Тәуелсіздік - баянды бақытымыз

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

Тәуелсіздік-баянды бақытымыз.

Тәуелсіздік-деген ұғымның өзі неткен керемет еді. Әрбір халық үшін киелі сөз десек қателеспейміз. Қазақстан Республикасы 1991 жылы 16 желтоқсанда өз тәуелсіздігін алып, дербес әрі бейбіт мемлекетке айналды. Сан жылдар бойы ата-бабаларымыз армандаған, қаншама еңбекпен келген тәуелсіздікке биыл 30 жыл толды. Ақ білектің күшімен, ақ найғазын ұшымен жерің қорғаған ата-бабаларымыздың рухынан қуат алған ержүрек қазақ халқы осы асыл арманға да қол жеткізді. Тәуелсіздікке арқау болған Желтоқсан оқиғасының ызғары әр қазақтың жүрегінен ойып тұрып орын алғаны сөзсіз. Желтоқсан оқиғасы бізге еркіндік нұрын төкті. Тұғырлы тәуелсіздігімізді алған соң, біршама қиындықтарға қарамастан аяғына тік тұрып, көптеген жетістіктерге жеттік. Соның бірден-бір дәлелі дамыған 50 елдің қатарына кіру болды. Осы 30 жыл ішінде халықаралық ұйымдарға, одақтарға мүше болып, EXPO-2017 көрмесі аясында әлемге танылды. Бұнымен тоқтап қалмай әлі де даму үстіндеміз. Алға қойған мақсаттарымыздың бірі дамыған 30 елдің қатарына кіру.

Біз-жас ұрпақ, осы Желтоқсан құрбандары арқасында азат елде өмір сүріп жатырмыз. Тәуелсіздік нұры қазақ халқы үшін қандай қан мен тер арқылы келгені бәрімізге мәлім. Бостандыққа қол жеткізу оңай болмады, осы бір қиын жолда талай құрбандық болды.

Біздің халқымыз не көрмеді десеңізші?Аштықты да, қуғын-сүргінді де, жоңғар шапқыншылығын да, соғысты да бастан кешірді. Ауыр кезеңдерді артта қалдарып, болашаққа 100 нақты қадам басып келеміз. Тәуелсіздік-баға жетпес байлық,

ата-бабаларымыздың бізге қалдарыған аманаты. Осы аманатты сақтап қалу біздің жауапкершілігіміз.

Тәуелсіздік күні-әрбір қазақ үшін естен кеспес күн, арманға жету жолында аға-әпкелеріміз елдің жарқын болашағы үшін өз өмірлерін құрбан еткен өшпес тарих. Осы бір күнді тұтас халық болып асыға күттік. Елі үшін, жері үшін аянбай, қайсарлықпен, батылдылықпен жанын қиған азаматтарымыз мәңгі есімізде. Тарихқа үніліп қарайтын болсақ, халқымыз 300 жылдай еркіндікті аңсап келген екен. Ел болып, халық болып аңсаған асыл арман міне бүгінде мәңгілік шындығымызға айналды. Егемендігімізді алу барысында ерен ерлігімен қаза тапқан азаматтарымыздың арқасында Қазақстан Республикасы тәуелсіз, бейбіт және де көпұлтты мемлекет болып қалыптасты.

Қазақстан қазірде желбіреген туы бар, елтаңбасы, әнұраны, валютасы, нақты шекарасы бекітілген және экономикасы жоғары қарқынмен дамып келе жатқан іргелі мемлекет. Осы мемлекеттің қалыптасуына біздің тұңғыш елбасымыздың елең еңбегі бар.

Халықты алға қадам басуға шақырған, ел болашағына сенген тұлға. Қазақстанды көркейтуге көп күш жұмсады. Осыншама қысқа уақыт және саяси қиыншылықтарға қарамастан мемлекетті басқа дәрежеге жеткізді. Халықтың әлеуметтік жағдайы жақсарып, болашаққа деген көзқарастары өзгеріп, сенімдері артты. Қоғамның сенімі мемлекет дамуындағы басты факторлардың бірі болып есептеледі.

Қорытындылай келе, Тәуелсіз мемлекет деген сөзді есту қандай бақыт.

Бұл бақыт қазақ жұртына біршама ауырытпашылықпен келді. Халық үшін Егемендіктің тәтті дәмі мәңгілік жүрегімізде. Тәуелсіздігімізді жариялаған күні халықтың арқасынан ауыр жүк түскендей, әлемге дербес мемлекет ретінде танылдық. Осы күні ел болып қуанып, азаттық жолында өздерің құрбан қылған батырларымызды еске алып, болашаққа деген үмітпен алдыға қадам басамыз. Мемлекеттің даму тарихында тәуелсіздік жоғары орын алады. Біз-болашақ жас ұрпақ тәуелсіздікті құрметтеуміз, қадірлеуміз керек. Осы жолда адал еңбек етуге тырысамыз, күш-қуатымызды салып мемлекет дамуына үлес қосамыз. Ата-бабаларымыздың бізге артқан үмітін ақтауға атсалысамыз. Мемлекет дамуында әрбір елің сүйетін азаматтарымыздың арқасында рухани тәуелсіздіміздің биік тұғыры бағаланады. Тәуелсіздік-баға жетпес құндылық.

... жалғасы

Сіз бұл жұмысты біздің қосымшамыз арқылы толығымен тегін көре аласыз.