Салық салу обектісінде пайызбен бекітілген салық мөлшері

Жұмыс түрі: Курстық жұмыс
Тегін: Антиплагиат
Көлемі: 25 бет
Таңдаулыға:

Кіріспе
Әрбір өркениетті елдің экономикалық - әлеуметтік дамуында салықтар мен міндетті төлемдердің алатын орны өте жоғары. Салықтар мемлекеттік бюджеттің негізгі кіріс көзі бола отырып экономиканың, жалпы қоғамның тұрақты болуына және оның барған сайын дамуында қозғаушы күш ретінде қызмет атқарады. Біздің еліміздің салық салу жүйесі Қазақстан Республикасы экономикасының ынталандырушы және реттеуші жүйесінің бiрi болып табылады.
Салық дегеніміз - мемлекет біржақты тәртіппен заң жүзінде белгіленген, белгілі бір мөлшерде жүргізілетін, қайтарымсыз және өтеусіз сипатта болатын, бюджетке төленетін міндетті ақшалай төлемдер.
Салық кодексі салықты және бюджетке төленетін басқа да міндетті төлемдерді белгілеу, енгізу және есептеу мен төлеу тәртібі жөніндегі билік қатынастарын, сондай-ақ мемлекет пен салық төлеуші арасындағы салық міндеттемелерін орындауға байланысты қатынастарды реттейді. Салық пен басқа да міндетті төлемдерді есептеу мен төлеу тәртібі нормативтік базалармен реттеледі. Кез - келген кәсіпорынның салық есебі бухгалтерлік есеп пен қаржылық есептілік туралы Заңының ережелеріне сәйкес жасалынуы тиіс.
Еліміздегі үрдіс пен нарықтық қатынастар жүйесі жылдан жылға қарқынды дамып келеді. Нарықтық экономиканы ары қарай жетілдіру мен дамыту экономикалық қатынастарға түсуші жақтарды ақпараттар жүйесімен қамтамасыз ету, жан - жақты талдау қызметтерін жүргізу, экономикалық тиімді шешім қабылдау үрдісіндегі халықаралық қаржылық есептің атқаратын ролі болып табылады.
Халықаралық қаржылық есептілікке тән негізгі принциптердің мәні мен маңызын түсінбей тұрып, кәсіпорын қызметін басқару мен ұйымдастыру жөнінде шешім қабылдау мүмкін емес. Сондықтан экономикалық қатынастарда маңызды орын алатын мемлекеттік бюджетпен ұйымдардың есеп айырысу операцияларын жеделдету және оны күшейту, салықтар мен міндетті төлемдердің ашықтығын, түсініктілігін кеңейту мақсатында есеп пен алатын орнын ерекше көрсетуге болады.
Курстық жұмыcтың тaқырыбы: Бюджетпен салықтар бойынша есеп айырысу есебі.
Кyрcтық жұмыcтың мaқcaты - салықтардың экономикадағы маңызы және мекемелердің бюджетпен есеп айырысу тәртіптерін жетілдіру болып табылады.
Бұл курстық жұмыcты жазу барысында мына міндeттерге басты назар аударып отырмыз:
- салықтардың экономикадағы алатын орны мен мәнін анықтау;
- ҚР-ның салық салу жүйесі мен салық саясатын зерттеу және оны жетілдіру жолдарын қарастыру;
- ұйымдардың бюджетпен есеп айырысу тәртіптерін айқындау;
- салықтық төлемдерге талдау жүргізу.
Біздің курстық жұмысымыз үш тараудан тұрады. Жұмыстың кіріспесінде тақырыптың өзектілігі, мақсаты, міндеттері, зерттеу әдістері мен тәсілдеріне шолу жасадық. Бірінші бөлімде салықтардың экономикада алатын орны, Қазақстан Республикасындағы салық салу жүйесін және салық салу элементтері мен олардың сипаттамасын қарастырдық. Екінші бөлім бойынша мысалға Бастау ЖШС алып, оның экономикалық мазмұнын, тарихын және бюджетке төленетін салықтардың есебін зерттедік. Үшінші бөлімде Бастау ЖШС - нің бюджеттік төлемдеріне талдау жүргіздік.
