Оқытудың белсенді әдістерін тиімді қолдану

Жұмыс түрі: Материал
Тегін: Антиплагиат
Көлемі: 65 бет
Таңдаулыға:

Қазақстан Республикасының Білім және Ғылым Министрлігі

С. Аманжолов атындағы Шығыс Қазақстан мемлекеттік университеті

Биология кафедрасы

ББК

ЕСКАЛИЕВА АЛИЯ СОЛТАНКЫЗЫ

«Техникалық және кәсіптік білім беру жағдайында биология сабақтарында белсенді оқыту әдісі»

7 М01505 - БИОЛОГИЯ

білім магистірі академиялық дәрежесін алуға арналған магистірлік жоба

Ғылыми жетекші: Шарипханова А. С. б. ғ. к.

Биология кафедрасының меңгерушісі:

Китапбаева А. А.

Нормоконтролер:

Өскемен қаласы 2020ж.

МАЗМҰНЫ

НОРМАТИВТІК СІЛТЕМЕЛЕР . . . 2

АНЫҚТАМАЛАР . . . 3

БЕЛГІЛЕР ЖӘНЕ ҚЫСҚАРТУЛАР . . . 4

КІРІСПЕ . . . 5

1 ӘДЕБИЕТКЕ ШОЛУ . . . 8

1 Белсенді оқыту әдістерін қолданудың теориялық негіздері. . 2 Оқытудың белсенді әдістерінің мәні мен жіктелуі. .

3 Техникалық және кәсіптік білім беруде биология сабақтарында белсенді әдістерді қолдану ерекшеліктері. .

2 ОҚЫТУДЫҢ БЕЛСЕНДІ ӘДІСТЕРІН ҚОЛДАНУДЫҢ ӘДІСТЕМЕЛІК НЕГІЗДЕРІ

1 ТжКБ жағдайында оқытудың белсенді әдістерін қолдануға негізделген сабақ мазмұны. .

2 Эксперимент және оның нәтижесі

ҚОРЫТЫНДЫ . . .

ҚОЛДАНЫЛҒАН ӘДЕБИЕТТЕР ТІЗІМІ . . .

ҚОСЫМШАЛАР

НОРМАТИВТІК СІЛТЕМЕЛЕР

Бұл магистірлік жобада келесі стандарттарға сілтеме жасалынды:

ҚР білім заңы. № 319, 27 шілде 2007жыл.
Білім берудің тиісті деңгейлерінің мемлекеттік жалпыға міндетті білім беру стандарттарын бекіту туралы Қазақстан Республикасы Үкіметінің 2012 жылғы 23 тамыздағы № 1080 қаулысы.
Техникалық және кәсіптік білім беру ұйымдарына арналған типтік ережелері

АНЫҚТАМАЛАР

Бұл магистірлік жобада келесі терминдер төмендегідей анықтамаларымен қолданылады:

Кәсіптік білім - білім алушылардың белгілі бір салада кәсіптік қызметті жүргізуіне және (немесе) нақты кәсіп немесе мамандық бойынша жұмысты орындауына мүмкіндік беретін білімдерді, машықтарды, дағдыларды және құзыреттерді алуына бағытталған білім беру түрі;

кәсіптік даярлау - белгілі бір жұмыс түрін орындау үшін қажет жаңа немесе өзгертілген кәсіптік дағдыны меңгеру үшін жеке адамды дамытуға бағытталған кәсіптік оқыту нысаны;

Оқыту - білім беру, шеберлікке, іс- әрекет дағдыларына үйрету және оларды меңгеру үдерісі мен адамды өмір мен еңбекке бейімді етіп даярлаудың басты тәсілі.

Оқыту әдістері - оқытудың мақсат-міндеттеріне сай оның мазмұнын оқушыларға меңгертуде мұғалім мен оқушылардың қолданатын амал-тәсілдері мен құралдарының жиынтығы.

Оқытуды ұйымдастыру формалары- оқыту процесінің міндеттерін іске асырудағы мұғалім мен оқушылардың арнайы ұйымдастырылып, белгіленген тәртіппен, белгілі режимде өтілетін іс-әрекеттерінің сыртқы көрінісі.

