ТІРІ ЖҮЙЕНІҢ ҰЙЫМДАСТЫРУШЫЛЫҚ ДЕҢГЕЙІ ТУРАЛЫ ТҮСІНІК

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

№3ЛЕКЦИЯ. ТІРІ ЖҮЙЕНІҢ ҰЙЫМДАСТЫРУШЫЛЫҚ ДЕҢГЕЙІ ТУРАЛЫ ТҮСІНІК.

Тапсырмалар:

1. Тіршілік деңгейлеріне сипаттама беріңіз:

№

Тіршілік деңгелері

Сипаттамасы

№: 1

Тіршілік деңгелері: Молекулалық деңгей

Сипаттамасы: Бұл - тіршілікке тән бастапқы ең қарапайым деңгей. Кез келген тірі организм құрылысының қарапайымдылығына немесе күрделілігіне қарамай, оның бәрі де біркелкі молекулалық қосылыстардан тұрады.

№: 2

Тіршілік деңгелері: Жасушалық деңгей

Сипаттамасы: Жер бетіндегі тірі организмдердің көпшілігінің құрылымдық және қызметтік бірлігі-жасушадан тұрады. Жасушалық деңгейде оның құрамындағы жеке органоидтердің өзіне тән құрылысы болады және олар жасушада белгілі бір кызмет атқарады. Жасушадағы жеке органоидтердің атқаратын кызметі өзара бір-бірімен тығыз байланысып, жасушадағы біртұтас тіршілік процестерін жүзеге асырады.

№: 3

Тіршілік деңгелері: Ұлпалық деңгей

Сипаттамасы: Шығу тегі, құрылысы және атқаратын кызметі біркелкі жасушалар мен жасушааралық заттардың жиынтығынан ұлпа түзіледі. Ұлпалық деңгей - тек көп жасушалы организмдерге тән қасиет. Жеке ұлпалар да өз алдына тұтас организм бола алмайды. Мысалы, жануарлар мен адам денесінде төрт түрлі ұлпа (эпителий, дәнекер, бұлшық ет жане жүйке) болады. Өсімдік мүшелеріндегі ұлпалар - түзуші, жабын, тірек, өткізгіш және бөліп шығарушы деп аталады.

№: 4

Тіршілік деңгелері: Мүшелік деңгей

Сипаттамасы: Көп жасушалы организмдерде шығу тегі, құрылысы және атқаратын кызметі біркелкі ұлпалар жиналып, мүшелік деңгейді құрайды. Әрбір мүшенің құрамында бірнеше ұлпа кездеседі және бір ұлпа ғана басым болып келеді. Әрбір жеке мүше де тұтас организм бола алмайды. құрылысы мен атқаратын қызметі ұқсас бірнеше мүшелер бірігіп жеке мүшелер жүйесін құрайды.

№: 5

Тіршілік деңгелері: Организмдік деңгей

Сипаттамасы: Денесі бір ғана жасушадан тұратын өсімдіктер мен жануарлар өз алдына жеке организм. Ал көп жасушалы организмдердің жеке бір дарасы жеке организм деп есептеледі. Жеке организм денесінде тірі организмдерге тән барлық тіршілік процестері-қоректену, тыныс алу, зат алмасу, тітіркену, көбею т. б. жүреді. Әрбір жеке организм өзінен кейін ұрпақ қалдырып отырады. Көп жасушалы организмдерде жеке жасушалар, ұлпалар, мүшелер және жеке мүшелер жүйесі тұтас организм бола алмайды. Тек бір организмдегі барлық мүшелер жүйесі өзара үйлесімді қызмет атқара отырып, тұтас бір организмді құрайды. Организм тікелей сыртқы табиғи орта жағдайларымен тығыз байланыста ғана тіршілік ете алады.

№: 6

Тіршілік деңгелері: Популяциялық-түрлік деңгей

Сипаттамасы: Өзіне тән табиғи орта жағдайында, бір түрге жататын белгілі бір аймақта таралған даралардың жиынтығы популяцияны құрайды. Популяция дегеніміз - бір түрдің жеке өз алдына оқшауланған әрі көптеген даралардан тұратын тобы. Популяциялық деңгейде ғана алғаш рет қарапайым эволюциялық өзгерістер байқалады, ол бірте-бірте жаңа түрдің пайда болуына септігін тигізеді.

№: 7

Тіршілік деңгелері: Биогеоценоздық деңгей

Сипаттамасы: Құрылымдық деңгейі әр түрлі бір табиғи орта жағдайында ғана тіршілік етуге бейімделген көп түрлі организмдер жиынтығын биогеоценоз дейді. Оны кейде табиғи бірлестік деп те атайды. Биогеоценоз құрамына сан алуан тірі организмдер және белгілі табиғи орта жағдайлары біріктіріледі. Биогеоценоздағы организмдердің денесінде энергия жинақталады және энергия бір организмнен екіншісіне беріліп отырады. Биогеоценоздың құрамында бейорганикалық, органикалық қосылыстар және тірі организмдер болады.

№: 8

Тіршілік деңгелері: Биосфералық деңгей

Сипаттамасы: Жер ғаламшарындағы барлық тірі организмдер мен олардың тіршілік ететін жалпы табиғи орта жағдайларының жиынтығы биосфералық деңгейді құрайды.

2. Сұрақ-жауап:

Тірі материяның ұйымдастыру деңгейің, жер шарының барлық экожүйемен байланысты құрылымы-Биосфера.
Қоршаған орта мен ағзалардың қарым-қатынасын оқытатын деңгей-Экология.
Белгілі бір кеңістікте мекендейтін, жалпы бірдей генофоны бар, бір түр дараларының жиынтығы-Популяциялық.
Тірі ағзалардың маңызды стуктуралық және функционалдық бірлігі-Жасушалық.
Тіршіліктің барлық құрылымынан тұратын, тіршіліктің ұйымдастыруының бастапқы деңгейі-Молекулалық.
Бір жасушалы және көп жасушалы ағзалармен берілген ағза біртұтастығын оқытатын деңгей-Ағзалық.
Тірі ағзалардың әсерінен дамыған жердің сыртқы қабаты-Биосфералық.
Бір-бірімен зат, энергия, ақпарат алмасу арқылы байланысқан және тіршілік ету ортасы бір тірі ағзалар жиынтығы-Биогеценоздық.
Тірі жүйе құрамына кіретін, құрылымы органикалық және бейорганикалық молекулалардан тұратын деңгей-Молекулалық.

... жалғасы

Сіз бұл жұмысты біздің қосымшамыз арқылы толығымен тегін көре аласыз.