Байланыстырушы кабельдік муфта

Жұмыс түрі: Материал
Тегін: Антиплагиат
Көлемі: 25 бет
Таңдаулыға:

Кіріспе

Муфта - техникада біліктерді, құбырларды, болат арқандар мен кабельдерді, т.б. жалғастыруға арналған құрылғы.
Ал өз мамандығымызға келер болсақ, Кабельдік муфта дегеніміз - электрикалық және оптикалық кабельдерді кабельдік желіге жалғау үшін немесе электрлік жабдықтарға, станциондық құрылыстарға, электрмен жабдықтау мен байланыстың әуе желілеріне жеткізу үшін қолданылатын құрал болып табылады. Муфталар кабельдің электрлік, конструктивтік, механикалық тұтастығын қамтамасыз ететін бөліктер мен материалдардың жиынтығынан тұрады. Жиынтықтың құрамы жұмыс кернеулігімен, жиілікпен, оқшаулықтың түрімен, тарамдардың санымен, кабельдің конструктивтік ерекшеліктерімен анықталады.
Кабельдік муфтаға қажетті көрсеткіштер:
Муфтаның мақсаты - екі немесе оданда көп кабельдерді жалғау немесе тарататын қалқандарға және тұтынушыларға жалғау үшін қолданылады. Бірнеше кабельді жалғау үшін тарамдайтын муфталар пайдаланылады.
Материалы және құрылымы: Муфталар шойыннан, қорғасыннан, пластмассадан, полимерден, эпоксидті смоладан жасалғанына байланысты ажыратылады. Бірнеше кабельді жалғау кезінде кабельді муфта бірнеше формаға, атап айтсақ, Х-, Т-, V-, образды формаға ие. Габариттеріне байланысты олар қалыпты және азгабаритті болып бөлінеді. Муфта қолданылуына байланысты сыртқы және ішкі жағынан қолданылатын болып бөлінеді.
Кабельдің кернеуі. Бұл көрсеткішке муфтаны жасауда қолданылатын материал мен құрылымы тәуелді болып келеді. Олар 1,6 кВ-тан 35 кВ-қа дейінгі кернеумен шығарылады.
Муфтаның диаметрі және кабель тарамдарындағы ұяшықтар саны. Олар тармдардың санына және жалғанатын кабельдердің диаметріне сәйкес келуі міндетті. Үлкен кернеудегі кабельдерге арналған муфталарда 1-ден 4-ке дейінгі құраманы қамтуы керек.
Қазіргі замандағы нарықта электротехникалық тауарлардың өте кең таңдауы, соның ішінде муфталардың да отандық әрі шетелдік өнімдері өте көп. Ресейлік өндірушілердің кабельдік муфталары ГОСТ 13781. 0-86- ға сәйкестігіне байланысты маркировкасы оның пайдалану мақсатына, материалына, құрылымының ерекшеліктеріне тәуелді болады. Жоғары кернеулі желілерді құру барысындағы маркіні таңдау кезінде арнайы мемлекетпен бекітілген арнайы анықтамалық әдебиетті жетекшілікке алынады.

1.Муфта туралы жалпы түсінік, классификациясы.

1.1Кабельдік муфталарды типтері бойынша пайдалану:

1. Байланыстырушы муфталар(Ж) - олар негізінен арнайы ұзындықтағы кабель желілерін жасау үшін жасалынған муфта типі болып табылады.Муфтаның бұл типінің арасынан ерекшеленеді:
-Ауыспалы(ЖА) әр түрлі оқшауланатын кабельдерді біріктіреді.
-Стопорлы(Стопорный) (Т) муфталар кабельдерді бір желіге жалғап қана қоймай, Кабельдің бұрышпен немесе вертикалды түрде тартылатын әр түрлі бөліктердегі кабельдік массанының жиналуын ескертеді.
-Стопорлы-ауыспалы(ТА)
-Тармақтағыш(Т) Негізгі магистральдан тармақталатын қосымша кабельдік желі құру қажеттілігіне байланысты қолданылады.
2. Тұйықталған муфталар кабельді электржабдықтарымен және электр жабдықтайтын желімен жалғау кезінде қолданылады. Аталған типтегі муфталар арасында ерекшеленеді:
-Сыртқы - ғимараттың сыртындағы жалғау мақсатында қолданылады.
-Мачталы - кабельді электрмен жабдықтайтын желіге жалғау үшін қолданылады.
-Тұйықталған(бітеу) - кабельді ғимараттағы аппаратқа жалғау үшін қолданылады.
Сонымен бірге кабельдік муфталардың жекелеген тобы болып оптикалық муфталар да саналады.
Электр кабельдерін бекітетін элементтердің саны олардың классификациясы барынша үлкен. Бұл оның бөлінуінің бас крийтериі болып табылады. Сонымен қатар классификацияны төмендегі бойынша жүргізеді:
-Жасалынған материалы бойынша - шойыннан, қорғасыннан, эпоксидті, термоотырғызылған және тағы басқа. Бүгінгі күні муфталардың арасында кеңінен таралып, көп қолданылатыны термоорнатқыш болып табылады, және де материалдың бұл түрінен жасалған муфта басқаларын біртіндеп ығыстыруда. Полимерден жасалған муфтаның бұл түрі өзінің пайдалану кезіндегі қасиеттерімен ерекшеленеді. Монтаждары барынша қарапайым, әрі сенімді: 150°С температурада муфта кабельмен ішіне жағылған желімнің әсерімен жабысып кетеді.
-Жағылу әдісіне байланысты (сыртқы, ішкі)
-Кернеу класына байланысты, қолданылатын жұмысына байланысты (1-35 кВ көлеміндегі төмен, орташа немесе жоғары)
Муфталарды сонымен бірге жасалған материалдары бойынша да айырады, муфталар қорғасыннан, шойыннан, пластмассадан, полимерден жасалуы мүмкін. Бірнеше кабельді жалғастыру қажеттілігіне байланысты муфта Х-, Т-, немесе V- образды формағаа ие болуы мүмкін. Орындалу габариттеріне байланысты қалыпты және азгабаритті болып бөлінуі мүмкін. Қолданылуына байланысты муфталар ішкі және сыртқы болып бөлінеді.
Симметриялық кабель келесі әдістермен жалғастырылуы мүмкін:
-Орау немесе ширату
-Пайкімен орау
-Бекітпелердің көмегімен: жеке немесе топтық
-Бекітпелі гильзалардың көмегімен
-Болтты байланыстырушылардың көмегімен
Кабельдерді ораумен жалғау барынша маңыздылығы төмен жағдайларда қолданылуы мүмкін,өйткені кабельдердің арасындағы сенімді байланысты қамтамасыз ете алмайды.Ораммен немесе пайкімен ораммен жалғанған тарамдар диэлектрикалық гильзалардың көмегімен оқшауланады.
Коаксильді кабельдерді жалғауда тарамдар арасындағы байланыс жеткіліксіз - электрлік параметрлерін сақтауды қамтамасыз ету қажет. Сондықтандакоаксильді кабельдерді арнайы гильзалардың көмегімен жалғастырады.
Оптикалық талшықтарды сварканың көмегімен тұтастырады, немесе бөлінбейтін байланыстырушылар қолданылады. Оптикалық талшықтарды тұтастыруда оптикалық талшықты дайындау үлкен маңызға ие: оптикалық талшықтардың бүйір жағы барынша жұмсақ болуы тиіс, ал үстіңгі жағы шаңмен ластанбауы керек. Оптикалық талшықтарға арналған заманауи сваркілі аппараттар сварка орындалып жатқан кезде-ақ оның сапасын бақылауға мүмкіндік береді, ол үшін микраскоп, сонымен бірге тестілік лазерде қолданылады, олар сваркілі тігістің өткен кезіндегі сигналдың өшуін тексеру үшін пайдаланылады.
Әлеуетті кабельдердің тарамдары ұштары арқылы жалғасады, олар өз кезегінде болттармен немесе гильзалармен тартылады, сонымен бірге болттармен бекітіледі.
Кабельдік муфталарды таңдай отырып, сонымен бірге жұмыста қолданылатын кабельге де баса назар аударуымыз қажет, және де кабельдің тарамдарының санына, диаметріне және тағы басқа. Барынша таңдалынып алынған муфта барлық электр желісінің қауіпсіздігіне кепіл болып табылады, сонымен бірге жөндеу, қызмет етудегі шығындарды төмендетуге көмектеседі және қолданылатын құрылғының өміршеңдігіне де әсер етеді.
Ендігіде муфталардың жекелеген түрлеріне тоқталайық. Муфталар жоғарыда айтқанымыздай, негізінен бірнеше типке бөлінеді:
Термотырғызылған кабельдік муфталар.
Термоотырғызылған кабельдік муфталар кабельдік муфталардың арасында ең кең тарағандардың бірі, өзінің зиянсыздығы, монтажының оңайлығы және қолдану кезіндегі сенімділігі арқасында осындай деңгейге дейін жетіп отыр. Сонымен бірге термоотырғызылған муфталар бірдей емес өлшемдерде бола отырып, кабельдің түрінен бөлек қыздыру негізінде тоқ жүргізетін тарамның диаметріне келтіріліп, жалғанады.
Өзінің оқшаулағыш қасиеттерінен және саңылаусыздығынан тыс, термоотырғызылған кабельдік муфта сонымен бірге кабельдің электрлік кернеуін тұрақтандырады.
Бұл термоотырғызылған кабельдік муфтаның жоғары сапалы полимерден жасалуы, оған қолданылуы кезінде қауіпсіздік, өміршеңдік, сенімділік және тағы басқа қасиеттерге ие, басқа материалдардан жасалған муфталар біртіндеп қолданыстан шығарылуда.

