Ұстанымы мықтының ұстаздығы да мықты

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

ҚАЗАҚСТАН РЕСПУБЛИКАСЫНЫҢ ҒЫЛЫМ ЖӘНЕ БІЛІМ МИНИСТРЛІГІ

«Нархоз Университеті» КеАҚ

ЭКОНОМИКА ЖӘНЕ МЕНЕДЖМЕНТ МЕКТЕБІ

«Қаржы және мәліметтер аналитикасы» ҒББД

ЭССЕ

Ұстанымы мықтының ұстаздығы да мықты

Магистрант: Шадибек Аңсаған

Алматы, 2022 ж.

Ұстаз - ұлы есім. Ұстаз барлық маман иесін тәрбиелейді, білім беріп, барлығын үйретеді. Өмірде барлық адам ұстаз алдынан өтеді. Мектеп табалдырығын аттаған сәттен бастап, өміріміздің соңына дейін ұстаздан білім аламыз. Мектепте мектеп мұғалімінен білім алатын болса, мектептен кейін де адам өмірінде өмірлік ұстаздары да болады. Яғни ұстаз ұғымы өте кең ауқымда қолданылады.

Ұстаз болу әркімнің қолынан келе бермейді. Ұстаздық үлкен шеберлікті талап етеді. Ұстаз тек тәрбие, білім ғана беріп қана қоймай, керек кезде әнші де, биші де, суретші де болады. Осы қасиеттерді бойына жинап, оқушылары үшін еңбек етеді. Бір емес, бірнеше қасиеттерді өз бойына арқалап жүрген ұстаздың еңбегі - баға жетпес қазына.

Ұстаздың негізгі міндеті болып білімді үйретіп, тәлім-тәрбие беріп жеке тұлға етіп шығару. Ғалсырлар бойы адамзат дамуында ұстаздардың үлесі зор. Білімді таратушы, адамдарға жеткізуші ұстаз болып табылады. Сол үшін де халқымыз ұстаз мәртебесін әрқашан да биік бағалаған. Адамзат тарихында ұстазға деген құрмет, мадақ сөздері де айтылған және әлі күнге дейін де айтылуда.

Мұғалім ересек өмірге енуге көмектеседі, құрметтеуге, жақынына, мәңгілік құндылықтарға деген сүйіспеншілікке үйретеді. Оқушылардың жан дүниесін қалыптастырады. Менің ойымша, ұстаз болу - бұл нағыз талант. Әр адам мұғалім сияқты күрделі, жауапты мамандықты игере алмайды. Ұстаздың таланты - бұл білімді басқа адамға жеткізе білу болып табылады.

Жақсы ұстаз - бұл қай кезде де ең алдымен кәсіби деңгейі жоғары, интеллектуалдық, шығармашылық әлеуеті мол тұлға. Менің ойымша, ұстаз қандай болуы керек:

Біріншіден, нағыз ұстаз өз жұмысын жақсы көруі керек. Жақсы көріп істеген жұмыс әрқашанда табыс алып келеді. Мысалы, сіз мектепті ұнатпасаңыз, балаларды ұнатпасаңыз, олармен жұмыс жасағыңыз келмесе, өз пәніңізге деген қызығушылығыңыз болмаса, онда бұл ұстаздық жолы сіз үшін емес. Мұғалім өз ісін жақсы көруі керек, жан-тәнімен сүйіп қарауы керек.

Екіншіден, мұғалім мейірімді және ақкөңіл болуы керек. Мұндай мұғалім тек сабаққа ғана емес, оқушыға керек көзде онымен сөйлесіп, ішіндегін ашық айту үшін де көмек сұрап келе алуы керек. Мұғалім ең алдымен бала жүрегінен орын таба білуі қажет. Ал бала жүрегінен орын алу әркімнің қолынан келе бермейді. Ұстаздың өз мамандығына деген сүйіспеншілігі, терең білімі, айқын қойылған мақсат жолындағы ізденіске толы еңбегі - бала жүрегіне жол табуға себепші болады. «Ұстазы мықтының - ұстанымы мықты» демекші, ұстаз өз шәкіртінің болашағына алаңдау, биік шыңды бағындыруын қалайды.

Үшіншіден, өз пәніне деген қызығушылығы болу керек. Әр кез жаңа ақпарат жинап, ізденісте болуы керек. Оқушылар әрдайым сабақтың қандай күйде жүретінін сезінеді. Сондықтан адамның өз ісімен айналысуы өте маңызды. Өйткені, егер мұғалім өз материалын сауатты және қызықты түрде ұсынса, онда ол балаларды қызықтырады және, мүмкін, көптеген адамдар оның ізімен жүреді және осы бағытта жұмыс істейді. Сыныптағы бүкіл атмосфера мұғалімнің сабақты қаншалықты ынтамен жүргізетініне байланысты болады.

Төртіншіден, мұғалімнің жастарды түсінуі маңызды. Уақыт бір орында тұрмайды, егер мұғалім өз оқушыларымен бір толқында болғысы келсе және оларды сезінгісі келсе, онда ол балалардың мінез-құлқының көптеген нюанстары мен ерекшеліктерін ескеруі керек. Кейде психологтын да рөлін сомдайды.

Бесіншіден, ұстаздың техникалық сауаттылығы болуы қажет. 21 ғасырда мұғалім ие болуы керек құзыреттіліктің бірі - компьютерлік сауаттылық. Карантин уақыты көрсеткендей, барлық білім саласы онлайн оқу процессіне көшті. Қазір сабақтар онлайн өтеді, сондықтан компьютерлік сауаттылық маңызды рөл атқарады.

Негізі айта берсен алтыншы, оныншы деп кете беруге де болады. Бірақ осынша қасиеттерді өз бойына жинаған ұстазды ұлы деп айтудың өзі де аздық етеді. Лайықты мұғалім болу - бұл бәрі бірдей игере бермейтін тұтас ғылым.

Дүниедегі мыңдаған мамандық төресі - ұстаздық деп ойлаймын. Ұстаздың қоғам өмірінде алатын орны туралы Білім мен ғылым қызметкерлерінің екінші съездінде ҚР тұңғыш президенті Н. Назарбаев «Мұғалімдер - қоғамның ең білімді, ең отаншыл, білгілеріңіз келсе, ең сынампаз бөлігі болып табылады» деп атап айтқан [1] .

Пайдаланған әдебиеттер:

1. Қазақстан Республикасы Білім және ғылым министрлігі ресми сайты. https://www. gov. kz/memleket/entities/edu?lang=kk

... жалғасы

Сіз бұл жұмысты біздің қосымшамыз арқылы толығымен тегін көре аласыз.