Желдетудің қондырғылары

Жұмыс түрі: Материал
Тегін: Антиплагиат
Көлемі: 12 бет
Таңдаулыға:

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ
ГЕОГРАФИЯ ЖӘНЕ ТАБИҒАТТЫ ПАЙДАЛАНУ ФАКУЛЬТЕТІ
ТҰРАҚТЫ ДАМУ БОЙЫНША ЮНЕСКО КАФЕДРАСЫ

Курстық жұмыс

Пәні: "Өнеркәсіптік желдету"
Тақырыбы:Желдету жүйесі"

Қабылдаған: Абдибаттаева М.М.
Орындаған: Дәрмекбай.Д.Б
ӨТҚ және ҚОҚ мамандығы 3-курс студенті

Алматы 2019

МАЗМҰНЫ
КІРІСПЕ
1 НЕГІЗГІ БӨЛІМ
1.1Желдету және оның түрлері.
1.2Желдетудің қондырғылары.
1.3Желдеткіш түрлері мен сипаттамалары.
1.4Желдету қондырғыларына қойылатын талаптары.
1.5Желдету жүйелерін орнату кезінде қойылатын талаптар.
1.6Желдету жүйелерін пайдалану же жөндеу кезінде қойылатын талаптар.

5
7
8
11
11

12

КІРІСПЕ

Атмосфералық ауа бірнеше газ бен су буының қоспасынан құралады. Қоршаған биосферадағы атмосфералық ауа келесі газ қоспасынан құралады: азот -78,1%, оттегі-20,9%, көміртегі-0,03%, ал қалғаны инертті газдар болып саналады. Қазіргі таңдағы қалалардың ауасы өнеркәсіп орындарынан шығатын қалдықтар мен автомобильдерден пайда болатын газдармен ластануда. Желдету деген сөзді латын тілінен аударғанда бөлмедегі ауаны алмастыру деген ұғымды береді екен. Бөлмені желдету табиғи және жасанды болып бөлінеді. Желдету және ауа баптау жүйелері - бөлмелерде адамдардың өзін жақсы күйде сезінуіне қажетті микроклимат (ауа температурасы, ылғалдылығы және қозғалыс жылдамдығы) және технологиялық процестердің тиімді өтуіне қажетті санитарлық-гигиеналық жағдайлар туғыза алатын, ғимараттар мен құрылымдардың инженерлік жүйелерінің бір түрі.
Желдету және ауа баптау жүйелерінің көмегімен мынадай зиянды заттардың әсерлерін жоюға болады:
1) бөлмелердегі артық жылу;
2) ауаның артық ылғал құрамы;
3) жалпы улы әсер ететін химиялық заттар булары мен газдар;
4) улы және усыз шаң;
5) радиоактивті заттар.
Желдетудің жалпы алмасу жүйелері бөлменің барлық көлемі бойынша бірдей ауа ортасын туғызуға (ауа температурасын, ылғалдылығын, жылдамдығын және тазалығын) арналады. Жергілікті желдету жүйесі бөлменің белгілі бір жерлерінде, атап айтсақ жұмыс орындарында (мысалы, жұмыс орнына бағытталған ауа ағыны - ауа себезгісі) қажетті санитарлық-гигиеналық жағдайлар туғызады.Жекеленген желдету жүйесі - бөлме ауасына зиянды зат тарамауы үшін өндірістік қондырғылардың зиянды зат бөлінетін жеріне орнатылатын, арнайы жабындармен, шатырлармен жабдықталған ауа шығару жүйесі. Желдетудің аралас жүйесі деп - жалпы алмасу жүйесінің жергілікті немесе локализациялық жүйемен бірге қолданылуын айтады. Апатты жағдайдағы желдету - кенеттен зиянды заттар бөлінуі мүмкін ғимараттарда орнатылады. Апатты желдету жүйелерін тек зиянды заттарды тез шығару керек болған жағдайларда іске қосады.
Желдету жүйесінің түрін бөлменің арналуына, ондағы зиянды заттар түріне, ауа ағындары қозғалысының схемасына қарай таңдайды. Мысалы:
- Ыстық цехтарда аэрация, жергілікті ауа шығару және ауа себезгілері кеңінен қолданылады;
- Салқын цехтарда ауа беру және шығарудың жалпы алмасу схемаларын, ал қақпаларға ауа перделерін қолданады;
- Қоғамдық ғимараттарда (театр, мәжіліс залдары, дүкендер және т.б.) ауа беру және шығарудың жалпы алмасу жүйелерін таңдайды;
- Текғана ауа алмасуды қажет ететін бөлмелерде ауа шығару жүйелерін ғана қарастырады, ал сыртқы ауа ішке ашық терезелер, фрамугалар және ойықтар арқылы кіреді;
- Тұрғын үйлерде, әдетте, ас бөлмелер мен әжетханалардан ауа шығару жүйелерін ғана қарастырады.
Жұмыстың өзектілігі:
1.Негізгі міндеті ауа ортасының күйін ұстап тұру, яғни бөлмедегі адамдармен технологиялық процестерді орындау үшін қолайлы жағдай жасау.
2. Жұмыс орындарында нормамен талап етілетін жағдайды қамтамасыз ету жолымен кәсіптік аурулармен күресу.
3.Атмосфералық ауаны желдету шығарындыларында кездесетін зиянды заттармен ластанудан қорғау.
Жұмыстың мақсаты:
Ауа алмасуын ұйымдастыру адам денсаулығына қолайлы жағдай жасау жәнеде технологиялық процестердің талаптарына сай құралжабдықтар орнату.
Жұмыстың міндет:
Желдету жүйесінің адам денсаулығына әсер етуі мен оның маңызын анықтау.
Өндіріс орнының желдету жүйесінің қалай жұмыс істейтінін түсіндіру, желдету жүйесіне қатысты сызбанұсқалар мен гидравликалық есептеулер жүргізу.

1 НЕГІЗГІ БӨЛІМ

Желдету және оның түрлері

Желдету (латынша: ventіlatіo -- желдету) -- үй бөлмелерінде, өндіріс орындарында, т.б. реттеулі ауа алмастыруға, адам денсаулығына қолайлы жағдай жасауға, сондай-ақ технологиялық процестердің талаптарына сай құрал-жабдықтар мен құрылыстық құрылымдарды, материалдарды, азық-түлікті, т.б. сақтауға арналған шаралар жүйесі. Қазіргі таңда желдету жүйесі әрбір ғимаратта, әрбір үйде қолайлы микроклиматты қалыптастырып тұруда үлкен рөл атқарады.

1.1-сурет. Жатақхана желдетілуі

Желдетудің түрлері
Қолданылуына байланысты:
Желдетудің тұрмыстық жүйесі-пәтерлер, офистер, үйлер және т.б. шағын ғимараттар үшін;
Желдетудің өнеркәсіптік жұйесі-өнеркәсіп орталықтарында үлкен аудандық құрылымдар үшін.
Ауаның орын ауыстыру тәсілдері мен қысымға байланысты:
Табиғи;
Жасанды (механикалық).
Табиғи желдету дегеніміз - бөлме ауасының көптеген айналмалық жолмен әртүрлі саңылаулар, кәуектер, терезелер мен есіктердің ойықтары және құрылыс материалдарының ұсақ торлары арқылы сүзілу (фильтрация) және ашпалы әйнек (форточка) сияқты табиғи желдетілуді күшейтетін жасандылар арқылы алмасуы. Осы жағдайларда ауаның алмасуы тек бөлменің ішімен сыртындағы оның температурасы мен желдің қысымының айырмашылығы арқылы болады.
Табиғи желдетілу түрлері ұйымдасқан және ұйымдаспаған болып бөлінеді:
Ұйымдасқан - аэрация деп аталады. Аэрация үшін сырттан ауа кіру үшін қабырғадан саңылау жасайды, ал ғимараттың төбесіне арнайы өңделген ауаны жойып отыратын құрылғы(шам әйнек) орнатылады.
Ұйымдаспаған - бөлмеге кіріп шығатын белгісіз ауа көлемі немесе ауа ауыстырғыш кездейсоқ факторларға бағынышты болады. Инфильтрация қосады - терезелер, есiктер, жабындардағы және терезелер желдеткiштердiң ашуында жүзеге асырылады.
Жасанды желдету - желдеткіштер және желдету қондырғыларының көмегімен жасалған жасанды күштің салдарынан болады.
Тағайындалуы бойынша:
Ағындата желдету - ішке тек таза ауа беруді қамтамасыз етеді. Ал ауаны тысқа шығару іштегі қысымның артуына байланысты саңылаулардан, есіктің ашылып-жабылуы кезінде іске асады.
Сора желдету - желдетілетін бөлмедегі ауаны әкету үшін қолданылады. Бұл жағдайда бөлмедегі ауа қысымы кемиді де, есіктен және саңылаудан таза ауа кіреді.
Ағындата-сора желдету - таза ауаның енуі мен лас ауаның әкетілуі бір мезгілде қатар жүреді. Бұл әдіс ауа алмасуы үнемі қарқынды жүрген кезде ғана тиімді.
Ауа алмасуы бойынша:
Жалпылай алмастыра желдету - бөлмеде бөлінетін шектен тыс зиянды заттардың, жылу мен будың таза ауамен залалсыз шекке дейін араласуына негізделген.
Жергілікті желдету - зиянды заттар (газдар, булар, шаң- тозаңдар, т.б.) олардың пайда болатын жерлерінен сору құралдары арқылы тысқа шығарылады. Бұл әдіс шектеулі кеңістікте ғана қолайлы ауа ортасын тудыра алады [1].
Жобалау ерекшеліктері бойынша:
Каналды
Каналсыз
Желдету үйдің және сыртқы температураларының айырмашылығы мен желдің әсерінен (мысалы, үймерет аэрациясы) болатын табиғи желдету және механикалы әсер ету арқылы (ауа желдеткіштер арқылы қозғалысқа түсіріледі) атқарылатын механикалық желдету болып ажыратылады.
Ауа алмастыруды қамтамасыз ететін техникалық құрал-жабдықтар жиынтығы да желдету деп аталады. Сырттан сорылып алынатын ауаны шаң-тозаңнан тазарту үшін желдету жүйелеріне ауа сүзгілер орнатылады, ал тысқа шығарылатын ауа шаң тұтқыштар -- абсорбер және адсорберлер арқылы тазартылады.

