КОМПЬЮТЕРДІ ЖЕЛІГЕ ҚОСУ ЕРЕЖЕСІ

Жұмыс түрі: Реферат
Тегін: Антиплагиат
Көлемі: 10 бет
Таңдаулыға:

ЖОСПАР

КІРІСПЕ2

1 Компьютерлерді желілерге біріктіру2

2 жергілікті желі3

3 АуҚымды желілер5

4 Жергілікті жӘне ауҚымды желілердіҢ бірігуі6

5 принтерлер6

6 КОМПЬЮТЕРДІ ЖЕЛІГЕ ҚОСУ ЕРЕЖЕСІ8

7 КОМПЬЮТЕРДІ ЖЕЛІДЕН АЖЫРАТУ ЕРЕЖЕСІ8

8 БІР ПРИНТЕРДІ ЖЕЛІ АРҚЫЛЫ БІРНЕШЕ КОМПЬЮТЕРГЕ ҚОСУ ЕРЕЖЕСІ9

Қорытынды11

ПайдаланҒан Әдебиеттер тізімі12

КІРІСПЕ

Әлеуметтік пенде болғандықтан адам әрқашанда өзі сияқтылармен араласу тәсілдерін іздестіреді. Соңғы кездегі Іnternet желісінің күрт дамып кетуі (қазіргі кезде 18000 әртүрлі желілерді біріктіріп, күнбе-күн жаңалармен толықтырылуда) қашықтық ұғымын жоққа шығарып, планетамыздың кез-келген нүктесін бір-бірімен бейнелі түрде байланысуда. Информацияның көзге тартар ертеңі таң қалдырып, өзінің соны пайдалана алатыны қуантады. Бірақ адам жаңалыққа тез үйренеді ғой, қазірде Іnternet жалпыға бірдей информациялық қор тәрізді ертектегі ханшалардан күнделікті күніңізге айналып барады. Оның құрамында миллиондаған компьютерлер, компьютер терминалдары және қарапайым пайдаланушы адамдар бар. Кейбір есептеулер бойынша екі миллиондай компьютерлермен 60 миллионға жуық адам жұмыс істеп жатыр. Іnternet желісіне күніне 1000 компьютер қосылады екен. ІSOC (Іnternet socіety - Іnternet қоғамдастығы) президентінің жақында Іnternet желісін пайдаланушылар саны 1 милиардқа жететін рас. Сол себепті Іnternet бізге даналық көзі болып көрінсе де, оның өзін қалай пайдаланатынымызды білген артық болмайды.

1 Компьютерлерді желілерге біріктіру

Егер сіздің тек бір дербес компьютеріңіз болса, модеміңіз болмаса, онда компьютерлік желінің ерекшеліктерін түсіне қою қиын. Бірақ сіздің бірнеше компьютеріңіз болып, олардың біріндегі мәліметті екіншісіне беру керек болғанда желілік технология өте қажет. Желілік технологиялар қаржы мен уақытты үнемдеуге өте үлкен мүмкіндіктер береді. Сондықтан компьютерлік желілерді пайдалану туралы қысқаша мағлұмат берейік.

Жергілікті желілер - бір-бірімен қатар орналасқан компьютерді біріктіретін жүйелер (бір бөлмеде немесе бір ғимаратта орналасқан компьютерлер) . Мұндайда компьютерлерді байланыстыру осы меекменің өздеріне берілген байланыс каналдары арқылы жүргізіледі. Ал компьютерлік ауқымды желіге келетін болсақ, онда олардың ара қашықтығына ешбір шек қойылмайды. Әр түрлі мемлекеттердегі, айта берсек, әр құрлықтарда орналасқан компьютерлерді бір-бірімен байланыстыратын ауқымды желілер бар. Әрине мұндай байланыстыру желісін шағын немесе орташа фирмалар жасай алмайды. Ауқымды желі құру үшін біраз қаражат керек, көптеген телефон каналдары, жер серіктері арқылы байланысу мүмкіндіктері қажет.

Жергілікті желілерге компьютерлер арасында ақпаратты жеткізу жылдамдығы өте жоғары болады, олар секундына 10, айта берсек 100 мегабитке де жетеді. Гигабиттің де ауылы алыс емес. Ал, ауқымды желілер жүйесінің компьтерлер арасындағы жылдамдық мұндай жоғары емес, телефон каналдарын пайдалану кезіндегі оның пайдалану жылдамдығы секундына 2400-57600 биттер аралығында болады.

Ауқымды және жергілікті желілердің қолдану мақсаттары әртүрлі, бұл екеуі де компьютерлік технологияның зор жетістіктері қатарына жатады, сондықтан оларды мұқият оқып үйренуге көңіл бөлген артық бола қоймас.

2 жергілікті желі

Компьютерді (жұмыс станциясын немесе серверді) желіге қосу арнаулы желі адаптері арқылы орындылады. Желі адаптері бөлек сатылады, бірақ кейде компьютер құрамында болуы да мүмкін.

Көптеген фирмалар шығарып жататын желі адаптерлерінің толып жатқан түрлері бар. Желі адаптерлері қызмет істеу топологиясына қарай екі топқа бөлінеді. Қарапайым жергілікті желіде шиналық (4-сурет) немесе жұлдыз тәрізді (5-сурет) топология болады. Шоғырланған сымдар арқылы байланысатын шиналық топологияның негізгі кемшілігі - кабель үзілсе, желі түгелдей мұмыс істемей қалады. Ал жұлдыз тәріздес топологияда әрбір компьютер өз кабелімен жеке қоректену блогы бар таратқыш құрылғыға (ол да компьютер) жалғанады. Мұнда бір кабель үзілгенмен, тек бір жұмыс станциясы ғана істен шығады да, желі қалған станциялармен жұмыс істей береді. Шиналық топологияға қарағанда, мұндағы зиян әлденеше рет төмен болады.

Желілер топологиясының бұдан да күрделі вариантары бола береді. Мысалы, желі бірнеше шиналық топология сегменттерімен және бірнеше жұлдыз тәрізді тармақтардан құралуы мүмкін.

Соңғы кездерде бір ғимаратқа орналасқан жергілікті радиоторапты желілер кең тарап келеді. Мұның артықшылығы :

-біріншіден, жалпы көрсеткіштері ойдағыдай болғанымен бағасы онша қымбат емес;

-екіншіден, жұмыс істеп тұрған кабельдік желілермен оңай байланысады.

Радиоторапты желілердің негізгі кемшілігі - олардағы ақпаратты жеткізу жалдамдығының өте төмен деңгейде болуы, ол 10 Мбит/сек мөлшерінен аса алмай келеді. Дегенмен; бұларды жасаушы фирмалар жақында жылдамдықты 30 Мбит/сек шамасына жеткізетінін, тіпті оданда арттыратынын айтып дәлелдеуде;

Қайтсе де, объективті және субъективті шараларды салыстырса, болашақ осы жергілікті радиоторапты желілерді немесе кабельді желілерге қосымша радиожелілерді кеңінен пайдалануға әкелетіні байқалады.

Объективті себептердің бірсыпырасын айтар болсақ, олар:

-радиожеліні іске қосуға кететін қаражат осы тәрізді кабельдік жергілікті желіні іске қосудан арзан;

-ескі ғимараттарда олардың қабырғаларын тесіп, кабель жүргізу шаруаларын ұйымдастыру оңай емес;

-радиожеліні тарихи бағалы деп есптелетін ғимараттарда іске асыру ыңғайлы, өйткені ондай желілерде кабель жүргізу үшін тарихи ескерткішті қорғау органдарының келісімі керек;

-кабель жүргізуге мүмкіндік жоқ, ал жергілікті желіні кеңейту керек-ақ.

Субъективті себептерге мыналарды жатқызуға болады:

-кабельдік желілерге қарағанда қайта құру оңай іске асады; мысалы жаңа торап қосу, алу, олардың құрылғыларын орнату және т. с. с;

-жергілікті радиожеліге уақытша және жылдам қосылуға тиіс жеке пайдаланатын органайзерлер мен ноутбуктерді қосу ыңғайлы. Оның үстіне, мұндай адамдар немесе олардың қосылу нүктелері байланыс жетер аймақта басқалармен кез-келген мәлімет алмаса алады.

Жергілікті желілерді пайдаланатын программалық жабдық-тарына қарай екіге бөлуге болады:

Біріншісі-арнаулы файл-серверлер бөлініп берілген желілер, бұлардың құрамындағы бір немесе бірнеше компьютерлерде арнаулы желілік опрациялық жүйе (Novell NetWare, ІBM Lan Manager) іске қосылады: Олардың негізгі қызметі - әрбір жеке компьютер иесіне желі ресурстарын пайдалануды қамтамасыз ету; бірінші кезекте, серверлік дискілерді және желі принтерлерін бөліп беріп отырады.

Мұнда жеке компьютерлер бір-бірімен емес тек файл сервермен байланысады: Мысалы: олар файл-сервер дискімен мәліметтер жаза алады немесе басқалар жазған мәліметтерді оқи алады және де желі принтеріне мәтін басып шығарады. Жұмыс станциялары арасында мәліметтер алмасу (файл- серверді айналып өту), теория тұрғысынан мүмкін болғанымен, практика жүзінде іске асырылмаған.

Екінші топ - бір рангілік желілер: Мұнда файл - серверлер немесе баспа сервері ретінде пайдаланатын жеке компьютер болмайды. Кез-келген станцияда отырған адам өз компьютерінен сервер ретінде пайдаланып, басқа компьютерлермен мәліметтер алмаса ала береді, құрылғыларын орналастыру мүмкіндігі бар. Мұның мысалы ретінде MS Wіndows for Workgroup немесе Wіndows 98 желілерін қарастыруға болады. Бір рангілік желі компьютер арасындағы мәліметтер алмасу жиі және үлкен көлемде жүргізгенде өте ыңғайлы. Бірақ мәліметтер алмасу тек файлдарды алу, берумен шектелмейтіні есте болсын.

