Бағыттағышты басқарудың төрт сымды сұлбасы

Жұмыс түрі: Материал
Тегін: Антиплагиат
Көлемі: 6 бет
Таңдаулыға:

Бағыттағышты басқарудың төрт сымды сұлбасы

Тұрақты токты бағыттағыштық жетекті басқарудың төрт сымды сұлбасы орталық тәуелділіктері мен жергілікті қоректендіруі бар электрлік орталықтандыру құрылғыларымен жабдықталған кіші станцияларда қолданылады (1-сурет). Электржетегін басқару үшін ЭО постынан іске қосу бағыттағыш релесі орнатылған станция мойнындағы релелік шкафқа дейін төрт сым салынады: екі басқару сымы мен екі бақылау сымы. Релелік шкафтан кернеуі 30 В МСП электрқозғалтқышы бар бағыттағыш жетекке дейін тоғыз сым салынады, ол станция бойынша кезекшінің пультіненбағыттағышты басқаруға және жергілікті басқару кезінде жетекте орналасқан жол қорапшасынан басқаруға мүмкіндік береді.
Сұлбаның негізгі аспаптарына жатады: бағыттағыштық іске қосу релесі ПС, бағыттағыш бақылау реле СК мен СК1, плюстік және минустық бақылау релелері ПК мен МК.
ПС релесінің үш орамы болады:
Негізгі, ол бағыттағышты іске қосқанда бейтарап және полярланған якорьларды басқаратын;
Токтық, ол бағыттағыш электрқозғалтқышымен тізбектей жалғанады және бағыттағыштарды ауыстыру кезінде реленің бейтарап якорін ұстап тұрады;
Қосымша, ол бағыттағыш электрқозғалтқышы аралық күйден реверсирленуі кезінде бейтарап якорьді ұстап тұрады.
СК және СК1 релелер бағыттағыштар күйін бақылайды және сызықтық сымдарға тізбектей жалғанады. Екі бақылау релесін пайдалану ПК мен МК реле тізбегінде полярланған якорь істемей қалғанда, жалған бақылаудан сұлбалық қорғайды. Станция мойнының барлық бағыттағыштарының аспаптарына келесідей бағыттағыштық релелер жатады: қосымша СВ, фрикциялық СФ және оның қайталағышы ПСФ, қорғаныш СЗ мен апаттық СА.
СВ релесі СФ фрикциялық релесін қосады, оның якорьді жіберуге кететін уақыты 7...8 с, сол уақыттан кейін СЗ релесінің контактісімен жұмыс тогы өшіріледі. СА релесі бағыттағыштық апаттық батырманы СА басқанда қосылады, ол рельс тізбегі бүтін болмағанда бағыттағышты ауыстыруға қажет.
Бағыттағыштың плюстік күйінде тікелей полярлы ток тізбегі тұйықталған, оған СК мен СК1 релелері жалғанады (М-48, автоматты ауыстырып қосқыш контактісі 35-36 АП, ПС, К, CK1, СК, ОК, 33-34 АП, П-48). СК мен СК1 реле контактілерінің орналасу сәйкестігі бойынша ПК реле жалғанған.
Минустық күйде 23-24 мен 25-26 АП контактілері тұйықталған болады, соның салдарынан СК мен СК1 релелері арқылы кері полярлықтағы ток өтеді және МК релесі қосылады. Бағыттағыштың қиылуы кезінде АП бақылау контактілері ажыратылады, СК мен СК1 релелері өшіріледі және сәйкесінше ПК (МК) релесі өшіріледі.
Бақылау тізбегін жалған іске қосылудан қорғау үшін басқа да тұрақты және айнымалы ток тізбектерімен байланыс кезінде АП контактілері қоректендіруден өшіріледі. СК мен СК1 релереінің индуктивтік кедергісі жоғары, сондықтан айнымалы токтан іске қосылу үшін үлкен кернеу керек (600 В дейін).
Қозғалыс қауіпсіздігі қамтамасыз етілген кезде бағыттағыштар ауысады: бағыттағышта қозғалмалы құрам болмағанда және бекітілген қабылдау және жіберу маршрутына қатыспаған кезде.
Бұл шарттар сұлбаның басқару тізбегінде СП бағыттағыш-жол релесінің контактілерімен және тұйықтау релесімен З тексеріледі.
Бағыттағышты ауыстыру үшін ДСП кезекші МК батырмасын басып ПС релесінің негізгі орамы үшін кері полярлықты ток тізбегін тұйықтайды. ПС релесінің полярланған және бейтарап якорьларын ауыстырып қосқан соң және СВ, СФ, СЗ топтық релелердің іске қосылуынан кейін жұмыс тогының тізбегі тұйықталады, ол кедергісі 0,06 Ом токтық орамнан және 1М электрқозғалтқыштың орамынан өтеді. Бағыттағыш ауыса бастайды. Осы уақытта ПС релесінің полярланған якорінің контактісімен және 33-34 мен 35-36 АП контактілерімен бақылау тізбегі ажыратылады. Бағыттағыштың ауысуы аяқталған соң 11 -- 12 АП контактісі ажыратылады, және электрқозғалтқыш өшіріледі.
Бұдан кейін 43-44, 45-46 АП тұйықталған контактілері арқылы СК мен СК1 бақылау релелерін қоздыруға арналған кері полярлықтағы ток тізбегі құрылады. Бағыттағыштың кері ауысуы осының алдында көрсетілген ретпен жүреді.
Басқару және жұмыс тізбектерін жалған іске қосылудан қорғау үшін аспаптарды қоректендіру көзінен екі полюстік ажырату арқылы орындалады. Бұл кезде басқару тізбегіндегі контакттер (З, СП) іске қосу батырмсынан кейін сызықтық сымның екеуіне де қосылады.
Төрт сымды сұлба телемеханикалық канал бойынша басқарылатын станцияларда да қолданылады. Сондықтан жұмыс тізбегін ажырату үшін, егер белгілі бір себептермен бағыттағыш шектік күйге ауыспаса, СВ, СФ, СЗ релелерінен тұратын ПС релесін автоматты өшіру сұлбасы қолданылады.
Бұл сұлбаның жұмысы ПК немесе МК іске қосу батырмасын басудан басталады. ПС релесімен тізбектей СВ релесі қосылады.
СВ және СФ реле қайталағыштары - ПСФ релесі - реле конденсаторы зарядының тізбегін ұзақ уақытқа тұйықтау үшін арналған. Осыған байланысты пульттағы манипуляция сипатына қарамастан, жұмыс тізбегінің тұйықталу уақыты тұрақталады.
Бағыттағыш орталық күйден реверсирленуі кезінде ПС релесі қайта қосылады немесе орамы қайта магниттеледі. Бірақ бұл реленің сыртқы контактісі ажырамайды, себебі реленің қосымша орамымен қосымша магниттік күш пайда болады, ол бейтарап якорьді ұстап тұрады.