Жұмысты орындау барысында атақты ғалым тәжірибешілерінің және ойшылдардың еңбектері зерттеліп, ұйымның қаржылық есептілік мәліметтері мен экономикалық талдау әдістері қолданылды.

1 бөлім. Салық туралы ұғым және салық жүйесін ұйымдастыру

0.1 Салықтардың экономикалық мазмұны

Салықтардың экономикалық мәні - оны мемлекеттің өзінің функциялары мен міндеттерін жүзеге асыру үшін жұмылдырылатын шаруашылық жүргізуші субъектіден, азаматтардан ұлттық табыстың белгілі бір үлесін алу жөніндегі өндірістік қатынастардың бөлігі болып табылатындығында. Мемлекеттің заңды және жеке тұлғалармен қалыптасатын ақша қарым - қатынастарымен сипатталады, сондықтан салықтар экономикалық категория ретінде қаралады. Салықтардың мемлекеттік - экономикалық мазмұны нақты түрде көрінеді, ал салықтардың әлеуметтік - экономикалық мәні, олардың түрлері мен ролі қоғамның экономикалық құрылысымен, мемлекеттің табиғатымен және функцияларымен айқындалады.
Салық деп - мемлекет бір жақты тәртіппен заң жүзінде белгілеген, белгілі бір мөлшерде қайтарымсыз және өтеусіз, тұрақты сипатта бюджетке төленетін төлемдерді айтамыз.
Басқаша айтқанда, салықтар дегеніміз - қайтарымсыз, баламасыз және тұрақты сипаттағы құқықтық формадағы мемлекет арқылы белгіленген міндетті төлемдер.
Біз салықты басқа да төлемдерден ажырата білуіміз керек. Себебі салық белгілі бір обьектілерден (табыс, мүлік, тауар, жер, көлік, мұра) төленеді. Сонымен қатар салықты төлеудің өзіндік бір мерзімі болады. Салық кезеңі - бір күндік, он күндік, айлық, тоқсандық, жылдық және белгілі бір көлемде немесе мөлшерде алынады.
Салық материалдық тұрғыдан алғанда, бұл белгілі бір уақытта, белгіленген тәртіппен белгілі мөлшерде салық төлеушінің мемлекетке төлейтін ақшалай сомасы, ал экономикалық мағынада - белгілі уақытта, белгіленген тәртіппен, белгілі бір мөлшердегі құнының мемлекет пен төлеуші арасындағы бір жақты қозғалысын байланыстыратын ақша қатынастары, ал заңдық не құқықтық мағынада - бұл тұлғаның мемлекетке белгілі бір мөлшердегі ақшалай беретін міндеттемені тудыратын мемлекеттік қарызы.
Салықтың бюджетке төленетін басқа да міндетті төлемдерден ерекшелендіретін айырықша белгілері бар, біз оларды мына функцияларға сай ажырата аламыз:
1. мемлекетке тиесілі қоғамдық жиынтық өнімді бөледі;
2. ақшалай нысанда төленеді;
3. қайтарылмайтын төлем болып табылады;
4. баламасыз сипатта болады;
5. салықты төлеген кезде меншік нысандары айқындалады;
6. тұрақты экономикалық қатынас туғызады.
Ал, енді осы белгілердің мазмұнын тереңірек қарастыратын болсақ:
1. Салық - бұл мемлекетке тиесілі қоғамдық жиынтық өнімді бөледі. Мемлекеттік аппарат мемлекетке тиесілі ақша сомасын өндірмейді. Сондықтан мемлекет заңды және жеке тұлғаларға салық салу арқылы қажетті соманы өндіріп алып отырады. Мұның экономикалық сипаты мемлекет салықты белгілеу және өндіріп алу арқылы өндірілген қоғамдық жиынтық өнімнің бір бөлігін өзіне тиесілі сома ретінде айналдырып алады. Бұл жерде салық қатынасы бөлуші сипатта болады.
2. Салық - ақшалай нысанда төленеді. Натуралдық нысанда төленуі де мүмкін. Мәселен, ауыл шаруашылығы саласында жиналған өнімнің бір бөлігі салық ретінде төленеді. Бірақ та, біздің еліміздің салық кодексінде салық ақшалай нысанда төленуі тиіс деп атап көрсетілген.
