Ақтөбе облысының көлік жолдарының құрылысы кезіндегі инженерлік - геодезиялық жұмыстар

Жұмыс түрі: Дипломдық жұмыс
Тегін: Антиплагиат
Көлемі: 56 бет
Таңдаулыға:

Қазақстан Республикасы Білім және ғылым министрлігі

әл-Фараби атындағы Қазақ ұлттық университеті

География және табиғатты пайдалану факультеті

Геоинформатика және картография кафедрасы

ДИПЛОМДЫҚ ЖҰМЫС

Тақырыбы: «Ақтөбе облысының көлік жолдарының құрылысы кезіндегі инженерлік - геодезиялық жұмыстар»

5B071100 - «Геодезия және картография»

Орындаған: Асуатова А. Е.

Ғылыми жетекші:

Аға оқытушы Сулейменова Д. Н.

Қорғауға жіберілді:

Хаттама № от « » 2022 г.

Кафедра меңгерушісі: Асылбекова А. А.

Нормобақылау: Сулейменова Д. Н.

ТҮЙІН

Дипломдық жұмыстың көлемі 61 бет, 27 сурет, 7 кесте, 2 қосымша, 25 әдебиет көзі.

Түйінді сөздер: инженерлік-геодезиялық ізденістер, натураға шығару, бөлу, құрылыс, жол жамылғысы, жер төсемі, желілердің теңдеуі, геодезиялық қамтамасыз ету.

Жұмыс мақсаты: ұзындығы 51, 757 шақырым болатын «Батыс Қазақстан - Ресей шекарасы» автомобиль жолының учаскесін реконструкциялауды геодезиялық қамтамасыз ету.

Мақсатқа жету үшін келесі міндеттер қойылған:

Құрылыс объектісі туралы жалпы мәліметтер алу
Трассаны салу кезіндегі геодезиялық жұмыстардың тәсілдері мен әдістері туралы ақпаратты зерттеу
Объект құрылысы кезінде геодезиялық ізденістер жүргізу. "Қарағанды - Балқаш" автожолының учаскесі "Ақтөбе - Ресей шекарасы" халықаралық көлік дәлізінің бір бөлігі болып табылады және қозғалыс қарқындылығының артуына байланысты толық қайта жаңартуды талап етеді, бұл ел ішінде жүктерді тасымалдау уақытын едәуір қысқартады және транзиттік тасымалдарды арттырады.

Осы дипломдық жұмыста автомобиль жолдарын салу кезеңдері ме әдістері, сондай-ақ процесте жүргізілген геодезиялық зерттеулер туралы жалпы мәліметтер ашылды. Жұмыста құрылыс объектісі және оның сипаттамалары туралы ақпарат алынды. Нақты зерттеу объектісінде ұзындығы 51, 757 км көлік магистралі учаскесін салу және оны 1-Б санатты жолға қайта жаңарту кезінде инженерлік-геодезиялық жұмыстар кешені жүргізілді.

Жұмыс нәтижесі трассаны қайта құру кезінде геодезиялық бөлу жұмыстарын жүргізу және бірнеше қабаттан тұратын қатты емес үлгідегі жол төсемін салу болып табылады.

РЕФЕРАТ

Объем дипломной работы 61 страниц, 27 рисунка, 7 таблиц, 2 приложения, 25 источника литературы.

Ключевые слова: инженерно - геодезические изыскания, вынос в натуру, разбивка, строительство, дорожная одежда, земляное полотно, уравнение сетей, геодезическое обеспечение.

Цель работы: геодезическое обеспечение реконструкции участка автомобильной дороги Актобе-Атырау-Астрахань протяженностью 51, 757 километров.

Для достижения цели поставлены следующие задачи:

Получение общих сведений об объекте строительства
Изучение информации о способах и методах геодезических работ при строительстве трассы
Проведение геодезических изысканий при строительстве объекта Участок автодороги «Актобе - Атырау-Астрахань» является частью

международного транспортного коридора «Западный Казахстан - граница РФ» и в связи с возросшей интенсивностью движения требует полной реконструкции, что существенно сократит время на транспортировку грузов внутри страны и увеличит транзитные перевозки.

