Мемлекеттің қаржы жүйесінің қызметі

Жұмыс түрі: Курстық жұмыс
Тегін: Антиплагиат
Көлемі: 27 бет
Таңдаулыға:

ЖОСПАР

Кіріспе 2
І. Мемлекеттің қаржылық жүйесі және қаржылық қызметі. 4
1.1 Мемлекеттің қаржы жүйесі 4
1.2 Мемлекеттің қаржы жүйесінің қызметі. 11
ІІ. Қазақстан Республикасының қаржы жүйесінің ерекшеліктері 17
2.1. Қазақстан Республикасының қаржы жүйесінің моделі 17
ІІІ. Қазақстан Республикасының Қаржы министрлігі туралы актілер жинағы 19
Қорытынды 30
Қолданылған әдебиеттер 31

Кіріспе

Өзінің әлеуметтік–экономикалық қызметтерін атқару үшін мемлекет қажетті
көлемде ақша қорларын жасап, оларды мақсатты бағыттарға пайдаланады. Осыған
байланысты қаржы қатынастары және оларды қалыптастыратын институттар қаржы
жүйесіне жатады. Қаржы жүйесінде мемлекеттік бюджет басты орын алады. Ол
елдің әлеуметтік-экономикалық қажеттіліктерін және мемлекеттің құрылысын
қамтамасыз ететін күрделі механизм. Бюджеттің құрылымы елдің мемлекеттік
құрылысына байланысты. Қазақстан Республикасы сияқты унитарлық құрылысты
елдерде бюджет қос деңгейлі болады, ол жалпы мемлекеттік және жергілікті
бюджеттен тұрады.
Қаржының қоғам және жекелеген азаматтардың өмірінде алатын орны,
олардың мұқтаждықтарын қамтамасыз етудегі ролі өте зор екені әркімге
белгілі. Қаржы мемлекеттің өркендеп, дамуының материалдық негізі және
тірегі. Қаржылық құралдар арқылы мемлекет еліміздің экономикалық дамуына
белсенді әрі пәрменді түрде ықпалын тигізеді. Енді осы қаржы жөнінде
ғалымдардың зерттеулеріне жүгініп көрейік. Қаржылық құқық саласының
қазақстандық көрнекті ғалымы Худяков А.И. қаржы термині латынның финис,
яғни істің бітуі, ақыры немесе төлемнің, жалақының төлену мерзімі деген
сөзінен туындаған дейді. Он сегізінші ғасырда француздар finance, яғни
финанс деп мемлекеттің кірісін және шығысын, мемлекет мүліктерінің
жиынтығын немесе мемлекеттік шаруашылықты айтатын болған. Қазіргі кезде
финанс - қаржы терминінің мағынасы ақшамен тығыз байланысты. Cондықтан
көптеген жағдайда азаматтар қаржыны қолда бар немесе құжат жүзіндегі ақша
деп түсінеді. Ал экономистер азаматтардың қаржысы, мемлекеттің қаржысы,
заңды тұлғалардың қаржысы деп бөледі. А.И. Худяковтың айтуынша қаржы
термині қалай түсіндірілсе де, ең дұрысы мемлекет қарамағындағы ақша деген
тұжырым. Қаржылар экономикалық категория ретінде де айқындалады.
Қазақстан Республикасының қаржы жүйесі он жыл ішінде өте қарқынды
дамыды.

І. Мемлекеттің қаржылық жүйесі және қаржылық қызметі.

