Центрлік және параллель проекциялар

Жұмыс түрі: Материал
Тегін: Антиплагиат
Көлемі: 5 бет
Таңдаулыға:

1-дәріс
Кіріспе
Техника білімінің негізін қалайтын пәндердің ішінде Сызба геометрия маңызды орын алады. Ол бүгінгі күннің талаптарына сай болашақ мамандардың графикалық даярлығын қамтамасыз етеді.
Бұл пән заттардың формаларын, олардың өзара байланысын, геометриялық қасиеттерін графикалық жолмен, яғни сызба арқылы зерттейтін пән болып табылады. Сызбаны техника тілі десек, онда сызба геометрияны осы тілдің грамматикасы деп айтуға болады.
Сызба геометрия математиканың бір саласы бола отырып, фундаментальді ғылымға жатады. Барлық фундаментальді ғылымдар сияқты сызба геометрияның да өзінің негізгі тәсілі бар. Ол проекция- лау тәсілі. Осы тәсілдің негізінде жазықтықта немесе қандай да кез келген бетте орындалған кескіндер заттардың формаларын, кеңістікте өзара орналасуын, өлшемдерін ойша көз алдына елестетіп, түсінуге мүмкіндік береді.
Сызба геометрия пәніне болашақ жоғарғы білімді мамандарды дайындауда келесі міндеттер артылады:
1) нәрселердің кескіндерін қажетті дәлдікпен сала білуді үйрету;
2) нәрселердің кескіндері бойынша оның кеңістік формасын көз алдына елестете білуді, яғни нәрсенің кескінін оқуды үйрету;
3) техникалық есептерді графикалық әдістермен шешуді үйрету;
4) оқу жоспары бойынша келесі оқылатын техникалық пәндерді игеру үшін керекті білім беру;
5) болашақ инженерлік қызметінде әр түрлі мақсатқа арналған, оның ішінде мамандығына қатысты, сызбаларды орындауына, оқуына қажетті білім, дағдыларды тудыру;
6) студенттердің кеңестік елестету қабілеттерін қалыптастыру, дамыту.
Сызба геометрияны жемісті игеру үшін студенттердің мектеп геометриясынан жеткілікті білімі болуы керек
Студенттер үшін сызба геометрия жаңа пән, мұнда көптеген жаңа түсініктер мен шарттылықтар кездеседі. Сондықтан, бұл пәнді жақсы игеру үшін, оны үздіксіз және дәйекті оқу керек. Оқыған теориялық материалды бекіту мақсатында оқулықта келтірілген есептерді жұмыс дәптерінде сызу аспаптарын қолданып, ұқыптап шешу керек. Бұл есептердің көбі инженерлік практикада кездеспейді, бірақ болашақ мамандарға өздерінің кеңістік ойлау және елестету қабілетін дамытуға көмектеседі. Жоғары дәрежеде дамыған кеңістік ойлау және елестету қабілеті болашақ инженерге, әсіресе инженер - конструкторға өте қажет.

1 Сызба геометрия және оның негізгі тәсілі

Сызба бұйымның нақты формасы мен өлшемдерін анықтайды. Сызбаны дұрыс орындау үшін оны салудың ережелері мен шартты- лықтарын білумен қатар бұйымды сызбада кескіндеу тәсілдерін білу керек. Бұйымды сызбада кескіндеу тәсілдері сызба геометрия пәнінде қарастырылады. Нәрселерді жазықтықта кескіндеу теориясы сызба геометриясының негізі болады. Сызба геометрияда қарастырылатын кескіндерді салу ережелері проекциялау тәсіліне негізделген. Кез
келген А нүктесінің кескінін PI1 жазықтығына түсіру үшін А нүкте- сінен PI1 жазықтытығымен қиылысқанша түзу жүргізу керек (1.1-сурет).

1.1-сурет

Осы түзудің PI1 жазықтығымен қиылысқан А1 нүктесі А-нүк- тесінің PI1 жазықтығындағы кескіні болады. Бұл кескінді А нүктесінің проекциясы деп, PI1 жазықтығын проекциялар жазықтығы, ал АА1 түзуін проекциялаушы сәуле деп атайды. Проекциялаушы сәулені жүргізу тәсіліне байланысты проекциялар центрлік және параллель проекциялар болып екі түрге бөлінеді.

1.1 Центрлік және параллель проекциялар.
Центрлік проекциялау тәсілінде барлық проекциялаушы сәуле- лер тек бір нүкте (S) арқылы өтеді ( 1.2, а-сурет).
А және В нүктелерін PI1 проекция жазықтығына проекциялау үшін, бұл жазықтықтан тысқары орналасқан S нүктесінен аталған нүктелер арқылы проекциялаушы сәулелер жүргізу керек.

а ә
1.2-сурет
Бұл проекциялаушы сәулелердің PI1 жазықтығымен қиылысқан нүкте- лері А1 және В1 - А және В нүктелерінің центрлік проекциялары, ал S нүктесі проекциялау центрі деп аталады.
Центрлік проекцияны көбінесе перспективалық проекция деп атайды, өйткені нәрселердің перспективалық кескіндерін салу центр- лік проекциялау тәсіліне негізделген. Нәрселердің перспективалық проекциялары айтарлықтай көрнекі болып келеді (1.2, ә-сурет). Бірақ центрлік проекциялау тәсілі күрделі және кескінделген нәрселердің өлшемдері мен формаларын бұрмаланып түсіреді. Осыған байла- нысты бұл тәсіл техникалық сызбада қолданылмайды.
Егер барлық проекциялаушы сәулелер өзара параллель болса (1.3-сурет), ... жалғасы

Сіз бұл жұмысты біздің қосымшамыз арқылы толығымен тегін көре аласыз.