Оқу бағдарламасы - әрбір оқу сабағы, әрбір оқу пәні және (немесе) модуль бойынша меңгерілуге тиіс білімнің, машықтың, дағды мен біліктіліктің мазмұны мен көлемін айқындайтын бағдарлама;

Оқу жоспары - тиісті білім беру деңгейінде білім алушылардың оқу сабақтарының, оқу пәндерінің және (немесе) модульдердің, кәсіптік практиканың, өзге де оқу қызметі түрлерінің тізбесін, реттілігін, көлемін (еңбекті қажетсінуін) және бақылау нысандарын регламенттейтін құжат;

Студент - техникалық және кәсіптік, орта білімнен кейінгі және жоғары білімнің білім беру бағдарламаларын іске асыратын білім беру ұйымында оқитын адам;

Техникалық және кәсіптік білім беру - білікті жұмысшы кадрлар мен орта буын мамандарын даярлауға бағытталған білім беру.

БЕЛГІЛЕР ЖӘНЕ ҚЫСҚАРТУЛАР

ҚР- Қазақстан Республикасы

БҒМ- Білім және Ғылым министірлігі

ТКББ- Техникалық және кәсіптік білім беру

ЖББ-Жалпы білім беру

КМҚК -Коммуналдық мемлекеттік қазыналық кәсіпорын

ШҚАК- Шығыс Қазақстан ауылшаруашылық колледжі

БОӘ-Белсенді оқыту әдісі

СТО- сын тұрғысынан ойлау технологиясы

АКТ- ақпараттық- коммуникативтік технология

КІРІСПЕ

Тәуелсіз елдің негізгі тірегі- білмді ұрпақ. Қазырғы таңда білімдінің алға түсіп, бәйгеден озып келетін заманы туды. Мемлекет болашағының кепілі жастарға білім мен тәрбие беру мәселесінен өткір мәселе жоқ екені белгілі. Қазақтың кемел, талантты ұстазы Ахмет Байтұрсынұлы «елді түзету бала оқыту ісін түзетуден басталу керек» деген. Қазақстан Республикасының білім беру реформаларының негізгі мақсаты- білім беру жүйесін жаңа экономикалық ортаға бейімдеу. Бұл тұрғыда Елбасы Н. Назарбаев еліміздің әлемдегі бәсекеге қабілетті 50 елдің қатарына қосылу туралы міндет қойғаны мәлім. Білім беру жүйесін жетілдіру осы мақсатқа қол жеткізуде маңызды рөл атқарады. Болашақта өркениетті, дамыған елдер қатарына ену үшін заман талабына сай білім қажет. Ал дамудың негізі білім мен ғылымға келіп тіреледі. Сондықтан да әлемдегі дамыған елдер сияқты тәуелсіз елімізде білім жүйесі сапасын жетілдіру ең өзекті мәселелердің бірі болып табылады.

Жастардың білімін жетілдіру үшін қажетті жағдай жасау туралы «Қазақстан-2050» стратегиясында «Біздің жастарымыз оқуға, ғылым білімді игеруге, жаңа машықтар алуға, технологияны күнделікті өмірде шебер де тиімді пайдалануы тиіс. Біз бұл үшін барлық мүмкіндікті жасап, ең қолайлы жағдаймен қамтамасыз етуіміз керек. Біздің басты мақсат-2050 жылы мықты мемлекет, дамыған экономика және жалпыға ортақ еңбектің негізінде берекелі қоғам құру» ұстанымы үшін нақты мақсаттар жүктеді. Алдымен жастарға тегін кәсіптік- техникалық білім беру қажеттігін басты міндет ретінде белгіледі.

Техникалық және кәсіптік білім беру ұйымдарының алдындағы міндет- оқу- тәрбие үрдісін жаңғырту арқылы жастардың таңдаған мамандығымен қызыға айналысуына, еңбек өнімділігін сапалық және сандық тұрғыда арттыру, сол арқылы материалдық жағдайын жақсартуға болатынына көзін жеткізіп, ұлттық экономиканы үздік кадырлармен қамтамасыз ету, қазақстандық қоғамның үздіксіз әлеуметтік- экономикалық дамуына үлес қосу. Елімізде техникалық және кәсіптік білім беруді дамытуға ерекше басымдық беріліп отырған қазіргі кезеңде осы саланың кәсіби мамандарын даярлау бойынша техникалық және кәсіптік білім беру жүйесінің оқытушылары мен өндірістік шеберлері алдында жаңа талаптар қойылып отыр. Оқытудың теориялық және практикалық үрдісін жандандыру, оқытудың тиімді әдістері мен тәсілдерін, мамандықты игертудің озық технологияларын тиімді пайдалану- студенттердің біліктілігін арттырудың бірден- бір жолы.