В настоящей дипломной работе были раскрыты общие сведения об этапах и способах строительства автомобильных дорог, а также, проводимых в процессе, геодезических изысканиях. В работе были получены сведения об объекте строительства и его характеристики. На конкретном объекте исследования был проведен комплекс инженерно-геодезических работ при строительстве участка транспортной магистрали протяженностью 51, 757 км и его реконструкции в 1-б категорию.

Результатом работы является проведение геодезических разбивочных работ при реконструкции трассы и возведение дорожной одежды нежесткого типа, состоящей из нескольких слоев.

АBSTRАСT

The volume of the thesis is 61 pages, 27 figures, 7 tables, 2 applications, 25 sources of literature.

Keywords: engineering and geodesic surveys, take-out in nature, breakdown, construction, road clothing, roadbed, equation of networks, geodetic support.

The purpose of the work: geodetic support for the reconstruction of the road section of the «Aktobe-Atyrau-Astrakhan» highway with a length of 51, 757 kilometers.

To achieve these goals, the following tasks are set:

• Getting general information about objects under construction

• Study of information about methods and methods of geodetic works in the construction of a highway

• Carrying out geodetic surveys during the construction of the facility.

The section of the Aktobe-Atyrau-Astrakhan highway is part of the international transport corridor "Western Kazakhstan - the border of the RF" and, due to the high intensity of road traffic, requires complete reconstruction, which will reduce the time for transporting goods within the country and increase transit traffic.

This work disclosed general information about the stages and methods of road construction, as well as geodetic surveys. During the work, all information about the construction object and its characteristics was obtained. A complex of engineering and geodetic works was carried out at the study site during the construction of a section of a transport highway with a length of 51, 757 km and its reconstruction to a category 1-b road.

The result of the work is the work on geodetic marking during the reconstruction of the highway and the construction of a non-rigid pavement consisting of several layers.

МАЗМҰН

1 ҚҰРЫЛЫС ОБЪЕКТІСІ ЖАЙЛЫ ЖАЛПЫ АҚПАРАТ6

1. 1 Құрылыс алаңының физикалық-географиялық сипаттамасы6

1. 2 Жергілікті жердің климаты7

1. 3 Жер бедері. Топырақ және өсімдік қабаты8

1. 4 Геологиялық құрылымы10

1. 5 Гидрогеологиялық көрсеткіштері11

1. 6 Инженерлік-геологиялық жағдайлар11

1. 7 Жол құрылыс материалдары13

1. 8 Жолдың негізгі технологиялық нормалары мен көрсеткіштері14

1. 9 Қозғалыс қарқындылығы16

2 ЖОЛДАРДЫ ҚҰРУ КЕЗІНДЕГІ ГЕОДЕЗИЯЛЫҚ ЖҰМЫСТАР18

2. 1 Топографиялық-геодезиялық жұмыстардың міндеттері мен мазмұны18

2. 2 Жол құрылыс жұмыстарын ұйымдастырудағы геодезиялық қамтамасыз ету21

2. 3 Жолдардың классификациясы. Техникалық жобалау шарттары. Бақылау элементтері22

