Мулан жырының жазылу тарихы

Жұмыс түрі: Дипломдық жұмыс
Тегін: Антиплагиат
Көлемі: 51 бет
Таңдаулыға:

МАЗМҰНЫ

КІРІСПЕ . . .

1 « МУЛАН ЖЫРЫ » МЕН «ТОМИРИС» РОМАНЫ БАТЫРЛЫҚТЫҢ БИІК ТҰҒЫРЫ . . .

1. 1 «Мулан» жырының жазылу тарихы . . .

1. 2 «Томирис» романы батыр әйелдің айнасы . . .

2 ШЫҒАРМАЛАРДЫҢ СЮЖЕТТІК ЖЕЛІСІНДЕГІ МУЛАН МЕН ТОМИРИС ОБРАЗДАРЫНА ТАЛДАУ . . .

2. 1 Мулан образының көркем шығармада берілу тәсілдері . . .

2. 2 Шығармадағы Томирис бойындағы батыр әйел бейнесінің сомдалу ерекшеліктер . . .

ҚОРЫТЫНДЫ . . .

ПАЙДАЛАНҒАН ӘДЕБИЕТТЕР ТІЗІМІ . . .

ҚОСЫМШАЛАР . . .

КІРІСПЕ

Әдебиет туралы жалпы түсініктердің бәрінің келіп құйылар арнасы, әдебиет туралы ғылымның ең басты және өзекті мәселесі - образ және образдылық. Бұл мәселені дұрыс таратып түсіну үшін, әуелі, әдебиеттің объектісі - өмір болғанда, предметі - адам екенін ескеруіміз керек. Кітап не туралы жазылған, симфония не туралы, сурет не туралы салынған, қандай сұрақ болсын жауап біреу - адам туралы, адамның әсемдігі, адам рухының керемет күштілігі, оның қасиеттері туралы. Өнер туындысының бәріне ортақ мазмұн адамның ойы, арманы, құштарлығы, мұраты. Адам тағдыры суреткер үшін шығарма арқауы ғана емес, өмірді танудың өзгеше тәсілі. Мұнда әңгіме дайын әдеби қаһарман жөнінде емес, сол қаһарманды жасаудағы қаламгердің бүкіл творчестволық іс-әрекеті, ойы, қыры. Ойдан шығару жалпы образға бартын жол, суреткердің өмірде көрген-білгенін ойша өңдеудің, қорытудың, жинақтаудың тәсілі. Ойдан ышғару шығармада суреттелген шындықтан шалғай жатқан оқыс нәрсе емес. Сол шындықты сұрыптау, саралау тәсілі.

Әдебиеттегі образ екі түрлі мағынада қолданылады:

1. Көркем бейне, кейіпкер, тип

2. Суретті сөз.

Образдылық - суреттілік, яғни сөздегі сурет. Әдебиеттегі адам бейнесін жасау сан түрлі амал-тәсілдер арқылы жүзеге асады. Ол сөздегі суретпен ғана бітпейді, көркем бейне жасауға қажет өмірлік материалды жинақтаудан әдеби тұлғаны даралауға дейін барады. Ал жинақтау тек типтендіру тәсілімен жүзеге асады. Типтендіре жинақтау арқылы суреткер болашақ образдың немесе типтің жалпы бітімін, тұлғасын, қалыптасуымен қатар оның ішкі ерекшелгін ашып, мінезін даралайды. Әрбір әдеби тұлғаны өз ортасынан адам ретінде бөлек оқшау танытып тұратын оның тек өзіне тән, өзгелерде жоқ және қайталанбайтын психикалық ерекшеліктері болуы шарт. Суреткердің өмір шындығын жинақтау әрекеті әрқашанда оның адам мінезін даралау әрекетімен ұласып, ұштасып жатады.

