Елбасы еңбектерінің жастарды отансүйгіштікке баулудағы рөлі мен маңызы

Жұмыс түрі: Материал
Тегін: Антиплагиат
Көлемі: 14 бет
Таңдаулыға:

Орал қаласы
физика - математика бағытындағы
Назарбаев Зияткерлік мектебі

Қазіргі әлемдегі Қазақстан
Курстық жұмыс

Тақырыптың бағыты: Қоғамды зерделеу

Тақырып: Елбасы еңбектерінің жастарды отансүйгіштікке баулудағы рөлі мен маңызы?

Орындаған: Амангелді Дәулет

Жетекші: Ашимова Д.Т

Орал-2020

МАЗМҰНЫ

КІРІСПЕ 3
НЕГІЗГІ БӨЛІМ 5
1.1 Жинақталған дереккөздерді талдау 5
1.2 Жүргізілген сұхбат және сауалнаманы талдау. 7
1.3 Зерттеу нәтижесін жариялау 13
ҚОРЫТЫНДЫ 15
ӘДЕБИЕТТЕР ТІЗІМІ 16
ҚОСЫМША 17

I. КІРІСПЕ
Қазіргі таңда, жаһанданудан туындаған өскелең ұрпақтың рухани-адамгершілік дамуына теріс әсер ететін батыстық либералдық құндылықтардың кең таралған заманда, халықты, әсіресе жастарды дұрыс тәрбиелеп, отансүйгіштік қасиетін бойларына дарыту ерекше өзекті мәселеге айналды. Себебі, жастар - халықтың техникалық және әлеуметтік дамуға әсер ететін ең үлкен күші, болашақ экономикалық белсенді тұрғындар қатарын толықтыратын стратегиялық қоры. Тәуелсіздігін алғанына небәрі отыз жыл болса да, Қазақстан осы міндетті сәтті орындап келеді. Бұл үрдіске мемлекетке еңбегі сіңген Елбасы Нұрсұлтан Әбішұлы Назарбаевтың қосқан үлесі орасан.

Ресей Федерациясының Президенті Владимир Путин өз кезінде Елбасы туралы Ол әрқашан болашаққа ұмтылатын адам. Бұл таңғажайып қасиет. Біріншіден, ол өзін өте тиімді және тиімді жастармен қоршауды біледі және қасына мықты адамдарды қоюдан ешқашан қорықпайды. Бұл мықты көшбасшының белгісі. Сондай дана, белсенді және талантты басшы - Нұрсұлтан Әбішұлы, - деген еді.

Шынымен де, елбасы əлемдегі өткені мен бүгінгісі ұлы тұғырлы тұлғалардың қатарынан оза шауып, қазақ халқын жəне Қазақстанды дүние жүзіне танытты. Бірінші президенттің еңбектерінің негізін құрайтын асқан көрегендігі, келешекті болжамдап, бағдарлау қасиеті қазақ тарихында алтын әріптермен қашалып жазылатын ұлы істер атқаруда шешуші факторға айналды4. Әсіресе Ұлы даланың жеті қыры секілді жазбаша еңбектерімен қатар Елбасы жолы өмірбаян-киноэпопеясы қартқа да, балаға да үлгі болуға тұрарлық.

Сол себепті, зерттеу жұмысының басты мақсаты - Елбасы Н.Ә.Назарбаев тұлғасының, айтылған қанатты сөздері мен жазбаша жұмыстарының жастарды тәлімдеу, тәрбиелеу жолындағы мәнін түсіндіру.

Зерттеу міндеттері:
* Н.Ә.Назарбаевтың еңбектерінің басты идеясы мен құндылықтарын анықтау;
* Еңбектер мен жолдаулардағы жастарды патриотизмге баулу идеясының мәні мен мазмұнын талдау;
* Еңбектердің қолдану кеңістігін ұлғайтуға бағытталған шараларды бағалап, тиімділігін арттыру жолдарын ұсыну.

Курстық зерттеу жұмысын барынша профессионалды деңгейде жазу мақсатында Елбасының биографиясын жіті зерттеген шетелдік ғалымдардың бірі Джонатан Айткен мен қазақстандық Бимаканова З.Ш. сынды авторлардың тақырыпқа қатысты дәлелденген фактілермен өрілген, тақырыпты толық ашатын еңбектері таңдалып алынды.

