Коллагеноздар - дәнекер тіннің диффузды аурулары

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Коллагеноздар

- дәнекер тіннің диффузды аурулары. Тін элементтері, аралық және негізгі заттар, талшық структуралары мукополисахаридтерден тұрады. Дәнекер тіннің негізгі затының мықтылығы гиалуронидаза - гиалурон қышқылы және оның ингибиторы - гепарин.

Коллагеноздарға жүйелі қызыл жегі, склеродермия, түйінді периар-териит және дерматомиозит жатады.

Жалпы клиникалық белгілері: ағымы үдемелі болады, қызба, аллергия-

лық өзгерістер, артриттер, емінің тиімді болуы.

Этиология толық зерттелмеген. Бейімдеуші факторлар - вирустар, тұқымқуалаушылық, бұрынғы инфекциялар, физикалық және психикалық жарақат, стресс, нейро-эндокриндік бұзылыстар, вибрация, гиперинсоляция (ультракүлгін сәулесінің әсері, күннің өтуі ), вакцинация, кейбір дәрмектер (новокаинамид, дифенин, тубазид, ПАСК, тетрациклиндер, фенобарбитал, апрессин, купренил, цитостатиктер), физиотерапия (ультрадыбыс), жүктілік, босану, лактация, аборт, менструация, климакс, аллергия, уланулар, салқын тию коллагеноздар дамуына түрткі болады.

Патогенез негізінде гуморальды және жасушалық иммунитеттің бұ-зылыстары жатады. Қабыну және дәнекер тіннің деструкциясы нәтижесінде антигендер бөлініп, оларға жауап ретінде антиденелер түзіліп, иммунды комплекстер пайда болып, дәнекер тінді зақымдайды.

Жүйелі қызыл жегі

- дәнекер тіннің ең ауыр диффузды ауруы.

Жиі 20-30 жастағы әйелдерде кездеседі. Бұл әйелдердің гормондық статусымен байланысты, болжамдар бойынша эстрогендер жүйелі қызыл жегінің дамуына септігін тигізеді.

Картинка 12 из 108

Клиникасы:

дене қызуы көтеріледі
буын синдромы (аяқ-қолдардың майда буындары, білезік және тобық)
тері зақымдануы (бет ұштарында және мұрында«көбелек»тәрізді эритематозды бөртпелер, олар тез арада қайтады, бірақ орнында пигментация қалады. Эритема құлақ ұштарында, мандайда, мойында, денеде, аяқ қолдарда болуы да мүмкін)
кейде гломерулонефриттен, аутоиммундық тромбоцитопениядан, гемолиздік анемиядан, Рейно синдромынан, серозиттен, нерв жүйесінің бұзылысынан (эпилепсия ұстамаларынан т. б. ) да басталуы мүмкін. Бірнеше ай немесе жыл өткен соң жүйелі қызыл жегінің басқа белгілері көріне бастайды.

Диагностикасы: Қанда - LE клеткалары жоғары титрде, ЭТЖ - 60-90 мм/сағ, анемия, лейкопения, тромбоцитопения, глобулин фракцияларының жоғарылауы, ревматоидтық фактор анықталады.

Дерматомиозит

- қаңқалық және тегіс салалы бұлшықеттің, те-рінің жүйелі қабыну ауруы.

Клиникасы. Дерматомиозит - сирек кездесетін ауру. Әдетте дерматомиозит біртіндеп баяу басталады. Басында беттің гиперемиясы мен ісінуі, дененің ашық, күн сәулесі тиген аймақтардың эритемасы, миалгия, бұлшықет әлсіздігі, артралгиялар, дене қызуының көтерілуі т. б.

