Талшик Астык LTD ЖСШ бухгалтерлік қызметінің құрылымы
ҚАЗАҚ ТЕХНОЛОГИЯ ЖӘНЕ БИЗНЕС УНИВЕРСИТЕТІ
«Экономика және сервис» кафедрасы
Жетекшінің
рұқсаты
Нұр-Сұлтан, 2022
МАЗМҰНЫ
К ІРІСПЕ
Бұл есеп 2022 жылы 28 наурыз - 22 мамыр аралығында «Талшик Астык LTD» ЖШС бухгалтерия бөлімінде дипломалды тәжірибеден өту нәтижелері бойынша дайындалды.
Кәсіпорын қызметінің негізгі түрлері - астық сақтау, астық кептіру, астықты жинақтау, астықты қайта өңдеу және өткізу.
Дипломалды тәжірибе барысында мен бухгалтерлік есеп жүргізуге және халықаралық стандарттар бойынша жасалған тоқсандық бухгалтерлік есептілікті жасауға қатыстым.
Дипломалды тәжірибе бухгалтерлік есеп, экономиканың барлық салаларында талдау жұмысы саласында білікті мамандарды даярлаудың келесі кезеңі болып табылады.
Дипломалды тәжірибенің мақсаты: оқу процесінде алынған бухгалтерлік есеп, экономикалық талдау және аудит саласындағы білім мен дағдыларды бекіту және тереңдету; тиісті кредиттік, қаржылық, сақтандыру және өзге де мекемелерде жұмыс істеудің қажетті кәсіби дағдыларын игеру; болжау, талдау, реттеу, жоспарлау әдістері мен тәсілдерін және осы құрылымдардың қызметіне байланысты басқа да мәселелерді меңгеру; дипломалды тәжірибе бойынша есеп жазу үшін қажетті материалдарды жинау болып табылады.
Дипломалды тәжірибені өту барысында қойылған мақсатқа жету үшін келесі міндеттер орындалды:
- ұйыммен (кәсіпорынмен), оның құрылымымен, өндірістік және басқару бөлімшелерінің негізгі функцияларымен танысу;
- лауазымдық нұсқаулықтардың ерекшеліктерін ескере отырып, ұйымдағы жұмыстың принциптері мен әдістерін зерттеу;
- нормативтік құжаттарды және кәсіпорында қолданылатын бағдарламалық қамтамасыз ету құралдарын зерттеу;
- мекемеде дипломалды тәжірибе өту туралы есепті дайындау және жазу.
Дипломалды тәжірибе бойынша есептің құрылымдық элементтеріне практикадан өту күнделігі, күнтізбелік-тақырыптық жоспар (А қосымшасы), титулдық бет, мазмұны, негізгі бөлімі, корытынды, пайдаланылған әдебиеттер тізімі, қосымшалар жатқызылады.
I КӘСІПОРЫННЫҢ ҰЙЫМДАСТЫРУ-ӨНДІРІСТІК ҚЫЗМЕТІМЕН ТАНЫСУ
1. 1 Ұйымның практика базасымен және оның ұйымдық-экономикалық құрылымымен танысу
Кәсіпкерлік қызметті ұйымдастыру үшін экономикалық мақсаты әлеуметтік қажеттіліктерді қамтамасыз ету және пайда табу болып табылатын кәсіпорын құрылады. Кәсіпорынның қызметі өзінің мазмұны бойынша өнімді шығару мен сатуды, қызмет көрсетуді немесе жұмыстарды орындауды қамтиды. Осыған байланысты кәсіпорындар қызметтің көрсетілген түрлерінің кез келгенін немесе бір мезгілде қызметтің барлық түрлерін жүзеге асыра алады.
Заңды тұлға ретінде дипломалды тәжірибе үшін таңдалған «Талшик Астык LTD» ЖШС 15 тамыз 2012 жылы тіркелген. Мекен-жайы: Солтүстік Қазақстан облысы, Ақжар ауданы. Талшық ауылы, Садвакасов көшесі, 6В
Серіктестік заңды тұлға болып табылады, өз қызметін Қазақстан Республикасының заңдары негізінде жүзеге асырады. Кәсіпорын қызметі тұрғын үйлердің құрылысына бағытталған.