Әдебиеттегі адам образын жасаудың жолдары мен тәсілдері көп және әр алуан. Жалғыз-ақ жазушы шын мәніндегі шебер, зергер болуы шарт, сонда ол қолданған әрбір амал адам образын ашуға қызмет етеді. Әдебиеттегі адамның ішкі бітімімен қатар сырт келбетін (портретін) де осы тұрғыдан түсінген жөн. Портрет (французша «бейнеленген» деген мағына береді) - әдеби кейіпкердің сырт-көрінісін, кескін-кейпін, бой, тұлғасын суреттеу. Кейіпкердің мінез-бітімін, характерін неғұрлым толық ашып көрсету үшін оның портретін мүсіндеудің зор мәні бар. Сондықтан кейіпкердің характерін әртүрлі жағдайда, күрес-тартыс үстінде оның басқа адамдармен қарым-қатынасы өзінің әрекет, қимылдары, істеген істері арқылы айқындай отырып, жазушы портреттік сипаттарға көңіл бөледі. Негізгі қаһарманның келбеті, бой, тұлғасын, жүрістұрысын, сөйлеу мәнерін есте қаларлықтай етіп әсерлі бейнелеуге мән береді. Сөз өнерінде адамнан тыс, адам тағдырынан тыс бірде-бір өрнек - өмір суреті жоқ және болуы да мүмкін емес. Бұл ретте, көркем шығармаларда суреттелетін табиғат көріністерін, яки пейзажды да әшейін бір уақыт пен кеңістіктің дерегі ретінде даралап қарамай, адам образын толықтыра түсетін
тәсіл десек, ағат айтқан болмаймыз. Өйткені адамның сыры мен сезімінен, өмір тіршілігі мен көңіл-күйінен тыс ешқандай пейзаж болуы мүмкін емес. Пейзаж (французша «ел-жер» деген мағына береді) - әдеби шығармаларда жаратылыстың, яғни табиғаттың әсем көрінісі, көркемдік бейнесі. Суреткер әдеби шығармаларда көркемдік ойлаудың ажары ретінде, образдық жүйенің
арқауы ретінде табиғат келбетін ерекше бір ұсталықпен суреттеуі.

Көркем образ - шындықты танып-білуде әдебиет пен өнерге тән ерекше эстетикалык категория. Көркем шығармада сөзбен сомдалған кез-келген құбылысты (қөбінесе әдеби қаһарман бейнесін) образ деп атайды. Көркем образда объективті-танымдық және субъективті-шығармашылық өзара бірлікте көрініс табады. Образ нақты шындыққа және ойлау процесіне байланысты айқындалады. Образ тек шындықты бейнелеп қана қоймай, оны жинақтайды. Жекелеген оқиғалар негізіне жалпылама түсінік беретін түйін жасайды. Әр суреткер жасаған образ шындыкты өзгеше, жаңа бір қырынан шығармашылық тұрғыдан түсіндіруді максат етеді. Образ - сөзбен баяндалған сурет. Көркем шығармадағы түп төркіні бейнеден суреттен шыққан әрбір сөз бедерлі бейнеге, тірлікке, әрекетке ие болғанда образға айналады. Образдың мақсаты - кез-келген қарапайым болғанда образға айналады. Образдың мақсаты - кез-келген қарапайым құбылысқа немесе затқа жан бітіріп сөйлеу. Кез-келген образ заттық және мағыналық екі компоненттен тұрады. Осыған орай ол іштей заттық, жалпылама-мағыналық және құрылымдық деп үш түрге жіктеледі. Образдың заттылығы бір сөзбен ғана берілген сипаттамадан бастап, оқиғаны жіліктеп, оның жай-жапсарын тереңдете суреттеуге (пейзаж, портрет, көңіл-күй) дейін қамтиды. Ол бүкіл сюжеттік желіге (өлеңнің, портрет, көңіл-күй) дейін қамтиды. Ол бүкіл сюжеттік желіге (өлеңнің, әңгіменің, т. б. ) негіз болып тартылуы да мүмкін. Жалпылама мағыналық образ іштей дербес ұқсас, типті және мотив-образ, топос, архитип болып бөлінеді. Мысалы, мәңгі типтік образ: Дон Кихот, Гамлет, Фауст, бұларға қазақ әдебиетіндегі: Шығайбай, Қарабай, Судырахмет, т. б. жатқызуға болады. Құрылымдық образ: автологиялық, металогиялық түрлерге жіктеледі. Тарихи даму барысында көркем образдылық ұғымы мен оның компоненттері үлкен өзгерістерге ұшырап отырған. Мысалы, Ертедегі Шығыста тұспалдау, астарлау жиі қолданылса, антикалық әдебиетте - классикалық, қайта өрлеу дәуірінде - барокко, жаңа еуропалық әдебиетте романтикалық, реалистік образ қалыптасты.

