Орталық – Шығыс Прорва кен орнында тереңдігі 3300м пайдалану ұңғыма желісінің геологиялық сипаттамасы

Жұмыс түрі: Дипломдық жұмыс
Тегін: Антиплагиат
Көлемі: 90 бет
Таңдаулыға:

АҢДАТПА

Өзекті сөздер: ұңғыма, геологиялық тілме, ұңғыма құрылмасы, бұрғы ерітіндісі, жуу сұйығының шығыны, бұрғылау экологиясы, бұрғылаудың механика-экономикалық көрсеткіштері.

Бұл жоба Орталық - Шығыс Прорва кен орнында тереңдігі 3300м пайдалану ұңғыма желісін қамтиды.

Кен орнының геологиялық сипаттамасы берілген, бұрғылаудың техника және технологиясына тиісті есептер жүргізілді, еңбекті қорғау мен қоршаған ортаны ластанудан сақтау жөнінде сұрақтар қаралған. Жобаланған ұңғыма құрылмасына смета жасалған.

МАЗМҰНЫ

1. ГЕОЛОГИЯЛЫҚ БӨЛІМ30

1. 1. Географиялық және экономикалық жағдайлар31

1. 2 Ауданның геология-геофизикалық зерттеу тарихы32

1. 3 Стратиграфия32

1. 4 Тектоника36

1. 5 Мұнай - газдылығы және оның перспективасы37

1. 6 Сулылығы38

1. 7 Ұңғыманы қазу кезінде кездесетін қауіпті аймақтар мен қиындықтар39

1. 8. Перспективалы қабаттарды ашу және сынау39

1. 8. 1 Қабаттарды сынаудың тәсілдері мен аралықтары39

1. 8. 2 Өнімді қабатты ашу әдісі41

1. 9 Ұңғымадағы геофизикалық зерттеулер41

2 ТЕХНИКАЛЫҚ - ТЕХНОЛОГИЯЛЫҚ БӨЛІМ41

2. 1 Бұрғылау тәсілін таңдау және дәлелдеу42

2. 2 Ұңғыма құрылмасын жобалау және дәлелдеу42

2. 2. 1 Қашау мен шегендеу тізбегінің диаметрін таңдау46

2. 3. 1. Ауырлатылған бұрғылау құбырларының диаметрін және ұзындықтарын анықтау49

2. 3. 2. Бұрғылау құбырлары тізбегін беріктікке есептеу51

2. 4. Ұңғыманы жуу54

2. 4. 1 Жуу сұйығының түрін таңдау және оның параметрлерін әр тереңдік аралықтар үшін тағайындау54

2. 4. 2 Жуу сұйығының барлық түрі үшін саздың, судың, химиялық реагенттердің, ауырлатқыштың және тағы басқа материалдардың шығындарын анықтау55

2. 4. 3 Жуу сұйығын дайындау, химиялық өңдеу үшін және ұнғыма сағасына саңылаусыздыққа орнатылатын58

жабдықтарды таңдау58

2. 4. 4 Ұңғыманы жуудың гидравликалық есебі58

2. 5 Бұрғылау қондырғысын таңдау, бұрғылау жабдықтары мен мұнара67

2. 5. 1 Бұрғы мұнарасын таңдау67

2. 6. Бұрғылау тәртібінің параметрлерін жобалау54

2. 6. 1 Қашаулардың түр-өлшемін, моделін олардың көрсеткіштерін өндіріс статикалық мәліметтері бойынша жобалау54

2. 6. 2. Бұрғылау тәсілдеріне байланысты, әр тереңдік аралықтары үшін жуу сұйығының шығынын жобалау57

2. 6. 3. Қашауға өстік салмақпен және оның айналу58

жиілігін жобалау58

2. 6. 4 Бұрғылау тәртібінің параметрлерін бақылау60

2. 7. Ұңғымаларды бекіту61

2. 7. 1. Шегендеу тізбектерін жобалау және61

оларды беріктікке есептеу61

2. 7. 2 Аралық және пайдалану құбырлары тізбегінің66

төменгі жинағы66

2. 7. 3 Шегендеуші құбырлар тізбегін түсіруге дайындық жұмыстары және оларды түсіру66

2. 7. 4 Цементтеу тәсілін таңдау және тізбектерді69

цементтеуге есептеу69

2. 8 Ұңғыманы игеру76

3 АРНАЙЫ БӨЛІМ87

3. 1 Орталық - Шығыс Прорва алаңындағы ұңғымалар құрылмаларына талдау87

4 ЭКОНОМИКАЛЫҚ БӨЛІМ99

4. 1 Ұңғыма құрылысының уақытын анықтау99

ҚОРЫТЫНДЫ1

ПАЙДАЛАНЫЛҒАН ӘДЕБИЕТТЕР ТІЗІМІ1

Кіріспе

1 Геологиялық бөлім

Географиялық және экономикалық жағдайлар
Ауданның геология-геофизикалық зерттеу тарихы
Стратиграфия
Тектоника
Мұнай -газдылығы және оның перспективасы
Сулылығы
Ұңғыманы қазу кезінде кездесетін қауіпті аймақтар мен қиындықтар
Преспективалы қабаттарды ашу және сынауҚабаттарды сынаудың тәсілдері мен аралықтарыӨнімді қабатты ашу әдісі
Ұңғымадағы геофизикалық зерттеулер

Техникалық және технологиялық бөлімБұрғылау тәсілін таңдау және дәлелдеуҰңғыма құрылмасын жобалау және дәлелдеуБұрғы тізбегінің құрылымын жобалау; бұрғы құбырлар тізбегін беріктікке есептеуҰңғыманы жууЖуу сұйығының түрін таңдау және оның параметрлерін әр тереңдік аралықтары үшін пайдалануЖуу сұйғының барлық түрі саздың, судың, химиялық реагенттердің, ауырлатқыштың және т. б. материалдардың шығындарын анықтауЖуу сұйығын дайындау, химиялық өңдеу үшін және ұңғыма сағасына саңлаусыздыққа орнатылатын жабдықтарды таңдауҰңғыманы жуудың гидравликалык есебіБұрғылау қондырғысын таңдау (бұрғылау жабдықтары мен мұнара) Бұрғылау тәртібінің параметрлерін жобалауҚашаулардың түр-өлшемін, моделін және олардың көрсеткіштерін,

өндіріс статикалық мәліметтері бойынша жобалау

Бұрғылау тәсілдеріне байланысты, әр тереңдік аралықтары үшін жуу

сұйығының шығынын жобалау

2. 6. 3 Қашаудың өстік салмағын және оның айналу жиілігін жобалау

2. 6. 4 Бұрғылау тәртібінің параметрлерін бақылау

Ұңғымаларды бекітуШегендеуші құбырлар тізбектерін жобалау және оларды беріктікке есептеуАралық және пайдалану құбырлар тізбегінің төменгі құрамаларыШегендеуші құбырлар тізбегін түсіруге дайындық жұмыстары және оларды түсіруЦементтеу тәсілін таңдау және тізбектерді цементтеуге есептеу
Ұңғымаларды игеру
Еңбекті қорғау және қоршаған ортаны ластанудан сақтауҚауіпсіздік техника шаралары, кәсіп-санитарлық және өртке қарсы сақтық шараларыҚоршаған ортаны қорғау

Арнайы бөлімОрталық -Шығыс Прорва алаңындағы ұңғымалар құрылмаларына талдау
Экономикалық бөлімҰңғыма құрылысының уақытын анықтауҰңғыма құрылысына смета жасауЖобалық ұңғыманы қазудың салыстырмалы тиімділігі. Техникалық және

экономикалық көрсеткіштері

КІРІСПЕ

Алғашқы геолого-геофизикалық зерттеулер 1932-34 жылдары жүргізілген. МОВ- тің сейсмикалық зерттеулері 1955-жылы өткізілген.

Құлсарыдағы Батыс-Қазақстан геологиялық басқармасы 1959- жылы бірінші ұңғыманы бұрғылай бастады. 1960-жылы бұл ұңғымадан Ю-I, Ю-III жоғарғы Юра өнімді қабаттарынан мұнай-газдылығы бар екені білінді. Әрі қарай қазу кезінде орта юра және триас қабаттарында мұнай мен газ бар екені анықталды. 1963-жылдан бастап кен орнында барлау және байқау, пайдалану ұңғымаларын бұрғылай бастады, ал 1966 жылдан бастап кен орын өндірістік өнім беретін орынға айналды.

Кен орында бұрғылау Балықшы бұрғылау басқармасы және Эмба мұнай бірлестігі, ал өнімді өндіру НГДУ “Прорванефть” және “Тенгизнефтегаз” бірлестігі мен жүргізген. Осы кен орында 01. 01. 86 жылға дейін 13. 726 тонна мұнай өндірілген.

ГЕОЛОГИЯЛЫҚ БӨЛІМ

1. ГЕОЛОГИЯЛЫҚ БӨЛІМ

1. 1. Географиялық және экономикалық жағдайлар

Прорва мұнай, газ кен орны Оңтүстік- Ембі мұнай ауданның Оңтүстік-Шығысында орналасқан. Жақын мекен жайлар Қаратон, Қосшағыл. Жұмыс поселкелері Құлсары 70-140км және 60 км Солтүстік Шығысында орналасқан. Сонымен қатар қаралып отырған кен орны 1994-жылы “Теңізмұнайгаз” акционерлік қоғам бірлестігіне берілді. Аудан орталығы Бейнеу поселкесі кен орын 70 км қашықтықта орналасқан. Мекен жайлармен қарым-қатынас жолдары асфальтталмаған. Күзгі және көктемгі мерзімдерде транспортқа өте қолайсыз. Жақын орналасқан темір жол станциялары Құлсары және Бейнеу станциялары. Мұнай кен орнынан Сарғамыс арқылы Қаратонға мұнай -құбыр магистраль арқылы Каспий-Орскіге. Кен орны сормен жабылған, ашық тақыр жерде орналасқан. Топырақ жабуы өте жас, себебі өткен замандарда айтып отырған ауданымыз Каспий теңізінің түбі болған.

Қыртастың абсолютті белгілері 20 дан 27 метрге дейін ауытқып отырады. Гидрографиялық тор жоқ десек болады.

Айтылған ауданның көптеген жерлері арықтармен кескіленген. Теңіз уақыттарында арықтар теңіз суымен толған. Ауданның Батыс жағы Каспий теңізімен шектеледі. Ал Оңтүстігінде автокөлік өтпейтіндей “Мертвый Култук” соры шығып кетеді. Көктем уақыттарында “Мертвый Култук” сумен жабылып басқа сорлармен жалғасады. Жаз айларында сорлар кеуіп кетеді. Ондағы сулар күшті тұздалған. Техникалық суларға пайдалануға болады .

Ауданның климаты континенталды. Жазы - құрғақ, ыстық. Ауаның температурасы 40, + 45 ⁰ С жетеді. Ал қыста қар аз болып күшті желдер болып температура -25 ⁰ С дейін төмендейді. Жыл бойына желдің бағыты Оңтүстік- Батыстан соғып тұрады. Кен орын ауыз сумен Амудариядан тартылған Мақат, Сарғамыс арқылы өтетін су құбырынан алынады. Ал бұрғылауға су Альб горизонт қабаттарынан алынады. Тоқ көзімен қоректендіру Атырау қаласынан тартылады. Керекті құралдармен жабдықтау жақын орналасқан Құлсары және Бейнеу поселкелерінен тасымалданады.

1. 2 Ауданның геология-геофизикалық зерттеу тарихы

Прорва кен орынның геологиялық құрылыс зерттеулері берігеректе басталды, себебі бұл алаң ертеректе Каспий теңіз су астында орналасқан. Алғашқы геолого-геофизикалық зерттеулер 1932-36 жылдары өткізілген. 1954-жылдан бастап “” конторасы Прорва ауданында әртүрлі жұмыстар жасады, соның ішінде гравитациялық алаңды қарастыру. Прорва ауданының картадағы изоаномаль масштабы 1:200 000.

Құрылымдық картада горизонт бойынша Прорвалық төбе: Шығыс және Батыс болып екіге бөлінеді. Соның ішіндегі біреуі кейінірек Орталық Прорваға өзгертілген, себебі бұрын Батыс Прорвасы деп аталған.

№ 5-і және 4-і ұңғымаларды бұрғылағанда сейсмологиялық материалдар бойынша Прорва құрылымы сәйкес келмейтіні байқалды. Сол себептен 1960-61 жылдары “” конторасы қосымша сейсмикалық профиль және картаны қайта құрастырды. Масштабы 1: 50 000. Жаңадан мәліметтер алынып сол мәліметтер бойынша Батыста жаңа төбелер байқалды. 1975-77 жылдары триас шөгінділерінің мұнай -газдылығын байқау үшін осы ұңғымалар бұрғыланды, №64, 65 және 78. № 68 ұңғымада мұнай кеніші триас қабатының Шығыс алаңында байқалды. Тектоникалық блоктар бойынша ұңғымалар келесі бөліктерге бөлінген: Батыс алаңында 4 ұңғыма, Оңтүстік алаңында- 41 ұңғыма. 57 барлама және іздеу ұңғымаларында және 15 бұрғыланып жатқан ұңғымалардан керн алынған.

1. 3 Стратиграфия

Қалыңдығы 4991 м тілікте пермь, триас, юра, бор, төрттік палеоген Шығыс және Орталық Прорвада барлау және пайдалану ұңғымаларын қазу кезінде палеозой-мезакайназой қабаттары ашылған. Ашылған қабаттары көрсетілген.

Жұмыс уақтында 1/ 13 ұңғымалар аралығында триас қабатын ашып отырған, пермдік шөгінділер сипатталған. Осы уақыттарда бұл шөгінділерді 21 ұңғыма көмегімен ашқан. Қазылған ұңғымалар көбеюімен байланысты ауданның, кен орынның стратиграфиялық және литологиялық сипаттамаларын палеогеннен кунгур қабатына дейін тілмені толық анықтауға болады.

1. Палеозойлық тоб РZ

2. Пермдік жүйе Р

3. Төменгі бөлім Р ₁

4. Кунгурлық қабат Р ₁ , к

Кунгурлық қабат шөгінділері 6 ұңғымада ашылған (56, 63, 66, 78, 81, 308) . Жоғарғы бөлігінде көрсетілген шөгінділер кепронон (гипс, ангидрит), ал төменгі бөлігінде кристалды тұз. Кунгур қабатының қалыңдығы 1641м.

1. Мезазойлық топ МZ

2. Триастық топ Т.

Триас қабаты пермдік шөгінділерге жатады. Жұмысқа сәйкес триас шөгінділері жоғарғы және төменгі бөлімдермен көрсетілген. Орта триастық шөгінділер берілген ауданда көрсетілмеген. Сонымен қатар төменгі триас веллужды және баскунчоктық топтардан тұрады. Литологиялық қатынас бойынша веллуждық топ екі қалыңдық арқылы көрсетілген (төменнен- жоғары) - құмтасты конгломерат және құмтасты- сазбалшық. Баскунчок тобы көбінесе сазбалшық, балшық жыныстармен көрсетілген. Жоғарғы триас үшін кен орында үш литологиялық қабаттар кіреді: (төменнен-жоғары) . Құмтас-алевролитті, сазбалшық- алевролитті, құмтас-сазбалшықты. Үлгілер осы ұңғымалардан алынған 68, 66, 63, 77, 65, 64, 21, 13. Спорлар құрамында: Anritilina, Irian coracporetes, Diptarical, Peturotriletes tubezen latasem және т. б.

