Реферат құрылымы

Жұмыс түрі: Курстық жұмыс
Тегін: Антиплагиат
Көлемі: 17 бет
Таңдаулыға:

Қожа Ахмет Ясауи атындағы Халықаралық Қазақ-Түрік университеті Әлеуметтік гуманитарлық ғылымдар факультеті
Білім технологиялары кафедрасы
Педагогикалық мамандыққа кіріспе пәні бойынша
БӨЖ тапсырмасы
Тақырыбы:Бастауыш сынып мұғалімдерін даярлауда реферат, курстық жұмыс жазуға қойылатын талаптар. Мамандығы 6B01303 Бастауышта оқыту педагогикасы мен әдістемесі Оқытушы: Білім технологиялары кафедрасының профессоры: Ортаев Б Орындаған : Мұсабай Ақжарқын . Тобы: ППМ-111

Күні 19 11. 2021ж
Түркістан-2021ж

Жоспар I Кіріспе 1. Студенттердің өз бетінше жұмыстары. 2. Рефрерат құрылымы. 3. Курстық жұмыс құрылымы. II негізгі 1. Реферат жазуға қойылатын талатар 2. Курстық жұмыс жазғанда қойылатын талаптар 3. Курстық жұмыс пен реферат жазғанда кесте, сурет т.б қосымшаларды кірстіру әдебі. III Қорытынды 1. Курстық және реферат жұмыстары негізінде болашақ маман даярлау.
IV Пайдаланылған әдебиеттер мен сілтемелер

I Кіріспе 1. Студенттердің өз бетінше жұмыстары Бүгінгі күні бүкіл дүниежүзілік білім беру тәжірибесіне жүгінетін болсақ, жылдам қарқынмен оқыту үрдісін жетілдіруде студенттердің өз бетінше білім алу және білімді шығармашылықпен игеру деңгейін арттыруға көбірек көңіл бөлініп отыр. Оқытушылар студенттердің өз бетінше жұмыстарын орындау барысында білімді жеке тұлғаға бағыттауына, оның қабілетін, дарынын дамытуға, студенттердің өздігінен білім алуына ықпал етуі тиіс. Пәнді оқытуда қалыпты сабақ беру әдісін жаңа мазмұнда ұйымдастыру, тиімді әдіс-тәсілдер мен озық технологияларды пайдалану, студенттердің өз бетінше жұмысының сапалы болуына, өз бетінше жеке тұлға болып қалыптасуына әсер етеді.
Өз бетінше оқу жұмыстары үлкен тәрбиелік мәнге ие, ол болашақ педагог тұлғасын қалыптастыруда маңызды рөл атқарады. Яғни, біз мұғалімдер болашақ мамандар даярлауда студенттердің өз бетінше жеке тұлға болып қалыптасуын басты назарда ұстағанымыз жөн.
Педагогикада өз бетінше жұмыс деп берілген тапсырманы оқытушының басшылығымен, оның тікелей қатысуынсыз, студенттердің өздері атқаратын жұмыс түрлерін айтады. Студенттер өз бетіншежұмыстарды орындай отырып, сыни және шығармашылықты ойлауы дамып, түрлі ақпарат көздерінен белгілі тақырыпта жаңа ақпарат таба білуге, өз ойын, пікірін қосуға үйренеді. Сондықтан да берілген өзіндік жұмысы тапсырмасының мазмұны мәселелік жағдаят туғыза отырып, студенттердің ойлау қабілетін дамытуы тиіс. Өз бетінше орындалатын жұмыстың тиімділігі оны дұрыс ұйымдастыруға байланысты. Ол үшін мынадай жағдайларды ескерген жөн:
:: Студенттердің өз бетінше жұмыстарын жоспарлау, тақырыбын белгілеу;
:: Өз бетіншежұмыс мазмұнын түрлендіру;
:: Пайдаланылатын әдіс-тәсілдерін анықтау;
:: Студенттердің жұмыстарына бағыт беріп, басшылық жасау;
:: Жұмысты тексерудің тиімді тәсілдерін белгілеу;
:: Өз бетінше жұмыстың қорытындыларын шығару
Яғни, студенттердің қандай әдіс-тәсілдерді пайдаланатынын анықтап, жұмыстарына бағыт беріп отыру керек. Соңында барлық студенттермен бірге жұмыстарына қорытынды шығарып, кеткен қателері болса түзеп, әруақытта оқытушы басшылық жасап отыруы тиіс. Cтуденттің өздік жұмысын ұйымдастырудың жолдарын қарастырған әдіскер М.И. Қожамбердиева студенттердің өздік жұмыстарын ұйымдастыру және өткізу технологиясы мынадай элементтерден тұратынын атап көрсетеді:
- студенттердің өздік жұмыстарын жоспарлау,
- әдістемелік қамтамасыз ету,
- бақылау және орындалу бағасы,
- талдау және жетілдіру.