1.1 Мемлекеттің қаржы жүйесі

Қаржы – бұл қоғамда қалыптасқан экономикалық қатынастар жүйесіндегі
ақша құрлысы қорының қалыптасуы, бөлінуі, қолданылуы. Экономикалық жүйеде
қаржылар деп мемлекеттің ақша қорларын қалыптастыру, бөлу және пайдалануды
ұйымдастыру жөніндегі қатынастардың жиынтығын айтамыз. Бұл жерде былайша
түсіндіруге болады: ақшалардың өзіндік тұтынушылық құны жоқ болғандықтан
оларды пайдалану тек айырбастау қатынастарында немесе экономистер
айтқандай, А-Т, Т-А қатынастарында жүзеге асырылады. Яғни, бұл
қатынастар тауар-ақша қатынастары болғандықтан қатысушы екі жақтың заң
жүзіндегі тең құқықтылығына негізделеді. Ал қаржылық-экономикалық
қатынастардың бір жағында оның тұрақты субъектісі ретінде мемлекеттің өзі
немесе мемлекет уәкілдік берген өкілетті органы тұрады, әрі бұл қатынастар
қаржылық – құқтық нормалармен реттеледі.
Дәлірек айтқанда, тауар-ақша қатынастары, яғни, сату-сатып алу
қатынастары азаматтық құқық, еңбек құқығы т.б. құқтық нормалармен
реттеледі. Бұл жерде айта кететін бір жәйт, мемлекет қаржыларды
пайдаланудан өзін аулақ ұстағанымен олардың жұмсалу процестеріне ат үсті
қарай алмайды. Олардың талан-таражыға түспей, заңды негізде, мақсатты
бағытта, ұтымды және тиімді түрде пайдаланылуын (жұмсалуын) ұйымдастырады.
Белгілі ғалым В.И.Белинский қаржыларды экономикалық категория және
қаржылық ресурстар ретінде қарастыру деген пікір айтады.Ал, кейбір
экономистер қаржыларға ақша қаражаттарын, натуралды ресурстарды, кіріс және
басқа игіліктерді немесе кіріс және шығысты, сондай-ақ ақша қорларын
жатқызады. Бұл жерде айта кететін бір жәйт, ақшалардың өзі немесе ақша
қаражаттары қаржылар жөніндегі ғылымның объектісі болып табылмайды.
Қаржылардың құрамындағы ақша қаражаттарының атқарар функциясы ақшалардан
бөлек болады. Сондықтан ақшалар және қаржылар өз алдына бөлектелген
экономикалық категориялар болып табылады. Негізінде қаржыларға тән
функциялар – бөлу (жиынтық өнімді және таза табысты), бақылау, жұмылдыру.
Ал ақшалар тауар-ақша қатынастары жағдайында бірнеше функциялар атқарады:
құн өлшемі, төлем құралы, айналым құралы, қазына құрау құралы, дүниежүзілік
ақша ретінде. Ақша жалпыға бірдей құндылық баламасы ретінде шаруашылық
айналымына қызмет етеді және мемлекет аумағындағы барлық айналымдар мен әр
бір шаруашылық операцияларын тексеруге мүмкіндік береді. Қаржыларды
экономикалық категория ретінде ақшалардан айырмашылығы - олар тек ақша
қаражаттары қорларын құру, бөлу және пайдалануға байланысты ақшалай, яғни,
экономикалық қатынастардың ерекше аясын көрсетеді. Алайда қаржылардың осы
сипаттамасын олардың толық маңызын айқындай алмайтын сияқты. Себебі,
мемлекеттік бюджетте, кредиттік және кассалық жоспарларда, мемлекеттік
кәсіпорындар мен ұйымдардың қаржылық жоспарларында қатынастар емес белгілі
бір мөлшердегі ақша қаражаттарының сомасы көрсетіледі. Бұл сомалардың
қаржылық қызметтердің қаржылық нәтижесі екені белгілі.
Сондықтан, қаржылық ресурстар деген ұғымды қарастырғанда олардың
мемлекет қарамағында немесе қандай да болмасын меншік нысанындағы
кәсіпорындар мен ұйымдардың ақша қаражаттары қорларының жиынтығы екенін
байқаймыз.
Мемлекетті басқарудың ең жақсы тәсілі ақша қаражаттарының көмегімен
басқару болып есептеледі. Ақша қаражаттарын реттей және ақша қорларын
құруға бағыттай отырып, әрі сол құрылған қорлардан белгіленген тараптарға
қаражаттарды бөліп, пайдалану арқылы мемлекет көптеген қызметтерді
ынталандырады немесе кейбір бағыттар бойынша тежей алады.
Танымал ресейлік ғалым О.Н.Гордунова қаржы жүйесін екі тұрғыда
қарастырған:
a) әрқайсысы тиісті ақша қорларын құратын және пайдаланатын қаржылық
институттардың жиынтығы.
b) өздерінің құзірет шегінде қаржылық қызметті жүзеге асыратын
мемлекеттік органдар мен мекемелердің жиынтығы.
Ал, қаржылық институттардың жиынтығы мемлекеттің қаржы