3. Салық - қайтарылмайтын төлем болып табылады. Демек, салықты төлеген кезде ақша тек бір бағытта ғана қозғалады, яғни салық төлеушіден мемлекетке бағытталады. Менің ойымша, бұның қайтарымды төлемдерден (мысалы, мемлекеттік қарыз) айырмашылығы:
Біріншіден, ақша салық төлеушілерден мемлекетке қарай қозғалады;
Екіншіден, кері қайтады, яғни мемлекеттен салық төлеушілерге бағытталады.
Біздің ойымызша, қайтарымсыздық дегеніміз - ақшаны мерзімсіз алуды білдіреді, яғни ол соманың қашан өзімізге қайтып келетіні белгісіз.
4. Салық - баламасыз сипатта болады. Ол дегеніміз салық құнның ақшалай нысанда бірбағытта қозғалысын айқындайды, төлеген салыққа қарсы тауар түрінде болса да қозғалыс жоқ. Толығырақ айтқанда, салық қандай да бір тауарға немесе мемлекеттік қызметке төлем болып есептелмейді, яғни ақшаның өтеусіз алынуын көрсетеді. Сондықтан салық - баламасыз төлем болып табылады.
5. Салықты төлеген кезде меншік нысандары айқындалады. Салықты төлеген кезде меншік нысандары ақша қаражаттарына немесе материалдық құндылықтарда жеке меншіктен мемлекеттік меншікке өтеді. Анығын айтқанда, салық салу мемлекетке тиесілі меншіктерді иеліктен шығарады, ал меншік иелері арасындағы туындайтын салық қатынастарында мемлекет жеке меншіктен мемлекеттік меншікке салық төлемдерінде меншік құқықтарын өзгерте алады.
6. Салық - тұрақты экономикалық қатынас тудырады. Салықты белгілеуде тұрақты салық қатынастары пайда болады. Тұрақтылықты мынадан байқауға болады, яғни салық жеке түрде емес, нормативті құқықтық актілермен белгіленеді. Мәселен, бір тұлғаның нақты салық салу объектісі бар болса, ол салық міндеттемелерін орындаушы болып табылады.
Салық қатынастарының тұрақтылығы салық төлеу арқылы жүйелі төлемдерге бармауы тиіс. Кейбір салықтарда салық төлеушілер үшін салық төлеу жеке төлемдік сипатта болады (мысалы, мүлік салығын жеке азаматтар жылына бір рет қана төлейді) немесе кейде кенеттен салық төлеу сипаты пайда болады (мәселен, ойламаған жерден жасаған жұмысына жалақы алады).
Сонымен қатар салықтың құқықтық бірнеше белгілері бар, атап айтқанда:
- салықты - мемлекет немесе уәкілдік берілген мемлекеттік орган белгілейлі;
- салық - құқықтық нысанда жүзеге асады;
- салық - мемлекеттің бір жақты бөлігі болып табылады;
- салықты белгілеу арқылы салық міндеттемесі туындайды;
- салық - мәжбүрлеме сипатта болады;
- салық төлеу арқылы ақшаны алу құқықтық сипатта жүзеге асырылады.
Салықтардың мынадай негізгі қызметтері бар:
1. реттеушілік;
2. фискалдық;
3. қайта бөлу.
Салықтардың жіктелуі. Өндіріп алу тәсілі немесе салықтарды салу объектісі бойынша тікелей және жанама салықтар болып бөлінеді.
Тікелей салықтар - тікелей табысқа немесе мүлікке салынады. Тікелей салықтарға мыналар жатады:
- заңды және жеке тұлғалардың табысына салынатын салық;
- мүлік салығы;
- жер салығы;
- бағалы қағаздармен жүргізілетін операцияларға салынатын салық;
Жанама салықтар - баға немесе тарифке үстеме түрінде белгіленген салық төлеушінің кірістері мен мүлкіне тікелей байланысты емес салықтар. Жанама салықтарға қосылған құнға салынатын салық, акциздер жатады. Сондай-ақ сыртқы экономикалық қызметтен түсетін түсімдер де (кеден баждары түріндегі, экспортқа және импортқа салынатын салық түріндегі кеден кірістері, ішкі рынокте сатылатын тауарлар бағасы мен олардың фактуралық құнының айырмасы) жатады.
