Қоғамдық тәртiптi қамтамасыз ету – мемлекеттiң бiрiншi кезектегi мiндетi

Қоғамдық тәртiптi қамтамасыз ету - мемлекеттiң бiрiншi кезектегi мiндетi

Елiмiздiң Бас прокуратурасында құқық қорғау органдарының кеңейтiлген алқа отырысы болып өттi. Оған Мемлекет басшысы Нұрсұлтан Назарбаев, сондай-ақ «Нұр Отан» ХДП Төрағасының бiрiншi орынбасары, ҚР Президентiнiң кеңесшiсi Әдiлбек Жақсыбеков, Президент Әкiмшiлiгiнiң, Қауiпсiздiк Кеңесiнiң, Жоғарғы Соттың, Экономикалық қылмысқа және сыбайлас жемқорлыққа қарсы күрес агенттiгiнiң, IIМ-нiң басшылары мен Парламент депутаттары қатысты. Кеңейтiлген алқа отырысында сыбайлас жемқорлық пен қылмысқа қарсы күрестiң қазiргi жағдайы қаралды.

Алғашқы кезекте Бас прокурор сөйледi. Ол елiмiздегi экономика саласындағы табыстарымызға, халықтың әл-ауқатының қаншалықты артқанына, заңдылықты сақтау тетiктерiнiң жетiлдiрiлуiне тоқталды. Аталған мәселелер заңның сақталуы мен тәртiптiң нығаюына әсерiн тигiзгенiн атап өттi.

- Құқық бұзушылық бiртiндеп азайып келедi. Соның арқасында халықтың билiкке деген сенiмi арта түстi. Прокуратура органдары заңдылық пен тәртiптi одан әрi нығайту барысында азаматтардың бостандығы мен құқын, мемлекетiмiздiң экономикалық мүддесiн қорғауда, саяси тұрақтылықты қамтамасыз етуде және бейбiт тұрмыс пен ұлтаралық татулықты сақтауда өзiнiң конституциялық өкiлеттiлiгi шегiнде жұмыс iстеуде. Өткен жылы заңдылықтың сақталуын қадағалау мақсатында 22 мың тексеру жүргiзiлдi. Сөйтiп 110 мың құқық бұзушылық анықталды. Оларды жою үшiн 34 мыңнан астам актiлер енгiзiлдi. 340 мыңнан астам азаматтың конституциялық құқықтарының сақталуы қамтамасыз етiлдi. 32 мыңнан астам заңсыз актiлер анықталды, соған сәйкес 43 мың адам жауапкершiлiкке тартылды. Мемлекет кiрiсiне 20 млрд. теңге кiрiс келтiрiлдi, -дедi Бас прокурор өз сөзiнде.

Бас прокурордың сөзiне қарағанда, сыбайлас жемқорлыққа қарсы күрестi күшейту мақсатында 2200 тексеру жүргiзiлiп, 7 мың сыбайлас жемқорлыққа қатысты қылмыс анықталған. 100 мың заңсыз актiлердiң күшi жойылып, 2600 адам жауапқа тартылған.

Жер туралы заңның сақталуы нашар екенi айтылды. Осы мәселе бойынша 20700 заң бұзушылық анықталды. Оларды жою үшiн әкiмдерге мыңға тарта прокурорлық қадағалау актiлерi жiберiлдi. Бiрақ, тиiстi лауазымды тұлғалар жер туралы заңды бұзғандарға қарсы шара қолдануға асыққан жоқ, заң бұзушылықты жоюға кiрiсе қоймады. Мемлекет басшысы аталған мәселенi Қауiпсiздiк Кеңесiнiң күн тәртiбiне шығарған соң ғана мәселе шешiмiн тапты. Артынша Үкiмет аталған кемшiлiктi жоюға кiрiстi.

Тұрғын үй құрылысы мен оны бөлу саласында да мыңдаған заң бұзушылық анықталды. Соған сәйкес 2 мыңның үстiнде прокурорлық акт енгiзiлдi.

Бүгiнде елдегi қылмыстық ахуал сауығып келедi. Адам өлтiру, зорлау, ұрлық, тонау және жасөспiрiмдер қылмысы бұрынғы жылдармен салыстырғанда азайды.

Дегенмен, кемшiлiктер де жеткiлiктi. Құқық қорғаушылар арасында тәртiп төмен. Прокурорлар заңсыз қылмыстық iс қозғау туралы бiрнеше қаулының күшiн жойды. Көптеген iстер бойынша кемшiлiктердi түзеу үшiн ұсыныстар енгiзiлдi. Осындай кемшiлiктерi үшiн 6 мыңға жуық құқық қорғау органдарының қызметкерлерi жауапқа тартылды.

Арыздарды дер кезiнде тiркемеу, iстердi атүстi жүргiзу құқық қорғау органдарына деген халықтың сенiмiн сетiнетедi.

Ұйымдасқан қылмыспен күрес мәселесiнде қылмысты қудалау органдары ескi әдiспен жұмыс iстейдi. Ауыр қылмыстардың алдын алуда қырағылық жоқтың қасында.

Жалпы, құқық қорғау органдарының өз iшiнде сыбайлас жемқорлықтың асқынып тұрғаны отырыста өткiр сыналды.

Кеңейтiлген алқа отырысында Ұлттық қауiпсiздiк комитетiнiң төрағасы А. Шабдарбаев, Ішкi iстер министрi Б. Мұхамеджанов, Жоғарғы Сот Төрағасы Қ. Мәми сөз сөйледi. Олар өздерi басқаратын салалардағы құқық қорғау қызметiнiң тиiмдiлiгiн арттыру мақсатындағы шаралар туралы айтып бердi.

Отырысты Елбасы Н. Назарбаев қорытындылады.

- Өздерiңiз бiлетiндей, бiздiң мемлекетiмiзде барлық тиiстi органдар құрылып, экономикамыз алға басты, халықтың әл-ауқаты жақсарды. Ендiгi кезекте экономика мен өмiрдiң жаңа реформасына көшу мiндетi тұр. Басқа зайырлы әрi құқықтық мемлекеттермен тереземiз тең болуы керек. Бүгiнде экономикамыз өркендеп, өсiп отыр. Саяси реформалар табысты жүргiзiлдi . . . Конституция мен заң - халық пен билiктiң арасындағы үнқатысу көпiрi. Осы жәйт тиiмдi жүзеге асырылмаса, демократия да, мемлекет те, тәртiп те болмайды. Қарапайым адамның мүддесiн қорғау прокуратура органдары мен Ішкi iстер министрлiгiнiң, сот жүйесiнiң қолында. Бiз қылмыскерлерге қарсы тұрып, құқықтық тәртiптi қадағалайтын полиция қызметкерлерiне рахмет айтуымыз керек. Осы орайда құқық қорғау органдары өздерiнiң iшкi тәртiптерiн күшейтулерi тиiс, - дедi Мемлекет басшысы.

Президент өткен жылғы халыққа Жолдауында елiмiздiң iшкi және сыртқы саясатының 30 басым бағыты айқындалғанын атап көрсеттi.

- Бүгiн мен сiздермен кездесiп, аса маңызды бағыттардың бiрi - құқық қолдану мен құқықтық тәртiптi нығайту тәжiрибесiн жетiлдiрудiң барысын талқылауды жөн көрдiм. Басқосуымыз Бас прокуратураның кеңейтiлген алқа мәжiлiсi аясында өтiп отыр. Тұтастай алғанда, құқық қорғау жүйесi өзiне жүктелген мiндеттердiң үдесiнен шығып келе жатқанын айтып өткiм келедi. Осы сөзiмнiң айғағындай, полицейлер күндiз-түнi құқық тәртiбi күзетiнде тұрады. Қылмыскерлермен де бетпе-бет келiп, күрделi қылмыстық iстерге тергеу жүргiзедi. Көп жағдайда парызына берiлген адал адамдар жұмыс iстейдi, - дедi Елбасы.

- Сыбайлас жемқорлықпен және өзге де қаржы бұзушылықтармен күресте қаржы полициясы да аз жұмыс атқарып отырған жоқ. Елiмiзде қылмыстық зорлық-зомбылыққа қарсы тұруда, азаматтардың өмiрiн, денсаулығын, меншiгiн сенiмдi күзетудi қамтамасыз етуде қажеттi әлеует күшейтiле түсуде. Жалпы алғанда, қылмыс деңгейiн тұрақтандыруға қол жеткiзiлiп отыр. Сiздерге тиiмдi жұмыс iстеу үшiн мүмкiндiк туғызылуда. Сондықтан мемлекет пен азаматтар да нақты белсендi iс-қимыл талап етуге құқылы, -деп жалғастырды сөзiн Н. Назарбаев.

Президент тұтас бiр мемлекеттiк органның имиджiн бiр ғана қызметкердiң заңға қайшы қадамы жоққа шығаруы ықтималдығын, прокуратураның деректерiне қарағанда, қылмыс жасалғаны туралы азаматтардың өтiнiштерiн тiркеуден бас тарту фактiлерi кең таралғанын, есептiлiк әдейi бұрмаланатынын айтты. Есептен жасырылған 3, 5 мыңдай қылмыс анықталғанын сынады. Ал қоғамдық тәртiптi қамтамасыз ету мемлекеттiң бiрiншi кезектегi мiндетi болып табылады. Мемлекет басшысы жазадан мүлдем құтылып кету мүмкiн болмайтын жағдайдың қамтамасыз етiлмей келе жатқанын айтты.

Н. Назарбаев құқық қорғау органдары заңдылықты нығайтуда аянбай қызмет атқаруы керектiгiне тоқталды. Құқық қорғау органдарын азаматтардың конституциялық құқықтары мен бостандықтарын қорғауда, қылмыс пен сыбайлас жемқорлыққа қарсы күрестiң тиiмдiлiгiн арттыруда, сот төрелiгiн iске асыру және сот шешiмдерiн орындау барысында заңдылықтың сақталуын қамтамасыз етуге бағытталған шараларды дер кезiнде орындауға мiндеттедi.

Авторлық құқық

Интелектуалды меншіктілік құқығы, тіркеу мен толтыру тәртібі Қазақстан Республикасының 1999 жылғы 16 шілдедегі «Патенттік Заңмен» жүйеленіп, өндірістік меншіктілікті пайдаланумен, мүліктік және мүліктік емес қатынастармен байланысты, құрумен, құқықтық сақтаумен байланысты жүргізіледі.

Интелектуалдық меншіктілік - әр түрлі салалардағы (өндірістік, ғылыми, әдеби, көркем) интелектуалдық қызметтің және өнімнің индивидуализация құралдарына теңесу, орындалған жұмыспен қызмет көрсету (тауарлық белгі, тауардың шығарылу орнының атауы) нәтижесіндегі айрықша құқық.

Авторлық құқық - автордың жеке мүліктік және мүліктік емес құқығы.

Авторлық құқық мыналарға беріледі:

Қазақстан Республикасының территориясында халықтандырылған, бірақ Қазақстан территориясында тиімді формада табылатын шығармаға:

• автордың азаматтығына қарамай және оның құқық қабылдауына қарамай;
• авторды Қазақстан Республикасының азаматы деп санайды;
• авторды Қазақстан Республикасындағы халықаралық шарттарға сәйкес шетелдің азаматтығы жоқ тұлғалар жоқ деп санайды.
• шығарманың арналған бағытына, мазмұнына және мәртебесіне, сонымен қатар шығарманың тілі мен тәсіліне қарамастан шығармашылық қызметтің нәтижесі болып табылатын ғылымның, әдебиеттің және өнердің шығармаларына.

Авторлық құқық берілмейді

Жеке идеяларға, тұжырымдамаларға, принциптерге, әдістер, жүйелерге, жаңалықтарға және фактілерге.

Егер шығарма өзге территорияда алғаш жарық көрген күннен бастап 30 күн ішінде Қазақстан Республикасының территориясында жарияланған болса, ол Қазақстан Республикасында жарияланған болып табылады.

Авторлық құқық нысаны болып табылатын шығарма:

• әдеби шығармалар;
• драмалық және музыкалы драмалық шығарма;
• сценариялық шығармалар;
• хореографиялық және пантомимдік шығармалар;
• мәтінмен және мәтінсіз музыкалық шығармалар;
• аудиовизуалдық шығармалар;
• сурет, мүсіндеу, графика, басқа да бейнелеу өнерінің шығармалары;
• құрастырмалы өнер шығармалар;
• сәулет, қаласалу және бақшалы - саябақтық өнер шығармалары;
• фотографиялық шығарма және оған ұқсас әдіспен алынған фотографиялық шығарма;
• карталар, жоспарлар, эскиздер, иллюстрациялар, топография;
• ЭЕМ үшін бағдарлама;
• Басқа да шығармалар;
• Туынды шығармалар (аудармалар, өңдеулер, аннотациялар, рефераттар, түйіндеме, шолулар, қойылымдар, музыкалы өңдеулер және басқа ғылыми, әдеби және өнер шығармаларының өңдеулері) ;
• Жинақтар (энциклопедиялар, антологиялар, дерек қоры құрастырмалы шығармалар) .

Авторлық құқықтың нысаны болып табылмайтын шығармалар:

• ресми құжаттар (заңдар, сот шешімдері, басқа да заңдылық, әкімшілік, соттық, дипломатиялық, сипаттағы мәтіндер, сол сияқты ресми аудармалар) ;
• мемлекеттік рәсімдер мен белгілер (жалау, елтаңба, ордендер, ақша белгілері және басқа мемлекеттік рәсімдер мен белгілер) ;
• халық творчестволық шығармалары;
• ақпараттық сипаттағы оқиғалар мен фактілер туралы хабарлар.

Біріккен авторлық:

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс