Білімді ұрпақ - болашақ тірегі

Жұмыс түрі: Материал
Тегін: Антиплагиат
Көлемі: 7 бет
Таңдаулыға:

Бүгінгі күні ел болып атап өтіп жатқан Қазақстан Республикасы Тәуелсіздігінің 25 жылдық мерейлі мерекесі қарсаңындағы «25 жұлдызды күн» аясында біздің «Тараз-Ғасыр» колледжінде де көптеген тағылымды іс-шаралар ұйымдастырылуда. «Жалпы білім беретін және әлеуметтік-гуманитарлық пәндер» және «Кәсіптік және арнайы пәндер» кафедрасында туған мемлекетіміздің тәуелсіздігін баянды етіп, қуатын арттырып, оның игілігін, халықаралық қауымдастықтағы беделінің өсуіне қызмет етуге, ата-баба жолымен алған тәуелсіздігімізді қадірлеу, қастерлеу, тұмардай қасиет тұтуға парыздар ұл-қызды тәрбиелеу мақсатында «Тәуелсіздік тірегі - білімді ұрпақ» атты айтулы іс-шаралар өтті. Мерейтойға арналған жұмыс жоспарында бүгінгі жас ұрпақты тәрбиелеуде денсаулық, саламатты өмір, мәдениет пен әдебиет, тарих, өнер, заң, қайырымдылық тақырыптары толық қамтылды.
Елбасының «Тәуелсіздіктің тар жол, тайғақ кешетін беттен қарар желінің есуінен тайсалмауға тиіспіз» деген қанатты сөзін қайрақ етіп, болашақтың патриоттарын тәрбиелеу мақсатында ұйымдастырылған шаралар «Мәңгілік Ел - нұрлы болашақ» атты «дөңгелек үстел», «Нұрлы Отаным - Тәуелсіз Қазақстан» интеллектуалдық сайысы, «Тәуелсіз Қазақстаным» атты кітап көрмесі, «Тұғыры биік елімнің мақтанышымын» флеш-мобы мен «Жастар бейбітшілікті қолдайды» акциясына ұштасып жатты.
Заң, медицина саласының озық қызметкерлерімен, белгілі ақындармен, Отан қорғаушылармен кездесулер ұйымдастырылып, Жамбыл медициналық колледжінің өкілдерімен кездесіп, білімгерлер баскетболдан дүбірлі дода ұйымдастырды.
Елінің берекесі кетпеген, тату-тәтті халқының мерекесі еш шектелмеген, пейілі кең, қазақ елінің Тәуелсіздігі мәңгілік болсын деп тілейміз. Осы Тәуелсіздігіміздің тірегі қашанда білімді ұрпақ екенін ұмытпағанымыз жөн. Рухани, мәдени саламыздың нығаюына, адами қасиеттердің жоғарылауына, жеке адамның сапалық ерекшелігінің өрлеуіне білімнің ғана құдіреті жететіні күннен-күнге айқындалып келеді. Әрбір елдің өркендеуі, тұғырының берік болуы да білімге келіп тіреледі. Заманымыздың заңғар жазушысы М. Әуезовтің сөзімен айтар болсақ, «Халық пен халықты, адам мен адамды теңестіретін - білім». Ал ұрпағы білімді халықтың болашағы бұлыңғыр болмайды!

«Біздің басты мақсатымыз - 2050 жылға қарай мықты мемлекеттің, дамыған экономиканың және жалпыға ортақ еңбектің негізінде берекелі қоғам құру.

Мықты мемлекет экономикалық жедел өсу жағдайын қамтамасыз ету үшін аса маңызды болмақ.

Мықты мемлекет күнкөріс саясатымен емес, жоспарлау саясатымен, ұзақмеқмерзімді дамумен және экономикалық өсумен айналысады».

Н. Назарбаев

Баршамызға мәлім, Тәуелсіздік күні қарсаңында жарияланған ұлтымыздың Көшбасшысы Н. Ә. Назарбаевтың халыққа арнаған «Қазақстан-2050» стратегиясы - қалыптасқан мемлекеттің жаңа саяси бағыты» атты Жолдауы мазмұны терең, бағыты айқын, стратегиялық мәні ерекше құжат. Бұл Жолдау ел дамуының белгілі бір асуын бағындырып, келесі бір асуға бет бұрғанын айғақтайды.