Студенттердің өз бетінше жұмысын ұйымдастыруда әр түрлі тапсырмаларды орындауға болады. Бұл тапсырмалар белгілі бір шығармашылық жұмысқа бағытталады немесе ғылыми жұмыстың бір бөлігі ретінде орындалады. Оқытылатын пәннің тақырыптары әрбір жекелеген модульге байланысты болып келеді. Оқыту үрдісінде студенттердің өз бетінше орындалатын жұмысын ұйымдастырудың басты негізінде оқытудың модульдік технологиясы үлкен мәнге ие. Әр модульдің тақырыптары мен материалдары алдыңғы модульге негізделеді, оны жүйелей отырып, бекітеді. Сонымен қатар бұл жұмыстарды ұйымдастыруда әр студенттің игеріп жатқан мамандығына сәйкес әр түрлі тақырыптар мен тапсырмаларды ұсынуға болады.
Болашақ мұғалім кадрлары дайындауда мынадай зерттеу жұмыстары өткізіледі: баяндама, реферат, педагогикалық тапсырмаларды шешу, педагогикалық практикадағы шағын зерттеулер және т.б. Болашақ мұғалімдердің ғылыми зерттеу түрлерінің ең жоғары формасы курстық және дипломдық жұмыс. Бір жыл ішіндегі нақты тақырыппен жұмыс жасау, ал дипломдық жұмыспен 2-3 жыл аралығындағы оқу бітіруші студенттерге өздері зерттейтін мәселенің тек теориялық жағымен танысып қоймай, сондай-ақ практикалық жағын ұштастырып, ғылыми-педагогикалық зерттеулердің негізгі әдістерін меңгеруі өте маңызды.
Студенттердің өзіндік жұмысын ұйымдастыруға қажетті жағдайлар:
-анықтамалық, оқу-әдістемелік және ақпараттық-коммуникациялық материалдардың болуы және қолжетімділігі;
-бақылау және бағалау жүйесі;
-мұғалімнің консультациялық көмегі;
-оқу-әдістемелік құралдармен қамтамасыз ету;
-студенттердің өздерінің дайындығы.
Ал енді менің зерттеу тақырыбым реферат және курстық жұмыс жайлы болғандықтан осылар жайлы толық тоқталсақ. 2. Реферат құрылымы. Реферат (латынша referat - баяндасын, refero - баяндаймын) - кітап мазмұны, ғылыми жұмыс, ғылыми зерттеу қорытындылары туралы көпшілік алдында қысқаша баяндау, хабарлау; белгілі бір тақырыпта әдеби және басқа да материалдарды шолу негізінде жасалатын баяндама. Реферат ғылыми-ақпараттық сипатта болады. Тақырыпты объективті тұрғыда толық баяндаумен қатар ғылыми қорытындыларға талдау жасалып, сын айтылады. Реферат ғылыми мекемелер мен жоғары оқу орындарында ізденушілерді ғылыми ізденіс пен талдауға баулу мақсатында қолданылады. Арнаулы орта оқу орындары, жалпы білім беретін мектептер оқушыларының үйірме, клубтарында жасалатын баяндамалар да, ғылым кандидаты немесе докторанты дәрежесін алу үшін диссертация қорғаушының авторефераты да Рефератқа жатады. Рефератпен жұмыс жасаудың 4 негізгі бағыты көрсетіледі:
1.
Рефератпен жұмыс істеудің негізгі кезеңдері
2.
Рефераттың құрылымы
3.
Рефератты ресімдеудегі талаптар
4.
Рефератты қорғау
1.Рефератпен жұмыс істеудің негізгі кезеңдері
- тақырыпты таңдап онымен танысу;
- реферат тақырыбы бойынша ақпарат көздерін табу
- әдебиттерді зерттеу
- жиналған материалдың жүйелілігі
- рефератты жазу
Рефератты жазудағы ең басты кезеңнің бірі - тақырыпты таңдау. Реферат сәтті болуы үшін қажетті материалдар мен әдебиттерді іздеп табу керек. Әдебиеттерді зерттеуді тақырып атауынан бастау керек. Әдебиетті зерттеген кезде оларға кейін көңіл аудару үшін негізгі ойлар мен ережелерді, дәлелдерді, дәлелдемелерді, тұжырымдамаларды белгілеп алу керек. Келтірілген деректер мен маңызды тұжырымдамаларға көңіл бөліңіз, ыңғайлы болу үшін оларды карточкаларға жазып қойыңыз. Карточкалар мен конспекттерді қарап шығу нәтижесінде қажетті мәлімет рефераттың мақсаты мен міндеттеріне сәйкес жіктеледі. Осы кезеңде жұмыстың соңғы жоспары анықталып, материалдың ой салуымен жаңа сюжеттер пайда болады. Егжей-тегжейлы жоспар жасау қажет. Сол уақытта рефераттың негізгі бөлігінің жалпы құрылымы анықталады.