1.1 сурет. Термоотырғызылған кабельдік муфтаның құрылымы.

Пайдалану мақсатына, яғни тіреудің түріне байланысты барлық муфталардың арасынан 3 түрін атап өтуге болады - байланыстырушы, ақырғы, тарамдатқыш.
Байланыстырушы кабельдік муфта. Кабельдік муфтаның бұл типі әр түрлі кернеудегі электрмен жабдықтайтын желілердің монтажына қолданылады. Оның негізгі мақсаты - сенімді байланысты қамтамасыз ету, саңылаусыздау, бір не бірнеше тарамды кабельдердің жалғанған орнын зақымдардан қорғау.
Изоляциялық қабықшаға байланысты байланыстырушы кабельдік муфтаның пластмассалық немесе қағаз изоляциялы түрлері ерешеленеді.
Сонымен бірге Байланыстырушы муфтаныңтағы бір түрі - ауыспалы муфта, ол кабельдің әр түрлі типтегі оқшаулағыш материалдармен мықты байланысының түзілуін қамтамасыз етеді.
Электрмен жабдықтау желілерін қиын жағдайларда, мысалы, вертикалды және иілмелі трассада, тарту үшін байланыстырушы кабельдік муфтаның тағы да 2 түрі қолданылады: Стопорлы және Стопорлы-ауыспалы.
Аталған муфтаның түрлері жоғарыдағы негізгі функциялары, яғни трассаның әр түрлі аудандарында кабельді жалғаумен бірге, уақытымен кабельдік массаның жоғалуының алдын-алумен ерекшеленеді.
Сонымен бірге тағы да бір маңызды сәтті назардан шығармауымыз керек, оған тұйықталған муфталардың жұмысының сапасы тікелей тәуелді болып келеді. Бұл ылғалдан, күн сәулесінің әсерінен, сонымен бірге қоршаған ортаның әсерінен қорғау болып табылады. Муфтаның бұл түрінің тағы бір ерекшелігі - орнатылатын жері ашық ортада болып табылады.
Қазіргі кездегі ең көп қолданылатын тұйықталған муфтаның түрі ол термоотырғызылған муфта болып табылады. Ол -50°С тан +50°С-қа дейінгі темпереатурада қалыпты жұмыс жасайды.
Сонымен бірге оптикалық кабельдік муфта туралы да айтып кетсек, Оптикалық кабельдік муфта - тек кабельдік канализацияларда ғана емес, сонымен қатар тоннельдерде, колллекторларда оптикалық кабельдердің кез-келген түрін жалғауға арналған құрылғы болып табылады. Оптикалық муфта оптикалық кабельдердің жалғанған жерін барынша қорғап, саңылаусыздандырады, сондықтанда сапа мен сенімнің барлық талаптарына сәйкес келеді.
Муфталарды саңылаусыздандырудың(герметизация) салқын және ыстық әдістері ерекшеленеді, және де жалғану түрлері бойынша өткізгіш және тұйықталған болып бөлінеді. Салқын әдістермен саңылаусыздандыру болттардың, ілмектің және қамыттың көмегімен жүзеге асырылады. Ал ыстық саңылаусыздандыру отпен күйдірудің немесе әртүрлі термоматериалдың: трубкалардың, манжеттердің, ленталардың көмегімен туғызылған ыстық ауаның негізінде жүзеге асырылады. Ыстық және салқын әдіспен жасалған саңылаусыздандыру бірге қолданылған құрылымдарда кездеседі.
Жалғау түрі бойынша бөлінеді:
-Өткізгіш оптикалық муфта, оптикалық кабель екі жағынан кіргізіледі.
-Тұйықталған оптикалық муфта, оптикалық кабель тек бір жағынан кіргізіледі.
Муфтаның қарапайым түрлерімен бірге, орнату ерекшелігі бойынша да муфтаны ажыратуға болады - яғни сыртқы және ішкі болып бөлінеді.
Жоғарыдағы классификацияға қарап отырып-ақ, муфтаның бағасы әр түрлі белгілеріне қарай өзгеріп отыратынын байқауға болады - жасалған материалынан, құрылымдық күрделігінен, кабельдің түрінен және оқшауының қабықшасының түрінен, жұмыс кернеулігінен және т.б. Сонымен бірге оның бағасы тарамдардың диаметрінен және санына да тәуелді болуы мүмкін.