1-сурет. Бағыттағыштық электржетекті басқарудың төрт сымды сұлбасы

Бағыттағышты басқарудың екі сымды жүйесін зерттеу

Типтік ретінде орталық тәуелділіктері мен орталық қоректенуі бар релелік орталықтандыруда тұрақты токты электрқозғалтқышы бар электржетекті екі сымды басқару сұлбасы қолданылады.
Бұл сұлба бағыттағыштық бұрмаларда қолданылады, олар СП-2Р немесе СП-3 бағыттағыштық жетектермен жабдықталады. Жетектерде МСП-0,1 ЖӘНЕ МСП-0,25 типті тұрақты токты электрқозғалтқыштар орнатылады, олар тізбектей қоздырылады, және екі қоздыру орамынан тұрады. МСП-0.1 типті электрқозғалтқышының жұмыс кернеуі 30 В, 100 В және 160 В, сәйкесінше қуаты 130, 150 және 140 Вт; тұтынылатын ток 10,0 А, 2,8 А және 1,8 А; біліктің айналу жылдамдығы 1100, 1200 айнмин.
Бағыттағыштық электржетекті басқарудың екі сымды жүйесі келесі элементтерден тұрады:
НПС - бейтарап іске қосу бағыттағыштық реле;
ППС - полярланған іске қосу бағыттағыштық реле;
Р полярланған реверсирлеуші реле;
МК - минустық бақылау реле;
ПК - плюстік бақылау реле;
ОК жалпы (ортақ) бақылау реле;
ВЗ - бағыттағыштық қимасының жоқтығын бақылайтын реле;
СК - бағыттағыштық коммутатор;
З - тұйықтаушы реле*;
СП - бағыттағыштық жол реле*;
ПУ - плюстік басқару реле*;
МУ - минустік басқару реле*;
ВК - бағыттағышты қосымша ауыстыру батырмасы;
КТ - төмендетуші трансформатор;
ВС - түзеткіш бағана;
БК - блок контакт;
П, М 24 В кернеулі тұрақты токты қоректендіру полюстері;
ПХ, ОХ - 220 В кернеулі айнымалы токты қоректендіру полюстері;
РП, РМ - 220 В кернеулі тұрақты токты қоректендіру полюстері;
С, МС 24 В кернеулі айнымалы токты қоректендіру полюстері;
з жасыл түсті жарық сүзгісі бар шам;
ж сары түсті жарық сүзгісі бар шам;
к - қызыл түсті жарық сүзгісі бар шам.
1-суретте бағыттағыштық электржетекті басқарудың екі сымды сұлбасы көрсетілген. Р реверсирлеуші реле жол жәшігінде ПЯ орналасады. Қалған релелер ЭО постында орналасады. ЭО посты мен жол жәшігі өзара Л1 және Л2 сымдарымен жалғанған. Жол жәшігі бағыттағыш электржетекпен бес сым арқылы жалғанған. Суретте көрсетілген бағыттағыш плюс күйінде орналасқан.
Бағыттағышты минус күйіне ауыстыру үшін бағыттағыш коммутаторды - күйге ауыстыру керек, нәтижесінде НПС басқарушы бағыттағыш реленің қоздыру тізбегі тұйықталады. Қауіпсіздік талаптары тексеріледі: маршрутта ... жалғасы

Сіз бұл жұмысты біздің қосымшамыз арқылы толығымен тегін көре аласыз.