Жалақы көлемін критерилер бойынша анықтау

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

ТАПСЫРМА:

1. Конспект даярлау

2. Жалақы көлемін қандай критерилер бойынша анықталады - тақырыбында баяндама жасау

2. Еңбек құқығының негіздері.

1. Демалыс уақыты.

2. Жалақы

3. Демалыс уақыты

Демалыс уақыты-қызметкер еңбек міндеттерін орындаудан босатылған және өз қалауы бойынша пайдалана алатын уақыт.

Күнделікті жұмыс (ауысым) ішінде жұмыскерге тынығуға және тамақтануға арналған ұзақтығы жиынтығында кемінде бір сағат үзіліс берілуге тиіс. Бұл үзіліс жұмыс уақытына кірмейді және қызметкер өз қалауы бойынша пайдаланады.

Өндіріс жағдайлары бойынша үзіліс беру мүмкін болмайтын жұмыстарда жұмыс беруші жұмыскерді жұмыс уақытында тынығу және тамақтану мүмкіндігімен қамтамасыз етуге міндетті. Мұндай жұмыстардың тізбесі, демалуға және тамақтануға арналған тәртіп пен орын жұмыскерлердің өкілдерімен келісім бойынша жұмыс берушінің актілерімен немесе ұжымдық шартпен белгіленеді.

Арнайы үзілістер:

"Жылдың суық мезгілінде ашық ауада, жылытылмайтын жабық үй-жайларда жұмыс істейтін, тиеу-түсіру жұмыстарымен айналысатын қызметкерлерге жылыну және демалу үшін арнайы үзілістер беріледі. Арнайы үзілістер жұмыс уақытына қосылады.

Бір жарым жасқа дейінгі балалары бар жұмыс істейтін әйелдерге демалуға және тамақтануға арналған үзілістен басқа, баланы тамақтандыруға арналған әрбір үш сағат сайын ұзақтығы кемінде отыз минут қосымша үзілістер беріледі.

Бір жарым жасқа дейінгі екі немесе одан да көп бала болған кезде қосымша үзілістің ұзақтығы кемінде бір сағат болып белгіленеді. Баланы тамақтандыруға арналған үзілістер жұмыс уақытына қосылады және ақы төленуге жатады»

Жұмыскердің жұмыстың аяқталуы мен оның келесі күні (ауысымда) басталуы арасындағы күнделікті тынығуының ұзақтығы 12 сағаттан кем болмауы тиіс.

Демалыс күндері:

Бес күндік жұмыс аптасында қызметкерлерге аптасына екі демалыс күні, ал алты күндік жұмыс аптасында - бір күн беріледі.

Жалпы демалыс күні-жексенбі. Бес күндік жұмыс аптасы кезіндегі екінші демалыс күні жұмыс берушінің актісімен немесе жұмыс кестесімен белгіленеді. Егер ұжымдық және жеке еңбек шарттарында өзгеше белгіленбесе, екі демалыс күні қатарынан беріледі.

Мұсылман күнтізбесі бойынша атап өтілетін Құрбан айттың бірінші күні, 7 қаңтар-православиелік Рождество демалыс күндері болып табылады.

Мереке күндері: 1-2 қаңтар-Жаңа жыл; 8 наурыз-Халықаралық әйелдер күні; 22 наурыз - Наурыз; 1 мамыр - Қазақстан халқының бірлігі мерекесі; 7 мамыр - Қазақстан армиясының күні, 9 мамыр - Жеңіс күні; 30 тамыз - ҚР Конституциясы күні; 16 желтоқсан - Тәуелсіздік күні.

Мереке күндері жұмыс күндеріне сәйкес келген жағдайда және жұмыс уақытын ұтымды пайдалану мақсатында Қазақстан Республикасының Үкіметі демалыс күндерін басқа жұмыс күндеріне ауыстыруға құқылы.

Үздіксіз жұмыс істейтін ұйымдардағы демалыс күндері:

Өндірістік-техникалық жағдайлар бойынша немесе халыққа ұдайы үздіксіз қызмет көрсету қажеттілігі салдарынан демалыс күндері жұмысын тоқтата тұру мүмкін болмайтын ұйымдарда, сондай-ақ үздіксіз өндірісі бар ұйымдарда демалыс күндері жұмыс берушінің актілерімен бекітілген ауысым кестесіне сәйкес қызметкерлердің әрбір тобына аптаның әр күндері кезекпен беріледі.