Жалпы жиналыста бекіткен жарғысы шеңберінде серіктестік өз міндеттемелері бойынша өзінің жарғылық капиталына жауап береді, өз атынан мүліктік құқықтар мен міндеттерді сатып ала алады және жүзеге асыра алады, сотта талапкер және жауапкер бола алады, өз атауын қазақ және орыс тілдерінде көрсетілген мөрі мен дербес балансы, мөртабандары мен бланкілері болады, Қазақстан Республикасы банктерінің мекемелерінде және одан тыс жерлерде ақша қаражатын сақтауға және есеп айырысуға, кредиттік және кассалық операциялардың барлық түрлерін жүзеге асыру үшін есеп айырысу және өзге де шоттар ашуға құқылы.
"Талшик Астык LTD" жауапкершілігі шектеулі серіктестігі - ұйымдық - құқықтық мемлекеттік мекеме нысанындағы заңды тұлға болып табылады, орыс және мемлекеттік тілдегі өзінің атауы мен мөртаңбасы бар, белгіленген үлгідегі бланкілері, сондай заңнамаға сәйкес қазынашылық органдарында шоттары бар.
«Талшик Астык LTD» ЖШС-нің есеп саясатының негізгі мақсаты-серіктестік қызметінің кез келген кезеңі үшін капиталды, активтерді, міндеттемелерді, кірістер мен шығыстарды бағалауды жүргізуге мүмкіндік беретін ақпараттық жүйені құру.
Серіктестік қызметін есепке алудың барлық жүйесі шартты түрде мынадай түрлерге бөлінеді:
1. Қаржылық есеп - сыртқы пайдаланушылар үшін ашық, оны өкілетті мемлекеттік органдар өз құзыреті шегінде және құрылтайшылардың тапсырысы бойынша тәуелсіз аудиторлар бақылайды;
2. Өндірістік есеп - мұнда серіктестіктің барлық тікелей және үстеме шығындарын ескере отырып, өз өнімінің, жұмыстардың және қызметтердің калькуляциялық өзіндік құны қалыптасады.
Бұл есептің деректері коммерциялық құпияға жатады және басқарушы персоналдың шектеулі тобына арналған және серіктестіктің ағымдағы және перспективалық қызметін жоспарлау, кірістер, шығыстар, қаржылық жағдайын бағалау және болжау үшін пайдаланылады.
3. Статистикалық есепке алу - қаржылық есепке алу деректеріне негізделеді және оның көлемі мен нысандарын ҚР-ның Статистика агенттігінің органдары белгілейді.
4. Салықтық есепке алу - ҚР-ның Салық заңнамасына сәйкес Қоғамның қаржы-шаруашылық қызметтерінің бухгалтерлік есебінің түпкілікті нәтижелері негізінде қалыптастырылады және есепке алудың балама әдістерін көздемейді.
«Талшик Астык LTD» ЖШС-нің салық есебі бухгалтерлік есеп деректерінің негізінде жүргізіледі және мынадай нормативтік құжаттарға сәйкес жүзеге асырылады:
- «Салық және бюджетке төленетін басқа да міндетті төлемдер» атты Қазақстан Республикасының кодексіне;
- «Бухгалтерлік есеп және қаржылық есептілік туралы» 2007 жылғы 28 ақпандағы № 234-III Қазақстан Республикасының Заңымен;
- Халықаралық қаржылық есептілік стандарттарымен;
- Бухгалтерлік есеп шоттарының үлгі жоспарымен;
- ҚР Қаржы министрінің 2007 жылғы 22 маусымдағы № 221 бұйрығымен бекітілген бухгалтерлік есеп жүргізу ережелерімен;
- «Талшик Астык LTD» ЖШС есептік саясатымен;
- «Талшик Астык LTD» ЖШС шоттарының жұмыс жоспарымен;
- «Талшик Астык LTD» ЖШС салықтық есепке алу саясатымен және бухгалтерлік есепті ұйымдастыру бойынша әдістемелік ұсынымдармен, нұсқаулықтармен және басқа да нормативтік актілермен.
Серіктестік Қазақстан Республикасы Қаржы министрлігінің 23. 05. 2007 ж. № 185 бұйрығымен бекітілген бухгалтерлік есеп шоттарының үлгі жоспарына сәйкес активтердің, меншікті капиталдың, міндеттемелердің және ол жүзеге асыратын шаруашылық операциялардың бухгалтерлік есебін екі жақты жазу тәсілімен жүргізеді.