Салықтарды пайдалану ретіне немесе тәртібіне қарай жалпы және арнайы салықтар болып бөлінеді.
Жалпы салықтар - бір қазынаға түсетін және жалпы бір мақсатта жұмсалатын салықтар.
Арнайы салықтар - бұл белгілі бір мақсатқа арналған салықтар.
Салықтарды төлеуге байланысты затпен немесе ақшалай салықтар болып бөлінеді.
Заттай салық - салықтарды затпен немесе тауар түрінде төлейді.
Ақшалай салықтар - ақша түрінде төленеді. Біздің ойымызша, қазіргі кезде бұл салық салушылардың кең қолданылатын түрі.
Салық субъектілеріне қарай немесе салықты төлеушіге байланысты былайша топтауға болады:
- заңды тұлғалардың салықтары;
- жеке тұлғалардың салықтары;
- аралас салықтар.
Салықтардың қолданылу қызметтеріне орай жай және төтенше салықтар деп те бөлінеді.
Жай салықтар - мемлекеттің күнделікті қызмет барысында қолданылады.
Төтенше салықтар - мемлекеттік шығындардың деңгейлерінің көбеюіне орай қосымша табыстарды қажет еткен жағдайда, форс-мажор кезінде қолданылады.
Салықты есептеу және төлеу субъектісі бойынша салықтар:
- қызметақылы;
- қызметақысыз деп бөлуге болады.

6.1 Салық салу элементтері және олардың сипаттамасы

Салық элементтері - салық заңы регламенттелген салықтың қолданылу жағдайын анықтайтын құрамдас бөліктерінің жиынтығы. Салық салудың бірнеше элементтері бар: салық субъектісі, салық объектісі, салық көзі, салық мөлшері, салық жеңілдіктері, салық ставкасы, салық кезеңі, салықты есептеу тәртібі, салық есептілігі, салық төлеу тәртібі.
Салық субъектісі деп - заңды немесе жеке тұлға, яғни салықты төлеушілерді айтамыз.
Салық объектісі деп - салық есептелетін база, яғни салық не үшін төленетінін қарастырады, мәселен табыс, мүлік, тауар, мұра, жер және т.б. осы аталғандардан салық төленеді.
Салық көзі - салық төлеу үшін белгіленген және қолданылатын ақша қаражаттары, бұл - жалақы, кіріс, дивиданттер яғни, салық неден төленетіндігін анықтау. Менің ойымша, салық көзі деп салық төлеуге арналған немесе қолданылатын ақша қаражаттарын айтуға болады. Макроэкономикалық деңгейде салық төлеудің негізгі көзі ретінде - ұлттық табыс қатысады.
Салық төлеудің негізінен бірнеше көздері бар. Олар: табыс, қор және жинақ, өндірістік капиталдың ақша бөлігі - айналым қаражаттары қорын қоса алғанда, қаражаттар - мүлікті өткізуден түскен, оның ішінде өндірістік капиталдың мүліктік бөлігі - негізгі қорды қосқанда, қарыз қаражаттары.
Салық мөлшері - салық төлеушінің табысына қарай алынатын салық сомасын білдіреді және ол шекті, жеңілдікпен, орташа, нөлдік болып бөлінеді.
Салықтың шекті мөлшері - табыстың әр қосымша бірлігінен түсетін үстеме салықты білдіреді, мәселен жеке табыс салығы, әлеуметтік салық, жеке тұлғалардың мүлік салығы.
Салықтың жеңілдік мөлшері - оны мемлекет өз тарапынан белгілі бір салық төлеушілерге әлеуметтік жағдайын ескере отырып, салық ставкалары бойынша жеңілдік жасайды. Мәселен, салықты төлеу мерзімін ұзартады, мүгедектерге немесе жалғыз басты азаматтарға, көп балалы аналарға, мемлекетке еңбек сіңірген азаматтарға және т.б.
Салықтың орташа мөлшері - салық төлеушінің табыстарын орта есеппен алады да, сол сомадан салық төлейді.
Ал нөлдік салық мөлшері - салық төлеуден босатылады. Мысалы, ҚҚС-да нөлдік ставка бойынша салық төлеушілер бар.