Әрбір адам кез-келген мәліметтер түрін (объектіні) өз алмасу буферіне жазып алып, содан кейін желідегі компьютерлерді бәрінің де сол объектімен пайдалануын қамтамасыз ете алады. Міне, мұндағы мәліметтер файлда болмағандықтан, оны жазу, оқу, орын ауыстыру, яғни тасмалдау қажет емес.

Сонымен бір рангілік желі барлық компьютерлердің бір жоба төңірегінде жұмыс істеуін жүзеге асырып, кез-келген форматтағы мәліметтерді жеткізе алады.

Мұның бәрі бір қарағанда күрделі болып көрінуі ықтимал; бірақ әр қадамға жеткізу істерінің қалай орындалатындығын білудің қажеті жоқ, атқарылатын жұмыстардың бәрі программалар арқылы басқарылып, олардың егжейі-тегжейі автоматты түрде орнатылп жатады. Әр адамға тек желіге қосылғанын, қандай мәліметтерді және қалай пайдаланатынын білу жеткілікті. Білмесеңіз, желі администраторынын немесе осыған жауапты жаннан сұрап білуге болады. Мұндағы әрбір администратор - қарапайым компьютер иесі, бірақ кез-келген мәліметтер пайдаланушы администратор емес. Әрбір фирмада, қажет болса, көмектесе алатын бір маман болады. Желі администраторларының жауапкершілігінен бірсыпыра мағлұмат бере кетелік.

Желі адаптерінің құны онша қымбат емес. Әдетте жұмыс станциялары үшін жылдамдығы орташа, арзандау желі адаптерлері алынады да, файл серверлер мен мәліметтер базасын басқаратын серверлер үшін жоғарғы жылдамдықты, қымбат тұратын түрі адаптерлер қолданады. Қалай десекте, желі құралдарыны онша көп қаржы жұмсала қоймайды.

3 АуҚымды желілер

Егер басқа мекемеден мәліметтер алу (беру) жұмыстары жиі кездесетін болса, онда модем сатып алып, компьютерлердің ауқымды желілерінің біріне қосылу амалдарын қарастырған жөн. Модемдер - ішкі және сырты түрлерге бөлінеді. Ішкі модем кәдігімгі адаптер тәріздес компьютер қорабы ішінде орналасады. Көптеген алып жүруге арналған блокнот- компьютерлерде ішкі модем болады, олар қосымша қызмет ретінде факстер қабылдап, оларды жібере алады. Қазіргі сыртқы модемдер қоректену блогы бар шағын корпусқа орналасып, асинхронды тізбекті адаптер портына кабель арқылы қосылады.

Сонымен, компьютерді ауқымды желімен байланыстыру үшін модем сатып алып, оны кез-келген телефонға жалғау жеткілікті, бірақ оны қалай пайдаланамыз.

Дүние жүзінде көптеген ауқымды компьютеолік желілер бар, бірақ олардың арасында ең белгілілері болып Іnternet, Sprіnt, Relkom, Fіdonet есептеледі. Бұлардың кейбірі тек өз елдері аумағында жұмыс істесе, кейбіреулері бүкіл дүние жүзін қамтиды. Бірақ барлық желілер бір-бірімен байланысқан, сол себепті, мысалы, Glanet желісіндегі біреудің адресін білсеңіз, оған басқа желіден де хабар бере аласыз.

Ауқымды желі топологиясын қарайтын болсақ, ол күрделі график тәріздес деуге болады, ал оның түйінділерінде компьютерлер орналасқан. Жалпы желілік құрамында почта серверлік ретінде арнайы пайдаланатын компьютерлер болу тиіс. Мұндай компьютер бірден бірнеше телефон каналдарымен қосылған, сондықтан олардың құрамында бірнеше модем болады. Әрбір адам өз компьютерін жалпы желіге қоса алады.

4 Жергілікті жӘне ауҚымды желілердіҢ бірігуі

Жергілікті желі мен ауқымды желілерді біріктіретін программалық жабдықтар бар. Мұндайда жергілікті желінің бір компьютері телефон бағдарлауыш (бірнеше модемі бар) арқылы ауқымды желіге қосады. Осындай желінің кез-келген компьютері телефон бағдарлауышында орнатылған модем арқылы ауқымды желімен байланысып жұмыс істей береді. Сонымен, әрбір жұмыс станциясын модем арқылы бөлек телефонға жалғаудың қажет емес екендігі осыдан көрініп тұр.

5 принтерлер

Кез-келеген қызмет бабында мәтіндік құжаттарды қағазға жиі басуға тура келеді. “Қағазсыз” технологияның күнбе-күн іске асып жатқанына қарамастан, қағаз басылып жатқан мәліметтер көбеймесе әзірге азайған жоқ. Егер мекемеңіздің абыройын биік ұстағыңыз келсе, сыртқа шығатын құжаттар сапалы лазерлік принтерде басылуы шарт. Тек ішкі қарапайым құжаттар үшін бірнеше жүз доллар тұратын арзан принтерді пайдалануға болады. Ал кейде, түрлі-түсті принтер қажет болып қалады. Егер баспагерлік қызметпен айналыспақ болсаңыз, онда қуатты әрі лезерлік принтер алу қажет. Оның құны 1000 долларға жетіп артылады.