1.2.Байланыстырушы муфта және оның түрлері

Байланыстырушы муфталар(Ж) - олар негізінен арнайы ұзындықтағы кабель желілерін жасау үшін жасалынған муфта типі болып табылады.
Муфтаның бұл типінің арасынан ерекшеленеді:
-Ауыспалы(ЖА) әр түрлі оқшауланатын кабельдерді біріктіреді.
-Стопорлы(Т) муфталар кабельдерді бір желіге жалғап қана қоймай, Кабельдің бұрышпен немесе вертикалды түрде тартылатын әр түрлі бөліктердегі кабельдік массанының жиналуын ескертеді.
Кабельдік муфтаның бұл типі әр түрлі кернеудегі электрмен жабдықтайтын желілердің монтажына қолданылады. Оның негізгі мақсаты - сенімді байланысты қамтамасыз ету, саңылаусыздау, бір не бірнеше тарамды кабельдердің жалғанған орнын зақымдардан қорғау.
Ауыспалы байланыстырушы муфта - қағаз изоляциялы кабельдерді пластмассалы изоляциялы кабельдермен байланыстыратын арнайы байланыс муфтасы болып табылады.
Тармақтайтын кабельдік муфта арнайы кабельдік арматураның түріне жатады және тек қана магистральды жоғары кернеулі кабельдерге тармақталған кабельдерді жалғау үшін ғана қолданылады.

1.2-сурет. Тармақтайтын кабельдік муфтаның құрылымы.

Стопорлы байланыстырушы муфталар.
Қағазды сіңірілген оқшаулы кабельдер деңгейінің құлауын шектеу үшін стопорлы муфтаның орнына эпоксидті байланыстырушы муфталар қолданылуы мүмкін. Сонымен қатар арнайы стопорлы және стопорлы-ауыспалы муфталар қолданылады. Бұндай муфталардың стопорлы құрал дары не бөліктері қайралған мыс және алюминь біліктерден тұрады, ол бакелизирилденген қағаздан жасалған көп қабатты конусты ораммен оқшауланған. Үш жеке стопорды бірге жез құрсауға ие, гетинаксты немесе текстолитті қалқан не қатпар типін құрады. Стопорлы құрылғыны жезді муфтаның ортасына орналастырады, оның қабырғаларына жезді құрсауды пайкілейді.(6 сурет) Кабель тарамдары гильзалардың көмегімен пайкілеу арқылы стопор білікпен байланыстырылады. Бұл сіңірілген сұйықтықтың кабель тарамдары бойымен ағуының алдын-алады. Стопорлы муфтаға МК-45 маркалы майлыканифольды масса құйылады. 1 кВ-қа дейінгі кернеудегі кабельдерді жалғау үшін шойын муфталар қолданылады, ал пластмассалы оқшаулы кабельдерді жалғау үшін эпоксидті муфталар қолданылады.
Стопорлы-ауыспалы кабельдік муфта - әр түрлі сіңірілген қағазды оқшаулы кабельдерді жалғау үшін және вертикаль және құлди трассаларда кабельдерді төсеу кезіндегі кабель массасының төгілуінің алдын-алу үшін қолданылатын байланыстырушы муфтаның түрі.