Ұңғымалар бойынша триастық шөгінділердің қалыңдығы 373 метрден 487 метрге дейін.

Пермотриас жүйесі РТ

Пермотриас жүйе шөгінділеріне құмдар, конгломераттар, алевролиттер, құмтастар және сазбалшықтарынан құралған. Бұл шөгіндінің қалыңдығы 420м.

Құмдар- сұрлы, әртүрлі дәнді, саз аралас болып жайласқан; конгломераттар- әктіемес, қатты, сұрлы; алевролиттер - сұрлы, тығыз, чешуйчатты, ұнтақ тәрізді пиритті болып келеді; құмтастар - сұрлы, ақшыл-сұрлы, жұқа-майда-орташа дәнтәрізді; саздар - қара, ақшылқызыл, сұрлы, сұр-жасылды, тығыз болып жайласқан.

Юра жүйесі I

Юра жүйесі шөгінділері, барлық бұрғыланған ұңғымаларда жоғарғы, ортаңғы және төменгі бөлімдермен көрсетілген.

Төменгі бөлім I1

Төменгі Юра бойынша бөлінбеген шөгінділер көбінесе әлсіз цементтелген құмтастармен және жиі алевролитті жыныспен, алевролит, сазбалшықпен пермотриас комплекс бетіне орнықсыз жатады.

Юра шөгіндісі негізінде құмтастар, құмдар, алевролиттер және сазбалшықтарынан құралған. Төменгі юра шөгіндісінің қалыңдығы 30м-ден тұрады.

Құмтастың түсі сұрлы, жасылды, орташа түйіршікті алевролитпен қабатталған; құмдардың түсі сұрлы, ақшыл-сұрлы, ұнтақ-әртүрлі түйіршікті; алевролиттер құммен, саздақ және құмтаспен қабатталған; саздардың түсі сұрлы, тығыз, алевролитті болып жайласқан.

Ортаңғы бөлім I2

Ортаңғы Юра бөлімі алевролитті, құмтасты, сазбалшық шөгінділер қосылыстар литологиясы көрсетілген: алевролиттер - сұрлы, қара-сұрлы, әкті емес, көмірқышқыл иісті, көмірмен қабатталған; құмтастар - ақшыл-сұрлы болып жайласқан. Ортаңғы Юра жабуы төменгі келловейстік алшақтайды. Ортаңғы Юралық шөгінділер қалыңдығы № 355 ұңғымасының Шығыс ауданында 400 м-ге дейін өзгереді, ал № 13 ұңғымада 598 метрге дейін өзгереді. Ортаңғы Юраның Шығыс алаңындағы қалыңдығы № 1 ұңғыма ауданында 544 м-ге тең болады.

Жоғарғы бөлім I ₃

Жоғарғы бөлім құрамында Юралық жүйе бойынша келловейлік, оксфордский, волждық қабаттары көрсетілген.

Келловейлік ярус I ₃

Бұл қабатта құмтастар, алевролиттер, аргелиттер жайласқан. Құмтастар әртүрлі түсті: алевролиттер - сұрлы, жасыл, саздақ: аргелиттер- қара-сұрлы, құмтасты, әкті емес. Орналасу қалыңдығы 170 метрді құрайды.

Оксфордтық ярус I ₃ ox

Бұл яруста аргелиттер, құмтастар, саз және алевролиттер жайласқан. Орналасу қалыңдығы 30 метрді құрайды. Аргелиттің түсі сұрлы; құмтастардың түсі сұрлы, әртүсті; саздардың түсі сұрлы, құмтас, алевролиттер және аргелиттермен қабаттасқан; алевролиттер- қара-сұрлы, қара-ашық қызыл.

Волждық ярус I ₃ v

Бұл қабатта мергелдер, саздар жайласқан. Орналасу қалыңдығы 250 метрді құрайды. Мергелдің түсі жасыл- сұрлы, саздақ болып кездеседі; саздардың түсі жасыл-сұрлы.

