Мектептегі әдістемелік қызметтің құрылымы, мазмұны, ұйымдастыруы

Жұмыс түрі: Материал
Тегін: Антиплагиат
Көлемі: 22 бет
Таңдаулыға:

АБ 1
Білім беру мекемелерінде әдістемелік жұмыс пәнінен 1-ші аралық бақылау сұрақтары
1. Мектептегі әдістемелік қызметтің құрылымы, мазмұны, ұйымдастыруы.
Осы заманғы мектептің қай проблемасын алсақ та, оларды шешу ең алдымен, мұғалімге, оның идеялық нанымына, мамандық білгірлігіне, ой-өрісінің молдығына, педагогикалық шеберлігіне байланысты.
Ғылым мен техника ентелей дамыған бүгінгі жағдайда, педагогикалық оқу орындарында алған білім тез ескіретін болған шақта мұғалім мамандығын үздіксіз жетілдіре беру ерекше актуальды болып отыр.
Сондықтан, педагогикалық кадрлардың білімін жетілдіру жұмысының негізгі мазмұны мұғалімнің идеялық-саяси, ғылыми-теориялық, әдістемелік және жалпы мәдени дәрежесін көтерудің біртұтас жұмыс екендігімен белгіленеді. Бұл міндеттер ең алдымен мектепішілік әдістемелік жұмыс процесінде тиімді де нәтижелі шешілмек.

Өйткені бүгінгі күні зерттеу, шығармашылық ойлауды жүзеге асыратын, ғылым жетістіктерін педагогикалық тәжірибеде қолдану арқылы өз қызметінің мазмұнын жаңарта алатын педагогқа деген сұраныс өсіп келеді.

Соған байланысты әдістемелік қызметтегі құрылымдық өзгерістерді жасаудың қажеттілігі келесі факторларға негізделген:

*
педагогтың әлеуметтік қызметтерін жаңартуға;
*
білім беру мазмұнындағы өзгерістерге;
*
ақпараттық кеңістікті кеңейтуге.

Мұның бәрі әдістемелік қызметтен оның іс-әрекетін жаңартудың біртұтас жүйесін қалыптастыруды ғана емес, сонымен қатар білім ұйымдарының ерекшелігі неге бағытталуын талап етеді.

Бүгінде мұғалімнің белгілі бір құрылымдарға деген жеке қатынасын көрсететін педагогикалық ұстанымдарының анықталуы - әдістемелік қызметтің қалыптасуында маңызды рөл атқарады.

Атап айтқанда:

*
мамандықтың, педагогика ғылымының мәні, мағынасы, құндылығы және мақсатына қатынасы (өзін маман ретінде сезінуі);
*
білім берудің мазмұнына катынасы (маман мәртебесін ұғынуы);
*
білім алушыға өз өмірінің субъектісі, білім берудің мақсаты мен құндылығы ретінде қатынасы (ізгілікті-тәрбиеші болуы);
*
әріптестеріне кәсіби қоғамның өкілі ретінде қатынасы (өзін қызметкер және ойлап шығарушы ретінде сезінуі);
*
өзіне дамып келе жатқан және шығармашыл тұлға ретінде қатынасы (өзін зиялы тәрбиелеуге және сақтауға тырысуы, сұхбаттасуға шығуы).

Сондай - ақ әдістемелік қызметті жаңарту қазіргі мұғалім бойында қалыптасатын құзыреттілікке тікелей байланысты.
2. Әдістемелік жұмысты жоспарлау.
Мектептегі әдістемелік жұмыс - өзінің ғылыми-теориялық және әдістемелік дайындығы мен кәсіби шеберлігін арттыру мақсатында мұғалімдердің жүйелі түрде жүргізетін ұжымдық және жеке іс-әрекеттері.

Әдістемелік жұмыстың мақсаты: педагогтардың кәсіби шеберлігін жетілдіру.