Образ әдеби тек тұрғысынан үш түрге: эпикалық; лирикалық; драмалық болып бөлінсе, жасалу тәсіліне қарай юморлық, сатиралық, фантастикалық, трагедиялық, кейіпкерлік, т. б. болып бөлінеді. Көркемдегіш сөздер (эпитет, теңеу, метафора, т. б. ) ауыз әдебиеті шығармаларында мол кездеседі. Образ - әр дәуірге, әр әдебиетке сай үнемі дамып, жаңарып отыратын категория.

Көркем образ түсінігі

Образ - бейне. Ол ненің бейнесі? Ол барлық нәрсенің бейнесі бола алады. Мысалы, көркем әдебиетте заттың, хайуанаттың, табиғаттың, адамнынның және де басқалардың бейнесі көрінеді. Көркем әдебиет негізінен адам образын тұлғалантуға бой ұрады, адамдар арасындағы қоғамдық тартысты көрсетеді. Сондықтан шығармадағы негізгі образ адам образы болуға тиіс, басты көңіл соны тұлғалы, толықтыра жасауға аударылуы қажет. Шығарманың ішінде басқа нәрселердің де образдары болатындығын айттық, бірақ олар адам образын жасауға көмектеседі, пейзаж да, басқа түрлі заттар бейнесі де сол қосымша қызметті атқарады.

Адам образын жасау үшін жазушы сол образды жасай алатын сапалы материал қарастыруы қажет. Ол материал - әрекет, оқиға, тартыс. Адам образын ол тетіксіз жасауға болмайтынын, нашар мінездеумен характер жасап шығару дәстүрі дұрыс еместігін ескеру қажеттірек.

Адамның образы харектерден тұрады, характер - әр адамның рухани, психологиялық ерекшелігі; характерлер - образдың бір қыры, бір образ сандаған характерден құралады. Ол ерекшелік адамның жүрісі, тұрысынан, әрекетінен, ой өрісінен, мәдениетінен көрінеді. Характер туралы әдебиет қайраткерлерінің шкірлеріне жүгінейік. Характер дегенді осыдан екі мың жыл бұрын Аристотель шешіп қойып еді. Ал «характер» дегеніміз - бейнесінен ырықтың бағыты көрінетін нәрсе. Ырықтың бағыты тек әрекетен ғана айқындалады. «Кекіпкерлердің психологиясынан көрінетін жаңа ерекшеліктер, сөз жоқ, олардың істерінен, әрекеттерінен жаралуы тиіс» «Ұлы характердің абыройы олар «кінәлі» болады» (Лаврецкий) . «Характердің қозғалысы драмадағы әрекеттердің өсуімен тығыз байланысты (В. Блок) . Демек, характер әрекеттен шығады да, соның дамуымен өседі. «Идея мен характер кездесіп қалса, онда адамды жылдар бойы тандандырып тұратын құбылыс шығады» (Гете) .