Бухгалтерлік есепті жүргізу кезінде серіктестік қамтамасыз етуге тиіс:
- есеп саясатына сәйкес қабылданған есепті кезең ішінде шаруашылық операцияларды көрсетуін және активтер мен міндеттемелерді бағалау тәртібінің өзгермеуін;
- есепті кезеңдегі есепте осы кезеңде жүзеге асырылатын барлық шаруашылық операциялардың және мүлік пен қаржылық міндеттемелерді түгендеу нәтижелерінің толық көрсетілуін;
- кірістер мен шығыстарды есепті кезеңдерге жатқызудың дұрыстығын;
- әр айдың басындағы синтетикалық есепке алу шоттары бойынша айналымдар мен қалдықтарға талдамалық есепке алу деректерінің ұқсастығын.
Шаруашылық операцияны жасау фактісін тіркейтін бастапқы құжаттар бухгалтерлік есеп тіркелімдеріндегі жазбалар үшін негіз болып табылады.
Шаруашылық қызметінің фактілерін рәсімдеу үшін серіктестік ҚР Қаржы министрлігінің 20. 12. 2012 ж. № 562 бұйрығымен бекітілген бастапқы есепке алу құжаттарының нысандарын және «1С» автоматтандырылған бағдарламасында көзделген бастапқы құжаттардың нысандарын қолданады.
Бухгалтерлік жазбалардың дәйектілігі мынадай тәртіппен айқындалады:
1) Қаржы-шаруашылық операцияларды тіркеуге арналған бастапқы құжаттар мыналар болып табылады:
- ҚР Азаматтық кодексінің талаптарына сәйкес және тараптардың уағдаластығы негізінде рәсімделетін шарттар (келісімшарттар), келісімдер, ресми хаттар, бұйрықтар және т. б. ;
- серіктестік қабылдаған бастапқы құжаттар қойылатын талаптарға сәйкес әзірленген бастапқы құжаттама нысандарының негізінде жасалады, олардың негізінде жоғарыда көрсетілген бастамашылық құжаттардың мазмұнына сүйене отырып, бухгалтерлік жазбалармен операциялар жасау фактілері тіркеледі;
- бастапқы құжаттардың деректері 1С бағдарламасында қабылданған бухгалтерлік есеп тіркелімдерінде мәмілелер мен операциялардың іске асырылуына қарай жинақталады;
- бухгалтерлік есеп жүйесіндегі барлық жазбалар шоттардың жұмыс жоспарының жіктелуіне сәйкес келуі керек.
2) Есепте өңделген деректер негізінде әртүрлі пайдаланушылар үшін қаржылық, статистикалық және салық есептілігі жасалады.
Бухгалтерлік есепті жүргізу тәсілі:
- автоматтандырылған, ДК - синтетикалық және аналитикалық тіркелімдер мен қаржылық есептерді жүргізу үшін;
- автоматтандырылмаған, қағаз тасығыштарда (қолмен) - шаруашылық операцияларды жасау сәтінде бастапқы құжаттарды рәсімдеу үшін.
«1С - Бухгалтерия» бағдарламасы бойынша есепке алу кезінде серіктестік мыналарды қамтамасыз етеді:
- орындаушылар жеке журналдарға қол қоятын және тігетін бухгалтерлік есепті басып шығаруға көшіру;
- магниттік тасымалдағыштағы есепке алу деректерін пароль арқылы рұқсатсыз кіруден қорғау;
- әр айдың соңында есепке алу деректері бар басқа компьютердің серверінде бақылау данасының болуы (ағымдағы мұрағат) .
Бухгалтерлік ақпаратты сақтау және жою Қазақстан Республикасының қолданыстағы заңнамасына сәйкес жүргізіледі.
Серіктестік қызметінің ҚР заңнамасына сәйкестігін анықтау сыртқы бақылаудағы тәуелсіз аудиторлардың құрылтайшылар айқындайтын мерзімдер мен көлемдерде тексерулері арқылы жүзеге асырылады.
Тауарлық-материалдық қорлардың және олармен байланысты шаруашылық операцияларының талдамалық есебін жүргізу тәртібі мен нысандарын басшы белгілейді және ол есепті кезең ішінде өзгеруі мүмкін.
Күнтізбелік жыл жылдық қаржылық есептілік үшін есепті кезең болып табылады.
Түгендеу-бұл негізгі құралдардың, тауарлық-материалдық құндылықтардың, аяқталмаған өндірістің және басқа активтер мен пассивтердің нақты бар-жоғын «Талшик Астык LTD» ЖШС-нің бухгалтерлік есеп деректеріне сәйкестігін тексеру. Түгендеуді жүргізу түгендеу туралы ережеге сәйкес жүргізіледі.