2. 4 Геодезиялық ізденіс жұмыстарының технологиялық схемасы27

2. 5 Жол трассасын қалпына келтіру29

2. 6 Жол төсемі және жолдың жоғарғы қабатының құрылымын бөлу жұмыстары31

3 АҚТӨБЕ ОБЛЫСЫНДА ЖОЛ САЛУ КЕЗІНДЕГІ АТҚАРЫЛҒАН ИНЖЕНЕРЛІК-ГЕОДЕЗИЯЛЫҚ ІЗДЕНІСТЕР МЕН ГЕОДЕЗИЯЛЫҚ ЖҰМЫСТАР34

3. 1 Тірек геодезиялық торын құру34

3. 2 Геодезиялық таңбалау жұмыстары35

3. 3 Көлік жолының жол төсемі36

3. 4 Жер жұмыстарын жүргізу кезінде геодезиялық қамтамасыз ету38

3. 5 Жұмыс барысында қолданылған аспаптар44

3. 6 IndorCAD бағдарламасы46

3. 7 Жол жамылғысы. Жол жамылғысының қолданыстағы конструкциясы47

4 ҚАУІПСІЗДІК ТЕХНИКАСЫ ЖӘНЕ ҚОРШАҒАН ОРТАНЫ ҚОРҒАУ51

4. 1 Геодезиялық жұмыстарды орындау кезіндегі қауіпсіздік техникасы51

4. 2 Жолды жайластыру. Жол қозғалысы қауіпсіздігі52

4. 3 Қоршаған ортаны қорғау53

ҚОРЫТЫНДЫ54

I қосымша57

II қосымша59

ҚҰРЫЛЫС ОБЪЕКТІСІ ЖАЙЛЫ ЖАЛПЫ АҚПАРАТ Құрылыс алаңының физикалық-географиялық сипаттамасы

Республикалық маңызы бар А-27 "Ақтөбе - Атырау - Ресей шекарасы (Астрахань бағытында) " (52 - 100км) автомобиль жолын реконструкциялауға арналған жұмыс жобасы "ҚазАвтоЖол "ҰК"АҚ Ақтөбе облыстық филиалының техникалық тапсырмасы негізінде орындалды. Сондай-ақ, "Қазақстан Республикасы Көлік жүйесінің инфрақұрылымын дамытудың және ықпалдастырудың 2020 жылға дейінгі мемлекеттік бағдарламасын іске асыру жөніндегі іс-шаралар жоспарын бекіту туралы" 12. 02. 2014 жылғы №81 ҚР ӨЖ; "Қазақстан Республикасы Көлік және коммуникация министрлігінің 2014-2018 жылдарға арналған стратегиялық жоспары туралы" ҚР Үкіметінің 31. 12. 2013 жылғы №1561 қаулысы жобалаудың негізі болып табылады.

Реконструкцияланатын автомобиль жолы республикалық маңызы бар жолдар желісіне жатады (А-27) және Астраханьға шыға отырып, Қазақстан Республикасын Ресей Федерациясымен қосатын жол учаскесі болып табылады. Әкімшілік жоспарда автожол Ақтөбе облысының Алға және Мұғалжар аудандарында орналасқан (1-сурет) .

1-сурет. А-27 "Ақтөбе - Атырау - Ресей шекарасы (Астрахань бағытында) "

(52 - 100км) автомобиль жолының сұлбасы. 1 : 2 000 000

Жобалау-сметалық құжаттама 2015 жылдың маусым-шілде айларында "ПроектСтройДиалог Актобе" ЖШС орындаған іздестіру жұмыстарының материалдары бойынша әзірленген. Қайта реконструкциялау жұмыстары жүргізілетін автомобиль жолы 1976 жылы салынған.

Көлік жолы III техникалық санаттағы нормаларға сәйкес асфальт-бетоннан жасалған жеңіл жабынға ие, жазық рельефте орналасқан және дренаждармен толықтай қамтамасыз етілмеген.

Қазіргі уақытта жолдың жағдайы қанағаттанарлықсыз жағдайда, жабынның және жер төсемінің көптеген ақаулары бар, жолдың бойлық және көлденең профильдері автокөлік қозғалысының қауіпсіздігін қамтамасыз ету бойынша ҚНжЕ талаптарына сәйкес келмейді.

Жол жиектері айтарлықтай төмендетілген, жол жиектерін нығайту орындары жоқ. Жер төсемінің ені 11-ден 20 метрге дейін [1] .

Жергілікті жердің климаты

Жол-климаттық аймақтарға бөлу бойынша трассаның орналасу аумағы IV жол-климаттық аймаққа жатады. Яғни, жол топырақ жеткіліксіз ылғалданған, дала аймағында орналасқан. Бұл аумақтың климаты шұғыл континентті, қысы суық және қары аз, ал жазы ыстық, әрі құрғақ. Қаңтар айында ауаның орташа температурасы -15°С, шілде айында 22°С. Аумақ бойынша ауаның орташа жылдық температурасы - 3, 6°С (1-кесте) [2] .