Материалды топтастыру - техникалық жұмыс емес. Деректерді іріктеудің өзі жұмыс болжамдарын әзірлеуді көздейді. Бұл ретте барлық тарау толығымен материалмен қаматамасыз етілмеуі мүмкін. Ол карточкаларды тараулар бойынша жіктеген кезде анықталады. Мұндай жағдайда дереккөздерді қайтадан қараған немесе рефераттың жалпы құрылымын не жеке бөліктерін қарап шыққан дұрыс. Материалды жүйелеудің соңғы нәтижесі бір мағыналы қатаң тексерілген тұжырымдама жасау болып табылады.
Рефератты жазу - соңғы кезең болып табылады. Әрбір тармағы материалмен қамтамасыз етілген, жақсы ойластырылған жоспар болса, реферат жазу қиындық әкелмейді. Рефератты кіріспеден емес, негізгі бөлімнен бастап жазған дұрыс. Негізгі бөліммен жұмыс жасау барысында ғана әдебиеттер мен дереккөздерді түсінуге болады. Шығармашылық үдерісі нәзік әрі дара болып келеді. Барлық авторларға ортақ мынадай ережелер бар:
- жұмыстың жүйелілігі
- тиянақтылық
- асығыстықтың болмауы
2. Рефераттың құрылымы :Рефераттың белгілі бір тақырыпты зерттеу нәтижесінің жазбаша түрдегі қысқаша баяндауы ретінде белгілі бір құрылымы бар.
- рефераттың жоспары (бөлімдер мен тармақтарды көрсету керек)
- кіріспе (тақырыптың өзектілігі, рефераттың жазудың мақсаты)
- негізгі бөлім
- қорытынды (нақты, қысқаша 1-2 бет болуы керек )
- пайдаланылған әдебиеттер тізімі
Кіріспе мен қорытынды негізгі бөлім бойынша жасалған жұмысты түсіндіруі керек.
Кіріспе - рефераттың міндетті және маңызды бөлігі. Ол арқылы жасалған жұмыс деңгейін, рефераттың мақсатының түсіндірілуін және оның жұмыста қаншалықты дербес екенін анықтауға болады. Кіріспеде дәйекті түрде тақырыптың өзектілігі айтылады (дәлелдеу). Не себепті берілген сұрақ ғылыми қызығушылық тудыратындығын көрсету және ұсынылатын материал мен қазіргі заманның байланысы бар ма екендігін айту.
Кіріспе құрылымды келесі сөздермен "Реферат кіріспеден, ... тараудан, қорытындыдан тұрады. Кіріспеде жұмыстың негізгі идеялары көрсетілген. 1-ші тарау ... арналады, 2-ші тарауда ... сөз болады. Қорытындыда негізгі тұжырымдар көрсетіледі" сипаттаумен аяқталады.
Негізгі бөлім берілген тақырыпты зерттеуге арналған. Бұл бөліктің атауы реферат атауымен аталады. Бұл бөлік ең үлкен болып, жұмыстың 32 бөлігін алуы керек. Барлық тараулар мен тармақшаларда қысқаша әрі нақты атау болу керек. Материалды баяндауда қисынды сақтау керек. Рефераттың негізгі бөлімінде түрлі дереккөздерінен алынған мәліметтерден басқа келтірілген деректерге сүйенетін, яғни жұмысты толық немесе оның кез келген жеке тармақшасын құруға арналған міндет - зерттеме - қорытынды формуласын пайдалану арқылы өзіңіздің пікірлеріңіз бен қисынға келтірілген тұжырымдарыңыз болғаны дұрыс.
Қорытынды негізгі бөлімнен шығып нақты әрі қысқаша болуы керек. Пайдаланылған әдебиеттер тізімі - тақырыпқа байланысты бүкіл әдебиеттердің емес, осы рефератты жазуда пайдаланылған ақпарат көздерінің тізімі болып табылады. Оған сілтемеде көрсетілген әдебиеттер де кіреді.