Студенттердің қабілетіне қарай білім беруді, ізденімпаздыққа, шығармашылыққа, кәсіби маман болып тәрбиеленуді жүзеге асыратын жаңа педагогикалық технологияны меңгеруге бетбұрыс жасау керек.

Зерттеудің өзектілігі . Биология сабағында белсенді оқыту әдіcтерін тиімді пайдалану арқылы студенттердің білім- біліктілік деңгейлерін, интеллектуалдық дәрежелерін, іскерлік шеберліктерін арттыра отырып, техникалық және кәсіптік білім беру жағдайында арнайы пәндерді игеру мен студенттердің кәсіби шеберліктерін арттыруда, бәсекеге қабілетті маман қалыптасуына алғы шарттарды қалыптастыратын бірден бір оқытудың тәсілі. Соның ішінде ауылшаруашылық мамандарын даярлауда профильдік пән ретінде биологияны оқытудың маңызы жоғары. Биология сабақтарында белсенді оқыту әдіс- тәсілдерін кіріктіру студенттердің пәнге деген қызығушылықтарын арттырып, сапалы білім қалыптасуына, іс-әрекеттерін белсендендіруде, мақсатқа жетуге жағдай тудыратын ортаға айналады.

Биология сабағында белсенді оқыту әдістерін қолдану оқу үрдісінің сапасының негізгі әдісі ретінде кәсіптік білім беретін оқу ордасы Шығыс Қазақстан ауылшаруашылық колледжінде ветеринар, агроном, зоотехник мамандарын даярлау барысында жүйелі бағытта жүзеге асуы, оқыту тәжірибесінде пайдаланылуы.

Зерттеудің мақсаты. Техникалық және кәсіптік білім беру жағдайында биология сабағында белсенді оқыту әдістерін қолдану арқылы студенттердің танымдық белсенділіктерін дамыта отырып, бәсекеге қабілетті маман қалыптасуына алғы шарттарды қалыптастыру.

міндеттері :

оқуға оң мотивация қалыптастыру;
пәнег деген қызығушылықтары мен танымдық белсенділіктерін арттыру;
коммуникативті дағды мен білім біліктілік деңгейлерін жоғарлату;
ақпараттық- комуникативтік міндеттерді шешу;
білім алушылардың топта жұмыс істеу дағдыларын дамыту,
уақытты тиімді пайдалану арқылы кері байланысты қалыптастыру.

Зерттеудің ғылыми жаңашылдығы .

Зерттеудің ғылыми жаңашылдығы . Техникалық және кәсіптік білім беру жағдайында биология сабағында оқытудың белсенді әдіс- тәсілдері ретінде - «Quizizz», «Tarsia», «ProProfs», «Test Teach Test», «Kahoot» әдістерін пайдалану арқылы студенттердің танымдық белсенділігін арттыру мен тиімді кері байланысты орнату.

Зерттеу нысаны : биология сабағы

Зерттеу жүргізген орын- Шығыс Қазақстан ауылшаруашылық колледжі

Негізгі қорғауға шығатын мәселелер :

Техникалық және кәсіптік білім беруде жағдайына биология сабақтарында белсенді әдістерді қолданудың ерекшеліктері.
Оқытудың белсенді әдістерін тиімді қолдану.
ТжКБ жағдайында оқытудың белсенді әдістерін қолдануға негізделген сабақ мазмұны.

Жұмыстың практикалық құндылығы. Заманауй техника мен технологиялардың жетістіктерін пайдалана отырып оқытудың белсенді әдіс - тәсілдерін тиімді пайдалану арқылы білім алушыларды бұрын білмеген басқа қырларынан танып, шығармашылық іскерліктерін, пәнге деген қызығушылығын арттыруға болады

Жұмыстың апробациясы.

Диссертациялық жұмыстың негізгі сұрақтары кафедраның ғылыми отырысында талқыланды.