Әдістемелік жұмыстың міндеттері:
1.Мұғалімдерге оқушыларды оқыту мен тәрбиелеудің және дамытудың қағидалары мен әдістемелік тәсілдерін жүзеге асыруға көмек беру.
2.Мұғалімдерді педагогиалық бағыттағы шығармашылық ізденіске тарту.

Әдістемелік жұмыстарды ұйымдастыру формалары: педагогикалық кеңестер, әдістемелік кеңестер, әдістемелік бірлестіктер, проблемалық шығармашылық топтар, ғылыми-тәжірибелік конференциялар, педагогикалық оқулар, шығармашылық есептер, теориялық семинарлар мен семинар-практикумдар, озат тәжірибе мектебі, жас мамандар мектебі.
Мектеп директорының ғылыми-әдiстемелiк жұмыстар жөніндегі орынбасарының атқаратын қызметі және міндеттері
*
Мектептiң дамуы, бiлiм беру саясаты мен стратегиясын анықтайды, нормативтi-базалық iс-әрекет базасын, жаңа ұйымдастырушылық құрылым, уақытша шығармашылық ұжымдар, эксперименттiк топтар құруға, инновациялық үрдiстердi жүзеге асыруға қатысады.
*
Бiлiм берудегi әлеуметтiк тапсырысты, шағын аудан тұрғындарының қажеттiлiктерiн зерделейдi, мектептегi оқу-тәрбие жұмыстарының жай-күйiн, оның нәтижелiгiн талдайды.
*
Мектептiң кешендi-мақсатты даму бағдарламасын, ғылыми-әдiстемелiк және эксперименттiк жұмыстардың жоспарын, бiлiм беру мекемесiнiң моделi мен оның құрамдас жүйесiн жасауға қатысады.
*
Тереңдетiп бiлiм беретiн сыныптардың оқу жоспарларын жасайды. Оқу жоспарлары мен бағдарламаларын үйлестiрудi, орындалуын қамтамасыз етедi. Тереңдетiп оқыту, жеделдетiп оқыту топтарына оқушыларды iрiктейтiн комиссия құрамына кiредi.
*
Педагог-қызметкерлердiң ғылыми-зерттеу мен тәжiрибе-сынақ жұмыстарына жетекшiлiк етедi: зерттеу мәселесi және өз бетiмен бiлiм көтеру тақырыптары бойынша кеңестер бередi.
*
Ғылыми - әдiстемелiк кеңес жұмысына жетекшiлiк етедi, педагогтардың шығармашылық пен инновациялық бағытта жұмыс iстеуiне жағдай туғызады. Педагогтардың ғылыми-әдiстемелiк жұмысын ұйымдастырып, мамандардың бiлiктiлiгiн арттыру жұмысын ұйымдастырады. Аттестациялық комиссия жұмысына қатысады және жетекшiлiк етедi.
*
Бiрлестiк жетекшiлерi мен кiтапхана қызметкерлерiнiң әрекетiне жетекшiлiк етедi. Оқушылардың ғылыми қоғамының жұмысына бағыт-бағдар және кеңес бередi.
*
Авторлық, байқау оқулықтары мен бағдарламаларын, оқыту технологияларын, оқу-әдістемелiк құралдарды сараптауға қатысады.
*
Талдау-диагностикалау әрекетiн жүзеге асырады; оқу үрдiсi сипатының әлеуметтiк тапсырысқа, мектептiң даму тұжырымдамасы мен бағдарламасына, жоспарланған нәтижеге сәйкестiгiн анықтайды, басқару жүйесiнiң ықпалының деңгейiн, оқу-тәрбие үрдiсiнiң дамуы мен сапасын анықтайды. Озат педагогикалық iс-тәжiрибенiң қалыптасуына, жинақталуына, таратылуына белсене қатысады.
*
Диагностикалау натижесiнiң негiзiнде эксперименттiк әрекетке және оқу-тәрбие үрдiсiне қазiргi заманға сай түзетулер енгiзедi.
*
Басқа бiлiм, ғылым мекемелерiмен өзара шығармашылық байланыс орнатады. Мектептегi ғылыми әдiстемелiк жұмыстарға қатысты құжаттардың дұрыс және дер кезiнде толтырылуын қадағалайды.