1. 2 Бухгалтерлік қызметтің құрылымымен және бухгалтерия қызметкерлерінің лауазымдық міндеттерімен танысу
ЖШС-тің негізгі құрылымдық бөлімшесі бас бухгалтер басқаратын бухгалтерия болып табылады. «Талшик Астык LTD» ЖШС бухгалтерлік қызметінің құрылымы 1-суретте көрсетілген.
1-сурет. «Талшик Астык LTD» ЖСШ бухгалтерлік қызметінің құрылымы
Шаруашылық операцияларын орындау кезінде субъектінің бухгалтерлік есебін ұйымдастыруға, заңнаманың сақталуына серіктестіктің бірінші басшысы жауапты болады. Серіктестіктің құрылымына сәйкес бухгалтерлік есепті жүргізуге басшылық ету құқығы қаржы директорына жүктелуі мүмкін.
Субъектінің бухгалтерлік есебін оның бас бухгалтер басқаратын құрылымдық бөлімшесі жүзеге асырады.
Бухгалтерия қызметін реттейтін құжат «Бухгалтерия туралы ереже» болып табылады.
Бухгалтерия қызметкерлерінің лауазымдық міндеттері лауазымдық нұсқаулықтармен реттеледі.
Бас бухгалтерді лауазымынан босату кезінде істерді жаңадан тағайындалған бас бухгалтерге (ал ол болмаған кезде - басшының бұйрығымен тағайындалған қызметкерге) тапсыру жүргізіледі, оның процесінде басшы бекітетін тиісті актіні жасай отырып, бухгалтерлік есептің жай-күйі мен есептік деректердің дұрыстығына тексеру жүргізіледі.
ЖШС бухгалтериясы өз қызметін Қазақстан Республикасының «Бухгалтерлік есеп және қаржылық есептілік туралы" Заңына, халықаралық қаржылық есептілік стандарттарына, бухгалтерлік есеп шоттарының үлгілік жоспарына, бухгалтерлік есепті жүргізу қағидаларына, есеп саясатына және бухгалтерлік есеп саласын реттейтін басқа да нормативтік-құқықтық құжаттарға сәйкес жүзеге асырады.
Ұйымның есеп жүйесіндегі нарықтың қазіргі жағдайында қалыптасқан есеп саясаты оның негізгі факторы болып табылады, өйткені ол бухгалтерлік есепті реттейтін нормативтік құжаттардың бірі болып табылады.
Есеп саясатын қалыптастыру, бухгалтерлік есепті жүргізу, толық және сенімді қаржылық есептілікті уақтылы ұсыну жауапкершілігі «Талшик Астык LTD» ЖШС бас бухгалтеріне жүктеледі.
«Талшик Астык LTD» ЖШС басшылығы бас бухгалтерге есеп саясатында бекітілген қағидалар негізінде дербес шешім қабылдау және қаржылық есептілікті қалыптастыру мәселелері бойынша, оның ішінде қаржылық есептілік элементтерін және олардың құрамдастарын жіктеу, тану, бағалау және есептеу, сондай-ақ олармен байланысты ақпаратты ашу мәселелері бойынша кәсіби пайымдау өкілеттіктерін береді.
II К ӘСІПОРЫНДА ЕСЕПКЕ АЛУДЫ, ТАЛДАУДЫ ЖӘНЕ АУДИТТІ ҰЙЫМДАСТЫРУ
2. 1 Қысқа мерзімді активтерді есепке алу, талдау және аудит жүргізу
Активтер айналым мерзіміне қарай айналымды (қысқа мерзімді) және айналымнан тыс (ұзақ мерзімді) болып бөлінеді. Айналымдағы немесе қысқа мерзімді активтер көбінесе ағымдағы деп аталады.
Ағымдағы активтер-операциялық цикл ішінде немесе есепті кезеңнен кейінгі 12 ай ішінде сатуға немесе тұтынуға жататын; саудаға арналған активтер; ақша қаражаты мен баламалар болып табылады.
