МАГИСТРАНТТАРДЫҢ ЖҰМЫСЫН БАҒАЛАУ КРИТЕРИЙЛЕРІ

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

«ТІЛДІ ОҚЫТУ МОТИВАЦИЯСЫ» ПӘНІ БОЙЫНША МОӨЖ ТАПСЫРМАЛАРЫН ОРЫНДАУҒА ӘДІСТЕМЕЛІК НҰСҚАУЛЫҚ

МОӨЖ - магистранттың ғылыми-әдістемелік тұрғыдан өз ой қорытындысын жасай алу, оқығандарынан ортақ проблемаға қатысты ой жинақтай алу, өз пайымдауын дұрыс жазу, айта алу, дәйексөздерді орынды пайдалана алу, ғылыми тұжырымдар жасай алу және т. б. дағдыларын дамытып, көпшілік алдында сөйлеу мәдениетін жетілдіруі мен байытуына жол ашатын ауызша және жазбаша шығармашылық сипаттағы өздік жұмыс.

І. Пән бойынша МОӨЖ-дің екі түрін орындау жоспарланған. Бірінші аттестация кезінде магистрант МОӨЖ-1-ді орындау үшін белгілі бір топ құрамында ғылыми-әдістемелік журналға материалдар (мақала, сызба, кесте түрінде) дайындайды. Жұмыстың мақсаты - магистранттың өздігінен іздену қабілеттерін дамыту, ғылыми жазба тілдік дағдыларын қалыптастыру, ақпараттық мәдениетін және қатысымдық құзіреттіліктерін жетілдіру, ғылыми ойлау қабілеттерін дамыту және топпен бірлескен шығармашылық жұмыс жасауға баулу. Журнал мазмұнына Абайдың білім мен ғылымға қатысты ой-тұжырымдары өзек болуы тиіс.

МОӨЖ-1 бойынша ізденуші өзі таңдаған тақырып бойынша ғылыми-әдістемелік материал дайындайды. Онда тіл мен ділдің, тіл мен тарихтың, тіл мен ел болашағының байланыстарын ашатындай бағыттағы қазақ тілін оқытудың жаңа талаптары мен оқу мотивтерін қалыптастыруға қатысты мәселелер қамтылуы тиіс. Мақала тілді оқыту әдістемесіндегі өзекті бір мәселеге арналуы қажет. Магистрант өз қалауына қарай сабақ түрінде де материалдарды енгізуіне болады.

Магистранттар тобы ғылыми-әдістемелік журнал шығару жұмысын жүйелі жүргізу үшін силлабуста айқындалған апталық жұмыс сатылары бойынша нақты тапсырмаларды орындайды. Мәселен, бірінші аптада журналдың тақырыбын таңдаса, екінші аптада жоспарын анықтайды. Үшінші аптада әдебиеттермен жұмыс жасайды, аппаратын анықтайды. Төртінші аптада материал тезистері әзірленеді. Бесінші аптада журналдың жазба жоба нұсқасы дайындалады. Алтыншы аптада толық макеті жасалады. Жетінші аптада журнал топ алдында ауызша баяндалып қорғалады. Топ мүшелері талдайды. Осылайша магистранттар тобы түпкі нәтижеге жүйелі әрі жоспарлы жолмен көтеріледі. Әр қадам сайын олар ғылыми ізденіске керек дағдыларды саналы меңгеріп отырады. Сол алған білімдерінің негізінде өзінің ізденіс нәтижесін аяқталған ғылыми-әдістемелік журналды тапсырады.

Журнал көлемі - 20 бет (4 бет мұқабасымен қоса алғанда) . Ғылыми журналдың безендірілуі талапқа сай болуы қажет. Бұл магистранттардың өзі жазған жұмысын көпшілік алдында қорғай алу дағдыларын дамытады. Ең алдымен, әр магистрант этикет талаптарына сай өз жұмыстарының тақырыбын таныстырады. Мақаланың мақсат-міндеттерін, тақырыптың өзектілігін дәйектей отырып, жұмыстың қысқаша мазмұнымен, соған сәйкес нақты ой-тұжырымдарын баяндайды. Келесі кезеңде аудиторияның сұрақтарына жауап береді. Егер талдаушылар сөзінде сын-пікірлер айтылса, баяндамашылар оған жауап береді. Ең соңында өз қалаулары бойынша бейресми оппоненттер сөйлейді. Мұндай талдау жұмыстардың жүргізілуі, біріншіден, магистранттардың жауапкершілігін арттырады. Екіншіден, бірін-бірі тыңдау мәдениетін қалыптастырады. Үшіншіден, қойылған сұрақтарға жылдам әрі нақты жауап беру дағдыларын жетілдіреді. Төртіншіден, этикеттік орамдарды түрлі жағдаятқа сай қолдануға төселдіреді. Бесіншіден, жұмыс туралы сын-пікір айтуға да, қабылдауға да үйренеді. Ал, ең бастысы, ғылыми стиль мәдениетін меңгеруіне алғышарт жасалады.

