ЕГЕМЕН ҚАЗАҚСТАН ГАЗЕТІНДЕГІ ТУҒАН ЖЕР, ҚАЗАҚСТАННЫҢ КИЕЛІ ЖЕРЛЕР ГЕОГРАФИЯСЫ ЖОБАЛАРЫ ТАҚЫРЫБЫНДА ЖАЗЫЛҒАН МАТЕРИАЛДАРҒА ТАЛДАУ

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

ЕГЕМЕН ҚАЗАҚСТАН ГАЗЕТІНДЕГІ ТУҒАН ЖЕР, ҚАЗАҚСТАННЫҢ КИЕЛІ ЖЕРЛЕР ГЕОГРАФИЯСЫ ЖОБАЛАРЫ ТАҚЫРЫБЫНДА ЖАЗЫЛҒАН МАТЕРИАЛДАРҒА ТАЛДАУ

Молдағалиева Мөлдір Асқарқызы
Moldir_05.94@mail.ru
Л. Н. Гумилев атындағы ЕҰУ-дің журналистика және саясаттану факультетінің 2-курс магистранты
Ғылыми жетекшісі - Абдрахманов Сауытбек Абдрахманұлы
Нұр-Сұлтан, Қазақстан

Аңдатпа: Мемлекет пен халық үшін аса маңызды дерек пен айтулы оқиғаны БАҚ таратады. Ел мен жер игілігіне бағытталған шаралар БАҚ арқылы дәріптеліп, нәтижесі көрсетіліп, тиімді жақтары ұсынылады. Сол сияқты Қазақстан халқының үшінші жаңғыруына арналған ҚР Тұңғыш Президентінің Рухани жаңғыру бағдарламасы жайлы материалдар 2017 жылдан бері газет беттерінен түспей келеді. Не айтылды, қандай нәтижелермен қуантты? Дәл қазір Рухани жаңғыру бағдарламалық мақаласындағы Туған жер, Қазақстанның киелі жерлер географиясы жобалары бойынша Егемен Қазақстан газетіндегі бірқатар материалдарға талдау жасап өтейін.

Кілт сөздер: Рухани жаңғыру, туған жер, Қазақстанның киелі жерлер географиясы, мерзімді басылым, мақала, талдау, жоба, Егемен Қазақстан