Жазушылар характерді әрекетпен бере алмай келетінін айттық. Ал егер жазушы оны тың әрекетті етіп бере алса, ол тың әрекетті әкелген характерге жақсы идея тап болып, екеуі бір жерден шықса, онда адам баласының мәңгілік есінде қалатын шығарма жасалады, деген сөз. Ондай характер бұрын көрінбеген, ерекше әсерлі әрекеттің қуаттылығына байланысты ғана өмірге келеді. "Хараксер дегініміз - жетілдіре тәрбиелеген ырық" (Р. Эмерсен)

Ол өзінше бір әсерлі әрекет жасаса, тың әрекет иеленсе және ол әрекет бұрынғы көрінген әдебиеттік характерлердің әрекеттеріне ұқсамай, жаңа тұлғамен көрінсе, сонда ғана ол дараланған характер бола алады. Оның еткен әрекеті басқа біреудің әрекетіне ұқсап тұрса, онда дараланған болмайды, сол бұрынға жасалған образдан көшірген тұлға болады. Ол жазушы көшірмек түгіл, ол кітапты оқымаған болуы да мүмкін (нашар жазушылардың көбі кітап оқымайтын болады) . Бірақ анау жасалған образ сонда да дараланған болмайды, ал жазушы бәрі - бір, «содан көшіреді» деген кінәдан тазаланбайды [3] .

Сөйтіп, «нағыз образ» деген сөздің ішіне бірнеше характер енуі керек. Және сол характерлердің бәрі дараланған болуға тиіс, оны, Горький сөзімен айтқанда. «Жан - жақты жетілген образ» дейді. Суреткерлің өмір шындығын жинақтау әрекеті әрқашан оның адам мінезін даралау әрекетімен ұласады. Мінез-адамның ішкі болмысы, белгілі қоғамдық жағдай қалыптастырған қоғамдық құлқы, барлық психологиялық ерекшеліктерінің жиынтығы. Осы мінездің өзін жазушы әр түрлі тәсілмен жасайды. Мысалы: бірі-тура мінездеу, тағы бірі-жанама мінездеу. Мінездеу, жанама мінездеу, адамға тән сүйініш, кұйініш, сезімдерді суреттеу, адамның өз сөзін (монолог), немесе өзгемен сөйлесуін (диалог) келтіру-осылардың бәрі жеке-жеке тұрған, бір-біріне жеке, дара мақсатты нәрселер емес, керісінше бірін-бірі толықтырп, бірінен-бірі туып жалғасып жатқан дүниелер. Мұндай бірліксіз бұлар адам мінезін де, тұлғасынн да жасай алмаған болар еді. Сонымен бірге адамның ішкі бітімімен қатар сырт келбеті (портреті) де адам образын ашуға қызмет етеді. Портрет адамның бүкіл анатомиясын түгел қамтып, жіпке тізе беру шарт емес. Әр пөртретте әр адамның ең бір ерекше сипаты нақты, қысқа суреттеледі Әдеби шығарма не туралы жазылса да бәрібір, сайып келгенде, бәрі де адам, тек адам туралы ғана сыр шертеді. Көркем шығармаларда суреттелетін табиғат көріністерін, яки пейзажды да әншейін бір уақыт пен кеңістіктің дерегі ретінде даралап қарамай, адам образын толықты ра түсетін тәсілдің, бірі деуімізге болады.

Зерттеу жұмысының өзектілігі. Ұлттың тілі мен діні, тарихы мен этнографиясы, салт-дәстүрі, әдет-ғұрпы, мәдениеті мен әдебиеті де біреу-ақ. Елдегі әдеби мұра-жалпы халықтың мәдениетінің ажырымыс бір бөлігі.

Халқының қамын ойлаған батыр әйелдердің ерлік әрекеттері көптің көңілінде қалды, келер ұрпаққа өсиет-өнеге болды. Сондықтан халық ішінен шыққан ақын-жыршылар батырлардың ерліктері жайында көптеген өлең-жырлар тудырды.