Магистірлік жоба бойынша 3 басылымдық жұмыс жарық көрді:

Ескалиева А. С., Шарипханова А. С. С. Аманжолов атындағы ШҚМУ, Өскемен қаласы. «ХХІ ғасырдағы Ғылым және білім» атты VІ Халықаралық ғылыми- тәжірибелік конференциясының жинағы. - Нұр-Султан 2020. -155-158б.
Ескалиева Алия Солтанкызы -магистрант, С. Аманжолов атындағы Шығыс Қазақстан мемлекеттік университеті. Сабақ жоспары «Онтогенез -организмнің жеке дамуы». ШҚО, «Педагогика жаршысы» ғылыми- әдістемелік журналы. №2 (88) 2020ж. -36-38б.
Ескалиева А. С., Шарипханова А. С. С. Аманжолов атындағы ШҚМУ, Өскемен қаласы. «Кәсіптік білім беру жүйесінде биология сабағында белсенді оқыту әдістерін пайдалану». Әл-Фарабидің 1150 жылдығына және «Рухани жаңғыру» мақаласының 3 жылдығына арналған «Ұлы дала - ұстазы» тақырыбында халықаралық ғылыми-тәжірибелік конференциясының жинағы. - Өскемен: С. Аманжолов ат. ШҚМУ 2020ж. - 315-319б.

Жұмыстың құрылымы және көлемі .

Магистірлік жоба кіріспеден, 2 бөлім, пайдаланылған әдебиеттер тізімі және қосымшадан тұрады. Жұмыс компьютермен терілген 64 беттен тұрады, онын ішінде мәліметтер 7 кестеде және 8 суретте көрсетілген.

НЕГІЗГІ БӨЛІМ

I. ӘДЕБИЕТКЕ ШОЛУ

Белсенді оқыту әдістерін қолданудың теориялық негіздері.

Білім беруді белсендендіру идеяларын педагогиканың қалыптасу және даму кезеңінің өн бойында оны дербес ғылыми пән ретінде рәсімдегенге дейін ғалымдар еңбектер жариялаған болатын.

Белсендендіру идеясының негізін салушыларға Я. А. Коменский, Ж. -Ж. Руссо, И. Г. Песталоцци, Г. Гегель, А. Дистервег, Д. Дьюи, К. Д. Ушинский және басқалары жатады.

Алайда, осы авторлардың жұмыстарындағы дәйекті мазмұндалған идеялар антикалық әлемнің ғалымдары мен ойшылдарының пікірлерінен өз бастауын алады. Педагогиканың бүкіл тарихын оқушы позициясына екі көзқараспен күрес ретінде қарастыруға болады. Бірінші ұстанымды жақтаушылар оқушының бастапқы селқостығын талап етті, оны педагогикалық ықпал ету объектісі ретінде қарады, ал белсенділікті тек мұғалім ғана көрсетуі тиіс деді. Екінші ұстанымның жақтаушылары оқушыны оқыту процесінің тең құқылы қатысушысы деп санады және оның белсенділігіне оқытуда басты рөль берді. Міне, оқушының белсенділігін жақтаушылардың кейбір көзқарастары. Пифагор (б. э. д. VI ғ. ) дұрыс жүзеге асырылатын оқыту мұғалім мен оқушының екі жақты қалауы бойынша жүргізілуі тиіс деп есептеді. Демокрит (б. э. д. 460-370) зияткерлік тәрбиеге үлкен мән берді, оқушылардың бойында беймәлімділікті сезінуге ұмтылысты, борыш пен жауапкершілік сезімін қалыптастыруды ұсынды. Сократ (470/469 - 399 б. э. д. ) адамның қабілеттерін көрсетудің ең дұрыс жолы өзін-өзі тануда деп білді. Оның басты жетістігі - "майевтика" ("повивалды өнер") - тәлімгер ойлап тапқан сұрақтар арқылы ақиқатқа әкелетін диалектикалық дау болып саналады (Сократ әдісі деп аталады) . Оқытудың мақсаты-оқушыға білім беру емес, оны қажет болған жағдайда сол білімді алуға үйрету деп білді. И. Г. Песталоцци (1746-1828) адам табиғатының ерекшеліктеріне, оның даму заңдарына сәйкес құрылған оқытуға аса маңызды мән берді. Оқыту ойлауға үйретуі керек деп талап етті, оқушыны ұйықтатып, шатастырмай, қабілетіне әсер ете білу керек деп санады. А. Дистервег (1790 -1866) мұғалімнен оқушыны тек қана "әуестендіріп" қана қоймай, оның күшін әрдайым қолдануды, оның іс-әрекетін қоздыруды талап етті. Дж. Дьюи (1859-1952), "прогрессивистік" тұжырымдамасының авторы, оқу үрдісінің негізгі міндеті жастардың белсенділігін дамытуда деп білді. Ақпарат беруді ойлауды дамыту құралы ретінде қарастырды, демек, оны оқушыларға тек қана қажет болған жағдайда ғана беруді ұсынды. Отандық ғалымдар арасынан белсенді оқыту мәселесіне әр уақытта Б. Г. Ананьев, Н. А. Бердяев, Л. С. Выготский, Н. А. Добролюбов, А. Н. Леонтьев, Л. М. Лопатин, А. С. Макаренко, С. Л. Рубинштейн, В. А. Сухомлинский, К. Д. Ушинский, Н. Г. Чернышевский және басқалар жүгініп отырды. Атап айтқанда, Н. Г. Чернышевский (1828-1889) және Н. А. Добролюбов (1836-1870) оқытудың ұғынымдылығы мен саналылығын, оқушылардың белсенділігі мен өздігінен әрекет етуін қорғады, олардың шығармашылық түрде ойлауды дамытқанын қалады. В. А. Сухомлинский (1918-1970) арнайы шаралар мен тәсілдер арқылы оқушылардың тұңғыш ашушы болу ниетін қолдауға шақырды.