1-кесте. Ауаның орташа жылдық температурасы

III

Жыл

-15, 6

-14, 9

-8, 2

+4, 7

+14, 6

+19, 8

I: VII

II: VIII

III: IX

IV: X

V: XI

VI: XII

Жыл: +3, 6

I: +22, 3

II: +20, 3

III: +13, 3

IV: +4, 4

V: -4, 8

VI: -12, 1

Ең ыстық ай - шілде; орташа температура: +22, 30 ^о С.

Ауа температурасының абсолютті максимумы: +43 ^о С.

Ең суық ай - қаңтар; орташа температура: - 15, 6 ^о С.

Ауа температурасының абсолютті минимумы: - 48 ^о С.

Желдің жылдамдылығы 1 см - 1 м/сек

Желдің қайталануы 1 см - 5% (2 - сурет)

2-сурет. Жел тармақтары

Жер бедері. Топырақ және өсімдік қабаты

Геоморфологиялық аудандастыруға сәйкес, қайта салынған жол кең-байтақ Орал алды үстіртінің бөлігі болып табылатын Ақтөбе облысының оңтүстігінде орналасқан. Сипатталған аумақтың рельефі биіктелген төбелі-жоталы жазық болып табылады.

Қазіргі рельефтің қалыптасуы негізінен тұзды күмбездердің пайда болу процестеріне байланысты. Рельефтің сыртқы пішіндері негізінен суайрықтар, ал күмбезаралық депрессияларда (ойпаңдарда) - аңғарлар мен тұйық алаптар ретінде қалыптасқан. Қазіргі уақытта жазық аумақтардың шайылу процестеріне байланысты рельефтің пішіндері тегістелген. Су эрозиясы рельефтің түзілу процесін ойпаңдардың, құрғақ аңғарлардың, сайлардың және жыралардың тығыз желісінің пайда болуымен аяқтайды. Абсолютті жер биіктігі 150м-ден 330м-ге дейін (3-сурет) .

Ауданның гидрографиялық желісі жолдан 2-3 км сол жақта ағатын Елек өзенімен тікелей байланысты. Елек өзені Мұғалжар тауының батыс бөлігіндегі Бестөбе сілемінен қос тармақ болып бастау алады.

Елек өзен аңғарының түбі жартылай ойысты болып келеді және екі жайылма террасалары мен екі жайылма үсті террасасынан тұрады. Өзен мен оған қатысты уақытша ағындардың ағын сулары тек қысқы жауын-шашын мен жер асты сулары есебінен ғана толады.

Жолды қайта жаңғырту барысында Елек өзенінің суы техникалық сумен қамтамасыз етілу үшін қолданылды.

Агроклиматтық аудандастыруға сәйкес жол жылы құрғақ дала аймағында орналасқан. Қара-қоңыр топырақ негізінен карбонатты лесс тәріздес саздақтарда және саздарда дамыған. Топырақ түзуші тау жыныстары - әртүрлі жастағы және құрамдағы элювийлі-делювийлі түпкі жыныстардың, негізінен ауыр саздақтардың, сондай-ақ жеңіл құмды және шаңды саздар шөгінділері.

Қарашірік горизонтының қалыңдығы 30 см-ден аспайды. Қарашірік мөлшері 2% жетеді.

Жылы құрғақ далаларға тән қасиет - өсімдік жамылғысынан айқын көрінетін кешенділік. Кешенділіктің пайда болуының негізгі себебі ретінде микрорельеф пен гидротермиялық режимнің микротөмендеуі және микроұлғаюы қарастырылады.

Қара-қоңыр топырақтар құрғақ климатта және нашар дамыған жусан-боз-бетегелі өсімдіктердің астында пайда болған.