Ұлтының азаттығы үшін күрескен әйелдерді дәріптейтін мұндай шығармалар ауызша тарап, яки тарих бетінде қашалып жазылып халықтың рухани қажетін өтеп келеді

Зертеу жұмысының нысаны. Қытай және қазақ тарихындағы батыр әйелдер туралы жазылған шығармаларға тоқталу. Го Мао Цянның жинағындағы 332 иероглифтен тұратын «Мулан жыры» мен Б. Жандарбековтың «Томирис» романы туындыларындағы батыр әйел образын жасаудағы шеберліктеріне кеңінен тоқталып өту. Авторлардың батыр әйелдер туралы шығармалар жазудағы басты мақсаттар мен идеялары, образ жасаудағы амалдар мен тәсілдерінің сипаты мен сыры кеңінен баяндалады.

Зерттеудің пәні . Шығармалардағы батыр әйел бейнесінің сипаты.

Зерттеу жұмысының мақсаты мен міндеттері . Зерттеу жұмысының басты мақсаты - Го МАо Цянның жинағындағы 332 иероглифтен тұратын «Мулан жыры» мен Б. Жандарбековтың «Томирис» романы туындыларындағы Мулан және Томирис образдарының әр түрлі қырларын, сыр сипатын, әсіресе батыр әйел бейнесінің берілуін анықтау. Томирис патшайымның прототипін қолдана отырып жазылған тарихи роман мен Мулан кейіпкерінің негізінде туған аңыздың сюжеттерін талдап, оның ішкі құрылымын ашып, басты кейіпкерлер бейнесінің, олардың іс-әрекеттерінің қандай көркемдікпен суреттелетінін айқындау, сол арқылы Мулан және Томиристің бойындағы батыр әйел бейнесінің берілуін зерттеу.

Осы мақсатқа байланысты мынадай міндеттердің шешімін табу көзделеді:

- Осындайдын «Мулан жыры» мен Б. Жандарбековтың «Томирис» романына кеңінен тоқталу;

-Мулан және Томирис образдарының батыр әйел ретінде берілу ерекшеліктерін айқындау және образды айқындау мақсатында қолданылған амал-тәсілдері жайлы сөз қозғау;

- жалпы ақпаратты жүйелеу

Зерттеудің ғылыми жаңалығы. Осы тақырыпқа байланысты зерттеулердің тарихнамада тапшылығы, әсіресе қазақ тілінде бұл тақырып аясында мәліметтер, әдебиеттердің тапшылығы айқын. Сондықтан да бұл тақырыпты мүмкіндігінше жүйелі қарастырылды. Шығармалардағы басты кейіпкерледің батыр әйел образы барынша айқындалды.

Зерттеу жұмысының дереккөздері. Го Мао Цянның жинағындағы «Мулан жыры», Б. Жандарбековтың «Томирис» романы, т. б. қазақ, орыс, қытай ғалымдарының еңбектері пайдаланды.

Жұмыстың теориялық және практикалық әдіснамасы . Шығармалардағы батыр әйелдер бейнесін анықтау және талдау лингвомәдени, этнолингвистикалық білім негіздерін тереңдетуге ықпалын тигізеді. Зерттеу материалдары мен тұжырымдары қазақ тілінде білім алатын студенттерге қытай тілін оқыту барысында пайдалануға болады. Дипломдық жұмыстың нәтижелерін жоғарығы оқу орнында: Қытай-қазақ филология мамандығанда оқып жатқан студенттерге қытай тарихымен танысуға негізделген нұсқаулық ретінде қолдануға болады. Сонымен қатар қытай тілін оқыту үдерісінде (қытай тарихы, көркем әдебиетті оқу бойынша практикум, оқытылатын тіл елінің әдебиеті бойынша лекциялық курстарда) пайдалануға болады.

Зерттеудің әдіс-тәсілдері. Зерттеу барысында сипаттама, тарихи салыстырмалы және талдау- жинақтау әдістері қолданылды.

Зерттеудің тәсілі мен әдістемелік негіздері. Корғауға алынған пікірлер мен тұжырымдарды дәлелдеу барысында салыстырмалы талдау әдістері колданылды.

Зepттeу жұмыcының жaлпы cипaттaмacы. Бұл дипломдық жұмыс қытай және қазақ тарихындағы тарихи тұлғалардың образдарына талдау жасап, сипаттама жасайды. Шығармадағы басты кейіпкерлердің батыр әйел образында берілу ерекшелітерін зерттейді.