Зерттеу жұмысының шынайылығын арттырып мақсатқа жету үшін Орал қаласы тұрғындары арнайы сауалнамадан өтуді ұсынылады. Зерттеу гипотезасы: Елбасының мақалалары мен кітаптары жастар тәрбиелеуде маңызды құрал бола алады. Олар өз елінде брендке айналып, әлемдік аренада табысқа жеткен тұлғаның өмірбаянын көрсету арқылы өзгелерге үлгі болады, патриотизмді насихаттап, өмір құндылықтарына үйретеді.
Берілген зерттеу жұмысы Елбасы еңбектерінің патриотизм перспективасынан құндылығын анықтап қана қоймай, олардың жастардың санасына оң әсерін ұлғайтып жалпыұлттық патриотизм деңгейін арттырудың жолдарын ұсынатын болады.

II. НЕГІЗГІ БӨЛІМ
0.1. Жинақталған деректерді талдау
1. Н.Ә.Назарбаевтың еңбектерінің басты идеясы мен құндылықтарын анықтау

Соңғы жылдары, бірінші президент туралы БАҚ-та болсын, халық ауызында болсын аз жазылып, аз айтылған жоқ; оның негізгі атқарған істері мен биографиясы көпке мәлім, әсіресе тәуелсіздік алған жылдардағы алпауыт еңбегі елге аян. Жиырмасыншы ғасырдың соңында күйреген Кеңестік Одағы мен жаңа туылған тəуелсіз мемлекеттің қалыптасуы секілді тарихи сəттерді өз көзімен көріп, бас қасында жүріп шешуші шешім қабылдауды өз қолына алған бірден бір тарихи тұлға Назарбаев екеніне күмəн жоқ. Жаңа мемлекет құру - оңай іс емес. Осындай маңызды шаруаға Елбасы ұлт тағдыры үшін шешуші маңызды мəселе ретінде жауапкершілікпен қарап, терең ізденіспен, жақсы теориялық біліммен келді.
Л.Н. Гумилев атындағы ЕҰУ ғалымы Ахметшина Г.У. Елбасы еңбектерінің тұғарлы Қазақстан тарихының дереккөзі ретіндегі басты құндылығы, басқа да дереккөздерден негізгі ерекшелігі, сол жылдардағы қоғамдық құбылыстар мен түбегейлі өзгерістердің, қалың ортасында жүріп, ел тағдырын, ұлт тағдырын шешкен шешімдер қабылдаған тұлғаның жазғандығын аса атап өтті. Әрине, Назарбаевтан басқа да қоғам қайраткерлері мен сол сәттерді көзбе-көз көргендер өз мемуарларын, дереккөздерін жазды. Дегенмен де, осы жазбалардың ішінде Елбасы еңбектерінің тарихымыздың түбегейлі өзгерістер кезеңінен ақпарат беретін орны бөлек дереккөздер екені айдан анық.( http:rmebrk.kzjournals66324771 1.pdf#page=21)
Бимаканова З.Ш. айтуынша, Егемендік алғаннан бастап Н.Ә.Назарбаев қай бағытты таңдаймыз, қайда барамыз? сұрағына жауабын, нақты позициясын көрсетті. Бойында гуманитарлық қасиеттерді сіңірген, азаматтық позициясы қалыптасқан, елдегі саяси-әлеуметтік жағдайға бей жай қарамай ықпалын тигізуге қабілетті жас ұрпақ тәрбиелеу, олардың бойында ұлтжандылық, партиотизм сезімдерін қалыптастыру - міне біздің қоғам үшін ең маңызды міндет. Жоғарыда атап өтілген тәуелсіздік алу жолындағы тек Елбасының емес, бүкіл қазақ халқының төгілген тері, содан кейінгі жаңа, заманауи мемлекет құру талпынысы мен қазіргі таңдағы оң нәтиже жастарды тәуелсіздікті құрмет тұтуға үйретеді.
Белоруссия президенті Александр Лукашенко өз кезегінде Қазақ халқының еңбексүйгіштігі мен отансүйгіштігінің арқасында сіздің ел аз ғана жылдар ішінде мемлекеттілікті нығайтуда, әлеуметтік-экономикалық ілгері дамуда, халықаралық қатынастардың беделді қатысушысының имиджін қамтамасыз етуде. Қазақстан жаһандық және өңірлік қауіпсіздікті қамтамасыз ету, посткеңестік кеңістіктегі интеграциялық үдерістерге үлес қосуда. Бұл тамаша нәтижелерге қол жеткізу Тұңғыш Президенттің қазіргі Қазақстанның өркендеуіне қосқан орасан зор жеке үлесі арқасында мүмкін болғаны сөзсіз деп Назарбаевты мақтаған еді.
1. Еңбектер мен жолдаулардағы жастарды патриотизмге баулу идеясының мәні мен мазмұнын талдау

