Turbo Pascal тілінің сипаттамасы

Паскаль тілін 1968-1971 жылдары швейцариялық ғалым Никлаус Вирт оқып-үйренуге қолайлы программалау тілі ретінде ұсынған болатын. Қазіргі кезде бұл программалау тілі оқып-үйрету үшін ғана емес, басқа да салаларда кеңінен қолданыларды. Паскаль тілінің қазіргідей танымал болуына Турбо Паскаль (Turbo Pascal) пакетінің пайда болуы өз әсерін тигізді. Бұл программалау тілі алгоритмдерінің тиянақтылығымен, компиляторының жылдам әрекеттілігімен және программаларды құратын және орындайтын құралдарының қолайлы болуымен ерекшеленеді. Паскаль тілінің басқа программалау тілдерінен басты ерекшелігі ретінде осы тілде жазылған программалардың қарапайым алгоритмдік тілдерге барынша ұқсас келетіндігін айта кету керек.

Turbo Pascal 7.0 ортасы
Турбо Паскал программалау жүйесінің негізгі компоненттеріне - Паскаль тілінің компиляторын, программалардың бастапқы мәтінін құрып-өңдейтін және программа мәтінін орындайтын (қателерін табатын) құралдарын жатқызады. Осы компоненттердің барлығы өңдеушінің бірыңғай ортасын құрайды. Программалаушы Паскаль тілінде программа құрған кезде осы бірыңғай ортада жұмыс істейді.

Программаны іске қосу
Turbo Pascal 7.0 программасын іске қосу үшін:
1. С: каталогында орналасқан* Turbo Pascal 7.0 қапшығын ашу.
2. Turbo Pascal 7.0 қапшығынан BIN қапшығын тауып ашу.
3. BIN қапшығынан turbo (.exe) файлын ашу.
Осы әрекеттерді орындағаннан кейін экранда төмендегідей терезенің пайда болғанын көресіз.