Бор жүйесі К

Бор жүйесі геологиялық көрсеткіштері бойынша төменгі және жоғарғы бор жүйесіндегі бөлімдерімен ерекшеленеді. Төменгі бор шөгіндісіне валанжиндік, апттық, альбтық ярустарымен құралған. Ал жоғарғы бор шөгіндісі сеноман+ турон ярусымен құралған.

Төменгі бор К ₁ v

Юра жыныстары қабаттың әр жерінде, яғни үстінде шашылған валанжиндік ярусы жатыр. Бұл яруста саздар, мергелдер, құмтастардан құралған. Мұнда саздар жасыл-сұрлы, құмтасаралас болып жайласқан; мергелдің түсі сұрлы, Құмтаспен сазбалшықпен қабатталған: құмтастар-жасыл-сұрлы, ұнтақ дән тәрізді.

Апт ярусы К1 а

Апт ярусы саздан, құмтастан тұрады. Саздың түсі қара-сұрлы, қара, О. Р. О. қабатталған; құмтастың түсі жасыл-сұрлы, ұнтақ дән тәрізді.

Альб ярусы К ₁ аl

Бұл яруста құм және сазбалшық жайласқан. Құмның түсі сұрлы, ақшыл-жасыл-сұрлы сазбалшықпен қабатталған; сазбалшықтың түсі қара- сұрлы, қара, қалың құммен, құмтаспен қабатталған.

Жоғарғы бор К ₂ sm+t

Сеноман+турон ярусы мергел, құм, бор және саздардан құралған. Мергелдің түсі жасыл-сұрлы, бор және сазбалшықпен қабатталған; құмның түсі қара-сұрлы; бор- ақшыл; сазбалшықтың түсі қара-сұрлы; құм және құмтаспен қабатталған.

Палеоген жүйесі Р

Палеоген шөгіндісі сеноман+турон ярусының үстінде сазды жыныстарында жатыр. Палеоген жүйесі әктастан, мергелден, сазбалшықтардан тұрады.

Бұл аралықта әк тастардың түсі аспанкөк-ақшыл болып жайласқан: мергелдердің түсі қызыл-кірпішті, жасыл-сұрлы, саздақ болып жайласқан: сазбалшықтар- әкті, жұқа қабыршақты сидиритті және пиритті болып жайласқан.

Төрттік жүйе Q

Төрттік шөгінді біртекті жыныстар жиынтығынан құралған. Олар негізінен құмдақтардан, қара-сұрлы, сазды болып жайласқан және сазбалшықтар- жасылды және қоңыр-сұрлы құмтастардан тұрады.

1. 4 Тектоника

Орталық және Шығыс Прорва кен орны Оңтүстік- Ембі төбесінің переклималдық бөлігінің Оңтүстік- Батысында орналасқан. Орталық және Шығыс Прорва брахиантиклиналдық жәйілім түрімен сипатталады. Шығыс төбесі өте үлкен № 307 ұңғыма ауданында Оңтүстік қанатының Солтүстік- Шығыс учаскесі құрылымдық ұшымен көрсетілген, Солтүстік, Солтүстік- Шығысқа созылған, Орталық - Прорва төбесі брахиантиклиналдық. Оңтүстік-Батыс жәйілім арқылы көрсетілген. Көтерілу құрылысы құрылымдық картада көрсетілген, даттық, келловейдік қабат табаны бойынша және геологиялық профильдермен. Табан бойынша валанжин қабат құрылым изогипсі- 1990 м және осындай өлшемдері бар 15, 5х4, 75 км, тәртіп амплитудасы 70 метр.

Қанатының құлау бұрышы 2 ⁰ -тан аспайды. Табан бойынша төменгі келловейстік шөгінділердің жабық изогипстің құрылым өлшемдері: 2400м 16х3, 75 км, амплитуда 90м. Құрылым өлшемдері тереңдік бойынша өзгермейді. Амплитуда валанжин бойынша өзгермейді. Амплитуда валанжин бойынша 70м-ге дейін көбейеді, ал төменгі келловей табаны бойынша 20 метрге дейін. Орталық және Шығыс Прорва құрылымы тұзды ядро қабатына жатады. Тұзды қабат тереңдігі 3289 метрге тең.

