БІЛІМ БЕРУ САПАСЫН ҚАЛЫПТАСТЫРУ МЕН БАСҚАРУҒА ӘСЕР ЕТЕТІН ФАКТОРЛАР

Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Білім беру сапасын қалыптастыру мен басқаруға әсер ететін факторлар

Аңдатпа
Мақалада білім беру сапасын қалыптастыру мен басқарудың факторлары, білім беру сапасын қалыптастыруға әсер ететін факторлардың құрамы мен жүйелері көрсетілген. Білім беру сапасын арттыруға арналған бағдарламасы білім беру ұйымдарының басшыларына мектептің негізгі мақсатын, міндеттерін, мақсаттарға қол жеткізу және міндеттерді іске асыру жолдарын анықтауға көмектеседі. Білім сапасының әр түрлі теориялық принциптері мен тәжірибелік әдістерін, деректерін сандық және сапалық талдау құралдарын, бір мақсатқа - сапаны үздіксіз жақсартуға бағытталған теория мен процестерді талдау элементтерін қамтиды. Білім беруді басқару процестеріндегі заңдылықтарды есепке алу, тиімді үрдісті анықтауға және іске асыру мүмкіндігі, білім беруді дамытудың мақсаты мен стратегия заңдылықтарын пайдалану мүмкіндіктері, білім беру мазмұны сапа бағытына бағдарлануы, мақсат пен стратегия арқылы білім сапасын дамыту заңдылықтары мен факторлары көрсетілген.

Түйін сөздер: мектеп, білім беру, сапа, басқарудың факторлары, бағдарлама, стратегия, заңдылықтар, мақсат пен міндет, қалыптастыру, динамика