Елбасымыз өзі атап айтқандай, мықты мемлекет жоспарлау саясатымен, ұзақмерзімді дамумен және экономикалық өсумен ерекшеленетін бұл Жолдау - болашаққа нық қадам жасайтын, Қазақстанның жаңа келбетін көрсететін, баршамызға жауапкершілік жүктейтін ел Президентінің халыққа арнаған он жетінші жолдауы екен. Әрбір Жолдау кемел Қазақстанмен, оның азаматтарының игілігі үшін қызмет етуде. Осыдан 15 бұрын Қазақстан дамуының 2030 жылға дейінгі стратегиялық бағдарламасы қабылданғаннан кейінгі жылдарда еліміздің экономикалық тығырықтан шығуына, өркендеп өсуіне, қауіпсіздігі мен әл-ауқатының артуына жол ашты. Еліміз жиырма жылда жаңарған жасампаз қалыпқа жетті. Кез келген мемлекеттің дамуы қабылданған қажетті заңнамалардың негізінде жүзеге асатыны мәлім.

Ең алғашқы «Қазақстан - 2030» стратегиясындағы көрсетілген негізгі бағыттардың мерзіменен бұрын жүзеге асырылғанына баршамыз куә болып отырмыз. Қазақстанның аз уақыт ішінде қол жеткізген жетістіктерін әлем мойындады. Қадап айтар болсақ, басты жетістігіміз - тәуелсіз мемлекет құрғанымыз. Көпұлты, ынтымағы жарасқан елге айналдық. Еліміздегі өндірістік байланыстар орнықтырылып, нығайтылды. Сәулетіне салтанаты сай жаңға елорда - Астана бой көтеріп, төрткүл дүниені тамсандырып халықаралық қауымдастық «Экспо-2017» бүкіләлемдік көрмесін өткізу орны ретінде таңдалып алынды.

Еліміз ықпалды халықаралық ұйымдарға төрағалық етті. Әлемдік және дәстүрлі діндер көшбасшыларының басын қосты. Өз еркімен ядролық қарудан бас тартқан бірінші ел ретінде әлем тарихында танылды.

Елбасымыз осыдан 6 жыл бұрын әлемнің бәсекеге қабілетті 50 елінің қатарына кіру жөнінде жалпы ұлттық міндет қойған болатын. Қазақстан дүниежүзілік экономикалық форумның рейтінгісі бойынша 51-орынды иеленді. Бұл, әрине, мемлекетіміздің мәртебесінің асқақтап келе жатқандығының бірден бір айғағы.

Жаңа Жолдауда елбасы 2050 жылға қарай әлемнің дамыған 30 елінің санатына қосылу межесін белгіледі.

«Қазақстан-2050» стратегиясы «Қазақстан-2030» бағдарламасының жаңа кезеңдегі үйлесімді дамуы екені еш күмәнсіз.

Түйіндеп айтсақ, «Қазақстан-2030» стратегиялық даму бағдарламасы еліміздің әлеуметтік-экономикалық дамуының негізін қалаушы жоспар болса, «Қазақстан-2050» бағдарламасы еліміздің өркендеуіне ерекше мән беріп, сапа беріп, болашақ кемел даму жолына бастайтын стратегияға айналғаны анық. Экономикалық прогматизм, кәсіпкерлік, әлеуметтік саясат, білім және кәсіби машық - заманауи білім беру, демократияны дамыту, сыртқы саясат, жаңа қазақстандық патриотизм, жұмыспен қамтуды үйлестіру, жас отбасыларды қолжетімді баспанамен қамтамасыз етумен қатар білім беру жүйесінде заманауи инновациялық технологиялыр мен әдістерді енгізуді жалғастыру, индустриялды-инновациялық жобаларды дамыту сияқты мәселелерді көтеріп, оның шешу жолдарын қарастырғандығы біздің болшаққа деген сенімімізді арттыра түседі.

Жалпы, Жолдауда айтылған барлық басымдық - елімізді одан да биік белестерді бағындыруға жетелейтін жасампаз бағдарлама. Қазақстан халқы қандай биіктік болсын бағындыруға, қандай асу болсын алуға даяр.

