АНАЛИТИКАЛЫҚ ХИМИЯ ЭЛЕКТРОНДЫҚ ОҚУЛЫҒЫНЫҢ ОҚУ МАТЕРИАЛЫН ӘЗІРЛЕУ

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

УДК 543.808.1

АНАЛИТИКАЛЫҚ ХИМИЯ ЭЛЕКТРОНДЫҚ ОҚУЛЫҒЫНЫҢ ОҚУ МАТЕРИАЛЫН ӘЗІРЛЕУ

Мактумкулова А.Ж., Әубәкірова Г.Б.
(М.Қозыбаев атындағы СҚУ)

Жалпы оқулықтың оқу материалы мазмұны психологтардың талаптарына сәйкес құру ұсынылады. Нақты бір материалды ұғыну екі сағаттан аспауы қажет. Студент бір материалды меңгеріп, түсінгеннен кейін міндетті түрде бақылаудан өтуі керек. Оқу материалының графикалық көрінісі қажетті ақпаратты тез қабылдауға, түсінуге септігін тигізеді. Сондықтан да электронды оқулықтың архитектурасы графиктік жабдықтаудан тұрады. Күрделі сызбалар мен фотографияларды құрастыру кезінде иллюстрацияларды қолданудың тиімділігі жоғары болып табылады. Бағдарламалық код пен бағдарламаның компиляциясын құру ретін орындайтын видеосюжеттерді де қою тиімді болып есептеледі. Әлемдік тәжірибеден белгілі, бағдарлама құру барысында үлкен компаниялар қосымша құжаттарға тек баспалық өнімдерді ғана емес, сонымен қоса дискілерді де қосып қояды [1].
Әдістемелік нұсқаулықтарда студенттерді кредиттік технология бойынша оқыту бағдарламасына сәйкес аналитикалық химияның қысқаша теориялық негіздері, зертханалық жұмыстарды орындау әдістемелері, білім алушының өзін-өзі тексеру сұрақтары және тест түріндегі бақылау жұмыстары берілген. Электрондық оқу құралы Аналитикалық химия және Сандық және сапалық талдау пәндері бойынша жоғары оқу орындарында білім алатын 6В01504 Химия, 6В01511 Химия-Биология, 6B07102 Органикалық заттардың химиялық технологиясы, 6B05305 Химиялық сараптама және өндірісті аналитикалық бақылау мамандықтарының студенттеріне арналған [2].
Аналитикалық химия пәні бойынша электрондық оқулықтың мазмұны:
аннотация;
пән туралы қысқаша мәлімет;
электрондық оқулықпен және оның бөліктерімен жұмыс жасау туралы әдістемелік нұсқаулар;
теориялық материалдар (дәріс конспектілері);
зертханалық жұмыстарға орындауға негізделген әдістемелік нұсқаулар;
зертханалық жұмыс пен бақылау жұмыстары тапсырмаларының тізімі;
бақылау тапсырмалары;
әдебиеттер тізімі.
Белгілі бір оқу пәнінен мемлекеттік тілде электрондық оқулық құрастыру - біздің бұл бағытта жүргізіліп отырған алғашқы қадамымыз. Оған бірнеше мамандықтардың оқу бағдарламасына кіретін Аналитикалық химия курсы таңдап алынды және оның теориялық мазмұны келесі тақырыптарды қамтиды:
1. Аналитикалық химия зертханасында жұмыс істеу тәртібі және қауіпсіздік техникасын сақтау ережесі.
2. Аналитикалық химия пәніне кіріспе.
3. Зат мөлшерінің өлшем бірліктері және концентрацияны өрнектеу жолдары.
4. Сапалық талдау.
5. Катиондардың сапалық реакциялары.
6. Аниондардың сапалық реакциялары.
7. Гравиметриялық талдау.
8. Титриметриялық талдау.
9. Бейтараптау әдісі.
10. Тотығу-тотықсыздану титрлеу әдістері. Перманганатометрия.
11. Иодметрия.
12. Комплексонметрия. Трилонметрия.
13. Тұндырып титрлеу әдісі.
14. Физика-химиялық талдау әдістері.
15. Фотометрия әдісі.
16. Хроматография.
Мазмұны ... жалғасы

Сіз бұл жұмысты біздің қосымшамыз арқылы толығымен тегін көре аласыз.