3-бөлімі рефератқа қоиылатын талаптар. Бұл жайында БӨЖ-дің негізгі бөлімінде тереңірек тоқталатын боламын. 4. Рефератты қорғау
Сіз рефератты қарап шығуға мерзімінен бірнеше күн бұрын ұсынуыңыз керек. Қорғау кезінде оның негізгі бөлігін айтудың қажеті жоқ. Сол кездің өзінде рефератты қорғау сұрақ-жауап кешіне айналмауы керек, ол бәрін айтып шығуға мүмкіндік бермейді. Өз жауабыңызды сауатпен және қисынмен негіздеңіз. 5-15 мин ішінде рефераттың өзектілігі жайлы, қойылған мақсат пен міндеттер туралы, зерттелген материал, негізгі бөлімнің құрылымы жөнінде, жұмыс барысында жасалған тұжырымдарыңызды айтып үлергеніңіз маңызды.
Нәтижесінде реферат бірнеше мәселе бойынша бағаланады:
- рефератқа қойылатын ресімді талаптардың сақталуы;
- тақырыпты сауатты ашу;
- ұсынылған реферат туралы айқын айта білу;
- қойылатын сұрақтарды түсіну қабілеті мен оларға нақты жауаптар таба білу.
3. Курстық жұмыс құрылымы. Курстық жұмыс - студенттің жыл бойына орындайтын оқу жұмысының міндетті түрі. Курстық жұмыс студенттің өзбетіндік зерттеу жұмысы боп табылады және педагогика, психология немесе жеке әдістемелер саласындағы бір мәселенің мәтін түрінде рәсімделіп, логикалық аяқталған ғылыми зерттеу түрін қамтиды. Курстық жұмыс студенттің оқу сабақтары мен оқу жұмысының бақылау формасының негізгі түрін көрсетеді, бұл студенттердің теориялық білімдерін және оларды қолданудың практикалық дағдыларын, олардың ғылыми бейімділігі мен қызығушылығының деңгейі анықталады. Мазмұны бойынша курстық жұмыстар реферативтік, практикалық, конструкторлық, технологиялық және тәжірибе-эксперименттік сипатта болады. Курстық жұмысты (жобаны) орындау жоспары
І кезең- дайындық кезеңі. 1.1.Зерттелетін проблеманың әдіснамалық негіздерін анықтау. 1.2.Зерттелетін проблема бойынша әдебиеттерді оқу негізінде тақырыпты таңдау. 1.3.Зерттелетін объектіні анықтау. Объектіден бір үлескені алу. 1.4. Зерттеу жұмысын ұйымдастырып өткізуге дайындық: әдістемелік әдебиет пен педагогикалық тәжірибені тақырыпқа сай оқып, зерттеп, Әдістемелік әдебиет пен педагогикалық тәжірибеге шолу деген тақырыпта мәтін құрастыру; тақырыпты нақтылау, жоспарын жасау; зерттеудің гипотезасын, мақсат, міндеттерін тұжырымдау; зерттеу әдістерін, зерттеу жұмысы жүргізілетін білім беру ұйымдарын таңдау. ІІ кезең - тәжірибе жұмыстарын дайындау және жүргізу. 2.1. Тәжірибе жұмысын жоспарлау. шағын эксперимент өткізілетін және бақылау тобын анықтау; диагностикалық әдістемені, зерттелетін объектіні бақылау және белгілеу әдістемесін нақтыландыру; зерттелетін тақырыпқа сай балалармен өткізілетін оқу сабақтарының, сыныптан тыс тәрбиелік іс - шаралардың конспектілерін жазу. зерттеу нәтижелерін талдайтын әдістемені жасау. мұғалімдерден кеңестер алу. 2.2. Тәжірибе өткізу. анықтайтын эксперимент өткізіп, оқушылардың бастапқы деңгейлерін анықтау; соған сай оқу сабақтарын, тәрбиелік іс шараларды өткізіп, гипотеза дұрыстығын тексеру; қалыптастырушы экспериментті талдау, гипотезаны нақтыландыру, тәжірибе жұмысының мазмұнына толықтырулар енгізу. тәжірибе жұмысындағы кемшіліктерді және жетістіктерді жазып, оған әсер еткен психологиялық - педагогикалық жағдайларды анықтау, келеңсіз құбылыстарды жою жолдарын белгілеу. ІІІ кезең - курстық жұмысты безендіру. 3.1. курстық жұмысты аяқтау: дайын мәтіндерді бөлімдерге енгізу; қорытындылар жазу; кіріспе жазу; соңғы сөзді құрастыру; әдебиеттердің тізімін құрастыру; суреттер тізімін құрастыру; қосымшалар құрастыру. 3.2. Курстық жұмыстың мазмұнын құрастыру 3.3. Мұқабасын безендіру.