3. Педкеңес - үздіксіз білім беру үдерісін басқарудың алқалық формасы.
Педагогикалық кеңес - үздіксіз білім беру үдерісін басқарудың алқалық формасы
2007 жылғы 27 шілдедегі Білім туралы Қазақстан Республикасы Заңының 44-бабының 9-тармағына сәйкес мектепке дейінгі тәрбие мен оқыту, бастауыш, негізгіорта, жалпы орта және қосымша білім беру ұйымдарында педагогикалық кеңес қызметінің және оны сайлау тәртібінің үлгі ережесі Қазақстан Республикасы Білім және ғылым министрлігінің 2008 жылғы 16 мамырдағы № 272 бұйрығымен бекітілген.
Білім беру ұйымдарының педагогикалық кеңесі білім беру ұйымдарыи алқалы баскару нысандарының бірі болып табылады.
Педагогикалық кеңестін басты міндеттері: білім беруді дамытудың мемлекеттік бағдарламасын іске асыру жөніндегі педагогикалық ұжымның күшін біріктіру, білім беру ұйымдарының педагогикалық ұжымының қызметін педагогикалық жұмысты және оқу-тәрбие жұмыстарын жетілдіруге бағыттау, педагогикалық ғылым мен озық тәжірибелер жетістіктерін практикаға енгізу, білім алушылардың (тәрбиеленушілердің) ауысуына және бітіріп шығуына қатысты мәселелерді шешу болып табылады.

Педагогикалық кеңес төмендегі мәселелерді қарастырады:
*
білім беру ұйымдарында нормативтік құқықтық актілерді орындау жөніндегі іс-шараларды;
*
оқу-тәрбие және әдістемелік жұмыстар жағдайын, оқытудың барлық нысандары бойынша оқыту әдістерін жетілдіру мәселелерін, оқытудың жаңа технологияларын ендіруді;
*
оқу-тәрбие жұмыстарын жоспарлау мәселелерін;
*
қорытынды аттестаттауды өткізу, оқушыларды емтиханға жіберу, ұсынылған кұжаттар негізінде оқушыларды емтиханнан босату, окушыларды келесі сыныпқа ауыстыру немесе оларды қайталау курсына қалдыру, оқушыларды грамоталармен, мақтау кағазымен марапаттау, негізгі орта білімді үздік бітіру туралы куәліктер, негізгі орта білімді бітіргендігі туралы, үздік аттестат, жалпы орта білімі туралы аттестат, белгіленген үлгідегі анықтама беру туралы мәселелерін;
*
педагогтарды аттестаттауға дайындау, марапаттау және мадақтау мәселелерін қарайды.

Теориялық педагогикалық кеңес педагогтарға теориялық ойлауды қалыптастырудың алғашқы қадамы болып, мұғалімнің кәсіби өсуін қамтамасыз етеді. Сондықтан теориялық педагогикалық кеңес тақырыбын таңдауда әсіресе жас мектеп басшыларына белгілі бір қиындықтар туғызады. Педагогикалық ұжымның барлығы үшін мәнділігі жоғары педагогикалық кеңес тақырыбын социометриялық матрица арқылы таңдауға болады.