Қысқа мерзімді активтерді есепке алудың алдында мынадай міндеттер қойылады:
1) Қаржылық есептіліктің ішкі және сыртқы пайдаланушыларына қажетті ұйымның қысқа мерзімді активтері туралы толық және дұрыс ақпаратты жеткізу;
2) Ұйым қысқа мерзімді активтермен шаруашылық операцияларын жүзеге асырған кезде ҚР заңнамасының сақталуын және олардың орындылығын, айналым қаражатының бар болуы мен қозғалысын, бекітілген нормаларға, нормативтерге, сметаларға сәйкес материалдық және қаржы ресурстарын пайдалануды бақылау үшін қаржылық есептілікті ішкі және сыртқы пайдаланушыларға қажетті ақпаратпен қамтамасыз ету;
3) Қысқа мерзімді активтермен операцияларда болатын теріс нәтижелерді болдырмау және ұйымның қаржылық тұрақтылығын қамтамасыз ететін шаруашылық ішіндегі резервтерді анықтау болып табылады.
Қысқа мерзімді активтерді есепке алу үшін есепке алу жөніндегі негізгі ережелердің талаптарына жауап беретін және ақпаратты автоматтандырылған өңдеуге бейімделген бастапқы есепке алу құжаттамасы қолданылады.
«Талшик Астык LTD» ЖШС-нің есеп саясатына сәйкес ақша қаражатының қозғалысын есепке алу және ақша қаражатын сақтау, қабылдау және беру үшін оның құжаттамалық рәсімдеу бөлігі ұйымның кассасы болады. Барлық кассалық операцияларды материалдық жауапты тұлға болып табылатын кассир жүзеге асырады. Кассалық операцияларды жүргізу тәртібімен танысқаннан кейін онымен оның толық материалдық жауапкершілігі туралы шарт жасалады. Егер еңбекақы және басқа да төлемдер беру үшін кәсіпорын басшысының жазбаша бұйрығы бойынша басқа адамдар тартылса, онда олармен олардың толық материалдық жауапкершілігі туралы шарттар жасалады.
«Талшик Астык LTD» ЖШС-де кассалық операциялардың есебі бухгалтерлік есепті жүргізу қағидаларына сәйкес жүргізіледі.
Кассада осы ұйымға жатпайтын құндылықтарды сақтауға тыйым салынады. Кезек күттірмейтін мұқтаждарды төлеу үшін кассада ақша қаражатының ең аз қорын сақтауға рұқсат етіледі. Бұл үшін банк ұйым басшылығының келісімі бойынша кассадағы қолма-қол ақша шегктелімін белгілейді. Шектеу мөлшері кіріс мөлшеріне байланысты.
Кассадағы ақша қаражатының қозғалысы бойынша негізгі бастапқы құжаттар кіріс және шығыс кассалық ордерлері болып табылады. Кассаға қолма-қол ақшаны қабылдау кассалық кіріс ордерімен (№КО-1) рәсімделеді, оған бас бухгалтер немесе ол уәкілеттік берген тұлға қол қояды. Кассалық кіріс ордері екі бөліктен тұрады: ордер және ордерге түбіртек. Кассалық кіріс ордерінің екінші бөлігі - түбіртек-бұл оның жыртылатын бөлігі және кассаға қолма-қол ақша салған адамның ақтау құжаты ретінде қызмет етеді. Сондықтан түбіртекке бас бухгалтер қол қойып, мөрмен расталуы керек. Кассадан қолма-қол ақша беру шығыс кассалық ордермен (№КО-2) рәсімделеді, оған бас бухгалтер мен ұйымның басшысы қол қояды. Ақша берген кезде кассир паспортты немесе ақша алушының жеке басын куәландыратын басқа құжатты талап етуге тиіс. Паспорттың деректері кассалық шығыс ордеріне енгізіледі және алушы ақша қаражатын қабылдағаны туралы белгі қоюы тиіс (сомасын, күнін көрсету, қолын қою) . Кассалық ордерлер бойынша ақшаны алғаннан немесе бергеннен кейін оларға кассир қол қояды, ал ордерлерге қоса берілген құжаттар мөртабанмен немесе «алынды», не «төленді» деген қолтаңбамен өтеледі. [3]
Барлық кіріс және шығыс кассалық ордерлері "Кіріс және шығыс кассалық ордерлерін тіркеу журналында" (Ф№КО-3) міндетті тіркелуге жатады. Жалпы қабылданған ереже бойынша шығыс және кіріс кассалық ордерлерін нөмірлеу әр жылдың басынан 1 (бір) реттік нөмірден басталады және жыл аяқталғанға дейін нөмірлердің өсу тәртібімен жүргізіледі. Еңбекақы және оған теңестірілген басқа да төлемдер бойынша төлем ведомостарына рәсімделген кассалық шығыс ордерлері олар берілгеннен кейін тіркеледі.
