Менің түсінігімдегі тәуелсіздік. .

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

Ақмола облысы білім басқармасының Целиноград ауданы бойынша білім бөлімі «Қарамеңді батыр ауылының негізгі орта білім беретін мектебі» КММ

Тақырыбы: «Менің түсінігімдегі тәуелсіздік . . . »

Орындаған: 7 «А» сынып оқушысы

Мұхамеди Дінмұхаммед

Жетекшісі: Макишева Эльмира Тулагановна

2020-2021 оқу жылы

Менің түсінігімдегі тәуелсіздік . . .

Тәуелсіздік-ең алдымен Қазақ халқының бостандыққа ұмтылған асқақ армандары мен қайсар рухының жемісі. Сондықтан да мен үшін Тәуелсіздік күні-ең қастерлі де, қасиетті күн.

Қазақстан елім менің берекем,

Татулыққа тұтқа болған жыр мекен.

Жер жаҺанға шашу болып шашылсын,

Арайланған Тәуелсіздік мерекем.

Еліміздің тәуелсіздік бесігінде тербелгелі 30 жыл болыпты.

Жаңа Тәуелсіздік заманда өз халқымыздың тарихын өзіміз жазып, жаңа егемендік ел, халық тұрғысынан жазуға мүмкіндік алдық. Әрине, тәуелсіздік бізге оңайлықпен келген жоқ. Қазақ халқының небір қайтпас қайсар батырларының жасаған ерліктерін оқулықтардан оқып білудеміз. Елім, жерім деп жаудан ұлтарақтай жері үшін, небір қазақтың батырлары өз өмірлерін қиып, қанды шайқастарда қаза тапты.

Біз үшін қай замандағы тарихымыз болмасын қымбат, айтулы кезеңдерде ту ұстаған бабаларымыздың барлығы да құрметті. Исатай, Махамбеттер патшалық Ресейдің озбыр саясатына қасқайып қарсы тұра білді. Сан зұлматты өткерген еліміз ұлт-азаттық көтеріліске келгенде де тосылып қарап қалған жоқ. Бұл күрестер азаттық үшін өткен сан күрестің соңы емес еді. Елін, жерін жау аяғына таптатпай, сол туған жерінің қарсы қадамы үшін басын өлімге тіккен аталарымыздың бойындағы ерен күш, биік рухқа әр кез таңданамын, және басымды иемін. Аталарымыздың сол қасиеті елге- мұра, ұрпаққа-ұран болып келе жатыр. Ұлт -азаттық көтерілістер, Ұлы Отан соғысы мен желтоқсан оқиғалары, соғыстың қатал сынағынан өткен жандардың жанқиярлық ерлігі арқасында, біз, өмір сүру бақытына ие болдық.

Желтоқсан оқиғасы біздің жадымызда. Біз оны көрмегенмен, үлкендер мен апайларымыздың айтулары, теледидардағы деректі фильмдерден жақсы білеміз. Алматының алаңында өткен желтоқсан қырғынының жазықсыз жаласына ұшыраған «қасқалдақтай қаны, бозторғайдай жаны» бар жанкешті жаужүрек жас Қайраттай ағаларымыз болды. Қайрат, Ләззат сияқты аға-апаларымыздың желтоқсанның ызғарында жасаған ерліктерімен, олардың аттарын атамай кетпеуге болмайды. Желтоқсанның ызғарына тоңып, тас қараңғы тас қамалда, Қайрат ағамыздың жазған өлеңін оқығанда «Мен қазақпын» деген әрбір жастың жанына күш-қуат беріп патриоттық сезімін оятары анық.

Тәуелсіздік-бұл бүгінгі өмір ғана емес, сонымен қатар, ертеңгі өміріміз- Қазақстанның болашағы, оның мүмкіндіктері мен мақсаттары. Ендігі кезде Тәуелсіздік іргетасы толығымен қаланған егеменді еліміздің шаңырағы шайқалмай, көк Туымыз көкте мәңгі желбіреуі үшін әрқайсымыз еңбек етіп, сол жолда күресуге тиіспіз. Абыройы мен арына дақ түсірмей келген ұлтымыз, тіректі тіліміз, салт-дәстүріміз, мәдениетіміз, сарқылмас қазынамыз бүгінгі жастарға, яғни бізге берілген аманат.

Еліміздің келешегі - бүгінгі ағаларымыздың әрекеттері, ұтымды ұмтылыстары және біздей саналы ұрпақ болуы! Мен осындай Тәуелсіз мемлекетімнің ұрпағы болғаныма мақтанамын.

... жалғасы

Сіз бұл жұмысты біздің қосымшамыз арқылы толығымен тегін көре аласыз.