1. 5 Мұнай - газдылығы және оның перспективасы

Орталық- Шығыс Прорва кен орны 1960 жылдан тамыз айында ашылған. Ұңғыма ішінен 2262-2265 м. аралықта тесу арқылы мұнай фонтаны атқылаған. Дебиті 83, 0 м куб/тәулік 5 мм штуцер арқылы 1961-64 жылдар арасында жоғарғы- келловейск қабатында мұнай - газдылық өнімділігі байқалды. 01. 01. 86 жылғы мәліметтер бойынша мұнай - газдылық өнеркәсібі

Юра тілмесінің I2 қабатында және пермотриастық шөгінділерінде РТ қабатында мұнай- газдылығы белгіленген.

56 және 308 ұңғымаларды сынағанда алынған мәліметтер бойынша мұнай- газдылық кеніштері орнатылған. 56 ұңғымада газ дебиті 58, 4 мың метр куб/тәул, ал 308 ұңғымадан мұнай мен газ мына аралықтан алынған 3242-3249, 3253-3258м. Мұнай дебиті 12, 0 м куб/тәул. Газдың 58, 56 мың м куб/тәул. Газды алаңы 2118 мың м кв, мұнайлығы 2, 387 мың м кв. Орталық және Шығыс Прорва кен орнында 12 кеніш барлаудан өтті, соның ішінде 4 газды, 4 мұнайлы, 4 мұнай-газды. Барлық тектоникалық кеніштер тұрақты орнатылған. Мұнай

және газ кеніштерімен басқада бұл кен орында қабат-коллекторлары бар.

Сынау кезінде мұнай және газ ағымдары кездесті.

Орталық Шығыс кен орында мұнай қабатының құрамын анықтау 3 пермотриасты қабаттарда сынау жұмыстары арқылы жүргізілген. Көбінесе мұнай қаныққан қабат, ол пермотриас қабаты. Тығыздығы 0, 80042 г/см куб, тұтқырлығы 2, 88 МПа.

1988 жылы №355, 370, 372 ұңғымалары бұрғылануға берілген. Бұл ұңғымалардан ортаңғы юра және пермотриас шөгіндісінен мұнай шыққан. Ұңғыманың тереңдігі 3300 метр. Коллектор түрі терриге, шығу дебиті ортаңғы юра шөгіндісінде тереңдігі 2684-2790метр аралығында мұнайдың бар екендігі байқалды, дебиті 52 м куб/тәул. тығыздығы 0, 62-0, 87г/см куб, ал пермотриас шөгіндісінде өнімді қабатының тереңдігі 20-70метрді құрайды. Дебиті 26-52 м куб/ тәул. тығыздығы 0, 63-0, 90 г/см куб. Бұл өнімді қабаттарда күкіртпен парафині аз. Тұнығу температурасы -15 С +66 С қайнайды. Жоғарғы юра шөгіндісінде газдың шығуы байқалды. Орналасу тереңдігі 2230-2400 метр, ал шығу дебиті 2601 м куб/тәул. күкіртқышқылды газ көлем бойынша 0, 87%-ті құрайды.

1. 6 Сулылығы

Орталық Шығыс Прорва кен орны қуатты сулы жүйе болып саналады. Кен орынның жер асты сулары пермотриас, юра, бор және палеоген, төрттік тастарымен байланысты. Жалпы Каспий ойпатындағы Прорва кен орны Солтүстік - Шығыстан, Оңтүстік - Батысқа қарай суға қаныққан. Осы бағыттағы аймақтың жер асты суларының жылжуы басталады. Сулы аудандар Оралдың Оңтүстік таулы жағы және Мүгеджар (Солтүстік және Шығыс) . Осы аудандағы сулы қабаттар бір-бірімен байланыс жүйесін құрайды. Тереңдігі бойынша гидравликалық байланыс төмендейді.