Салық жеңілдіктері - төлем қабілетін, қоғамдық өндіріске қатысу және басқа да факторларды ескеріп заңмен қарастырылған жалпы ережеден шығару. Яғни, заңға сәйкес салық төлеушіні біртіндеп немесе салық төлеуден түгел босату. Салық жеңілдіктерін бірнеше белгілері бойынша топтастыруға болады:
- салық субъектілері бойынша жеңілдіктер;
- салық объектілері бойынша жеңілдіктер;
- салық базасы бойынша жеңілдіктер;
- салық ставкасы бойынша жеңілдіктер;
- салық кезеңдері бойынша жеңілдіктер;
- салықты есептеу тәртібі бойынша жеңілдіктер;
- салық төлеу тәртібі бойынша жеңілдіктер.
Салық ставкасы - салық базасының өлшем бірлігіне салық есептеулердің шамасын білдіреді. Салық салу обектісінде пайызбен бекітілген салық мөлшері. Салық ставкасы - салық өлшемі ретінде қарастырылады. Ставкалар тұрақты немесе процентпен белгіленеді.
Тұрақты ставкалар салық объектісінен түсетін табыстың мөлшеріне байланыссыз, өлшем бірлігіне тұрақты соммамен тағайындалады.
Проценттік ставкалар үш түрге бөлінеді: үдемелі немесе прогрессивті, регрессивті және пропорционалды.
Үдемелі немесе прогрессивтік ставкалар салық салынатын табыстың өсуіне сәйкес ұдайы үдеп, өсіп отырады.
Регрессивтік ставкалар, керісінше, салық салынатын табыстың төмендеуіне сәйкес, азайып отырады.
Пропорционалдық ставкалар салық салу объектісінің мөлшеріне байланыссыз, тұрақты бір процентпен тағайындалады.
Салық кезеңі - салық және бюджетке төленетін басқа да міндетті төлемдерге қатысты белгіленген уақыт кезеңі, ол аяқталған соң салық базасы айқындалады және бюджетке төленуі тиіс салық және басқа да міндетті төлемдер сомасы есептеледі. Көптеген салықтар үшін салық кезеңі - күнтізбелік жыл болып саналады. Сонымен қатар мынадай салық кезеңдері бар: бір күндік, он күндік, айлық, тоқсандық және жылдық.
Салық есептеу тәртібі: Негізінде салықты есептеудің 5 кезеңі бар:
Бірінші - салық салынатын объектіні есепке алу;
Екінші - салық салу объектісінен салық базасын есептеу;
Үшінші - салық ставкаларын қолдану;
Төртінші - салық жеңілдіктерін қолдану;
Бесінші - салық сомасын есептеу.
Салық есептілігі - салық төлеуші және салық агенті салық органдарына табыс ететін, салық міндеттемелерін есептеу туралы ақпараты бар құжаттама. Салық есептілігенде салық объектілерін анықтауда және салық базасын есептеуде, негізінен екі әдіс қолданылады: есептеу әдісі және кассалық әдіс.
Есептеу әдісі - табыстар мен шегерімдер жұмыстар орындалғанда, қызметтер көрсетілгенде, сатып алушыларға тауарларды жеткізген кезде есепке алынады.
Кассалық әдіс кезінде салық базасы табыстар мен шегерімдер салық төлеушілердің орныдалған жұмысына, көрсетілген қызметтеріне, сатып алушыларға тауар жеткізуде нақты төлем төленген кезде есепке алынады.
Салықты төлеу тәртібі - салық төлеушінің мемлекетке салық төлемдерін төлеуде жүзеге асырылатын салық заңдылықтарында бекітілген ереже. Салық ақшалай нысанда болса, онда салық төлеуші салықты ақшалай нысанда төлейді. Ал, салық тауарлы - заттай нысанда болса, онда салық заттай төленеді. Салық міндеттемелерін орындауға жауапты тұлғаларға байланысты, салық төлеудің екі әдісі қолданылады:
1. Дербес табыстау жолдары;
2. Мәжбүрлеп алу жолдары.