жүйесін құрады. Қаржы жүйесі мынадай буындардан тұрады:
1) федералдық, федерация субъектілерінің бюджеттерінен және муниципалдық
бюджеттерден тұратын бюджет қоры;
2) бюджеттен тыс орталықтандырылған мақсатты қорлар;
3) бюджеттен тыс орталықтандырылмаған мақсатты қорлар;
4) шаруашылық субъектілері мен салалардың қаржылары;
5) мүлікті және жеке басты сақтандыру;
6) мемлекеттік және банктік кредит;
Ұйымдастырылуы бойынша қаржы жүйесін мемлекеттік қаржылық мекемелері,
яғни, қаржылық ведомостволар, салық органдары, мемлекеттік банктер,
мемлекеттік сақтандыру компаниялары құрайды.
Қаржылық органдар жүйесін әдетте қаржы министрлігі басқарады. Қаржы
министрлігі, қаржылық басқармалар, аумақтардағы қаржылық басқару органдары
қазынашылық органдарды басқаратын бірыңғай мемлекеттік басқару органдарының
жүйесі болып табылады. Ұлттық банк басқаратын кредиттік мекемелер,
қаржыларды жұмылдыруға ат салысатын салық органдары мен кеден мекемелері де
қаржылық қызметтерді жүзеге асырады.
Экономикалық теория курсынан қоғамдық қатынастар құрамына кіретін
ақшалай қатынастарды экономикалық қатынастар деп айтатынын жақсы білеміз.
Ал, экономикалық қатынастар өндірістік қатынастарға қосылатындықтан
қоғамдық қатынастар жүйесінің басты бөлігі болып табылады. Сондықтан
қаржылық қатынастар өндірістік қатынастардың бір бөлігі ретінде базистік
қатынастарға жатады.
Қазақстандық экономист В.Д.Мельников қаржылардың қаржылық
қатынастарының қалыптасуын және туындауын былайша көрсетеді: қоғамдағы
ұдайы өндіріс процесі бір-бірімен тығыз байланысқан және өзара тәуелді төрт
сатыдан тұрады - өндіру, бөлу, айырбастау, тұтыну.
Осы ұдайы өндірістің төрт сатысы арқылы қоғамдық өндіріс процесіне
қатысушылардың арасындағы тауарлық қатынастардың бар-жоғы анықталады.
Өйткені өндірілген өнімдер бұл жерде сату-сатып алуға жататын тауарға
жататын тауарға айналады. Бұл өнімдер тұтынудан бөлу және айырбастау
сатыларынан өту арқылы тек өнімді өндірушілердің ғана емес солармен қатар
қатынасқа қатысушылардың да талаптары мен мүдделерін қанағаттандыруға
тиісті. Осыдан байқайтынымыз өндірілген материалдық немесе материалдық емес
өнімдер қоғамдық өнім ретінде заттай және ақшалай түрінде көрсетіледі.
Қоғамдық өнімдердің әлгіндей екі формаға қалыптасуы, олардың әрбір
қоғамдық өндіріске қатысушыларды мұқтаждарын өтеу үшін ақша, баға, өзіндік
құн, жалақы төлеу және тағы басқа құндылық категорияларын пайдалануларына
жол ашады. Қаржылардың мағынасына жете түсну үшін кәсіпорынның өндірістік
қорларын өзіндік айналымынан шығарылатын өнімдерді өткізу кезіндегі ақша
түріндегі дербес қозғалысымен және құнның бөліну мезгілінен бастап
қарастыру қажет. Кәсіпорын өз өнімдерін өткізу барысында тиісті ақша
қаражаттарын немесе ақша қорларын құрайды. Бұл жерде оның ақша қорлары
ретінде айналым қорын, амортизациялық қорды, жалақы төлеу қорын, әлеуметтік
бағыттағы қорларға аударымдарын, пайда және т.б атап өтуге болады.
Тапқан пайданың немесе табыстың бір бөлігі орталықтандырылған
қорларды қалыптастыру үшін мемлекет қарамағында аударыладыда, ал екінші
бөлігі өндірушіде қалады. Бұдан басқа мемлекеттік кәсіпорындар мен
ұйымдардан, мемлекеттік емес заңды тұлғалардан, акционерлік, кооперативтік,
қоғамдық кәсіпорындар мен ұйымдардан түсетін (салықтар, алымдар және басқа
міндетті төлемдер түрінде) қаражаттар мен мемлекет тарапынан халықтан
ерікті түрде қабылданатын (мемлекеттік заемдар, мемлекеттік лотореялар,
жинақ банкісіндегі салымдар) аманаттар қаражаттар негізінде мемлекет
деңгейіндегі қаржылық қатынастар нысаны пайда болады. Осындай қаржылық
қатынастар орталықтандырылған ақша қаражаттары қорларын-республикалық және
жергілікті бюджеттерді, сақтандыру қорларын, бюджеттен тыс қорларды
қалыптастырады. Экономикада ақша қаражаттары әдетте, құнның балама
негізінде, яғни, тауар және ақша түріндегі құнның қозғалысы негізінде
пайдаланылады. Баламалық принцип басқа да экономикалық санаттарға - баға,
өзіндік құн, жалақы төлеу, несие және т.б. тән болып табылады. Қаржылық
қорды басқа ақша қаражаттарынан ерекшелендіріп тұратын өзгешелік, - олар
экономиканы басқарудағы қандай да болмасын деңгейіндегі ақша түріндегі
құнның біржақты қозғалысының негізінде құралады. Сонымен, қаржылардың
айрықша экономикалық категория ретіндегі өзіне тән ерекшеліктері ақша
түріндегі құнның міндетті түрде бір жақты, баламасыз қозғалысы болып
табылатындығын айқындадық. Енді осы жоғарыда айтылған барлық ғылыми
көзқарастарды тұжырымдасақ қаржы терминінің екі мағынасы бар екенін
көреміз: 1) материлдық; 2) экономикалық. Материалдық мағынада қаржы деп
мемлекеттің өз қарамағындағы ақша қаражаттары қорларының жиынтығын айтамыз.
Экономикалық категория ретінде қаржы деп мемлекеттің ақшалай ресурстарын
жоспарлы түрде қалыптастыратын және бөлетін, сондай–ақ олардың
пайдаланылуын ұйымдастыратын экономикалық қатынастар жүйесін айтамыз
Мемлекеттік ақша қорлары әрқашанда мемлекеттің қаржылық қызметінің
түпкілікті объектісі болып есептелінеді. Қаржылық қызметі процесінде
қаржылардың үш функциясы жүзеге асырылады. Олар:
1) ақша қорларын жұмылдыру;
2) мемлекеттік кәсіпорындармен ұйымдарды ақшалай қамтамасыз ету;
3) бақылау;
Бірінші функцияның мәні мынада: әлгінде қаржылар туралы сөз қозғанымызда
мемлекеттің өз меншігіндегі ақша қаражаттары болмай мемлекет бола
алмайтындығымызды айтқанбыз. Ендеше осы функция арқылы мемлекет өз
мұқтаждықтарын өтеуге қажетті ақша қаражаттарын жиыстырады және осы ақша
қаражаттарды ақша қорларына қалыптастырады. Бірақ, біз мемлекеттің алға
қойған негізгі мақсаты – тек ақша қаражаттарын жиыстыру емес екенін
білеміз. Сондықтан екінші функция мемлекеттің өзіне және өз тарапынан
жасалатын қызметтеріне жұмсалатын шығындарды өтеуге байланысты ақша
қорларын пайдаланудан тұрады. Үшінші функция мемлекеттің ақша қорларын
қалыптастыру және бөлу, сондай–ақ қандай да болмасын шаруашылық
субъектілерінің осы қорлардан алған ақша қаражаттарын мақсатқа сай
пайдалануын және барлық әрекеттердің заңды болуын қамтамасыз етуге
бағытталған. Мемлекеттке қажетті ақша қаражаттарын жұмылдырудың тікелей
түсім көзі материалдық өндіріс аясында жасалатын ұлттық табыс болып
есептелінеді, Ұлттық табысты бөлу кезінде мемлекеттің, кәсіпорындар мен
бірлестіктердің және азаматтардың кірістері құралады.
Сонымен, қаржы жүйесі деп мемлекеттің ақшалай қорларын қалыптастыру,
бөлу және пайдалануды ұйымдастыру барысында пайда болатын және әрқайсысы
белгілі бір қаржылық – құқықтық институттардың материалдық көрінісі болып
табылатын қаржылық – экономикалық институттардың жиынтығын айтамыз.
Ал, қаржылық – экономикалық институттар дегеніміз мемлекеттің ақша
қорларын қалыптастыру, бөлу және пайдалануды ұйымдастыру барысында пайда
болатын экономикалық қатынастардың жиынтығы. Қазақстан Республикасы қаржы
жүйесінің институттары орталықтандырылған және орталықтандырылмаған болып
екіге бөлінеді. Орталықтандырылған институттар мына төмендегідей болып
бөлінеғді:
1) Жалпы мемлекеттік орталықтандырылған қаржылар. Бұлар республикалық
бюджет арқылы көрсетіледі.
2) Жергілікті орталықтандырылған қаржылар. Жергілікті өкілетті
органдардың бюджеттері арқылы көрсетіледі.
3) Мемлекеттік банкілердің қаржылары. Осы банкілердің судалық және басқа
ақша қорларымен көрсетіледі. Бұл қорлар мемлекеттің
орталықтандырылған несиелеу қорларын қалыптастырады.
4) Мемлекеттік мүліктерді және жеке міндеттерді сақтандыру қаржылары.
Осы сақтандыру қорларымен көрсетіледі.
Ал, мемлекеттік емес заңды ұйымдар мен мекемелердің және азаматтардың
ақшалай қорлары мен қаражаттары қаржылар жүйесінің құрамына кірмегенмен
олардың ақша жөніндегі қызметтері азаматтық – құқтық нормалармен реттеледі.
Орталықтандырылмаған институттарға мыналар жатады:
1) ведомоствалардың және басқа да басқару орталықтарының
орталықтандырылған ақша қорларын көрсетеді. Бұл салалық
орталықтандырылған қорлар халық Мемлекеттік басқару органдарының
қаржылары. Министрліктің, шаруашылығы саласының немесе басқа да
шаруашылық жүйелерінің орталық басқару звенолары болғандықтан
министрліктер мен ведомоствалардың қарамағында берілген ақша
қаражаттарынан тұрады.
2) Мемлекеттік шаруашылық субъектілерінің қаржылары. Осы
субъектілерінің, яғни, мемлекеттік кәсіпорындар мен ұйымдардың ақша
қорларын көрсетеді. Бұған өнеркәсіпті, ғылымды және техниканы дамыту,
резервтік және т. б. қорлар жатады.
3) Мемлекеттік бюджеттік ұйымдар мен мекемелердің қаржылары. Осы
субъектілердің ақша қорларымен көрсетіледі.

