіректік қаталдырғыш сақиналардың қосымша, жиі түрде үш бұрышты диафрагмалары болады. КБР көлденең резервуар түбін артық қысым 40 кПа және конустық қысыммен 70 кПа тегіс етіп құрастырады.

Тегіс түп қабырғасыз немесе қабырғалы болуы мүмкін. Тасымалдау және құрастыру кезіндегі қаталдықты, жел жүктемесін қамтамасыз ету үшін КБР көлденең резервуарының қабырғаларын қауырсынға дәнекерленген және сол қауырсын арқылы қабырғаға дәнекерленген прокат бұрыштықтардан жасалған қаталдырғыш сақиналармен күшейтеді.

Люк - өтпeтecіктep peзepвуapды жeлдeтугe жәнe oны жөндeу нeмece тaзapту кeзіндe ішінe кіpугe apнaлғaн.

Қарастырылып отырған жоғары қысымды КБР көлденең резервуар қабырғасының ұсынылатын қалыңдығы КБР көлденең резервуарының артық қысымы мен көлеміне байланысты 4 немесе 5 мм тең етіп алынады. Әдеттегі резервуарларда қима радиусының көлемі 1, 0 мен 1, 62 м аралығында.

Жер бетінде орналасқан КБР көлденең резервуарлар бір-бірінен қашықтықта орналасқан екі ер тәріздес тірекке немесе бағана тәріздес екі тірекке тіреледі. Ер тәріздес тіректің қамту бұрышы 60-тан 120° дейін өзгереді. Болат КБР көлденең резервуарының қаңқасы жүктеу, жинау және желдетуге арналған келте қосқышпен, резервуарды қарауға, тазалауға және жөндеуге арналған саңылауы мен қақпағы бар мойынмен, сондай-ақ сыртқы саты мен тұйықтырғышпен жабдықталады.

КБР резервуарлары тік резервуарларға қарағанда әдетте зауыттарда 3-100 м ³ көлемде жасалады және орнатылу орнына даяр күйде жеткізіледі; әр түрлі мұнай өнімдері мен аз көлемдегі мұнайды сақтау үшін қолданылады. ТБР резервуарларына қарағанда олардың құрамындағы метал азырақ, алайда мұнай өнімдерін онда жоғары артық қысым мен вакуум жағдайында ғана сақтау қажет.

КБР үлгілік резервуарлар 0, 07 МПа артық қысым мен 0, 001 МПа вакуумға дейін шыдайды; олардың габариттік өлшемдері даяр түрде темір жол көлігімен тасымалдау мүмкіндігін ескере отырылып қабылданады. Резервуарлар жер астында алаң бетінен 1, 2 м аспайтындай тереңдікке орнатылады. Мұнай өнімін өз бетімен жіберу қажеттілігі туған кезде немесе жер асты суының жоғары орналасуы себебінен жер астында орнату қиын болған жағдайда оларды тіректер мен іргетастарға орнатады.

1. 3 Қазіргі таңда бар технологияның талдау

Резервуардың жинақталуы мен дәнекерленуі бірнеше кезең бойынша атқарылады:

1. Ернеуіштің картасын жинайды, жіктерін алып, бір жағынан дәнекерлейді;

2. Резервуардың жартылай түптерін жинап, қысқыштарын қояды, пайда болған жікті екі жағынан дәнекерлеп, осыдан кейін түптерді жүк арба мен бұрандама қысқыш көмегімен тартады, пайда болған жікті жинап, оны жартылай автоматпен дәнекерлейді және автоматтық дәнекерлеуге арналған демеуішке орнатады. Дайын түптерді көмкеруге жіберіп, түптерді көмкерлегеннен кейін ернеуіш картасы жиналатын стеллажға жібереді;

3. Беріктік сақиналарының жинақталуы кондукторда жүзеге асырылады, онда жіктерді бір - біріне жақындатып, екі жағынан қорғаныс газ ортасында жартылай автоматты дәнекерлеуішпен дәнекерлейді, кейін тораптық бірқалыпты заттар мен кергіштерді орнатады. Дайын беріктік сақиналарды ернеуіш картасын жинақтауға арналған стеллажға жібереді;

4. Орталық беріктік сақинасын жаншып қақтаушы білдекте жайылма метал жолақтарынан әзірлейді, дәл сол жерде дәнекерлейді де, осындан кейін сақинаны кондукторға орнатып, қорғаныс газ ортасында тораптық бірқалыпты заттар мен кергіштерді жартылай автоматтық дәнекерлеуішпен дәнекерлейді, дайын болған кезде ернеуіш картасын жинақтауға арналған стеллажға жібереді;

5. Беріктік сақиналары мен түптерді резервуар төсеміне орнатады, оларды учаскеге жартылай автоматпен дәнекерлейді, кейін жүк арба көмегімен резервуар төсемесін оның түбі мен сақиналарына орап, учаскелер бойынша қорғаныс газы ортасында жартылай автоматтық дәнекерлеуішпен дәнекерлейді, резервуардың бос шетін түбіне қарай итереді, дәнекерлеу жұмыстары аяқталғаннан кейін тұйық жікті келтіріп, кейін мойыны арқылы резервуар ішіне соңғы жікті кіргізіп, дәнекерлейді, осыдан кейін резервуарды сыртқы тігістерді дәнекерлеу үшін механикалық стендке жібереді;

6. Резервуарды сыртқы тігістерді дәнекерлеуге арналған механикалық стендке орнатады. Стенд үстіне дәнекерлеуіш бекітілген механикалыө велосипед арбасымен жабдықталады, оның сонымен қатар резервуарды дәнекерлеуіш жылдамдығымен айналдыра алатын -31071 роликті айналдырғыштары да бар. Сыртқы тігістерді дәнекерлейді;

7. Сыртқы тігістерді дәнекерлегеннен кейін жапырақтарды күшейтетін мойындар мен тоғындарды қорғаныс газы ортасында механикалық дәнекерлеуіш көмегімен дәнекерлейді.

Аталған технологияға кейбір өзгерістер енгізуге болады:

1. Қолдан доғалық дәнекерлеуді алып тастап, барлық қысқыштарды қорғаныс газы ортасында механикалық дәнекерлеуішпен орнату. Ол бұйымды қалдық заттардан тазалауға кететін уақытты қысқартуға мүмкіндік береді.

2. Дәнекерлеуіш трактор мен дәнекерлеу басын заманауи балама түрлеріне алмастыру.

Негізгі металды таңдау негізі:

Резервуар құрылымы үшін 09Г2С болатты қолданған жөн, себебі ол резервуарды жасауға арналған барлық талаптарды (СП - 53 - 101 - 98) толықтай қанағаттандырады (кесте 1)

Осылайша, СНиП II - 23 - 81 сай, құрылымды жасау үшін МЕСТ - 19281 - 89 бойынша 09Г2С маркалы перлитті төмен қоспалы болат қолданылады. Болаттың беріктігі мен ағымдылығы жоғары, морт сындырғыш табалдырығы төменде (кесте 1) көрсетілген. Көміртекті болаттармен салыстырғандағы коррозиялық беріктігі жоғарырақ, дәнекерлеудің кең диапазонында ешбір шектеусіз жақсы дәнекерленеді.

Аталған санаттың созу кезіндегі механикалық қасиеттері жоғары және суық жағдайда иілгіштігі жақсы.

Кесте 1 - 09Г2С - 12 болаттың химиялық құрамы

№

Аталуы

Құрамы

№: 1

Аталуы: С

Құрамы: Көп емес ≤0. 12

№: 2

Аталуы: Cu

Құрамы: ≤0. 30

№: 3

Аталуы: Si

Құрамы: 0. 5-0. 8

№: 4

Аталуы: Mn

Құрамы: 1. 3-1. 7

№: 5

Аталуы: Ni

Құрамы: ≤0. 30

№: 6

Аталуы: Cr

Құрамы: ≤0. 30

№: 7

Аталуы: N

Құрамы: 0. 008

№: 8

Аталуы: S

Құрамы: 0. 040

№: 9

Аталуы: P

Құрамы: 0. 035

Технологиялық үдерістердің таңдалуы және негіздемесі.