Жасампаз Жолдаудың басты бағытының бірі - білім саласы. ХХІ ғасырда қоғам мен мемлекет дамуының басты тетігі білім беру болып отыр. Рухани, мәдени саламыздың нығаюына, адами қасиеттердің жоғарылауына, жеке адамның сапалық ерекшелігінің өрлеуіне білімнің ғана құдіреті жететіні күннен күнге айқындалып келеді. Әрбір елдің өркендеуі, тұғырының берік болуы да білімге келіп тіреледі. Заманымызың заңғар жазушысы М. Әуезовтің сөзімен айтар болсақ, «Халықпен халықты, адам мен адамды теңестіретін білім» болмақ. Жолдаудың «Білім және кәсіби машық заманауи білім беру жүйесінің, кадр даярлау мен қайта даярлаудың негізгі бағдары» атты бөлімінен білім беру мәселесіне баса көңіл бөлінгендігін байқаймыз. «Орта және жоғары білім берудің оқу жоспарының бағыттылығы мен басымдылықтарын оларға тәжірибелік машықтарға үйрету бойынша және тәжірибелік біліктілікке ие болу бағдарламаларын қосып, өзгерту» деген ұсыныстарды көрсеткен. Бұдан алдымызда бүгінгі заман талабына сай қазақстандық білім беру жүйесін дамыту міндетінің тұрғанын мойындаймыз. Қазақстанның білім беру жүйесі санға ғана емес, сапаға негізделуі - бүгінгі күн талабы. Мұғалімдер мен оқытушылардың біліктілігін көтеру жұмыстарын жандандыру және білім сапасын тексеруде тәуелсіз сарапшылар рөлін күшейту жұмыстары жүргізілуде. Бір сөзбен айтқанда, еліміздің болашағының бүгінгіден де нұрлырақ болуына ықпал етіп, алға апаратын күші білімге байланыстылығы айқын көрінуде. Білім мен ғылымның дамуы - адамзат өркениетінің өлшемі. Білім саласы үнемі жетіліп, жаңарып отыруды қажет етеді. Біз өмір сүріп отырған қазіргі кезең - бұл жаңа дәуір, жаңа көзқарасты, жаңашылдықты талап ететін кезең. Соның ішінде, білім саласында болып жатқан жаңа өзгерістердің мәні мен маңызы зор.

Елбасының сындарлы саясатының арқасында білім саласы жылдан жылға жақсы нәтижелерге қол жеткізуде. Алайда, талғам өзгергенімен талап жалғыз. Ол - қазіргі заманғы бәсекеге қабілетті білімді ұрпақ қалыптастыру. Алған білімі мен біліктілігі негізінде бүгінгі өзгермелі өмірді еркін бағдардай алатын, өзін-өзі дамытып, өз бетінше дұрыс, жауапты шешім қабылдай білетін тұлғаны тәрбиелеу - қоғамдық мәні үлкен мәселе.

Қазақ халқының шолпан жұлдыздарының бірі Мағжан Жұмабаевтың «Тәрбиеден мақсұт - баланың тәрбиешінің дәл өзіндей қылып шығару емес, келешек өз заманына сай қылып шығару . . . Әр тәрбиешінің қолданатын жолы - ұлт тәрбиесі» дегеніндей ақпараттық технологиялар заманында жоғары білімді ұлт болуымыз үшін жас ұрпақты ұлттық құндылықта тәрбиелеудің маңызы өте зор. Өскелең ұрпақтың бүгінгі келбеті еліміздің ертеңін елестетеді. Ал, ел ертеңін қалыптастыру білім беруді жаңғыртудан басталады.

«Бәсекеге қабілетті, дамыған мемлекет болу үшін, біз, сауаттылығы жоғары елге айналуымыз керек . . . Қазіргі әлемде жай ғана жаппай сауаттылық жеткіліксіз борлып қалғаны қашан. Біздің азаматтарымыз үнемі ең озық жабдықтармен және ең заманауи өндірістерде жұмыс жасау машығын меңгеруге дайын болуға тиіс. Сондай-ақ, балаларымыздың, жалпы барлық жеткіншек ұрпақтың функционалдық сауаттылығына да зор көңіл бөлу қажет. Балаларымыздың қазіргі заманға бейімделген болуы үшін бұл аса маңызды» деп Елбасы Жолдауында атап көрсетті.

... жалғасы

Сіз бұл жұмысты біздің қосымшамыз арқылы толығымен тегін көре аласыз.