Тaқыpыптың ғылыми зepттeлy дeңгeйi.

Соңғы уақытта әлемдегі әйелдер рөлін зерттеуге көп көңіл аударылып келеді. Ғылымда бұл тақырыпқа байланысты деректердің аздығына қарамастан ғылым-танымдық бағыттағы шығармалар мен аудармалар арқылы орны толдырылуда.

Томириске қатысты жарық көрген және талданған үлкенді-кішілі шығармалар, ғылыми-зерттеулер, романдар, дастандар, еңбектер бар. Н. Келімбетов «Сақтардың жерін парсы әскерінің шапқыншылық әрекетінен сақтап қалу тақырыбын жыр еткен «Томирис» дастанының сюжеті бізге Геродоттың «Тарих» атты көптомдық еңбегі арқылы жеткен» деп, әуелде Томирис туралы қаһармандық дастаны болған деген болжам жасайды [9, 16 б. ] .

Геродоттың әйгілі еңбегіндегі Томирис патшайым жайлы оқиғаға өз зерттеулерінде А. Қыраубаева да тоқталып өтеді [10, Б. 10-11] .

Томирис туралы аңыз сюжеттері В. Янның [11], Т. Жұртбайдың [12, Б. 177-190] еңбектерінен де орын алған. Алайда Мулан туралы еңбектердің қазақ тілінде жоқтың қасы. Сондықтан осы зерттеудің маңызы жоғары. Себебі аталған тұлғалардың қазақ және қытай тарихындағы өшпес мұра болып табылады. Айта кетелік

Берілген зерттеуді пайдалану барысында осы шығармалар негізінде қазақ тіліндегі ақпараттың аздығына байланысты тақырып бойынша басқа тілдерден ақпаратты жүйелеп, қазақ тілінде енгізу арқылы, қытай тілі әдебиетін оқытуда берілген шығармалар негізінде талдауды қолдана отырып қытай мен қазақ тарихында орын алған оқиғаларды, ондағы басты кейіпкерлер батыр әйелдер екенін ұғына отырып, бейнелердің сомдалу ерекшеліктерін жалпы тіл оқуда құндылықтары аса қажетті екенін түсініп, басқа да шығармаларды қолдана отырып образдарды талдау, мәтінге анализ жасай алатындай деңгейге жету.

Дипломдық жұмыстың құpылымы.

Бұл дипломдық жұмыс кіріспеден, екі тараудан (теориялық және практикалық), қорытындыдан, әдебиеттер тізімінен және қосымшалардан тұрады.

Бірінші тарауда еңбектердің құрылымы, жазылу тарихы қарастырылады. Теориялық тұрғыдан алғанда туындыларды ажырату белгілерін нақтылауға көмектеседі. Дипломдық жұмыстың екінші бөлімінде тәжірибелік тұрғыдан алғанда, «Мулан жырындағы» Муланның және «Томирис» тарихи роман-дилогиясында басты кейіпкерлер ретінде алынған Мулан кейіпкеріне Томирис патшайымның прототипіне талдау жасау арқылы, олардың образдарын бейнелеу тәсілдері анықталды, сондай-ак батыр әйел бейнесінің сомдалу ерекшеліктері қарастырылды.

Соңы қopытынды мен пайдаланған әдебиеттер тізімі, зерттеу жұмысында пайдаланған қосымша материалдардан тұpады. Дипломдық жұмыс көлемі - 60 бет.