Ернеуіш картасын жинақтау:

Төсеме жапырақтары жинақтау стендінде жүзеге асырылады. Жапырақтарды стендке орнатып, ернеуіш картасын жинайды. Жіктерді бір-біріне жақындатып, ажырап кетпеуі үшін қағып тастайды. Жік аралық саңылаулар 0, 8 мм аспауы тиіс. Шеттерінің ауытқуы 0, 4 мм. Ернеуіш картасын қорғаныс газ ортасында механикалық дәнекерлеуіш көмегімен жинақтайды, картаны бір жағынан автоматтық дәнекерлеуішпен флюсті дәнекерлейді.

Түптерді жинақтау:

Жартылай түптерді жапырақ металдан «Ванад» лазерлік машина көмегімен кесіп алады, оны пакет түрінде кеседі, себебі ол пішіннің өзгеріп кетуін азайтып, қосымша өңдеуді талап етпейтін сапалы ернеуге қол жеткізуге мүмкіндік береді.

Екінші кезеңде түпті І және ІІ екі бөлшектен жинайды, кейін механикалық дәнекерлеуіш көмегімен қорғаныс газ ортасында қысқыштар орнатады. Жапырақ жіктерін флюстік жастықта екі жағынан дәнекерлейді, кейін стендке созу үшін сол түптерді орналастырады. Түбін жүк арба көмегімен тартып, келтірілген жікті қорғаныс газ ортасында әзірленген қысқыштармен бекітіп, кейін ішінен жартылай автоматпен дәнекерлейді.

Ішкі жікті дәнекерлегеннен кейін бөлшекті бұрандама қысқыштан босатады, түпті стендтен алып, созылған (жоғарғы) жікті автоматпен дәнекерлеуге арналған сүйегішке орнатады. Түптерді пакет әдісімен дәнекерлейді. Дәнекерлеу операциялардан кейін көмкерлеуге арналған айналдырғы білдек төсемесіне орнатады.

Резервуарды жинау:

Түптер мен беріктік сақиналарын резервуар төсемесіне орнатып, оған жартылай автоматтық дәнекерлеуіш көмегімен қорғаныс газ ортасында дәнекерлейді. Жүк арба арқаны резервуар төсемесінің астынан өтіп, бүйір тірек бұрышында орналасуы тиіс.

Резервуардың кезекті бөлшегін алғаннан кейін беріктік сақиналары мен түптерді төсемеге жартылай автоматпен СО2 + Аr (80%+20%) қорғаныс газ қоспасында дәнекерлейді. Бұрғылау барысында балға көмегімен төсеменің еркін шетін түпке қарай қағу қажет. Төсемені бұрғылап болғаннан кейін тұйық жікті келтіріп, алдын ала резервуардың ішкі бетін тамшылар мен күйіктерден тазап алу қажет. Резервуардағы жұмысты аяқтау үшін оның мойыны арқылы дәнекерлеуіш жартылай автоматты кіргізеді. Соңғы жікті ішінен дәнекерлейді, ол үшін дәнекерлеу газдарын жою үшін желдеткіш орнатады, сонымен қатар тізбектегі кернеуі 12 В аспайтын қосымша жарықтандыру орнатып, дәнекерлегіш адамды жұмыс орнын жабдықтау үшін резеңке кілемшемен қамтамасыз етеді. Ішкі тігістерді дәнекерлеп болғаннан кейін резервуардан арқанды алып тастап, резервуарды сыртқы тігістерді дәнекерлеу үшін механикалық стендке орнатады.

Резервуардың сыртқы тігістері, түп пен төсеменің бұрыштық байланыстары, төсеменің көлденең тұйық тігісі автоматпен дәнекерленеді. Сыртқы тігістерді дәнекерлегеннен кейін күшейткіш жапырақтарды, мойындарды, қысқыштарды орнатып, жартылай автоматпен дәнекерлейді.

