Патронаждық қызмет

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Патронаждық қызмет.
XX ғасырдың соңғы онжылдығы бүкіл Еуропа бойынша, әсіресе Оңтүстік-Шығыс Еуропа елдерінде басталған денсаулық сақтаудың ірі реформаларымен ерекшеленді. Денсаулық сақтау саласындағы зерттеулерге инвестицияларды азайтып, көбінесе медицина қызметкерлерін дайындау үшін көп жұмыстар атқарылды. Бұл елдердегі мемлекеттік денсаулық сақтау қызметтері соңғы 15 жылда көп өзгерістерге ұшырады. Денсаулық сақтау саласына дұрыс мән берілмей, басқа да көптеген мәселелердің айқын болуына байланысты жеткілікті деңгейде назар аударылмай, көбінесе халықтың денсаулығын нығайтуға бағытталмаған, политикалық өзгерістер орын алды. Кейін келе қоғамдық денсаулық сақтаудың мәніне байланысты-денсаулықты нығайтуға жәрдемдесу және барлық халықтың денсаулығына ерекше көңіл бөле отырып, ауру мен мүгедектіктің алдын алу - осы ісшаралардың принциптері соңғы уақытта қоғамдық денсаулық сақтау саласында халыққа негізделген іс-шаралар ретінде үлкен өзгерістерге ұшырады. Екінші жағынан, науқастардың ауруханада болу ұзақтығы қысқарды. Соған байланысты ауруханадан ерте шығару, өткір науқас адамдардың үйде медициналық арнайы күтімді қажет ететіндігіне алып келді. Ал алғашқы медициналық-санитарлық көмек үкіметтің реформаторлық шараларының басты назарында болды. Нәтижесінде, денсаулық сақтаудың қаржылық ресурстарын ауруханаларда шұғыл көмекке аз көлемде бөле отырып, жалпы көмекке қарай біртіндеп ығыстыру байқалды.
Оңтүстік-Шығыс Еуропа елдерінде, әсіресе бұрынғы жақсы дамыған Югославия елдерінде, кеңейтілген медициналық қызмет көрсетудің бір танымал тұжырымдамасы бар, оған медициналық ағарту және денсаулықты нығайту, үйге медициналық көмек көрсету және қауымдық деңгейдегі іс-шаралар кіреді.
Ол мейірбикелердің патронаждық қызметі,
мейірбикелердің үйде көмек көрсету қызметі,
халықпен жұмыс бойынша мейірбикелердің қызметі және т.б. әртүрлі атаулармен белгілі болды.
Бұл атауларды алдағы мақалада терминдік және тұжырымдамалық жағынан сипаттауға тырысамыз.
ДДҰ1 мейірбикелердің қоғамдық денсаулық сақтау мен алғашқы медициналық-санитарлық көмекте, үйде көмек көрсету және алғашқы медициналық-санитарлық көмек орталықтарында алатын негізгі үлесін және маңыздылығын бірнеше рет атап өтті. Алайда, ДДҰ Еуропалық аймағына мүше мемлекеттердің көпшілігінде мейірбикелер -тек ауруханаларда жұмыс істеу үшін білім алып, дайындықтан өтті. Сондықтан, осы білікті мейірбикелерді басқа жағдайларда жұмысқа дайындау қажеттілігі туындады, яғни ауруханаларда талап етілгеннен басқа еркін түрде жұмыс істеу .
2000 жылғы 15-17 Маусымда Мюнхенде өткен "ДДҰ-ның Мейірбикелік іс және Акушерия жөніндегі екінші еуропалық министрлік конференциясы" алты миллион еуропалық мейірбикелер мен акушерлердің денсаулық сақтауды дамытуға және медициналық қызмет көрсетуге қосқан бірегей рөлі мен үлесін қарастырды. Бұл конференцияда министірлер Мюнхен декларациясын қабылдады: "Мейірбикелер мен акушерлер: денсаулық үшін күш- 2000 жыл". Декларацияда отбасына бағдарланған қауымдық бағдарламалар мен мейірбикелік күтім және акушерия қызметтерін құруға, сондай-ақ қоғамдық денсаулық сақтаудағы мейірбикелер мен акушерлердің рөлін арттыруға, денсаулықты нығайту мен қауымдастықтарды дамытуға ерекше көңіл бөлінетіндігі қарастырылды. Соңғы 100 жыл ішінде Еуропада Қоғамдық денсаулық сақтау қозғалысымен қатар ұлттық, өңірлік және жергілікті мемлекеттік қоғамдық денсаулық сақтау департаменттерінің қамқорлығымен "қоғамдық мейірбике ісі" дамыды. Бұл дамудың ауқымы мен көлемі әртүрлі мемлекеттерде өзгеше болғанымен, бүкіл әлемде қоғамдық денсаулық сақтау саласындағы мейірбикелік істің дамуының негізгі себептеріне жойқын кедейшілік, теңсіздік, базалық медициналық қызметтердің болмауы, қоршаған ортаның ластануы және жұқпалы аурулар сияқты мәселелер ықпал етті .
Мейірбикелердің қоғамдық жұмысқа белсене қатысып келе жатқандарына 100 жылдан асты. Бәрімізге белгілі Флоренс Найтингейл ханым, Еуропадағы қазіргі заманғы мейірбике ісінің негізін салушылардың бірі, өзінің "Таймс" баспасына жазған хаттарының бірінде былай деп мәлімдейді: "Аудандық мейірбике - бірінші мейірбике болуы тиіс. Ол одан да жоғары дәрежелі болуы керек және ауруханалық мейірбикеге қарағанда толық білімі болуы керек, өйткені оның қолында ауруханалық аспаптар жоқ, себебі ол өзінен басқа ешқандай көмекшісі жоқ дәрігердің алдында есеп беру үшін жазбалар жасауы керек. Ол- дәрігердің клиникалық клеркі, дәрілік қобдишасы және мейірбикелік штаты". Әдебиеттердегі терминологияда және практикада жүзеге асырылатын және денсаулықты нығайту мен санитарлық ағарту аспектілеріне ие мейірбикелердің қызметін анықтайтын терминдердің алуан түрлілігі бар. Соның ішінде "Қоғамдық денсаулық сақтау мейірбикесі" немесе "Денсаулық сақтау келушісі" атауын пайдаланатын Еуропа елдеріне Хорватия, Дания, Финляндия, Франция, Ирландия, Израиль, Норвегия, Швеция және Біріккен Корольдігі кіреді. Патронаждық мейірбике жүйесінің терминін анықтау мақсатында, мейірикелердің патронаждық қызметтері, үйдегі мейірбикелердің қызметтері немесе мейірбикелердің қоғамдық аутричпатронаждық қызметі сияқты терминдер пайдаланылды.