Проблемалық және дамытушылық оқытудың мақсаттарын жүзеге асыруда белсенді әдістер жатыр. Ғылыми әдебиетте белсенді оқыту әдістерінің мәселесіне психология мен педагогика саласында жүргізілген зерттеулер аз емес. Белсенді оқытудың заманауи қалыптасуында іскерлік ойындар пайда болғаннан кейін туындаған ойын-техникалық қозғалыстың стихиялық дамуы ерекше рөл атқарды. Тарихтағы алғашқы іскерлік ойынды 1932 жылы КСРО-да М. М. Бирштейн құрастырды және өткізді. Бұл әдіс бірден қолдау тауып, мойындалып, қарқынды түрде дами бастады. Алайда 1938 жылы КСРО-да іскерлік ойындарға тыйым салынды. АҚШ-та алғашқы іскерлік ойындар пайда болғаннан кейін ғана (1956 ж., Ч. Абт, К. Гринблат, Ф. Грей, Грэм қ., Дюпюи қ., Р. Дьюк, Р. Прюдом және т. б. ) 60-шы жылдары олардың екінші қайта туылуы жүзеге асты. Әдістердің дидактикалық қолданылуын кеңейтуге И. Г. Абрамов, Ю. С. Арутюнов, М. М. Бирштейн, Н. В. Борисова, А. А. Вербицкий, С. Р. Гидрович, С. С. Егоров, В. М. Ефимов, Р. Ф. Жуков, С. Г. Колесниченко, В. Ф. Комаров, В. II. Крутиков, В. Я. Платов, В. В. Подиновский, В. Н. Рыбальский, А. М. Смолкин, И. М. Сыроежин, Т. П. Тимофеевский, Г. П. Щедровицкий және т. б. сияқты белсенді оқыту саласынының мамандарының іскерлік және имитациялық ойындарын зерттеуі және әзірлеуі елеулі түрткі болды. Әдістерді таратуда белсенді оқытудың негізі ретінде ойын әдістерін насихаттау бойынша олардың практикалық қызметі және ойын техникалық қозғалысты құру мен дамытуға жеке қатысуы үлкен рөл атқарды. Осы қозғалыс аясында өткізілетін «БОӘ (белсенді оқыту әдістері) мектептері» көптеген мұғалімдерді белсенді оқытудың ойын технологияларымен таныстыруға, оларға алғашқы білім мен дағды беруге, алғашқы құрал-жабдықтармен «қаруландыруға» мүмкіндік берді. XX ғасырдың 80-ші жылдарында белсенді оқытудың ойын әдістерінің таралуының арқасында белсенді оқыту танымалдылықтың ең жоғары деңгейін бастан кешірді.

Жалпы білім беретін мекемелер жағдайында оқу процесі оқытудың белсенді әдістерін пайдалана отырып, оқытудың жалпы белсенді принциптерінің жиынтығына сүйенеді және А. А. Бадаев ұсынғандай өзінің айырықша принциптерін ұстанады, атап айтқанда:

Оқушылардың дайындығы мен сабақ тақырыбының есебінен оқытудың мазмұны мен әдісі арасындағы тепе-теңдік қағидаты.
Модельдеу қағидаты. Оқу процесінің үлгісі оқу жоспары болып табылады. Онда оқытудың мақсаттары мен міндеттері, құралдары мен әдістері, сабақтың тәртібі мен рәсімі көрсетіледі, оқушылар оқу барысында шешетін сұрақтар мен тапсырмалар қалыптасады. Сонымен қатар, мұғалімге соңғы нәтижені модельдеу керек, яғни оқуды аяқтаған «оқушы моделін» сипаттау керек. Атап айтқанда: қандай білімі (олардың тереңдігі, ендігі және бағыты) және дағдысы болуы тиіс, қандай қызметке дайындалуы тиіс, нақты қандай формада білімділігі көрінуі керек. Оқушы оқитын және тұратын "орта моделін" көз алдына келтіру де пайдалы болады. Ол нақты шындықтан және оның проблемаларынан қалыс қалуға жол бермейді.
Кіріс бақылау қағидаты . Бұл қағидат оқушылардың нақты дайындық деңгейіне сәйкес оқу процесін дайындауды, олардың мүдделерін анықтауды, білімнің қолда барын немесе оны арттыру қажеттілігін анықтауды көздейді. Кіріс бақылауы оқу курсының мазмұнын барынша тиімді анықтауға мүмкіндік береді, таңдап алынған оқыту әдістерін қайта қарайды, оқушылардың жеке жұмысының сипаты мен көлемін анықтайды, оқытудың өзектілігін дәлелдей отырып, оқуға деген оқушының ниетін тудыруы керек.
Оқытудың мазмұны мен әдістерінің оқыту мақсаттарына сәйкестік қағидаты. Оқу мақсатына тиімді түрде қол жеткізу үшін мұғалім нақты тақырыпты зерделеу немесе міндеттерді шешу үшін оқушылардың оқу іс-әрекетінің ең қолайлы түрлерін таңдауы қажет. Бір жағдайда диалог жүргізіп, мәселені талқылау жеткілікті. Басқа жағдайда қосымша ақпарат көздерін журналдар, газеттер және т. б. пайдалану қажет, немесе кеңес алу үшін мамандарға, іргелес білім салаларына жүгіну қажет. Мысалы, мұғалім алдына оқушыларды сабақ тақырыбы бойынша ақпаратпен таныстыру мақсатын қоя отырып, дәріс материалын қолдана алады және оны беру әдісін меңгере алады.
Мәселелік қағидаты. Бұл жағдайда оқушылар жаңа білім, проблемалар қою арқылы туындайтын кедергілерді жеңу арқылы біліктілік пен дағды алатын сабақты ұйымдастыру талап етіледі. Мәселен, А. М. Матюшкин, проблемалық оқыту теориясының негізін қалаушылардың бірі, сабақтың дәл осы проблемалық құрылымы оқу мақсатына жетуге кепілдік беретіндігін айтады.

Сабақ барысында жоғары сынып оқушыларының ойлау қызметін белсендіретін ізденуді талап ететін сұрақтар қойылады, ал бұл оқыту тиімділігінің маңызды шарты болып табылады. М. И. Махмутов оқушы нақты материалды талдап, одан өзі ақпаратты алатындай әрекет еткен жағдайда оқудағы белсенділікке қол жеткізетінін атап көрсетеді.

«Келеңсіздік тәжірибесі» қағидаты. Практикалық қызметте жетістіктермен бірге қателерге де жол беріледі, сондықтан адамды қатеден аулақ болуға үйрету қажет. Бұл міндет өте өзекті мәселе. Осы қағидатқа сәйкес оқытудың белсенді әдістерінде құрылған оқу процесіне екі жаңа оқыту элементі енгізіледі:

нақты жағдайларда жіберілген қателерді зерттеу, талдау және бағалау. Мұндай сабақтарға арналған материал мерзімді басылымдағы сыни жарияланымдар және өз тобының өмірінен алынған нақты фактілер болуы мүмкін;
білім, іскерлік және дағдыны меңгеру барысында оқушы тарапынан қателерді қамтамасыз ету. Жоғары сынып оқушыларына талдау жасау үшін әдейі қалыптастырылған жағдай ұсынылады немесе проблемалы міндет қойылады, оны шешу кезінде әдетте тәжірибесінің жоқтығынан оқушы міндетті түрде қате жіберетін болады. Оқушының іс-әрекетінің реттілігін одан әрі талдау қателіктің заңдылықтарын анықтауға және есепті шешу тактикасын әзірлеуге көмектеседі. Бір мезетте оқушы осы мәселе бойынша білімнің қажеттігіне көз жеткізеді, бұл оның оқу курсын тереңірек меңгеруге итермелейді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.