4. Озық іс тәжірибені жинақтау және ұсыну формасы.
Әдістемелік жұмыста ең өзекті, негізгі мәселелердің бірі педагогикалық іс тәжірибені зерттеу, жинақтау және тарату.
Педагогикалық іс-тәжірибені қандай сипаттамаларымен ерекшеленеді?
Педагогикалық іс-тәжірибе тарихи - білім беру саласы тарихында жинақталған педагогикалық теория мен тәжірибенің нәтижесі; жаппай (көпшілік, бұхара) - көптеген мұғалімдердің тәжірибесінде кең қолданылатын педагогикалық теория мен тәжірибенің нәтижесі; озық (алдыңғы) - мұғалімнің педагогикалық үдерісті оптималды ұйымдастырып және бар құралдарды жетілдіре отырып жоғары нәтижеге жетуімен сипатталады; жаңашыл -жаңалық ашу, автор болу, жаңалықтың элементі бар, жаңадан ойлап табу.
Бұл жағдайда ең жақсы - қолайлы оптимальный - деп үдеріске қатысқандардың аз уақыт пен күш жігері арқасында жоғары нәтижеге жетуі, алнәтижелі эффективный - деп педагогикалық әректтің тиімділігін ескере отырып қойылған мақсатқа жету деңгейі.
Баланы оқыту мен тәрбиелеуде педагогикалық озық іс-тәжірибенің міндетті көрсеткіші - жоғары нәтиже.
Педагогикалық іс-тәжірибені зерттеу сипаты жағынан арнайы білімді, жоғары деңгейдегі кәсіби педагогикалық шеберлілікті талап ететін, тікелей педагогикалық үдерісті бақылауды талап ететін, қарастырып отырған педагогикалық құбылысты ғылыми тұрғыда ұғынып, нәтижені талдап салыстырып, нақты мысалдар арқылы автор тәжірибесін дәлелдеуді талап ететін зерттеу әрекетіне жатады.
Жұмыстың кезеңдері: айқындау - зерттеу - жинақтау - тарату.
Педагогикалық іс-тәжірибенің авторын айқындағанда негізгі бағалау критерийі жоғары тиімділік пен нәтиженің тұрақтылығы.
Педагогикалық іс-тәжірибені зерттеп, жинақтау жұмысын жүргізетін әдіскердің жоспарлау формуласы төмендегідей болады:

Мақсат не үшін? - мазмұн не? - әдіс, құрал қалай? - нәтиже қандай?.

Педагогикалық іс-тәжірибені зерттеудің жоспары

№
рс

Тақы-рып

Зерттеу мақса-ты

Автор

Шығармашы-лық жұмыс тобы

Жұмыс-тың кезеңдері

Жинақтау-дың формасы

Тарату форма-сы

Жұмыстың кезеңдері:

1 кезең - қыркүйек. Проблема бойынша әдебиеттерді зерттеу.

2 кезең - қазан - қаңтар. Оқу сабақтары мен дидактикалық материалдарға талдау.

3 кезең - ақпан. Материалды жинақтау, педагогикалық озық іс-тәжірибені сипаттау.

Педагогикалық озық іс-тәжірибені сипаттаудың формасы:

1 кезең - қазан. Педагогикалық тәжірибеге ғылыми негіздеме, библиография.

2 кезең - ақпан. Қатысқан оқу сабақтары мен жиналған материалдарға озық іс-тәжірибенің компоненттерін қолдана отырып қорытынды талдау жасауға дайындық.

3 кезең - наурыз. Тәжірибені жазуды аяқтау. Компьютерлік вариантына тұсаукесер. Дидактикалық материалды баспаға тапсыру.

Педагогикалық іс-тәжірибені зерттеу әдісі:
1. Құжаттарға талдау: оқушылардың біліміне жасалған мониторинг негізінде педагогикалық қызметтің нәтижесін зерттеу; автордың бар немесе қазіргі қолданыстағы іс-тәжірибе ұсыныстарымен педагогикалық қызметтің дәстүрлі емес жағын айқындау мақсатында құжаттарын (оқу-әдістемелік, дидактикалық, аттестация материалдары және т.б.) салыстыру.
2. Сауалнама: зерттелетін педагогикалық іс-тәжірибенің әріптестеріне, оқушыларға, ата-аналарға мәні жөнінде социологиялық зерттеу.
3. Талдау: педагогикалық іс-тәжірибенің жалпы белгілері мен құрамындағы бөлімдерінің өзара байланысын нақты бөліп көрсету.
4. Байқау бақылау: оқу - тәрбие үдерісі мен құбылыстарды тура және тікелей тіркеу арқылы ақпарат жинау.
5. Салыстыру: зерттеу әдісі.
6. Өзін бағалау әдісі: жеке тұлғаның басқалармен салыстырғанда өзінің шеберлігін, мүмкіндігін, сапасын бағалау әдісі.
7. Әңгімелесу.
8. Диагностика: диагностика жасалатын объктінің жағдайын анықтау белгілеу.