Аяқ-қолдың және мойын бұлшықеттердің әлі кетеді. Әлдің кетуі соншама, пациенттін төсектен тұруға, жуынып, тарануға, киінуге, көлікке мінуге шамасы келмей қалады, басын жастықтан көтере алмайды және басын тік ұстауға да шамасы келмей, басы кеудесіне түседі, жүре алмайды. Пациент қолына қасық ұстай алмайды, ұстаған қасығын аузына апара алмайды. Жұтқыншақ, көмей, өңеш бұлшықеттері зақымданса, дисфагия пайда болып, тамақты дұрыс жұта алмай қақалып-шашалады. Жұмсақ таңдайдың салбырауынан, дауыс жалғамаларының әлсіздігінен науқастың сөйлеген сөзі анық шықпайды (мыңқылдап сөйлейді) және дауысы әрең естіледі.

Көздің жоғарғы қабағының және көз айналасының «көзілдірік тәрізді» ісініп, күлгін түсті қызарады. Бетіне, танауына, мұрын-ауыз қыртысына, кеудеге, арқаға, шынтақ, тізе буындардың сыртқы бетіне эритема түседі. Алақан терісінің қызарып, сырылып, түлейді, эритема, тырнақтардың сыңғыш болуы байқалады.

Жүйелі склеродермия

- дәнекер тіннің және ұсақ тамырлардың жүйелі ауруы. Склеродермия - латын тілінде scleros - қатты, dermos - тері.

Клиникасы. Әдетте ауру біртіндеп баяу, Рейно синдромынан, саусақтар-дың симметриялы ісінуінен немесе терінің зақымдануынан басталады.

Ең алдымен беттің, қол ұшының, аяқ басының терісі симметриялы ісінеді. Ісінген тері май жаққандай жылтырайды, қыртыстары жойылып, тегістеледі, беттің мимикасы жойылып, бет «маска» тәрізденеді. Ісініп, жуандаған саусақтар майлы «сосискаға» ұқсайды. Үрдіс біртіндеп білектің, кеуденің, арқаның терісіне таралады. Ауызы кішірейеді, айналасында радикальді әжімдер пайда болады, мұндай ауыз «бүрілген дорбаға» (кисет) ұқсайды, ауызын толық аша алмайды, микростомия пайда болады.

Рейно синдромы - жүйелі склеродермияда ең ерте пайда болатын және жиі кездесетін көрінісі - саусақтар мен бақайлар (әсіресе ІІ-ІV) кенеттен ұйып, жансызданғандай болады ( парестезия ) . Ұстама салқын тигеннен - қолды салқын суға малғанда немесе өз-өзінен болады. Ұстама кезінде саусақтар бозарып, мұздайды. Ұстама аяқталғаннан соң ашып ауырады және терісі қызарады.

Түйінді периартериит

- жүйелі некроздаушы васкулит. Бұлшықетті орташа және кішкене калибрлі артериялардың қабырғалары аневризма тү-рінде томпаяды. Ең дұрысы бұл ауруды панартериит деп атау, өйткені ар-терияның барлық қабаттары зақымданады. Қабыну үрдісінен кейін тамыр қабырғасында, оның ішкі эластикалық мембранасының бұзылуына әкелетін фиброз дамиды. Тамыр қабырғаларының зақымдануы тромбтардың қалыптасуына, аневризмалардың пайда болуына, мүшелерде инфаркт дамуына жиі әкеледі.

Клиникасы. Ауру жедел немесе біртіндеп, жалпы белгілерден басталады: дене қызуы көтеріледі, тез үдемелі арықтайды, буындары, бұлшықеті, іші ауырады, теріге бөртпелер шығады, дененің терісі «мәрмәр» түстес болады, тері асты түйіндері ( тамырлардың аневризмасы ) анықталады.

Бұлшықеттері қатты ауырады (әсіресе балтыр бұлшықеті), пальпация жүргізгенде ауырады, бұлшықеттердің әлсіздігі және атрофиясы байқалады, полиартралгиялар, сирегірек-бір немесе бірнеше ірі буындарды ( тізе, тобық, иық, шынтақ ) зақымдайтын көшпелі, деформацияға әкелмейтін полиартриттер дамиды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.