Мұнай және газ кеніштерімен байланысты осы бөлімде төменгі бор, жоғарғы бор және төрттік шөгінділердің гидрогеологиялық мәліметтер келтірілген. Ұңғыманың Оңтүстік қанатында статистикалық деңгей алғашқыда көтерілген, ал 1967 жылдан бастап төмендей бастаған. Кен орын бойынша альб шөгінділерінің 13 судың сынамасы алынып және 1970 жылға дейін талдау жасаған. Кейінірек талдау жасалғандар, олар: жоғарғы юра шөгінділері және төртік шөгінділер.

Гидрохимиялық көрсеткіштер жағынан тереңдігі 850-1000м аралықта альб қабатындағы қабат сулары хлоркальцилі болып табылады. Жалпы минерализациясы 4423 мг-экв/л. Сынама жүргізгенде көбінесе кальций, магний және хлор концентраты көп. Қабат суларының тығыздығы 1, 09 г/см куб, шығу дебиті 216 м ³ /тәул.

Жоғарғы бор, тереңдігі 790-815м аралықта сеноман+турон ярусында қабат сулары хлоркальцилі, минерализациясы 4306 мг-экв/л, бұл аралықтада көбінесе хлор, магний, кальций концентраты көп, қабат суларының тығыздығы 1, 09 г/см3, шығу дебиті 148 м3/тәул.

Төрттік шөгіндісінде тереңдігі 165-180 м аралығында қабат сулары хлормагнилі, минерализациясы 2654 мг-экв/л, бул аралықта сынама жүргізгенде хлор, күкіртсутек, натрии+кальий, магний концентраты көп, қабат суларының тығызды 1, 05г/см ³ , шығу дебиті 80 м ³ /тәул. Бұл қабат суларды ауыз суы ретінде пайдалануға болмайды.

1. 7 Ұңғыманы қазу кезінде кездесетін қауіпті аймақтар мен қиындықтар

Ұңғыманы өткізу кезінде ұңғымаларда кейбір аймақтар мен аралықтарында литологиялық ерекшеліктері мен ашылған қабаттардың физикалық қасиеттерімен, сонымен бірге бұрғылау құбырларының ұсталып немесе қысылып қалу кездерінде, сұйықтың ұсталып және қысылып қалу кездерінде, сұйықтың қабатқа жұтылуы сияқты қиындықтар болуы мүмкін.

165-180м аралығында төрттік шөгінділерінен судың білінуі байқалады, ал жоғарғы юра шөгіндісінде, келловей ярусында 2230-2400м аралығында газдың шығуы мүмкін, сонымен қатар ортаңғы юра және пермотриас шөгіндісінде 2684-3250м аралығында мұнайдың білінуі байқалады.

1. 8. Перспективалы қабаттарды ашу және сынау

1. 8. 1 Қабаттарды сынаудың тәсілдері мен аралықтары

Орталық - Шығыс Прорва кен орнында Юралық және Пермотриас өнімді қабатты сынау 1960 жылдың тамыз айыннан басталды.

Геолого - геофизикалық мәліметтеріне қарай обьектілерде қабаттарды сынау басталды.

Ұңғымаларды сынау мынадай мақсатпен өткізілді: газдан, мұнайдың білінуінің, қабатта қанша кеніш бар екендігін, олардың өлшемін, әрбір қабаттардың өнім беруін анықтау болды. Тізбекте бөлгіш цементтік көпірлерді қондыру арқылы “жоғарыдан төменге” тәсіл бойынша сынау жүргізу. Қабатты сынау ашу көбінесе кумулятивті перфораторлар арқылы жүргізілді. ПК - 103, ПК - 105, ПКО - 89, кейбір ұңғымаларда КПРУ - 65, ЗПКС - 80, ПКО - 85.

... жалғасы

Сіз бұл жұмысты біздің қосымшамыз арқылы толығымен тегін көре аласыз.