Шөптесін өсімдіктер жер асты қабатының жоғарғы бөлігін қоспағанда, бүкіл айналаны қамтиды.

Ағашты өсімдіктер ұсақ жапырақты шегіршін (қарағаш), терек, сирек үйеңкі және қайың, бұталы ағаштардан негізінен ылғал сүйгіш - талдар тараған [3] .

3-сурет. Ақтөбе облысының жер бедері картасы

Геологиялық құрылымы

Оралалды үстірті - үлкен геологиялық құрылымның шығыс бөлігі болып табылады, ол палеозой жартасты іргетасының өте терең орналасуымен және сәйкесінше борпылдақ мезокайнозой шөгінділерінің болуымен сипатталады. Соңғыларының ішінде Бор дәуірінің шөгінділері ең көп таралған, соның ішінде бүкіл аумақты жоғарғы бор шөгінділері алып жатыр, ал төменгі бор шөгінділері тек өзен аңғарлары мен ірі арқалықтардың бүйірлерінде кездеседі. Төменгі бор шөгінділері сұр және жасыл-сұрдан қара және түрлі-түсті саздармен, сондай-ақ түрлі түйіршікті ашық сұр және қоңыр құмдармен ұсынылған.

Төменгі бор дәуірінің құмдары (альт) аймақта кең таралған және іс жүзінде кеңінен қолданылатын қойнауқаттық арынды сулар қабатымен тікелей байланысты.

Жоғарғы бор шөгінділері тұзды күмбездердің және күмбезаралық ойыстардың қанаттарын құрайды. Олар ақ бордың, сұр және жасыл-сұр мергельдің, ұсақ құмдардың қабаттары бар жасыл - сұр саздардың қуатты (ондаған және жүздеген метр) қабаттарымен ұсынылған.

Аймақта палеогендік және неогендік шөгінділер сирек кездеседі, ұсақ құмдар мен ұсақ құмдардың қабаттары бар сарғыш - сұр саздармен ұсынылған.

Бор, неоген және палеоген жасындағы барлық жыныстар төрттік континентальды түзілімдердің әлсіз қабатымен жабылған:

элювиалды;
делювиалды;
пролювиалды;
аллювиалды (2 - кесте) .

Элювий - бұл төбелер мен жартастардың шыңдарындағы бор және палеоген саздары мен құмтастардың үгілген формасы, саздақтар мен құмдақтар, кейде қиыршық тастар түрінде тараған.

Беткейлерден төмен қарай сырғанап, төбелер мен жоталардың беткейлерінде қайта шөгілген элювий түзілімдері делювиалды саздақтар мен саздарды, кейде қиыршық тасты да түзеді.

Жарлар мен сайлар түбіндегі жаңбыр, уақытша ағын сулар арқылы тасымалданған суайрық және беткей шөгінділері пролювиалды саздақтарды, сазды, құмдақтарды құрайды. Көлбеу жазықтағы делювиалды - делювиалды - пролювиалды шөгінділердің қабылдығы 2-4 м аспайды [4] .

Су айрықтарынан шайылып, жаңбыр мен қар ағындары арқылы өзен аңғарларында қайта шөгілген аллювиальды шөгінділері неғұрлым күштірек (бірнеше метр және ондаған метрге дейін) болып табылады. Өзен арнасы және террассада тараған аллювий әдетте қиыршық тастар мен шақпатастар араласқан құмдармен, көбінесе құмдақ, саздақтармен, саз және балшықпен ұсынылған.

Сейсмикалық жағдай бойынша жұмыс ауданы сейсмикалық емес.

Қауіпті физикалық-геологиялық құбылыстар анықталған жоқ.

2 - кесте. Геологиялық құрылымы

Геологиялық шөгінді

Таралу түрі

Геологиялық шөгінді: Элювий

Таралу түрі: саздақтар, құмдақтар, сирек қиыршық тастар

Геологиялық шөгінді: Делювий

Таралу түрі: саздақтар, саздар, сирек қиыршық тастар

Геологиялық шөгінді: Пролювий

Таралу түрі: саздақтар, саз, құмдақтар

Геологиялық шөгінді: Аллювий

Таралу түрі: қиыршық тастар мен шақпатастар араласқан құмдармен, құмдақтар, саздақтар, саз және балшық.