6.2 Қазақстан Республикасындағы салық салу жүйесі

1991 жылға дейін, яғни КСРО ыдырағанға дейін елде көбінесе экономиканы басқарудың әміршіл - әкімшіл жүйесіне, бағаларға қатаң мемлекеттік реттеуге сәйкес келетін салық жүйесі қызмет етті. Бюджеттің басты кіріс көздерінің бірі болған айналым салығы тіркелген бөлшек сауда және көтерме сатып алу бағаларын қолдануға және мемлекетті реттеп отыруға бағытталған болатын. Қазақстан егемендікке ие болғаннан кейін 1991-1995 жылдары қабылданған бірқатар заңдарға сәйкес республикада жаңа салық жүйесі қалыптасты.
1991 жылғы желтоқсанның 25-інен бастап біздің елімізде салық жүйесі жұмыс істей бастады. Ол Қазақстан Республикасындағы салық жүйесі туралы заңға негізделді. Бұл заң салық жүйесін құрудың қағидаттарын, салықтар мен алымдардың түрлерін, олардың бюджетке түсу тәртібін белгіленген алғашқы құжат еді. Осы заңға сәйкес Қазақстанда 1992 жылы қаңтардың 1-нен бастап 13 жалпы мемлекеттік салық,18 жергілікті салықтар мен алымдар енгізілді.
Қазақстан Республикасының Үкіметі 1995 жылдың басында салық реформасының ұзақ мерзімді тұжырымдамасын қабылдап, онда еліміздің салық жүйесі мен салық заңнамасын бірте-бірте халықаралық салық салу қағидаттарына сәйкестендіру көзделді. Осыған байланысты Салық және бюджетке төленетін басқа да міндетті төлемдер туралы 1995 жылғы сәуірдің 24-інде Қазақстан Республикасы Президентінің заң күші бар жарлығы шықты. Енді бұрынғы 42 салықтар мен алымдар едәуір қысқартылып, олардың саны небәрі 11 болып қалды.
Қазақстан Республикасы Конституциясының 35 - бабында: заңды түрде белгіленген салықтарды, алымдарды және өзге де міндетті төлемдерді төлеу әркімнің борышы, әрі міндеті болып табылады, - деп жазылған.
Қазақстан Республикасының салық заңдары салық және бюджетке төленетін басқа міндетті төлемдерді төлеудің міндеттілігі, салық салудың айқындығы, әділдігі, салық төлеушілердің адалдығы принципі, салық жүйесінің біртұтастығы және салық заңдарының жариялылығы принциптеріне негізделеді.
Салық салудың міндеттілігі принципі - салық төлеуші салық заңдарына сәйкес салық міндеттемелерін толық көлемінде және белгіленген мерзімдерде орындауға міндетті.
Салық салудың айқындығы принципі - Қазақстан Республикасының салықтары және бюджетке төленетiн басқа да мiндеттi төлемдерi айқын болуға тиіс. Салық салу айқындығы салық төлеушінің салық міндеттемелері туындауының, орындалуының және тоқтатылуының барлық негіздері мен тәртібін салық заңдарында белгілеу мүмкіндігін білдіреді.
Салық салудың әдiлдiгi принципi - Қазақстан Республикасында салық салу жалпыға бiрдей болып табылады және оның әділдігі көзделеді.
Салық төлеушілердің адалдығы принципі - салық төлеушінің салықтық міндеттемені орындау жөніндегі әрекеттерді жүзеге асырудағы адалдығы көзделеді. Салық төлеушінің салықтық пайда алу және салықтық төлемдерді азайту мақсатында өзінің заңсыз әрекеттерінен пайда табуына жол берілмейді.
Салық жүйесiнiң бiртұтастығы принципi - Қазақстан Республикасының салық жүйесi Қазақстан Республикасының бүкiл аумағында барлық салық төлеушiлерге қатысты бiртұтас болып табылады.
Салық заңдарының жариялылығы принципi - Салық салу мәселелерiн реттейтiн нормативтiк құқықтық актiлер ресми басылымдарда мiндеттi түрде жариялануға тиiс.

1 бөлім. Бастау ЖШС-де бюджетпен қарым - қатынас есебі

2.1 Бастау ЖШС-нің экономикалық шаруашылық қызметінің сипаттамасы
Бастау жауапкершілігі шектеулі серіктестігі Қостанай облысында орналасқан. Бұл мекеменің құрамында 10 адам жұмыс істейді. Кәсіпорын өзіне тиесілі барлық мүліктерге жауапты.