Патронаждық мейірбике бұрынғы Югославия елдерінде медициналық қызметтерді тиімді пайдалануға және алдын алу шараларын неғұрлым тиімді қабылдауға және жүзеге асыруға жекелеген адамдарды, отбасын және қоғамды дайындай отырып, кең ауқымда профилактикалық іс- шаралармен айналысатын алғашқы медициналық-санитарлық көмектің бірегей қызметі ретінде анықталды . Бұдан басқа патронаждық күтім жүйесінің келесі сипаттамасы табылды. Патронаждық қызмет денсаулық сақтау саласының санитариялық ағартуға бағытталған жұмысының ерекше әдістерін пайдаланатын денсаулық сақтау жүйесінің ажырамас бөлігі ретінде айқындалды. Оның негізгі мақсаты-медициналық көмекпен қамту, медициналық және әлеуметтік қорғауға мұқтаж адамдарды белсенді қадағалау, жекелеген адамдардың, отбасылардың және басқа да топтардың құқықтары мен мүмкіндіктерін кеңейту және оларды өз денсаулығын сақтау жөніндегі шараларды өз бетінше қолдануға үйрету.
Патронаждық мейірбикенің қамтитын денсаулық мәселе-лерінің санына байланысты патронаждық қызмет - моновалентті, бивалентті және поливалентті болуы мүмкін. Соңғы онжылдықта ДДҰ Отбасылық мейірбике деп аталатын жаңа атауды енгізді. Отбасылық мейірбике денсаулықты нығайтуды, аурулардың алдын алуды, оңалтуды және аурудың соңғы кезеңінде науқастанғандарға көмек көрсетуді қоса алғанда, медициналық көмектің барлық саласында маңызды рөл атқарады. "Отбасылық денсаулық мейірбикесі" деген атау мейірбикенің ... жалғасы

Сіз бұл жұмысты біздің қосымшамыз арқылы толығымен тегін көре аласыз.