Қаржылық – экономикалық институттар түрлеріне және меншік нысандарына
байланысты былай топтастырылады:
Республика меншігінде ақша қорларын көрсететін институттар
(республикалық бюджет, республикалық бюджеттен тыс қорлар:
ведомоствалардың орталықтандырылған ақша қорлары, мемлекеттік
банкілердің ақша қорлары).
Әкімшілік – аумақтық меншіктерге жататын ақша қорларын көрсететін
институттар (жергілікті өкілетті органдар қалыптастыратын бюджеттен
тыс қорлар).
Шаруашылықты толығымен жүргізуге немесе тікелей басқаруға құқтары бар
субъектілердің қарамағына жататын ақша қорларын көрсететін
институттар (мемлекеттік – комерциялық акционерлік банкілердің,
мемлекеттік сақтандыру компаниялардың, мемлекеттік кәсіпорындар мен
ұйымдардың және мекемелердің ақшалай қорлары)
Жоғарыда аталған объектілерге берілген ақша қаражаттары жөніндегі
автономдық құқтар олардың өз қызметтерін тәуелсіз және дербес түрде жүзеге
асыруларына мүмкіндік береді.

1.2 Мемлекеттің қаржы жүйесінің қызметі.

Қаржы жүйесінің қызмет атқару механизмдерін зерттеу үшін оның әрбір
элементтерін және олардың әрекет ету механизмдерінің біртұтастығын мұқият
зерделеу қажет. Демек, біріншіден қаржылық қатынастардың барлық нысандарын
және олардың өзара байланыстарын айқындау қажет, екіншіден қаржылық
қатынастардың әр бір нысанын өндірістің тиімділігін арттыру және
экономикалық қатынастардың жетілдіру жөніндегі рөлдері тұрғысынан зерделеу,
үшіншіден қаржылық қатынастарды басқару тәсілдерін жетілдіру, яғни, нарық
жағдайында қаржылық қатынастарды пайдалану механизмін жоспарлау, болжамдау,
қаржыландыру, бақылау және талдау. Осындай талдау негізінде қаржы жүйесінің
құрылымы және оның элементтерінің өзара байланысы анықталады. Қаржы
жүйесінің құрамындағы қаржылық қатынастардың құрылымы өте күрделі. Олар
мынадай негізгі топтарға бөлінеді:
1) Мемлекет пен шаруашылық субъектілерінің арасындағы өндірістік
қорларды иемдену, тауар шығару, қызмет көрсету және жаңадан құн
жасау кезіндегі қатынастар;
2) Мемлекет пен шаруашылық субъектілерінің пайданы, таза табысты және
амортизациялық қорды құру, бөлу, пайдалану жөніндегі қатынастары;
3) Мемлекет пен халықтың, азаматтардың табыстарын қалыптастыру, бөлу
және қайта бөлу жөнінднгі қатынастар;
4) Мемлекет пен шаруашылық субъектілерінің мемлекеттік
орталықтандырылған ақша қорларын, бюджеттен тыс қорларды құру, бөлу
және пайдалану, сондай – ақ зейнетақы қорлары мен әлеуметтік
сақтандыру қорларына аударымдар жөніндегі қатынастар;
5) Мемлекеттің өндірістік емес бюджеттен қаржыландырылатын ұйымдар мен
мекемелердің қатынастары;
6) Қаржылық банктік жүйе институттарының арасындағы қатынастар;
7) Шаруашылық субъектілерінің өзара қатынастары, сондай – ақ олардың
қаржылық ресурстарды бөлу және қайта бөлу, күрделі қаржыландыру
салалық резервтерді қалыптастыру жөнінде министрліктермен
қатынастары;
8) Мемлекеттің сыртқы экономикалық ғылыми – техникалық қызмет
процестерінде жақын және шалғай елдермен қатынастары.
Қаржылық қатынастардың жиынтығы қазіргі кезде “салықтар” атты
экономикалық мәні бар ұғыммен көрсетіледі. Демек, олар қаржылардың құрамдас
бөлігі, ал салықтық жүйе қаржы жүйесінің элементі болып табылады.
Сонымен, қаржылар тұтас тұрғыда сипатталады. Алайда, осы тұтастық
ішінде белгілі бір айырмашылықтарды ұмытпаған жөн. Таур ақша қатынастары
жағдайында өндірістік қорлар мен еңбек ресурстары натуралдық және құндылық
нысанда болады. Сондықтан өндіріс нәтижесі осы екі форма арқылы өлшенеді.
Қаржылық қатынастар ағаш рет мемлекеттік кәсіпорындарға өндірістік қорларды
беру кезінде туындайды. Бұл жерде өнімді шығару оның тұтыну құнынан
бөлінбеуін жүзеге асыру мақсаты көзделді.
Қаржылық механизмнің негізгі элементтеріне мыналар жатады:
1) Қаржылық бюджеттік жоспарлау және болжамдау;
2) Қаржылық ресурстарды тікелей басқару және жан жақты бағдарлау;
3) Қаржылық ресурстардың құрылуына, бөлінуіне және пайдаланылуына
бақылау жүргізу;
4) Қаржылар мен салықтардың, бюджеттің өндіріске және халықтың әл –
ауқаты деңгейіне тигізетін ықпалын анықтау;
Сонымен қаржы жүйесін экономикалық тұрғыда қарастырайық, оның мынадай