МОӨЖ - 1 ЖҰМЫСЫН БАҒАЛАУ КРИТЕРИЙЛЕРІ

МОӨЖ - 1 бойынша магистранттер ғылыми-әдістемелік журнал дайындайды.

Журналға қойылатын талаптар:

Көлемі - 20 бет.
5-аптада журналдың жазбаша нұсқасы өткізіледі.
Журнал жазбаша дайындалып, ауызша қорғалады.
Баяндамашы-магистранттар қойылған сұрақтарға, оппоненттің пікіріне жауап беруі керек.
Дайын материалдардан көшіруге болмайды.
Журналдағы мақалаларда тақырыпқа лайық көрнекіліктер (сызбалар, карталар, фотосуреттер, кестелер, т. б. ) қамтылуы қажет.
Журнал мазмұны алдымен қағаз түрінде жасалады, Power point бағдарламасы бойынша слайдтар арқылы тұсаукесері дайындалады.

Ғылыми-әдістемелік журналға қойылатын жалпы балл - 16.

Журналдағы жұмыстарды бағалау критерийлері (жазбаша, ауызша бөлім бойынша) :

Жазбаша бөлім бойынша (10 балл) :

Журналдың безендірілу талабына сәйкестігі - 2 б.
Мақала тақырыбының ашылуы - 2 б.
Бөлімдер арасындағы сабақтастықтың болуы- 2 б.
Қосымша материалдардың қолданылуы (Абай ой-тұжырымдарымен байланысы) - 2 б.
Мақаланың тілдік сауаттылығы - 2 б.

Ауызша бөлім бойынша (6 балл) :

Тұсаукесер сауаттылығы - 2 б.
Көрнекіліктерді пайдалану мәдениеті - 2 б.
Аудиториямен байланыс - 2 б.

ІІ. Екінші аттестация кезеңіндегі МОӨЖ-2 тапсырмасы бойынша шеберлік сынып өткізу талап етіледі. Ол - магистранттардың жұп болып орындайтын шығармашылық жұмысы. Шеберлік сынып инновациялық жоба ретінде дайындалып, көпшілік алдында сөйлеу мәдениетін қалыптастыруға бағытталған тұсаукесер түрінде өткізіледі. Мұнда жоба атауы мен жүйесін магистранттар өзі таңдайды. Олар өздерінің қалауымен Қазақ тілі/Қазақ әдебиеті пәнін оқыту бойынша курста меңгерген білімі мен білігіне сүйеніп, таңдаған тақырыптары бойынша материалдар әзірлейді. Олар әр апта сайын дамытыла жүргізілетін дайындық сатыларынан өтеді. Тұсаукесер жасауға қажетті жұмыстарды магистранттар нақты жоспар бойынша жүзеге асырады. Көпшілік алдындағы сөз ауызша қорғалады, ал дайындық барысындағы материалдар жинақталып, рәсімделіп, жазбаша тапсырылады.

МОӨЖ-2 тапсырмасының мақсаты - магистранттың курс барысында алған білімдері мен меңгерген біліктерін нақты практикалық тұрғыдан бағалау, шеберлік сынып арқылы түпкі нәтижеге жетуге баулу. Бұл жұмыстың негізгі міндеті магистранттардың шығармашылық, өзіндік ізденіс қабілеттерін дамыту болғандықтан, жоба арқылы магистранттың ғылыми-көпшілік стильге тән сөз мәдениетін, аудиториямен қарым-қатынас мәдениетін қалыптастыруға басымдылық беріледі. Онда магистранттың пән бойынша меңгерген тілдік және қатысымдық дағдыларын танытуына мүмкіндік туғызылады.

Кез келген мәселе егер оны орындаушы шын қаласа, өзі үшін аса маңызды деп таныса және сол ойларымен бөлісуге ынталы болса ғана жоғары нәтижеге жетуге болатыны белгілі. Сондықтан магистранттарға тақырыпты, жобаны қорғау түрін таңдау еркіндігі беріледі, Бұл олардың өз кәсіби-тілдік, мәдени-қатысымдық құзіреттіліктерін көрсетуге мүдделілігін арттыратыны сөзсіз.

Жоба жұмысының дайындық барысы жүйелі жүргізіледі. Тоғызыншы аптада жобаның тақырыбы, жанры таңдалады. Оныншы аптада оның жоспары, мазмұны мен құрылымы анықталады. Он бірінші аптада әдебиеттермен жұмыс жасалып, жобаға ұсынылатын материалдар жазбаша әзірленеді. Он екінші аптада жобаның нәтижелері анықталады. Он үшінші аптада жобаның тұсаукесер түрінде толық безендірілген соңғы нұсқасы әзірленеді. Он төртінші аптада магистранттар жұбы жобаның тұсаукесерін жасайды. Мүмкіндігінше, слайдтан басқа да қосымша көрнекі оқу материалдарды қолдануына болады. Жоба жұмысы шеберлік-сынып түрінде өткізілетіндіктен, аудиториямен жұмысқа басымдылық беріледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.