Кіріспе
Қазақстан Республикасының Білім беру жүйесін дамытудың басым бағыттарының бірі - білім беру сапасын қамтамасыз ету.
Білім беру сапасы - бұл мектептің білім беру жүйесінің тиімділігі туралы жалпыланған іс-шара. Білім сапасы - мектеп жетістігінің маңызды көрсеткіші, сондықтан оны басқару мектеп әкімшілігінің жұмысында басты назарға алынады.
Білім беру сапасы дегеніміз - білім мазмұнын игерудің белгілі бір деңгейі; баланың жеке мүмкіндіктері мен ұмтылыстарына сәйкес қол жеткізетін физикалық, психикалық, адамгершілік дамуы. Білім беру сапасын басқару шарттары туралы мәселені талдау үшін, ең алдымен, басқарылатын объектінің өзін қарастыру қажет. Білім беру сапасы - бұл мектеп ұжымы алға қойған тәрбие мен оқыту мақсаттарына сәйкес жоспарланған білім беру үдерісінің нәтижесі.
Көптеген білім беру ұйымдарының өзекті мәселелерінің бірі білім беру сапасын басқару болып табылады. Бұл мәселе ең алдымен мұғалімдер мен мектеп басшыларына қатысты. Білім беру сапасын басқару мәселесін зерттей отырып, келесі ұғымдарды бөлуге болады: білім беру сапасын қалыптастыру, білім сапасы, сапаны басқару мәселелері.
Сапа - бұл бастапқыда белгіленген қажеттіліктерді қанағаттандыра алатын ішкі қасиеттерінің жиынтығы. Білім сапасы, ең алдымен, мемлекеттік жалпыға міндетті білім беру стандартына сәйкес келуі, оқушылардың білімін, сонымен қатар мектеп пен білім беру ұйымының әр қызметкерінің сапалы қызметін қамтиды. Сонымен қатар, мұғалімнің сапалы қызметі оқушыларының жетістігін ғана емес, оқыту үдерісінің өзі және оқу үдерісі жағдайларын да қамтиды [1, б. 48].
Білім беру сапасын қалыптастыруға әсер ететін факторлардың құрамы мен жүйесі.
Білім беру сапасының негізгі параметрлері сапаның қалыптасуына әсер ететін факторлардың жиынтығын, сондай-ақ осы факторлардың іс-әрекетінің өлшемі мен ерекшеліктерін, олардың өзара әрекеттесуін көрсетеді.
Білім беру сапасының басты факторлары білім берудің мақсаты мен әлеуеті болып табылады.
Бірінші фактор - білім берудің қай нұсқасын тиімді деп санауға болатындығы туралы әлеуметтік идеяны көрсетеді, ол бүгінгі білім беру қажеттіліктерін ғана емес, сонымен ертеңгі күнді де қанағаттандырады. Мақсаты: білім беру қажеттіліктерінің даму тенденциясын көрсетеді және бүкіл білім беру жүйесіне енеді, тек мемлекеттік саясатта ғана емес, сонымен қатар білім беру үдерісіне әр білім алушының мінез-құлқында да көрінеді.
Екінші фактор - білім беру әлеуеті мен объективті жағдайлар тұрғысынан мақсатқа жету мүмкіндіктерін сипаттайды.
Бұл факторлар жеке білім беру ұйымына қатысты сыртқы және ішкі болып табылады. Бірақ білім беру сапасын қалыптастырудың басқа факторларын екі топқа бөлуге болады.
Бірінші - білім беруді мемлекеттік басқару (Білім және ғылым министрлігінің қызметі), білім беруді ұйымдық-құқықтық қамтамасыз ету (Білім туралы Заң, мемлекеттік білім беру стандарттары және т.б.), білім беруді қаржыландыру жүйесі, білім беру қажеттіліктерінің көрінісі және білім беру сапасы туралы қоғамдық көзқарас жатады.
Екінші - педагогтар мен білім алушылардың құрамын, білім беру үдерісін материалдық-техникалық, ақпараттық-әдістемелік қамтамасыз етуді, білім беру технологиясын және тәрбие жұмысын қамтиды. Сапаны басқарудың мамандандырылған жүйесі және білім беру бағдарламасы ерекше рөл атқарады [2, б. 18].
Атап айтқанда, бұл факторлар білім беру сапасын жүйе ретінде де, оны алу және беру үдерісі ретінде де, білім беру нәтижесінің сапасын да анықтайды.
Зерттеу материалдары мен әдістері
Мәселені зерттеу әдіснамасы зерттеу тақырыбы бойынша әдебиеттерді зерттеу және талдау сияқты әдістерге негізделді, көптеген білім беру ұйымдарының білім беру сапасы нені болжайтынын түсінбейтіндігін анықтауға мүмкіндік берді. Зерттеудің теориялық-әдіснамалық негізі: білімді басқару: бәсекелестік артықшылықтарының жаңа бағыттары (Ю. Адлер); ИСО 9000 стандарттарындағы "үнемі жаңарту" қағидасы (К.В. Пичугин); педагогикалық зерттеу әдістері (В.М. Полонский); стандарттарды әзірлеу, білім беру сапасын арттыру құралы ретінде білім беру нәтижелерін бағалау мәселесі (М.Д. Джадрина, Ж.А. Караев, С.Д. Мұқанова); жалпы білім беруді жаңғырту (В.П. Панасюк); стандарттардың сапа мәселелері (С.Б. Шилова); мектепті стратегиялық басқару негіздері (А.М. Моисеев); білім беру сапасын бағалау жүйесін дамытудың негізгі бағыттары (С.С. Кравцов).
Зерттеу нәтижелері
Білім беру сапасын арттыруға арналған бағдарлама білім беру ұйымдарының басшыларына мектептің негізгі мақсатын, міндеттерін, мақсаттарға қол жеткізу және міндеттерді іске асыру жолдарын анықтауға көмектеседі. Бағдарлама динамикалық болуы керек, яғни жаңа білім беру тенденцияларына сәйкес өзгеруі керек.
Білім беру сапасының тиімді динамикасын қамтамасыз ету үшін оны анықтайтын факторлар білім берудегі өзгерістерге әсер ететінін білу керек.
Келесі кезектеде білім беруді дамыту заңдылықтары мен факторлары анықталды:
- білім беруді басқару үдерістеріндегі заңдылықтарды есепке алу тиімді үрдісті анықтауға және іске асыруға мүмкіндік береді. Бұл білім сапасының динамикасын түсіну үшін өте маңызды фактор;
- білім беруді дамытудың мақсаты мен стратегиясы заңдылықтарды пайдаланудың мүмкіндіктері мен шынайылығын көрсетеді. Мақсаттың анық емес көрінісі, кейде стратегияның болмауы адасуды тудырады және білім сапасын тұрақты түрде жақсартуға мүмкіндік бермейді, уақытты жоғалтуға әкеледі;
- мақсат пен стратегия білім сапасының тұжырымдамасын қажет етеді және оған белгілі бір дәрежеде әсер етеді. Сапа тұжырымдамасында білім беру парадигмасы (негізгі идея), оны бағалау критерийлері және қамтамасыз ету талаптары болады;
- білім беру сапасының динамикасын оның мазмұндық компонентінсіз елестету қиын. Білім беру мазмұны сапа бағытына бағдарлануы тиіс. Бұл пәндердің құрамында, оқыту әдістемесінде (білімді дайын түрінде емес, білім беруді дамытуға бағыттау), білім беру технологиясында, педагогикалық әдістерде көрінеді;
- білім беру ұйымы да сапа динамикасын сипаттайды. Мысалы, білім беру деңгейлері тек білім деңгейін ғана емес, сонымен қатар білім сапасының артуын да, мазмұнды да, ұйымдастырушылық параметрлерінде де көрсетуі керек.
Зерттеу нәтижесін талқылау
Сапалы білім беру жүйесін қалыптастыру негізгі білім беру проблемаларының бірі болып табылады. Өйткені, көптеген білім беру ұйымдарында білім беру сапасының деңгейі мектеп түлектерінің ұлттық бірыңғай тестілеуіндегі жоғары көрсеткіштері болып көрінеді, ал білім беру сапасының көрсеткіші білім беру үдерісінің өзі болып табылады. Оқу үдерісі сыртқы және ішкі факторларды қамтиды. Ішкі факторлар дегеніміз - білім беру саласындағы қызметкерлердің кәсіби деңгейі және материалдық-ақпараттық компонент, ал сыртқы факторлар тек білім беру ұйымына ғана емес, бүкіл елге де қатысты, яғни әртүрлі жағдайлар, ... жалғасы

Сіз бұл жұмысты біздің қосымшамыз арқылы толығымен тегін көре аласыз.