Өсу реттеуіштерінің түйежоңышқаның танаптық өнгіштігіне әсері

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Семинар 12.08.2021 Чаглинка. Көкшетау ТӨШ
Тақырыбы: Түйежоңышқаны тұқымға өсірудің инновациялық технологиясы.
Дәріс жоспары:
1. Себу мерзімінің және қоректену аумағының түйежоңышқа тұқымының танаптық өнгіштігіне әсері
Түйежоңышқаның танаптық тұқым өнгіштігі тұқымды себуге дайындауына, өңдеуіне, себу мерзіміне және себу тәсіліне байланысты болады. Себу мерзімінің және қоректену аумағының түйежоңышқа тұқымының танаптық өнгіштігіне әсері 1 кестеде көрсетілген.
Біздің зерттеулерімізде түйежоңышқаның танаптық тұқым өнгіштігі ерте көктемде, яғни - 5-10 мамыр аралығында себілген кезде 31,5% құрады, жазғы себу мерзімінде - 15-20 шілде 50,5% дейін жоғарылап, ең жоғары көрсеткішті көрсетті. Бұл көрсеткіш бақылау нұсқасымен салыстырғанда 41,4% көрсетті.
2. Себу мерзіміне және қоректену аумағына байланысты түйежоңышқа дақылының арамшөптермен ластануы
Себу мерзіміне және қоректену аумағына байланысты тәжірибе танаптарының арамшөптермен ластануы әр түрлі болады. Себу мерзіміне және қоректену аумағына байланысты егістердің ластануы 2 кестеде көрсетілген.
Біздің зерттеулерімізде, бақылау нұсқасында, көктемгі себу мерзімінде себілген түйежоңышқа егістерінің арамшөптермен ластануы жалпы 27,6 данам2 құрады. Соның ішінде көпжылдық арамшөптер 7,2 данам2 астық тұқымдас 15,2 данам2 құрады.
Ерте көктемгі себу мерзімінде себілген түйежоңышқаның арамшөптермен жалпы ластануы 39,9 данам2 болды. Көпжылдық арамшөптермен ластануы 9,3 данам2 деңгейінде, астық тұқымдас 17,4 данам2 болды.
Жазғы себу мерзімінде себілген түйежоңышқа егістерінің арамшөптермен жалпы ластануы 11,8 данам2 деңгейінде болды. Астық тұқымдас және көпжылдық арамшөптер 0,9-2,8 данам2 аралығында болды. Бұл көрсеткіш себу мерзіміне байланысты арамшөптермен ең аз ластанған нұсқа болды.
3. Себу мерзімінің және қоректену аумағының түйежоңышқаның тұқым өнімділігіне әсері
Түйежоңышқаның тұқым өнімділігі агрометеорологиялық жағдайларға, танаптық өнгіштігіне, арамшөптермен ластануына, себу мерзіміне және қоректену аумағына байланысты болды. Себу мерзімінің және қоректену аумағының түйежоңышқаның тұқым өнімділігіне әсері 3 кестеде келтірілген.
Біздің зерттеулерімізде түйежоңышқаның тұқым өнімділігін қалыптастыруға себу мерзімі жақсы әсер етті. Бақылау нұсқасында, көктемгі себу мерзімінде себілген түйежоңышқаның тұқым өнімділігі 2017 жылы 3,34 цга, 2018 жылы 4,28 цга болды. Орта есеппен 3,81 цга ең жоғары тұқым өнімділігін құрады. Ерте көктемде себілген түйежоңышқаның тұқым өнімділігі 2017 жылы 2,45 цга және 2018 жылы 3,56 цга болды, бұл көрсеткіш орта есеппен 2,90 цга құрады. Жазғы мерзімде себілген түйежоңышқаның тұқым өнімділігі 2017 жылы 2,12 цга және 2018 жылы 3,29 цга құрады. Орташа көрсеткішпен 2,75 цга болды.
4. Тұқым жинау тәсілінің түйежоңышқа тұқымының өнімділігі мен сапасына әсері
Түйежоңышқаның ең жоғары тұқым өнімділігі стационарлық және бөлек жинау тәсілінде анықталды. Түйежоңышқаны тұқымға тікелей орып жинаған кезде тұқым өнімділігі орташа есеппен 2,2 цга құрады. 2017-2018 жж. тұқым өнімділігі тікелей орып жинаған кезде 2,0-2,4 цга аралығында болды. Тікелей+Ураган Фортемен өңделіп жиналған нұсқада тұқым өнімділігі орта есеппен 2,5 цга құрады. 2017-2018 жж. тұқым өнімділігі Тікелей+Ураган Фортемен өңделіп жиналғанда 2,7-2,3 цга аралығында болды. Ал, түйежоңышқа тұқымын бөлек жинау тәсілімен жинағанда тұқым өнімділігі орта есеппен 2,9 цга құрады. Ең жоғары тұқым өнімділігі екі жылдық нәтиже бойынша стационарлық тәсілмен тұқым жинағанда анықталды, оның орташа көрсеткіші 3,5 цга құрады.
Тұқым жинау кезінде бөлек жинау және стационарлық тәсілдің артықшылығы тұқым шығымдылығының аз болуында. Тікелей орып жинау кезінде тұқым шығымдылығы 29 % жетті. Бөлек жинағанда тұқым шығымдылығы 11% болды. Ең аз тұқым шығымдылығы стационарлық тәсілде байқалды, екі жылдық нәтиже бойынша орта есеппен 4% болды. Бөлек және стационарлық тәсілмен тұқым жинаған кезде кондициялық тұқым 65-86 %, тікелей орып жинаған кезде бұл көрсеткіш 30 % тең болды.
Сонымен, түйежоңышқа тұқымын бөлек және стационарлық тәсілмен жинаған тиімді, тұқым өнімділігі мен кондициялық тұқымның шығуын жоғарылатады және тұқым шығымдылығын азайтады. Ең жоғары тұқым өнімділігі стационарлық тұқым жинау тәсілінде байқалды, орташа тұқым өнімділігі 3,5 цга көрсетті және тұқым шығымдылығы 4 % дейін азайды.
5. Өсу реттеуіштерінің түйежоңышқа тұқымының зертханалық өнгіштігіне әсері
Біздің зерттеулерімізде түйежоңышқаның зертханалық өнгіштігіне өсу реттеуіштерінің оң әсері анықталды. Зертханалық жағдайда түйежоңышқа өскіндерінің құмның бетіне өніп шыққан өскіндердің саны қайталанымдар бойынша ең жоғары Лигногумат супер Био өсу реттеуішімен өңделген нұсқада байқалды. Үшінші қайталанымда жақсы жетілген өскіндердің саны 59 % болды. Бірінші, екінші және төртінші қайталанымдарда жақсы жетілген өскіндердің саны 51-53 % аралығында болды. Бақылау нұсқаcында бұл көрсеткіш қайталанымдар бойынша 38-51 % құрады. HansePlant Seedspor-C өсу реттеуішімен өңделген нұсқада ең жоғары тұқым өнгіштігі бірінші қайталанымда 55 % көрсетті. Лигногумат БМ калийлі өсу реттеуішімен өңделген нұсқада жақсы жетілген өскіндердің ... жалғасы

Сіз бұл жұмысты біздің қосымшамыз арқылы толығымен тегін көре аласыз.