БОЛАШАҚ ПЕДАГОГ КРЕТИВТІЛІГІН ДАМЫТУ - ИННОВАЦИЯЛЫҚ ОҚЫТУ ЖАҒДАЙЫНДАҒЫ БАСТЫ ШАРТ

Жұмыс түрі: Материал
Тегін: Антиплагиат
Көлемі: 6 бет
Таңдаулыға:

БОЛАШАҚ ПЕДАГОГ КРЕТИВТІЛІГІН ДАМЫТУ- ИННОВАЦИЯЛЫҚ ОҚЫТУ ЖАҒДАЙЫНДАҒЫ БАСТЫ ШАРТ
п.ғ.к доцент Кожаева Саним Кожаевна
Жуматаева Лаззат Пердеханқызы, магистрант, 1курс
Л.Н.Гумилев атындағы Еуразия ұлттық университеті, Нұр-Сұлтан қаласы.
Жаңа технологиялардың дамуы мен таралуы инновациялық өмір дәуірінде адам еңбегінің табиғатын қайта қарастыру қажеттілігін туындатты. Жұмыстың жаңа әдістері мен формалары мамандардың жоғары білім деңгейіне, олардың құзыреттеріне, сондай-ақ шығармашылық және инновациялық қызметтеріне көбірек сүйенеді. Бүкіл әлемде болып жатқан өзгерістердің ауқымы мен жылдамдығын сезіну және болашаққа деген жалғыз кілт - бұл тұлғаның шығармашылық және инновациялық әлеуетін дамыту екенін ұғыну болып табылады. Бұл үрдіс қазіргі білім беру кеңістігінде көрініс тауып отыр. Педагогтар сұранысқа ие маман болу үшін өз мамандығында бәсекелестік артықшылықты сақтау керек екендігін, біліктілік деңгейін қолдау және арттыру қажеттілігін түсінуде. Мемлекеттік білім беру стандарттарындағы өзгерістерге тез ден қою қажеттілігі, жұмыстың жаңа әдістері мен нысандарын енгізу (болашақ педагогтардың оқу жоспарларындағы өзіндік практикаға бағытталған қызмет үлесін арттыру) білім алушының құндылықтарын жеке тұлғаның икемділігі мен бейімділігі бағытына ауыстыруға баса назар аударды. Бұл қасиеттердің маңыздылығын түсіну болашақ педагогтың кәсіби дайындық процесіндегі креативтілігіне назар аударуды талап етеді.
Қазақстан Республикасын 2020 жылға дейінгі дамытудың стратегиялық жоспарының 136-тармағында: Орта, техникалық, кәсіптік және жоғарғы оқу орындарында электрондық оқыту жүйесі (е-learning) енгізілетін болады [1], - деп қарастырылған. Осы нормативке сай инновациялық және қашықтықтан білім беру жағдайындағы болашық педагогтардың креативтілігін дамыту баса назар аударылуы керек мәселеге айналды.
Креативтілік көбінесе адам жеке немесе әлеуметтік құндылыққа ие жаңа нәрсе жасайтын құбылыспен байланысты. Шығармашылықты зерттеуге ғылыми қызығушылық әртүрлі салаларда - психология, педагогика, әлеуметтану, философия, экономика, инженерия және басқа ғылымдарда да байқалады. Нәтижесінде шығармашылықты зерттеудің көптеген анықтамалары мен тәсілдері пайда болды.
Креативтілік - (ағылш. create-жасау, creative-жасампаз, шығармашылық) - дәстүрлі немесе қабылданған ойлау схемаларынан ауытқитын және дарындылық құрылымына тәуелсіз фактор ретінде кіретін түбегейлі жаңа идеяларды жасауға дайындығымен сипатталатын, сондай-ақ статикалық жүйелер ішінде туындайтын проблемаларды шешу қабілетімен сипатталатын шығармашылық қабілеттер[6, 5].
Қазіргі инновациялық өмір салтында біз кретивтілікті тек кейбір адамдарға берілген артықшылық ретінде емес, керісінше әрбір тұлғаның шығармашылық ерекшелігі ретінде қарастырамыз. Біз айтып отырған креативтілік әртүрлі дәрежеде адам қызмет атқаратын салалардың барлық түрлерінде кездеседі. Кез-келген басқа адами әлеует сияқты, ол адам өмір сүретін қоршаған орта жағдайларына байланысты дамуы немесе жойылуы мүмкін. Сондықтан қазіргі цифрлы қоғамның талаптарына сай креативтілікті зерттеу білім мен тәрбие қызметінде басым орын алып отыр. Білім беру мекемелері жеке тұлғаның шығармашылық әлеуетін толыққанды дамыту орны ретінде қарастырылады.
Болашақ педагогтың креативтілігін - педагогикалық және пәндік білімді, жаңаны білуге деген ынтаны, білім беру практикасын шығармашылық тұрғыдан игеру тәжірибесін біріктіретін, болашақ педагогтың шығармашылық педагогикалық іс-әрекетке дайындығын анықтайтын, педагогтың шығармашылық тұлғасын қалыптастыратын кәсіби тұлға ретінде қарастырамыз.
Болашақ мұғалімнің шығармашылық іс-әрекетке дайындығы өзін шығармашылық тұлға ретінде танумен, шығармашылық белсенділіктің, тәуелсіздіктің, білімнің, дағдылардың, таным, еңбек, қарым-қатынас процесін шығармашылық іс-әрекет ретінде ұйымдастыру тәжірибесінің болуымен, сондай-ақ шығармашылық өзара әрекеттесу қажеттілігімен байланысты екенін атап өткен жөн. Мысалы, В. А. Сластенин шығармашылық дайындықты болашақ мұғалімнің кәсібилігінің маңызды белгісі деп санайды [2]. Шығармашылық дайындықтың қалыптасу деңгейі - бұл болашақ кәсіпқойға өз функцияларын тиімді орындауға мүмкіндік беретін мотивтер, көзқарастар, жеке қасиеттер жүйесі. Алайда қоғамның қарқынды дамуы мұғалімнен инновациялық мінез-құлықты, яғни педагогикалық іс-әрекеттегі белсенді және жүйелі шығармашылықты талап етеді. В. В. Мороз бойынша , шығармашылық инновация мен ашылудың негізі ретінде адамға өз іс-әрекетінің инновациялық нәтижесін алуға мүмкіндік береді [3], бұл бізді болашақ педагогтың маңызды қасиеттерінің бірі ретінде инновацияға дайын болу туралы ойлануға мәжбүр етеді.
К.К. Платонов педагогтың шығармашылық қабілетін оның ақыл-ой белсенділігімен байланысты іс-әрекеттегі белсенділігінің жоғары сатысы ретінде қарастырады, осылайша автор шығармашылық белсенділік пен зияткерлікті теңестіреді. [8].
Педагогикада шығармашылықты зерттеудің бүкіл бағыты бар екенін атап өткен жөн - креативті педагогика авторы А. Г. Алейников, оған өнертабыс формуласы түрінде сипаттама береді: "Белгілі бір оқу материалын (оқу пәнін) игеру үшін субъектіге педагогикалық әсері бар креативті бағдарлау ... жалғасы

Сіз бұл жұмысты біздің қосымшамыз арқылы толығымен тегін көре аласыз.