Гидрогеологиялық көрсеткіштері

Ең кең таралған және практикалық маңызы бар, төменгі бор және жоғарғы бор шөгінділерімен шектелген жер асты сулары. Төменгі бор көкжиегі сазды қаптамалардағы ұсақ - сулы құмның қалың қабаттарымен ұсынылған. Ол арынды, ұңғымалардың дебиті 5-10 л/сек жетеді. Осы су ұңғымалары жобаланған тас жол өтетін аумақта орналасқан елді мекендерді ауыз сумен қамтамасыз етеді.

Жоғарғы бор шөгінділерінің сулы қабаты бор мен мергельмен бейнеленген тау жыныстарындағы жарықшақ сулары болып табылады. Арынды су: төбелер мен жоталардың етегіндегі жарықшақ сулары, бұлақ түрінде жер бетіне шығады немесе арқалықтар мен өзендердің пролювиалды және аллювиалды құмды шөгінділеріндегі жер асты суларын қоректендіреді.

Ал, ең жоғарғы арынсыз сулы көкжиек - өзен аңғарларындағы аллювиалды шөгінділердің және сайлар мен жыралардағы пролювиалды шөгінділердің жер асты сулары. Бұл көкжиек жаңбыр мен тасқын суларының сүзілуі арқылы қоректенеді және бор дәуірінің төмен жатқан шөгінділеріндегі арынды суымен толықтырылады. Жер асты сулары тұщы болғанына байланысты елді мекендерде, қыстау алаңдарында 5-9 м тереңдікте көптеген құдықтар арқылы тартылып, тұрмыста қолданылады.

Жол құрылысына қажетті ауызсу және шаруашылық - тұрмыстық су құбыры Тамды ауылы және Қандыағаш қаласының су құбырларынан жүргізілді. Техникалық сумен қамтамасыз ету үшін негізінен Елек өзенінің суы пайдаланылды [1] .

Инженерлік-геологиялық жағдайлар

Геоморфологиялық және геологиялық жағдайлар жол аумағының қазіргі геологиялық-литологиялық құрылымын қалыптастырды.

Аудан сейсмикалық жағынан сейсмикалық емес.

Жоғарыда айтылғандай, жолдың бағыты аласа төбелер - таяз жыралармен алмасып жататын дөңес-дөңес толқынды рельеф үстінде орналасқан. Рельеф пішіндері жайпақ беткейлермен тегістелген.

а) жер төсемі (земляное полотно)

Жер асты қабатының жағдайын зерделеу мақсатында трассалық тексеруден басқа 300 м-ден кейін жер асты қабаты мен жол жиегі жолағын бойлай тереңдігі 3 м ұңғымалармен бұрғылау жұмыстары жүргізілді.

Шағын жасанды құрылыстар (құбырлар) орнатылған орындардағы төмендетілген аумақтар да зерттелді. Қолданыстағы жер төсемі 1:1, 5 - 1:3 құламамен жол жиегі қорларынан толтырылды. Жер төсемінің ені 11-ден 20 м-ге дейін, биіктігі 0, 8-ден 3 м-ге дейін, көпірлерге жақындағанда 4 м және одан жоғары биіктікке өзгертілді.

Зертханалық зерттеулер бойынша жол учаскесінің барлық ұзындығы бойынша жол төсемінің топырағы 4 инженерлік-геологиялық элементтерге (ИГЭ) бөлінді. Бұл негізінен ауыр құмды саздақ және жеңіл құмды саздақ, құмдақ, 85 км-ден кейін екі шағын аумақта жеңіл шаңды саздар кездеседі. 85 км-ге дейін топырақтың тұздануы байқалмайды, 85 км-ден кейін сульфатты әлсіз және орташа сортаңдану пайда байқалады.