Жеке еңбек шарты бойынша жұмыс істейтіндерге жұмыс орны (лауазымы) мен орташа жалақысы сақтала отырып, жыл сайынғы ақы төленетін еңбек демалысына кепілдік беріледі.

Еңбек демалысына ақы төлеу ол басталғанға дейін күнтізбелік үш күннен кешіктірілмей жүргізіледі.

Егер жұмыскерлердің жекелеген санаттары үшін басқа нормативтік құқықтық актілерде, жеке еңбек, ұжымдық шарттарда және жұмыс берушінің актілерінде көбірек күн саны көзделмесе, жұмыскерлерге ұзақтығы кемінде күнтізбелік он сегіз күн болатын жыл сайынғы ақы төленетін еңбек демалысы беріледі.

Қызметкерлердің жекелеген санаттары үшін ұзақтығы көп демалыс көзделеді (мемлекеттік қызметшілер үшін күнтізбелік 30 күн; педагогтар үшін күнтізбелік 56 күн) .

Жалақы сақталмайтын демалыстар:

Тараптардың келісімі бойынша қызметкердің өтініші негізінде оған жалақысы сақталмайтын демалыс берілуі мүмкін.

Жүктілік және босану бойынша демалыстар. Бала асырап алған әйелдерге (еркектерге) берілетін демалыстар

Әйелдерге жүктілігі және босануы бойынша босануға дейін ұзақтығы күнтізбелік жетпіс күн және босанғаннан кейін күнтізбелік елу алты (қиын босанған немесе екі немесе одан көп бала туған жағдайда - жетпіс) күн демалыс беріледі. Есептеу жиынтықтап жүргізіледі және демалыс әйелге босанғанға дейін нақты пайдаланған күндерінің санына қарамастан, ұйымдағы жұмысының ұзақтығына қарамастан, осы кезеңдер үшін жүктілігі және босануы бойынша жәрдемақы жұмыс берушінің қаражаты есебінен төлене отырып, толық беріледі.

Жаңа туған нәрестелерді тікелей перзентханадан асырап алған әйелге (ер адамға) бала асырап алған күннен бастап және бала туған күннен бастап елу алты күн өткенге дейінгі кезеңге, оларға осы кезеңде ұйымдағы жұмысының ұзақтығына қарамастан, жұмыс берушінің қаражаты есебінен жәрдемақы төлене отырып, демалыс беріледі.

Үш жасқа дейінгі балалары бар аналарға, бала асырап алған әйелдерге (еркектерге) жалақысы сақталмайтын қосымша демалыс

Жүктілігі және босануы бойынша демалыстардан басқа әйелге оның өтініші бойынша бала үш жасқа толғанға дейін оның күтіміне байланысты жалақы сақталмайтын қосымша демалыс беріледі. Қосымша демалыс уақытында жұмыс орны (лауазымы) сақталады.

Тікелей перзентханадан жаңа туған балаларды асырап алған әйелдердің (ерлердің) өтініші бойынша осы кезеңде жұмыс орны (лауазымы) сақтала отырып, бала үш жасқа толғанға дейін оның күтіміне байланысты жалақы сақталмайтын қосымша демалыс беріледі.

Бұл демалысты бала үш жасқа толғанға дейін кез келген уақытта толық немесе бөліп-бөліп пайдалануға болады.

4. Жалақы

Жалақы-еңбек үшін оның күрделілігіне, саны мен сапасына сәйкес сыйақы (кіріс) .

Жұмыс беруші қызметкердің еңбегіне Заңға, жеке еңбек, ұжымдық шарттарға сәйкес ақы төлеуге міндетті.

Қызметкерлердің еңбегіне уақыт бойынша, кесімді немесе өзге де еңбекақы төлеу жүйелері бойынша ақы төленеді. Ақы төлеу жеке және (немесе) ұжымдық еңбек нәтижелері үшін жүргізілуі мүмкін.

Қызметкердің жалақысы орындалатын жұмыстың саны мен сапасына, күрделілігіне қарай айқындалады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.