ҚР БҒМ ҒК Мемлекет тарихы институтының жетекші ғылыми қызметкері Қанат Еңсенов өз сөзінде Елбасы еңбектерінің құндылықтарын астын сызып атап өткен болатын. (https:history-state.kz?ELEMENT_ ID=1601)
Тарихи сана қалыптастыру тұжырымдамасы (1995 ж.) мен Қазақстан халқына арналған жолдауларының басы-Қазақстан 2030 стратегиясы (1997 ж.) Кеңестік идеологияның қыспағында болған елден адам факторын қолдану арқылы жаңа мемлекет құру мәселесі қарастырылды. Жоғары деңгейлі қоғам қалыптастыру патриотизм, яғни жастардың елге деген махаббатын ояту қағидалары басшылыққа алынған.
Қазіргі таңда, Н. Назарбаевтың Рухани жаңғыру туралы бастамасының арқасында Қазақстан даласының киелі жерлері мен тарихи ескерткіштерінің мән-маңызы сан қырынан зерттелуде. Бағдарлама барысында еліміздің Ұлттық кітапханасы мамандары 2005-2007 жылдар аралығында Франция, Германия, Ұлыбритания, ж.т.б Батыс Европа елдері кітапханаларында құнды жазба дереккөздерді тауып, ғылыми зерттеу жұмыстарын атқарып, олардың көшірмелерін елге алып келді.
Тарих ғылымдарының кандидаты Жанақова Н.Т. сөзіне сүйенсек, 2004 жылы мақсаты мұражайландыру мен мәдениет ескерткіштерін реставрациялау болып табылатын Мәдени мұра бағдарламасы қабылданған сәттен бастап Арыстан баб, Есімхан зираттары, Айша-Бибі кесенесі секілді жүздеген мәдени-тарихи ескерткіштерді қайта қалпына келтіру жұмыстары жүргізілді. Бұл бастама тіпті шетелге де жетіп, Каирдағы (Египет) Сұлтан Бейбарыс мешіті, Дамасктағы (Сирия) Сұлтан Бейбарыс кесенесі мен Әл-Фараби тарихи-мәдени орталық-кесенесінің құрылысы сәтті аяқталды. Бұл бағдарламаның басты міндеті - өскелең ұрпаққа туған жеріміздің тарихын ұмыттырмай оларға мұра етіп қалдыру, Отанымыз Қазақстанға деген сүйіспеншілігін ояту. (http:bulletin-irr.ablaikhan.kzi ndex.phpj1articleview7344)
Тағы да бір тарихи маңызы зор шара 2013 жылыдың маусымында Астанада (қазіргі Нұр-Сұлтан) өткізілген Халық тарих толқынында бағдарламасы қарсаңындағы әлемге әйгілі тарихшылардың бас қосуы. Картова З.К. мен Сақтаған Г.Е. айтуынша, Шара барысында дүние жүзі елдеріндегі мұрағат деректерінен алынған ел тарихына қатысты құжаттар жүйелі түрде зерттелді, патриотизм мен адамгершілік қағидалары әрбір өсіп келе жатырған азаматтың санасынан табылу керектігі айтылды. Елбасы бастамасымен осы және өзге де құнды құжаттардың қабылданып жатқандығы халық үшін жарқын болашақ құрып ел игілігін арттырудағы нақты қадам екені мәлім. (http:is.nkzu.kzpublishings%7B8 048672A-1B22-4530-A269-46AD8547C960 %7D.pdf#page=106)
Халық арасындағы отансүйгіштік қасиетті дамыту туралы сөз қозғағанда Назарбаевтың Болашаққа Бағдар: Рухани Жаңғыру мақаласы туралы айтпай кету мүмкін емес. Рухани жаңғыру - бұл ең бірінші мемлекетіміздің заманауи сипаттағы буынын қалыптастыратын ауқымды проект. Ол Қоғамдық сананы нығайту үшін атқарылу керек істерді айқындап қана қоймай, әрбір отандасымыздың ғасыр талабына сай прагматик, жаңа білімге ашық, бәсекеге қабілетті әрі саналы ұрпақ өсіруге мүмкіндік береді.
Аталмыш еңбектің атауы да, мазмұны да тың идеяларға қанық. Көлемі жағынан кішкене болғанымен, мақалада қоғамымызды жаңарту үшін ауадай қажет жаңа аспектілер қамтылған. Әсіресе Таяу жылдардағы міндеттер тарауында Елбасының ел ертеңі турасында ойларын нақты фактілермен әдемі өрбітілген: бәсекеге қабілетті ел атану үшін біз ұлттық кодымызды, мәдениетімізді сақтап ... жалғасы

Сіз бұл жұмысты біздің қосымшамыз арқылы толығымен тегін көре аласыз.