Жер асты қабатының жұмыс қабатындағы топырақтың тығыздығы ҚНжЕ талаптарынан төмен. Тығыздау коэффициенті кем дегенде 0, 95 болуы керек, ал зертханалық мәліметтер бойынша Ку-0, 74 ÷ 0, 94. Сондықтан, жабынды алып тастағаннан кейін, қолданыстағы жер асты қабатын тығыздау жұмыстары жүргізілді.

Жер төсемі қабатының жай-күйіне су өткізгіш құбырлар орнатылған (немесе мүлдем жоқ) төмен рельефті аймақтардағы жер асты топырақтарының жиі-жиі ылғалдануы теріс әсер етеді. Бұл жерлерде жер төсемінің өзіндік биіктігі төмендеген және су басқан. Ал төмен температурадағы ылғалдылығы жоғары топырақтар аязда ісінуге, еріген кезде шөгуге бейім болады. Сондықтан, жолдың жүріс бөлігінің ең елеулі деформациялары (ойлы-қырлы болуы, шөгуі) сайлар мен арқалықтардың қиылысында, сондай-ақ тоқырау суы бар жерлерде байқалады.

Жолды қайта жөндеу кезінде жерасты қабатын кеңейту және көтеру жұмыстары жүргізілді. Жұмысты бастамас бұрын беткейлер мен қорлардан топырақ пен өсімдік қабатын алып тастау қажет.

Қолданыстағы жер төсемінің беткейлері жұмсақ, ал қордың үсті шөп басып кеткен. Жол жиектері нығайтылмаған және төмендеген. Жер төсемінің шайылуы байқалмады.

Жер асты сулары 1, 5 - 2, 7 м тереңдікте шағын жасанды құрылыстар (құбырлар) орнатылған 4 жердегі құдықтар арқылы анықталды (ПК 65, ПК 167+55, ПК 171+66, ПК 212+83) .

б) Жол бойындағы жолақ (притрассовая полоса)

Жол жиегіндегі жолақтың топырақтары дәл сол топырақтардан тұрады: ауыр және жеңіл құмды саздақ пен қосымша құдықтармен анықталған: орташа өлшемді құм және 0, 5-0, 6 м тереңдікте саздақ астындағы малтатас. Қандыағаш қаласын айналып өтетін учаскеде жеңіл және ауыр шақпатасты саздақ, шақпатасты құмдақ кездеседі.

Жүргізілген талдау нәтижесінде жол бойындағы жолақта 11 инженерлік-геологиялық элемент анықталды.

Топырақтың тұздануы негізінен жоқ, тек шағын аудандарда сульфатты әлсіз және орташа сортаңдану жүреді, топырақтың тығыздалу коэффициенті 1, 00 ÷ 1, 10. Ылғалдығы жағынан топырақ қатты және жартылай қатты консистенциялы болып келеді. Құбыр монтаждау аудандарында топырақ жартылай қатты консистенциядан тығыз-пластикалық консистенцияға дейін өзгереді.

Жол жиегіндегі жолақтың топырақтары жер төсемінің қабатын толтыруға жарамды. Жұмысты бастамас бұрын 20 см қалыңдықтағы топырақтың жоғарғы қабатын алып тастау керек, ол кейіннен рекультивация кезінде пайдаланылады.

Барлық сазды топырақтардың су жинағыш ерекшелігін ескере отырып, оларды жұмыс қабатында шектеусіз (жер үсті суларын кетіру жағдайында) пайдалануға болады, тек топырақты батпақтанудан қорғауды қамтамасыз ету қажет (ҚР ҚНжЕ 3. 03-09-2006 б. 7. 2. 4) .

Жер төсеміндегі және жол бойындағы топырақтардың атауы, олардың тұздылығы бойлық профильге орналастырылды [1] .

Жол құрылыс материалдары

Облыстың геологиялық құрылымы жол - құрылыс материалдарының кедейлігін тудырады.

Жолды қалпына келтіру кезінде жұмыс істеп тұрған кәсіпорындардың материалдары пайдаланылады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.