2. БОЛАТ ГОРИЗОНТАЛДЫ РЕЗЕРВУАРЛАРЫН ЗЕРТТЕУ

2. 1 Болат горизонталды резервуарларына әдебиетке шолу жасау

Левин М. Ю., Нагорнов С. А. мұнай қоймасындағы көлденең типтегі резервуарларды автоматтандырылған басқару жүйесін зерттеді [1] . Бағдарлама ашық түсті мұнай өнімдерін сақтау кезінде резервуарлардың технологиялық параметрлерін (температура, отын деңгейінің қысымы) бақылау және отынның сулануы мен булануынан қорғау жүйесін басқару үшін қолданылады. Бағдарлама индикаторлардың трендін және жеке резервуардың паспорттық деректерін көру мүмкіндігімен бүкіл резервуарлық парктің қысым, температура, көлем датчиктерінен технологиялық параметрлерді реттеу көрсеткіштерді қамтиды. Бағдарлама басқару контроллері басқару жүйесін судан қорғау және отынның булануы. Резервуарда тыныс алу клапанының іске қосылуының алдын ала белгіленген қысымына қол жеткізген кезде «тыныс алуға» қорғаныс жүйесі кіретін контроллер жұмыс істейді, атмосфералық ылғалмен суланудан болатын отынды «дем шығаруға» контроллер жұмыс істейді, оның ішінде сақталған отынды буланудан қорғау жүйесі.

Көптеген зерттеушілер көлденең резервуарларды зерттеумен айналысты, көлденең резервуарларға арналған тіректерге [2, 11] авторлық куәлік алды, көлденең цилиндрлік резервуарларды толтыру процестерін басқару тәсілдерін зерттеді [3-5] .

Мұнай өнеркәсібінің көлденең резервуарларының ішкі бетінің протекторлық қорғау деңгейін бағалау және параметрлерін модельдеуге арналған бағдарламалық қамтамасыз ету бойынша ғалымдар зерттеулер жасады [6] .

Малюков В. П. тас тұзындағы көлденең жер асты резервуарларын қалыптастыру бойынша зерттеулер жүргізді [7] . Табиғи жағдайдағы эксперименттік зерттеулер мынаны көрсетті көлденең резервуарды тігінен қалыптастыру-көлденең және тік ұңғымалар тең алуға мүмкіндік береді, біркелкі таралуы бар үлкен көлденең қималар-кен өндіру контуры бойынша әртүрлі кедір-бұдырлармен қапталған.

Колдин В. А. көлденең цилиндрлік резервуарлардың беріктігі мен оңтайлы дизайнын есептеу бойынша зерттеулер жасалынды [8] .

Жұмыста [9] Богданов В. С. мұнай өнімдеріне арналған көлденең қоймалық резервуарлардан шөгінділерді жою процестерін жетілдіру бойынша зерттеулер жүргізілді.

Левитин Р. Е. жұмыста инертті газдарды пайдалана отырып, көлденең болат резервуарларда мұнай өнімдерін жер астында сақтауы қарастырылады [10] .

Көп деген ғалымдар жан жақты горизонталды цилиндлік резервуарларды терең зерттеген. Горизонталды резервуарлардың тіреуштер [11], түптер [12], диагностика [13], өрт кезіндегі резервуарлардың тұрақтылығы [14], техникалық жағдайының мониторингі [15], бұзылу талдауы [16], тексеру технологиясы [20], кернеулі дефрмацияланған жағдайы [18], резервуарларға қойылатын талаптар [17] мұнай өнімдерінің массаның есебі мен жұмысын бақылауы [19] туралы көп жұмыстар жасылынып, оң нәтижелер алынды.

Потенциалды сұйықтықтың теориясы және топырақ моделі теориясына сүйене отырып, көлденең қоймалар мен сейсмикалық жобалау үшін пайдаланылуы мүмкіндігі қарастырылды [21] .

Шетел ғалымдар өз жұмыстарында горизонталды болат цилиндр тәріздес резервуарлар жөнінде терең ізденістер, эксперименттік зерттеулер [22-30] жасап, оң нәтижелерін алып, іске асырды, сонымен қоса сейсмикалық жағдайы да қарастырылған.

2. 2 Мекемелердегі горизонталды болат резервуарларды тексеру әдістемесі

Горизонталды болат резервуарлар қарастырылды. ГБР - болаттан жасалған, мұнай мен мұнай өнімдерін сақтауға арналған цилиндрлік формалы резервуарлар. Олар қауіпсіздік мақсатында жер бетінде немесе топырақтың белгілі бір тереңдікке орналастырады.

ГБР тексеру әдістемесі ГОСТ 8. 346-2000 талаптарына сәйкес орындалады. Тексеріс 3 әдіспен орындалады:

... жалғасы

Сіз бұл жұмысты біздің қосымшамыз арқылы толығымен тегін көре аласыз.