1.3-сурет. Стопорлы құрылғыны стопорлы муфтаның монтажы кезінде қондыру: 1 -- кабель; 2 -- байланыстырушы гильза; 3 -- стопор

Кабельдерді жалғау үшін және тұйықтау үшін кабельдің ұшын сыпырып, тазартып, тарамдарын шығарып, дайындау керек. Яғни сыртқы кендірлік қабықша, қалқан астындағы қағаз бен талшықты қабықша, жалпы белдік оқшау, тарамның жеке оқшауы сыпырылады. Сыпырудың өлшемдері кабель маркасына, кернеуге, тарамның кесілуіне байланысты, сонымен бірге анықтамалықтарда беріледі.
Эпоксидті байланыстырушы муфталар К-176, К-П5 маркалы эпоксидті компаундынан жасалады, ол тозаңды кварцпен толтырғышпен 1:1 қатынаспен араластырылады. Толтырғышты алдын-ала( зауыт жағдайларында) ылғал мен органикалық қоспаларды жою үшін 700-800°С температурада қыздырады. Компаундтың дайын қоспасын және толтырғышты өндіруші-зауыт банкілерде таратады. Муфтаны дайын қоспаға құю алдында қатыратын затты сұйық күйінде енгізеді. Қатырғышты енгізгеннен кейін полимерлену( қату) процесі басталады, процесс барысында жылу бөлінеді. Толық қату қоршаған ортаның температурасына тікелей байланысты болады, +15-20°С аралығында толық қату 12 сағат ішінде жүзеге асады.
Егер эпоксидті муфтаның монтажы төмен температураларда болса, онда құйылған муфта қыздыруды талап етеді.
Бұған екі әдіспен қол жеткізіледі:
Ауаны пропан баллонының оттығымен күйдіру арқылы немесе муфтаны ішкі жылыту жүйесі бар(газды немесе электрлік) жабық металл жәшікке орналастыру арқылы.
Эпоксидті муфтаның монтажы өндіруші-зауытпен жіберілген бір муфтаға арналған жабдықпен ғана рұқсат етіледі. Муфта жабдығына: екі бөліктен құралған құйылған эпоксидті корпустан, толтырғышымен бірге компаунды бар қоспа құйылған банкі, қатырғыш құйылған құты және бір муфта раналған жабдықтар. Сонымен бірге пластмассадан және табақ болаттан жасалған алынбалы формадағы корпуспен бірге салынатын жабдықтарда кездеседі. Компаундпен толтырғыштың қоспасы шектеулі сақтау мерзіміне ие( 12 ай), ол муфтада немесе қаптаманың сыртында көрсетіледі.
Көлденең кесілген корпусы бар, СЭпу типіндегі эпоксидті муфтаның құрылымының сызбасы 6 суретте көрсетіледі.
Туннельдерде, каналдарда, және тағы басқа жабық кабельдік құрылымдарда орнатылған эпоксидті кабельдік муфталар жарылыс және басқа да төтенше жағдайлар кезінде ажырамалы КСР типіндегі болат қабатпен қорғалуы тиіс немесе диаметрі 150 мм-ден кем емес, ұзындығы 1250 мм, қалыңдығы 5 мм болат трубаның кесіндісімен жабдықталуы тиіс. Трубаға ішкі жағынан 4-5 мм қалыңдықтағы асбесттің екі қабаты төселеді.

1.4- сурет. СЭпу типіндегі эпоксидті байланыстырушы муфта : 1 -- жерге тұйықтау сымдарының пайкіленетін орындары: 2 -- жерге тұйықтау сымдары: 3 -- саңылаусыздандырғыш ұлтан; 5 -- тығыздағыш резиналы сақина; 6 -- металды бандаж; 7 -- компаунд: 8 -- кернегіш эпоксидті жұлдызша; 9 -- тарамның домалағы; 10 -- тарамдардың біріккен жері; 11 - болат сымнан жасалған бандаж