Осыдан 3 жыл бұрын жарыққа шыққан ҚР Тұңғыш Президенті - Елбасы ұсынған Рухани жаңғыру жобасы елде үлкен резонанс туғызды. Аталмыш бағдарлама бүгінгі күнге дейін өз маңыздылығын жойған жоқ. Бұл қазақ елінің дамуы мен жаңғыруы жолында аса маңызды рөлге ие Қазақстанның Тұңғыш Президенті ұсынған құжат десек қателеспейміз. Елбасы өз мақаласында дамудың бірнеше бағыттарын айқын көрсетті, бұл жолда не істеу керектігін де айтты, нақты тапсырмалар да берілді. Сол сәттен бастап әрбір жауапты сала өз міндеттері бойынша жұмыс атқарып кетті. Ал осы бағытта бұқаралық ақпарат құралдары, оның ішінде мерзімді басылымдардың ұсынары не? Бұл сұраққа осы зерттеу жұмысымда жауап беріп көрейін.
Елбасы ұсынған бағдарламалық мақалада ел мен жер дамуының бірнеше бағыты көрсетіліп, түрлі жобалардың тұсауы кесілді. Олардың барлығы тіл, мәдениет, тарих, білім, жер секілді кесек-кесек мәселелерге арналған. Осы уақытқа дейін түрлі басылымдарда айтылған тақырыптардың барлығы бойынша материалдар жазылып, көпшілік талқылауына түсіп үлгерді. Мерзімді басылым беттерінде аталған жобалар аясында атқарылып жатқан жұмыстар, оның маңызы, нәтижелері мен тиімділігі жан-жақты жазылып жатыр. Соның ішінде республикалық нөмірі бірінші газет Егемен Қазақстан басылымы Рухани жаңғыру мәселесіне аса үлкен маңыз қойып, әр санында бір емес, бірнеше мақаладан жариялап отырды. Соның ішінде Рухани жаңғыру бағдарламасы аясында жүзеге асырылып жатқан Туған жер және Қазақстанның киелі жерлер географиясы атты жобаларын жүзеге асыру туралы мақалаларының орны ерекше. Олар Елбасымыз айтпақшы: Жер шарының өзіңе қатысты аумағында және өз еліңнің айналасында не болып жатқанын түсінуге мүмкіндік береді [1].
Елбасы Н.Назарбаевтың Болашаққа бағдар: рухани жаңғыру бағдарламалық мақаласында келтірілген Туған жер жобасында Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады [1] деп өте тамаша айтылған. Ал осыған байланысты материалдар легі Егемен Қазақстан газетінде керемет жазылғанына көз жеткіздік. Солардың бірі 2020 жылғы 30 сәуірде жарық көрген Гүлдей жайна, кіндік кескен Көктерегім атты материалды атап өтуге болады. Материалда қызметі өрге дөңгелеген кәсіпкер азаматтың өз туған жеріне көрсеткен көмегі туралы жазылған. Кәсіпкер кіндік қаны тамған мекені Ақмола облысы, Зеренді ауданы, Көктерек ауылының көркеюі үшін қомақты қаражат бөліп, елді мекенді абаттандыру жұмысына үлкен үлес қосқандығы айтылады. Сондай-ақ, ауыл іргесіндегі киелі жерлерді жөндеу жұмыстарына да белсене қатысып, аймақты барынша гүлдендіруге тырысатыны көрінеді. Иә, Елбасы ұсынған Туған жер жобасының көздеген мақсаты да осы, белді қызмет иелері мен кәсіпкерлердің туып өскен жерлеріне өз қаражаты есебінен қандай да болсын көмек көрсетуді, сол арқылы ел мен жерді көркейту. Бұл мінддет те орындалып жатыр. Ал басылым беттері бұл туралы барынша шынайы әрі нақышты ақпарат беріп отыр. Осы сияқты биылғы 17 сәуірде басылып шыққан Ақмоладағы алғашқы діни нысандар қалай және қашан пайда болды? деген мақаланы ерекше атап өткен жөн. Себебі бұл материал өскелең ұрпақты туған жер тарихын білуге, өлкетану жұмыстарын жүргізіп, отансүйгіштікке тәрбиелейді. Ал бұл мақсаттар Елбасы ұсынған бағдарламалық мақаланың Туған жер жобасын іске асыру бойынша бірінші орында тұр.
ҚР Тұңғыш Президеті - Елбасы Н.Назарбаев Рухани жаңғыру бағдарламалық мақаласында: Жергілікті нысандар мен елді мекендерге бағытталған Туған жер бағдарламасынан бөлек, халықтың санасына одан да маңыздырақ - жалпы ұлттық қасиетті орындар ұғымын сіңіруіміз керек. Ол үшін Қазақстаның қасиетті рухани құндылықтары немесе Қазақстанның киелі жерлерінің географиясы жобасы керек [1] деп атап өтті. Бұл айтлаған ойға байланысты Егемен Қазақстан газетінде бірнеше салмақты материалдар жарық көрген. Солардың бірі - басылымның 2020 жылғы 19 қазан айында Тарих айдарымен басылған Бақты туралы біраз сөз мақаласы. Бұл Орталық Қазақстан өңірі бойынша Арқаның бес қазылығына кіретін Кент қазылығы мен Боқты қазылығының ортасында орналасқан
Қазіргі Бақты ауылына, онда орын алған ірі-ірі тарихи оқиғалар желісіне құрылған өте тағылымды, терең тарихтан сыр шертетін, тың ақпараттар жазылған, көлемді материал. Бір кішкентай ауылға арналған материалдан ... жалғасы

Сіз бұл жұмысты біздің қосымшамыз арқылы толығымен тегін көре аласыз.