II негізгі 1. Реферат жазуға қойылатын талатар Рефератты ресімдеудегі талаптар
1.
Көлемі 10 беттен кем емес, А4 форматында, шрифті - 14 Times New Roman немесе 12 Arial KZ, интервалы 1,0.
2.
Титулдық бетте рефераттың тақырыбы мен кітапхана көрсетіледі.
3.
Рефераттың жазылуының жылы мен орны астыңғы жақта ортасында, жеке бетте конкурсқа қатысудың сұранымы болады. Сұраным формасы:
Қатысушының аты-жөні, тегі:
Жасы
Қысқаша биографиясы (эссе)
Кітапхана
Тақырыбы
Мекен-жайы, байланыс телефоны, e-mail
4.
Беттің форматы - А4 (кітап). Парақтың форматы - бір бет. Беттің параметрлері: жоғарғы және төменгі - 2 см, сол жақта - 3 см; он жақта - 1,5см. Негізгі мәтіннің шрифті Times New Roman немесе Times New Roman KZ; шрифтің көлемі - 14 кегль; қызыл жол - 0,8 см. Кесте ішіндегі мәтіннің шрифті - 9 кегль
5.
Орналастыруы - формат бойынша; жол арасындағы интервал - 1,0; тасымалдау автомат түрінде.
6.
Беттердің номерлері қойылғанда: шрифтің көлемі - 10 кегль, орналасуы беттің ортасында.
7.
Реферат беткі парақтан, мазмұнның жоспарынан, кіріспеден, негізгі бөлімнен, түйіннен, тұжырымынан, пайдаланған әдебиеттің тізбесінен құралу керек
8.
Төменде түсіндірме мысалдары келтірілген. Тараудың тақырыбы (кіші бөлім) мен мәтін арасындағы қашықтық 2,5 интервалға тең болуы керек. Алайда, субтитр мен кейінгі мәтін арасындағы қашықтық 2 интервалдан, ал мәтіннің жолдарының арасы 1,5 болуы керек. Тараудың тақырыбына арналған шрифт өлшемі - 16 (қалың), субтитр - 14 (жуан), ал жұмыстың мәтіні - 14. Парақтың ортасында тақырыптар соңында нүкте жоқ. Айдарлар сызылмаған. Абзацтар жаңа жолдан басталып, шегінісі 1,25 сантиметрді құрайды. Мазмұны (мазмұны) жұмыстың басында орналастырылуы керек.
9.
Беттер мәтін бойынша үздіксіз нөмірлеуді сақтай отырып, араб цифрларымен нөмірленуі керек

Рефераттың мазмұнына қойылатын талаптар:
1.
Рефераттағы материалдарды нақты, әрі айқын келтіру қажет. Реферат мәтінінің мазмұны жағынан да, форма жағынан да қолжетімді болуы болуы шарт.Рефератта аитылатын материалдар қатаң түрде тақырыпқа қатысты болуы керек.
2.
Мәселенің негізгі аспектілерін тек сауатты түрде ғана емес , сонымен бірге белгілі бір логикаға (хронологиялық, тақырыптық, оқиғалық және т.б) сәйкес көрсетілуі қажет.
3.
Мазмұндау кезінде әртүрлі авторлардың идеялары мен көзғарастарын топтастыру қажет.
4.
Реферат жүргізілген зерттеу жұмыстарын міндетті түрде қортындылау керек.Қысқаша талдауды қарастырып отырған сұрақ бойынша өзіңіз келісетін көзғарастың артықшылықтарын негіздеуі керек
Рефератпен жұмыс жасаған кезде ақпарат көздеріне сілтеме жасап, сонымен қоса оларды дұрыс ресімдеу керек.
Сілтемені:
- дәйексөздерде
- сандарды, деректерді, атауларды көрсеткенде
- ұйғарымдарды анықтаған кезде жазу керек.
Сілтемелер түрлі тәсілдермен ресімделеді. Мысалы: жолма-жол әр беттегі келтірілген сандар мен дәйексөздер "1-ден бастап әрі қарай" сандармен белгіленеді немесе саны артатын "жұлдызшалармен" белгіленеді, мәтіннің төменгі жағындағы әр беттік сілтеме негізгі бөліктен 3-4 см. сызықпен бөлінеді, сызықтың астында сілтеменің номері мен ... жалғасы

Сіз бұл жұмысты біздің қосымшамыз арқылы толығымен тегін көре аласыз.