ҚҰЗЫРЕТТІЛІК БІЛІМ ШЕҢБЕРІНДЕГІ ТАРАЗ ҚАЛАСЫНДА КЕРІМБАЙ АТЫНДАҒЫ 12 МЕКТЕП-РЕСУРСТЫҚ ОРТАЛЫҒЫНДА АТҚАРЫЛАТЫН ӘДІСНАМАЛЫҚ ІС-ШАРАЛАР

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

ӘОЖ 371.3.
С 14

ҚҰЗЫРЕТТІЛІК БІЛІМ ШЕҢБЕРІНДЕГІ ТАРАЗ ҚАЛАСЫНДА КЕРІМБАЙ АТЫНДАҒЫ №12
МЕКТЕП-РЕСУРСТЫҚ ОРТАЛЫҒЫНДА АТҚАРЫЛАТЫН ӘДІСНАМАЛЫҚ ІС-ШАРАЛАР

П. Сағымбекова, Э. Тлеубаева, А. Тортаева
Тараз мемлекеттік педагогикалық институты, Тараз қ.

Құзыреттілік білім шеңберінде өз орнын тауып, жақандану ағысына енген
еліміздің алдында тұрған міндеттердің бастысы – білім беру жүйесін
жетілдіру, елдің интеллектуалдық потенциалын көтеру.
Әрбір тәуелсіз дамыған мемлекеттің өзінің ішкі және сыртқы саясаты
болады. Бұрын, 70 жыл бойы бастауыш сыныптарда төл оқулықтарымыз т.б.
болмай аударма оқулықтармен оқып келген болсақ, бүгінде егемендік алып,
қоғамдық өмірдің барлық салаларында, соның ішінде, білім беру саласында
жүріп жатқан демократияландыру мектепті қазіргі кезеңдегі дағдарыстан
шығаратын қуатты талпыныстарға жол ашты, экономикалық, әлеуметтік және
саяси жедел жаңару жолына түстік. Қазақстан Республикасының Президенті Н.Ә.
Назарбаев қазақстан халқына жолдауында Қазақстанның әлемдегі бәсекеге
барынша қабілетті 50 елдің қатарына кіруі - мектеп қабырғасында берілетін
білімнің, оқытушылардың кәсіптік білім деңгейлерінің сапасымен тікелей
байланысты екенін көрсетті. Бұл дегеніміз, еліміздің тағдыры және
ұлтымыздың болашағы мұғалімнің қолында.
Жалпы алғанда, оқыту деп адамдарды қандай да бір білім, білік және
дағдылар жүйесімен қаруландыру процесін түсінетініміз белгілі. Білім беру –
белгілі бір жүйеге келтірілген білім, білік және дағдыларды игерудің
барысы, жас ұрпақты өмірге дайындаудың қажетті шарты. Қазақстан
Республикасының “Білім беру туралы” заңында: “Білім беру – бұл қоғам
мүшелерінің адамгершілік, интеллектуалдық, мәдени дамуының жоғары деңгейін
және кәсіби біліктілігін қамтамасыз етуге бағытталған тәрбие беру мен
оқытудың үздіксіз процесі”, –деп жазылған.
Қазақстан Республикасында жалпы білім беретін орта мектептің құрылымы
жас ұрпақтың ержетуіндегі жас ерекшелігінің негізгі үш кезеңіне (балалық
шақ, жеткіншектік шақ және жасөспірімдік шақ) сәйкес үш сатыдан тұрады:
1) Бірінші саты – бастауыш мектеп (1-4 сыныптар);
2) Екінші саты – негізгі мектеп (1-9 сыныптар);
3) Үшінші саты – бағдарлы (немесе бейімді) мектеп (1-11 сыныптар).
Халыққа білім беру жүйесінің қай сатысын алсақ та, оқыту процесінің
негізін оқушының танымдық қызметі құрайды, оқытуды ұйымдастырудың ең басты
мағынасы оқушының танымдық қызметінде. Бұл дегеніміз, оқыту процесінің аса
мәнді белгісі болып табылады.
Жалпы алғанда, оқу – оқушының өзіндік қызметі, қызметтің осы түрі арқылы
оқушы білім алады, білік және дағдылар жүйесімен қаруланады. Оқу жас
ұрпақтың бойында ес, зейін, қиял, логикалық ойлау және т.с.с. қасиеттерді
тәрбиелейді, жеке бастың жан-жақты дамуын қамтамасыз етеді. Мектептегі
оқыту – мұғалімнің басшылығымен жүзеге асырылатын балалардың мақсатқа
бағындырылған, жоспарлы және ұйымдасқан түрдегі танымдық қызметі. Оқытудың
міндеті жас ұрпақты өмірге баулу, өндірістегі еңбекке дайындау, қоғамға
пайда келтіретіндей практикалық іс-әрекетке үйрету, сондай-ақ оның жан-
жақты дамыған жекебас тұлғасын дамыту болып табылады.
Бастауыш оқыту – мектепте білім берудің алғашқы сатысы, онда мектепте
жүйелі білім алуды одан әрі жалғастыру үшін іргелі даярлық жүзеге
асырылады. Оқыту процесінің жүзеге асырылуындағы қиындық пен күрделілік
оқыту барысында екі технологиялық процестің, оқыту мен оқудың үйлесімді
қабысуында. Бұл процестердің екеуі де қатар жүреді, сондықтан да оларды
үйлесімді ара қатынаста жүргізу оңай болмайды. Бұған дейінгі “императивтік
педагогика” бала танымының технологиясын ескермей, оқушыларға мұғалімнің
технологиясын күштеп мойындатуға, сөйтіп айтылған үйлесімді ара қатынасты
бұзуға бағыт ұстайтын. Осының нәтижесінде оқушылар оқыту процесінің
белсенді емес “объектісі” жағдайында ғана қалып қоятын да, оларды оқудың,
білім алудың келешегі қызықтыра қоймайтын. Барлық мәселе мынада: мұғалім
қызметінің технологиясы толығымен баланың оқып, білім алуының технологиялық
процесін тиімді ұйымдастыруды қамтамасыз ету міндетіне бағындырылуы керек,
сонда ғана оқыту нәтижелі болмақ. Басқаша айтқанда, мұғалім оқушыларды
оқуға, білім алуға үйретуі тиіс. Оқыту процесін ұйымдастыру барысында оқушы
бұрынғыдай тек оқудың объектісі ғана болып қалмай, сонымен қатар оқудың
субъектісіне де айналуы тиіс, сонда ғана оқыту процесі нәтижелі болмақ.
Елбасы Н.Ә. Назарбаевтың 2005 жылғы 18 ақпандағы Қазақстан халқына
жолдауының 3.5. тармағындағы “Бәрі де мектептен басталады. Сондықтан
біздің 2008 жылдан бастап 12 жылдық жалпы орта білім беруге көшіп,
педагогтардың кәсіптік деңгейін, оқулықтармен білім беру бағдарламаларының
сапасын арттыруымыз керек” -деген талабына сай: жалпы білім беретін мектеп;
лицей; гимназия; бейімдік, бағдарлы мектеп, олардың атқаратын функциялары,
т.б. мәселелерді шешу мақсатында Тараз қаласының №12 Керімбай атындағы
орта мектеп қала әкімі И.Тортаевтың №956 қаулысына сәйкес мектеп-Ресурстық
орталық етіп алынды.
Мектеп-Ресурстық орталығының ғылыми жетекшісі – ТарМПИ ректоры,
педагогика ғылымдарының докторы, профессор, ҚБА академигі М.Н. Сарыбеков,
ТарМПИ-дің ғылыми-зерттеу бөлімінің бастығы, эксперимент бойынша менеджері
– филология ғылымдарының кандидаты, доцент міндетін атқарушы М.К.
Сыдықназаров, Керімбай атындағы №12 мектептің директоры Ф.Ә. Ноғайбаева
және директордың ғылыми істер жөніндегі орынбасары Б.Х. Тәжібаев басқарған
ғылыми-педагогикалық экспериментке қатысатын шығармашылық ұжым, мектеп-
Ресурстық орталығында жүргізілетін ғылыми-педагогикалық эксперименттің
Тұжырымдамасын, Ережесін және Бағдарламасын бекітіп, жұмыс басталып кетті.
Мектеп-Ресурстық орталығында оқыту негізгі кезеңдерге сай үш сатыда
жүргізіледі. І саты – бастауыш мектеп (1-4 сыныптар). Мектеп-
Ресурстық орталығының бастауыш мектебінің технологы Н.А. Мейірханованың
экспериментке қатысатын шығармашылық “Инновациялық зертхана” тобының 9
бастауыш сыныптарының мұғалімдерімен Ресурстық орталықтың талаптарына сай
орындайтын: әдістемелік жұмыс жоспары; шығармашылық тобының мұғалімдерінің
ғылыми-зерттеу тақырыптары; эксперименттік сыныптардың пәндік
бағдарламалары түзіліп, Ресурстық орталықта бекітілді.
2006 жылдың 7 қарашасында, мектеп-Ресурстық орталықтың құрылуына
байланысты “Инновациялық зертхана” – бастауыш бөлімінде, “Инновациялық
зертхана” шығармашылық тобындағы мұғалімдердің кәсіби шеберлігін
арттырудағы озық тәжірибелерді тарату мақсатында “Жаңа ғасырдағы білім
берудің озық технологиялары”, “Оқытудың жаңа технологияларын білім беру
саласында қолдану заман талабы” деген ұстанымды мақсат тұта отырып,
“Панорамалық сабақтар - 2006” байқауы өткізіліп, өткізілген сабақтар
сарапталынып, нәтижелері шығарылды. Байқаудың қорытындысы бойынша “жаңашыл
мұғалімдердің” іс-тәжірибелерін әдістемелік нұсқау етіп шығару ұсынылды.
2006 жылдың 10 қарашасында, Ресурс орталығының “Инновациялық зертхана”
–бастауыш бөлімінде “Педагогикалық ізденістер” тақырыбында пікір алысу
дөңгелек стол отырысы болды. “Инновациялық зертхана” жұмысының бағытына
тереңірек тоқталып, жүргізілетін іс-шаралардың жоспары таныстырылды.
Пікір алысуға өз тәжірибелерімен бөлісу үшін: Тараз қаласының №48 қазақ
орта мектебінің “Оқу-ағарту ізінің үздік қызметкері” медалінің иегері,
тәжірибелі ұстаз К.А.Жолымбетова, №45 Б.Момышұлы атындағы гимназия
мектебінің тәжірибелі ұстазы Х.Р. Хайруллина және №8, №5 мектептерінен
тәжірибелі ұстаздар келіп қатысты.
Келген әр әдіскер мұғалімдер өз ойларын ортаға салып, тәжірибе алмасты,
көкейде жүрген сауалдары талқыланды. Мектеп директоры Ф.Ә. Ноғайбаева,
мектеп-Ресурстық орталықта жүргізіліп жатқан іс-шараларға тоқталып, өзінің
ұсынысын, пікірін айтып, қорытынды жасады. 2006-2007 оқу жылының І жарты
жылдығы бойынша әр мұғалімнің әдістемелік нұсқау шығаруы мектеп технологы
Н.А. Мейірхановаға жүктелді.
Қазақстан Республикасында жалпы бастауыш білім беру заңды кепілді,
жалпыға мүмкін және міндетті болып табылады. Міндетті деңгей – нақты
меңгеруге тиісті және соңғы нәтижеге ... жалғасы

Сіз бұл жұмысты біздің қосымшамыз арқылы толығымен тегін көре аласыз.