1.2-cурет. Абсорбер құрылысы

Желдету қондырғылары

Желдету қондырғылары - желдету жүйесінің бір бөлігі болып табылады. Олар ауа жолдары мен каналдарға қосылмаған. Жылу қондырғылары: ауа жинайтын қондырғыдан, клапаннан, ауаны шаңнан тазартатын қондырғыдан, ауа қыздырғыштан және желдеткіш пен электр қозғалтқыш желдеткіш агрегаттан тұрады .
Желдету оқпаны -- жер асты кен қазбалары мен шахталарды таза ауамен қамтамасыз етуге арналып салынған құрылыс. Қауіпсіздік ережесі бойынша шахта оқпандарының саны екеуден кем болмауы шарт. Желдету оқпаны ауа ағысының бағытына қарай екіге бөлінеді: ауа беретін оқпан арқылы жоғарыдан таза ауа жер асты кен қазбаларына беріледі; ауа шығаратын оқпан арқылы лас ауа жоғарыға шығады. Желдету оқпаны кейде адамдарды, тау жыныстарын, бекіту материалдарын көтеріп-түсіруге де пайдаланылады. Арнайы көтеріп түсіруге жабдықталмаған желдету оқпанындағы ауа жылдамдығы 15 мс-ке дейін жетеді, ал адам тасымалдайтын желдету оқпанындағы ауа жылдамдығы 8 мс-тан аспауы керек. Желдету оқпаны, негізінен, дөңгелек пішінді, бекітпесіз диаметрі 4-7м. Бекітпесі бетоннан жасалады. Кей жағдайда қимасы - тік бұрыш пішінді. Тік бұрыштарының қабырғасы ағаш бекітпемен бекітіледі. Желдету оқпанының аузында желдетпе арнасымен жалғасатын ойық салынады. Көмекші желдету оқпанында сығылған ауа және су құбырлары, кабель жүргізіледі [2].

Желдеткіш түрлері мен сипаттамалары

Желдеткіш түрлері мен сипаттамалары- өндіріс орындарын желдетуде, аэроқоспаларды құбырмен тасымалдауда, т.б. ауаны немесе басқа газдарды қозғалысқа түсіріп орнын ауыстыру үшін олардың артық қысымын (әдетте, 0,15 Мпа-ға дейін) тудыратын қондырғы. Олар ғимараттарды және шахталарды желдетуге, қазан және пеш агрегаттарына ауа жіберуге не олардан түтін мен зиянды газдарды сорып тысқа шығаруға, материалдарды кептіруге, машина бөлшектері мен механизмдерін салқындатуға, сусымалы және талшықты материалдарды пневматикалық жолмен тасымалдауға, бірқатар технологиялық процестерді атқаруға, машина радиаторлары мен конденсаторын салқындатуға, т.б. қолданылады.
Өнеркәсіптік желдеткіштердің стол үстіне қойылатын және аспалы желдеткіш түрлері кеңінен тараған. Өшетін аппараттарда желдеткіштер тарту күшін тудыратын құрал ретінде (көтергіш желдеткіштер, турбореактивтік екі контурлы қозғалтқыш желдеткіштері,желдеткіш -- фенестрон) пайдаланылады. Желдеткіштер қуаттылығына қарай Вольттың үлестерінен (тұрмыстық ... жалғасы

Сіз бұл жұмысты біздің қосымшамыз арқылы толығымен тегін көре аласыз.