элементтерден тұратынын көреміз: негізгі салық жүйесі, бюджет жүйесі,
шаруашылық субъектілерігің қаржылары, қаржылық механизм және қаржы, салық
органдарының автоматтандырылған ақпараттық жүйесі. Енді мемлекеттің
қаржылық қызметіне, оның жүзеге асырылу әдістері мен құқтық негіздеріне
және нысандарына тоқталайық.
Қаржылық қызмет деп өз меншігіне ақша қаражаттарын жұмылдыру арқылы
оларды ақшалай қорларға қалыптастыру. Осы қорлардан қаражаттарды қажетті
тараптарға бөлу, сондай – ақ ақша қаражаттары қорларын пайдалануды
ұйымдастыру жөніндегі мемлекеттің өзінің немесе уәкілдік берген мемлекеттік
органдардың іс-әрекеттерін айтамыз. Мемлекеттің қаржылық қызметі аясынан
ешбір мемлекеттік органдар тыс қала алмайды және бұл қызмет іс жүзінде
барлық шаруашылық субъектілерін қамтиды. Материалдық мағынасы бойынша
мемлекеттің қаржылық қызметі ақша қаражаттарын жинау және оларды жұмсау
процесі болып табылады. Қаржылық қызметтің әдістері дегеніміз қаржы
жүйесінің құрамына кіретін ақша қорларын қалыптастыру, бөлу және
пайдалануды ұйымдастыру кезінде мемлекет жүзеге асыратын нақты шаралар мен
тәсілдер. Ақша қорларының әр түрлі болуына байланысты оларды қалыптастыру,
бөлу және пайдалану барысында да әр түрлі әдістер қолданылады. Ақша
қорларын қалыптастыру әдістері:
1) Ақша қаражаттарын олардың иелерінен мәжбүрлі және қайтарылмайтын
түрде алу;
2) Ақша қаражаттарын олардың иелерінен мәжбүрлі, бірақ қайтарылатын
түрде алу. Мысалы кәсіпорындар мен ұйымдардың балансындағы өз
қаражаттарын міндетті түрде банк мекемелерінде сақтаулары;
3) Ақша қаражаттарын ерікті және қайтарылмайтын түрде жұмылдыру (өз
еркімен ақысыз тегін түде). Мысалы азаматтардың және заңды
тұлғалардың әр түрлі қорлар арқылы мемлекетке өз ақшаларын берулері,
сондай – ақ қайырымдылық көрсетулері;
4) Ақша қаражаттарын ерікті және қайтарылатын түрде жұмылдыру. Мысалы,
бюджет кірістерінің түсім көзі болып есептелетін мемлекеттік
заемдар, халықаралық несиелер;
5) Қор ұстаушының (иесінің) өз комерциялық қызметінен түскен табыстарын
пайдалануы. Мысалы, басы артық немесе қолданылмаған жабдықтарды
сатудан түскен ақша қаражаттарын кәсіпорын қорына жіберу;
6) Эмиссия, айналымға жаңадан ақша (немесе бағалы қағаздар) шығару.
Мысалы, мемлекеттің шығындарының орнын толтыру (мұқтаждықтарды өтеу)
мақсатында айналымға қосымша ақшалар шығару;
Ақша қорларын бөлудің негізгі әдістері:
1) Қаржыландыру, яғни, белгілі бір қордан нақты алушыға бөлінетін ақша
қаражаттарын біржола, тегін беру;
2) Кредиттеу (несиелеу), яғни, белгілі бір қордан нақты алушыға
бөлінетін ақша қаражаттарын қайтарып алу шартымен ақылы түрде
пайдалануға беру;
3) Қор ұстаушының (бұл жерде мемлекеттің) өз қаржылық міндеттерін
орындауы. Мысалы, ішкі және сыртқы заемдарды өтеу, банктерде
сақталған аманат ақша – салымдарды иелеріне қайтару;
Ақша қорларын пайдалануды ұйымдастыру әдістері:
1) Ақша қорларын пайдаланудың тәртібін белгілеу;
2) Ақша қаражаттарын пайдаланудың лимиттерін және қаржылық
нормативтерін белгілеу;
3) Ақша қаражаттарын пайдалану жоспарларын жүзеге асыру;
4) Ақша қорларын пайдаланылуына бақылау жүргізу;
Мемлекеттің қаржылық қызметі нақты құқтық нысандар бойынша жүзеге
асырылады. Құқтық нысан дегеніміз ақша қаражаттары қорларын қалыптастыру,
бөлу және пайдалану кезіндегі мемлекеттік органдардың құқтық нормаларға
сәйкестендірілген әрекеттері.
Мемлекеттік органдар қаржылық қызметті жүзеге асару кезінде өздерінің
өкілеттіктерінің көлемінде қаржылық ресурстарды жұмылдыру, бөлу және
пайдалануды ұйымдастыру, сондай – ақ пайдалануы жөнінде бақылау жүргізу
бағытында пайда болатын қоғамдық қатынастарды реттейтін қаржылық-құқтық
актілер қабылданады.
Қаржылық-құқтық актілер мазмұнына қарай нормативтік және жекелеген
түрлерге бөлінеді.
Нормативтік қаржылық – құқтық акті жалпы ережелерді құрайды. Негізінен
мұндай құжат ұзақ мерзімге қабылданады.
Жекеленген қаржылық – құқтық акті белгілі бір мәселені шешуге әрі нақты
тұлғаларға бағытталады.
Осындай ... жалғасы

Сіз бұл жұмысты біздің қосымшамыз арқылы толығымен тегін көре аласыз.