Полиуретанды байланыстырушы кабельдік муфталар соңғы уақыттан бері ВНИИПЭМ институтымен жасалған жаңа технологияның монтаждық практикасында қолданылады және төмендегідей ерекшеліктерге ие:
-Эпоксидті байланыстырушы муфтамен салыстырғанда, муфтаның монтажын орындайтын персоналға мүлдем зиян келтірмейді;
-Муфта корпусына құйылатын полиуретандық қоспаның қатуы 0,5-1 сағат уақыт ішінде жүзеге асады.
СП типіндегі полиуретанды байланыстырушы кабельдік муфталар тек зауытта дайындалған, тек бір муфтаға арналған жабдығын қолданады. Жабдыққа құрамына: Муфта корпусының екі пластмассалық жартымуфталары, полиуретандық қоспаның компоненттері: ВИЛАД-А-13-1(компонент А) және полиизоцианат(компонент В) 2,85 : 1 қатынасында және басқа да бір муфтаға арналған көмекші компоненттер.
Полиуретанды байланыстырушы кабельдік муфтаның СП типінің монтажын ВНИИПЭМ институтының иструкциясы бойынша дайындайды.
Жалғанатын кабельдердің ұштарын сыпырып, тазалағаннан кейін, оны муфтаның жарты формалы корпусына енгізілгеннен және кабель тарамдарының пайкісі жүзеге асырылғаннан кейін, муфтаға құйылмастан бұрын полиуретандық қоспа дайындалады.
Бұдан бұрын Б компоненті А компонентіне енгізіліп, 3 минут уақыт қаймақ тәріздес масса пайда болғанға дейін араластырылады. +5°С температурадағы қоршаған ортада араластыру қыздырусыз жүреді. Қоршаған ортаның +5°С температусынан төмен температурада, және де Б компонентінің қоюлануы кезінде, А және Б компоненттері банкілерде су моншасында +50°С-+70°С температурада қыздырады.
Қыздыру кезінде қақпақтарды ашуға болмайды, өйткені жартылай дайын полиуретанды қоспаға немесе компоненттерге су не су буының түсуіне жол беруге болмайды. Дайын қоспаны пластмассалы корпусқа(муфта корпусының екінші бөлігі) құйғаннан кейін оны қақпақтармен жабады, қоспа қақпақтағы тесік арқылы құйылғаннан кейін 0,5-1 сағат аралығында қоршаған орта температурасына байланысты қоспаның қатуы процесі орындалады.
Одан әрі муфта монтажын нұсқаулыққа сәйкестіндіріп орындайды Полиуретанды байланыстырушы кабельдік муфтаның СП типі конструкциясы төмендегі суретте көрсетілген.

1.5- сурет. Полиуретанды байланыстырушы кабельдік муфтаның СП типі, 10 кВ кернеудегі қағаз оқшаулы кабельдер үшін :1 -- кабельдың сыртқы қабаты; 2 -- сымнан жасалған бандаж; 3 -- бронеленталар; 4 -- ПВХ лентасымен саңылаусыздандырғыш ұлтан; 5 -- ПВХ лентасымен сақиналы орталықтандыратын ұлтан; 6 -- жарты форма; 7 -- кабельдің металл қабықшасы; 8 -- сымнан жасалған бандаж; 9 -- тығыздағыш резиналы сақина ; 10 -- жіптен жпасалған бандаж; 11 -- компаунд; 12 -- компаундтан жасалған тірек; 13 -- ЛЭТСАР лентасынан жасалған ұлтан; 14 -- тарамдардың біріктірілген жері; 15 -- Жерге тұйықтау сымдарының пайкіленген орындары; 16 -- Жерге тұйықтау сымдарының біріктірілген орны; 17 -- Оқшауландырылған жерге тұйықтау сымы; 18 -- жартылай өткізгіш қағаз; 19 -- белдік оқшаулау;
СП типіндегі муфтаны 10 кВ кернеудегі қағаз оқшаулаудағы, азайған оқшаумен және церезин негіздегі ақпайтын массалы кабельдер үшін
қолданады.

Полиуретанды муфталар, эпоксидті муфталар секілді, тік еңісті трассалардағы өткізілген кабельдердің стопорлы муфталарының ролін атқарады.
Қорғасыннан жасалған жалғасиырушы кабельдік муфталар қағаз оқшаулы сіңірудің барлық түрінен болған кабельдерді жалғау үшін қолданылады. Қорғасынды байланыстырушы муфтаның сызбасы 10 суретте көрсетілген.
Муфта корпусы қорғасынды трубаның кесігінен тұрады. Кабельдің тарамдарының қағаз оқшауын( оның ұштарын сыпырғаннан кейін) пайкілеу орындарында, дәнекерлейтін орындарда немесе ауа қысымын тексеретін орындарда қайта қалпына келтіріледі, бұл процесте қағаз роликтер, кабель қағазынан жсалған рулондар қолданылады, бұл элементтер бандажбен және иірілген жіппен бірге өндіруші-зауыт тарапынан МП-1 массасымен сіңірілген саңылаусыздандырылған бекітілген банкілермен беріледі.