Бастау ЖШС-нің негізгі мақсаты табыс алу болып табылады. 2007 жылы, 2364-810 тіркеу нөмірімен ҚР Әділет басқарымына тіркеліп, Қазақстан Республикасының Азаматтық Кодексі және Жеке кәсіпкерлік қызметі туралы заңына сәйкес кәсіпкерлік қызметпен айналысу үшін құрылған болатын. Бұл кәсіпорын Қазақстан Республикасының салық Кодексіне сәйкес толық қаржы және салық есебін жүргізеді.
Бастау жауапкершілігі шектеулі серіктестігінің негізгі қызметі - оның жарғысына сәйкес Қазақстан Республикасы, соның ішінде республиканың барлық облыстары бойынша терминалдар арқылы әртүрлі төлемдерді жүзеге асыру болып саналады. Бастау ЖШС-нің жылдық қаржылық есептемелерінің дұрыстығын, сондай-ақ оның істерінің ағымдағы жағдайын тексеру мақсатында және оны растау үшін серіктестік, оның директоры және оның қызметіне басқа да мүліктік мүдделеріне қатысы жоқ тәуелсіз аудиторларды тартуға құқығы бар. Кәсіпорынның есеп айырысу шоты, салықтық тіркеу нөмірі, өзінің жарғысы және балансы бар.
Бастау ЖШС-нің мүлкі қатысушыларының жарғылық қорға салған салымдарынан, таза пайдасынан қалыптасады. Қатысушыларының жалпы жиналысы кәсіпорынның жоғарғы басқару органы болып табылады.
Кәсіпорынның атқарушы органының қаржы - шаруашылық қызметін бақылауды жүзеге асыру үшін серіктестікке қатысушылар немесе олардың өкілдері арасынан 5 жыл мерзім үшін тексеру комиссиясы құрылады. Компанияның бас директоры тексеру комиссияның мүшесі бола алмайды. Бұл мекеме Қазақстан Республикасының заңдарына сәйкес халықаралық және салықтық есеп берулердің дұрыс және әділ жүргізілуі үшін жауапты болып саналады.
Бастау ЖШС-нің табысы бір жыл ішіндегі өз қызметінің пайда болған нәтижелері бойынша қаржы есептілігінің негізінде анықталады. Ұйымның табысы жұмысшыларға еңбекақы төлеуге, жұмсалған шығындарды жабуға жұмсалады. Табыстың қалған бөлігі қатысушылардың жалпы жиналысындағы шешім бойынша өндірісті ұлғайтуға, резерв жасақтауға, жарғылық қордың көлемін ұлғайтуға, қатысушыларға пайыз түрінде табыс төлеуге және де мемлекеттік бюджетке кететін салықтарға бағытталады. Бұл кәсіпорын таза пайдадан жыл сайын 5% көлемінде жарғылық қордың 10% көлеміне дейін резервтік қор құруға құқысы бар.
Бастау ЖШС Қазақстан Республикасының Жеке кәсіпкерлік туралы заңына сәйкес заңды тұлға болып табылады. Ол өз атынан келісім жасауға, сондай-ақ мүліктік және жеке мүліктік емес мәмілелерді жүзеге асыруға құқылы. Ұйым өзіне тиесілі мүлікпен барлық міндеттемелеріне жауапты болады.
Ұйым өз қызметін жүзеге асыру барысында өзінің меншікті және тартылған капиталы, яғни активтері мен қарыз капиталы қаражаттарының негізінде шаруашылық операцияларын жүзеге асырады. Сонымен қатар бұл мекеме әр алған табыстрынан мемлекетке белгілі бір уақыт аралығында салық төлейді. Соған байланысты осы ұйымның қаржылық жағдайына толық сипаттама беру үшін, оның баланс көрсеткіштерін, пайда мен зиян көрсеткіштерін талдау қажет болады.

2.2 Бастау ЖШС-де тікелей салық бойынша есеп айырысу
Қазақстан Республикасында қазіргі таңда арнайы бағдарлама қабылданып, электронды үкімет жүйесі қарқынды дамып жатыр. Жылдық және тоқсандық салық есептілікті салық қызмет органдарына тапсыру үшін арнайы Салық салушының кабинеті деген бағдарлама арқылы интернет желісін қолданады. Бастау ЖШС-де салықтық есептілікті ұсыну үшін салық есептілігін өңдеу (СОНО) жүйесі қолданылады.
