ТУРИЗМДІ ДАМЫТУ МІНДЕТТЕРІ

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Туризмді дамыту міндеттері

Еуропалық комиссия кеңесінде сараланды

Алдыңғы күні Алматыда Бүкіләлемдік туристік ұйым (UNWTO) Еуропа
комиссиясының 45-ші кеңесі өз жұмысын бастады. Әлемнің 42 елінен ұлттық
туристік әкімшілік өкілдері қатысқан бұл басқосуда Қазақстанның туристік
әлеуеті дүние жүзінің қоғамдастықтары алдында мойындалуымен қатар,
негізінен әлемдік туризмнің дамуы жөнінде де жан-жақты сөз болды.
Іргелі шараны ұйымдастырудағы басты мақсат – еуропалық кеңістікте туризмді
орнықты дамытуға қатысты бірқатар мәселелерді күн тәртібіне қойып, бірлесе
отырып шешу. Бұл, әсіресе, – күн тәртібіндегі саланы дамытудың тиімді
тетіктерін іздестіру, қазақстандық және халықаралық компаниялар арасындағы
байланысты одан әрі жетілдіруге және “Қазақстанда туристік кластерді
дамыту” жобасының аясында ақпарат алмасуға, өзара пайдалы ынтымақтастыққа
қатысты.
Форумның жұмысына Туризм және спорт министрі Темірхан Досмұхамбетов, UNWTO
бас хатшысы Франческо Франжиалли, Еуропалық комиссияның төрағасы Зденко
Мичич және басқалар қатысып, күн тәртібіндегі күрделі мәселелер төңірегінде
ой бөлісті.
Қандай мемлекеттің болмасын бюджеттік қаражатын толықтыруға ауқымды
үлес қосатын сала – туризмді дамыту және бұл бағыттағы жұмыстың
пәрменділігін арттырудың маңыздылығы жоғары екені белгілі. Сондықтан да
басқосуда ұлттық туризм саясаты, оның экономикалық-әлеуметтік дамудағы орны
сияқты мәселелер назардан тыс қалмады. Мәселен, Болгария мемлекеттік туризм
агенттігінің жетекші маманы Л.Веселинова өз еліндегі ұлттық экотуризмнің
дамуы жөнінде әңгімелесе, Зденко Мичич Хорватиядағы орнықты туризмнің
стратегиясы мен саясаты туралы жиналғандарға айтып берді. Сөз реті келгенде
атап айтарлығы, туризмі қалыпты дамыған елдердегі жоғары көрсеткіштер осы
сала мониторингі мен менеджементін жоспарлаудағы негізгі тетіктердің бірі
болып табылуда.
Туризм саласы қарыштап дамыған елдер тәжірибесін үйрене отырып,
республикада бұл бағыттағы іс-шаралардың одан әрі жетілдірудің қажеттілігі
зор. Көпшілікке белгілі бүгінгі жаппай жаһандану дәуірінде туризм –
халықаралық ауқымдағы бұқаралық әлеуметтік-экономикалық құбылысқа айналды.
Индустрия және сауда министрлігі Сауда және туристік қызметті реттеу
жөніндегі комитет төрағасының орынбасары Евгений Никитинскийдің пікірінше,
“Қазақстанда туристік кластерді дамытудың маңыздылығы ерекше”.
Шын мәнісінде де тарихы терең, ұлан-байтақ жері көркем біздің елде
туризмнің сан алуан түрін дамытуға мүмкіндік мол. Бүкіләлемдік туристік
ұйымның мәліметі бойынша туризм – әлемдік экономикадағы түсімі мол ырғақты
ірі сала. Негізгі мәселе – іс тетігін тауып, іскерлікті арттыруда екендігі
сөзсіз. 2006-2010 жылдарда туризмді дамыту жөніндегі дайындалып жатқан
республикалық бағдарламада туризм – біртұтас кластер ретінде қаралуда.
Мамандар пікірінше, туристік индустрия кешендерін кластер негізінде
біртұтас жүйеге біріктірудің пайдасы орасан.
Республика Үкіметі мен Бүкіләлемдік туристік ұйымның қолдауымен
ұйымдастырылған жоғарыдағы ауқымды шара аясында “Туризмді орнықты дамыту
саясаты стратегиясы мен тетіктері” атты семинар өткізіліп, Алматыда
қазақстандық халықаралық “КІТҒ-2006” жәрмеңкесін ашу жоспарланып отыр.

Алматы.

Инфляцияның себептері зерттелуде

Мемлекет басшысының тапсырмасы аясында және Премьер-Министрдің нұсқауы
бойынша Премьер-Министрдің орынбасары Кәрім Мәсімовтің төрағалық етуімен
елімізде инфляциялық үдерісті реттеу мәселесі жөнінде кеңес өтті.
Атап айтқанда, инфляция өсуінің монетарлық және монетарлық емес себептері,
сондай-ақ есептеудің халықаралық стандартын енгізу талқыланды.
К.Мәсімов өткен аптада Премьер-Министрдің министрліктерге, ведомстволарға
және жергілікті атқарушы органдарға инфляцияға әсер етуші себептерді жою
жөнінде бірқатар жедел шаралар әзірлеу, соның ішінде заңнаманы жетілдіру
саласында, толықтай алғанда мәселені шешуде жүйелі қадам жасау жөнінде
берген ... жалғасы

Сіз бұл жұмысты біздің қосымшамыз арқылы толығымен тегін көре аласыз.