Педагогикалық іс-тәжірибенің құжаттарына қойылатын талаптар
Мақсатқа лайықтылығы.
Нақтылығы: автордың педагогикалық қызметтегі іс-тәжірибесінің мысалы ретінде педагогикалық озық тәжірибенің компоненттерін құрамды бөлігі ашу әдісі.
Ғылымилығы: компоненттерді баяндап түсіндірілуінің педагогика теориясының анықтамасымен сәйкес келуі.

4. Толықтығы мен ойға қонымдылығы: нақты педагогикалық тәжірибе компоненттерінің өзара байланысының жүйелі сипатталуы.
Педагогикалық озық тәжірибе құжатының жанры мен таратылу формасын талдап қорыту деңгейіне байланысты: тәжірибелік, әдістемелік, ғылыми.
Педагогикалық озық тәжірибені талдап қорытындылаудың жиі қолданылатын тәжірибелік деңгейі: жұмыстың әдісі мен тәсілін сипаттау және көрсету, жұмыстың нәтижесін көрсету; жұмыстың жүйесін көрсету.

Формасы: ашық сабақ, тәжірибелік - семинар, шығармашылық есеп, көрме, реферат, анықтама, т.б.
Педагогикалық озық тәжірибені талдап қорытындылаудың әдістемелік деңгейі: тәжірибенің негізгі идеясын бөлу; тәжірибені дамытудың жағдайына сипаттама; жұмыстың нәтижесіне талдау; әдістемелік ұсыныс пен зерттеп дайындауға дайындық.

Формасы: педагогикалық оқу, педагогикалық озық тәжірибе мектебі, шебер - сынып, авторлық мектеп, технологиялық карта, әдістемелік плакат, бейнефильм, т.б.
Педагогикалық озық тәжірибені талдап қорытындылаудың ғылыми деңгейі: тәжірибе жұмысына ғылыми-теориялық мінездеме, тәжірибенің жинақтылығы комплексность, тәжірибенің теория мен практиканы дамытуға маңызы.
Формасы: статья, монография, ғылыми-тәжірибелік конференция жинағына енген тезис және т.б.
Келесі кезең - зерттелген тәжірибені тарату, оның тиімді формасы:
- кәсіптік білімді арттыру курсы;
- шебер - сынып;
- кәсіби шеберлік сайысы;
- педагогикалық шығармашылық фестиваль;
- педагогикалық базарлық гостиная;
- педагогикалық шеберлік мектебі;
- шығармашылық семинар
- көрме Педагогикалық шығармашылық. Педагогикалық тәжірибе. Педагогикалық жаңалық;
- бейнефильм;
Жұмыстың қорытындысында осы тәжірибе жұмысы туралы ақпараттық карта жасалады.
5. Мұғалімдердің әдістемелік бірлестігі.
Әдістемелік жұмыста үлкен роль атқаратыны әдістемелік бірлестік. Онда әр мұғалімнің әдістемелік шеберлігі шыңдалады, әріптестерінің тәжірибесін меңгеруге мүмкіндік туады.
Оқу - тәрбие жұмысының көрсеткіші артса әдістемелік жұмыс нәтижелі болды деп есептеледі. Бұл жағдайда әдістемелік бірлестік жұмысының тиімділік критерийіне көп көңіл бөлу керек:
1.
Өз еңбегіне қанағаттанушылықтың артуы - яғни мұғалімнің шығармашылық еңбегіне деген ынтасының күшеюі.
2.
Ғылыми тұрғыда ұйымдастырылған әдістемелік жұмысқа уақыттың тиімді жұмсалуы.