Ақша қаражатының түсуі мен жұмсалуы жөніндегі барлық операцияларды кассир касса кітабына (№КО-4) жазады. «Талшик Астык LTD» ЖШС кассалық кітапты жүргізу автоматтандырылған тәсілмен жүзеге асырылады.
Кассадан банктегі шоттарға ақша аудару қолма-қол ақша жарнасына хабарландыру бойынша жүргізіледі. Құжат үш бөліктен тұрады: хабарландыру, түбіртек, тапсырыс. Алынған ақша сомасына банк қолма-қол ақша көзі туралы тиісті бухгалтерлік жазба үшін ақтау құжаты ретінде қызмет ететін түбіртек (бланкінің бір бөлігі) береді, бланкінің басқа бөлігі (мемориалдық ордер нысанында) банк құжаттарына (банктің үзінді көшірмесіне) қоса беріледі. Бланкінің үшінші бөлігі банк құжаттамасында ескеріледі.
Ақшалай қаражат есепке алынады және номиналды құны бойынша есептілікте көрсетіледі, яғни әдетте ақша белгілерінде көрсетілген құнның жалпы мәні бойынша көрсетіледі.
Ұйымның ақша қаражатының болуын және қозғалысын есепке алу үшін бухгалтерлік есеп шоттарының үлгілік жоспарында «Қысқа мерзімді активтер» атты бірінші бөлімінің 1000 «Ақша қаражаттары» атты кіші бөлімінің шоттары көзделген. Олар:
1000 - «Ақша қаражаты» ақша қаражатын есепке алуға арналған.
1010 - «Кассадағы ақша қаражаты», онда кассадағы ақша қаражатының қозғалысы ұлттық және шетел валюталарында ескеріледі;
1020 - «Жолдағы ақша қаражаты», онда жолдағы ақша қаражатының қозғалысы және валютаны айырбастау ескеріледі;
1030 - «Ағымдағы банктік шоттардағы ақша қаражаты», онда ұлттық және шетел валюталарындағы ағымдағы банктік шоттардағы ақша қаражатының қозғалысы ескеріледі;
1040 - «Корреспонденттік шоттардағы ақша қаражаты», онда ұлттық және шетел валюталарындағы корреспонденттік шоттардағы ақша қаражатының қозғалысы ескеріледі;
1050 - «Жинақ шоттарындағы ақша қаражаты», онда ұлттық және шетел валюталарындағы жинақ шоттарындағы ақша қаражатының қозғалысы ескеріледі;
1060 - «Пайдаланылуы шектелген ақша қаражаты», онда кассадағы, ағымдағы, корреспонденттік және жинақ шоттарындағы пайдалануға шектелген ақша қаражаты ескеріледі;
1070 - «Электрондық ақша қаражатын есепке алу», онда жүйедегі электрондық ақша қаражаты есепке алынады;
1080 - «Өзге де ақша қаражаттары», онда алдыңғы топтарда көрсетілмеген басқа ақша қаражаттары ескеріледі;
1090 - «Ақша қаражатының құнсыздануынан болатын залалдарға арналған бағалау резерві», онда ақша қаражатының құнсыздануынан күтілетін кредиттік залалдарға арналған бағалау резервтері ескеріледі.
Осы шоттарды қарастыра отырып, кассадаға ақша қаражатына байланысты шаруашылық операциялардың корреспонденциясын көрейік. (1-кесте)
1-кесте «Кассадағы ақша қаражаты» 1010 шоты бойынша негізгі корреспонденттік шоттар
Есеп айырысу шоты бойынша операцияларды есепке алу 1030 шотында жүргізіледі. Шоттың дебетінде ұйымның айдың басындағы бос ақшасының қалдығы, сатып алушылар мен тапсырыс берушілерден және басқа дебиторлардан ағымдағы шотқа ақшаның түсуі көрсетіледі. Шоттың кредиті бойынша өнім берушілерге тауарлар, жұмыстар, қызметтер үшін берешекті өтеу, салық және бюджетке төленетін басқа да міндетті төлемдерді төлеу түрінде аударылған ақша қаражатының сомалары, банкке, басқа да кредиторларға, сондай-ақ ұйымға берілген қолма-қол ақша жазылады. «Ағымдағы банктік шоттардағы ақша қаражаты» шоты бойынша негізгі хат-хабарлар 2-кестеде берілген.
2-кесте. 1030 «Ағымдағы банктік шоттардағы ақша қаражаты» шоты бойынша негізгі корреспонденттік шоттар
... жалғасыСіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz