Өндірісте пайдалануға арналған тауарлар нарқы

Жұмыс түрі: Материал
Тегін: Антиплагиат
Көлемі: 9 бет
Таңдаулыға:

Өндірісте пайдалануға арналған тауарлар нарқына кімдер қатысады

Өндірісте пайдалануға арналған тауарлар нарқы - тауарларды не қызметтерді басқа тауарлар не қызметтер өндіру үшін сатып алатын, өндірілген жаңа тауарларды сататын, жалға беретін не басқа тұтынушыларды жабдықтауға пайдаланатын мекемелер және жеке тұлғалар жиынтығы.

Өндірісте пайдалануға арналған тауарлар нарқы құрамына жататын негізгі салалар: 1) ауыл, орман және балық шаруашылықтары; 2) тау-кен өндірісі; 3) өндеу өндірісі, 4) құрылыс; 5) көлік; 6) байланыс; 7) тұрмыстық-коммуналдық шаруашылығы; 8) банк, қаржы және қауіпсіздендіру салалары; 9) қызмет өрісі.

Тауар номенклатурасының және ақша айналымының мөлшері бойынша өндірісте пайдалануға арналған тауарлар нарқы тұтыныс тауарлар нарқының осындай көрсеткіштерінен әлдеқайда жоғары болады.

Өндірісте пайдалануға арналған тауарлар нарқының сипаттамалары тұтыну тауарлар нарқы сипаттамаларынан өте айрықша болады. Бұларға мына сипаттамалар жатады: ОЛАРДЫҢ САТЫП АЛУШЫЛАРЫ ШАҒЫН. Өндірісте пайдалануға арналған тауар сатушылары тұтыныс тауарларын сатушыларға қарағанда шағынырақ сатып алушылармен қызмет атқарады. Мысалға, "Гудийр таир компани" фирмасы шығаратын шиналарын өндіріске де және көпшілік тұтынушыларға да сатады. Өндіріс тауарлары нарқындағы оның барлық келешегі үш ірі автомобиль корпорациясының қайсібірінің беретін тапсырыстарына тікелей байланысты. Ал тұтынушыға керекті шинаны сатуда "Гудийр" фирмасы автомобильдері бар 105 млн американдықтардың потенциалды нарқымен кездеседі. БҰЛ ЫҚШАМ САТЫП АЛУШЫЛАР ІРІЛЕНГЕН. Тіпте көптеген өндірушілер бар салаларда да сатып алынатын дүниенің негізгі бөлігі, әдетте, бірнеше ірі сатып алушылардың үлесіне келеді. Автомобиль, телефон және телеграф құралдарын өндіретін, сигарет, авиация двигательдерін және оның бөлшектерін шығаратын, сонымен қатар органикалық талшықтар өндірістері сияқты салалардағы жалпы өндірісінің 70%-ке жуығы алдыңғы төрт өндірушінің үлесіне келеді. Сондықтан осы салаларды толық жабдықтауға арналған заттардың негізгі бөлігін тек осылар ғана сатып алады. БҰЛ САТЫП АЛУШЫЛАР ГЕОГРАФИЯЛЫҚ ТҮРДЕ ШОҒЫРЛАНҒАН.

Өндірісте пайдалануға арналған тауарларды сатушылар географиялық шоғырланудың күшею және әлсіреу тенденцияларын бақылап отыруы керек.

ӨНДІРІСТЕ ПАЙДАЛАНУҒА АРНАЛҒАН ТАУАРЛАРҒА СҰРАНЫМ ТҰРМЫСТА КЕҢІНЕН ПАЙДАЛАНУҒА АРНАЛҒАН ТАУАРЛАР СҰРАНЫМЫ АРҚЫЛЫ АНЫҚТАЛАДЫ. Өндірісте пайдалануға арналған тауарлардың сұраным негізінде тұрмыста кеңінен пайдалану тауарларының сұранымы жатады. Мал терілерін сатып алудың негізгі себебі түтынушылардың аяқ киім, әмиян және басқа былғарыдан жасалған бұйымдарды сатып алатындығында.

Егер осы тауарларға сұраным бәсеңсісе, оларды өндіру процесіне пайдаланылатын барлық тауарларға сұраным төмендейді.

ӨНДІРІСТЕ ПАЙДАЛАНУҒА АРНАЛҒАН ТАУАРЛАР СҰРАНЫМЫ ЭЛАСТИКАЛЫ БОЛМАЙДЫ. Көптеген өндірісте пайдалану тауарлары мен қызметтерінің жалпы сұранысы жекеленген фирмаға қарағанда төменгі эластикалық бағамен сипатталады. Демек, бағаның өзгеруі жалпы сұранымға өзінің үлкен әсерін тигізе қоймайды. Терінің бағасының төмендегеніне қарамастан, аяқ киім тігушілер былғарыны сатып алуды онша көбейте қоймады. Тағы да былғарының құны өсті екен деп оны сатып алуды онша азайтпайды. Сұраным, әсіресе, қысқа мерзім аралығында эластикалы бола алмайды, себебі өнімді шығарушылар өзінің өндіріс технологиясына қысқа аралықта үлкен өзгерістер енгізе алмайды. Ал тұтынушылар болса, тауарды қай жабдықтаушылардан сатып аларын оның бағасына байланысты шешеді. Бірақ ол да оның сатып алу көлеміне үлкен әсерін тигізе қоймайды.

ӨНДІРІСТЕ ПАЙДАЛАНУҒА АРНАЛҒАН ТАУАРЛАР СҰРАНЫМЫ КҮРТ ӨЗГЕРЕДІ.

Өндірісте пайдалануға арналған тауарлар мен қызметтерге сұраным көпшіліктің пайдаланатын тұтыныс тауарлар сұранымына қарағанда, әдетте, тез өзгеріп отырады. Мұндай жағдай әсіресе жаңа өндіріс құрылғылары сұранымы үшін әділірек. Тұтыныс тауарларына деген сұраныстың біршама өсуі осы тауарларды қосымша шығаруға керекті машинелерге және құрылғыларға деген сұранымның едәуір пайызға өсуіне әкеліп соқтыруы мүмкін. Кейде тұтынушылар сұранымының тек 10 пайызға өсуі өндіріс сұранымын тез аралықта 200% дейін жеткізуі мүмкін. Мұндай жағдай көптеген өндірушілердің активті іскерлік циклі шегіндегі аумалы-төкпелі өзгерістерді қалыптастыру үшін өз тауар номенклатурасын диверсификациялауға мәжбүр етеді.

ӨНДІРІСТЕ ПАЙДАЛАНУҒА АРНАЛҒАН ТАУАРЛАРДЫ САТЫП АЛУШЫЛАР КӘСІПҚОЙЛАР.

Өндірісте пайдалануға арналған тауарларды, өмірбақи тауарды аса тиімді түрде сатып алуды үйренген, кәсіби дайындалған агенттер атқарады. Олардың көбісі еңбек тиімділігін және мамандық статустарын жоғарылатуға тырысатын сатып алушьшар агенттері ассоциациясының мүшелері болып саналады. Өндіріске керекті сатып алынатын заттың күрделілігіне байланысты оны сатып алу туралы шешім қабылдауға қатысушылардың саны ықтималды түрде өсуі мүмкін. Өте маңызды тауарларды сатып алу, әдетте, құрамына техника эксперттері мен басқарушылар өкілдері кіретін арнайы комиссия арқылы орындалалы. Демек, сатып алушының жақсы дайындалған мамандарымен жұмыс атқаруға өндірісте пайдалануға арналған тауар шығарушы фирмалар өздерінің жаңа мамандандырылған коммивояжерлерін дайындауға тиіс. Тауарды нарықта сатуды ұйымдастыру кешенінде жарнаманың, өткізуді ынталандыру және үгіттеу шараларының атқаратын рольдерін айта отырып, өткізудің негізгі құралы ретінде жеке сату техникасының қалатындығын көрсетуіміз керек.

Өндірісте пайдалануға арналған тауарларды сатып алушылар сатып алу жөнінде қандай шешімдер қабылдайды

Өндірісте пайдалануға арналған тауарларды сатып алушы сатып алу процесінде бірқатар шешімдер қабылдауға мәжбүр болады. Қабылданатын шешімдер саны сатып алу жағдайына байланысты болады.

САТЫП АЛУ ЖАҒДАЙЫНЫҢ НЕГІЗГІ ТҮРЛЕРІ. Сатып алу жағдайының негізгі үш түрі болады. Бір жағынан, жай ғана стандартты шешім қабылдау арқылы орындалатын ешқандай өзгеріссіз қайтара сатып алу, екінші жағынан, терең зерттеуді талап ететін жаңа мәселелерді шешу үшін керекті заттарды сатып алу жөнінде шешім қабылдау. Алдын ала бірқатар талдау жасау арқылы өзгеріс енгізілген қайтара сатып алу осылардың аралығындағы үшінші түрге жатады.

Өзгеріссіз қайтара сатып алу. Өзгеріссіз қайтара сатып алушының өзіне керекті бірдеңеге ешқандай өзгеріссіз қайтара тапсырыс беру ситуациясы. Көбіне заказдар осылай беріледі, мысалға, жай кеңсе тауарларына мұндай жағдай материалдық-техникалық жабдықтау бөлімінің қызметкерлері арқылы күнделікті жұмыс кезінде орындалады. Сатып алушы бұрынғы өзін жабдықгаушылардың қанағаттандыру дәрежесіне байланысты өз тізіміндегі жабдықтаушылардың бірін тандайды. "Таңдалынған" жабдықтаушылар өз тауарлары мен қызметтерінің дәрежесін жоғары сатыда ұстауға тырысады. Олар сатып алушы агенттер құжаттарды дайындауға көп уақыттарын шығындамасын деген мақсатта қайтара тапсырыстарды автоматты орындау жүйесі арқылы орындауды да ұсынады. "Таңдалынған" топқа кірмеген жабдықтаушылар сатып алушыға жаңалықтар ұсыну арқылы оның бабын табуға тырысады. Олар әуелі майда тапсырыстар орындау арқылы сатып алушының "табалдырығын" аттай өтіп, кейін өзінің ұсыныс көлемін өсіре түсуге тырысады.

Өзгерістер енгізіп, қайтара сатып алу. Өзгерістер енгізіп, қайтара сатып алу - сатып алушы қайтара берілетін тапсырысты тауар техникалық сипаттамаларына, бағасы мен басқа жабдықтау жағдайларына немесе жабдықтаушылардың бірқатарын өзгертуіне байланысты болады. Жаңа құрылғыларға және комплектілеу бұйымдарына тапсырыстар осылай беріледі. Өзгерістер енгізіліп, қайтара сатып алу туралы шешім қабылдауға қатысушылар қатары кеңейтіледі. Бұрын "таңдалынған" жабдықтаушылар қобалжып, өз клиентінен айрылмаудың қамын жасай бастайды. "Тандалынған" топтар қатарына кірмеген жабдықтаушылар, осы жағдайды пайдаланып, пайдалы ұсыныстар жасау арқылы жаңа іскерлік байланыстар жасауға тырысады.