Әдістемелік бірлестіктің жұмысының есебі мен оны жүйелеуді бірлестік жетекшісі жұмыс дәптері (жоспар) арқылы жүргізуге болады. Ол дәптер үш бөлімнен тұрады:

Нұсқаулық (инструктивный)
Әдістемелік (методический)
Талдау (аналитический)

Сонымен қатар бұл жұмыс дәптерінде оқушының үлгерімі, білім сапасы және мұғалімнің қызметіне ақпараттық-талдау мониторингі де бар.

Нұсқаулық бөлім
Бұл бөлімге мұғалімнің өз қызметіне қажетті оқу-тәрбие үдерісіне байланысты Қазақстан Республикасы Білім және ғылым министрлігінің бұйрықтары (№19,502,570, т.б.) мен әртүрлі жаднамалар кіреді.Әдістемелік бөлім

1.
Әдістемелік бірлестіктің тақырыбы, мақсаты мен міндеті. Тақырып жалпы мектеп тақырыбымен байланысты болу керек, бұл әр мұғалім мен бірлестіктің бірігіп қойылған мақсатына жетуге мүмкіндік береді.
2.
Әдістемелік бірлестік құрамындағы мұғалімдер туралы мәлімет.
3.
Әдістемелік бірлестіктің жоспары. Осы тарауға отырысты өткізу күні, теориялық және тәжирибелік сұрақтар, жауапты адамдар енгізіледі. Мұнда әртүрлі сұрақтар деген де бөлім бар. Онда қосымша сұрақтар жазылады, олар да отырыстарда қаралады.
4.
Әдістемелік бірлестік жұмысының секция аралық жоспары айлармен бірлестік жұмыс жоспарынан алып толтырылады. Бөлімдерде: айы, өткізілетін шараның тақырыбы, жауапты, орындалуы туралы мағлұмат бар. Бұл бірлестіктегі мұғалімдердің жұмысын үйлестіріп, әркімнің шығармашылық үлесін анықтауға мүмкіндік береді.
5.
Оқу жылы бойы әдістемелік бірлестікте қарастырылып, оқылатын нұсқаулардың тізімі. Бұл дер кезінде нормативті құжаттарды, нұсқаулар мен бұйрықтарды оқып-танысуға мүмкіндік береді.
6.
Мұғалімнің жеке жұмыс жоспары. Мұнда әр мұғалімге өз жұмысын нақты жоспарлауға мүмкіндік беріледі. Әдістемелік бірлестіктің жетекшісі мұғалімнің жетістігі мен әлсіз жағын білгендіктен кемшілігін жою үшін оған тақырып пен әдебиет таңдауға көмектеседі. Мұнда №3 кесте (ашық сабақ, бақылау жұмысының қорытындысы, сыныптан тыс шаралар), №4 кесте (мұғалімнің қызметі туралы қосымша мәліметтер), №5 кесте (оқу кабинетінің жұмыс жоспары). Бұл жоспар пән мұғалімнің барлық жұмысын талдауға мүмкіндік береді.
7.
Пән аталығын өткізудің графигі. Бұл графикте өткізілетін орын, уақыт, әр күндегі өткізілетін шаралардың тақырыбы жазылады.
8.
Оқушыны олимпиадаға дайындаудың графигі. Бұл мұғалім жұмысына сипаттама беретін маңызды бөлім.
9.
Ашық сабақтар мен сыныптан тыс шараларды өткізудің графигі (жылдық жоспардан алынып жасалады).
10.
Үлгерімі нашар оқушылармен жұмыс.