Корпорациялық табыс салығы. Қазақстанда қабылданған салықтық есеп ережесіне сәйкес, табыс - бұл есепті кезеңдегі активтердің өсуі немесе міндеттемелердің азаюы. Табыс алынған немесе алынуға тиіс өткізу құны бойынша бағаланады. Өткізу құны салық төлеуші мен сатып алушы немесе активтерді қолданушы арасындағы келісіммен анықталады.
Корпоративтік табыс салығы үшін 1 қаңтар - 31 желтоқсан аралығындағы күнтізбелік жыл салық кезеңі болып табылады.
Бастау ЖШС-нің жылдық табысы Қазақстан Республикасында алынуға жататын табыстардан тұрады.
Корпоративті табыс салығы бойынша декларацияны Бастау ЖШС 100.00 форма бойынша келесі есепті жылдың 31 наурыздан кеш емес ұсынылады. Корпоративтік табыс салығы бойынша декларациямен бірге орналасу жері бойынша салық органдарға ХҚЕС тәртібіне сәйкес құрастырылған жылдық қаржылық есепті ұсынады. Халықаралық қаржылық есептің мәліметтерін 100.00 формада көрсету үшін ай сайын толтырылатын және жыл басынан бастап өсіп отыратын Бір жылға кәсіпорынның корпорациялық табыс салығы бойынша оперативті ақпараттар салық регистрлеріне енгізуі тиіс. Салық регистрдің формасы, оны толтыру ережелерімен, нақты салық есеп саясатына міндетті қосымша ретінде болады.
Бір жылға кәсіпорынның корпорациялық табыс салығы бойынша оперативті ақпараттар салық регистрі орындаушының қалауы бойынша электронды немесе қағаз түрінде жүргізіледі. Орындаушы болып Бастау ЖШС-нің бас бухгалтері саналады. Бұған мысал ретінде КТС жөніндегі декларация бойынша корпоративті табыс салығын есептеу, дебет 7710 кредит 3110, сомасы 1215 теңге. Корпоративті табыс салығын төлеу шотында аванстық төлемдерді есепке алу, дебет 3110 кредит 1410, сомасы 560 теңге. Корпоративті табыс салығын төлеу, дебет 3110 кредит 1030, сомасы 655 теңге.
Жеке табыс салығы. Бастау ЖШС-де есепті жыл бойы салық салынатын табысқа ие болған жеке тұлғалар салық төлеушілер болып табылады. Салық төлеушінің табыстарына 10% ставка бойынша салық салынады. Салық салынатын табыстардан жеке табыс салығын есептеуі үшін күнтізбелік ай салық кезеңі болып табылады. Жеке табыс салығының мөлшерін есептеу үшін: еңбекақыдан міндетті 10% зейнетақы жарнасы алынған соң, минималды жалақы сомасы шегерілген соманың 10% мөлшерінде есептеледі. Жеке тұлғалардан алынатын табыс салығы бойынша бюджетпен есеп айырысудың есебі пассивтік 3120 Жеке табыс салығы шотында жүргізіледі.
Бастау ЖШС-де жеке табыс салығы - тікелей салық болып табылады, оның ішінде жеке тікелей салық, өйткені жеке салықтарда тек табыс қана есептелінбейді. Сонымен қатар салық төлеушінің қаржылық жағдайы ескеріледі. Жеке табыс салығының ерекшелігі болып жеке тұлға ретінде салық төлеушілерді белгілеу болып табылады.
Жеке табыс салығын төлеушілеріне есепті жылда табыс табатын резидент және резидент емес жеке тұлғалар жатады. Табыс салығын төлеуші жеке тұлғаларға Қазақстан Республикасының азаматтары, шетел азаматтары және азаматтығы жоқ азаматтар жатады.
Бастау ЖШС-нің жеке табыс салығының салық салу обьектілері болып табылады:
- төлем кезінде салық салынатын табыстар;
- төлем кезінде салық салынбайтын табыстар. ... жалғасы

Сіз бұл жұмысты біздің қосымшамыз арқылы толығымен тегін көре аласыз.