Жаңа мәселелерді шешу үшін сатып алу. Алғашқы тауар не қызмет сатып алушы фирманың алдында жаңа мәселелер туындайды. Өзіне алғашқы рет компьютер жүйесін орнататын немесе жаңа зауыт салғысы келетін фирма осындай жағдайға душар болады. Неғұрлым шығыны көбірек не қауіптену дәрежесі жоғары болса, солғұрлым шешім қабылдауға қатысушылар саны көп және олардың шешім қабылдауына қажетті ақпараттары болуға тиіс. Жаңа мәселелерді шешу үшін сатып алу ситуациясы нарық қайраткеріне орасан зор мүмкіншіліктердің жолын көрсетіп, оны бәсекеге шақырады. Осы шешім қабылдауға негізгі әсерлерін тигізетін неғұрлым көп адамдармен байланысуға тырысуымен қатар, өзі де оларға ақпарат беру арқылы мәселені шешуге көмектеседі. Жаңа мәселелерді шешу үшін сатып алу күрделі коммерциялық келісімдерді талап ететін болғандықган, фирма оларды жүргізуге құрамында өте маман сатушылары бар арнайы сауда топтарын ұйымдастырады.

САТЫП АЛУ ЖӨНІНДЕ ШЕШІМ ҚАБЫЛДАҒАНДА ЕСЕПКЕ АЛЫНАТЫН НЕГІЗГІ ФАКТОРЛАР. Қабылданатын шешімнің ең азы өзгеріссіз қайтара сатып алушы үлесіне келсе, ең көбі - жаңа мәселелерді шешу үшін орындалатын сатып алуға келеді. Жаңа мәселелерді шешу үшін сатып алушы мынадай жағдайларды анықтауы керек: 1) тауардың техникалық сипаттамалары; 2) бағалар шегі; 3) жабдықтау жағдайы және уақыты; 4) техникалық қызмет жасау жағдайы; 5) төлеу жағдайы; 6) тапсырыс мөлшері; 7) жарамды жабдықтаушылар жөне 8) "таңдалған" жабдықтаушылар. Әр шешімдерді қабылдауға оларға қатысушылар өз әсерін тиігізеді, ал шешімдерді қабылдау реттері бірқатар өзгерісте болуы мүмкін.

КОМПЛЕКТІЛІ САТЫП АЛУДЫҢ ЖӘНЕ КОМПЛЕКТІЛІ САТУДЫҢ РОЛІ. Көптеген сатып алушылар өз проблемаларын шешу үшін көптеген жеке шешімдер қабылдамай, кешенді түрде бір рет шешім қабылдағанды жөн көреді. Мұндай әдісті кешенді сатып алу деп атайды. Мұндай әдісті үкімет бірінші рет негізгі қарулар түрлерін және байланыс жүйелерін сатып алуда пайдаланған. Құрылымға кіретін бұйымдарды жекелеп сатып алып, оларды кейіннен біріктіру орнына, ол қажетті комплектілі не қажет жүйені өздері құрастыратын бас мердігерлермен контракт жасайды. Контракт жасаған бас мердігер құралымға керекті бөлшектерді іздеу мен оларды комплектілеуді өз мойнына алады. Сатушылар сатып алушылардың осындай түрде сатып алуға бет бұрғанын байқап, маркетингтің бір құралы ретінде комплектілі сатуды жүзеге асыра бастайды. Комплектілі сатудың екі түрі болады. Біріншісі - жабдықтаушы бір-бірімен байланысты тауарлардың бір тобын сатады. Мысалға, желім жеке сатылмай, оны жағуға және кептіруге арналған құралдармен қоса сатады. Екіншіден, жабдықтаушы өндіріс пен қорды басқару жүйелерін, тарату жүйесін және басқа сатып алушының мұқтаждықтарын өтейтін және ісінің үздіксіз жұмысын атқаруға керекті қызметтерді біртұтас сатады. Комплектілі сату-өндіріс маркетингісінің клиенттерді тартуға және тұрақтандыруға пайдаланатын стратегиясының негізгі элементі болып саналады.

Түйіндеме

... жалғасы

Сіз бұл жұмысты біздің қосымшамыз арқылы толығымен тегін көре аласыз.