Талдау бөлімі

1.
Сыныптағы, топтағы оқушылар туралы мәлімет.
2.
Қатысқан сабақтарға талдау. Мұнда сабаққа қатысқанды толық жазып, қорытынды мен ұсыныс та болу керек.
3.
Жылдық, тоқсандық бақылау жұмысының бағалары. Бұл жалпы үлгерім мен сапаның өзгерісін қадағалау үшін керек.
4.
Емтихан нәтижесі. Бұл кестеге оқушының аты, фамилиасы, сыныбы, билет номері, алған бағасы, мұғалімнің фамилиясы.
5.
Кабинет байқауының қорытындысы. Кабинет байқауы екі жылда бір рет өткізілуі керек (мектепішілік, қалалық, аудандық, облыстық). Бұл кестеге тексеру күні, мұғалімнің фамилиясы, комиссияның қойған балдары, мазмұны деген бөлімге барлық айтылған кемшіліктер жазылады.
6.
Әдістемелік бірлестіктің жылдық жұмысына талдау. Талдау нақты болуы керек. Орындалмаған міндеттер болса оның себебі жазылады, оны жоюдың жолы көрсетіледі. Әдістемелік бірлестік жұмысының талдауынан және мектептің жылдық жоспарындағы жалпы міндеттерге сай жаңа оқу жылына жаңа міндеттер қойылады.
1. Проблемалық шығармашылық топ.
Мұғалімнің шығармашылық есебі - деген эксперименттік-тәжірибе және әдістемелік тақырып бойынша жеке, топтық жұмыс қорытындыларын шығару формасы.

Мақсат: нәтижені жүйелеу, жиналған тәжірибе жұмысын шығармашылықпен ұғыну, қорытынды құжаттар жобасын дайындау (ұсыныс, әдістемелік бюллетенге мақала, ақпараттық-талдау материалдары, өздігінен білім алу жұмыс жоспарының жобасы, жаңа оқу жылына эксперименттік-тәжірибе жұмысы, т.б.).

Міндеттер:
1. Өзін-өзі талдау дағдысын жетілдіру және талдау.
2. Әдістемелік жұмыстың тиімділігін анықтауға қажетті әдістемелік және ұйымдастыру срез құрал - материалдарымен қамтамасыз ету.
3. Мұғалімнің жұмысын тәжірибеге енгізуге ұсыну үшін қажетті жағдайларды жасаудың іс шаралар жүйесін жобалау.

Мазмұн:
*
жұмыс нәтижесінің қорытынды материалын презентациялау;
*
ұсынылған тәжірибе жұмысына (әдістемелік кеңес, әдістемелік бірлестік жетекшісі) әкімшілік мүшелерінің сараптамасы;
*
мұғалімдер тобы мен жаңашыл ұстаздар жұмысының мәні мен өзектілігін иллюстрациялайтын оқу сағаттарының үзінділерін көрсету;
*
презентация материалдарын педагогикалық ұжым мүшелерінің талқылауы;
*
өткен сараптама материалдарын жүйелеу, оны жазбаша реферат, баспа өнімі, шығармашылық есеп түрінде ұсыну жасау.

2. Үздіксіз білім берудің негізгі идеясы -мұғалімнің өздігінен білім алуы.
Пән аралық негізгі (ақпараттық және әлеуметтік) біліктерді игеру.
- Оқу процесін белсенділендіру.
- Оқу процесін бағалауда әртүрлі механизмдерді қолдану.

Әрекеттерді өлшеу және бағалау жүйесі
- Сапа саласында терминологиялық аппарат құрастыру.
- Оқу процесінің статистикалық көрсеткіштері жүйесін құрастыру.
- Оқу процесін мониторингтеу және болжамдау жүйесін құрастыру.
- Әртүрлі деңгейлерде (модульдік, институционалдық) оқу сапасын бағалау жүйесін құрастыру.
3.
ә) түлектерді аттестаттау үшін бағалау құралдарын құрастыру,
4. б) мамандықтар ... жалғасы

Сіз бұл жұмысты біздің қосымшамыз арқылы толығымен тегін көре аласыз.