1.6-сурет. Қорғасынды байланыстырушы кабельдік муфта, 10 кВ кернеудегі кабельдер үшін:
1 -- сымды бандаждар; 2 -- қалқан; 3 -- қорғасынды муфта; 4 -- жабыстырғыш тесік; 5 -- қағаз рулондармен жасалған орам; 6 -- ПВХ лентасымен жасалған бандаждар; 7 -- қағаз рулондармен жасалған орам; 8 -- қағаз рулондармен жасалған ені 5мм-лі орам; 9 -- байланыстырушы муфта

Қорғасынды муфтаның құймасының ролін битуминозды массалар атқарады: МБ-70 маркілері( құйма кезіндегі қыздырма температурасы 160-170°С температураны құрайды) жерде және жылытылмайтын ғимараттарда орналасқан муфталарға қолданылады;
МБ-90 маркілері( құйма кезіндегі температура 180-190°С-ты құрайды) жылы жеңіл климатты жерлерде және жылытылатын ғимараттарда қолданылатын муфталарға арналған.
Қорғасынды байланыстырушы муфталар төмен температурада болуы мүмкін жағдайларда, олардың құймасы негізінде суыққа төзімді битуминозды массалар қолданылады, олардың құрамында құрғақ трансфарматор майлары: МБМ-1 типі( қоршаған ортаның мүмкін температурасы - 35°С) және МБМ-2 типі( қоршаған ортаның мүмкін температурасы -45°С). Қорғасынды жалғастырушы муфталардың монтажындағы жауапты операция муфтының екі ұшында кабельдің алюминді немесе қорғасынды қабықшамен пайкілеу болып табылады, ол муфтаның сенімді саңылаусыздануын қамтамасыз етеді.
Сенімді пайка муфтаның мойын жағын дұрыстап қыздыруды талап етеді; алайда шектен асқан қыздыру кабельдің қағаз оқшауына кедергі келтіруі мүмкін. Қорғасынды байланыстырушы муфталардың монтажын тек тәжірибелі кабель мамандарына тапсырады.
Қорғасынды байланыстырушы муфта, каналдарда, туннельдерде орналасқан эпоксидті және полиуретанды муфталар секілді болаттан жасалған қалыңдығы 5мм қабықшамен қорғалуы тиіс.
Жер асты суларынан төмен, алайда топырақтың қатуынан жоғары орналасқан қорғасынды жалғастырушы муфта Парафин массасымен толтырылуы тиіс және де жапсырылған шойын қабықшамен қорғалуы тиіс.
Байланыстырушы муфталардың барлық түрлері сыртынан мыстан жасалған жерге тұйықталған қабықшамен қорғалуы тиіс, ол кабельдің қалқаны мен қабықшасының жерге тұйықталуын үздіксіз қамтамасыз ету үшін муфтаның екі ұшына да қабықшаға және қалқанға пайкіленген.
1 кВ-қа дейінгі кернеудегі кабельдерге арналған Байланыстырушы муфтар. Қағазды, сіңірілген оқшаулы 1 кВ-қа дейінгі кабельдерді жалғау үшін СЧ типіндегі және азгабаритті СЧм типіндегі шойын муфталары, сонымен бірге эпоксидті мен полиуретанды муфталар қолданылады.
СЧ типіндегі муфта құрылымының сызбасы 11 суретте көрсетілген. Муфта екі жарты муфтадан тұрады олар өзара болттармен жалғанған.

1.7-сурет.СЧ типіндегі 1 кВ-қ кабельдерге арналған шойынды байланыстырушы муфта: 1 - жоғарғы жартымуфта; г - смолалы лентадан жасалған ұлтан; 3 - сымды бандаж; 4 - фарфорлы тірек; 5 - қақпақ; , 6 - қақпақтың болты; 7 - тартқыш болт; 8 - жерге тұйықтайтын сым; 9 - төменгі жартымуфта; 10 - ұш; 11 - кабель; 12 - байланыстырушы гильзалар.

Төменгі жартымуфтада бүкіл периметр бойымен саңылау бар, ол битумды массада қыздырылған майға төзімді резина мен ... жалғасы

Сіз бұл жұмысты біздің қосымшамыз арқылы толығымен тегін көре аласыз.