1 « МУЛАН ЖЫРЫ » МЕН «ТОМИРИС» РОМАНЫ БАТЫРЛЫҚТЫҢ БИІК ТҰҒЫРЫ

Мыңдаған жылдар бойы соғыс пен жан алу тек ер адамдарға арналған сияқты көрінді, бірақ ұрыс алаңына қадам басқан және тіпті үлкен рөл атқарған бірнеше батыл әйелдер болды. Ежелгі әлемдегі екі әйел қолбасшыға жақындайық, ежелгі грек тарихшысы Геродоттың еңбегінде айтылған және оның жазбаларындағы Томиристің қанды шайқасты басқару үшін күш пен даналықты қалай қолданатыны берілген. Сонымен қатар, Қытай тарихында аты аңызға айналған қолбасшы - Мулан.

2020 жылдың мамыр айында археологтар Моңғолияда екі ежелгі жауынгер әйелдің қалдықтарын (Қосымша-3) тапқаны белгілі болды, олардың қаңқалары садақ ату мен атқа мінуді сәтті қолданғанын көрсетеді. Бұл екі жауынгер әйелдің қалдықтары Моңғолияның солтүстігіндегі Орхон провинциясындағы Айрагийн Гозгор археологиялық учаскесінде зиратты қазу кезінде табылды.

Зерттеушілердің айтуынша, бұл екі әйел Сянбэй кезеңінде (б. з. д. 147-552 ж. ж. ), «Мулан жырының» пайда болуына әкелген саяси бытыраңқылық пен тәртіпсіздік кезеңінде өмір сүрген деп топшалайды. Мүмкін, бұл әйелдер өте шымыр болған, өйткені олар өз үйлері мен аумақтарын ер адамдармен қатар қорғаған дейді зерттеушілер Кристин Ли мен Яхайра Гонсалес (Лос-Анджелестегі Калифорния мемлекеттік университетінің биоархеологтары) .

Қазіргі моңғолдар әлі күнге дейін Муланды Қытай жауынгері емес, ол Сянбидің моңғолы (Ішкі Моңғолия аумағында өмір сүрген ежелгі моңғол көшпелілер тайпасы) деп есептейді.

Жырда Мулан "ханға" қызмет етеді (бұл термин моңғолдар тарихында жиі қолданылады), ал сол кезде Қытайда әскери қызмет болмаған дейді зерттеушілер. Мүмкін, моңғол әйел жауынгерлері ежелгі адамдарды «Мулан жырын» шығаруға шабыттандырған болуы керек. Моңғол әйелдерінің қаңқаларының қалдықтары олардың тәжірибелі садақшылар мен шабандоздар екенін көрсетті, және ерлерден кем түспей, олармен бірге иық тірестіріп соғысқанын көрсетеді. Муланға елдердің қызығушылығының өзі оның тұлғасының ерекше қастерлі екенін білдіреді.

"Мулан жыры" - бұл Оңтүстік және Солтүстік әулеттердің билігі кезінде елдің солтүстігінде орындалған ұзақ баянды халық әні. Мулан соғыстарда жеңіске жетіп, сіңірген еңбегі үшін даңқа ие болып, отставкаға кетіп, отанына оралады. Шын мәнінде оқиға аңыздарға толы.

Мулан - ежелгі Қытай батыр әйелдер туралы аңыздарының төрт кейіпкерінің бірі, Қытайдағы оңтүстік және солтүстік әулеттердің аңызға айналған кейіпкері, оның тарихы да қайғылы батырлық эпосты білдіреді. Хуа Мулан алғаш рет оңтүстік және Солтүстік әулеттер заманындағы "Мулан Ци" әңгімесінде пайда болды. Поэма Оңтүстік және солтүстік әулеттердің Солтүстік Вей әулеті кезінде жазылған және бастапқыда Чэньдің Оңтүстік және Солтүстік әулеттерге жазған "ежелгі және қазіргі заманғы музыка жазбаларында" жазылған.

Оңтүстік және Солтүстік әулеттердегі «Мулан жырынан», Сюй Вейдің "Мулан қыз әкесі үшін әскерге барадыға" дейін Мин әулеті мен Хенан операсы кезінде Мулан тарихының эволюция жүйесі қалыптасты. [8]

... жалғасы

Сіз бұл жұмысты біздің қосымшамыз арқылы толығымен тегін көре аласыз.